🔥لهيب الهوس 🔥( مكتملة)

part77

بسمة ناعمة
البارت 77: ابتااسم عاجباه ردة فعلها وغيرتها للي ماكاتباانش دييماا... مكاالمي ومبرد...
نطقاات ديك البنت كاتشوف فيه متجااهلة هدرة هبة: عفااك ممكن تصورناا؟؟
هبة: انا نصوركوم ولا التيلي عندك كايخدم غير ببصمتو هو؟؟ وأصلا راه كاينة وااحد الحااجة سميتها السيلفي.. شكون باقي اليووم كايطلب شي حد يصورو؟؟
خنزرات فيها هذيك مزياان.. كارهاها.. حطاتها بوجهها قدام تاج للي لحد الساعة يالله شاف فيها المرة اللولة ودار ديك الضحكة ورجع شاف قدامو.. وكاع مامسوقلها... وهاد الشي زاد خلاه يعجبها... اغلبية لبنات كايعجبهوم الراجل الصعيب وللي كايتجااهلهوم... ماقدرااتش تكتم غضبها: ونتي ماالك...؟؟
قااطعها مامخلليهاش تكمل هدرتها كايشوف فيها بحدة: وااياك... ماننصحكش تقولي عليها شي كلمة... وبهدوء كيف ماجيتي غاترجعي... غبري عليا كماارتك... ماحدي كاندوي غير بفمي..
هرب الدم من وجهها بقات غير كااتشووف ضورات عينيها جخة هبة ماراضياش لقااتها كااتحرك حواجبها كاتفقصها.. وهو رجع كايلقشش فالتيلي ديالو عادي.. ضارت كاتمشى بالشوية.. وكاتكمد القمعة للي عطاها.. وتفكر فشنو غاتقول للبناات للي دايرة معاهوم الرهاان وواعداتهوم بللي غاتخلليه ينوض يصورهوم.. ماطمعااتش فكثر.. فقط غير تصويرة... مانواتوش صعييب لهااد الدرجة..
تنهدات هبة بارتياح كااتشرب فالعصير فرحاانة بحبييبها... وهو كايفتش فالتيلي ومرة مرة كايطلع عينو يشوف فيها.. جتى شافها سالات وخشا التيلي فجيبو: تبغي نمشيو؟؟
حركات راسها وناضو خاشيلها يدها فالدجاكيط ديالو... خرجو وركبو متاجعين للعيادة ديال فارس... نزل ونزلاات حتى هي كاتشوف مع البناية الضخمة للي قدامها... هذي كلها عياادة؟؟ دخلو مع الباب وطلعو. فلاسانسور ولالا هبة أول مرة تطلع فيه حيت لبلاصة فين ساكنة مافيهاش... او حتى وجدة ماكاينش فبلايص بززاف... جاها مظلم ومخنووق.. بقات غير كتضور فعينيها.. ضغط على الطابق العلوي.. وغير تحرك نقزاات عليه عنقااتو.. صدماتو... حس بيها كاترعد.. شدها من كتافها بجووج: ششش.. كاالم.. هانا معااك...
هبة: و.. وقفو نطلعو فالدرووج؟؟
تااج: واش من نيتك؟ دابا نتي غاتبقاي ديما تطلعي فالدرووج؟؟
حركاات راسها بالزربة وهي مخشية فييه: آه آه.. ماعنديش مشكل...
تااج: واش عارفة شحال ديال الدروج؟؟ راع واخا تبداي مع الثمنية دالصباح ماغاتساليهوم حتى للثمنية ديال الليل
هبة: ص.. صافي ماانخدمش أنا هناا..
رجع عنقها كايبوسها فعنقها مبتااسم: خاصك تعودي عليه أهبة... نتي دابا مابقيتيش محصورة فالمنطقة ديالك... وحتى إلى هربتي من لاسانسور هنا غاتلقاايه فبلااصة أخرى...
يالله جات تنطق حسات بيه وقف وتحل.. تنهدات بارتيااح وخرجو مشادين شااف فيها: داابا مزياان؟
ابتاسماتليه: آه مزياان...
تااج: أنا مستااعد نبقا كل نهاار نجيبك ونطلعك فلاسانسور حتى تعودي علييه...
هبة: لا بززاف علييك...
تاج: مللي يكون الأمر متعلق بيك..حتى حاجة مابززاف عليا...
دازو على السكرتيرة للي لقات عليه التحية وهبة غير كاتشوف.. فين كايعرفوه هاد الناس... غير يشوفوه يحنيو راسهوم.. وهاد ولد عمو يالله دار العيادة هنا...
دق فابااب ودخل... كان جالس حاني رايو على لورااق دااير يديه فجياابو.. شاافو وناض مبتااسم تعرضليه وتسالمو... وشاف فهبة يالله غايمدلها يدو شدها تااج مبتااسم: غير من بعييد أصااحبي.. وااخا ساكنين على بررا عارفين الدين ديالنا كايمنع علينا نقيسو بنات حواء إلى ماكانوش من المحاارم دياالنا
فاارس بصدمة: ششنووو...؟؟!! ههههه... تاج خلعتيني؟؟
دار إشارة بصبعو جهة هبة: على قبلها غير تخلع...
شاف فيها فاارس مستغرب.. كانت حالة فمها كاتسمع لتااج... ابتااسم بشك: فين كاتعرفها؟؟
باقي ماكملها حتى جاوبو: #مراتي..
فارس: هااا...؟؟!!
تاج: المستقبلية..
فاارس: ههه... كاضحك معايا يااك؟؟
تاج: إمتا ضحكت أنا فهاد الموضوع؟؟
فارس جمع الضحكة ونطق: و.. وااش داوي من نيتك؟؟ ديك الهدرة للي قلتيلي البارح فالتيلي بصح؟؟ أنا قلت غير مطلعها عليا
تاج: لاا بصح... وبغيتها تسطاجي عندك هنا فالعيادة ديالك... وتكون نتا هو عينيا علييها... حضيها من كااع الذكورة عندك... وماكرهتش تحضيها حتى من رااسك
فاارس: يااك أباا...؟؟!! الله يرحمليك الوليدين...
شاف فيها: جلسي أختي تفضلي وسمحيلي مارحبتش بيك...
ابتااسمااتليه وتاج غير كايشوف للحظة ندم كاع علاش جابها تخدم.. هو عارف ولد عمو وتايق فيه مزيان ولكن ماباغيهاش تدوي مع بناادم كيف ماكان... تنهد ومشاو جلسو وفارس جلس فالكرسي المخصص لييه... كايشوف فيهوم: شنو تشربو؟؟
هبة: والو شكرا...
تاج: شااربين غير سربينا
فاارس: المهم نتا راك فهمتيني الباارح أو وجدتلها البوسط ديالها.. كون هااني غاتكون مرتااحة وماكاينش للي يديرونجيها... ويلا بغيتو تبدا من اليووم..شاف فيها تاج: تبغي تبدااي؟؟
حركات راسها متحمسة: آه ماكرهتش..
تنهد وشاف ففارس: يالله نشوفو هاد لبلااصة فين غااتخدم؟؟
نااضو نزلو لتحت.... غير شي دريجاات قلاال... كانت العياادة كبيرة وتصميمها رائع بحال شي شركة... توجهو لواحد المكتب.. دخلو... وهي غير كاتشوف حالة فمها.. عجبها بززاف.. كامل باللون لبيض وعندو الباالكون كاايطل على الشاارع... وفوتويات كباار وطبلة طويلة.. والحماام...
شاف فيها تاج: عجبك؟؟
هبة: آه بززاف...
تااج: مزياان
فاارس: المهم غاتبقاي تراجعي التقارير وتسجلي المواعيد... وممكن شي مرة تكون عندك خدمة خارج المكتب كممرضة...
تااج: شوفي.. أنا دابا كايخصني نمشي.. مللي غاتساالي.. يمكن مع الربعة تساالي.. ياك أفارس؟؟
فاارس: آه الربعة ولا الخمسة تكوون سالاات..
تااج: غاانجي أنا نااخدك...
حركات راسها بالإيجاب باسها فشناافتها حدا فارس هي حشماات وهما عاادي.. جرو بررا: مزيان مللي عاودتي حلليتيها من بعد ماكنتي سادها
فاارس: آه عندك الحق... وحتى الموظفين غير نفسهوم للي كانو عندي وهاهما رجعو...
تااج: الله يسهل.. المهم لعشبة خاصك تكوون حاضر
فارس بابتساامة: هي بصااح طحتي...
تااج: هههه.. وطيختي خطيرة..
توادعو تاج مشا وفارس رجع لبيروه.. وهي بقات كاتقرا دوك التقارير.. وتسجل.. جاتها الخدمة أسهل ماياكون... وصلات وقيتة الغدا ودخلاتولهاا وحدة حتى لتما... وعاود الكوتي.. حتى حل عليها فارس الباب بابتساامة: هذا وقت لخرووج.. تفضلي..
ابتااسماتليه وهو سبقها... خرجات بتثااقل كاتفكر فالسانسور.. حتى شمات ريحتو... شاافتو وااقف مبتااسم... مبدل ومستيكي.. قرب لعندها باسعا فخدها: كيف داز نهاارك اللول؟؟
هبة: سووبر... شكرا بزاف..
تاج: ماتشكرينيش كاتعصبيني...
طلعو فلاسانسور وكيف العادة عنقها عندو.. حتى هبطو لتحت وركبو فالطومو.. متاجهين للداار.. دخل الطومو من وااحد الجهة أخرى وحتى هي ماحكرااتش.. حتى وصل للباب الدخلااني ديال الفيلاا... نزل وحلها الباب نزلاات.. صوناليه التيلي.. جبدو من جيبو وشاف فيها: دخلي نتي غانلحق علييه..
حركات راسها وجات دااخلة... مع الضورة دياالها وقفاات مبلووكية وهي كااتشووف فالصاالون.. الدم هرب من وجهها كاتسرط فريقها: #مااماا #باابا.....؟؟!!!!
بقاات واقفة فبلااصتها جامدة جامعة يدها على شكل قبضة... وجهها رجع فاللون لصفر وهي كاتشوف فيهوم مجمعين مع أشرف ووديع.. غمضاات عينيها وحلااتهوم كاتأكد... نطقاات كاترعد: مااما..؟؟!! باابا...؟؟!!
طلعو راسهوم كايشوفو فيها.. نطق باباها باستغراب: هبة؟!! جيتي مع تااج؟؟
خرجاات عينيها يالله بغات تنطق واخا ماعارفاش أصلاا واش غاتقول.. سمعات صوتو من وراها: آه جبتها.. وبزز باش جات معايا... غير قلتليها بللي كاينين شي وراق خاصها تشوفهوم عاد جاات...
ضارت لعندو حالة فمها... شاف فيه باباها بابتساامة: واش جبتيها من لافاك؟؟
تاج: آه من لاافاك... ورجع شاف فيها: قربي سلمي على وليديك وسمحيليا أمادموزيل جبتك بديك الطريقة حيت عارفك ماغاتجيش معايا...
زادت وهي مرفووعة.. ناضو عنقااتهوم وسلماتت عليهووم... حتى سمعاات صوتو مرة أخرى: شوفي طلعي مع هاد الدريجات غاتلقاي واحد البيت فالجنب بابو فالبيج.. دخلي راه كاين الحمام توضلي وصللي... يااك كاتصليي بعدا؟؟
حركات راسها مصدوومة: إيوا صللي إلى فايتاك شي وقت.. وراه كاينين لحوايج فواحد الدخلة تما بدلي بااش ترتااحي
نطقات ماماها مصغرة عينيها: ديالمن لحواايج أولدي؟؟
جاوبها كاايرمش: دياال ختي ألحااجة ختي..
جاوباتو مبتاسمة: إييه ملييح... واسيري أبنتي سيري...
مشاات كاتمشى خطوة فالعام مصدومة وكاتفرك فيديها.... وهو جلس حداهوم: مرحبابيكوم
باباها: ترحب بيك الجنة أولدي
تاج: سمحولي جبتكوم حتى لهناا.. ياك كاتعدبتوش فالطريق بعدا؟
الأب: لا أولدي الطوموبيل كانت مريحة والشيفور كايسوق غير بالشوية... ولكن علااش ماجيتيش نتا؟؟
تااج: غير سمحلي أعمي مالقيتش نهائيا الوقت..
الاب: ماشي مشكيل اولدي واخا تخللي حتى تسالي شغاالك
تااج: ابممتب...
قاطعو ودديع كايضحك: ماالك خسرااتليك لكلاافيي؟؟
خنزر فيه وسرط ريقو وشاف فالنسيب: نجيك من التالي أعمي.. بنتك عجبااتني ودخلاات لقلبي من أول مرة شفتها... وبقيت كاانتبعها وووو.. ومع هي ماعطاتنيش وقت قلت تخطبها قبل ماايفوت الفووت...
نحنح باها ونطق: ولكن أولدي واش نتا عارف قصتها والماضي ديالها؟؟
تنهد: آه عاارف... بحث عليها وعرفت كلشي واحد النهاار جيت حتى للحي باش نشوف فين ساكنة وشفت حتى خوها جوااد...
الأب: باينة كاتبغيها... وهي كيفاش عرفااتك؟؟
تاج: أحم احم... دابا أنا واحد النهار سمعتها كاتدوي مع واحد البنات على التقااعد ديالك.
ومللي سمعتها تدخلت بصفتي فااعل خير... قلتلها بلي نقدر نعااونها.. ومع كاانت محتاحة للي يساعدها وافقات...
الأب: آه مسكينة باغية تعاونا باش ماكان
تاج كايحرك راسو: مسكييينة...
وديع وأشرف فخطرة: مسكينة...
الأب: إيوا كمل؟؟
تااج: إيوا الحااج دوات معايا فهاد الموضوع وتما عرفااتني وعرفتها...
حرك باباها راسو: واخا كذبتي على بنتي... ووهمتيها بللي غاتعاونها.. ماشي مشكل مادامك ناوي المعقول أولدي... هبة تكرفصاات بززاف فزو...
قااطعو: عارف كلشي اعمي بحث وعرفت كلشي.. ماكرهتش منساو داك الموضوع.. ويلا وافقتي وعطيتيني بنتك غاانديرها فعينياا
الأب شاف فمراتو للي كانت غير كاتسمع: شنو باانلك؟؟
نطقاات بهمس: بصراحة كايبان ولد النااس وشوف غير فين سااكن تعرف آش كايسوا وباغي بنتنا وراجل حرش.... مافيه مايتعاب
الأب: حتى أنا هاد الشي للي بانليا.. ولكن الراي والشوار ديال هبة
الأم: أييه ضروري...
جاه ميساج فالتيلي حللو وشاف فيهوم: سمخوليا عندي مكالمة... تفضلو ها اتاي ها الحلوى ها العصير الدار داركوم ماتحشموش...
الأب: لهلا يخطيك أولدي..
مشاا ووديع نغز أشرف: حياني الله حتى شفت تاج كايرحب بالضيااف..
أشرف: وكايكذب
وديع: وكاايخاف
اشرف: وكايتلف فالهدرة..
يالله جا وديع ينطق حتى سمعو ميساج جاهوم بجوج فالتيلي: وعمركوم شفتوه كايفرشخ فجد والديكوم بجوج؟؟
شاافو فبعضيااتهوم مصدومين.. دغيا ضربو الطم...
حل الباب ودخل لعندها ماعرفها منين خرجاتلو نقزات عليه جبدات: آششس وااقع؟؟ وليديا آش كايديرو هنا؟؟ شكون جابهوم وعلااش جااو؟؟ وشنو قلتيلهوم؟؟
حط شفايفو على شفاايفها ببوسة قوية حتى حس بيها ترخاات... وطلق منها: دابا مزياان؟؟!!
هبة: تااج راه كانسولك..
شدها من يدها جلسها على الفوتوي وجلس حداها: إيوا أنا ألالا للي جبتهوم.. قلتلهوم بللي كانشوفك ديما وكاتعجبيني وبغيت نتزوج بييك.. ومللي ماعطيتينيش وقت قلت نخطبك من عندهوم
هبة: شنوو...؟؟!!
تاج: ٱيوا بغيتي نقولهوم بللي عايشة معايا وأخيرا وافقتي على الزوااج؟؟
هبة: صدقتي كاتعرف تكذب.. وعلااش مامشيتيش نتا؟؟
تااج: وفين هو القلب للي يخلليك ويمشي أهبة فيين؟؟
هبة: وكيفاش حتى جاو؟؟
تاج: صيفطلهوم الشيفور.. قالهوم بنتكوم هبة بغااتكوم.. وعندها ليكوم مفاجأة... ومللي وصلو تعرضتلهوم وشرحتلهوم كلشي واخا فاللول تعصبو حيت ماعجباتهومش الطريقة باش جبتهوم قدرت نراضيهوم.
هبة: تاج ماعجبنيش هاد التصرف للي درتي.. ماشي وليديا للي يجيو نتا للي خااصك تمشي لعندهوم وتخطبني من داارنا
تااج: صافي سمحيليا... تسرعت ماغانعاودش.. هانا دابا غانهبط.. ونتي توضاي وصللي ياك كاتصللي بعدا؟؟!!
هبة: تاااج...؟؟!!
تااج: صافي راه غير ضااحك... ناض وخلااها.. هي بقاات جالسة شوية وناضت توضات وصلاات ولبسات بيجامة طويلة وحجااب... ونزلاات كاترمش.. لقات وليديها باقيين جالسين.. جلسات حداهوم.. كايدويو... حتى عيطااتلهوم الخدامة للعشا.. مشاو كاملين جلسو تعشاو.. وهي غير كاضور فعينيها فين هما لبناات...؟؟ هذا الليل وباقي مادخلوو...
نطق باباها: بنتي حنا غاانمشيو
هبة: شششنوو.؟؟
الأم: آه أبنتي.. غانمشيو خوتك ماقلتلهوم والو..
الأب: وحتى نتي أهبة من الأحسن ترجعي للحي... ماكان علاش تجلسي هنا...
يالله غايدوي تاج سبقو أشرف: الى كان ممكن وبغيتو أعمي راه كااين واحد الحفلة ديال عيد ميلادي صغيرة غانديروها هنا... واش تقدرو تحضرو؟؟
الأب: عيد ميلاد سعيد أولدي العقوبة لميات عام أخرى.. حنا غير عفينا...
أشرف: ماكرهتش تحضرو ولكن بخاطركوم...
سالاو لعشا ويالله غايمشيو نطق تاج: نجلسو شوية فالصالون ومن بعد غايوصلكوم الشيفور..
شاف باباها فماماها حركات راسها ورجع شاف فيه: واخا أولدي...
يالله كانو غاديين حتى ضار لعند هبة همسلها: لبناات فالبيت الفوق.. طلعي لعندهوم وغير وجدي راسك لعيد ميلاد أشرف إلى ماحضرناش غايتقلق..
هبة: ولكن وليديا ماغايخلليونيش هنا
تاج: راني تقريبا خطيبك وغانقنعهوم.. غير طلعي أصلا ماغانخلليكش تبعدي عليا...
مشاات وهما جلسو كايشربو قهوة.. باباها كايضور فعينيه يالله جا ينطق سبقو تااج: طلعات تصللي لعشا أعمي...
الأب: مزياان... واخا ماصلاتوش فالوقت... مللي كنا حنا فالجامع باينة هي كانت حالة فمها فشي حاجة..
توجهات لبيت لبنات.. حلاتو هاجمة ودخلات لعندهوم... لقاتهوم جالسين كايماكيو ومعاهوم ديك المرا للي كانت داك النهاار... خنزرات فيهوم معصبة: مزيان تباركالله.. أنا مشوشة عليكوم ونتوما كاتزوقو هنا
كوثر: دخلي دخلي... على سلاامتك من قبايلة وحنا كانستناوك تدخلي
مريم: واش منيتك بغيتينا ندخلو مع داك الباب؟؟ راه عيطولينا قالولنا مانجيوش وليديك كاينين أصاحبتي... تعشينا على برا وطلعنا من لبااب لوخرى
هبة سدات الباب وزادت: على الأقل صيفطولي ميسااج...
كوثر: حنا يحسابلينا تاج عاودلك..
غزلان: جلسي جلسي وعاوديلينا شنو وقع فرحينا؟؟
هبة جلسات يالله جات تنطق وقفات عليها ديك لمرا: آنسة تفضلي معايا نقادليك حتى نتي..
نااضت جلسات على الكرسي عطاتها وجهها بقاات كاتقادلها وهي كاتعاودلهوم... شافت فيها: عفاك ماتكثريش..
جاوباتها بابتسامة: ماتخافيش نتي غير خلليلي وجهك أنا غاانتكلف..
رجعات كاتجمع معاهوم.. داز الوقت جابتلهوم هذيك اللبسات للي غايلبسو... كانو زوينين مي ديال هبة حسن ومتميزة فالذهبي على شكل قفطان مي بخياطة عصرية.. لبساتو بالزيف ديالو أو وقفات حدا لمراية.. عجبها راسها بززاف.. ولبنات كايشوفو فيها بإعجاب..
كوثر كاتصفر: وووو... اليووم دوخي لينا تاج..
غزلان: جيتي وااعرة
هبة: حتى نتوما جيتو زوينين
مريم: مانوصلوكش أختي... يالله نهبطو...
هبة: ناري وليديا؟؟
كوثر: ياك قلتي خلليتي معاهوم تاج فالصالون.. كوني متأكدة غايكون قنعهوم تبقاب ودابا غادي غير تسلمي عليهوم..
مريم: هاد الشي ٱلى مالقيتيهومش مشاو..
هبة: لا مايمكنش يمشيو بلا مايسلمو عليا.. أجي وفين دايرين الحفلة وشكون حاضر؟؟
كوثر: دايرينها فالجردة اللور.. وغايكونو يمكن صحاابو...
هبة: بفف حتى الكادو ماجبتوش..
مريم: وانتي ماكنتي عارفة والو
غزلان: أصلا تاج غايكون دار حساب لكلشي غير زيدي...
خرجو نازلين مع الدرووج وغير كاضور راسها يمين وشمال... الفيلا خاوية استغربات زعما وليديها يكونو مشاو بلا مايدودعوها... يالله خرجو مع البااب... تطلقاات موسيقى رومانسية.. بقات حالة فمها وهي متبعة الصووت كاتمشى مع لبناات... حتى وقفاات مبهووضة كااتشوف فالجردة مزينة بأروع طريقة... وتصااورها فكل بلااصة... وقفاات مضهشرة كاتشوف فالشجر على شكل تصوريتها ولابيسين فالما كاتبان تصويرتها... والربيع تصويرتها... مابقااتش قاادرة تتحرك وهي كل مرة كاتصدم بحااجة... كاتشوف فماماها لابسة قفطان آخر موديل.. وباباها بكومبلي.. ياك كانو ناويين يمشيو.. وهما واقفين مجمعين مع وحدين.. صغرات عينيها كاتشوف شكوون.. شهقاات آه هذيك ماماه وباباه هي مانسااتش عليهوم من نهار شافتهوم فالفيديو.. كاينين هنا نااس آخرين وبااينة غير النخبة.. خرجات عينيها كاتشوف فختها وخوها مقادين الحالة وخوالاتها وعمامها..  وشي بناتهوم او ولادهوم حاللين فامهوم فالفيلاا.. وفتصااورها للي ماليين لمكاان... مابقااتش قاادرة تووقف...