🔥لهيب الهوس 🔥( مكتملة)

part57

بسمة ناعمة
البارت 57: شاف فيها كايضحك: واسمعينل صوتك تزيزنتي؟؟
بقات حانية راسها فالأرض وجهها حمر كاتحس بريحتو كاتدخل لقلبها هزلها راسها لعندو جات عينها فعينو: مالكي؟؟!! ماعاجباكش شي حاجة قوليها...
نطقات بصوت مهموس: لا كلشي عاجبني...
ابتاسم وهو باقي مطلعلها راسها: كولشي كولشي حتى أنا؟؟؟
ابتاسمات بخجل وهو غمض عينيه: أححح شي نهاار تقتليني...
بقات غير ساكتة كاتسمعلو حاسة بقلبها كايفرفر: مال حبيبة سااكتة؟؟ امممم... كاتحشمي؟؟
حاولات تهرب وجهها وهو حاكمها مقرب فمو لوذنيها كايهمس: كل نهار كانزيد نبغيك كثر... ماتصوريش شحال وقدااش... ماعمرني تصورت نتغرم بشي وحدة لهاد الدرجة #كانبغيك... كلمة قليلة فحق هاد الشي للي كانحس بيه...
عضات على شفايفها وشدات فقمجتو جيهة صدرو بيديها بجوج حتى كمشاتها بلا ماترد البال... الطريقة باش كايهمسلها وريحتو والهدرة للي كايقول وسامتو قربو منها تصرفاتو كلشي خلاوها غاتفقد الوعي... بقات كاتسرط ريقها ماقادراش تصبر حرك راسو كايشوف فيديها للي مزيرن على القاميجة.. حنا راسو كايبوسها فيهوم وعينيه فوجهها وهي مغمضة عينيها كاطلع النفس وتهبطو بزز... حلاتهوم بتثااقل لقاتو كايشوف فيها مبتاسم بطريقة دوباتها ونطقات: ن... نمشي نلبس حوايجي....
بعد عليها شوية حيت شايفها غاتسخف وهو باقي شادها من خصرها: بغيتي تمشي؟؟
شافت فيه وحركات راسها وهو حط صبعو على فمو: بوسي هنا وسيري
خرجات عينيها: ششنوو...؟؟
تاج: يالله بوسي باش تمشي راه مابقاش بززاف...
حركات راسها رافضة بالتمام وهو طلق منها وضار جلس على الكرسي الرئيسي ديال البيرو وجبد عندو البيسي خدام بيه وهي بقات واقفة كاتشوف فيه... يالله ضورات وجهها باش تمشي وهو ينطق: مسدود... ضارت شافت فيه عينيه فالبيسي ونطق مرة أخرى كايشير بصبعو لواحد الزر حداه: كايتحل من هنا ويلا بغيتي تخرجي بوسيني من هنا.. حاط يدو على فمو... بقات غير كاتشوف هي راه مشهية البوسة فدوك الشفايف الورديين ولكن ماقادراش غير كاتوصل حداه كاتبقا ترعد.... بقات واقفة كاتفرك فيديها حتى سمعات صوت الميسااج حلاتو لقات كوثر عالماها بللي سالاو... شافت فيه: لبن..ات سالاو...
هز التيلي ديالو خربق فيه ورجع كايخدم فالبيسي: هاهو الشيفور غادي...
قالتها لكوثر ورجعات كاتفرك فيدها: ت... تاج عفاك خليني نمشي
حط صبعو على فمو وعينيه فالبيسي بلا مايهضر... تنهدات وزادت لعندو بخطوات ثقيلة: وقفات حداه وهو ضار عندها كامل بالكرسي متكي عليه حاط يدو حدا فمو كايلعب بصباعو: يالله...
سرطات ريقها وبقات واقفة كاتشوف فللارض حتى فيقها بصوتو: دابا بوسة وجاتك صعيبة ونهاار نقوولك نح....**
شافت فيه مصدومة أول مرة يخسر الهدرة شافت ملامحو باينة تعصب وكايشوف فيها بجدية يعلم الله فاش كايفكر... حتى ناض على غفلة دفعها ملصقها مع الحيط وهي كاترعد مخلوعة تلصق معاها محاوطها بيديه ومركز عينيه فعينيها: بوسيني أهبة...
سرطات ريقها وغمضاات عينيها كايبان ماشي هو هذاك قربات وهو مخليها حطات شفايفها عل. شفايفو وباستو بوسة خفيفة يالله جات تبعد حتى كان حاكمها شلقمها مزيان حتى حسات بشغايفها كايحرقوها طلقها مبعد عليها وهي حطات يدها على فمها ضرها بززاف شاف فيها مارادش البال لشنو دار ولا شنو كايدير: بوسة جاتك صعيبة أهبة وهذااك... مزير على سنانو وكايدوي: هذااك كيف كنتي كاتعاملي معاه مايمكنش ماتكونيش ب... سكت مغمض عينيه ماقدرش يكمل وهي ماحملاتش يفكر بللي كانت تبوس سمير وهو رفضات تبوسو دابا عاد عرفات علاش تعصب حركات راسها بالنفي: لا لا ماعمرني بستو والله مابستو... ماعمرني بستو.. شاف فيها ساكت كلماتها نزلو بحال البلسم على جرحو... تنهد وهو شاد وجهها بين يديه حاط جبهتو على جبهتها: ششششش... صافي سمحيليا سمحيليا... وااخاا...؟؟ ماديريش عليا... أنا هبيل حمق مجنوون... بقا كايبوسها بحنية فعينيها ونيفها وجهها شفايفها... طلقها مبعد عليها كايحك فراسو: صافي سيري سيري راه مصبر راسي بزز... سيري قبل مانغتااصبك... ضغط على الزر للي فالبيرو وهي مشات كاتزرب فخطواتها حتى جات خارجة أو وقفها: غاتلقاي فالدريسينغ للي بغيتي... وحتى صحاباتك إلى بغيتي تعطيهوم شي حاجة يلبسوها... ومللي تسالي وتكوني هابطة دوزي لعندي... حركات راسهل وهو كاياكد عليها: هبة دوزي لعندي قبل ماتهبطي أوكااي؟؟
هبة: واخا غاندوز عندك... ابتاسملها وخرجاات وهو تكا على الكرسي كايفكر فتصرفاتو معاها وداك الوحش للي كايخرج فكل مرة.. خايفها تنفر منو وتهرب بسبااب هاد الشي عض على شفايفو حتى خرج الدم ماقادر يفكر فيها حتى مجرد تفكير... أما هي غير خرجات حطات يدها على صدرها كاتسترجع أنفاسها وهي كاترعد حتى شوية بشزية بدات كاتبتااسم تموت فحبيبها المغياار هي... تحركات غادية للبيت دخلات ومشات مباشرة للدريسينغ دخلات كاتشوف مصدومة غير البارح كان خاوي بقات واقفة حالة فمها فالدريسينغ كاضور صباعها على الحوايج للي تما... ماعمرها شافت بحالهوم مباشرة... كلشي جديد وبالتيكي وغي ليمارك... أنواع وأشكال صيف وشتا... ديال الدار وديال برراا... ديال المناسبات وديال لخريج... الجوايه بجوج عامرين جيهتها وجيهتو... ملابس رجالية ونسائية... حاسة بقلبها كايفرفر... فكر فيها وعمرلها جيهتها بالحواايج إمتا لحقو يديرو هاد الشي.؟؟ بقات كاتقلب بالشوية بين حوايجها حتى ثارت انتباهها واحد لاغووب مزيرة من الفوق ومفرفرة من لتحت.... بحال ديال باربي فاللون لزرق عندها اليدين حجاابية... ابتاسمات عاجباها... خرجات ماشية للحمام دوشات دغيا وخرجات لابسة بينوار فالغوز... لبسات دو بيااس فلبيض وصوفيطمة وشورط حتى هما بيضين... ولبساات ديك لاغوب... وقفات حدا لمراية عاجبها راسها بززاف وشعرها فاازك مطلووق... هزان السيشوار لقاتو حداها بقات كاتنشفو بيه... مشطاتو وجمعااتو كعكة... حايرة فالزيف للي دير والطريقة للي غاتلبسو بيها... والمااكيااج حتى هو حيت لقات لكوافوز للي فوقو لمراية من جهتها عاامر بالماكيااج والروايح نساائية ماعرفات كيف تستعملهووم.... باقية واقفة تالفة حتى سمعات لباب كايدق... قلبها قفز قاالت هو... نطقاات: دخل...
دخلات ديك الخدامة من وراها واحد لمرا تكون فالثلاتينات... لابسة لباس أنيق... ودايرة ماكيااج متقون... شافت فيهوم بتسااءل حتى نطقات ماريا: لالا هذي جات خصيصا على قبلك... باش تعاونك ممكن تحتاجيها فشي حااجة... شافت فديك لمرا: هانتي شفتي اللبسة للي ختاارت... نسقيهالها...
ورجعات شافت فهبة: ممكن ندخل للدريسينغ...؟؟ خؤكات هبة راسها مستغرلة وابتاسماتلها ماريا ودخلات وهبة دخلات من وراها شافتها كاتسد جيهة تااج دالحواايج ومداتلها الساروت: السي تاج آمرني نسد جيهتو ونعطيك الساروت حيت إلى سمحتي السيدة للي معايا غاتدخل تشوف شنو يجي مع اللبسة... حركاتلها هبة راسها وماريا حنات راسها وخرجات ولوخرى بقات واقغة بررا كاتسنى الإذن من عند هبة باش تدخل... من بد مافاقت من الصدمة تحركات بالشوية وقرباتلها دخلاتها.. وهذيك مباشرة وقفات حدا الحوايج كااتقلب مركزة حتى جبداات زيف فالذهبي حيت لاغووب فيها وااحد السفيفة ذهبية من العنق نازلة حتى لتحت فالوسط... وجبدات سباط طالون حتى هو فالذهبي وصاك زرق... هزاتهوم كاتشوف فيها: لالا شوفي واش هادو عجبوك. شافت فيهوم هبة زوينين راقيين حركاتلها راسها بلا ماتدوي أصلا هي من ديما طبعها هادئ وهدرتها قليلة ماكاتدويش بززاف حتى مع صحاباتها للي زعما مطلووقة مافيهاش البلابلة... اما مع تاج ماكاتهضرش كااع... خرجو من تنا وجلساتها هذيك حدا لمراية هزات الماكيااج كاتقادلها وهية متوثرة نطقاات: عفاك دريهلي خفيف..
ابتاسمات ديك السيدة: أصلا هاد التعليمات جاوني قبل ماندخل..
عضات على لسانها كاتفكر فتاج أكيد هو مول التعليمات ابتاسماات عاجبها الحال وعاجباها حياتها الجديدة... بقات كاتشوف فراسها واخا ماكياج خفيف بدل شوية من ملاامحها حيت هي أصلا ماموالفاش بالماكيااج بين براءتها وجمالها كثر وناسب لونها لسمر... حلاتلها الشعر وزادت طلعااتو الفوق: تباركالله شعرك زوين بززاف وطويل كايفتن...
شدات الزيف قاداتولها على الطريقة التركية جاها زوين بززاف... عجبها راسها والسيدة كاتشوف وتبتااسم: ماشاء الله جيتي غزاالة...
ابتاسماتلها: شكرا عوينااتك...
دخلات لعندها ماريا وهي كاتشوف فيها باينة عجبااتها: لالا... الضياف وصلو
شافت فيها هبة ماعاجبهاش الحال يكونو شافو الأجواء وهي ماحاضراش وخصوصا غزلاان حيت بغات تفااجأها: واش كاينين لدااخل؟؟
ماريا: لا باقيبن فالطومو راها دخلات من الباب اللوراني السي تاج آمر باش تدخل من تما وماندخلوهوم حتى نعلموك...
ابتاسمات: خلليهوم يجلسو فالجردة من الجهة الأخرى بلا مايشوفو بلاصة الحفلة وسولي على غزلان وكوثر ومريم طلعيهوم لعندي...
حنات راسها ومشات وهي شافت فديك السيدة: عفاك واش ممكن تقاادي حتى لصحابااتي؟؟
ابتاسماتلها: أكيد أنا هاد الليلة محجوزة على قبلك... وتحت أمرك...
هبة بقالها شوية وتسخف تاج ضرب لحساب لكلشي ولوكان لقات تكون طارت عندو عنقاتو..
نزلات لخدامة لتحت ومشات من الحهة الأخرى لقات لبنات جالسين فالجردة فوق لكراسة كايشوفت فالفيلا حاللين فامهوم غاتجيهوم جلطة ماعارفين لافين هما ولا عندمن جايين غير تالعين كوثر... وقفات حداهوم ونطقات بصوت مرتافع شوية باش يسمعوها: فين كوثر ومريم وغزلان؟؟
وقغو كايشوفو فيها متساءلين وهما باقيين متعجبين فالفيلا ابتاسماتلهوم: لالا صيفطاتني لعندموم بغاتكوم تطلعو عندها الفوق..
نطقات غزلان: شكون لالاك؟؟
جراتها كوثر: سكتينا أزمر ومشاو من ورا الخدانة وغزلان غير كاتخربق: وشكون هاد لالاها؟؟ باينة مولات الفيلا... علاش جينا لهنا؟؟
قربات مريم لعند كوثر همساتلها: واش هبة جالسة هنا؟؟ فهاد الفيلا؟؟ ويلي ويلي ضاربة داك الزين كامل وزايداها بالفيلا شفت بحالها  غير عند عثمان كوزان...
كوثر: هانتي كاتشوفي أنا راه مصدومة صافي... غانخرالك هنا بالصدمة... شافت فغزلان غير كاتهرنن: سكتينا نتي مالكي
شافت فيها مخرجة عينيها: شوغي هاد الشي راه ماعاجبنيش واش حنا وجوه الفيلا منين جاتنا... راه بديت نشك فيك تكوني جاية تقودينا ولا ماعرفت شنو؟؟
وقفات مخرجة فيها عينيها: نقودك...؟؟!! إيوا الله يمسخك.. يحصابليك القوادات عندهوم بحال هاد الفيلا؟؟ سيري تخراي راه عندهوم غير براكات...
نغزاتها مريم: فين شفتيهوم؟؟ كنتي معاهوم؟؟
كوثر: شفتهوم فالتلفازة
غزلان: وعلاش جايبانا لهنا وجايبة كاع دوك لبناات وديك ليموزين للي جينا فيها منين جات... فهميني راسب غاينفااجر... بسباب ديك الطومو وهاد الفيلا راهوم ربعة لبناات سخفانين كايرشو عليهوم الريحة لهيه فالجردة...
مازادتش معاها الهدرة... وهي غير كاتسول وتعااود... وهما تابعين الخدامة حتى وقفات عند باب البيت حلاتو ورجعات اللور: تفضلو..
زادو كايضورو فعينيهوم... دخلو كايطيحو فبعضياتهوم حتى جات عينيهوم فهبة واقفة كاتشوف فيهوم مبتاسمة... بقاو كايشوفو فيها ويسرطو فريقهوم مصدومين
كوثر: وااااو جيتي وااعرة
مريم: ويلي ويلي واش نتي هبة متأكدة؟؟
هبة: على سلامتكوم... مالكوم مصدومات؟؟ جلسو جلسو...
يالله جاو ينطقو وهما يسمعو واحد الصوت من وراهوم ضارو مخلوعين حتى لقاو غزلان طاحت فوسط الفوتوي ومع ثقيلة دخلات فيه متكية اللور مرخية زادو لعندها مخلوعين وهي حالة عينيها نص حلة كاتشوف فهبة: هبة؟؟!!!! ويلي ويلي...
هبة تحنات شادة فيدها: غزلان مالكي أصاحبتي فيقي؟؟
غزلان: واش حنا فالفيلا؟؟
هبة: آه الفيلا ديال تاج هذي..
ناضت مقادة الجلسة بتثااقل وشافت فيها: دابا نتي شاادة دااك الزين كامل وزايدة الفيلا يااك؟؟
هبة: واصاحبتي الفيلا ماشي ديالي راها ديالو
بقات كاطلعها وتهبطها: وشكون لبسك بحال هذي؟؟ بغيت بحالها اهيء اهيء اهيء....
تنهدات هبة منين غاتجيب قيااسها وناضت: صافي هانا غانضبرلك على بحالها...
دخلات للدريسينغ ودخلات من وراها هذيك السيدة لقاتها كاتقلب ونطقات: إلى سمحتي أنا نتكلف...
رجعات اللور: ماكرهتش غادي تنقديني..
زاظت هذيك بالشوية كاتقلب بطريقة احترافية حتى جبدات وحدة من الوسط فاللون لكحل... شافت فيها هبة باستغرااب: وباش عرفتي هذي غاتجيها؟؟
السيدة: هذي كاتربط بالخيوط يعني تليق لأي قياس...
هبة: آه مزيان غير خاصك تهلاي فيها مزيان هي راها مولات الحفلة مي ماعارفاش دايراهالها مفاجأة...
السيدة: كوني هانية... وصحاباتك لاخرين غاتعطيهوم شي حاجة؟؟
حركات راسها: آه واخا لابسين بغيت يبانو حسن... شوفيلهوم شي حاجة وحدة راها كادير الحجاب ولوخرى لا
ابتاسماتلها وزادت كاتقلب جبدات جوج لبسات آخرين وحدة بحال دالشكل ديال هبة ولوخرى ماعندهاش اليدين مي طويلة حتى هي من لتحت... هزات السبابط للي يجيو معاهوم والزيف لمريم وخرجو لعندهوم لقاوهوم باقيين حالين فامهوم فالبيت... غير خرجو نطقات مريم: ريحة زوينة بززاف فهاد البيت
كوثر: أممم ديال الرجال أكيد ديال تاج ياك؟؟
هبة: آه ديال تاج...
غزلان: بفف كيفو كيف ريحتو
قربات لعندا هبة: هاكي لبسي هذي..
شافتها عبنيها خرجو منهوم لقلوبة: هههه... فين نلبس
وراتها الحمام فين جا دخلات كاتجري وهبة عطات لكوثر ومريم حوايجهوم: هاكو حتى نتوما..
كوثر: ههههه... لعز...
مريم: وااو زوينة...
دخلو تابعين غزلان وهبة جلسات فوق الفوتوي كاتبقشش فالتيلي لقات ميساج: عنداك تنساي ماتفوتيش عليا.. غايجيني الليل طويل مانشوفكش...
ابتاسمات وهي كاتقراه ماردات البال حتى خرجو كايتجرجرو
كوثر: أويلي هذاك حمام؟؟
مريم: قالك حمام وهو حسن من الصالون ديالنا..
هبة: أممم جيتو كاتحمقو... جلسو هاهي لمرا غاتقادلكوم...
بقاو غير كايشوفو صدمة تنسيهوم فصدمة... بدات ديك لمرا بغزلان برزاتلها شوية الماكياج ومع وجهها عامر وفورمتها حتى هي جاات كاتحمق وهي أصلا زوينة وشعرها كحل بززاف وكانت ديجا ماشطاه موجاتولها من لتحت وخلاتو على طولتو حيت واصل لحد لكتاف قصير ودارتلها خيط الريح فجبهتها مع اللبسة الكحلة جاتها ملبوسة ماعندهاش اليدين وفوقها سلهام حتى هو بلا يدين وطالون فالفضي بحال خيط الرييح... وهي غير كاتضحك عجبها راسها بززاف... أما مريم لبسات بحال هبة تماما غير اللون للي مختالف هي فالرمادي وكوثر لبسة فالغوز بلا يدين ومشطة دالعرايس وماكياج خفيف... جاو بربعة كايفتنو... شافت فيهوم ديك السيدة وابتاسمات: ماشاء الله الله يحفظكوم من العين... خرجات وخرجو من وراها وغزلان غير كاتسول: علاش جينا أهبة وعلاش حتى دوك لبنات جااو؟؟ وديك الطوموبيل للي جابتنا ديال تاج؟؟
هبة: هانتي كلشي غاتعرفيه