🔥لهيب الهوس 🔥( مكتملة)

part113

بسمة ناعمة
البارت 113: تااج بعصبية واضحة: شششش... غانجي صاافي ماتبكيش ماتصعريتيش سكتي وسمعيني..
مسحاات دموعها كااتسمعليه: ها.. انا.. صافي غاانسكت..
تااج: مافانقدرش نجي اليووم يالله ساليت اﻹجتمااع وغاانقرا شي وثاائق ونوقعهوم.. وبالليل عاارف رااسي مانعااسش غاانشد الطريق.. ونوصل قبل ماايطلع الصبباح صاافي؟؟
ابتااسمات: آه وااخا... واخا مانقدرش ننعس حتى توصل
تااج: لا خااصك تنعسي ديري القرآن كيف موالفة ونعسي... حيت خااصك تصحصحي..
ابتااسمات ماكايزكل والوو: واخا ولكن علاش بغيتني نفيق مصحصحة..
تااج: حيت غدا تابعانا الطريق؟؟
هبة: الطريق؟؟
تاج: آه.. لعرس مابقاليه والو.. غانمشيو للفيلا للي فوجدة راه قلتليك مامواالفش نطول عند النااس
هبة: ولكن هادي بحال دااركوم اصلا نتا للي بنيتيها و...
قاطعها: ماتعاوديش تقولي هاد الهدرة.. انا راه الديور للي كايكونو ديال الواليد ماكانرتااحش نعيش فيهوم... هاد الشي للي عطا الله... المهم هضري مع واليديك
هبة: فااش؟؟؟!!
تاج: حتى هما غايمشيو معانا.. واليديا والعائلة كااملة بعد غدا يكونو هنا... بغاو يتجمعو ويوجدو مع بعضيااتهوم والفيلا غاتقدهووم...
هبة: واش غانديرو العرس تما...؟؟
تاج: علاش واش بغيتي ديريه فشي بلااصة أخرى؟؟
هبة: أمم ماكرهتش هنا فالحي..
تااج فهمها بغات تسكت كاع هادوك للي دواو فيها: يكون خير.. يالله غسلي وجهك ونسااي للي داز هبطي دوي مع والديك باش يجمعو حوايجهوم وحتى نتي مااتنعسي بالليل حتى تجمعي حواايجك وستناايني نعيطليك وااخا؟؟
هبة بابتساامة: وااخا..
تااج: آه وبلا ماتهضري معاهوم على هاد الشي للي وقع.. مشكل وتحل نسااي...
هبة: اصلا ماناوياش ندوي معاهوم فيه..
تااج: يالله سيري...
قطعات فرحانة خرجات من البيت ضاحكة على عكس كيف دخلاات... هبطات عند واليديها لقات هادوك مشااو ودوات معاهوم.. قبلو بلا حتى اعتراض اي حااجة من عند تااج بالفرحات عليهوم.. تعشات وسطهوم ضااحكة على عكس اﻷيام للي دازو جمعو حوايجهوم كلهوم ونعسو من غيرها هي للي خلات الكونيكسيون طالعة وبقات جالسة كاتسنااه يعيطلها حتى وصلها ابيل فيديو منو.. جمعات دغيا خصلات من شعرها وجاوباات ضااحكة.. شافتو دااير الكيت وشااد الطريق... بقا كايدوي معاها وهو ساايق كايتغزل بيها ويدلعها حتى غمضاات عينيها نااعسة ابتااسم وبقا حاال الفيديو طول الطريق كاايشوف فيها... وصل مع آذان الفجر..
بعد مرور شهر:
داز شهر غير فالتوجااد العائلة كلها جات المغرب.. والكل تجمع فالفيلا ديال تااج.. الفيلا للي شراها غير بااش يبقا قرييب من هبة.. رجعاات عاامرة كلهاا... عائلة هبة وعائلتو هو.. وحتى عمامو بجووج... بقاات غير مااريا ولؤي حيت جدة حدرااتهوم مااتشوفهومش تما.. ماريا خاافت منها وجلساات.. أما لؤي خاف ماايصبرش ويتصرف بشي طريقة للي تخللي تااج يقتلو فبلااصتو... وأصلا مابااغيش يحضر لعرسهووم... حتى من واليديه مشااو للمغرب... ماايمكنش يفلتو عرس إمبرااطور العاائلة... السيداات ديال العاائلة كاايوجدو بالليل وبالنهاار لكسااوي والأكل والموسيقى... كاشي مكلفين بيه هما.. حتى من حدة للي الفرحة غاتخرج من وذنيها.. أما هبة عيااوها غير بالتقيااس والعباار والمااسكاات.. طلبات تااج يخلليها تعري شعرها فالعرس.. ومن بعد عدة محااولاات عااد واافق...
......
النهاار الكبير.. اليوم المنتظر... منور ومشمش.. فعز الصييف... الحي بالطول وبالعرض مزوق بطريقة رااقية... مابقاش كايباان حي عاادي.. رجع بحاال شي قصر للأمرااء.. من الرااس حتى لداار هبة... كلشي مصاوب بالنفااخات والورد لحمر ولبيض... وطاابي غووج مغطي الأرضية كلها... الجيران كلهوم تقاادو ولبسو وبقااو جاالسين حدا ديوورهوم عينيهوم خاارجين فالحي كيف كاان وكيف رجع... أما فالداار لدااخل الزغااريت كاايتسمعو من برراا... صوت الموسيقى مجهااد... فالصاالون لكبير للي غاالب عليه اللون لخضر... كاانت جاااسة فالبرزة بالقفطاان خضر مرصع بحجر ذهبي من الصدر... ومفتووح جهة الساقان... حاطة يديها على الوساايد... وجوج نقااشات كااينقشووهوم كل وحدة من جهة... وجوج آخرين كااينقشو رجلييها... لبناات كاايشطحو على الركاادة... والعياالات حاميينها للزغااريد... والطيابات فالكووزينة كاايطيبو فالسفة دياال كسكسو... حيت هبة مابغااتش التريتور بغاات العرس يكوون شرقي تقليدي... سالاولها النقش وبقااو لبناات كايتصورو معاها.. ختها ... وحتى بنات عائلتها ... كلهوم لابسين التقليدي وفرحاانين... سمعو صووت الدقة المرااكشية غاادي وكاايقرب... زاادو فالزغااريد وخرجو لعياالات متاابعين كاايشطحو معرضين للدفووع للي جاايبين عاائلة تااج...