🔥لهيب الهوس 🔥( مكتملة)

part39

بسمة ناعمة البارت
39 دوشات وخرجات نشفات شعرها وصلات للي فاتها... لقاتهوم حتى هما سالاو مريم: شنو نديرو للغدا أنا جعت؟؟ كوثر: تلفاتلنا والله... هبة: آه نسيت هاهما هادو شراهوملي قاللي غدايا كااين تما.. غزلاان: امم انا بديت نغير.. قربات مريم وهزاتهوم كاتحل فيهوم: احح على ريحة كااتشهي... جبدات اللحم مشوي الكبااب والدجااج ولفريت وزعزع معلب.. ريوقهوم سالو وهما كايشوفو فداك الشي كوثر: يااختي هااد الشي كاامل كااين وحنا تالفين فلغداا مريم: هاا عارربي هاد السيد ماعندوش خوه؟؟ واخا يكوون يرضع نستناه حتى يكبر قاطعاتها كوثر: ويلا كان شارف نقبل علييه وحتى إلى كاان مزوج قابلة نكون ضرة... ضحكات: ههه... انا ماكانعرفوش حتى هو عاد غانعرف خوتو... تغداو فجو من الضحك والتعلااق على بعضياتهوم سالاو وجمعو الماعن غسلوهوم وتكاو كل وحدة فبلااصتها مستاغلين الفرصة ماحد هذيك البنت للي معاهوم غايبة قبل ماتجي تزاحمهوم.... ........... من بعد ماقرا التقارير للي متعلقة فخدمتو فالإيميل ديالو... بقا خدام عليهوم غير من البيسي... على قبلها مبعد على خدمتو... هو رجل أعمال كبير معروف فالمغرب وعلى بررا... حط نضاراتو دالشوف للي كايدير مللي يكون خدام.. هز كاس دالقهوة للي كان محطووط حدااه لقاه خااوي.. دار إشارة للكارصون جا لعندو وطلب منو كاس آخوور... تكا على الكرسي كايطرطق فعنقو... كان جالس فالكافي دالوطيل للي شاد فيه جناح خاص بييه... وقف عليه واحد الرااجل متوسط العمر لاابس رسمي وباين الجد على وجههو: السي تااج الدين سمحلي إلى تعطلت رفع راسو كايشوف فيه: لا هذا هو الوقت تفضل... جلس داك الراجل مقابل معاه فالطبلة وجبد لوراق من المحفظة للي كان هااز مدهوملو: هاهما لوراق واجدين خااص غير التوقيع ديالهوم هزهوم كايقرا فيهوم: مزياان شكرا... بغيتك فحاجة أخرى شاف فيه كايستنا يكمل كلامو: بغيت شي برطمة ولا فيلا فهاد المدينة... تكون فبلاصة مزيانة وفنفس الوقت كالم... ماكايهمش الثمن المهم تكون مريحة وزوينة الرااجل: أهاه... واخا طلبااتك أواامير... إمتا بغيتيها أو واش بغيتيها للكرا ولا للشرا...؟؟ يعني واش على قبل الخدمة ولا...؟؟ تنهد كايشوف فالفراغ: على حاجة أهم من الخدمة وأهم من كلشي فحياتي... المهم نتا قلب... مازال ماقررت واش للشرا ولا غير لكرا  الراجل باستغراب: غريب المدينة الوحيدة فالمغرب للي ماعندك فيها لا دار لا والو... حتاجي
ابتاسم كايشوف ففراغ: القدر... كملو هدرتهوم وناض هظاك خرج من بعد ماصافحو وهو بقا جالس تما حتى وصلو ميساج فالتيلي فيه شي عنوان.. هز سوارتو وناض خرج... مسافة طريق وكان وصل للوجهة ديالو... نزل هاز العكاز فيدو وطلع راسو كايشوف فالمبني لكبير للي حداه كان مكتوب عليه: المستشفى الجامعي... تنهد ورجع ركب فالطومو دخل بيها حتى وصل للباب الرئيسي نزل مرة أخرى ودخل مع البااب... كاينين بززاف الكولوارات... هو ماشي أول مرة يجي لوجدة ولا يدخل لهاد البلااصة هو كلشي مجربو... خدمتو الثانية من غير إدارة الأعمال خلاتو يجرب كلشي... حتى من الطب قاريه... وصحابو اطباء اختصاصيين وكايخدمو حتى فالمستشفايات العمومية بسباب نفس الخدمة ديالو... داز من الكولوار لكبير حتى وقف عند الإستقبال... كانت الممرضة جالسة تما... دار الصوت حتى طلعات راسها فيه... حلات فمها وريوقها ساالوو... وهو خنزر ونطق بحدة: سمير المازوزي فآشمن غرفة كااين؟؟ بلا ماتسول لا شكون هو ولا فين كايعرفو لقاات راسها كاطابي فالبيسي تقلب علييه... عينيه فيهوم سحر خااص كايمارسو على كل وااحد وهاد السحر هو للي خلاا معظم المافيات يعتارفو على يددو شافت فيه مفعفعة: الغرفة رقم 14 الطابق الثاني... تحرك من حداها كايتكا على عكازو خلاها حاطة يدها على قلبها مبتاسمة ومغمضة عينيها: أيماا شحال زويين... طلع فلاسانسور حتى وصل للطابق وتمشى فالكولوار كايقلب على رقم الغرفة... غير وصلها دفع البااب بعكازو... دخل لقا الممرضة كاتصاوبلو السيروم وتدوي: خاص شي حد من عائلتك يجي واش ماعندك حد؟؟ نطق: هاا أنا جييت... ضورات وجهها شافت فيه جاتها الدوخة خلاها حتى توكضات ودارلها إشارة باش تخرج... حنات راسها وخرجات وهو شاف فسمير للي كان كايشوف فيه مستغرب ماعرفوووش... عض على لسانو مصبر راسو بزز ولا يكره يشوف فكمارتو... وزاد قرب حداه... نطق سمير: شكون نتا..؟؟!! ابتااسم بعصبية: ماعرفتنيش..؟؟ اوو سمحلي قبايلة ماكانش عندي الوقت نعرفك عليا... دخلت فالمسكي مباشرة.. سمير: مافهمتش إمتا قبايلة؟؟ تاج: قبايلة مللي تهجمت علييك قفز من بلاصتو كايشوف فيه مصدوم: نتا للي...؟؟!! تااج: آه أنا للي... حس بالخووف شكون يكون وعلااش ضربو؟؟ هو ماقدرش يشوفو حيت غير طاح عليه وغبنو بالضرب ماقدرش حتى يحل عينيه يشوفو... طلعو وهبطو مزيان... وتاج جلس على الفوتوي عاطيه وقت...

تتمة.. وسيم بززاف وبااين عليه لابااس علييه وشي حااجة فوق الخياال علااش ضربو زعما شنو داارلو؟؟ هو غلط بصح ولكن مع نااس بحالو ماشي بحال تااج؟؟ أصلا مايقدرش يتعاامل مع بحالو وماتعتاطلوش الفرصة أصلا... شجع راسو ونطق وهو متلهف للجواب: شنو درتلك؟؟ تااج: قستي شي حاجة ديالي كاتخصني... قوس حجبانو باستغراب وتاج نطق مرة اخرى مزير على الحروف: #هبة... شهق مخرج عينيه حتى ضراتو الضربة للي حدا صدرو: هبة...؟؟!! نااض مقرب لجيهتو وتكاالو على كرشو فبااصة الفااصمة: آخر مرة تجبد سميتها على فمك... رمالو لورقة حداه فوق الكوافووز: وقع....
شاف فالورقة وهو كايحس بالموت من كثرة والجروحة باقيين كايضروه وللي فكرشو ضغطلو علييه حتى يمكن نزف... لقاها دالطلااق حاس براسو شحف... يالله طلع راسو باش يشوف فتااج باغي يتأكد واش هاد الشي بصح ولا غير كايحلم.. لقاه جابد السلاخ والستيلو حطهوم حدا الورقة وتكا حتى وصل لوجهو: هز الستيلو ولا نهز السلااح... شد يديه كايترعدو وهز بيها الستيلو سينا فالبلااصة المخصصة ليه... غير سالا خطف تاج الورقة طواها ودارها فجيبو وهز السلاح دارو فالجيب اللور وشاف فيه: هاد المرة نقدوك المرة الجاية ماغايلقاو ماينقدو فييك... تخرك غادي جيهة البااب حتى بغا يحللو وضار شاف فيه: أحسن حاجة هي ماغاتحتاجش لشي حاجة تلبسها كلك فاصماات... خرج وخلااه غمض عينيه سخفاان من الخووف والصدمة... ......... خرج من السبيطار كان الليل طااح والشتا كاتصب... فصل الشتاء على الأبواب والجو زويين... ركب فالطومو... وديمارا جيهة الحي اصلا لافاك حدا السبيطار فين كاان... كانت التسعة دالليل... حبس الطومو ع البااب ودخل...  داير يديه فجياابو وكاايعرج ساد التجاكيط حتى للتالي وداير القب حيت الشتا غير زايدة وكاتجهاد... كانت الساحة دالحي عامرة كلشي خاارج بناات ودراري محمعين وداايرين مجمووعاات... شد طريق وحدة بخاليلا شاام رييحتها... وجهو ماكايبانش مع الظلاام وهو مغطيه بالكاشكول والقب... اصلا ماكايحملش نظرات لبناات لبااينة... وقف بعيد شوية كايشووف فيها وااقفة مع صحاباتها وشي دراري معاهووم... كايضحكو ويدويو... كانت لابسة مونطو بيج ودايرة القب على الزيف... وجهها كاايقطر بالماا.. كاتضحك ماهياش فهاد العالم... شاف فيديها كانت مزيرة عليهوم كاتسوط فيهوم مرة مرة... تنهد عاض على سنانو ... كايغشق تفاصيلها الصغيرة... كارع وقفتها مع دوك الدراري.. بانتلو يمشي يضربهوم... ولكن شناهو السبب..؟؟ غير واقفين كايدويو او واقفة برغبتها ماشي مبززين عليها... وهو ماشي غبي يخلليها تنفر منو... هادو كايحسبهوم تصرفات لبرااهش... واخا الغيرة كاتنهش فيه من الداخل... حك على نيفو لحمر بيديه وجبد التيلي من حيبو كتب ميساج لنمرة داير فيها #عمري... سمعات صوت التيلي جبداتو وهي كاتسوط فيدها الثانية قفزات وهي كاتشوف فنمرتو: بعدي لهيه... ولا هدرتي عندك زايدة ناقصة؟؟؟

تتمة: عضات على شنافتها وطلعات راسها كاتشوف لقاتو واقف بعيد شوية سرطات ريقها كاتشوف فيه متكي على الحيط مركز فيها عينيه هز يدو داايرلها ٱشارة بمعنى آجي... بقات مفعفعة فبلااصتها واقغة حتى وصلها ميساج آخوور: ولا نجي أنا... بلا ماتردد تحركات من تما جاية لعندو... غير وصلاتو جرها من يدها مزير عليها ومخرجها لبرا...