🔥لهيب الهوس 🔥( مكتملة)

part49

بسمة ناعمة
البارت 49: ناضو دوشو توضاو أو صلاو فطروو لبسو حوايجهوم وخرجو... كايتمشاو ويضحكو وصلو مع الوقت نيشاان... كملو السواايع وخرجو وقفو فالساحة دلافااك... هبة جالسة حدا الناافورة وهما واقفين علييها كاانت 12 دالنهاار حتى سمعاات التيلي كايصوني ابتااسمات وهي كاتشوف فنمرتو نااضت بعداات عليهوم جاوباات: ألووو... تااج؟؟؟!!
تاااج: أحححح وسميتي كيف كااتخرج من فمك؟؟
هبة: هههه... لبااس؟؟
تااج: مالاابااس والو وأنا بعييد علييك
عضات على شفاايفها ساكتة وهو كمل كلامو: باقية فلاافااك؟؟
هبة: أممم باقية
تااج: الشمس قااصحة أحبييبة... يالله تلااحي
هبة: آه...؟؟!!
تاج: هاد النهاار كاينة الشميسة فوجدة والشمس دالشتاا قااصحة وتقدري تمرضي رجعي للشوومبر
هبة: آه واخا ولكن غيي...
قاطعها: غانقطع من بعد جوج دقايق نعااود نصوني نبغي نلقاااك مشيتي...
هبة: و.. واخا؟؟
قطع وهو كايحل باب الطومو كان لاابس رسمي خارج من شركتو ديمارا وهي بقاات واقفة شوية كاتفكر ومن بعد رجعات لعند لبناات لقاتهوم أصلا غاديين شاافت فيها كوثر: هاد الشي صونا غير فالتيلي نسيتي واش كاتعرفينا اما لوكان جا برجليه يعلم الله
هبة: يااك هانا رجعت؟؟
كوثر: حتى قطع...
هبة: ياك ماكتتي باغياه يدوي معاك نتي؟؟
كوثر: لا لا غير زيديه فرااسك... نموت ونعرف هادو للي كايجلسو بوحدهوم باش يدويو مع صحابهوم اش كايقولو آش؟؟
مريم: خصووصياات ابب
كوثر: حق الله إلى كاتجعروني بهاد الخصوصياات
غزلان: إيوا رتابطي حتى نتي وتعرفي آش كايقولو؟؟
كوثر: هااا ماقالت لحمارة بغيتو تفسدولي أخلااقي يااك..؟؟ شفتوني أنا للي مربية فيكوم قلتو كيفاش حنا بربعة وتخرج فينا وحدة بنت الناس الزين والتربية والتبااثة... غرتو يااك غرتوو حيت أناا عزييز عليا رااسي ومايمكنش شي ولد لمرا يعنقني ولا يبوسني (كاتدوي وتشوف فمريم بنص عين) حدا الففففف حدا الفم
مريم: حدا الفم والله حتى الفم أصلا أنا كنت لابسة ربعة السرااول وشورط وسلييب... لوكان جا يبووس فديك لبلااصة غانكون عاد دابا جااية؟؟
كوثر: أهااه..؟؟! يعني داروها غير السرااول يااك؟؟
مريم: لا والله ما السرااول بصرااحة... ماكنتش محس....
غوتات هبة مقااطعااها: حبسووووو حبسوو هااد الشي... سكتو كايشوفو فيها وهي مكشكشة: فين وااصلين بهااد الحوار دياالكووم فيين؟؟ أويلي معاامن أنا؟؟ قاالك طاالبات؟؟ والله حتى طلابات وواعيين علييكووم حق الله
شاافت فيها كوثر: عندنا الحق فالحوار كيف بغينا يااك حنا بووحدنا...؟؟ نخسرو الهدرة ولا نخسرو لكماامر لبعضيااتنا مااشاافنا حد
هبة: لا ألاالا الباارح شاافوكوم شاافووكووم
كوثر: كيفااش؟؟ إمتا لباارح؟؟
هبة: لباارح مللي كنتي كاتقرصي فمريم وغير كانخربقو فالهدرة؟
كوثر كاتفكر: هاا... ؟؟!! ولكن حنا كنا فالشوومبر الداخل شكون غايشووفنا؟
هبة كاتوريها التيلي: كنا الداخل ولكن هذا كان معاانا... كنت دايرة فيديو مع تاج ونسيت ماقطغت وهو تفرج فكلشي من اللول حتى للتالي...
قالتها وزاادت كاتمشى مخلياهوم واقفين فحالة صدمة... حتى استوعباات كوثر وتبعااتها كاتجري ولبناات من وراها وقفات فطريقها كاتولول: أويلي أويلي... حياتي كاملة وأنا كانبين الحشمة والزيين والتبااتة والرزاانة... حتى من النمرة ماعمرني شديتها على شي قوااد أويلي حارمة راسي من البووس والتعنااق والتدفئة الطبيعية اللحمية ومن كلمة حبيبة غيير بااش للي شاافني يقوول الله يعمرها داار فالتاالي نتفضح (جلساات فوق الطروطوار حاطة يدها على راسها): مع لغراابة؟؟ شاافت فهبة: غربي هو يااك غربي؟؟ رجعات كاتضرب ففخادها وللي داز كايشووف فيها: ماحشمتيش ماقدرتيش غير تغمزيلي كااع... غير غمزي بااش نسكت...
هبة: نوضي برااكة من الشووهة.. انا ماشي غير غمزت رااه غوت ودفعت وجبدت ونتي والو واش بغيتي تسكتي وتكمشي وزاايدوون راه نسيت بللي خلليتو شااعل مللي هجمتي على مريم نضت بلاا عقل
كوثر: ههههه... دابا نتوما تحابو وتقااحبو وأنا نتشوه... والمشكلة الباارح غير أنا للي تفضحت أنا للي كنت كانطيح الهدرة بلاا عقل
هبة: بااش تعرفي رااسك بللي نتي للي خااصك تعااودي الترراابي... قالتلك الرزاانة والتبااتة إيوا الله ينعل للي مايحشم
مريم: يعني حتى أنا شافني مللي كنت كانااكل لعصا يااك؟؟
خنزرات فيها يالله بغاات تجاوب حتى سمعاات الايلي كايصوني جاوبات وهو نطق: باقي مادخلتيش؟؟
هبة: باش عرفتيها؟؟
تاج: بصداع الطموبيلات أهبة دخلي...
شافت فيهوم: لبناات ها أنا غادية حتى تلحقوو عليا
ناضت كوثر كاتدوي بهمس: شوفي... قوليليه بللي هادوك للي شاف لباارخ مااشي هما حنا... قوليلو بالليل كاا... كاايجيو وااحد الجنوون كاايتلبسوونا و.. ووو ولا قوليلو فيديو مفبرك آه مفبرك..
جاالس فالمكتب ديالو كايسمع مبتااسم نطق: قوولها الفيديو كان مبااشر أكوثر مبااشر
شهقاات مخرجة عينيها وهبة كااتضحك.
كوثر: بسملهرحمنرحم... ف... فين سمعني يااك كاندوي بالشوية؟؟ إلى كنتو من اللإنس الله يحفظنا منكووم ويلا كنتو من الجن حنا بالله وبللشرع معااكوم...
تااج ميت بالضحك: هااد صااحبتك عالااام هههههه...
هبة بهمس: تااج وصافي رااك حشمتييها
تااج: ههههه.... صاافي واخا هانا سااكت دخلو راه عليكووم الشمس وقوولها مااوقع والوو ماتفرجتش فكلشي... مايبقاش فيها الحاال...
قطع وهي غير كاضور فعينيها حتى نغزااتها هبة: زيدي يالله ندخلو راه الوحدة هذي ساعة جبناها غافالطريق... جراتها معاها وهي غير كاتشوف ودخلو للشوومبر بدلو عليهوم وهي كاع ماكاتدوي وجدو لغظا تغداو لبنات كايجمعو ويضحكو وهي كاتشووف فنقطة وحدة حتى قفزااتهووم: لقييييتهاا
شافو فيها مخلووعين
غزلاان: لخراا مالكي دايرة بحاال البووطة كاتغفلي الوااحد؟؟!!
كوثر: ماعرفت شكون داير بحال البوطة فالفصالة أنا ولا نتي... راه غاتحمست
هبة: الله يسمعنا خبار الخيير
كوثر: ب... بصراحة أنا دابا تشوهت وللي عطا الله عطاه
هبة دايرة يدها على دقنها كاتسناها ديماري وهي غير كاضور فعينيها: غاطلقيها طلقيها بااينة شي مصيبة جااية فالطرييق
كوثر: لا لا ماكااين لا مصييبة لاا واالوو... غير داابا هو مابقا لا تبااثة لا رزاانة وتفضحت على المبااشر بللي كانطيح الهدرة وكانتشرمل يااكو؟؟
هبة: كاتدوي بحاليلا شاافوك فالتلفاازة راه غير تااج هذااك ماكان معاه حد
كوثر:واخا هااكاك... المهم شاافني بنادم
مريم: وحنا للي كاتسمعيهوملنا كل نهاار مااشي بناادم؟؟
كوثر: نتووما عادي أصااحبتي
هبة بجدية: كوثر من اللخر لاياش بغيتي توصلي؟؟
كوثر: ببببببببب.... بغيييييت...
غزلاان: بغيتي شنوو...؟؟
غمضات عينيها ونطقاات بصووت مرتااافع: ببغييت نتصااحب..
غزلان ومريم خرجو عينيهوم مصدومين وهبة باقية حاطة يديها على ذقنها غير كاتشووف وكوثر حنات راسها للأرض كاتسنا آش غايقولو تنهدات هبة ونطقات: تتصاحبي حقك هذااك وماشي خااصك تتشاوري معانا فييه ولكن بااش تكذبي وديري السبة بتاج وبالهدرة للي سمع أوهووي... غانتخااسرو أنا وعشيرتي
مريم: شحال ونتي تنصحي فينا وكاع فخادي كليتيهوم بالقريص ودابا باغية تصاحبي وبااز...
كوثر مخنزرة فيها: انا ماغانبااتش ألاالا... وزايدون راه جيت كانتشااور معاكوم قبل حتى مانتصااحب مادارتها حتى وحدة فيكووم... حتى كاتبااتو فخطرة
غزلان: ياك أبنت لحرام باغية تصاحبي وأنا للي فوقاش ماتبعني شي واحد وبغا يعطيني النمرة حتى كانضحكلو ونفرح فخاطري حيت وأخيرا ماغانبقاش سيليباطير كانتفكر كوثر دغيا كانتسيف ونخرج عينيا حتى كايهرب ومايبانلوش الأثر خرجتي عليا حتى شرفت وبديت نشيب وجيتي نتي بغيتي تقااحبي؟؟
كوثر مخنزرة: اولا نتصاحب ماشي نتقااحب وثانيا أنا ماكنتش تابعاك ودايراالك السيف على عنقك.. هاهما تصاحبو واش شفتيهوم خافو مني؟؟
غزلان: لا لا... شفتك غير نتي عطيتيهوم...
كوثر: وداابا صاافي ندمتونا كااع مابقيتش بغيت غير زيدوه فراسكوم هاد التصااحيب..
جات نايضة وهي توقفها هبة: صافي صافي جلسي ها حنا غانعاونوك
رجعات جلسات بالزربة ونطقات مريم: ودابا باش غانعاونوها حناا؟؟
هبة: بوالوو... إلى بغاات نخرجو لعشية تلبس وتقااد لعل وعسى يجيبلها ربي شي واحد من النوع للي بغاات واخا حنا ماعارفينش آش كاتبغي
كوثر بابتسامة ساهية: أححح على النووع للي كانبغي... نااادر ومامنوش بززاف
مريم: ويلا مامنوش بززاف فين بغيتينا نقلبوولك علييه
كوثر: قلبي غايجيبو حتى لعندي
غزلااان: إيوا الله يستر..
....
داز النهاار عادي لعند لبناات تاج مابقااش عيط أو واخا صافطاتليه هبة ميسااج بللي غاتخرج مع لبناات بالعشية حيت حضرها ماتخرج حتى تعلمو... ماقراهش وماجاوبهااش... حسات بالنقص...
وصل الوقت لبسو لبنات وتقادو وركزو خصوصا على كوثر للي لبساات سروال سليم فلكحل مع تيشورط بيضة خشاتو فيه وتجاكيط كحلة لفوق خلاتها محلولة وسبرديلة فلبيض.. مع كوت شوفال وشعرها صفر جات زوينة... وحتى غزلان لبساات بحالها حيت ماكاديرش الحجااب... أما مريم وهبة لبسو قميجاات طوال فلكحل مع سليم بيض وسبرديلة كحلة وشال بيض... كانت طلتهوم بربعة مثيرة وكاتحيب العين وخصوصا أنهوم كل جوج لابسين بحال بحال ومادايرينش المايكاب... شدو جوج طاكسيات غاديين فاتجاه المدينة..
.......
فقاعة دالإجتماعات كان مترأس الطاولة... مشغول كايتصنت لواحد من الموظفين للي واقف كايقدم العرض ديالو على الشاشة.. من بعد ماكل واحظ عطا رأيو... أدلى هو بكلمتو وبالقرار النهائي للإجتمااع.. ومن بعد عطاهوم الإذن باش ينصاارفو... ودغيا جبد التيلي كايشووف فيه... حس بللي الكاتبة باقية واقفة عند راسو كانت لابسة صاية قصيرة فوق الركبة مع تريكو فوق الصرة وصدرها كللو عريان دايرة ماكيااج بارز كاتشوف فيه بلهفة