🔥لهيب الهوس 🔥( مكتملة)

part35

بسمة ناعمة
البارت 35: كان وااقف بعيد مرااقب كلشي مللي شافها قرباات لعند مريم مللي كانت مع داك السيد كان نااازل ونااوي على خلااها مي غير شافها رجعاات اللوور فهم لبلاان وكالما رااسوو... تما كاانت الدنياا عامرة والنااس بززاف.. مابغاش يخلقلها مشكيل وااخا دار كثر من جهدو بااش يصبر حيت كان موحشها بززاف...
.....
دوزو نهار زوين ورجعو للدار باش تجمع حواايجها ويشدو الطريق لا غدا ليه....سمعات بللي سمير ضربو شي حد فيدو وخرج بكفاالة ماتسوقااتش لييه ولا هو آخر همها... جمعات لحواايج وشدو الطريق غاديين وفالطريق عاوداتلهوم على لقاءها بتاج وعلى شنو وقع خلاتهوم غير مصدومين تغرمو بيه حتى قبل مايشوفوه....
.........
اول نهار ليها فالكلية كانت خارجة وماشية بوحدها لابسة ليبة بيضة وتجاكيط كحلة مع ميدي كخل وبروتكال كخل وشال فلبيض... جاات متيتزة... غادية فزنقة خاوية حتى خرجلها من واحد القنت خلعها رجعات اللور عينيه حومر وناوي على خزيت
هبة: ياك لبااس علااش تابعني حتى لهنا؟؟
سمير: كاع هاد الشي خرج منك يااك؟؟!! ماصدقتيش ساهلة مدخلااني للحبس وضارباني بموس...
هبة: تصاورك باقيين عندي وحتى عند صااحبتي ودابا مللي خرجتي دير فيك النفس وطلقني
سمير: هذاك الطلااق والله لا حلمتي بييه مااتزوجت بيك حتى شفت لعذاب وبغيتيني نطلقك؟؟ كانبغيك وماغاديش نفرط فيك...
بدا كايقرب بشوية وهي غير واقغة جمااد كاترعد حتى طااح للأرض شهقات كاتشوف فيه وطلعاات راسها كاتشووف فتااج وااقف مخنزر ومعصب ومكشكش خنزر فيها بطريقة خوفااتها ونزل عليه بالبوونية والكروشياات....
مابقاش كايشوف قدامو... الغيرة عماتليه عينييه.. هو ماعرفش شنو وقع بالضبط حدو شافهوم واقفين كايدوييو... حتى قال بللي تفارقو... حيت وصلاتو خبار بللي غايطالقو.. ودابا كايشوف العكس... جن حنونو.. حاس بللي كاتخونو... ياك هو حذرها... ياك بغااها.. غافل على كونو تهوس بيها فقط فأحلامو وهي ماعارفاش... لكن راه شرحلها كلشي بوضوح وبلا مقدماات.. واش مافهمااتوش ولا هضرتو ماحركاات فيها والوو.... طاح على سمير بالضرب والبوونية... وهي واقغة عند راسهوم.. كاتشوف فراجلها كايااكل فلعصاا... كاع ذكرياتها فزواجها دازو فعقلها... كاع شنو دوز عليها تفكراتو.. ابتاسمات وهي كاتشوفو كايتضرب قدامها.. بحاليلا الجروح للي كانو فقلبها كايبراو واحد ورا لااخوور... مايهمش إلى هاد الوسيم غاالط مي هاد الشي للي دار عجبها بززاف... طلعات عينيها كاتشووف فيه وتركز فملاامحو... حتى وهو معصب زوين وكايفتن... تفكرات الشوفة للي دار فيها مللي وصل عليهوم... دخلها الخووف... هذيك الشوفة بوحدها بينات بللي يقدر يقتلها فبلااصتها... شافت يمين وشمال... هما فبلااصة خااوية هي بااتت فدار عمتها... حيت كانت شادة مع صخاباتها فالحي... وجات شي وحدة طلباتهوم يخليوها تجلس معاهوم... ماكاتحملش الزحام... وبالصدفة عمتها اتاصلات باش تجي تشوفها حيت هي عزيزة عليها... ومشات بااتت عندها ومن تما غادية لاافااك...
تحركات من بلاصتها بلا مايردلها الباال زادت بخطوات سريعة حتى غبرات علييه وبداات كاتجري... ماعندهاش الوقت تشد طاكسي غير كااتجري... ولافااك بعييد دخلات مابين الزنااقي بااش تختااصر الطريق... صحاباتها كايتاصلو حيت تخلعو علييها...
اما هو ضرب فيه حتى برد جنونو... غاب على الوعي بسبااب غيرتو... هذيك حاجة ديالو كاتخصو... ولقاها فرصة بااش يخلص علاش تزوج بيها وتجرأ يقيصها... نااض كاينفض يديه وسمير سارد كللو دمايات فاقد الوعي شاف حداه ماكاينش حسها... خرج عينيه مخلووع تحرك متكي على الحييط حتى لتااقط عكازو من الأرض عكز علييه وزاد بسرعة كايقلب عليها... مخلليه تما إلى كتاب وداز شي حد ممكن يتنقد وتكون عندو فرصة يطلقها أما إلى ماات غاتسمى ارملة... ماعندوش مشكل هو... المهم تفك منو والسلاام...
ركب فالطومو ديالو كايتمشى بالشوية ويقلب فالطريق... اول حاجة جات فبالو هي غاتكون شدات طاكسي ومشات لافااك... تعصب حبت قدرات تهرب منو... يالله ديمارا غادي لعندها ناوي يجبدها من وسط المحاضرة حتى صوناالو التيلي... شاف النمرة وجاوب حدو حطو على وذنيه كايسمع
...........: السي تااج الخطة للي درنا لديك الخلية... جبنا معلومات بللي غاينفدو العملية فمدينة وجدة بصفتها مدينة بعيدة على الأعين وماكايتموش فيها عمليات من هاد النوع... وحنا مراقبينهوم من بعييد
تااج: ومن بعد؟؟!!
.........: فالحقيقة كايبانو خطيرين بززاف ومسلحين... رجالنا ماشي مشكيل يغامرو براسهوم... ولكن واحد البنت يالله باانت تما فالصدفة وخرجات فالديبو للي هما فيه مللي شافت داك الشي تصدمات حيت السلاح محطوط واضح ويقدرو يقتلوها فبلااصتها...
تنهد ونطق: عطيني العنوان بالضبط
ما إن نطق هذاك الشخص بالعنواان حتى تبدل الكولور فوجههو جاات فباالو هي... العنوان فنفس المنطقة للي هو فييه... وهذا الصبااح ماكاينش النااس بززاف... مابغاش يضيع الوقت كثر.. رجع اللوور دغيا وزاد لفين نعتولو كاين الدييبو