ဘာလို့ အဓိကဇာတ်ကောင်တွေက ငါ့ကို ဒီလို လာကြည့်နေတာလဲ

၇၆ ၇၇

အခု ရှင်းချန်က Gp1ပြီးခါနီးနား ရောက်ပြီဆိုတော့ gp1+2+3 တစ်ခါထဲ ဝင်ရင် kpay only 2500နဲ့ ရမယ်နော်
kpay-telegram 09444685541

အပိုင်း ၇၆

ရှင်းဟိုင်တီဗွီဌာနက စနေနေ့ကျတွင်ပထမပိုင်းကို စတင်ထုတ်လွှင့်ပြသမည် ဖြစ်သည်။ သည်တစ်ကြိမ်တွင် ပါးပါးကျိုင်နှင့်မားမားကျိုင်တို့က ကြည့်မိလိုက်ကြသည်။ အကြောင်းမူကား ဖေးရွှီနှင့်ဟော့ချန်းတို့က သူတို့၏အိမ်သို့လာလည်ခဲ့သောကြောင့် ပါဝင်သည့် ဧည့်သည်များ၏အကြောင်းအရာနှင့်ပတ်သက်ပြီး သူတို့က အလွန်အမင်း သိချင်သွားကြသည်။

မကြည့်မရင်တော့ ပြဿနာမရှိဘူး၊ ဒါပေမယ့် တစ်ချက်ကြည့်လိုက်မိရုံနဲ့ အို့ ဒီအခြေအနေက သူတို့ထင်ထားတာနဲ့ တော်တော်လေးကွာခြားနေတာပဲ။

ကျိုင်ရှင်းချန်နှင့်ဝမ်နော့တို့ကဲ့သို့ လူချောအပြင် လူနှစ်ယောက်က သည်အတိုင်း အရန်ပဲငံပြာရည်သာ ဖြစ်နေလိမ့်မည်ဟု မမျှော်လင့်ခဲ့ကြချေ။ သို့သော် သေချာကြည့်ပြီးနောက် ကျိုင်ရှင်းချန်၏အခန်းများက အနည်းငယ်ပိုများနေကြောင်း တွေ့လိုက်ရသည်။

သည်နေ့ တကယ့်လူအစစ်အမှန်ကို တွေ့လိုက်လို့လည်း ဖြစ်နိုင်ပါတယ်၊ ဒါပေမယ့် ကြည့်လေလေ ဟော့ချန်းကို သဘောကျလေလေပဲ။
သူက ပွင့်လင်းတယ်၊ သဘောထားကြီးတယ်၊ တောင့်တင်းသန်မာတယ်၊ တက်ကြွပြီး စိတ်ထားကောင်းသေးတယ်၊ ဒါမှမဟုတ် သူက ကိုယ်ကိုယ်တိုင်ကြိုးစားပြီး တစ်ဆင့်ချင်းစီတက်လှမ်းလာခဲ့တဲ့ သူဌေးတစ်ယောက်လည်းဖြစ်နေသေးတယ်၊ ဒါက ယောက္ခထီးတိုင်းလိုချင်ကြတဲ့ သားမက်ပုံစံမျိုးပဲ။

နောက်ပြီး ရှောင်ဖေးကတော့
“သူတို့ကတော်တော်လေး ယဉ်ကျေးတဲ့လူကောင်းလေးတွေပါ၊ ဘာလို့ ရှိုးပေါ်မှာ တအားရိုင်းနေတာလဲ၊ ဟန်ဆောင်ထားတာများလား”
မားမားကျိုင်က အလေးအနက်ထားကာပြောသည်။

“သူတို့လိုလူတွေပါဝင်တဲ့ရသစုံရှိုးတွေက သူတို့အတွက် သီးသန့်ကာရိုက်တာတွေ ဖန်တီးပေးထားတာဖြစ်မှာပေါ့”

သို့သော် မားမားကျိုင်က ဖေးရွှီကို အလွန်သဘောကျသည်။

သူမ ဝတ္ထုဖတ်ထားတာ များသွားလို့လည်းဖြစ်နိုင်တယ်၊ ဖေးရွှီကမှ ရိုမန့်ဝတ္ထုတွေထဲကပုံစံနဲ့ ကိုက်ညီတယ်လို့ခံစားရတယ်၊ သူက ချောတယ်၊ ဒါပေမယ့် စိတ်ကြီးတယ်၊ သူက ကျိုင်ရှင်းချန်နဲ့အဆင်ပြေနေတာပဲ၊ ကျိုင်ရှင်းချန်ကိုတောင် ကျောင်းကိုလိုက်ပို့ဖို့ လက်ဦးမှုရယူခဲ့သေးတယ်။