ناِدرة الأوصاف وفي حلاها مُحال ومِن حُسنها يغار البدر

البارت السابع والعشرون

البارت السابع والعشرون

اخر اليل
كانو كل عيال وبنات آل قاضي مجتمعين مع بعض البنات بحجابهم

قالت نجد؛ يالله اسمعو عندي لكم الحين فعليه فعاله جدا رهيبه
قال سعود؛ الله جوي واجواي
قالت نوره؛ يالله ابدي
قالت نجد وهي ترج الصحن؛ ترا خليت صديقتي هي الي تكتب الاسأله
قال ياسر؛ ابدي من عند عقاب الى صقر
هزت راسها ب اي وقالت؛ يالله يالمعاقب اسحب من الصحن ورقه
كل الي بالجلسه طاحو يضحكون من تعابير وجه عقاب من نطقت اسمه
سحب ورقه وقال لنجد بهمس؛ الاسم قلنا بيننا مو عند كل الناس!
ابتسمت نجد بخفه واخذت الورقه من عقاب قالت وهي تقرأ السؤال؛ يالله السؤال يقول هل انت الحين نفس ما انت بالماضي؟!
هز راسه ب اي وقالت؛ تمام يالله عبدالله

سحب عبدالله سؤال واخذته نجد وسألته؛ السؤال يقول عمرك سويت شي وندمت انك سويته ؟
هز راسه ب لا وقال؛ نو ابدا
قالت نجد؛ يالله فاروسي
ابتسم فارس وقال؛ يالله يابعدي
قالت نجد بأبتسامه : السؤال يقول تتمنى تدمر حياة شخص اذاك او اذا اهلك؟
هز راسه ب اي وقال؛. اذا اهلي مو بس ادمره الا العن خيره
والي بعد فارس كانت اسماء
مدت الصحن نجد بدون نفس وقالت؛. يالله
اخذت اسماء ورقه وقالت؛ امسكي اقريها
ابتسمت انهار وقالت؛ مدرسه وماتعرفين تقرين؟!
لفت لها نجد وغمزت لها وقالت؛ السؤال يقول اختاري شخص من الجلسه واسأليه اي سؤال
قالت اسماء وقالت؛ امم اختارك انتي
رفعت نجد حواجبها بأستغراب وقالت؛. يالله وش السؤال؟
قالت اسماء بنذاله؛ اشتقتي لاناس ميته تحت التراب

رفع عقاب وجهه يناظر نجد وقالت نجد بثقه لاجل تعمي عين اسماء وقالت؛. اي اشتقت لا اهلي اشتقت لا امي وابوي وخواتي لان عندي احساس لاني اشتاق مو انساهم وانكر معروفه علي وجميلهم
سكتت اسماء بقهر وجلست همس لها قاسم وقال؛ تستاهلين الي يجيك منها والله
قالت اسماء؛ مالك دخل انت
بدو بالالعاب والوناسه وسعت الصدر والجلسه الي ما فيها نفس ثقيله

قال عبدالله؛ الحين الاجوا هاذي ما يبي لها الا شيله والا اغنيه
قالت نجد؛ وانا افضل انها اغنيه 
قالو كلهم بنفس اللحظه ذي الاغنيه لانهم كلهم يحبونها مرهه :

انا حبيبي بسمته تخجل الضي
يكسف سنا بدر الدجى من جبينه
هاذا حبيبي
راعي العيون الناعسه رمشها في
لاسلهمت ذاب الهوى من حنينه
هاذا حبيبي

قال عقاب وهو يشوف نجد تجلس جنبه؛ هاذا حبيبي
لفت له نجد وقالت بهمس؛ انا افتك من السعالوات  تجي انت!؟
ضحك عقاب من عرف ان البنات ورا قومت نجد من مكانها
طالعت انهار لنجد وقالت؛ اي ليه رحتي جنب رجلتس
قالت نجد؛ قلتيها رجلي
عضت نوره شايفها بقهر وقالت؛ كلبه غداره
قالت نجد وهي تقهرها؛ ياحبيبتي انتي الكلب على الاقل وفي
ضحكو كل من كان بالجلسة
قالت وديان؛ سري امها بس انتي ماتنعطين وجه