البارت العشرين
سو لكم شاهي واجلسو اقرو لا البارت مو مره طويل ياحبايبي بس ان شاءالله راح اعوضكم بالوكيند 💗
طلعت جوالها من شنطتها وصورت الجدار وكل الذكريات الي تربطها بهاذا المكان!
لفت لعقاب وقالت : يالله دخلنا البيت
دخل عقاب البيت وهاذي اول مره يدخل البيت الداخلي دخلت نجد وقالت : بسم الله السلام عليكم ورحمة الله وبركاته
فصخت عبايتها ودخلت غرفتها ماكان ودها ابدا تدخلها ماتبي تتذكر خواتها
دخلت غرفتها كان عقاب وراها ماتدري ليه داهمها شعور سيئ جدا من شافت سرير فخر جنب سريرها كانت فخر تخاف تنام لاحالها فالتجي جنب نجد وتنام معها فحضنها.......
لفت نجد لعقاب وقالت بهدو : ادري انك ماقصرت بحقي ضربتني اهنتني عذبتني بكل ما املك حتى شرفي شككت به وصدقت كلام عمتك الجميله اسمع ياعقاب انا بطلبك طلب وطالبتك لاتردني
تكا عقاب ظهره على الجدار وقال : انتي اعترفي بالسانتس انتس مو شريفه ومو طاهره صح ولا مو صح؟!
قالت نجد : اي قلت لك عشان ما تذبحني انا قلت لك وابرجع اقول لك انا اشرف من نساء العالم كله وربي شاهد علي اني طاهره وشريفه، انا ابيك تطلقني!!
تعدل عقاب بصدمه من كلام نجد قال عقاب وصدمه والذهول بوجهه : نجد انتي سامعه وش قاعده تقولين؟!
هزت راسها ب اي وهي متوتره من تذكرت ما عندها احد زفر عقاب بغضب وقال : نفس ما تبين لكن مو الحين بعدين لين ما لفارس وياسر يطلعون ولكل حادث حديث.....
لفت نجد لدرج من داهمتها الدموع انتبه عقاب لنجد وعرف انها لفت عن وجهه عشان مايشوف دموعها
تنهد عقاب وطلع تارك نجد لاحالها بالبيت طلع مايدري وين يروح..
اتصل على ذياب لان ماله مهرب بعد فارس الا ذياب
رد ذياب وقال : هلا والله
ابتسم عقاب بهدو وقال : ياهلابك والله يارفيقي الضيقه فيني الف و ولا أدري وين اروح
انقهر ذياب على خويه من شاف المقاطع الي جالسه توصله من ايميل غير معروف....
عن الحادث وعن صوت السيف وهو يضحك بشّر ماكانو يعرفون ان السيف يبغى يرسل المقاطع لنجد لاجل يستفزها او عشان يقهرها
قال ذياب : انت الحين وينك؟!
قال عقاب وهو جالس على طرف حوض الونيت وبيده دخان : والله اني عند نجد
طارت نية ذياب ضحك بصدمه وقال : ياولد اثقل اثقل ترا الثقل زين
قال عقاب من عرف ان ذياب طارت نيته : على زق اقصد بديار نجد انت نيتك وصخه قليل أدب
قال ذياب : ادري والله اقول ترا في ملفات اليوم جت ونحتاج توقيعك اذا يمديك تعال بكره ونخلص كل شي و في اشياء لازم تجي انت بنفسك تجي تشوفها
استغرب عقاب وقال؛ وش الشي المهم الي لازم اكون بكره اجي؟
أنت تقرأ
ناِدرة الأوصاف وفي حلاها مُحال ومِن حُسنها يغار البدر
Poésieتخوض بطلاتنا نجد حرب الكراهية لولد عمها عقاب الي اشد مايقال عنه شديد الياس ويكره العناد وبطلتنا عنيده....
