البارت125: فوق جرف عاالي وااقف وكاايشرب من القرعة لكبيرة للي هااز فيدو. وكل مرة كاايغوت بكل جهدو.. وفباالو غير هي.. أفكار خبيثة جات لباالو.. يمشي يقتلها ولا يشللها ولا يخسرلها وجهها.. حاس بالشمتة بالغيرة كااتحرق فييه.. هو راه شخص مهووس بيها.. يعني إلى قااصتها غير مو ولا جداه كايجن جنونو كيفااش غاايصبر وهو عارف بللي نعسات مع غيرو.. على هااد الفكرة صعر وضرب الرويدة دالطومو بركلة.. سمع حس الطومو من وراه وماضارش باش يشووف... حتى نطق الشخص للي جا لعندو: تااج...؟؟!! شنو كادير هنا..؟؟ من الصباح وأنا كانعيط والتيلي دياالك طاافي... لوكان ماتبعت Gpcديال الطومو ديالك ماكنتش غانلقااك... <br> جاوبو بلا مايضور لعندو: شنو بااغي علااش تابعني...؟؟<br> .......: وصلاتني خبار من الجاسوس للي زارعين وسط منهوم... الإنفجار تبدل وقتو.. غايتنفد فهاد السيماانة... خاصك تسرع ودير شي حاجة قبل مايفوت الفووت..<br> تااج: ماكرهتش دوك القناابل يزرعوهوم فدااتي ويفجروني.. ويهنيوني من هااد لعذااب..<br> الراجل باستغراب: تاج يااك لبااس؟؟ جامي شفتك فهاد الحاالة..<br> ضار شااف فيه: القلب ولد لحراام... هو للي وصلني لهااد الحالة...<br> تخطاه وركب فالطومو ديالو مخلليه متبعو بعينو.. نزل الزاج: غانفد ماتخاافش ماغايوقع حتى إنفجاار...<br> ديمارا.. متااجه لعند ميخيل عاارفو غايكون بااقي فالملهى من نهار نزل لفرنسا وهي كاايجلس تما حتى لفجر... حبس الطومو بررا ودخل.. مخنزر وباين من وجهو بللي مهمووم.. طلع الفوق ولقااه جاالس تما.. وبنتو مقابلة معاه كاايشربو بجووج.. عوج فمو عاايف من هاد المنظر.. جلس بلا مايستاأذن.. وهما غير شافوه ابتااسمو بفرحة.. بلا مقدماات نطق وهو كايحل قرعة دالشرااب أخرى: غدا غانتزوجو.. غدا.. غانوجد العقد وغدا نزقعو عليه..<br> جوليا وهي كااتصفق بيديها: وااععع... هههه.. مايمكنش.. واش غدا؟؟ <br> تاج شاف فميخيل: وجدلها وراقها.. غدا غانجي لوطيل فين نازلين ونوقعو على العقد...<br> ناض: نخلليكوم غدا فالصباح نلقااكوم وااجدين..<br> مشا وخلاها هي طارت على باها غااتموت بالفرحة.. وهز متبعلو العين مبتااسم بافتخاار... وأخيرا لقا النسيب للي يجي معاه وينااسب
خرج من البار بنفس الطريقة للي دخل بيها صااعر ومخنزر.. يالله وصل لبااب سيارتو حتى وقف عليه: شنو وقف؟؟<br> تنهد وشاف فيه: واش نتا ماعندك مايدار غاتبقا غير تابعني؟؟ <br> ......: س.. سمحلي ولكن راك عارف ه..<br> قاطعو: نتا أكثر واحد عاارف شحال كانكره شي حد يرااقبني ولا يتبعني.. <br> ......: والله مالخااطري... ماغانرتاحو حتى نتهناو من هاد الخلية..<br> تااج: غدا غايتحل هاد المشكل.. غانجيب دليل ملمووس للي يخلليكوم تشدو هااد الخلية ككل.. <br> جاوبو باستغراب: كيفااش حنا.. ونتا ماغاتكونش معاانا؟؟ ياك نتا للي كاتبغي تعذب هاد الإرهاب بيديك.. وماكاتخللي حد ياخدهوم منك..<br> تااج: كنت.. ودابا ماعندي خااطر.. للي عليا هو نجيب دليل قوي للي يغرقهووم.. وسوا كنت أنا ولا غيري.. القاانون ماكايرحمش الإرهاب وغايبقاو يتمناو الموت ومايلقاوهاش..<br> ......: شي حااجة بييك.. ماعمرني شفتك هااكا...<br> تااج: حياتي الشخصية ماكانبغيش شي حد يدخل فيها<br> ....: واخا.. تيليفونك فين هو..؟؟ باقي طاافي...؟؟<br> تااج: تهرس... عطيني تيليفونك..<br> عطاه التيلي اتااصل بواحد من رجالو يجيبلو تيليفوون وشي حواايج أخرى غاايحتااجهووم... توادع هو والرااجل وركب فطوموبيلتو شااد الطريق وأفكاارو مخربقة.. كااتباانلو يتلااح من شي جبل ويتهنا...<br> ......<br> حلات عينيها كاتشوف الضو دخل من البالكوون يعني الحاال صبح... تنهدات طاردة الدموع من عينيها مللي تفكراات شنو وقع الباارح... نااضت كاتمشى بالشوية شادة على كرشها للي بيتاتها فالجحيم بالحريق... ضورات عينيها فالبيت للي بااقي مرون وكاايخلع... جلسات فوق كرسي هو للي بقا صحيح.. تكات بيدها عليه كاتفكر.. يمكن عندو الحق فتصرفااتو هو راه ماعاقلش علييها.. ولكن كان على الأقل يعطيها وقت ويسولها ويااخد بعين الإعتبار هاد العامين للي نساها... ماعليش.. بالنسبة ليها هي حبها قوا من كلشي.. قوا من الإهانة للي تعرضااتلها.. هي كاتعرفو مزياان غاايجي ناادم وغايبغي يتصاالح معاها غايعتاادر وغايعطيها فرصة تشرح ولا يمكن يشوف الورقة والتصاور والفيديوات وغايعقل.. يمكن يفقد الوعي ولكن غايفيق وكلشي يتصلح... غاتقلق منو شوية ومن بعد تسامحو.. غمضاات عينيها متمنية يتحقق للي فباالها وترجع لمياه لمجااريها...<br>
كان متكيي الكوسان اللور بايت فالطومو... هاز البسي كايتفرج فيها وهي نااعسة وحتى مللي ناضت ومسحاات دموووعها ومللي جلسات فوق الكرسي كااتفكر ومللي غمضات عينيها... قلبو ضرو عليها وعلى الحالة للي باتت فيها وعلى شنو دار فيها الباارح.. يالله رد البال للعامين للي نسا.. ويالله تفكر شكون هي هبة.. تايق فيها لدرجة كبيرة مستحيل تكون كيف نعتها.. غمض عينيه كاايفكر فاحتماالية يكون غلط معاها أكييد مستحيل تساامحو... قرر فنفسو غير يساالي هااد الشي وينقد المغرب من الإنفجاار غاايمشي لعندها غايجلس معاها ويخلليها تشرحليه... شنو وقع وكيفاش وقع وإمتا وقع...؟؟ ماقدرش يشوفها هااكاك وفديك الحالة نسا راسو ونسا حاالتو هو... ديمارا مرة أخرى متوجه للقصر....<br> ......<br> داتها عينها وهي ناعسة فوق الكرسي... مااحسااتش بالوقت حتى شماات ريحتوو حلات عينيها قاافزة وراجعة اللور باينة خاايفة منو.. تنهد مغمض عينيه كااره ردة فعلها وهو وااقف مقاابل معاها... نطق: هاهو لفطور كوليه كللو الوقت تعطل ونتي ماكليتي واالوو...<br> حركات راسها مهبطة عينيها: و.. واخا...<br> تنهد ونطق مرة أخرى: غانخللي الباب محلوول تقدري تخرجي من الجنااح.. <br> شافت فيه بتوثر: ولكن... واش غاتخرج..؟؟<br> تااج: وعلااش كاتسولي؟؟<br> سرطات ريقها: ح.. حيت بغيت نهضر معااك..<br> تاج: حتى أنا بغيت نهضر معااك... غانحطو النقط على الحرووف... يالله هانا غاادي.. حتى نرجع..<br> خرج وخلااها حالة فمها فيه.. فهمات بززاف من هضرتو.. هو خلا الباب محلوول وعطاها الحرية بااش تخرج وقال بللي غايرجع ويحط النقط على الحرووف.. يعني غاايتفاارق معاها بلا مايعطيها فرصة... ماعارفاش بللي وصا عليها الكارد ماتفوتش بااب القصر.. وبللي باغي يفهم منها شنو وااقع.. كلشي فهماتو غلااط....<br> .......<br> كانو جالسين بثلااتة هي متأنقة بجيب بيضة قصيرة وجامعة شعرها كعكة مناسبة لهاد الحدث وداايرة مااكيااج غاامق شوية.. ومن وجهها باينة غاطير بالفرحة.. يالله جبدات التيلي حتى نطق مخنزر: شنو ناوية ديري؟؟<br> جوليا: غاندير اللايف باش كلشي يشوفونا...<br> تااج بحدة: حايدي داك الشي شكون هاااد كلشي أناا حتى واليديا مافراسهوومش؟؟<br> يالله غاتدوي حتى نغزها باها تسكت: شششش.. بغيتيه يعرف خبر زواجو اللول؟؟ <br> جوليا: كيفاش غايكون دار وجد لوراق بلا مايهرف راسو مزوج...؟؟<br> ميخيل: وحنا ماالنا؟؟ عندنا الربح مايكون عرف والوو..<br> شاف فيهوم مخنزر: إلى ساليتو عطي لبنتك توقع؟؟<br> ناضت خطفاات لوراق متحمسة شاافت جهة سميتو لقااتو موقع عضات على شفاايفها وهزات الستيلو وقعاات حتى هي والفرحة غاتخرج من وذنيها...<br> جوليا: ههههه.. دابا انا مرااتك يااك...؟؟ وأخيرا حلمي تحقق.. واش نقدر نخللي عندي العقد؟؟<br> تااج ببرود: أكيد تقدري..<br> ميخيل: ونتا ماغاتبغيش نسخة منوو...؟؟<br> تاج بطنز: علااش؟؟ وااش غانخاف تنكرني بنتك...؟؟<br> ميخيل: لاا.. غيررر...<br> تااج: ماكاين لااش أنا تاايق فييكوم... <br> ناض ميخيل من بلااصتو عنقو: مبرووك عليكوم...<br> نااضت حتى هي تلااحت علييه معنقااه وهو رافع يديه كايحااول يبعدها علييه: مبرووك عليينا.. وأخيراا ههه...<br> ميخيل: كانضن دابا خاصكوم تبقااو بووحدكووم هااد الليلة دياالكوم..<br> شاف تاج فسااعتو: الليل باقي عليه الوقت.. دابا خااصنا نناقشو أموور أخرى.. ومن هنا لليل إلى ماوقعااتش شي حااجة ندوزوها بجووج...<br> ميخيل: مرحباا... اصلا أنا باغي ندوي معاك فحااجة مهمة... <br> جوليا: مافهمتش أبابا وااش غااتقوليه على الإنفجاار؟؟<br> رفع راسو شااف فيها باستغراب: حتى نتي داخلة فهاد الشي؟؟<br> ميخيل: هي يدي اليمنى ومعظم الإنفجارات هي للي ختارت بلاايصهوم وحتى هذا ديال المغرب..<br> زير على قبضة يدو شااعل عكس البروود للي راسم على وجهو: وعلااش المغرب بالضبط؟؟ ماخفتيش نكون ضدك حيت أنا مغربي..<br> جوليا: نوو... نتا ماتربيتيش تماا.. أكيد ماغايكون عندك حتى شعوور اتجااهو..<br> حرك رااسو: أممم عندك الحق... ممكن دابا نشوف المتفجراات للي ناويين تستخدمو؟؟<br> ميخيل: أكييد... غانمشيو للديبوو...<br> تاج وهو غادي: نستناكوم برراا
شاف فيها باها: مبروك عليك بنتي وأخيرا تحقق داك الشي للي بغيتيه... <br> جوليا: أممم... شكرا باابا...<br> ميخيل باستغراب: مالك..؟؟ كاتباني مافرحاناش..<br> جوليا: زواجو اللول كلشي كان كايدوي علييه وهو كان فرحان فتصااورو معاها.. شافت فيه بتخنزيرة وعينيها دامعين: وأنا مزوج بيا بالتخبية وغير مخنزر وماعاجبو حال... <br> ميخيل: ماتكونيش حمقة إلى تعرف زواجكوم غاايضطرو يعاودوليه على زواجو اللول.. وغايوقعو مشاكيل..<br> جوليا: مايهمنييش... هو مابقااش كايبغيها وإلا ماغايتزوجش بياا.. اصلا واخا يقولولو مااغايتقبلهااش.. أنا الوحيدة للي كاينة فحيااتو...<br> جبدات التيلي من جيبها: غاانتصرف..<br> ميخيل: شنو غاديري؟؟<br> جوليا: البارح تلااقيت مع بنت عمو فالملهى وتعاارفنا وهي للي عطااتني رقمها... غاانقولها كلشي..<br> ميخيل: راسك قااصك.. ديري للي بغيتي...<br> ........<br> فديبوو كبيير فيه طبلة طويلة بززاف.. محطوطين عليها جميع أنوااع السلااح.. والمتفجراات.. هذااك هو المخبأ ديال ميخيل والخلية ديالو... كان وااقف تااج مخنزر كايشوف فدااك الشي وميخيل كايوريه ويشرحلو على نيتو: التفجير غايوقع غداا فالمطاار وفوسط كازا.. شنو باانلك فالموااقع؟؟<br> تااج: مزياانين... <br> ميخيل بابتساامة: بهاد الإنفجاار غاانحقو بززاف دالحواايج كنا نستنااوهوم شحاال هذاا..<br> تااج: بالتوفيق... أنا غاانمشي دابا عندي شي شغل نتلااقاو بالليل...<br> ميخيل: علااه فين غادي داابا؟؟<br> خنزر فيه.. وهو ابتااسم: غير فضوول...<br> خرج من تما طاافح ومعصب ركب فطوموبيلتو وركب رقم ديال داك الرااجل.. ستناه فبلااصة بعيدة شوية حتى جاا... حاايد كااميرا من الجيب الصغير دياال القبية ديالو ومدهاالو: هنا كاين كلشي.. هاد الكاميرا بدات فالتسجيل مللي كنت فلوطيل كاين إعتراف ديالو هو وبنتو بللي هما إرهااب.. وحتى الديبو مصور هنا صوت وصورة.. باللبل غايعقدو إجتماع لدااخل إلى حاصرتوهوم غاتشدوهوم متلبسين.. <br> شد الكاميرا وعينيه كايلمعو: شكرا بززاف أتاج.. بلا بيك ماعرفت شنو كنا غانديرو؟؟<br> تاج: هذا وااجب.. غانخلليك دابا الله يعاونكوم..<br> ......: واش نتا ماغاتحضرش معاانا...؟؟ <br> تااج: ماعرفتش.. إلى حلليت شي مشااكل عندي نقدر نجي.. ولكن ماتعولوش علياا...<br> ......: واخا.. وماغاتحضرش للإجتمااع...؟؟ هذي مدة طويلة ماحضرتيش لإجتمااعاتنا..<br> تااج: رااسي عاامر.. ماقادر على حتى حااجة هااد المهمة ساليتها غير بزز...<br> ......: ماسولتكش.. كيف درتي خلليتي الشارف يتيق فييك؟؟<br> تااج: حااسب راسو مطور هو وبنتو.. عقد زواج مزور خلااني نغرقو..<br>
كانت جالسة فالجردة... مهمومة وباين عليها مريضة وسااهية.. ساهية لدرجة ماحسااتش بيها حتى نطقاات وعلى وجهها ابتساامة شريرة<br> مااريا: هااي هبة لباس...؟؟<br> طلعاات راسها شاافت فييها كانت ناقصاها غير هي.. رجعاات هبطات راسها.. جلسات حداها: من ديما متكبرة ومغرورة عااجبك رااسك... هاد الشي كنتي كاديريه شحال هذي مللي كان تاج كايموت على تراب رجليك.. أما دابا غير تواضعي معانا مابقااش أصلاا عااقل علييك...<br> شافت فيها بابتساامة حزينة كأنها كاتخااطب رااسها: عقلو للي نساني أما قلبو بااقي متعلق بياا..<br> طلقااتها بضحكة تردد صداها فالجردة كااملة: مايغركش تعاملو معااك فهاد الأياام.. راه غير جيتيه على الكاانة..<br> هبة: وعلااش أنا بالضبط للي جيتو على الكاانة علااش ماشي نتي مثلا؟؟<br> ماريا: بصرااحة ماعرفتش... المهم هو دابا أنا ويااك بحال بحاال.. وحيت ماعنديش الوقت باش نعطيك شي مقدمة.. غانقوليك باركي لرااجلك.. راه تزوج اليووم..<br> شهقاات بصووت مسمووع يالله جاات تنطق.. قاطعاتها وهي كاتجبد العقد من صااكها: قبل ماتبداي تكذبيني وطلقي ديك الدرااما هاا الدليل... هذي ضرتك أببب... بغيت نقول من هنا حتى تطلقي كاتسمى ضرتك.. مبرووك عليك... مانكذبش عليك هذي أول مرة كانفرح لشي ارتبااط ديال تااج... <br> شدات العقد بين يديها كاايترعدو. كان نسخة جابتو جوليا وعطاتو لماريا.. بقات كاتشوف فيميتو وصورتو فوقها.. ورجعاات كاتشوف فصورتها هي عقلاات عليها.. هذي للي كان داخل لينسطاا ديالها دااك النهار.. الضبابة كاتنزل على عينيها وهي كاتسمع صوت ماريا بعيد مي فاهمة آش كاتقول: فنظرك مللي مشا يوجد وراق زواجو ماعرفش بللي نتي مراتو؟؟ اكيد غايكون يخطط دابا لطلاقكوم..<br> تفكرات مللي قالها الصباح تقدري تخرجي وبللي غايرجع ويهضرو أكيد نواياها كانت صحيحة... نااضت من بلااصتها كاتمشى داايخة دخلات الداخل وطلعات للجناح كل مرة تحس بالدوخة وتشد فالحيط.. دخلات ببصمتها حيت فالصباح رجعها.. تاجهات للدريسينغ حطات نسخة العقد فوق العقد ديالها مع دوك التصاور والفيديوات.. وكتباات تحت النسخة: #مبرووك...<br> هزات فيست طويلة لاحتها عليها كانت ديجا لاابسة... خرجات كاتجري ماعارفاش فين غادة المهم تخرج من هنا وتهرب منو... نزلات مع الدروج بالزربة وهي كاتشوف من الدرجة جوج.. حتى كانت قريبة توصل للسفلي فقدات تواازنها عيات تشد رااسها أو والو.. جات مكركبة من تما حتى للتالي ديال الدرووج... غمضات عينيها وهي كاتسمع فصوت غوااتو وهو كاايقرب... وكاتحس بشي حاجة سخونة نازلة من راسها ومن بين رجليها... حتى شوية بشوية بدات كاتغيب... ومابقاات عاقلة على والوو...<br> .....<br> حبس الطومو ونزل منها كايتمشى بسرعة... دهل وهو كايقلب عليها بعينيه.. رمق ماريا خارجة كاتجري.. خنزر فيها ماكايحملهاش تجي لهنا مخلليها غير على قبل بااه... يالله دخل غايطلع الفوق حتى شاافها مكركبة.. غوت بصووت مرتاافع: هببببببةةة.... مشا مايجري لعندها مخلووع.. وصور مخربقة كاايجيوه فباالو.. راسو ضاارو وهو كاايجري حتى وصل لعندها... تصدم مللي حس بدموعو نازلين.. بالنسبة ليه هذي أول مرة ينزلوو.. شد راسها بين يديه: هبة.. هبة.. انا مزاوك حللي عينيك ماتقتلينيش.. هبة... هبةةةة...<br> هزها بين يدو كايجري وماكايشوفش من وراه.. شافتو ختو وماماه ومريم كانو يالله داخلين عياو يعيطو عليه وماتسوقش حطها اللور وركب القدام طاير بيها للسبيطار.. وهما ركبو فطوموبيلة أخرى وتبعووه<br>
الى الغد
ماكاملااش خمسة دالدقاايق ووصل للسبيطار هو براسو مااعرفش كيف داار... حبس الطومو ونزل بسرعة حلها البااب هزها بين يديه ودخل طااير... تعرضولو الممرضين جايبين فاش يهزوها.. ضرب فيهوم وزاد كاايجري لدااخل... كاايجري بلاا عقل... تعرضلو فاارس مصدوم: تااج يااك لبااس؟؟ ماالها...؟؟<br> نطق بهستيرية: ط.. طااحت.. طااحت مع الدرووج... ب.. بسباابي أفاارس.. بسباابي بااتت فوق الضس بلاا غطاا وبلاا فرااش.. و.. وماكلااتش.. وزادت الخوف للي عيشتها فييه الليل كاامل... بسباابي أفاارس.. دااخت.. استنزفاات كل طااقتها و.. وطااحت.. أنا حماار...<br> فاارس وهو مافاهم والوو: والدم للي بين رجليها.. بااينة حاالتها خطيرة...<br> دار إشاارة لشي ممرضين جابو النااقلة وتااج مظير عليها مابغااش يطلقها..<br> فارس: تاج حطها رااها كاتنزف حطهاا...<br> حرك رااسو: ل.. لا غير قوول فين وغاانهزها رااسي...<br> فارس: واخا زيد..<br> زاد قداامز بسرعة وتاج من ورااه كاايجريو.. داوها للمستعجلاات دخلوها لغرفة طبية مجهزة.. حطها كاايشوف فيها وعينيه داامعين.. حتى تصدم مللي شاافها حالة عينيها نص حلة وجهها شااحب صفر وشفايفها يابسين شاافت فيه ودمووعها كاايهبطو كايتساابقو مع دمووعو هو للي ولاو بحاال الشلاال... شدها من يدها مبتااسم بفرحة: فقتي... فقتي يااك؟؟<br> نطقاات بخوف زبصوت مهمووس: و... ولدي.. ولد.. ولدي...<br> سرط ريقو وحرك راايو مافااهمش: ولدي... م.. مات يااك؟؟<br> قاطعو فاارس للي جا لحداها كاايجري: واش كنني حااملة..؟؟ هاد الشي للي تسببليك فنزيف ياك؟؟<br> ابنااسمات ابتساامة كاتحمل كل معاني الحزن والألم: يعني ماات...<br> يالله جا فاارس يحايدلها الحواايج بااش يشووف قفزو مللي دفعو حتى طااح اللور وزاد لعندها كاايجري: ك.. كيفااش حااملة..؟؟ منين حااملة ومن إمتا...؟؟<br> غمضات عينيها ورجعاات حلااتهوم وشاافت فيه شووفة قطعاتو من لدااخل: ي.. ياك قتلتيه... إلى مااقدكش هاد الإنتقاام قتلني حتى أنا..<br> تاج: م.. مانقدرش... ماقتلتووش.. شكوون بااه..؟؟<br> هبة: أصلاا ق.. قتلتيني... قتلتيني أتاااااج..<br> مع هاد الهدرة سدات عينيها مغيبة... الشي للي خلا فاارس والممرضاات كاايجريو فاتجااهها هازين الوساائل الطبية... وهو وااقف مصدوم كاايترعد وكاايشوف فيها... ركبوولها الأكسيجين والسيروم... ودارولها الصمامات ديال القلب... مضااورينلها كاايعاينوها... حتى نغزو فاارس: تااج.. خرج ماتبقاش هنا حاالتك غير كااتزيد تأزم...<br> شاف فيه وبقا سااكت شوية حتى نقز عليه على غفلة كايحايدلو فالطابلية: أنا للي غانداويها... قالتلي قتلتها وانا للي غانحييها... ه.. هي باغة تموت.. بتغة تهرب مني.. ومن عقاابي ومن هوسي.. ومن غيرتي وحبي... مستحيل نخلليها تهرب... أنا للي غانرجعها للحيااة...<br> شدو فارس من كتافو كايحاول يهدنو: تاج راك ماواعيش بشنو كادير..؟؟ مدة طويلة مادخلتش لشي عملية... وزايدون راك متوثر غير غلااط بسيط غانفقدووها..<br> شدو من الكوول خاانقو: غلطت أفارس أنا غلطت.. شنو غانزيد نغلط عااد؟؟ هي بفمها قاالتلي قتلتها..
دخل وحايدلها حوايجها بيديه مجري على الكل فقط بعض الممرضات للي بقااو بزز منو كايعاونوه.. لبسلها اللبسة الطبية الخضرا.. وبداا كاايفحصها وفنفس الوقت كاايعقملها الجرح للي فراسها وللي ماكانش خطيير... تنهد شااهق ملي ماسمعش نبضاات قلب الجنين... حاول مرة وجررج وثلااتة... وبلاا حتى فاايدة... سرط ريقو مكذب رااسو... شد فشعرو كااينتفو... والممرضاات مللي شاافوه هاكاك خرجات وحدة فيهوم دغيااا علماات فارس لبي كان مع باقي الأسرة حدا البااب مخلووع وماقادرش يدخل حيت تاج كاان عطاه أمر بااش يبقا بعيد... نطقاات وهي متوثرة وخاايفة: خاص ضروري تتدخل أدكتوور..<br> فاارس: علااش ياك لبااس وااش تااج ماقدرش يسيطر على الوضع؟؟<br> الممرضة: هو قدر يضبط دقات قلبها وعقملها الجروح العميقة ولكن غير لقا دقات القلب ديال البيبي واقفين مابقاش مسيطر وتلف... وهي خاصها ضروري دير عملية إجهااض وفأقرب وقت...<br> فاارس: أوووفف مشكلة... عيطي على الدكتورة لين... تااج ماغايبغيش شي راجل يقربلهاا..<br> مشات الممرضة كاتجري وفارس جا يدهل حتى وقفوه العائلة وصحاباتها كايسولوه ويبكيو.. واش كانت حاملة وكيفااش وقع؟؟<br> فارس: أنا ماعارف والو.. تاج قالي طااحت من الدروج أما موضوع الحمل فحتى هو كايباانلي يالله عرف... وكيف سمعوو اكيد البيبي ماات أصلا النزيف للي جاها كان بااين غااتجهض..<br> الجدة وهي كاتبكي: كاانت فرحانة بالبيبي بززاف.. إختبار الحمل دارتو فبيتي... مللي غاتفيق وتلقااه ماكاينش غاتكون حالتها النفسية صعييبة.. ويلا تاج هو السبب أكيد ماغاتسمحلووش وماغاترحموش..<br> رانيا: واش كنتي عاارفة أجدة..؟؟ من إمتا وهي حاملة؟؟<br> الجدة: قربات تكمل شهرااين وهي يالله عرفاات هذي أياام قليلة.. ومشينا لعند الطبيبة وقالتلها بللي الجنين ماتابتش.. وخاصها الرااحة والدواا...<br> يالله جاو يجاوبوها حتى نطق وهو كايتنثر من يد فارس: حتى نتي عاارفة يااك...؟؟ عارفة حتى شكون بااه...؟؟ قولي شكون هو...؟؟ شكوون...؟؟ <br> جاوبو باه بصراخ: تااج براااكة.. راك كاتغلط فحق البنت ومللي غاتصحى غااتندم... <br> غمض عينيه وجلس فالأرض: راه ماات الواليد ماات... وأنا سبابو... هي الطبيبة قالتلها حملك ماتابتش خااصك الرااحة وأنا عيشتها فالجحيم... (شاف فجداه): هي راه عندها الحق ماتساامحنيش.. راه بااتت كاترعد بالخوف مني... <br> الجدة وهي كاتقرب جهتو: ماديرش فراسك هااد الحالة اولدي كلشي غاايتصلح خاص غير الصبر... هي صبراات معاك هاد المدة ودابا جا الوقت بااش تصبر حتى نتا<br> حط يدو على وجهو: شنو وقع فهااد العاامين...؟؟ إلى لقيت راسي غالط فحقها شنو غااندير؟؟ رجعت خاايف نتفكر للي دااز...<br> دازت من حداهوم الطبيبة كاتجري ومعاها بززاف الممرضات ناض بالزربة باغي يشدها حتى شدو فارس وأشرف<br> تاج: طلقو مني.. علاش داخلين لعندها؟؟ أنا للي غاانتكلف بيها مابغيت حد يحط يدو عليها...<br> فاارس: تاج غايخصها عملية داابا ونتا فهاد الحالة ماغاتقدرش تكاالما راه كلهوم نسااء ماكاينش حس الرااجل...<br> تنثر منهوم بالجهد: مابغيت حد يقييييصهاا... انا قااادر...<br> كان جااعر وصااعر لدرجة كاع للي كاينين تما بقاو مصدومين فيه.. حتى آمر فارس بإخلاء الجانب للي كانو فيه بقاو فيه فقط العائلة ورجال تاج...<br> واليديه وخوه وولاد عمو كايحاولو يهدنوه ولبنات كايبكيو بحرقة على صاحبتهوم وزادتهوم حالة تاج للي ضربلو فارس شوكة فظهرو خلاتو يفشل ويطيح جالس فالأرض مابقاش قادر ينوض فقط دموعو للي دايزين وهو كايشوف فبااب غرفة العملياات للي هي فييها
مرة اخرى جرا على الكل.. وبزز منهوم صافطهوم فحالهوم... بقا غير هو معاها.. الليل كللو وهو فاايق مقاابلها وهي نااعسة.. جاالس على الكرسي... كايشوف فيها... بلا مايغمض عينيه حتى ثاانية...<br> ... زيرات على عينيها كاتحس بألم رهيب فرااسها وفأسفل بطنها... حلاتهوم بالشوية ورجعاات سداتهوم مللي جاها الضو مجهد.. حساات بيدو مزيرة على يدها وصوتو مهموس فوذنها: هبة.. هبة كاتسمعيني..؟؟<br> رجعات حلات عينيها حاطة يدها على كرشها شاافت فيه بتعب... تنهدات وسرطات ريقها ونطقات بكلمات غير بزز: و... ولددي...<br> عض على شفاايفو وهبط رااسو للأرض... غمضاات عينيها وسمحات لدموعها ينزلو مللي فهمات المقصود من حركتو... شاف فيها: ماكتاابش ليه يعييش... أناا.. انا عارف بللي أنا السبااب وكانعتااذر حيت قتلتليك ولدك... ماتنساايش أهبة بللي أنا رااجل شرقي... ومهووس بييك.. كيفاش بغيتيني نتقبل هااد الشي وماندير حتى تصرف.... قلتي بللي قتلتك يااك...؟؟ وهاد الشي للي درتي فيا نتي شنو كااتسميه همممم...؟؟<br> قاطعااتو مرة اخرى كاتدوي غير بالشوية: الد.. ريسينغ... الدريسينغ ديال جنااحك غاتلقا فيه كلشي.. وكاع الأجوبة على أسئلتك...<br> ناض من بلااصتو: كيفااش...؟؟ أشمن أجوبة...؟؟ هبة... هبة...<br> رجعات غمضات عينيها.. ناض فحصها كاايشوف ماالها لقاها غير نااعسة تنهد بارتيااح وخرج اتاصل بجوج من رجاالو آمرهوم يبقاو حدا الغرفة وماايخلليوش حس الراجل يدخل من غير الممرضة للي غااتجيب لفطوور وتضربلها اليبرة... خرج لبراا بالزربة من بعد ماعلم رجالو بللي مابغاش الصحافة يعرفو بالخبر وحتى إلى عرفو يصدروهوم باش ماكان... ركب فطوموبيلتو وديمارا بأقصى سرعة للقصر...<br> ......<br> واقف فبااب الدريسينغ كايشوف فجهتها لأول مرة يشوفها من بعد الحاادثة... قرب كاايشوف فالرسم للي رسمولها فالمغرب... للي كان فالحيط.. شد على راسو افكار مخربقة كادوز فزسطو... هز يدو كايدوز بيها على الكساوي للي تماا... هاد الشي بالنسبة ليه كلشي مألووف... حط يدو كاترعد على داك الشي للي حطات تماا... هز كلشي وخرج كاايتمشى بالثقالة مخرج عينيه وخاايف من الحقيقة.. جلس فالأرض وهز الورقة للي كتبات فيها كلشي كايقرا ويشهق ودموعو هابطين وكايشوف فالتصااور والفيديوات للي فالتيلي ويرجع يقرا.. وراسو كايسترجع الذكريات... ساعتااين تقريبا وهو كايقرا ويشوف فالتصاور والفيديوات للي كانو كايديرو فالطومو وفالخطوبة وفالعرس ومع واليديها... حتى تفكر كلشي... تفكر كاع للي داز.. وهااد العامين كلها دازت قدام عينيه والأفكار للي كانو مخربقين ترتبو... السخاانة طلعاات معااه... حاس براسو سخوون وكاايضرو... حط يدو على آخر ورقة كانت تما... قلبها وخرج فيها عينيه.. مللي لقاها نسخة ديال الزواج مع جوليا وتحت منها مكتوب بخط هبة : #مبروك....<br> تااج: ل.. لا مااشي.. حقيقي.. راه مزور... انا ناا.. ناسيك وكانغير علييك... بغيت لقطيع لهااد اليدين للي وقعو على هااد العقد... ياريت لساني تقطع قبل مانجرحك... شد على راسو كايبكي بهستيرية: آش درت آربي آش درت...؟؟ قتلت ولدي... وقتلت مرااتي.. قتلت حياتي وقتلت رااسي... يااربي آش درت...؟؟<br> ناض من الأرض كاايحاول يخرج حتى حس براسو كاايضور وماقدرش يزيد حيت إسترجاع الذاكرة بهاد الطريقة صعييب... رجع جلس وهو كايبكي ويفوت ويهز فللي لقا حداه ويرميه: هباااااااااااا... ماعمرها تسمحلي... ماغاديش تسمحلي... قتلت علااقتنا... وقتلت حبناا... إلى ماسامحااتنيش نمووت... غااانموووت... <br> ......<br> فنفس الوقت.. حلات عينيها مرة أخرى... لقات راسها بوحدها فالغرفة... نااضت بالشوية كاتحس بكرشها كااضرها بززاف... نثرات السيروم من يدها حتى تجرحاات... تمشاات وهي كاتكا على الحيط.. لبسات فرجليها.. وتحركات جهة السرجم.. حلااتو... لقاتو قريب الشي للي خلاها تزعم واخا مريضة.. وبصعوبة رمات رجليها وقدرات توصل للأرض.. لقات راسها فالجردة... غطات وجهها بالزيف للي دارتو فوق راسها قبل ماتخرج باش مايعرفوهاش رجال تااج للي مشتتين فالمستشفى... تسلتاات بصعوبة وخرجات لبراا كاتمشى بزز ووكا على الحيط والشجر... حتى وقفاات حداها واحد الطومو قفزااتها خافت يكون تااج... سمعات صوت من وراها: آنسة...<br> ضارت بالشوية كاتشووف فيه... كان لابس رسمي شاب وسيم وجايب راسو... صغرات عينيها جاتها بحاليلا شافتو من قبل... سمعاتو كايهضر ولكن ماركزااتش بسباب الدوخة للي جاتها.. بدات كاتغمض عينيها حتى طاحت سخفاانة.. عرضلها يدو هزها بقا كايشوف فيها لمدة ومن بعد طلعها فسياارتو اللور وركب مديماراي للوجهة المعااكسة...
أنت تقرأ
🔥لهيب الهوس 🔥( مكتملة)
حركة (أكشن)سلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
