بسمة ناعمة
البارت 107: أشرف: معولة تخرجي بووحدك وااش من نيتك...؟؟
صغرات عينيها كاتلعب بخصلاات شعرها: حتى نتا كاتخرج بووحدك شنو الفرق...؟؟ ولا خيت أنا بنت...
أشرف: مااقصدتش هااد الشي.. ولكن نتي راك فبلااصة غريبة علييك... ماغات..
قاطعاتو: آه بغيتي تقول أنا غير هبيلة... وكانتصرف بلا عقل...
ياالله جا يهضر.. ماخلاتوش وكملات هضرتها: ماتخاافش أنا مااشي كيف كاتخاايل... آه عندك الحق.. أنا تصرفت بصبياانية وبطريقة غبية.. ولكن أسمحلي أسيدي رااه ماعنديش تجربة... ومافايتش ليا تزوجت... تصرفت هاكاك حيت تبعت شي نصاائح كانو غاالطين.. وهااد الشي ماكايسمحش ليك تهينني وتهين أنوتثي... وترجعني وحدة ماكاتسواش وماشي من مستواك...
أشرف بصدمة: أناا..م..
كوثر: غير سكت وبلا ماتحاول تبرر غلطتك... هههه... صافي سمعتيني الهدرة وبقيتي كاتخرج فالصبااح وكاتخلليني فالداار وكاترجع فنص النهار.. تخنزر فيا بلا ماتهضرني... وترجع تخرج حتى لليل.. تجيب الماكلة وترميهالي بحاال شي كلبة... وأنا مخنوقة هنا... ماحاولتيش تنصحني ولا تسول فيا.. ولا حتى تخرجني معااك... مابانلك تنوض توجد لفطوور وتجبد معايا الهدرة حتى شفتني تبدلت... ومابانلك تخااف عليا حتى شفتني خاارجة...
أشرف: ماتزيديش عليا الله يرحمليك الواليدين.. تعصبت وطلعلي الدم.. سمحيلي.. عارف رااسي غلطت.. كانعتااذر...
هزات التيلي من فووق الطبلة وشاافت فيه: مرفووض...
أشرف: شنوو...؟؟!!
كوثر: إعتذاارك مرفووض...
قبل مايستوعب كاانت خرجاات وزدحاات البااب... هز السواارت وخرج كاايجري من ورااها....
........
ضحى وهي كااتشوف فالجردة: نااري يااختي نتي عاايشة فالجنة الحنة... ههه.. الدخلة دياال الباب كااين تااج كبيير...زعما على سميتوو... شنو درتي حتى تلااقياي معااه...؟؟ ياربي عطيني بحاالو يااربي.. واخا موحال وااش كااين جوج
هبة: ههههه.... تااج غير وااحد أختي مامنووش جووج...
ضحى: ولاهيلا عندك الحق.. غير وااحد.. وهو دياال هبة... عنقااتها جنب: تستااهلي كل خيير أختي...
هبة: حتى نتي دابا تلاقاي بللي يستاهلك.. دابا قرااي راك باقة صغييرة..
ضحى: وااخا أماما ههه...
...وقفاات عليهوم خداامة مغربية حانية راسها للأرض: لالا الغداا وااجد
هبة: واخا غير سيري..
مشاات وضحى شاافت فيها: لاالا...؟؟!! ههه.. غرت أنا غرت...
داازت أياام... بعداات علييه فييهووم... حس برااسو مخنووق وهي ماكااينااش... عاادي حيت هي اﻷكسجيين بالنسبة لييه... تنهد بكل جهدو وهو وااقف فالباالكوون دياال بيتو.. هاز كااس دياال النبيد كاايشرب منوو ويعااود يخوي من القرعة... تحل البااب وماضاارش يشووف شكوون... غمض عينيه مستنشق ريحتها مللي عنقااتو من ظهرو... نطق بصووت مهموس: جيتي...؟؟!! جاوبااتو بابتساامة... الإبتساامة للي مافارقااتهاش من نهاار جاو عاائلتها: آه جييت... ضاارت لجهتو جاات مقااباة معااه وهي بااقية محاافظة على ابتساامتها: ماالك..؟؟ ماعجبتينيش...؟؟
شاف فيها حاط يدو فجيبو واليد لوخرى هاز بيها الكااس.. شرب منو: علااش ماعجبتكش...؟؟
صغرات عينيها كاتشووف فالكااس: شنو هذاا...؟
عااود شرب متو ونطق بلا مبالاة: هذا السم...
هبة: وعلااش كااتشربو...؟؟ شحاال من مرة هدرنا وقلتليك بعد من هااد الويل... علااش ماكاتسمعش..؟؟
ابتااسم جنب ونطق بهدوؤو المعتااد: حتى أنا شحاال من مرة هدرت وقلتليك بعدي من البشاار وعطيني وقتي.. علااش ماكاتسمعيش..؟؟
هبة باستغراب: أشمن بشاار؟؟ واش عائلتي...؟؟! تااج أنا عارفة راسي بعدت علييك... ولكن راه جاو على قبلي.. وماغايبقااوش ديما... كايبغيو يجلسو معايا باش يشبعو مني ونشبع منهوم.. وكاانخرج معاهوم حيت هما كايطلبوها مني... ياك كايكونو معانا الرجال دياالك... و
قاطعها: ماحاسدش وليديك.. ماباغيش نمنعك عليهووم... أنا مااشي ولد لحراام... ولكن ( دار يدو على قلبو كاايضرب فيه بعنف): هذا مابغااش يفهم... حلف ماايفهمش... كانقسمليك درت كثر من جهدي بااش نفهمو... ومابغااش... شنو بغيتيني ندير؟؟ نحاايدو من بلااصتو...؟؟ هممم...؟؟ شنو ندييير...؟؟
هبة: تااج تهدن...
حرك رااسو معصب وقلب الكااس لفمو حتى خوااه... ضربو مع اﻷرض حتى تهرس قفزها... وهز القرعة يالله غايقلبها لفمو خطفاتهالو من يدو... بعدات عليه بخطوات مخنزرة: هااد السم للي كااتشرب حتى أنا غانشااركو معااك...
يالله جاات تشرب حاايدهالها من يدها بعنف وزدحها مع اﻷرض: حمااقيتي ولاا ماالك...؟؟ مريضة فرااسك...؟؟ باغية تشربي هااد المرض؟؟
سرطات ريقها مخلوعة من ردة فعلو: ماا... ماشي مرض غير عليا أنا.... مادام نتا كاتشربو حتى أنا نشربو... (نزلات دمعة من عينيها): علاش معدب رااسك على حواايج تاافهة أتااج..؟؟ هادوك غير عائلتي...
وأي وحدة غايجيو لعندها عائلتها غاتعطيهوم وقت... ياك حتى نتا كااتجلس معاهوم وتهضر معااهوم... كانشوفك مرتااح فوسطهووم...
قااطعها منرفز: رااه ماقلتش لييك ماكانبغيش وليديك... قلتليك كاانتوحشك بززاف.. كتنبغيك ديما حدايا ومعاايا... حتى من الخدمة مابقيتش كانمشي بززاف... دييما خداام غير من الداار باش نشووفك حداايا... ماكانحملش نشووفك عااطية وقت لشي حد من غيري... وبلاا ماتحاولي تشرحيلي شي حااجة.. ولا ترجعيني غاالط.. حيت كيف قلتليك... ماااشي ذنبي... هو للي مابغااش يفهم... هو... قلبي للي تكومن.. ورجع مريض غير بييك...
كان بااقي كاايهضر مقهوور ومعصب... حااسة بيه كاايعااني... هااد الحب غاايجيب آخرتوو... والمشكلة لكبيرة ماحبسش حد تماا... بااقي زاايد... فين الله أعلم.. كل نهاار كاايتضاعف كثر من النهاار للي قبلو... فكل حركة ليها كاتخلليه يزيد يغرق فييها... مااكايحملش تحط يدها على غيرو ولا توجه كلامها لغيرو ولا تشوف فغيرو ولا تضحك مع غيرو ولا تهضر على غيرو... ولت يبقا فيها شي حد من غيرو.. ولا حتى تبغي شي حد غيرو ولا حتى تكره غيرو... هي كلها بمشااعرها وبأحاسيسها.. بحركااتها وبأفعالها... حيااتها ومووتها... كلهووم لييه... ليه هو بووحدو.. لتااج بووحدو... حتى حد ماايقدر يووصل لهااد الدرجة من الحب... هذا هو للي قالو علييه لهييب الهوس... كاايحرق فييه شوية بشوية... غمضاات عينيها حااسة بألمو حيت حتى هي وصلاات لنفس المرتبة... قرباات بخطواات ثقيلة لعندو... وبكل قوتها نقزاات وعنقااتو... خلااتو يسرط بقاايا الحرووف والكلماات... مغمض عينيه هو اﻵخر ومباادلها العنااق... خااشي وجهو فعنقها كاايحس بغضبو كللو تبخر بسبب ردة فعل بسيطة منهاا... تااج القوي والشجااع... للي ماكاتخوفو حتى حااجة وماكاتهمو حتى حااجة... فحبو ليها هي.. كاايرجع أضعف شخص على وجه اﻷرض
....
جلساات فووق الكرسي فوسط القهوة للي جات فجنب لبحر... لاابسة دجين ودجااكيط قصير مع سبرديلة بيضة.. وجامعة شعرها كوت شووفال... ابتااسماات للنادل للي وقف عليها كاايدوي معاها... ميلاات شفاايفها مافاهماش هدرتو وجاوباتو باﻹنجليزية... ابتااسم بدورو ورد عليها بنفس اللغة: شنو تشربي...؟؟
كوثر: كااس ليمون...
حرك رااسو باﻹيجااب ومشاا... حااردات نضاراتها لكحلين... وضاارت كااتشووف فالبحر... عاجبها حاالها.
من داك النهاار مابقاات مسوقة لشي حااجة... مهلية فراسها... كاتشري للي بغات بلااكارط للي عطاها... وكاتصرف فالدار على طبيعتها... وكاتخرج مللي تبغي وااخا عاارفاه تاابعها ماكايخلليها تخطا حتى خطوة بلا بيها... يالله جبدات التيلي غادير اللايف مع لبناات حتى حسااتو جلس حدااها... طلعاات راسها شاافت فييه ورجعاات شاافت فالتيلي.. حط السواارت على الطبلة وتكا مرجع رااسو اللور حااط يدو على جبهتو... صغراات عينيها بغاات تسولو ماالو وترااجعات جامعة كتاافها... رجعاات كاتبقشش فالتيلي وهو عينيه علييها.. نطق من بعد مدة دياال الصمت: عااجبك حاالنا هااكا...؟؟
طلعات عينيها فييه: ماافهمتش..
جلس مقااد مقابل معااها.. عينيه الحاادين فعينيها: كاانتعذب ماراداش الباال؟؟
حركاات رااسها: لااا...
أشرف: أنا غلطت.. وعتاارفت بيها شحال هذا.. ولكن كانقسمليك بللي خلصت كثر من الثمن ديال الغلطة ديالي... رحميني
كوثر: ماكاندير والو... أنا غير عايشة حياتي كيف كنت عاايشها نتا...
أشرف: مابغيتكش تعيشي حيااتك هاكا... كاتقاادي وتخرجي بووحدك وأنا ديما تاابعك.. خللينا نبقاو نخرجو بجوج وندخلو بجووج... (شدلها فيديها) ننسااو كاع هااد اﻷياام للي داازو ونبدااو من داابا... شهر عسل جديد... نجسلو هذا النهاار اللول فييه..
حايداات يديها بالشوية وشاافت فييه: نبقااو هنا شحاال ماابغيتي.. عااجباني هااد لبلااصة... أشرف: غانبقااو حتى تشبعي منها.. غير حني فياا...
حط الناادل طلبها وشااف فيه هضر أشرف بلغتهوم.. طلب منو قهوة.. وشااف فيها: شنو قلتي...؟؟
كوثر: ماعنديش مشكل نخرجو بجووج...
تنهد عارفها باقية مقصحة من جهتو.. ولمن عجبو الحال حيت غاتبقا تخرج معاه حسن مايبقا تاابعها.. وهي كاتركب فللطاكسيات وتمشى بوحدها وعينين النااس علييها... ( الغيرة كااتمشى فدمهوم)...
بنووتات كتبتلكوم بكري ماابغيتش نحلليكوم بلااش.. هااد اﻷيام مشغوولة شوية.. وحتى بنتي كانباانلها أنا بالليل... ماكاتخللينيش نكتب..
فالمطاار.. وااقفين كاايتعاانقو ويبكييو... مااسخااتش بيهووم... واخا دوزو معااها علااين شهر.. مي هادو هما الوالدين.. جاامي تشبع منهووم... كاانو مععااها حتى غزلان وفاارس.. ومريم ووديع.. حيت رجعو من شهر العسل... كاانت معنقة ماماها كااتسلم عليها وتوصيها بحاال دييما... باباها قرب عند تااج للي كاايشووف فيها مكره.. ماكايحملش يشووف دمووعها... ربت على كتفو مفيقو.. ابتااسملو ونطق: عمي...؟؟
رجعلو اﻹبتساامة بامتناان: ولدي.. أنا اليووم مااكانودعش غير بنتي.. أنا كاانودع بنتي أو ولدي... فكل مرة كاانتلااقاو كاتزيد تبهرني وتخلليني نتيقن بللي قرار زوااجك ببنتي مااكانش غاالط... الله يحفظك ويفرحك... ويخلليك ديما الفووق...
تااج: لهلا يخطيك أعمي... ربي عاالم.. دايركوم فمقاام وليدياا... مرحباابيكوم فأي وقت... ويلا عجبااتكوم فرنسا وبغيتو تستااقرو أنا رهن اﻹشاارة
أحمد: هههه... لا... هي عجباااتنا.. ولكن ماانقدرش نبعد على بلاادي ونتغرب فهااد السن... الله يحفظك ويفرحك أولدي... أصلا الدار ديالي من بعد ماتصاااوبات مانسخااش نخرج منها... رجعاات زوينة بززاف لدرجة ولاو النااس دالحي كاايتصورو حداااها...
تااج: ههه... تستااهل كل خيير وكاع لبلااصة للي كاتنتاامي ليها هبة خااصها تكوون متميزة...
عنقو جنب: من عينيك بااين شحاال كااتبغييها... عاارفك تقدر تفديها برووحك... ماعمرني نعست مرتااح وبنتي بعيدة عليا.. حتى لنهاار تأكدت بللي هي تحت يدييك...
تااج: ماتخاافش... نعرض رااسي للخطار هلى قبلها كاانوااعدك...
...
كانت كاتشووف فيه مبتااسمة وهي حااضيااه كيفااش كاايدوي مع بااباها... قفزاات مللي نقزاات عليها ضحى: أوووو... كاتمعشقي..
شافت فيها وضربتها لكتفها: كوني تحشمي.. رااجلي حلاالي حتى حد ماايساااللي...
ضحى: آه ألالا من حقك...... ويستااهل.. ماعمرني تصورت بللي نسيبي غاايجيبني نقراا هناا... ههه.. قالي غير نسالي هااد العاام.. نكمل قراايتي ففرنساا... عرفتي غاانطير بالفرحة ههه...
هبة: منها نيت تونسيني... مرحباابيك... مامرهتش إمتا يساالي العاام
ضحى: ههه... حتى أناا...
توادعو وركبو فالطياارة للي خصصها تااج فقط ليهوم... وتمشاات فاﻷرض وهبة كااتبكي متبعااها بعينيها حتى بداات شوية بشوية كااطير...
قرب لعندها معنقها عندو: شششش... واش أنا خااطفك؟؟
هبة: اهيء.. ماسخيتش...
باسها فرااسها: إلى بقيتي تصرفي هاكا ماغانبقاش نجيبهووم لعندك..
سرطاات ريقها وهزاات يدها كااتمسح فدمووعها: صاافي هانا... م.. ماغانبميش..
ابتااسم كاايشوف فيها: أصلا قربنا نمشيو لعندهووم وهاد المرة غانطولو شوية..
ابتااسمات كااتشوف فييه: بصااح...؟؟ إمتاا..؟؟
تنهد ونطق: غير نساالي شي خدمة ونمشيو.. إلى نتي نسيتي أنا ماناسيش.. كااين جووج حواايج مهمين كاايخصنا نهبطو على قبلهووم للمغرب... اللول ليكزاام اللخر دياالك فلافاك.. والثااني وللي هو أهم من كلشي.. عرسناا أنا ويااك...
هبة: ليكزاام قرب.. ولكن العرس...؟؟
تااج: بااقي شهراين... أنا حااس بيها عاامااين... المهم واليديك اتافقو مع جدة أو واليدياا يتجمعو فأقرب وقت بااش يوجدو على قبل العرس... بغااوه يكوون متميز.. بحاال حبنا أنا ويااك...
يالله جاات تنطق نحنح فاارس مقااطعهوم: أحمم... راحنا هناا احواارمو مشااعرنا...
شااف فيه مامسوقش... داير يد فالجيب ويد معنق بيها هبة جنب: كنت غاتبقا فيا ونحتاارمك لوكان كنت وحيد.. ولكن داابا راها حدااك.. ترومانساا معااها شكون حاايدهالك..؟؟
شاف فيها ورجع شاف فتااج: شنو الفرق إلى كاانو الشهيواات حدايا وانا صاايم...
تااج: حتى أنا بحاالك.. ولكن ماصايمش على التعبيير...
جرها مخلليه غير كاايشووف ووديع ومريم كاايضحكو عليهووم...
سبقوهوم حتى هما كاايهضرو ويتغزل بيها... حبهووم زااد كبر فهااد الشهر للي قضااوه بووحدهووم.. وفعلا دااز عسل... شااف فاارس فغزلاان كاايطلعها ويهبطها: داابا هااد الدجااكيط مااتقدريش تلبسي شي وحدة طول منها...؟؟ قلتليك فالدار بدليها كااتباان معيقة...
حركات كتاافها باللا مبالاة: ماابقيتش غليظة بااش تباان معيقة... عاادي ماالك...؟؟
فاارس: رااه داابا للي تقاادليك اللاطااي ورجعتي كااثيري اﻹنتبااه... وبصفتي رااجلك ماابغيتكش تبقااي تلبسي بحاال هااكا... ولا ديري الزيف نتي بحال هبة ومريم وهني رااسك
غزلاان: لاا... انا مزاال مامقتاانعة بيه ماتقدرش تفرضو علياا...
فاارس: وااخا ألالا.. نصبرو معاك حتى وكاان تقتاانعي... ولكن تبقاي تلبسي الطويل بلا ماتخااسرو أنا وحبيبتي...
شداتو من يدو: وااخا ماايكون غير خااطرك... حتى حنا غااننزلو المغرب يااك...؟؟
فارس: ضرووري... رااه تابعك اﻹمتحاان...
غزلاان: بفف.. مشكيلة..
تمشااو جهة طموبيللتهوم كااانو لاخرين كااع مشااو
كاانت جالسة فالصالون فووق الفووتوي هاازة البيسي كااطاابي فييه... وهو جاالس حدااها هااز التيلي وعينيه علييها... تنهد وقربلها...... وجهو بااين مهموم ومااكاينعسش.. تنهد بتعب.. مااعمرو يفكر يقلقها ولاا يجرحها... هو عرف واستوعب غلطو... ولكن عياا ماايحزر ويطلب.. واخا بدات كااتخرج معااه وماكاتعارضش مللي يشدلها فيديها حييت حتى هي كمرا مزوجة ماغاترضااش يشوف فيها شي حد بطريقة مامزياناش... شد خصلة من شعرها بصبعوو... كاايلعب فييها... هزات عينيها كااتشووف فيه.. ورجعاات شاافت قداامها.. نطق من بعد مدة من الصمت: مااغاتحنيش خلااص...؟؟
ماجاوبااتوش... حك على نيفو واستأنف كلاامو: كاانتعذب... حااس بللي هااد الحاالة غاتجيب آخرتي..
قلبها تزير من الكلمة اللخرة للي قاالها... هزات عينيها فيه بالزربة: نتا للي بغيتي...
جلس مقاابل معاها فاﻷرض شااد فيديها بجووج: ماغانعااودش.. كانقسمليك بالله ماانعااود... رحميني... رااه عييت...
كوثر: شنو بغيتي...؟؟
أشرف: بغيت نرجعو بحاال شحاال هذاا... جوج دالنااس مزوجين... بغيت ندوز ولو سيماانة فهااظ الشهر وأنا فرحان...
بقات سااكتة شوية ونطقاات: وااخا يكوون خيير..
ابتااسم وباسها فيدها: ماغاتندميش... نااض من بلااصتو: تبغي نخرجو نتعشااو برراا...؟؟
حركات رااسها: لا... ولكن مااكرهتش تجيب لعشا من بررا وااجد...
حرك رااسو: وااخا... غاانجيبو وااجد...
رجع جلس حدااها معنقها: توحشششششتك..
تكاات على كتفوو مغمضة عينيها.. حتى هي توحشااتو بززاف ولكن كبريااءها فووق كلشيي... وااخا هااكاك فكراات تساامحو وتبدا صفحة جديدة.. حيت كيف ماهو كاايتعذب حتى هي كااتعذب فالدااخل دياالها... بغاات تستااغل هااد الوقت للي بقاالها هنا... مابقاالها والو وتنزل للمغرب... بااش دوز اﻹمتحاان.. ومنها عرس هبة وتااج... نااضت وشاافت فيه: غاانمشي ندوش...
ابتااسملها: حتى انا بااغي ندوش..
مدااتلو يدها: يالله ندوشو بجووج..
نااض كاايفرنس فرحاان وأخيرا حنات فييه...
عطاها يدو وتمشااو طاالعين الفووق..
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
