ناِدرة الأوصاف وفي حلاها مُحال ومِن حُسنها يغار البدر

البارت التاسع والثلاثون

البارت التاسع والثلاثون

شدت نجد بيدها على يد عقاب وطلع لها مقطع وهي تبكي جالسه على السرير
وبعدين كانت تتكلم وتقول؛

ادري انك الحين على حدود الرياض وادري انك ما تعرف شي وادري واثق ثقه كامله انك تحبني صح ماكنت اقدر اقول لك انك انت حب الطفولة ابدا ولا اقدر اكذب عليك اني كنت من معجبينك بس الحين ابي اقول لك شي

توقف الفيد وبدت تطلع لهم صور وهم صغار كانت نجد صغيره لابسه فستان احمر وطوق ابيض وكانت جالسه على فخذ ابوها والفخذ الثانيه عقاب مجلسينه غصب عشان يتصور صوره حلوه للعيد

بعدين طلع مقطع كانت نجد تصور عقاب من ورا باب المطبخ ضحك عقاب وقال وهو يشد نجد؛ كنتي سايكو وربي
ضحكت نجد
وطلع اخر شي كانت اغنيه؛

بينى و بينك حاجة ماحصلتش في دنيتنا
قابلتنا الدنيا وجمعتنا
كنا اتنين وخلاص دلوقتي الحب تالتنا

مش بالعشرة لقينا الحب بيكبر بينا
دة الحب اساسنا وتكوينا
زي اتنين على وش الدنيا و دخلوا الجنة

التفت عقاب بعد مافهم كلمات الاغنيه وقال بصدمه؛ قولي والله سألتتس بالله
كانت نجد تضحك وتبكي بنفس الوقت هزت راسها ب اي وتقدم عقاب وضمها بقوه وهو تنزل دموعه من الفرحه

بعد عن نجد وسجد سجدة شكر لله على النعمه الي انعمه فيها......
كانت نجد تضحك وتبكي مو عارفه اوصف حلاوة الشعور ابدا......

عند فارس ونوره

كانت نوره بالغرفه وفارس بالحمام الله يكرمكم

قامت نوره من شافت فارس طالع من الحمام استغرب فارس وقال؛ بسم الله عليتس وش فيتس
قالت نوره؛ وتسأل بعد وينك عني انت الحين ها؟ بس جيتني الصباح وعيدة علي حتى دقايق ماجلست عندي اففف

ابتسم فارس وحطها تحت ذراعه ومشى فيها وقال؛ طيب احبتس واعشقتس واموت فيتس لو تبين الروح والقلب والله ما ابخل عليتس فيها وش بعد
قالت نوره؛ خلاص يكفي كذا
ضحك فارس وقال؛ النوم النوم يازين النوم
قالت نوره؛ اي والله يازين النوم

عند قاسم ومشاعل
دخلت مشاعل الغرفه بعد مانومت وتين بس بقى نادر عاد نادر كيف ينام وهو زعلان من مشاعل الي هي امه
قال قاسم؛. وش فيك يابوك انت!؟
قال نادر؛ ماما ماخلتني انام عند وتين
ضحك قاسم وقال؛. خلاص انت تنام عندنا اليوم انت وتين بس هاذا الي تبيه؟
هز راسه ب اي وقالت مشاعل؛ محد كبر راس نادر الا انت لاحول ولاقوة الابالله
ضحك قاسم واخذ نادر من غرفته وراحو لغرفتهم

عند انهار وعبدالله
كانت انهار جالسه تبدل وعبدالله بصاله جالس على جواله طلعت نوره وقالت؛ وراك جالس هنا تعال
قام وطش شماغه من على راسه وقال؛ يوهه بكره الغداء عند ابوي والعشاء عند عقاب
قالت انهار؛ يالله يالدنيا كيف كنا وكيف صرنا
قال عبدالله؛ اي والله