🔥لهيب الهوس 🔥( مكتملة)

part94

بسمة ناعمة
البارت94:حرك راسو يمين وشمال رمقهوم مريم كاتشوف فيه ولوخرة كااتبقشش فالتيلي ديالها عرفها من بعيد.. ابتااسم بتلقائية ودار يديه فجيابو وقرب جهتهوم وعينيه عليها... مريم قادات الجلسة مبتاسمة ومستاعدة ترحب بييه وهبة حسات بيه واقف عند رااسها طلعات رااسها باستغراب وشافت فيه... ابتااسم: بونجووغ
حركاات راسها: السلام.. <br>
مريم: بونجووغ... شكوون نتاا..؟؟<br>
تنهد وهو باقي كايشوف فهبة للي شتتات نظرها بعيد عليه: أنا ولد عم تاج أو وديع.. شاف فمريم: نتوما هما لعريساات الجدااد ديال العائلة؟؟<br>
مريم بخجل: آه حنا هما<br>
حرك راسو: مرحباابيكووم.. تبارك الله عليكوم.. رجع كايشوف فهبة: عرفو يختاارو... خفض من صوتو لدرجة ماسمعو حد: من ديما اختياراتو متقوونة
مريم بتسااءل: شنوو..؟؟
جلس فالفوتوي مقابل معااهوم: لاا والوو... ماكرهتش نتعارفو كثر

مريم بحماس: آه مرحباا... شنو سميتك؟؟
....: سميتي لؤي.. ونتي؟؟
مريم: سميتي مريم
لؤي: متشرفين مادام مريم.. شاف فهبة للي خاشية راسها فالتيلي: سنيورة ماغاتشرفينااش بسميتك؟؟
طلعاات راسها كاتشوف فييه بلا مبالاة نطقاات: هبة... سميتي هبة...
لؤي بابتساامة تصرفااتها وتجاهلها عجبووه وخلااوه يزيد يتعمق فييها..  جامي تلاقا بشي وحدة بحاالها: سميتك ززينة سعداات ولد عمي بيك...
شاافت فيه بحدة ورجعات شافت فالتيلي دياالها
........: لؤي على السلاامة؟؟
طلع راسو كايشوف فوديع واااقف كايشوف فيه.. ناض صاافحو: على سلاامتكوم نتوما.. ومبرووك علييكوم
وديع: الله يباارك فييك..
جلسو مقابلين مع بعضهوم..
لؤي: كيف العادة أنا آخر من يعلم
وديع: إيوا نتا للي ديما خاارج من الجمااعة..
لؤي: أمم عندك الحق.. سكت شوية ورجع نطق: فين تاااج؟؟
وديع مصغر عينييه: شنو بغيتيه؟؟
لؤي: هههه... والو غير نسلم عليه نباركلييه...
وديع: أمم.. عرفتي لوكان سمع شنو قلتي من دابا شوية كان غايسلم علييك بطريقتو الخااصة
سرط ريقو كايشوف فهبة ورجع شاف فوديع: غااندخل نشوف عمي ومرااتو
وديع حدو حرك راسو وهو ناض من بلاصتو دااخل الداخل وعينيه على هبة حتى عطاها بالظهر وخشا يدو فجيبو رااجع لتخنزيرتو المعتاادة.. طلع راسو كايشوف فتاج خاارج للجردة كايدوي فالتيلي.. ابتااسم بشر ووقف مقاابل معاه.. تااج قطع وخشا التيلي فجيبو كاايطلعو ويهبطو..
لؤي: على سلاامتك أولد عمي ومبروك الزوااج
مدلو يدو وتااج شااف من وراه كانو بعاااد عليهوم.. رجع شاف فيه بابتساامة معصبة لو حتى هو يدو.. غير شدها جرو لورا وااحد الحيط ودفعو عليه شدو من الكوول دالقاميجة دياالو بحاليلا خاانقو خلاه مخرج عينيه مصدوم.. ونطق بصوت مهموس وفنفس الوقت قااسي: عينيك عامرين دغل وغير كاايضورو.. ولساانك غداار ويقدر يصنع الكوااريث.. هاد الشي أنا ملااحظو شحاال هااذي.. ولكن ماكانش كاايهمني.. زااد زير على عنقو مقربليه كثر: هااد المرة رجع كاايهمني... غانحدرك ولآخر مرة.. مااتشووفش جهتها.. ولو بالغلااط.. وماتدويش معاها ولو بالصدفة..... ومااديرش شي حركة تكون هي
زاد لعندهوم كاايحك فنيفو معصب.. غير وصل لعندهوم طلعات رااسها شاافت فيه ابتااسم بحاليلا حتى حااجة مااوقعاات...جلس حداها وجرها لعندو تكااها على صدروو بجغها بوساان فحنكها وشفاايفها خلااها غير كاترطا وضور فعينيها وجهها غايطرطق بالحموورية حشماات قداام ودييع.. وهو كاع مامسوق.. ومريم كااتضحك جاها دااك الشي غرييب.. حتى شدها حتى هي وديع كايبووس وهي كاتغوت.. وتشوف فتاج.. للي مبتااسم داير رجل على رجل كاايلعب فصبااع هبة... وهي كااتنهج... تحنى لعند وذنها: جااك الجوع؟؟
شافت فيه: مااحشمتييش الماااسخ... خلليتيني غاانسخف بالخشوومية
تااج: راك مرااتي ألالا.. حلاالي إلى بغييت نكوي..
نقزاات سداتلو فمو كااتشهق: ويلي ويلي سكت سكت.. يسكت حسك.. حايدات يدها كاتشوف قداامها مفعفعة: مابقااش كاايحشم.. رجعات شافت فيه: فين أخلااقك؟؟ خلليتيهوم فالطياارة ولاا شنوو..؟؟
تااج: ههه... أخلااقي مخبيهوم لوقتهووم... زيدي زيدي تااكلي..
نااض جارها مخللي مريم نقزاات على وديع كاتقمش وتضرب: ماكاتحشموش تريكة المكبووتين.. مابقالكوم والو وتحاايدزلنا السرااول حدا بعضيااتكوم..
هو غير كايخبي وجهو بيديه ويضحك...
..
دخلو لدااخل من جهة أخرى ماشاافتهاش من قبل.. وهي غير حالة فمها وكاتشوف بعينيها.. كاانت مسااحة كبييرة الطااولة للي فييها بحجم المكاان كاامل.. عاامرة بشتى أنوااع الأكل والشرب.. وبززاف دالخاادماات بنفس اللبس ونفس لاطاي ونفس الإطلالة كايجيو بمشية وحدة هازين الأطبااق بطريقة موحدة وكايحطو بانتظاام ويرجعو... شاافو تااج وهبة دااخلين.. دارو تحية ملكية فخطرة وانسااحبو حانيين رااسهوم.. شاافت فيه مخلووعة: و.. واش داارك هذي؟؟ خدم دياالك هاادو؟؟
حدو حرك رااسو: آه.. ماالك دختي؟؟ راه ماخرجنااش من لقصر..
هبة: و.. واش نتا من الأسرة العلوية؟؟
ابتااسم جارلها الكرسي: آش جااب الأسرة العلوية للهدرة..
جلسات: ه.. هاد الشي غير دياال الملووك
جلس حداها: كل وااحد ملك زماانو... وكل وااحد قاادر يصنع قيمتوو كيف بغاا هو...جبد الطبسيل دياالها كاايحطلها فييه: من الطيارة ماكليتي شي حااجة.. غاتعشااي مزياان.. بااش تنعسي وترتااحي...
خشالها لقمة ففمها... هزات الفورشيط كاتامل وحتى هو حط لراسو شوية كلا جوج لقماات وحبس
هبة: ماالك؟؟
تااج: والو شبعاان
يالله غاتجاوبو حتى دخلو وديع ومريم وهي حالة فمها كثر من هبة جلسو... وتاج غير شافهوم نااض: دابا مابقيتيش بوحدك.. غاانطلع عندي شي شغل الفوق نعتلها للدروج: مللي تسالي تبعيني من هناا.. ماغاتطلعيش بززاف وغااتلقاايني وااخا؟؟
حركات راسها مبتااسمة وهو نااض طلع...
كانت طاالعة شاادة فالسارية دالدرووج كاتشوف قداامها.. يالله وصلاات للطبقة اللولة بغات تزيد تطلع تفكراات مللي قاالها غاادي تلقااه قريب.. شاافت يميين وشماال باانلها وااحد البيييت فيه الضوو شااعل.. قرباات عندو بتثااقل مازااعمااش.. وقفاات عند باابو كاان مسدوود.. حطاات يدها على البااب.. يالله بغات تحللو ترجعات... غير حايدات يدها تحل البااب.. قفزاات مخلووعة.. شااف فييها باستغرااب: هبة؟؟<br>
هبة: تاااج؟؟!! ك.. كنت كانقلب علييك.. دياالمن هااد البيت؟؟<br>
تااج: هي داابا نااعسة غداا نجييبك لعندها.. يالله نمشييو..<br>
غير سمعاتو كاايدوي على وحدة حركات رااسها بالنفي: شكوون هي؟؟ لاا بغييت نشووفها داابا...<br>
تااج مصغر عينيه: علااش داابا؟؟ خللي حتى لغداا... دابا نااعسة.. <br>
هبة: عفااك خلليني نشووفها.. ماغايجينيش النعااس..<br>
يالله جاا يجاوبها حتى دخلاات بالزربة قبل ماايحبسها.. تنهد ودخل من ورااها.. تمشات جهة السرير لعريض الأنييق للي باانلها متوسط البييت.. وقفاات عند رااسو كااتشوف بفضوول.. غير باانتلها استغرباات.. وقرباات لعندها كثر بلا مااتعيق.. جلساات جنبها خلاتو كاايشووف فيها من بعييد.. هزات يدها حطاتها على رااسها كااتلعب فشعرها لبيض.. وهو ابتااسم باستغرااب.. طلعات راسها كاتشوف فييه: شكوون هذي؟؟<br>
تااج: جدة... <br>
هبة: ماعمرك عاودتيلي علييها<br>
تااج: ماكانقدرش ندوي علييها..<br>
قرب جهتها وهي كاتشوف فيه بتسااؤل: كانحس بقلبي كايتقطع عليها.. <br>
هبة: ع.. علااش..؟؟!!<br>
تااج: ماكاتدوييش.. ومشللة من رجلييها..<br>
هبة: ش.. شنوو..؟؟!! وكييفااش وقع؟؟ شنو وقعلها؟؟<br>
تااج: هذي سبع سنيين.. داارت وااحد الحادثة.... بااقي عااقل على دااك النهاار مللي كاانت خاارجة بالطومو دياالها قاالتلي عندها ليا شي خباار غاتمشي تجييب الدلييل وترجع.. مللي خرجاات مارجعااتش... لقاات لفراان تقطع.. ودارت كسيدة.. ووقعلها هاد الشي من دااك النهاار ماادواات...
هبة: شي سر فهاد القضية.. شي حاجة كااينة
حرك راسو: آه عاارف... والمشكل أن لفراان تقطع عن عمد... والكاميراات دالقصر تعطلو فوااحد اللحظة.. وأنا عاارف بللي ديك اللحظة بالضبط فين قطعوهوم..
هبة باستغراب: وعلااش غايقطعوهوم..؟؟ شنو غايستافدو إلى أذاوها..؟؟
تااج: غايمنعوها تفضح السر للي مشاات بااش تحضر الدليل دياالو...
هبة: وبااش عرفتييها؟؟
تااج: راها بااينة.. يكفي أنك تربطي الأحدااث وغاتفهمي..
هبة وهي سااهية: وعلااش نتا بالضبط بغاات تقوللييك هااد السر وااش شي حااجة كااتعلق بيك؟؟
تااج: لاا.. ولكن هي الوحيد للي عاارفة طليعة خدمتي... داك الشي علااش كاانت بااغية تعااوني..
هبة: طبييعة خدمتك..؟؟!! رجل أعماال كلشي عاارفها..
تااج: كااينين حواايج أخرى حتى يجي الوقت المنااسب وتعرفييهوم...
بقاات كااتشووف فييه مستغربة حتى نعتلها بصبعو جهة الحييط للي عند رااسها: شوفي هذيك التصوييرة..
طلعات راسها كااتشووف ففضول كانت صوورة لمراا كبيييرة شعرها بيض مجمووع كعكة.. لبااسها أنييق نظرااتها صاارمة.. من الشووفة اللولة كااتفرض عليك تحتاارمها
تااج: هذييك هي جدة.. وهاد الصورة داارتها بنهاار قبل من الحاادثة..
خرجات عينيها بصدمة ورجعاات شاافت فلمراا للي نااعسة قداامها: تبدلاات بززاف.. لدرجة أنني مااعرفتهااش..
تااج: عاادي سبع سنين وهي طريحة الفرااش.. سااكتة ونااعسة.. هااد الشي كاافي بااش تدباال وتبدل
رجعاات كااتشووف فالطووف ونطقاات بابتساامة: عينييها بحاال عيينييك..
تنهد بابتساامة: أممم العينين وارثينهوم منهاا...
بقاات كااتشووف فييها.. هزاات يدها بتلقاائية حطاتها على وجهها كااتحركها بتثااقل فوق التجااعيد للي غطاات ملاامحها... وهو حااضيها مستغرب شوية.. بحااليلا كااتعرفها... حط يدو على يدها لووخرى: ماالك؟؟
شاافت فيه بحزن: بقاات فياا..
نزلاات دمعة من عينيها خلااتو يصغر عينيه مستغرب: هبة ماالك؟؟.. وااش كاتبكي على قبلها؟؟ على قبل وحدة يالله عرفتيها هذي خمسة دالدقاايق..
مسحات دمعتها اللولة ونزلو لاخرين متاابعين : ماشي ضرووري نكوون كانعرفها من قبل.. المهم هو أني عرفتها وعرفت شنو وقعلها.. صعييب تعييش ونتا ماقاادر لا تحرك ولاا تدوي.. صعييبة بززااف...
هز يدها بااسها: لقلب لكبيير.. حناانتك وطيبووبتك غاايسطييوني شيي نهاار...
هبة: وااش مااكاينش شي حل لحاالتها؟؟
تااج: الطبييب عطاانا الدواا وقاال بللي مع الوقت غاتبدا تتحرك ولا تدوي.. ولحد السااعة بااقي ماابان والوو..
هبة: وهاد الدوا متبعينهلها؟؟
تااج: أناا كل نهاار فدولة جاامي دوزت هنا حتى أسبووع كاامل.. ولكن كاايتبعووهلها...هماا
رجعاات كااتشوف فيها وكااتمتم بكلماات مسمووعة: يااربي تشااافيها يااربي...
وهو حااضيها مبتااسم.. حتى حلات السيدة عينييها مخلووعة كاتقفقف فبلااصتها.. قرب عندها تااج بالزربة: جدة تهدني.. هذا غير أناا..
سرطاات ريييقها كااتهدن شوية بشوية
هبة باستغرااب: ماالها؟؟
تااج: كل ماافااقت كاايوقعلها هااكاا.. دييما خاايفة
هبة: مسكينة..
طلعات عينيها كاتشوف فهبة متسااءلة.. حتى نطق تااج: هذي هبة مرااتي للي عااودتليك علييها..
بقاات حاضياها وهبة هزاات يدها بااستها: الله يشاافيك أخاالتي..
ابتااسماتلها بارتيااح...
بقااو جالسين كاايشوفو فيها ويدويو معااها.. بحال كبف كاايدير تااج كل مرة مللي يدخل لعندها.. كايعااودلها شنو وقعلو.. كيف كان كايدير مللي كاانت باقية بصحتهاا.. مللي كايكوون هو حااضر كاتكون مرتااحة على طوول الوقت... بقااو معاها مدة طويلة حتى تنااص اللبل.. نعساات غطااها تااج وخرجو من تما غااديين لبيتهووم...
....
أصبحنا وأصبح الملك لله... حلاات عيينييها وهي مبتااسمة... شاافت فييه كاان نااعس تكاات على جنبهاا كااتأمل فملاامحو.. ماكااتاتحظااش بهااد الفرصة بززااف.. دييما كاايفييق قبلهاا...
بقاات مدة طوييلة وهي كااتشووف فيه وتلعب فشعروو... شاافت فالسقف.. كااتفكر تخرج.. هي باافي غاتعيش هنا.. مااشي فكل مرة غاايخصها تخرج معااه.. ولا تبقاا تماا...
بااستو فخدو بالشوية كاايباان عياان... نااضت دخلاات للحمام دوشاات وخرجاات لبساات حوايجها وقااداات زييفها صلات... قرباات لحدااه بااستو مرة أخرى وخرجاات من تما.. سداات البااب.. كاتمشى بالشوية مركزة خايفة لا تتلف على الطريق...
حطاات يدها على الساارية دياال الدرووج كااتمشى بالشوية..  كاتنزل درجة وتحبس.
وصللات لآخر طبقة بقااتلها بااش تهبط للسفلي.. وقفاات حاطة يدها على قلبها كااتنهج.. أول مرة طلعاات فالدرووج ماردااتش البال حيت كاانت سااهية كاتفكر فماريا.. ومن بعد كايطلعو وينزلو فلاساانسور.. دابا اضطراات تستعمل الدرووج حيت ماتقدرش تطلع بوحدها فيييه.. تحرماات جهة الفوتوي بغاات ترتااح فيه.. حتى جاات عينها على بييت جدة تااج... بقات واقفة شوية كااتفكر.. تحركاات جهتوو.. دقاات جوج دقااات خفاف وضوراات البوااني دخلاات.. سداتو وتمشاات كاضور فعينيها مازاعمااش.. حتى رمقااتها متكية فبلااصتها كااتشوف فوااحد الكتااب مقاادينو مقاابل معاها كااتقرا فييه.. سرطات ريقها كااتشووف فيها ولوخرى طلعاات عينيها بالزربة مخلووعة.. غير شاافتها ابتااسمات بارتيااح.. رجعااتلها هبة الإبتساامة.. وقرباات لجهتها.. هزات يدها بالثقااالة بااستها ولوخرى غير حااضياها بااقية محاافظة على ابتساامتها... جلساات حدااها ونطقاات: لبااس؟؟
حركات غير عينيها حييت ماتقدرش تحرك رااسها...
ابتااسماتلها هبة وقلباات عينيها كاااتشوف فالكتااب: شنو كااتقرااي؟؟ عوجاات شفايفها بعفوية: باللغة الفرنسية.. ماعنديش معااها..
يالله ردات الباال لرااسها طلعاات رتاسها كاتشوف فيها لقااتها مبتااسمة رجعااتلها الإبتساامة: نتي زوينة بززااف.. وااخا وجهك تبدل باقيين ملامحك زوينين.. كيف كاايقولو إلى مشا الزيين يبقااو حرووفو هههه...
لوخرى ضحكاات من قلبها بااينة واخا مااداارتش الصووت دخلااتلها هبة لخااطرها..
هبة: سمحيليا شغلتك وماخلليتكش تقرااي فخااطرك
سمعات التيلي دياالها كاايصووني هزاتو كاتشووف شكوون المتصل لقااتو تااج جااوباتو غير حطااتو على وذنها: فييينك نتي؟؟!! فقت مالقييتكش؟؟ نزلت لتحت والوو.. فيينك؟؟
هبة: غيير تهدن رااه أناا مع جداتك
تااج: شنوو...؟؟
هبة: آه غير كنت ناازلة لتحت وعييت بانلي البيت ديالها دخلت لقيتها فاايقة وهاا أناا جالسة معاها
تااج: وااخا هاانا جااي..
قطع وهي شاافت فييها كااتدوي معااها فااش ماكان ولووخرى غير كااتسمع مبتاسمة نساات كتاابها.. حتى تحل البااب.. خرجاات عينيها مخلووعة وهبة شاافت فيها باستغرااب حطاات يدها على كتفها: تهدني هذا غايكوون غير تااج..
دخل مبتااسم كاايشوف فهبة: عمري.. خلعتيني على الصبااح
هبة: سمحليا غير بغييت نتعود نبقاا نخرج بووحدي
تااج: على الأقل علميني..
هبة: شفتك نااعس مابغيتش نفيقك
تااج: هاانية غير فيقيني.. للي جات من عندك عسل.. حرك عينيه جهة جداااه للي متبعة كلشي مبتاااسمة: حبيبة تااج كيف صبحتي؟؟
حركات عينيها وهو بااسلها يدها: فطرتي...؟؟!!
حركات عينيها مرة أخرى
تااج بمزاح: خديتيلي مراتي.. شااافتك غير مرة وحدة.. وهااهي رجعاات كاتجي لعندك.. صبحاات علييك ومخليااني أناا نااعس...
ابتااسمات بتعب وهبة كااتضحك: تاااج واااش مااكاتخرجش؟؟
تاااج بأسف: لاا من نهاار رجعاات من السبييطاار رفضاات تخرج...
هبة بصدمة: بغيتي تقوول سبع سنين مااخرجاات؟؟
تااج: أمم للأسف..
هبة بانفعاال: ورااه عاادي ماااتبرااش.. واش لمرا سينين وهي محبووسة بين ربعة لحيووط وبغيتوها تبراا؟؟
تااج باستغرااب: هبة كاالم؟؟
نااضت من بلااصتها معصبة: سمحلي أتااج صدمتيني فييك.. بااين فعينيك شحاال كااتبغيها ولكن راك مفرط فيها بززاف..
تااج: كيييفااش؟؟!!
ضوراات عينيها فبلااصتهوم يالله رداات لباال لهدرتها.. تنهداات وقرباات لعندو: س.. سمحلي تجااوزت حدوودي..
ابتااسم بتعجب: هبة ماالك؟؟ يالله شفتيها الباارح.. علاش انفااعلتي وتعصبتي هااكا؟؟
هبة: مااعرفتش.. ولكن حسيت بييها محتااجااني.. شدااتلو فيدو: تااج بغييت نطلب منك وااحد الحااجة..
تااج: تفضلي شنو بغييتي؟؟
هبة: خلليني أناا نتكلف بيها.. مااحدني هنا.. نوكلها ونبدلعا ونعطيها الدواا ونبقاا مقابلااها..
ماجاوبهااش غير كاايشووف فييها مصدووم وهي كملاات هدرتها: عفااك حتى أناا غانبقاا نقنط هناا وبغيت نقاابلها..
تااج: وااش غااتقدري؟؟
هبة بابتساامة: نحااول..
تنهد وضاار كاايشوف فجداه لقااها مبتااسمة ابتساامة أمل وهي كااتشووف فيهوم.. حرك راسو باستغرااب.. باينة فرحاات بهدرة هبة وبغااتها تقاااابلها.. جاه هااد الشي فشكل..  رجع شااف فهبة: أجي نورييك الدوا..
ضار جهة لمجر جبد وااحد السااشية.. بقا كايجبد البااكياات.. لقاهوم كااملين جدااد: هادو يالله وصلوو هااد الصباح باقيين جدااد... بدا كايورييها وهي مركزة معاه.. كايعطيها الوقت ديااال كل وااحد ولااش كاايصلااح... وإمتا.. حتى سالاو ورجع الدواا لبلااصتو ورجعو جلسو معااها كاايدويو ويضحكو وهي مبتااسمة جالسة فوسطهووم بااينة الرااحة على وجهها..
كانت منسااجمة معاهوم.. هي غير ماماتدوييش وماكااتحركش.. ولكن كااتسمع وتفهم.. سمعاات البااب تحل مرة أخرى.. خرجاات عينيها خاايفة.. هبة وتاج ردولها الباال.. أصلا هذي هي ردة فعلها كل ماسمعاات باب بيتها تحل.. ولكن غير كاتشوف للي دخل كااترتااح.. عكس هاد المرة عينيها زاادو خرجو مللي شاافتها دااخلة بمااميااج صاارخ.. وصاية فلحمر.. طالون حمر وصابغة ضفاارها لكباار بلحمر... عضاات على شفاايفها بطريقة مثييرة وهي كاتشوف فتااج للي غير شاافها نااض: صبحنا على الله.. يااك لبااس؟؟
مااريا ببراءة مصطنعة: جيت نشووف جدة.. نتا عاارف مكاانتها عندي أتااج ماكانضنش قلبك قااسي لدرجة أنك تمنعني منهاا..
تااج: لا ماغانمنعكش.. شوفيها وخرجي..
شاافت فهبة ورجعاات شاافت فيه: بلا مانحتااج نقولليك رااك عاارفني كانبغي نجلس معاها بووحدي.. ونعاودلها على للي ضاارني بحال كيف كنت كاندير مللي كاانت عااد كاتمشى وتدوي..
تااج: وااخا غاانخرجو ولكن غانرجع دغيا نلقااك خرجتي...
مااريا: أمم وااخاا..
شااف فهبة: حبيبة نخرجوو؟؟
طلعاات راسها كااتشووف فماريا وماريا مخنزرة فيها.. وشاافت فلمرا من عينيها باين الخوف بحاليلا ماتقوولهوم ماتخرجوش.. سرطاات ريقها ماباغاش تخلليها معاها.. ولكن ماعندها ماادير راها جدااها خرجاات تابعة تااج وكل مرة تضوور تشووف فييها.. وهذيك متبعاها بعينيها بحاليلا كاتقوولها بقاي