بسمة ناعمة
البارت 63: حلاات فمها كاتشوف فيها إمتا صورها؟؟ جتى نطق كايدوي بالشوية وبصوت عياان: داك النهاار مللي جينا اول مرة لهنا نعستي فوق الفوتوي فالصالون... ختاريتها هي حيت كنتي دايرة الفولار دياالك...
ابتاسمات تلقاائيا وهي كاتشوف فيها جااتها زوينة بززاف... وكيفااش قالها ختاريتها هي؟؟ يعني عندو بززاف التصااور ديالها شافت فيه مصغرة عينيها وهو سبقها قبل ماتدوي: عنديي بزززاااف.. التيلي عاامر غير بيهوم من بعد ونوريك... خلليني دابا نكمل خدمتي بااش نهبطو حيت مللي كانبقا معااك الشيطاان ولد لحراام كايغلب عليا
ضحكات فخااطرها حتى سمعااتو عااود: كاينة نمرة جديدة تما والمعلومات ديالها كاينين فلبوااط..
تفكراتها وشافت فيها كان فيها شارجور وكيت فالغووز... غير الشكل كاايحمق..
....
مدة وهي كاتبقشش فداك التيلي وتصور وتصورو معاها مرة كايرد الباال مرة كايكون منهاامك فخدمتو... كاتقربلو وتصور وهي ماكرهااتش تعنقو ولا تبوسو ودير سيلفي... حتى سالا الخدمة سد البيسي وطرطق عنقو كايرتااح وكايشوف غيها مبتااسم حايدلها التيلي من يدهت وجبدها لعندو معنقها بااسها فخدها ودار سيلفي: يالله نهبطو قبل مانبداو فشي حواايج كباار...
ناض ونااضت تبعااتو هابطين مشاادين كان ضلاام الحاال... لقاو كلشي جالس فالصالون... كوثر هي واشرف كايوريها التصااور ديالو ويضحكو ومريم وغزلان شادين فيهوم النميمة من بعيد... سمعو خطواتهوم ضارو كايشوفو فيهوم... كايعجبهوم الحاال بززاف وهما كايشوفو صاحبتهوم بين يدين وااحد من أحسن الرجاال فالعاالم وكايبغيها من بعد ماكانت مقهورة ومحبووسة فداار عامرة بالجهل والتخلف... جلسو بعااد عليهوم وهو تكاا اللور حاط رجل على رجل بطريقة رجوولية حاط يديه ورا ضهرها كايلعبلها فصبااع يديها وكايشوف فأشرف: خدمتي شي حااجة اليووم؟؟
شاف فيه مبتااسم: ههههه... بلااتي راه باقي اللبل طوييل
حرك راسو: امم نتا تعرف.. ورجع كايدوي مع هبة ويلعب معااها بطريقة كيووت.. جات ماريا حطات العصيير والحلوئ والكيك.. نوعاات الطبلة ورجعاات مشاات... وغزلان حلاات فمها فداك الشي بغاات تهز ولكن شاافت بللي كلشي ملااهي وحتى حد ماهز شي حاجة حشماات ونغزاات مريم: خوديلي شي حااجة...
كوثر كاانت حاطة يدها على ذقنها طالعلها الدم شاافت فيها مخنزرة: ومالكي ماتهزيهاش لرااسك؟؟
غزلاان: واااحشمت...
مريم: ياك ألالا... وأنا وجهي مقزدر؟؟!!!
غزلان: نتي رقيوقة عاادي أنا رااه غليظة غايقولو غير كااتعلف...
مريم: شفتي نتي إلى بقيتي هاكا راك غير غاتمرضي فصحتك.. أشمن غليظة ولا رقيقة؟؟ هادو راه مامسوقين لحتى حااجة... غير نتي محسسة من رااسك...
.........
كان شاد التيلي كايجاوب على شي إيميلاات منو وواليد لوخرى شاد بيها يد هبة متكيها على كتفو عينيها على التيلي دياالو... نطق بلا ماايشوف فيها: ٱلى عجبك حتى هذا خوديه
ضحكاات: ههههه.. لا براكة عليا غير هذااك للي جبتيلي واش انا غااناخدلك كلشي؟؟
ميل رااسو لجهتها باسها فجبهتها: نتي خدييتي تااج كاامل شنو بقاا مزاال؟؟
شدات فكتفو كاايوثرها بهااد الكلاام: كاتحشمني..
باسها فيدها: يخلليلي للي كاايحشم أناا...
......
مريم وهي كاتشوف فيهوم بابتساامة: نتي كاتشوفي فهاد المنظر حداك وبااقي خااطرك فالحلوى؟؟
تنهداات غزلاان حتى هي كاتشوف فيهوم: وااختي هي لحلااوة شخصيا كاينة حداها حنا بغينا غير نديبانيو بهاذي... ضاارت كوثر لعند اشرف: علااش نتا ماداايرش بحالو؟؟
جاوبها وهز عينيه عليهوم: غانكون صريح معااك... حنا عائلة فشكل.. كلشي عندنا مختاالف.. عرفتي نتي ماعمرك غاتندمي حيت ختاريتيني.. حطيتك فراسي وفقلبي يعني غانعيشك اميرة وغانبغيك كل نهاار كثر من النهاار للي قبلوو... ولكن نكوون بحاال تااج؟؟ لاا تاج حتى وااحد مايقدر يكون بحاالو.. فأي حااجة وفأي مجاال.. تااج متميز ومختاالف على الكل...
بقاو كايدويو وشوية قرب أشرف عند تاج كايدويو فالخدمة... ولبنات كاودويو بيناتهوم..
مريم: غانمشي نشوف بابا راه جاا
كوثر: حتى أنا نمشي نشوف بابا
غزلان: إلى مشينا غانرجعو لهناا؟؟
هبة: واانمشبو بعدا ويحن الله
غمضاات عينيها بألم وهي كاتحس بيدها غاطير من بلااصتها.. كانت فيدو وزير عليها... ضارت لعندو مقصحة وهو شاف فيها مخنزر: أجي معاايا... ناض جرها ولوخرين غير كايشوفو
مريم: بفف باينة مابغااهاش تمشي
غزلاان: ناري كيف رجع؟؟
كوثر شافت فأشرف: واش ماغايخلليهاش تمشي؟؟
ميل شفايفو: ماعرفتش... كيف قلتليك تاج مختاالف ماعرفتيش شنو يدير؟؟ نتمناو خير يالله نخرجو... ناضو وهي مشوشة على صاحبتها ولوخرين غير كايشوفو
غزلاان: واخا مقلقة من جيهة هبة مانقدرش نفلت الفرصة..
جبدات عندها داك الطبسيل دالحلوى وكباات العصير وبقاات هاك بلااك ومريم غير كاتشوف فيها مصدومة...
........
دخلها للبيت وسد البااب طلقها من يدها خلاها شادة فيها بقاو ليطراس ديديه.... شافت فيه كايمشي ويجي فالبييت... حاط يدو على راسو واليد لووخرى على جنبو... وقف كايشوف فيها كاتمااصي يدها.. تنهد وقرب لعندها شدها وجلسها على الفوتوي جلس حداها كاايمااصيهالها بطريقة ريحااتها حتى ترخاات ونطق بصووت زعزعها: فين ناوية تمشي ومعاامن تشاورتي؟؟
سرطات ريقها كاتشوف فييه: غ..غانمشي لدارنا... وقلتهااليك.....
حك على نيفو: ماغاتمشيش..
تخطفاات من بلااصتها وااقفة.. جاتها قوة فشكل... مابقااتش خايفة منوو... نقطة ضعفها هما وليديها حساات بييه استاافزها نطقاات بعصبية وهي كلها كااترعد بالأعصااب: زدتي فييه أتااج..
هاذوك وليدياا ومامنحق حتى حد يمنعني منهووم... غاانمشي بغيتي ولا كرهتي... شكون نتا للي تمنعني من الناس للي ولدوني وربااوني؟؟ على قبلهوم نقدر نتخلى علييك حتى نتا..
على هاد الكلمة ناض من بلاصتو ماحساات حتى لقات راسها مكروازية مع الحييط وهو مزير عليها مخنزر وكايغزز فشناايفو: كييفاش تتخلااي عليا؟؟! باغية تمووتي؟؟!! أمممم...؟؟!! كيفااش تجرأتي ونطقتي بيها؟؟!! زاد رفع صووتو: دوي جاتوبي؟؟!!
غمضاات عينيها مخلووعة: ن.. تاا مرييض وخااصك تعاالج.. حااسة... حاسة بللي غاتقتلني شي نهاار...
غمض عينيه حتى هو كايحاول يتهدن خلعاتو بهدرتها سااط بالجهد ورجع حلهوم كايشوف فيها شدها من وجها بيديه بجوج ولاصق جبهتو مع جبهتها: مااشي لخااطري والله مالخااطري... صاافي سمحيلي... عاارف عارف بللي وليديك ولكن مااقادرش نخلليك تبعدي علياا... ماقادرش نتخايلك مشيتي ولا بستيهوم ولا عانقتيهوم...
حلات فمها مصدومة من هدرتو وهو بعد.عليها كاايفكر حتى نطق مرة أخرى: عيطيلهووم يجيو لهنا.. شوفيهوم هنا... ودوي معاهوم هناا.. يعتابرو الدار دارهوم... يتصرفو كيف بغااو ويبقاو شحال مابغااو...
ضحكاات بغرابة وبعصبية: ههههه... يااك؟؟ وشنو نقوولهوم؟؟ ديالمن الداار وديالمن لفلوس؟؟ اه ولا غير غايشوفو هااد الشي غاينسااو... الطمع غاينسيهوم فكلشي يااك؟؟!! جمعات الضحكة مخنزرة وتحركات متوجهة للبااب... يالله جات تحلو حتى جبدها من يدها كاارز عليها: بفف سمحيلي ماقصدتش هااكا... همي هو ماتلعديش على عيني ونطقت بلا مانفكر...
سكت شوية كايسترجع أنفاسو وهي بين يديه غير كاتشووف: بغيت شي حل للي يرضيك ويرضيني... كانقسمليك بللي خلقني وخلقك ماناوي نحرمك منهوم ولكن الله غاالب هاد الشي للي عطا الله... راه رجعت بحال شي حمق.. وكلمة مهووس كاتنطاابق علياا...
شافت فيه بترجي: غانمشي أتااج... واخا عاتعتاارض غانمشي... غير الفرق مابين نمشي بخاطرك ولا بزز منك نتا عارفو... زير على كتفها عاارف شنو قصداات: وااخا غااتمشي وبخااطري غير رتااحي ومن الأحسن تحايدي من باالك فكرة لفرااق... ابتااسماات فرحاانة: وأخييرا... شاف فيها معصب: إمتا غاتمشي؟؟
هبة: ماعرفتش مي غاالبا غدا...
حرك راسو بالإيجاب وطلق منها مشا جلس على الفوتوي وغير كايسووط ماعاجبو حاال: وشحال ناوية تبقااي؟؟
جاوبات: سيمانة
ابتااسم بعصبية: هههه.... من نيتك؟؟
شافت فيه: آه علااش؟؟
تكا اللور مسرح رجلو وحرك يدو: أجي لعندي أجي.
تحركات مقربة لعندو جبدها من يدها وجلسها على ركبتو كاايلعب بيدو فرسومات التريكو للي لابسة: عرفتي حبيبتي إلى فتي يومين غاتلقاايني حدااك..
هبة: شنوو؟؟
تااج: يا يومين يا ماماشيااش..
سكتاات وهو قلب الموضوع كاره يفكر بللي غاتمشي... بقاو شوية ونزلو تعشاو اتافقات هي ولبنات يمشيو فالصباح بكري... دوزو ديك الليلة بحال ديما وفالصباح فطرو واستااعدو كانو واقفين حدا الطومو غايوصلهوم الشيفور كوثر واقفة مع اشرف.. ختى نزل لابس مونطو فالكحل مع سروال حتى هو كحل وداير نضاضرو كحلين جا بحال شي رئيس دالمافيا... ابتااسم وحايد النضارة كايشوف فيها واقف قريبلها جبد كارط كيشي من جيبو شدها بجوج صبااع مدهالها: خودي وتصرفي فيها كيف بغيتي..
يالله جات تنطق قاطعها: ششش.. خودي..
شداتها من عندو حشمانة وهو هز يدو كايحرك صباعو فوق وجهها بتثااقل مخلليها غادوب فبلااصتها وريحتو دوخااتها ونطق بصوت بااح ومهموس فنفس الوقت: أغار عليها من أبيها وأمها ومن خطوة المسواك إن دار في الفم أغار على أعطافها من ثيابها إذا ألبستها فوق جسم منعم وأحسد أقداحا تقبل ثغرها إذا أوضعتها موضع المزج في الفم...
سكت شوية مخليها حالة فمها كاتسرط فريقها ولوخرين غايسخفو حتى أشرف حال فمو... ميل راسو لجنب باقي محاافظ على ابتساامتو قربلها وباسها جنب شفايفها: غاانتوحشك بززااف...
........
حرك شفايفو من حدا شفاايفها طالغ بيهوم حتى قرب لوذنيها وهمس: ونتي ماغاتوحشينيش ممم...؟؟
قفزات فبلاصتها حاسة بزغب شعرها وقف.. وهو باقي على نفس الوضعية داير يديه فجيااب السروال كايتصرف باحتراافية: جااوبي...
تمتماات مغمضة عينيها كاتسرط فريقها وكاتحااول تخرج كلماات مفهوومة: ح...حح.تى أنا...
ابتااسم جنب وبعد شوية كايشووف فوجهها: حتى نتي شنوو؟؟
جاوبات مرفووعة: همممم..؟؟
ضحك بطريقة مثيرة: هههههه... زاد حلها باب الطوومو.. وهز جووج صبااع: دووجووغ... يومين... والنهاار الثاالت يا تكوني هنا يا نكوون تما...
استجمعاات انفاسها يالله جات تجااوب سبقها: تفضلي.. دايرلها إشارة تركب.. تنهداات كاتحاول تتحرك حيت فشلها... ركباات وشاف فصحاباتها عينيهوم خارجين فييه... ابتااسم: ماغاتركبووش؟؟
تحركو كايطيحو فبعضياتهوم ضارو من الجهة الأخرى ركبو... صونالو التيلي جبدو من جيبو كايشوف فيه.. طلع عينو فهبة كانت حالة فمها فييه... هز جووج صبااع جيهتها مرة أخرى كاايأكد عليها وحطهوم على فمو بعتلها بووسة فالهواء مع غمزة... خلاها غااتسخف وصخاباتها خلاص دار التيلي فوذنو وبعد كايدوي...
غزلاان: سملرحمنرحيم... إلى من الإنس الله يلااقينا مع شي وااحد بحاالك ويلا من الجن أنا مامعااكش بالله وبالشرع وماطالبااش التسلييم
مريم: سكتيينا أختي ماتزيدينيش... شافت فهبة: ماعندوش خووه؟؟
فين هبة؟؟ حالة فمها كاتشوف فنقطة وحدة.. حركاتها مريم: هبة ياك لبااس؟؟
قفزاات: هاا... شنوو...؟؟!!
مريم: دوخي نتي...
غزلاان: قلناالك واش تاج عندو شي خووه؟؟
هبة: وباش غاانعرف أنا؟؟ شافت من جهة السرجم: فين كوثر؟؟
مريم: باقية مع أشرف... قالك عمرو ماحبا ونهار حبا طاح فالبير.. حامي تصاحبات ومللي تصاحبات مابقيناش نشوفوها...
......
شافت فيه مخنزرة: علااش نتا مادايرش بحال تااج؟؟
جاوبها بابتساامة: راه قلتليك تاج مختاالف... ومتميز
كوثر: نتا ولد عمو وعندكوم نفس الدم ضرووري يكون تشاابه
اشرف: آه كاين تشاابه ولكن كل وااحد وكيف كايعبر على المشااعر دياالو... ويلا على الكيشي حتى أنا كنت غانعطيهالك... والله.. والدليل هو المود راني مصيفطولك فالواتس...
نظراتها وملامحها بانت عليهوم العصبية سرطات ريقها كاتحااول تضبط أعصاابها: مادويتش على لفلووس... نتا من تصرفات تاج كاملة شفتي غيير لاكارط للي مدلها؟؟!! ماشفتي والو آخوور
اشرف: آه شفت ولكن...؟؟!!
قاطعااتو: ولكن حيت كانباانليك أنا طمااعة وغرااضي غير فالفلووس قلتي هاد الشي للي بقا فيا يااك؟؟
جا يدوي هزات صبعها جيهتو معصبة: ولا كلمة... خنزرات فيه وضارت جا يتبعها وغوتات: كانقسمليك بالله وتتبعني حتى ندمك وماتزيدش تفكر بللي نقدر ندوي معاك مرة أخرى...
وقف فبلااصتو كايشوف فيها وهي ركباات كاتسوط معصبة وهما غير كايشوفو فيها... شافت فهبة: عفاك قوليلو يزيد...
ضغطات هبة على واحد الزر حداها حيت الشيفور بعيد الطومو كبيرة ماغايسمعش إلى هدرات... وهذاك الزر بيه كايعرف واش يديماري ولا يحبس...
خرجات الطومو من الجردة... وهو حاط يديه على جناابو ضرب برجلو مع وااحد الشجرة: ميييييغد
كان تاج سالا هدرتو وخاارج غادي فاتجاه الطومو ديالو شاافو وصغر عينيه مستغرب: ماالنا؟؟!!
شاف فيه طالعلو الدم: كلشي بسباابك
ابتااسم باستهزاء: ماكاتعرفش تدوي داك الشي علااش... راه جاني لعجب للي جبتي معاها يومين...
اشرف: ياك كانسبهوم كاع وكايميكوو
تااج: ماحدك حااسبها بحاال هادوك غير بعد علييها... هادو بوحدهوم.. نيفهوم فالسما وماكايبغيوش للي يطيح منهوووم
اشرف: عاارف عاارف... وراه ماطيحتش منها غيير زلة لساان
تااج: شغلك هذااك.. حل باب الطومو نطق أشرف: فين غاادي..؟؟؟
ضار شاف فيه: لخدمتي شنو غانجلس ندير هنا؟؟
أشرف: بففف... أنا ماعرفتش شنو ندير واش نتبعها ولا نخلليها حتى تبرد؟؟
تااج: نتا تعرف... ركب يمارا وخلاه واقف كايفكر ختى ركب حتى هو فالطومو ديالو تابعو وكايصونيلها فالتيلي...
..... شداتو بين يدها طفااتو ورماتو باش تهنا.. شافت فيها مريم: واش تخااصمتو؟؟
سااطت بالجهد: اه... كان فاهمني غلااط كاايحصابليه طمااعة وغرضي فالفلووس...
غزلاان: كيفااش؟؟
عاوداتلهوم شنو وقع
مريم: غاايكون غير غلط ماقصدش
كوثر: لوكان ماكانش كايفكر هاكا ماغايغلطش
غزلان: حتى تبردي ودوي معاه
كوثر: ماندوي معاه مايدوي معايا يبعد مني...
هبة: ماتسرعيش.. عطيه فرصة يهضر... وحتى نتي ماتبقااسش تقاارني بينو وبين غيرو... كيف قاالك رااه كل وااحد وطريقتو؟؟
كوثر: هاد الشي ماكايعنيش بللي خاصو يهيني بديك الطريقة
هبة: راه ماهانكش هو فهمك غلااط ماتزيديش فيه..
مريم: واصافي حتى نتي مااشي شي حااجة كبيرة.. غير هدرة ودغيا تفووت... انا لوكان جات غير فهاد الشي كاع مانكونش مقلقة
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
