အပိုင်း ၃၆
“ငါတို့အားလုံး သေချာရိုက်ကူးထားတာဆိုတော့ မင်းတို့လုပ်တဲ့အိပ်ထမတင်က စံချိန်နှုန်းမီရမယ်၊ စံချိန်မမီတဲ့အရေအတွက်တွေကိုထည့်ပြီး ရေတွက်မှာမဟုတ်ဘူး၊ လာပါ ချောမောတဲ့ကောင်လေးတွေ အဆင်သင့်ပြင်လိုက်တော့ ၃ ၂ ၁ စ”
ဟော့ချန်းက ဦးဆောင်သည်။ သူက တိုက်ရိုက်ပင် ခပ်မြန်မြန် ဦးစွာလုပ်ပြီးသည်နှင့် စံချိန်မီအိပ်ထမတင်အနေအထားသို့ ပြန်ပြောင်းလိုက်သည်။ သူနှင့်မျက်နှာချင်းဆိုင်တွင် ထိုင်နေသည့် သွမ့်ရီဟွားကပင်ကြောင်သွားသည်။
ယန်ကျစ်နှင့်ဖေးရွှီတို့က ပို၍သေသပ်ကြသေးသည်။
ကျိုင်ရှင်းချန်၏နှုတ်ခမ်းပါးက ကော့တက်သွားသည်။ သူက လက်ကို လည်ပင်းအနောက်တွင် ထားလိုက်ပြီးနောက် အသက်အနည်းငယ်ရှူထုတ်ပြီးမှသာ ခေါင်းကိုမော့လိုက်သည်။ ဟူရင်းနှင့်အခြားသူများက ဝိုင်းကာရေတွက်ပေးကြသည်။ ထိုသို့ဖြင့် မတူညီသော အမျိုးသားလေးယောက်၏အသံက ရောယှက်နေသည်။
“၁ ၂ ၃ ၄ …”
မရေအတွက်များက များလာပြီးသိပ်မကြာခင် ဟူရင်းကို ကျော်လွန်သွားကာ ငါးဆယ်ကျော်အထိ ရောက်ရှိသွားသည်။
အိပ်ထမတင်က ခါးမှကြွက်သားအားအပေါ် မှီခိုထားရခြင်းဖြစ်သည်။ သာမန်လူများဆိုလျှင် ဆယ်ကြိမ်ကျော်ခန့်သာ လုပ်နိုင်ကြသည်။ ယခုလို မှတ်တမ်းတင်နေသော လောကမျိုးတွင် အလားတူလူမျိုးထောင်ပေါင်းများစွာရှိသည်။ ပို၍အရေးကြီးသည်မှာ ယခုလိုရုတ်တရက် PK လုပ်ရသောလူများအနေနှင့် ခါးအားကို ကောင်းကောင်းပြနိုင်မည်မဟုတ်ချေ။
အစပိုင်းတွင်တော်တော်များများ မြန်ဆန်နေခဲ့ကြသည်။ သို့သော် အချိန်ကြာလာသည်နှင့်အမျှ ကျောဘက်မှကြွက်သားက ကျိန်းစပ်လာပြီး အရှိန်က နှေးကျလာပေလိမ့်မည်။ ဟော့ချန်းက ခေါင်းလှည့်ပြီး ဘေးနားရှိယန်ကျစ်ကို ကြည့်လိုက်သည်။ ယန်ကျစ်က မျက်မှန်ချွတ်ထားသည်။ သူ၏မျက်ခုံးနှင့်မျက်ဝန်းက ထူးဆန်းနေပြီး စူးရှနေသည်။ သို့သော် သူ၏မျက်နှာက အနည်းငယ်နီလာသည်။ သို့သော် သူ၏အမူအရာကမူ ဆုံးဖြတ်ချက်ချထားသလိုမျိုးဖြစ်နေသည်။
သူက ဖေးရွှီကိုကြည့်လိုက်ပြန်သည်။ ဖေးရွှီက ပို၍တည်ငြိမ်သေးသည်။
YOU ARE READING
ဘာလို့ အဓိကဇာတ်ကောင်တွေက ငါ့ကို ဒီလို လာကြည့်နေတာလဲ
Romancefun translation not my own
