ناِدرة الأوصاف وفي حلاها مُحال ومِن حُسنها يغار البدر

البارت السادس والعشرون

البارت السادس والعشرون

انطلقو المخيمات من بعد الساعه ٦ عشان يجهزونها وعلى ما يذبحون الذبيحه ويسوون الفطور........

بعد مايقارب الساعتين وصلوو للمخيمات نزلو نجد وعقاب تمدد عقاب بتعب من طول الخط

اتسعت ابتسامت نجد من المحت الاسطبل حقهم ورا المخيمات مره قريبه
استغرب عقاب من شاف نجد تركض نحو الاسطبل عرف انها اشتاقت لخيلها الادهم وشلون ماتشتاق له وهي لها شهر ونص ماشافته وهي متعوده انها كل يوم تشوفه

مشا ورها وهو يشوفها تلف له سألته؛ في احد من العمال؟
لف وشاف ان العامل بغرفته وقال؛ لا
دخلت الاسطبل وفكت نقابها وقالت؛ يالادهم تعال وجدد روحي بردتك
كان عقاب مبتسم وراح يطلع خيله اسمه نجم
ابتسمت نجد وبقوه من شافت الادهم يصهل وبقوه ويوقف على خلفيته تعبير لشوقه لها
تقدمت نجد وهي تضمه مع عنقه وتمسح عليه قالت؛ اه من الشوق صدق اه منه والله لو اجلس سنين وبنين اني مارح اقدر اوفيك بالشوق!
باسته قريب من عيونه وبعدت عنه ودخلته غرفته الي بالاسطبل لانه مافي وقت لاشوقها له ابدا استغربت من اختفز عقاب المفاجأ
طلعت من الاسطبل وهي تدور عقاب
نادته بصوت عالي؛ عقاب وين رحت؟!
التفت بقوه من سمعت صهيل خيل عالي ومخيف
ضحك عقاب من ملامح وجهها الي تبين له انهارخافت من صوت صهيل نجم
ضربت رجلها بالارض وقالت بقهر؛ ياورع قلبي بغا يوقف من خيلك
قال عقاب؛ افا صرت انا الورع الحين؟!
قالت نجد؛ لا اعوذ بالله انا الورع الحين اقول لك وش اسمه مره شكله حلوو
ابتسم عقاب وقال وهو ينزل؛ اسم نجم
قالت نجد؛ الله حبيت الاسم مرهه
قال عقاب وهو يرجع نجم لامكانه؛ يالله امشي خلينا نخلص بدري
دخل عقاب نجم لغرفته الي جنب الادهم وطلعو للخيام عشان يخلصون قبل الناس.....

بديار نجد
عند ياسر كان جالس يتروش عشان يطلع لرياض طالع معهم للمخيمات
طلع من الحمام والمنشفه حول رقبته
استغرب من سمع صوت الباب جالس ينفتح وقف شعر راسه من شاف فارس حس الدنيا تدور فيه.......
شهق ياسر من استوعب ان اخوه وسنده قدام تقدم بخطوات متردده قرب منه وضمه بقوه انهمرت دموعه غصباً عنه لشوقه لاحد يسنده لاحد يقعد معه ماكان متحمل فراق اهله

ابتسم فارس بكسر وقال وهو يمسح دموعه؛ وش صاير بالدنيا يالياسر وين راحو الناس؟!
ازدادت شهقات ياسر وقال فارس وهو يمسح على ظهره؛ لاتنسى نجد لحالها وقلبها رهيف
هدى ياسر من شهقاته وقال؛ والله ماعاد تروح من بين يديني الا اذا جا الموت جعله ياخذني معك غيره ما ابي
ابتسم فارس وقال؛ تعال تعال اجلس وعلمني وش صار بنجد وعقاب وغمز له وقال ونوره؟
ضحك ياسر وقال؛ ايه نجد الحمدلله ماعليها قصور وعقاب مو مقصر معها ابدا وطلق اسماء اما نوره
كمل بحزن انا متأسف لك يا اخوي بس جاوها خطاب وخطبوها وافقت عليه
فتح عيونه بوسع وقال؛ ابو محمد صدز ياولد انت صادق؟!
ماقدر ياسر يكتم ضحكته وضحك بأعلى صوته ابتسم فارس بخفه وقال؛ كل زق قلبي بغا يوقف من مزحك الخبل