البارت 127: دخل مع باب القصر جاايب الكااو شافوه كايتمشى داايخ نااضو مصدومين.. موالف كاايشرب ولكن مااكايسكرش يعلم الله شحاال شرب.. وعاد حداا واليديه وجدااتو وعمو ومرااتو ماكايشربش إحترااما ليهووم... ابتااسم شااد فالحيط وهو كاايشوف فيهوم عينيه حمريين: أمااالكووم...؟؟ كاتشوفو فياا.. ب.. بحال هااكا.. شفتوو جن..؟؟
نطق باه: تااج آش هاد الحاالة...؟؟
تااج وهو كاايقرب لعندهوم ويتماايل: الواليد سمحلي.. و... أوووف غانطييح.. سمحلي رااه غير بغييت نحتاافل..
الجدة: بااش غاتحتاافل أولدي؟؟ الله يهديك عمرني شفتك فهااد الحاالة..
شد بيدييه بجووج فالطبلة بااش ماايطيحش: نحتافل ب.. بهبة.. بمرااتي ..هههه... مشاات ساافراات برا لبلااد... هههه... و.. وباش تعرفيها مصواابة أجدة.. ودعااتني قبل مااتمشي.. ههه
شاف فمو للي غير كاتشوف وتبكي: عرفتيها شنو قاالتلي الوااليدة؟؟ قالتلي أنا هربت بخاطري.. و.. وههه.. قالتلي.. هذي للي زوينة بززاف.. هذي للي فرحااتني.. وقطعااتلي قلبي طرااف قاالتلي طلقنيي... هههه.. كاتحلم والله..
يالله قرب عندو بااه يشدو ورجع اللور: ل.. لا.. ماتقربش.. ههه.. (جمع شعرو للي طاح على عينيه): هااكا كنت نقولك على مرات ولدك.. ماكنتش نخلي حتى الواليدة تقيصها.. ودابا هي خواات فرنسا ومعاامن؟؟ هز يدو الفوق: شكوون عرف معامن؟؟ انا ماعارفش
تااج (شد فالحيط): تااج للي كلشي داايرليه الف حسااب فلتااتلو مراتو بين يديه وبسهوولة
أشرف: شكون قاليك خرجاات لبلااد..؟؟
قااطعو: أنا غبي وهبييل.. عااارف. عاارف والله.. ولكن ماشي لديك الدرجة.. نحلف عليها إلى مللي كاانت كااتدوي معايا كلشي كان وااجد... وغير سالات سافراات.. هههه.. حتى إلى كانت هي غبية هذا للي معاها راه ذكي.. مااشي حمق يخلليها تدوي معاايا بلا مايكون موجد خطة للهروب.. وهو عاارف مزياان إلى شديتو غاانقطعو طرااف
فاارس: ولكن وراقها ماخداتهومش
شاف فيه عينيه صغاارو ووجهو شااحب وحاالتو.. وهو ماقادر حتى يووقف على رجليه: زورو.. باينة ورااق مزورين.. ومن هناا... ن.. نستنتج.. هههه.. أن.. هذا هدفو هو يديها معااه.. و.. ومستحيل يكون غير كايدير فيها خير ويتحداني
وديع: ولكن هي
قاطعو: شش ماتزيدوش تسولو عليها كانغير هه
شاف فالبنات كايبكيو: ماتبكيوش عليها ماتستاهلش.. أنا للي من حقي نبكي عليها
عطاهوم بالظهر: نمشي نحتافل فجناحي أصلا الحالة لي هو فيها يصلاح للإحتفال
كاان وااقف فالباالكوون دياال المكتب حااط يديه فجياابو.. بنيتو الجسدية زاادت تضخماات أضعاف اللول.. بسبااب الريااضة للي رجع كاايفرغ فيها طاقتو السلبية.. لحيتو كبراات... تخنزيرتو المعهوودة بااقية هي هي... عصبيتو وعنفو زاادو.. حتى عاائلتو رجعو كاايخافو منو بكثرة مارجع عصبي وجااعر غير بووحدو... معمر وقتو عالأخر... كاايخدم فالشركات ديالو وكاايتعمق فعمل المخاابراات... لدرجة انو رجع كاايقتل المجرمين بدم بارد وقبل ماايوصلهوم للتحقييق... وفنفس الوقت مااحبسش من التقلااب عليها... وفين ما باانلو شي رااس الخييط كاايجبدوو.. ولكن بلاا نتيجة...
....
ضار كايشوف البااب مللي سمع شي حد دااخل.. تنهد: دخل أعميي..
شااف فيه بوجه شااحب ومهموم وابتااسم بزز.. ودخل جلس فوق الفوتوي للي جنب البيرو..
أحمد: كيف بقيتي أولدي؟؟
تمشاا لجهتو باقي خاشي يدو فجيبو: نفس الجواب لنفس السؤال أعمي... نتا عاارف كيف بقيت وكيف غانبقا...
أحمد: يكون خير أولدي... صبر مزاال...
جلس حداه كايشوف فيه بترجي: غايكون خير إلى عااونتيني.. وجاوبتيني... غايكون خير إلى حنيتي فيا أعمي...
تنهد بصوت مرتاافع: كانقسمليك بالله ماظخبي عليك شي حااجة أولدي... راها كاتعيط برقم مجهوول.. كاتدوي معانا غير خمسة دالدقاايق وتقطع...
تااج: عطيني غير الوقت للي كاتعيط فيه... انا راسي غاانتكلف...
أحمد: ماعندهااش وقت محدد.. راه قلتهاليك.. شي مرات فنصاص الليل كانكونو ناعسين.. وشي مرااات فالصبااح بكري..
تااج وهو كاايشووف قداامو عينيه حمرين: كل نهاار كاتتااصل؟؟
أحمد: مرة فيومين.. كاتعيط لماماها ولا لياا... وماكاطولش...
تاج: من إمتا مااعيطاتش؟؟ تقدر تعيط اليوم؟؟
أحمد: هذي ربعياام ماعيطااتش..
ابتااسم مزير على قبضة يدو وهو بااقي كاايشووف قدامو: من نهار دخلت أنا للمغرب.. (شاف فيه): قلتووهالها...؟؟
أحمد: آ.. آه...
نااض كايمشي ويجي: عرفاانني غاانرااقب الخط ونقدر نوصلها.. هاد الشي علاش حبساات الإتصاال بيكووم... كاتعاودولها كلشي.. هي عاارفة بللي ضحى كااينة ففرنسا.. داك الشي علااش ماكاتوااصلش معااها.. حيت هي متأكدة بللي مجرد اتصاال واحد منها ولا غير ميسااج وااحد غااتلقااني حداها.. ماخلاات حتى حااجة دياالها حتى حااجة.. كلشي بلووكاتو بحاليلا تمسحاات من على الأرض..
أحمد: تهدن أتااج... ماتفقدش الأم. قااطعو بصوت مرتافع شوية: عااام أعمي.. عاام وأنا مامانعس لا بالليل لا بالنهاار.. عام وأنا كانقلب وانا كاانتعذب.. عاام وأنا كانحس براسي حماار.. عام وأنا عاايش غير بااش نلقااها...
حط يدو على رااسو.. واحمد كايشووف فيه ويتحصر: إلى نتا رااجلها وكاتبغيها.. انا راه بااها وكااينة مها وخوتها.. الكبدة رااه صعيبة أولدي.. صعب من الحب... واخا كاتدوي معانا.. ماكانقنعووش.. ماكاتعطيناش وقت بززاف.. ماعارفينهاش فينها ومعاامن...
تااج: هذيك معاامن بالضبط هي للي غاتجيب آخرتي.. هي للي غاتقتلني قبل وقتي...
.........
صوت لبكا ديال الدراري الصغاار كايتسمع فوسط القصر.. وهما كلهوم جاالسين تماا.. الضحكة هااربة من وجووههوم.. من نهار مشاات هبة.. افتااقدو طعم السعاادة والإبتساامة...
دخلاات مع البااب كاتشوف فجوج دراري صغاار واحد تكون فعمرو ثلت شهوور.. نااعس فوق فرااشة فالأرض وكاايبكي. والثااني كاايحبو ويهرنن حتى هو... حطات محفظتها وشاافت فلبناات سااهياات ونطقاات: ماغاتهزوش ولاادكوم رااهوم غايسخفو بالبكاا؟؟
شاافو فيها وتنهدو بابتساامة:
مريم: ضحى...؟؟ سمحيلينا مارديناش البال..
ضحى: مابغيتوش تستوعبو بللي رجعتو امهاات وماخاصكومش تبقاو تسهااو هاكا...
هزو وليداتهوم كاايسكتوهوم.. وغزلاان غير كاتشوف فيهوم بابتساامة حزينة... حتى دخلاات الجدة هازة لورااق: لبناات السلاام..
شافو فيها: السلاام أجدة...
جلساات بتعب فوق الفوتوي: فين الدراري؟؟
كوثر: مشاو يحضرو لواحد الإجتماع خااص بتاج.. غايعوضوه حيت هو ماكاينش..
تنهداات: ماتااصلش؟؟ زعما ماكان حتى جديد..؟؟
ضحى بأسف: لاا... من نهار دخل للمغرب مااتاصلاات لا ببابا ولا بماما...
جدة: هما غلطو مللي قالوهالها.. وغلطو حتى مللي ماقالوش ليه بلي كاتتاصل بيهوم يكون هبط شحال هذي...
كوثر: راه هي للي خلاتهوم يحلفولها مايقولوليه. والوو...
الجدة: طولاات الغيبة بززاف... مللي مشات خلاتكوم باقيين فالشهورة اللولين ودابا هاهما ولادكووم كبرو...
غزلاان وهي سااهية: غير أنا للي ماغاتلقااني لا والدة لا حااملة.. كيف ماخلااتني غاتلقااني..
ربتاات على كتفها بابتساامة: الطبيب قاال غير التوثر والهم للي هازة هو للي ماخلااكش تحملي.. غير ترجع هبة نفسيتك غااتحسن وغاتحملو بجوج وتولدو..
غزلاان بابتساامة: يااربي آميين..
فوسط مقهى من مقااهي واشنطن فأمريكا.. كاانت جاالسة بكل رقي حاطة رجل على رجل وهاازة مذكرة فيدها كاتكتب فيها بتمعن.. دارت نقطة نهااية وابتااسمات وهي كاتعااود قرااءتها من بعد مدااتهالو هو للي كان جاالس مقاابل معااها وكايشوف فيها سااهي ونطقات باللغة الإنجليزية: هااهو وااجد... غانستنا التعااليق..
عصام وهو كايعااود يقرا من ورااها: كل مرة كاتبهريني كثر من المرة لللي قبل... بغيت نعرف غير منين كايجيك هاد التنااسق فالكلماات.. كل مرة كاتكتبي قصة ولا حدث رومانسي على شكل شعر ولا خوااطر...
هبة: ماعرفتش.. من صغري وأنا كايعجبني نسق الكلماات واسلوبي زوين خصوصا فالفصحى.. ولكن ماعمرني فكرت أني غانتشهر.. يمكن العذاب للي دزت منو هو السبب للي خلاني نعطي احسن ماعندي.. اصلا كاع هاد الشي لي كانكتب هو فقط سرد لأحداث وقعات معاايا أناا...
عصاام: كتاباتك متبقااتش محصورة فأمريكا.. ترجماات لجميع اللغات وتنشراات فكاع الدول.. ولقاات إعجااب كبير.. وتبااركالله الأربااح غادية وكانرتاافع.. واش مافرحاناش لهااد النجاح للي وصلتيليه...؟؟
هبة: وشنو للي كايفرح وهو مشهوور بإسم مزور..
عصاام: ورااقك كلهوم حااليا بنفس الإسم #إسراء.. ماتقوليش مزور...
هبة: من نيتك أعصاام؟؟ سميتي الحقيقية وللي جامي تبدل هي #هبة.. سمااني بابا ومستحيل نتقبل شي إسم آخر..
عصاام: هاد الشي إلى بغيتيه يتحقق خااصك تدفعي ورااق الطلااق.. باش تربحي حريتك وتما غاتصرفي كيف بغيتي.. وترجعي سميتك.. وتقدري تشوفي عاائلتك..
ابتاسمات باستهزاء: واش فنظرك غايطلقني..؟؟ راه غايلقاني ويقدر يقتلني..
عصام: غاتصيفطيهوم بلا ماتوريه منين ولا أشمن دولة...؟؟ تااج انافتو فوق كلشي.. تما غايطلقك طلااق غياابي ومللي تباني ماغايصور منك والو ونتوما مطلقين
حركات راسها وتنهداات: يكون خيير... ناضت وحطات النضارات الشمسية على عينيها: غانخلليك دابا.. نتلااقاو من بعد...
تخطاتو ومشاات وهو متبعلها العين.. أنثى متكااملة رجعات تايقة فراسها وقوية ومن هنداامها تعرف بللي دايرة قيمة لراسها وواعية.. طايتها رجعاات كااتحمق.. ومحافظة على زيفها وملاابس انيقة بطريقة تركية.. حلات باب سياارتها الروونج وركباات مديمارية ومخلياه وراها غير كاايتنهد وحااضيها... حتى نااض وركب فسياارتو هو الآخر وكسيرا متااجه للمانادجر ديالها يعطيه داك الشي للي كتباات يتكلف بترجمتو ونشرو عبر العاالم...
جاالس فوسط الباار على كرسي طويل كاايشرب كااس ورا كااس.. مخنزر وعينيه حمرين... تلفت مللي حس بيها جلساات حدااها.. شاف فيها ورجع شاف قداامو.. طلعااتو وهبطااتو ونطقاات: غانتصدم إلى جيت شي نهاار ومالقيتكش هناا...
شرب آخر قطرة بقاات فالكااس وهز القرعة كاايعمر ثااني: حتى انا غانتصدم إلى ماجيتيش شي ليلة تبرزطيني..
ابتااسماات عاضة على شفاايفها: لوكان ماا انا علاامن كنتي غاتشكي همك هااد الشهورة كلهووم...
شاف فيها: فهادي عندك الحق.. بعدا نفعاني فخااد الشي...
حطات صبعها على دراعو كاتمررها ببطئ: غير فهادي وصاافي..؟؟
عصاام: الشي لااخور حتى نتي كاتستاافدي منو.. ماكانتمتعش بووحدي يمكن نتي كثر...
ضحكات وهي كاتشرب من الكااس: أممم... حيت انا مامعمرااش قلبي بشي وااحد.. داك الشي علاش كانستمتع بأي حااجة كانديرها...
عصاام: سعدااتك.... درتها وندمت...
جاكلين: علاه درتيها ونتا متعمد؟؟
عصاام: من نيتك...؟؟ كاين شي وااحد كاايتعمد يتغرم بمراات العدو دياالو...؟؟ شاف قدامو ساهي وكاايهضر: نتي عاارفة بللي كاع دااك الشي للي درتو فقط بااش ننتااقم منها... كاايحصاابلي شهر كااع ونكون حققت انتقاامي وتهنيت... ماكنتش عارف بللي هاد الشي كاامل غاايوقع..
جااكلين: نتا للي مازربتيش.. داك الشي للي كنت ناوي ديرو ماكانش غااياخد من وقتك بززاف..
عصاام: كاتهضري حيت ماكاتعرفيش هبة.. معاها هي غااياخد وقت ويمكن مستحيل كااع... انا ماشي غير جيت وبغيتها.. هاد الشي بالضبط للي خلااني نتغرم بيها..
تنهد وربع يديه فووق الطبلة: كلشي كنت داارسو.. استاغليت نفسيتها وجبتها لأمريكا بااش ماتلقا كيف دير تبعد علياا.. تعمدت نجيبها لبلااد ماتعرف فيها حتى شي وااحد باش نشطحها على كيفي.. كنت ناوي نخلليها تنعس معايا سوا بزز سوا بالخااطر ونصورها وتصاورها يتنشرو فالجراائد.. بااش السي تااج وجهو يتلطخ فالأرض.. وسمعو وششرفو يتدمرو... (ضرب فالطبلة): ولكن كلشي مشا بالعكس.. وفعواض مااانا نشطحها هي للي شطحااتني.. (شاف فيها): تخاايلي ماعمرها سمحاتلي نقرب منها... حتى السلاام بالوجه مستحيل.. ونادرا ماكاتمد غير يدها... ههه.. كنت ناوي نخلليها معتاامدة عليا.. وهي فالشهر اللول قدرات تسكن بووحدها وتبعد... ماعمرها سكنات معايا ولاا جلسنا تحت سقف وااحد.. غير جاات وبدات تخدم فمقهى ردات الباال لإعلاانها مللي كنا يالله جايين...
. وماعطلااتنيش أصلا ماعطااتنيش فرصة بااش نخلليها نبقا كاتسناني نوكلها ولا نعيشها... قدرات تكري دار على قد الحاال وتعيش باش ماكان.. وأنا بحال شي غريب يالله كانتلااقاها فديك القهوة.. والدار ممنوع تدخلني كاتوقفني فالبااب... ومن بعد مدة شهر وهي خدامة.. بالصدفة كتاباتها طاحو فيد واحد السيد عندو مع هاد الشي وقدر يشهرها فرمشة عين حيت موهبتها خاارقة (فرش يديه): وهاهبة رجعات ببارطما ديالها وطوموبيل... وماخلااتليش فرصة نهاائيا فين نخلليها تكون مدينة لياا... ماصرفت عليها حتى اسبووع كاامل...
جاكلين: نتا للي خليتيلها الفرصة فين تقلب على رااسها..
عصاام: صدمااتني فيها.. كنت كانقول كيفااش تااج بعظمتو بغا بنت ضعيفة الشخصية وحشوومية.. ومللي عرفتها مزياان عااد فهمت كيفااش خلات تااج يبغيها...
جاكلين: داك الشي للي خلاك نتا تبغيها هو للي خلاه يبغيها..
ابتااسم سااهي: قوتها ضراافتها حشوميتها حنانتها وتصرفااتها الهادئة وحياتها النااجحة... والحدود للي دايرة بينها وبين بناادم... هاد الشي للي خلااني نبغيها...
جاكلين: بصراحة كانغير مللي كاتدوي عليها بحال هااكا...
عصاام: من حقك تغيري... حيت بصرااحة هي حسن منك بززاف...
جاكلين: أمممم... واخا هاكاك ماكاين للي يقبل بيك قدي.. هي ماعطاتكش فرصة حتى تصافحها باليد بقا غير تزوجو..
عصام: علاش لاا...؟؟ انا كانحاول نقنعها تطلق منو.. وتاج واخا ستناها لمدة عام وكايقلب عليها مللي غايوصلوه وراق طلااق.. اكيد غايتعصب وانافتو ماغاتخلليهش يجري ورا وحدة مابااغاهش.. وتما غايوقع.. وغانتزوج بيها ونباانو للعلن..
جاكلين: ههه... تخاف يوصلوه لووراق وتلقااه واقف عليك..
عصام: غانصيفطوهوم بلاا عنواان... ماتخافيش كلشي ضاربليه حسابو خااص غير هي تقتاانع
جاكلين: كل ليلة كااتطبخلي راسي بنفس الموضوعع.. هبة هبة.. واش كاينة غير هي..؟؟
عصام وهو كايشرب: إسراء.. حبيبتي انا سميتها إسراء.. وزايدون نتي للي كاتجي لعندي..
جااكلين وهي شاداه من يدو: يالله نمشيو..
شاف فيها عينيه مقلووبين: فيين...؟؟
خرجات لساانها مصات شفاايفها: نكملو سهرتنا فالداار..
ناض ضااحك وكايتماايل: ههه.. واخا نديبانيو بيك حتى يحن الله..
......
كانت جالسة مقابلة مع لمرااية.. كاتشوف فيها بجموود.. تنهدات ونطقات: ماغاتبدليش هاد الطبيعة...؟؟ كل ليلة غاتبكي على قبلو...؟؟ وهو عاايش حيااتو مع مرااتو
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
