بسمة ناعمة
البارت 45: ماستناتش تسولو عليهوم... هزاتهوم ودخلات للدوش... طلقات الرشاش وحايدات حوايجها دغيا ودوشات لقات تما كاع للي تحتاج وحسن من داك الشي للي عندها... دهنات بكريمات من بعد مانشفات بفوطة كاينة تما... أكيد كان موجدلها الحمام حيت حوايج لبنات وكريمات ديال الدهين... لبساات تما وصاوبات حجابها خرجات للبيت لقات الصلاية دالأوطيل فرشاتها وصلات للي فاتها... شافت فالساعة كانت الوحدة وعشرين... دغيا خرجات بررا كاتقلب عليه بعينيها حتى خرجات للصالون لقات لفطور محطوط على الطبلة.. مابقاتش عاقلة عليه كان فيها الجووع... جلسات كاتاكل بالزربة وشربات لحليب والعصير حتى حسات بللي شبعاات... وناضت راكباها الخلعة فين مشا وخلااها ويكون سد البااب أو وااخا يكون حاللو منين غاتمشي وفيين... تحركات جيهتو تشووف يالله قربات حتى تحل بالزربة وجا داخل شاف فيها: فقتي...؟؟ صباح الخير؟؟ بقات ساهية كاتشوف فيه كان يبان زوين بسروال سليم كحل وصباط كحل وقاميجة بيضة وفيستة فالكحل طرطق صباعو حداها
هبة: آه فين كنتي؟؟
تاج وهو داخل للداخل: كان عنظي شي شغل خرجلي وكان خاصني ضروري نقضيه سمحيليا خلليتك بوحدك...
هبة: لا ماشي مشكيل غير يالله وصلني راه مشا الحاال
تاج: آه جيت بالزربة خلليت شغلي فالنص خفت تكوني باقية ناعسة وتفلتي حتى هاد الدرووس...
هبة: لا لا فقت... ٱيوا دابا يالله وصلني
ابتااسم وقربلها كثر مميل راسو لعندها: نوصلك؟؟ خمسة دالدقايق تكوني تما... ولكن فين بوسة حبييبو؟؟
خرجات فيه عينيها: شنوو...؟؟ تاج ماشي وقتو بقات نص ساعة
تاج: غانوصلو قبل الوقت غير كوني هانية دابا أنا باغي بووستي...
بقات كاضور فعينيها: ش.. شوف لفطور لهيه
شاف فيه زعما مستغرب: بصاح؟؟ كاع ماشفتو هذاك أنا للي حطيتوليك تما... ومابغيتوش هو بغيت نفطر بهادو: تحنى على شفايفها باسها محايدهوم من بلااصتهوم عاد بعد مخلليها كاتنهج..
تاج: ودابا يالله... حلها البااب تمشات قدامو وهو كايتمشى وراها حتى شدها من يديها جابدها حداه كايتمشاو بجوج... وللي داز كايشوف فيهوم... وصلو للطومو حلها البااب ركبات وركب حتى هو من الجهة الأخرى مبتااسم كايشوف فيها: جاتك الكسوة غزالة...
يالله تفكرات: آه شكرا بززاف سمحلي كاع ماسولت ديالمن...
جبدها من حنكها: وديالمن غايكونو... عندي غير قطيوطة وحدة
ابتاسمات كاتقاد فحزامها وهو ديمارا زايد فالسرعة
كانو فالطريق هو سايق وهي كاتشوف مع الزاج... شد يدها عندو كايديها ويجيبها معاه... وهي عاجبها الحال نطق وهو عينو على الطريق: هبتي...؟؟
شافت فيه بمعنى شنو؟؟ وهو شاف فيها بجديو ورجع شاف فالطريق: شوفي بلا مانوصيك... كاتباني بعقلك ومتبثة ومرزنة... أنا مزااوك بلاش من دوك المجموعات مع الدراري وداك التخربيق... وحتى كثرة الدوران بلااش... وداك الضحك للي فايت الحدوود... المهم شوية شوية... ماتزيديش فيه واخا...
هبة كاتشوف فيه: هاد الشي غير ماتحتااجش توصيني؟؟
تاج: وراه ماوصيت والو... قلت غير داك الشي للي عارفك ممكن ديريه... اما لحوايج للي عارفاك ماديريهومش بلا مانوصيك عليهوم
رجع شاف فيها مقلل من نبرة صوتو: واش مفاهمين؟؟
حركات راسها بالإيجاب وهو ابتاسملها ورجع كايشوف فالطريق... حتى وصلو لحدا باب لافاك كانو عاد بررا باقية عشرة دالدقايق يدخلو
هيبة: ياه باقي الحال..
تاج: آه باقي شوية... حلسي معايا هنا حتى يوصل الوقت.. شافت جيهة الباب بانولها صحاباتها واقفات: لا غير خلليني نمشي لبنات راهوم لهيه..
شاف فيهوم ورجع شاف فيها: عنداك تضربك ديك للي دوات معاك الباارح هههه..
سكتات حشمانة وهو كمل: هههه... غير ضاحك يالله سيري مللي تسالي غاتلقايني حداك..
حنات راسها وقبل ماتنزل جبدها لعندو باسها على خدها: هبة عيني علييك.
نزلات وهو ديمارا زادت لعند صحاباتها للي غير شافوها خرجو عينيهوم سلمو عليها وهما كايطلعوها ويهبطوها
غزلان: ناري ياختي جاتك اللبسة وااعرة...
مريم: هذي راها ماركة ماشي داك الشي دالجوطية
كوثر معوجة شفايفها: أممم كنا طلاب ورجعنا قحاب...
....
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
