🔥لهيب الهوس 🔥( مكتملة)

part91

بسمة ناعمة
البارت 91: زاد بخطوات ثقيلة لعندها.. وقف عند رااسها مخنزر: رجعتي كاتشكااي كني لولد عمي؟؟
طلعات راسها شاافت فيه ونااضت باغية تمشي... جبدها من كتفها بكل جهدو ورجعها لبلااصتها جاات جاالسة.. جلس حداها كاايشوف فيها طاالعلو الدم: علااش كاتشكااي مني.. وباغية تباتي بووحدك؟؟
غزلاان: مابغيتش نبقا معاك فنفس البييت ومن حقي...
فارس: آشمن حقك..؟؟ راك مراتي ألالا... وتااج هو براسو ماغايخلليش مراتو تباات بعيدة عليه واخا ماعرفت شنو يوقع بيناتهوم
غزلاان: ماتقاارنش بيناتنا.. تاج وهبة علاقتهوم بووحدها.. هو بقا شحال كاايطلب منها تخلليه يخطبها حتى وافقات على خااطرها... وشخال وهو كايستناها توافق على الزوااج... وهي ماعمرها شدات عليه شي غلااط... وكايعامل لبناات بحال الحفااف فحضوورها...
فارس: وأنا شنو درتليك؟؟
غزلان بابتساامة معصبة: والووو.. غير اليوم شفتك مع وحدة فالمكتب دياالك.. وغدا جاي وجاايب لعدول حاطني امام الأمر الوااقع
فاارس: أنا هذيك مابيني وبينها والوو... هي للي...
قاطعاتو: ماكاتهمنيش.. حيااتك هذيك... وكاننصحك بلا ماتبقا تستاافزني بهضرتك وتعايرني... غاانضطر نسالي هااد الزوااج وماعندي ماندير لا بفرنسا ولا بغيرها
فاارس: كاتحلمي... هاد الزواج هو للي عمرو يساالي... شنو فجهدك مااديري كااع؟؟
ابتااسمات بطريقة استاافزاتو: غانشكي لولد عمك وهو يعااوني..
عض على شفاايفو: كانقسمليك بالله ماانتفاارقو واخا مااشي غير تااج للي يتدخل العاالم كاامل يجي ضدي.. ماغانتفاارقش معااك...
تنهدات بتعب ونااضت.. تمشات مبعدة عليه وهو متبعها بعينو.. سااط بنفااد صبر ونااض حتى هو هز السواارت دالطومو وخرج معصب... وهي خرجاات للجردة كاتقلب بعينيها على لبناات مشاات جلساات حداهوم حاسة براسها مرتااحة... حيت خوات ولو شوية من قلبها.. شافت فيها هبة: صاافا؟؟
غزلان بابتساامة: الحمدلله...
كوثر: وشاركينا حتى نتي رأيك.. عرسنا انا ومريم بقاتلو شهر وباقي ماوجدنا والو
غزلان: ماتهزوش الهم... مادام كاينين لفلووس ماغاتوحلووش...
مريم: آه راه قلتهاليها ماما وماماها غايتكلفو بكلشي... لقياسات ديالنا عندهوم.. والذوق ديالهوم زوين... والشي لااخور غاانشريوه من فرنسا
كوثر: حتى نتي اهبة بداي تاخدي من داابا..
هبة: انا باقيلي عاد ثلت شهور نتوما للي الوقت مزير عندكوم...
مريم: كلشي يفووت إن شااء الله ماتبقا غير ليلة الدخلة حصلة
كوثر: تف تف.. ذكرنا السمن والعسل.. خللينا نفكرو غير فالعمارية واللبساات ودااك الشي.. هذيك الليلة خلليها من بعد
غزلاان: لا هذيك هي الأهم... فكرو فيها قبل من كلشي
كوثر: وااصافي نسااو علياا.. قوليلي نتي فين وصلتي مع داك عريس الغفلة دياالك؟؟
عوجات شفاايفها: ماتذكريهش لياا
هبة: للي شافك كاتدوي هاكا مايقولش كنتي ميتة علييه...
غزلاان: كنت أختي.. كنت كانموت غير على الشوفة فيه.. تيقيني من نهاار شفتو مع هذيك تبدلت نظرتي ليه.. وزادها بداك الزوااج والهدرة الخاوية للي كايسمعني... صاافي طاح من عينيااا...
كوثر: حالتكووم صعييبة
مريم: لوكان جلستو تفااهمتو... يمكن يقدر يقنعك...
غزلاان: حتى يحاول هو بعدا يقنعني لباارح بايت كاايقولي غير عجبتيني ونتزوج نتزوج قلت نديك نتي... حسسني بللي ماعندي قيمة...
هبة: وشنو قاالك الصبااح بااش تعصبتي ونضتي؟؟
غزلاان وهي حانية رااسها: قالي رااس لكباالة
كوثر: ويييلي... وااعععههه...
.... بقاو جالسين كايهضرو حتى تعاشات لعشية وجاو الدرااري... قررو يباتو ديك الليلة تما حتى لغدا عااد يمشيو... غزلاان كيف بغاات بااتت فبيت بووحدها سادة عليها بالسااروت تحسبا لأي هجووم... ولبناات كل وحدة بااتت مع رااجلها.. كايترومانسااو...
دخل أشرف عليها لقاها هازة البيسي ديالو حالة الفاايس دياالها... حايدولها من يدها.. كايشوف فيه عاامر درااري: هذا غاتحايديه وديري وااحد جديد...
كوثر: ولكن...؟؟!!
جبد من جيبو بواطة صغيرة: هذا لييك..
غير شافتها نسات الفاايس والبيسي.. ابتااسمات بفرحة عينيها عليها.. حلها.. كاانت سااعة وبرااسلي معاها من نفس الستييل... حطات يدها على فمها بإعجااب... شد يدها دارهوملها: بصحتك
كوثر: شكراااا.. زوينين بززااف
اشرف: هذية زواجنا.. واخا جات معطلة.. بصرااحة ماكانتش فباالي... غير هزييت الطومو ديال تااج أنا ووديع ولقينا وااحد التوصيل فيه الكاادو للي شرا لهبة... مكتوبة فيه هذية زوااج.. وتفكرنا ومشينا حتى حنا شرينا
عنقاتو: ماشي مشكل المهم جبتوهوم
.....
مريم كاتشوف فيدها بفرحة: زوينة بززاف... ومنقوشة فيها سميتنا..
وديع بابتساامة: تستااهلي عمري...
.... جلسات مقاابلة مع لمراية كاتشوف فشعرها مغووبشة واخا اللون جاها مع وجهها قنطها ماموالفاش بيه توحشات شعرها لقدييم... خرج من الدوش لاابس شوورط.. وزاد لعندها وقف من وراها وتحنى باسها فخدها كايشوف فيها من لمرااية: مال حبيبتي مقلقة؟؟
هبة: بصرااحة عندك الحق.. هاد اللون كاع مازوين قنطني..
تااج بهمس وهو كايبوسها حدا وذنها: مااعجبكش..
حركات راسها بالنفي مبورشة من لمسااتو..
خرك يدو حل لمجر للي حداها جبد وااحد القرعة كبيرة... فيها ماا بيض: هذا مااء كاايحاايد الصباغة.. غسلي بيه شعرك.. غايرجع للونو الطبيعي... ومن بعد غسلي بالشاامبواان..
ضارت كاتشوف فيه بضحكة: منين جبتييه؟؟
تااج: جبتو قبايلة.. وقلت ماغاتبغيش تبدلي الكولور خلليتك على خااطرك حتى يطلعلك فراسك وتبدليه حيت عاارفك غااتنقنطي..
نااضت معنقااه: نتا ماكاينش بحاالك.. ههه.. كاتفكر فكلشي كاانموت علييك..
مدولها: سيري قبل مانرجعو فشي حواايج أخرى
.....
بقاو جالسين لبنات كايدويو مع بعضياتهوم والدراري خدامين فالورااق والبيسياات... تااج مللي كايشوف هبة منسااجمة مع لبناات فالهضرة والضحك كاايجبدها عندو معنقها جنب... ماكايبغيهاش تنسااه... كانو كلهوم مبدلين ولاابسين من بعد ماصلااو الظهور كاايستناو غير يتغدااو ويشدو الطريق.. الدرغري غايوصلو لبناات لديورهوم... كان السكاات غير التوشويش دياال لبناات والدراري خدامين فصمت.. حتى سمعو صووت الطالون فالدرووج.. عينيهوم كلها توجهات لنفس المكاان.. منين كانت ناازلة بكل ثقة وأنووتة... لبناات غير شافوها ابتااسمو بإعجاب.. وديع وأشرف شافو فيها ورجعو شافو ففارس وشافو فبعضيااتهوم كايتغاامزو.. تااج غير شااف فييها ورجع شااف فالبيسي خداام.. أما فاارس طلع رااسو غير شاافها حل فموو.. ونااض من بلااصتو بلاا وعي منو حاال فمو فييها... سرط ريقو وهو متبعها بعينو.. وهي كاتشوف قداامها ونازلة بالثقاالة.. السنسلة للي هداها تااج فعيد ميلاادها كاتباان فصدرها منحوتة بسميتها... واخا ماكاديرش الزيف.. فارس جاامي شاافها ببحال هااد اللبس... كانت طالقة شعرها على طوولتو مسرحااه بلبلاك على غير العاادة.. ولابسة صااية قصيرة حد الركبة.. مع قلميجة خاشيااها فييها... وليبة مووس.. مع بووط طاالون أنييق.. ومونطو محلوول... دايرة مااسكارة مبينة شفاارها الكتااف... وإيلااينر زااد كبر عينيها وبوودر نصح وجهها.. وبارزة لون شفاايفها... حك على رااسو... وشد فطرف الفوطوي مللي حس بريحتها المثيرة ضرباات فنيفو... قالت السلاام بصووت مهموس.. وتخطااتو غادية لعند لبناات.. ماحا فين يفيق من الصدمة ويدوي حتى كانت جلساات...
كوثر: ناري يااختي جيتي كاتحمقي...
مريم: أنا بنت وتزعطت فييك
غزلان بضحكة: جيت زوينة؟؟
مريم: فاايتة زوينة
هبة: أنا بعدا صدمتيني
كوثر: ماصدماتكش غير نتي.. ماشفتيش لعرييس؟؟
غزلاان: هذااك مزاال علييه
هبة: ولكن أغزلان انا مللي قلت ليك تبدلي.. قصدت تهلاي فراسك وقادي راسك ماشي تعرااي
غزلاان: فين هاد لعرا أختي؟؟ ياك أنا هاكا موالفة كانلبس...؟؟؟!
هبة: ولكن دابا راك مرات الرااجل.. ويمكن مايبغيش..
غزلاان: واحتى نعتاارفو بهاد الزواج بعدا عاد نشووفو...
بقااو كايدويو وهي كاع مااشافتش جهتو.. اما هو طول الوقت وعينو عليها.. عاجباه وغااير ومعصب.. كللو تسااؤلاات.. شعرها كيف دار رجع للونو واش عاود صبغاتو؟؟ ستيلها الجديد بالنسبة ليه.. جماالها للي زاد برز.. تجااهلها لييه... تنهك كايصبر راسو.. حتى وقفاات عليهوم الخداامة كاتعلمهوم بللي لغدا وااجد... ناضو كل وااحد شاد فيد حبيبتوو... وهي بقات التالية... رجعاات شعرها ورا وذنيها بطريقة كيووت.. ويالله جات تمشي حتى شدها من يدها.. ضارت شاافت فيه مخلووعة.. وهي كايطلع فيها ويهبط... سرط ريقو مرة أخرى ونطق: غزلان شنو هااد الشي؟؟
غزلاان بابتسامة باردة: شنو..؟؟!! واش شعري؟؟ رجعتو كيف كان حيت ماجاش معاايا...
فاارس: مااشي غير شعرك... كلشي.. حتى لبسك مبدل وجهك...
غزلاان: آههه... لاا مامبدل والوو... هااكا كانلبس.. غير مؤخرا مابقيتش كانتهلا فرااسي... إلى بغيتي تأكد نوريك تصااوري بلااتي...
بقا كايشوف فيها عجبااتو بززاف.. واخا مابغاهاش تباان هاكاك ولا تخرج هاكاك... ولكن عااجبااه.. وكثر من اللول...
حطات يدها على يدو خلاتو غير كايشوف مستغرب حتى نطقاات: ممكن تحاايد يدك؟؟ كايستنااونا لغداا...
شاف فيدو لقا راسو باقي شاادها... دغيا طلق منعا مرفوع.. وهي ابتااسمات وزاادت...
بقا واقف مدة كايحك على رااسو... وتمشى حتى هو جهتهووم... كانو كاع جالسين كايتغداو.. جر الكرسي حداها وجلس عينيه علييها.... وهي عينيها فالطبسيل كااتاكل غير بالشوية.. علاقتها بفارس غيرات فيها بززاف دالحواايج وخصووصا المااكلة والبكا والتبرهيش.. فرمشة عين رجعاات واعية ومؤنتة...
تغداو وسالاو توجادهوم.. خرجو لبراا غايمشيو.. جاو لعندها لبنات كل وحدة كاتقولها يالله معانا.. حتى وقف عليهوم يديه فجيبو دااير نضاضر دالشمس: أنا غانوصلها...
شافو فيها كايستناو جواابها.. حركات راسها.. مابغاتش ديرونجيهوم... مشاو وهي شاافت فيه دارلها إشارة بااش تزيد قبلو.. سبقاتو هازة صاكها فيدها ودايرة نضاضرها فوق راسها.. وهو من ورااها حااضيها عاض على شناافتو.. كلشي فيها هيجوو... وصلو لحدا الطومو.. حلها البااب... شافت فيه بطريقة زادت على ماابيه: شكرا.. ركبات وهو سد الباب ووقف كاايتنهد بالجهد.. ضار طلع من الجهة الأخرى... زاد أشرف هو اللول... ووديع من وراه.. عاد تااج.. وفارس هو اللخر.. الطوموبيلات غير وحدة تنسيك فلووخرى... شاف فيها بنص عين: ديري الحزاام...
جبداتو عندها ركباتو كاتحاول تسدو تعكسلها.. حتى قربلها هو خلاها غير كاتبرقق فعويناتها.. سدولها... ويالله غاايبعد مابقاش قاادر يصبر.. زير على قبضة يدو.. هاد النهاار حس بيها غلبااتو... ريحتها دخلات لأعماقو.. وتوثرها زااد على ماابيه.. غمض عينيه كاينعل الشيطاان فخااطرو... قرب بالشوية بااسها فعنقها بطريقة بورشااتها وصدمااتها.. ضغط على راسو وبعد... عاود ديمارا.. وهي كاترعد فبلااصتها... سرطاتت ريقها وضارت كاتشوف فالمراية بلا ماتدوي معاه.. ماتنكرش البووسة كاانت حلوة.. ولوكان زاد كثر مااغاتمنعووش حيت ماغاتقدرش...
.....
هبة وتااج.. كانو طالقين موسيقى من إختياارها منسااجمة معاها دايرة فيديو... كاتغني معااها... وهو كايسوق دااير نضاضرو ومرة مرة يشووف فيها... حتى نطقات: متعليش إلى لحتو فلينسطا...
تااج: إلى كنت بااين فيه معااك لوحيه..
هبة: آه بااين...
تااج: أوكي... تكااي على كتفي...
ابتااسمات وتكاات عاجبها الحاال
تاج: كيف غاندير نبات هاد لياامات بلا بيك؟؟
هبة: ماشي بززاف غير تلث أياام وهانا معااك..
ميل راسو باسها فجبهتها: ليلة وحدة كاتجيني بحاال العاام...
يالله غاتجااوبو حتى سمعو صوت التيلي ديالو كايصوني... جااوب داير هوت باغلوغ: وي أشرف...
اشرف: غاندوزو للمول كوثر بغات تااخد شي حواايج لدارهوم إلى بغيتو نزلو كاملين...
شاف فهبة: تنزلي؟؟
هبة: مااكرهتش.. إلى بغيتي...
تااج: طلبااتك أواامر...
هبة: واش هذي مكالمة جمااعية.. شفت كاع جااوبوه هنا..؟؟
تااج: آه دوا معانا فخطرة...
سمعو صوت فاارس: تنزلي ولا ندوزو؟؟
غزلاان: غااننزل.. طبعا إلى قدرتي تسنااني..
فاارس: غاننزل معااك...
خرجو لجنب الطرييق... وقفو.. ونزلو بثمنية بيهوم كل كوبل كاينسيك فلااخور... تاج معنق هبة جنب.. وأشرف مشادين هو وكوثر من ليدين.. ووديع خاشية مريم يدها فدراعو.... أما فاارس كانت كاتمشى قبلو وهو غير كايسوط ماعاجبوش الحال يشوفوها النااس بووحدها... مابقااش قاادر يصبر... قرب لعندها وشدها من يدها يالله شاافت فيه وهو ينطق ساابقها: راني رااجلك وماغانتحملش شي حد يتبسل علييك... قبلي بهااد الوضع حسن ماانصدق مشاد مع شي وااحد...
تنهداات بالجهد وزاادت مستسلمة...
دخلو كايتمشاو كل كوبل فجهة.. لبناات كاايختارو والدرغري كايخلصو... واخا عاطيينهوم لي كاارط كيشي مللي يكونو معااهوم ماكايخلليوهومش يخلصوو...
كاانت واقفة حداا وااحد السووميج دونوي فلكحل بلا وعي منهاا كاتشوف فيه.. حركاات صبااعها علييه... وابتااسمات باستهزاء.. حتى قفزها بصووتو: عجبك..؟؟
تخطفاات كاتشوف فيه.. كان مشا يجيبلهوم القهوة.. مدلها كااس: نشريهلييك؟؟
حركاات رااسها مستغربة: علااش..؟؟ هذا كاايلبسووه غير لمزوجاات.. أنا آش غاندير بيه..؟؟!! حغمات من كااسها: شكرا على القهوة.. تخطاتو مخليااه يالله كاايستوعب شنو قاالت... ضاار غاادي من ورااها زاد سرع فخطواتو حتى تعادل معاها: وشنو هااد الشي للي بينااتنا اغزلاان؟؟
جاوباتو وهي كاتشوف قداامها: مجرد توقيع على اوراق...شافت فييه: غايساالي بتوقيع اخوور...
سرط ريقو مزير على قبضة يدوو: نسااي التوقييع... حتى حااجة فهااد الدنياا مااغاتبطل هااد الشي للي بينااتنا...
بقاات سااكتة ماجاوبااتوش وهو كايشوف قدامو ماتسرطلووش البرود دياالها.. واجوبتها المستفزة... ضور رااسو كاايشووف باانليه وااحد كاايشوف جهتهووم... غمض عينيه دااير كثر من جهدو بااش يصبر رااسو... باينلو يطير عليه يفرشخو... ولكن غادي غير يزيد يكفسها على رااسو... شدها من يدها مزير علييها.. حتى تقصحاات: أيي رخف.. خنزر فيها ورجع شااف قداامو... ورخف علييها شوية...
......
تااج وهو وااقف حااط يديه فجياابو: بغيتو لجوااد
هبة: غاالي أتااج... بلاش منو غير هااد الشي للي خدينااه كاافي..
تااج: فلوسي هما فلووسك.. وشفتو دااك النهاار مضاارب مع ختك على البيسيي دياالها...
هبة: واهما دييما مضااربيين..
شدها من يدها وخرجو من تما هازين بززاف السااشياات: تشربي شي حااجة؟؟
هبة: للي بغييتي..
تااج: اوكي... اجي ندخلو هناا....
هبة: ماعرفتش فين لااخرين؟؟
جبد التيلي من جيبوو: غاانشووف...
اتاصل بيهوم قاالهوم يلحقو عليه للقهوة فين جاالسين...
..... غزلاان: خااصنا نمشيو راه كاايستناونا..
فاارس: غاانمشيو غير صبري... أجي معاايا..
جرها من يدها وهي غير كاتشووف ماعارفااش شنوو بغاا.. وعلاش مدخلها للمحال دياال الذهب...؟؟ بقاات كااضور عينيها فدااك الشي للي تما.. كلشي كاايشهي.. طلق منها كاايدوي مع موول المحاال... وهي كاع ماكاتسمع لشنوو كاايقولو..؟؟ بعدات عليه... حالة فمها فوااحد السنسلة ثقيلة وبااينة غاالية.. وقفاات مقابلة معااها.. مبتااسمة بإعجااب.. الثمن دياالها اكيد غايكون من خمسة المليون لفووق... فيقها من سهوتها صووتو وهو كايشوف فييها: نمشييو؟؟
شاافت فيه.. وحركاات رااسها: آه يالله...
تحركاات قدامو خرجاات وخلااتو من ورااها... تنشاات شوية على بررا حتى وقفاات وااحد الطومو عند رجليها... طلعات عينيها كاتشووف غير باانلها ابتااسماات حتى باانتلها ضرسة العقل: حااااتم...؟؟!!
نزل جاي لعندها كايحاايد النضااضر من عينيه: هو بشحمه ولحمه... توحشتتتك...
عنقااتو: حتى أنااا...
خرج من المحاال غاادي جهة الطومو... بلا ماايشوف فجناابو حل البااب القداامي... حط تما شي سااشياات شراهوملها حيت هي مابغاات تدي حتى شي حااجة من عندو وهو جاتو عيب يمشي لعند نساابو بيدييه خاويين... حرك عينو كايقلب عليها... طلع النضااضر فوق راسو وهو كايحااول يكذب عيينيه.. زدح باب الطومو بالجهد.. وزاد غادي لعندهوم وهو كايشوف فيهوم وااخدين رااحتهوم على الآخر... تعانقو وجاالسين كاايمركرو وكاايشدو فيدين بعضيااتهوم...
حااتم: من داك النهاار مللي تلاقينا حدا ديك العياادة ماشفتك... حتى كايوصلني خباار زوااجك من بعيد يااك الغدارة؟؟
غزلان: غاخلليها على الله راه كلشي جاا بالزربة... جبداات التيلي: هانتا عطيني نمرتك وغاانعيطلييك...
يالله حلات الكوود حتى حساات بالتيلي طاار من يدها وجاا فالأرض... ضارت كاتشوف مخلووعة.. لقاتو وااقف مخنزر عينيه حمرين... سرطات ريقها خاايفة منو.. شافت فحااتم للي كايشوف فيه باستغرااب ورجع شااف فييها: راااجلك؟؟؛
بصوت زعزعهوم نطق: آه رااجلها... عاارفها بعدا مزوجة يااك...؟؟... يالله كنت جااي نقوولهااليك...
شاافتو كاايطلع فكماام القااميجة دييالو عرفاات القضية حاامضة
حااتم: متشرفيين... ومبرووك عليكوم...
نقزاات الوسط بينااتهوم.. قاطعة عليه الطرييق: ه... هذا حااتم.. ولد عمي.. ووو... ومرااضع معاايا... يعني خوويا.. هذا خوويا أفارس..
صغر عينيه وطلق غوبااشتو شوية.. ونطق بهمس بحاليلا باغي يتأكد: خوووك...؟؟!!
غزلان: آه خويا بالرضااعة...
زااد من الجهة الأخرى ومد يدو: متشرفين السي حااتم... مدلو حااتم حتى هو يدو تصاافحو زيرلو علييها حتى بغاا يقسمهاالو: الأخوة مااشي مبرر بااش تعنقها وفوسط الطريق...
ابتااسم فااهمو ويالله عرف علااش دوك التصرفاات: سمحلناا مانعااودولهاش..
فارس: لا غير عااودها...
نطقات غزلاان وهي كاتخنزر ففارس: سمحلي احااتم بسباابي تعرضتي لهااد الموقف...
حااتم: مااشي مشكل أي وااحد فبلااصتو غايدير نفس الشي... جبد التيلي وشاف ففارس: ماعليش نااخد رقم مرااتك؟؟
يالله جا يجااوبو سبقااتو: حااتم حنا خووت... حايداتلو التيلي: انا غانقيدليك نمرتي... شاافت فالتيلي ديالها مرمي فالأرض مهرس: وغااتصبر عليا حتى نااخد وااحد جديد هذاا مابقااش صاالح..
حااتم: عاارفك ماتصبريش بلا تيلي... غدا يكون عندك وااحد آخوور...
قيداتليه النمرة وفارس غير واقف مخنزر خااشي يديه فجياابو.. مداتليه التيلي ودعهوم ومشاا وهي هزات التيلي من الأرض... وزادت بلا ماتشوف فييه.. تنهد وتبعها.. دخلو للقهوة لقاوهوم كااع مجمووعين... كايشربو فالقهوة والعصير... مشات جهة لبناات جلساات وهو جلس حدا الدرااري كاايسووط ماعاجبو حاال..
اشرف: عندااك تفركع؟؟
خنزر فيه: غانتفركع علييك.... إلى ماعطيتينيش بالتيسااع
أشرف: حاالتك صعيبة...
شااف فيه مخنزر..
كوثر: مالكوم عااود بااينة نوضتووها؟؟
غزلاان: غير خلليها على الله.. جلااخة..
هبة: يااك لبااس؟؟
عاودااتليهوم لبلاان...
كوثر: ويلي ويلي... الغيرة هذي... هههه.. ماكرهتش حتى أنا يغير عليا أشرف شي مرة
هبة: رااه كاايغير علييك.. غير مااجاش شي موقف بااش يبينها فييه
كوثر: خااص يجي هااد الموقف...خاصني نشووف غييرتو
مريم: عرفتو فااش فكرني هااد الموقف دياال غزلاان؟؟
غزلاان: فااش؟؟
مريم: فهبة؟؟
هبة: كييفااش؟؟
مريم: تااج ماكايعرفش خووك محمد... تخاايلي يشوفك معااه شي نهاار
كوثر: آه عقلتي داك النهاار مللي شافو مععاك داك النريوة ديال سمير
مريم: هههه.. يحصاابليه كااتخونيه... وخاف يقرب ويصدق مفرشخو حيت صحيح علييه..
كوثر: ولكن تااج إلى شافو معااك غاايفرشخو قبل حتى ماتدويو...