بسمة ناعمة
البارت 13: فبيرو كبير فمدينة الربااط... مقر بعيد على ضجيج المدينة.. يمكن سري هو... كانو دايربن اجتمااع كايتناقشو على آخر عملية كاتو ناويين ينفدوها... نطق واحد الراجل أربعيني كايباان على وجهو الصرامة والجد: تاج الدين خدمتك تقنتيها بحال ديما... واخا ختارو منطقة صغيرة وناسها بساط قدرتي تعرف المكان وقدرتي تحل الموضوع بلا مايعرف حتى حد وبلا مادخل الخوف لدوك النااس
تكا على الكرسي كايشوف لبعيد حاط صبعو السبابة ففمو مبتااسم وهو كايفكر فتفاصيلها.... مابغاتش تحايد من بالو... حمالية المنطقة ماتجسد فيها.. وبساطتها كاتجسد فيها... خدمتو تما كانت بالنسبة ليه عمل إنساني.. ومللي شافها رجع وااجب تملكو خوف انو يفشل... واخا كان حتى هو غايمشي فيها... على غفلة رجعات كاتهمو ورجعات تحت مسؤوليتو... عرف عليها معلومات ماشي بحث... ولكن غير من عينيها... اكيد هي بنت المنطقة وأكيد كاتقرا اكيد شعبية فحياتها وأكيد ضريفة أكيد عندها ثلاتة صحاباتها حيت شافهوم معاها وأكيد كان عندها شي مشكيل... أكيد كايتعنبو عليها حيت شاف الكونترول... وهنا جمع ابتسامتو وهو كايفكر ياك ماكاتبغي شي حد...؟؟ ياك ماداهلة فشي علاقة؟؟ مخطوبة مزوجة...؟؟ قرن حجبانو بعصبية نافي هاد الفكرة بالتمام وماباغيش يفكر هاكا... وهاد الشي زاد خلاه يقرر يمشي يقلب عليها ويفلي حياتها...فاق على صوت السيد وهو كاينادي بسميتو... تحرك فوق كرسيه كايمسح على نيفو: أحم... إلى مابقا مايدار غانخوي خاصني نساافر...
السيد: لا مايمكنش... شنو كنت كانقول من قبايلة؟؟
حرك راسو بتسااءل: شنو...؟؟!!
السيد: كاينة خلية إرهابية يالله كاتكون... وللي مترأسها كان من أخطر العصابة للي قضينا عليها... وهو للي نجا... وهدفهوم حي شعبي وكل سكانو مغاربة فإسبانيا...
تاج الدين: كيفااش...؟؟
السيد: آه مع الأسف... حنا ماغانفرضوش عليك ولكن تااج المغاربة محتاجين ليك... وهاد الناس يقدو ينفدو الإنفجار اليوم قبل من غدا
تاج: مشكيلة هذي... هاد الشي خاصو وقت وأنا إلى مشيت غانطول... وماعنديش الوقت الكافي...
السيد: كانترجاك ماكاينش للي غايقدر لهاد المهمة بحاالك...
تاج: واخا ولكن خاصني يومين...
السيد: ماكرهناش ولكن يالله جانا اتصال... كل مرة كايلقاو واحد مقتوول... خاثك تسافر اليوم ودابابسمة ناعمة
داازت أياام.... مدة طويلة فااتت... سالا العاام او دوزو الوطني... خدمات شوية وبس... هي عندها مع المواد الأدبية وخصوصا العربية... سالات وأخيرا رتااحت... فهاد الأياام ماشافتش سمير لقات السبة بللي كانت تحفظ... وحتى الهدرة فالتيلي نقصات ولا بمعنى آخور تقطعاات... كان كايتاصل ويصيفط ليميساج ومللي شافها ميكات قال بللي مبرزطة مع الإمتحان مايزيدش علييها... واخا من نهار عرف بموضوع الخطبة مابقاش مرتااح...
النهار التالي فالإمتحان... خرجات هي وصحاباتها من الليسي كايدويو على الأجواء وكيفااش دوزو... طلعو فاالطوبيس كيف العادة بالضحك والتقشاب مع الكونترول والشيفور كايتوادعو معاهوم... وصلو ونزلو تفارقو كل وحدة مشات من طريقها... بقات غير هبة وكوثر حيت قراب من بعضهوم
كوثر: وها الإمتحان تسالا... آشمن سبة غاديري لسمير؟؟
هبة: سكتينا دابا خليني نحس بالراحة من بعد الإمتحان...
كوثر: كايبقا فيا داك السيد والله...
وقفات هبة كاتشير بصبعها جيهة الزنقة: هانتي وصلتي... تلاحي ننلاقاو كن بعد..
سلمات عليها ومشاات.. وهبة تنهدات وتابعات طريقها بالثقالة فيها الموت دالنعاس مانعسات من نهار بدات تحفظ... دخلات مع الزنقة المضيقة للي كاتدي لدارهوم حتى خرجلها من واحد القنيتة... شهقات راحعة بخطوة اللوور: خلعتيني...
سمير: سمحيلي ماقصدتش...
ركزات فيه الشووفة كايباان مهمووم وديك الضحكة للي متعودة عليها لدرجة كايجيبلها الملل ماكايناش دابا: سمير ماالك؟؟
حط يديه فجيبو واقف مقابل معاها حابس عليها الطريق: باغي ندوي معاك...
هبة: اممم مرحبا دوي...
تنهد وسكت لمهلة من بعد نطق: غانجي نخطبك غانجيب وليديا ونجي...
يالله جات تدوي وقاطعها: مابغيت ختى اعتراض غانجي... بغيتك مراتي قبل ماضيعي من يدي... ياك كانبغيك وكاتبغيني... وفالخدمة مديباني راسي... صافب غانخطبك ومن بعد نتافقو على العرس...
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
