🔥لهيب الهوس 🔥( مكتملة)

part82

بسمة ناعمة
البارت 82: حللو فامهوم بصدمة كايشوفو فيه ويرجعو يشوفو فيها.. كايحاولو يستوعبو شنو قاال..نطق باباه: واش مريم هذي؟!!
وديع: آه أبابا هذيي
جاوبو: ولكن نتا يالله كنتي.. سكت ماكملش هدرتو وتنهد: بيناتكوم شي حااجة؟؟
حرك راسو بجدية: آه.. بيناتنا علاقة محتارمة باغيها للحلاال
نطقات مو بفرحة: يعني دابا حتى نتا كاتفكر فالزوااج؟؟
وديع: آه الوليدة إلى ماكان حتى مانع باغي نخطبها باش تكون بيناتنا حاجة رسمية
جاوباات بحمااس: وعلاش غايكون ماانع؟؟ نهار كبير هذا للي غانخطب فيه لولدي الصغيير...
نطقاات مرات عمو: هههه... جبنا هاد اليومين غير خطووبة... الله يحفظنا من العين.. شافت ففارس: هاهما صغر منك وبغاو يتزوجو بقيتي غير نتا أولدي إمتا نفرحو بيك؟؟
شاف فيها: واخلليني نسرط غير الصدمة ديال هذا للي منقز من الوسط بلا مقدمات بغا يتزوج..
فردوس: واصدمنا حتى نتا ومانمشيو من هنا حتى نخطبولكوم بربعة هاهي غزلاان باقية الرباعي ياخد الربااعي
بقاو لبنات كايضحكو وهي لوكان لقات الأرض تشق وتبلعها أما هو شاف فيها وابتااسم ورجع كايشوف فالتيلي.. حتى سمع ماماه: ومالها غزلاان؟؟ أنا بعدا هاد الربعة دخلو لخااطري كثر من لقيااس وماكرهتش حتى غزلان تكون مرات ولدي
جاوبها بابات كوثر: هادو بناتي بربعة وأنا مفتااخر بيهوم.. كنت عارف بللي ماعمرهوم يخيبو... تربية يدي من صغرهوم وهما صحاباات... سوليني عليهوم أناا
مامات تااج: نهار كبير هذا للي غاانفووز بجوج من بنااتك ألسي لعربي
العربي: ماتصوريش شحال فرحاان للي طمنت على ثلاتة منهوم وغزلاان حتى هي حاس بللي قريب نفرح لها
مامات فارس: أنا غزلان درتها فراسي وماغانتهنى حتى تكون مرات ولدي لكبيير
جاوبها رااجلها: ههههه.. وسولتيها واش قابلة ولا كاديري غير للي فرااسك؟؟
نطقات خت فارس (رانيا): صافي أغزلان مللي دارتك ماما فراسها غير نقولك من دابا مرات خوويا هههه
حمارت من وجهها وهو غير كايشوف مبتااسم مااهضرش ولبنات كاينغزوها ويضحكو عليها.. وحتى هبة معاهوم ومرة مرة كاتشوف فتاج للي واخد راحتو فالجلااس غير كايشوف متبع الأحدااث حتى نطق باباه: إيوا للي غايخطب شي وحدة غير يسربي باش نديرولكوم عرس وااحد
غير سمعو تقاد فالجلسة سكتهوم كاملين: عرسي غايكون بوحدو مابغيت حد يزااحمني.. بغيتو تزوجو ختارو فوقاش راه الأيام كاينين رجع تكا ببورود وهو باقي كايدوي: مزاحميني فخطوبتي وغايزاحموني حتى فعرسي
بقاو غير كايشوفو فيه ويضحكو... كوثر نغزاتها ختها كانت حداها: كاع هبلوني وحمقوني ولكن حتى لهذا للي خاطب هبة جابلي التماام...
قرصاتها كاتدوي تحت سنانها: سكتي يسكت حسك راكي مزوجة زعما
جاوباتها: اللهم إني متزوجة.. ولكن غاقوليلي منين ضبرتو على هاد الزين واش كنتو مشيتو تقراو ولا تعزلو فالتفااح؟؟
خنزرات فيها ورجعات كاتشوف قدامها حتى جات عينيها على أشرف للي مخنزر فيها وكاينعتلها تجي حداه.. ضورات عينيها تشوف واش ماحاضيهش شي حد... ناضت دارت راسها غاتسخر قلبت الضورة ومشات جلساات حداه ويالله ابتااسم عاجبو الحاال...
بابات فارس: وإمتا غانمشيو نخطبولك أولدي؟؟
نطق وديع كايشوف فمريم: يمكن هاد الليلة.. إلى كان ممكن طبعا...
ماجاوباتوش باقية حالة فمها.. حتى نغزاتها غزلاان قفزاات فبلااصتها كاتمتم: اه ش.. شكون مريم؟؟
غزلان: مالكي؟؟ كيفاش شكون مريم؟؟
شافت فيها ببلادة: قالهوم غاتخطبولي مريم.. شكون مريم؟؟
كدانفاجرو بالضحك... مللي نطق بديك الكلمة وهي مرفوعة ويالله فاقت.. شرحولها بللي داويين عليها وغايجيو يخطبوها.. بقاات مخلوعة حيت ماعالماش وليديها.. وعاد مشا الحال حتى نطق تااج: مريم.. تهدني وغير بالشوية عليك.. حنا ناس عاديين بحالنا بحالكوم.. غانجيو نخطبوك من داركوم... ضيف الله.. ياك باباك باقي مارجع لإسبانيا
حركات راسها بالإيجاب: إيوا صافي المهم نلقاو وليديك كاينين... تقدري تمشي دابا باش تعلميهووم...
ابتاسمات هدرتو طمنااتها... شافت فلبنات: خاصكوم تمشيو معايا يااك؟؟
هبة: آه نمشيو غير تهدني...
ناضت دغيا طلعات الفوق باش تبدل عليها هي وغزلان.. وهبة ناضت هزات طبسيل من فوق الطبلة تديه للكوزينة وتطلع حتى هي.. بقا متبعلها العين حتى غبرات وشاف فكوثر: ممكن الحمام؟؟
قفزات من بلااصتها: آه تفضل...
تمشاو هي قبلو.. غير غبرو عليهوم وقف: مابغيتش الحمام بغيت الكوزينة..
شافت فيه باستغراب: شنوو..؟؟!! آش غادير فالكوزينة؟؟
تااج ببرود: غانطيب لعشاا.. شير بيدو: واش من هنا؟؟
حركات راسها بالإيجاب وهو مشا وخلااها مبهوضة.. تبعاتو شافتو دخل كايشوف فهبة كاتقاد شي حاجة.. عاد فهمات لبلان ضحكات على هدرتو خطيير.. وهو شاف فيها: صافي غير سيري شكرا..
حنات راسها ومشات كاتضحك طلعات الفوق.. وهو حط يديه على البوطاجي محاوط بيهوم هبة كايشوف فيها: غاتمشي حتى نتي معاهوم؟؟
حركات راسها: آه ضروري...
تاج وهو كايقرب لها وجهو: أممم ومعامن تشااورتي.. راك مرات الرااجل زعما؟؟!!
ابتااسمات عجبتها هاد الكلمة.. وهو حط شفايفو على فمها باسها بوسة خفيفة وسخوونة: أممم حلوة..
خرجات عينيها حاطة يدها على صدرو كاتدفعو: أويلي أتااج غايجي شي حد
تاح وهو باقي منسااجم كايبوسها فوجهها ويجي للي بغا أنا مالي..
دفعاتو بالجهد حتى بعد: لاا حشوومة.. عفلاك خلليني نمشي...
ابتااسم خاويلها الطريق: سيري بدلي حوايجك.. ماغاتعلميش وليديك؟؟
هبة: راه اتاصلت بيهوم...
تاج: يالله سيري هانا كانستنااكوم باش نوصلكووم..
هبة بابتساامة: وااخا...
...... من بعد لحظاات نزلو مبدلين حوايجهوم.. من بعد مامشااو عائلة تااج وأشرف باش حتى هما يوجدو راسهوم خرجو لقاو تاج واقف متكي على الطومو داير نضاضرو الكحلين وكلشي كايشوف فيه بحكم الحي ديال هبة هو نفسو الحي ديال كوثر هما جيران... غير خرجو ركبو هي القدام وهنا اللور... كاينعتولو فالطريق حتى وصلو.. حبس الطومو حدا البااب... نزلو هما وهي يالله جات تنزل شدها من يدها بحاليلا مفكر شي حاجة: عندها خوتها؟؟
جاوبات باستغراب: آه عندها جوج فالخاريج..
تاج: يعني ماكاينينش؟؟
هبة: لا ماجاوش..
تاج: ومللي كايكونو كاتجي لعندها؟؟
هبة: شنوو...؟؟!!
تنهد: لا والو صافي..
نزلات تابعاهوم.. لقاتهوم دخلو دخلات من وراهوم... سلمو على وليديها وختها الصغيرة كانو جالسين فالصالون...
مامات مريم: مبروك عليك أبنتي هبة
هبة: الله يباارك فيك أخالتي
نطق بابات مريم: الله يكمل بالخير.. قالولي شي واحد لاباس عليه وحجرتو ثقيلة فالبلااد.. فرحتلك أبنتي تستااهلي...
مامات مريم: الله يجيب لبنتنا حتى حنا شي وااحد بحالو.. وحتى نتي أكوثر مبروك علييك... واش خوه هذا؟؟
كوثر: لا ولد عمو...
نغزات مريم هبةتهضر حيت هي مازعمااتش.. تنهدات وهضرات: المهم بلا مانطول عليكوم.. الراجل للي خطبني خوه جا معاهوم وشاف مريم وعجباتو حتى هو بغا يخطبها
باباها طلع راسو دغيا شاف فيها: واش بصح؟؟
هبة: آه أعمي وراه غايجيو هاد الليلة...
بابات مريم: شنوو؟؟!! هاد الليلة؟؟!! ومالهوم على هاد الزربة؟؟
مامات مريم: وكيفاش عجباتو بهاد السرعة وبغا يخطبها؟؟
هبة: أ... آه هما ماعندهومش مع التفلية وتطوال الطريق بغاها للحلال..
باباها بضحكة: آه هذا هو الرااجل... نوضي أمليكة الله يرضي عليك نوضي هاهما لبناات يعاونوك وجدو لعشا وأنا نمشي نحيب...
حتى كان ناايض ورجع جلس كايشوف فهبة: بنتي نتي كاتعرفي هااد النااس؟؟
هبة: آه اعمي شوية علااش؟؟
تنهد ونطق: زعما واش هما مزيانين؟؟ واش متبعين طريق الله؟؟ على ماقالتلي مريم عايشين على بررا...
هبة: آه تما كاينة خدمتهوم او واخا هاكاك كايصلليو وتابعين طريق الله ضريفين... وحتى وليديهوم متواضعين... غايجيو وتشوفهوم.. ولوكان ماكانو مزيانين بابا وبا العربي ماكانوش غايقبلو...
ابتااسم براحة: مدام السي المهدي والعربي قبلو غايكونو مزيانين... وبالليل إن شااء الله نشوفهوم وندوي معاهوم... ناض وربت على كتفها: هذي هي الصحبة وإلا فلا.. واقفين مع بعضكوم من صغركوم حتى لدابا.. وحتى فالزواج ضبرتي عليهوم ههه.. الله يخلليكوم ديما مجموعين... شاف فغزلان: حتى نتي الله يلافيك بشي وااحد غير منهوم ويجي يخطبك... غمضات عينيها مخشعة: آميين أعمي.. وهو ضحك عليها.. وخرج من بعد ماوجداتليه مراتو القاائمة طويلة للي غايجيب.. وناضو لبنات لبسو بيجامات غير غزلان للي لبساات لباس دالدار ديال مليكة.. حيت حوايج مريم ماجاوهاش... الحلوى غايشريوها حيت ماعندهومش الوقت.. بداو كايوجدو فالعشا بالزربة وكايخملو الصالون... ويقادو لفراش... جابو العشية كاملة تماا... حتى تهلكو.. ودخلو للحمام كايتساابقو تشللو وخرجو لبسو نفس الكسوة للي كانو لابسين فدار كوثر... غير مريم للي خرجات كرات قفطان دغيا فالبيج ساامبل وزوين.. مع طالون فالكخل وزيف فالكخل.. جا باباها جايب الديسير... والحلوى.. وشي حوايج أخرى.. ماجاو فين يوصلو حتى كان كلشي وااجد.. من بعد السلاام والترحاب دخلهوم باباها للصالون.. كايشوف فيهوم عجبوه فالشكل والهضرة والرقي... جلسو كايهضرو ويتعارفو... وهو كل مرة يزيد يتعجب بآذابهوم... تعرف على وديع.. جاه على الكانة محتاارم او ولد النااس وتعرف على باقي العائلة.. وحتى مراتو تقربات من لعيالات وبقات مجمعة معاهوم... دخلو لبنات جايبين الحلوى واتااي... خطوهوم وجلسو خدا فردوس ورانيا.. من غير مريم للي جراتها عدوزتها جلساتها حداها.. نطقات فردوس: شي يتخطب وشي يتكهم بالحلوى من لباارح وأنا نعلف..
هبة: واتزوجي شكون حبسك؟؟
فردوس: التيتيز هما خوتي وولاد عمي.. وماما ومرات عمي الله يسمحلهوم مالقاو مايديرو نااضو وحدة بقات كاترضع ولاد لوخرى وخوااونا بزز منا..
كوثر: هههه.. دابا نتوما خوت؟؟
رانيا: آه حنا خووت بستة بينا..
هبة: وعمك لااخور ماعندوش لولااد؟؟
جمعو ضحكتهوم وشافو فبعضيااتهوم.. نطقاات فردوس: عندو دري وبنت..
كوثر بضحكة: إيوا ياك ماشي خوتكوم.. وحدة فيكووم تشوف مع الولد... ولا ياك ما مافيه مايتشااف؟؟ ههه.
رانيا: هو بصرااحة زوين بززاف كااع... ولكن...
كوثر: ولكن شنوو..؟؟!!
رانيا: صعييب بززااف وختو كثر منوو... كاتب...
قرصاتها فردوس باش تسكت... وضربات الطم وهبة كاتشوف فيها: كملي ماالك؟؟
راانيا بتوثر: هههه.. لا والو غير بغييت نقوليك هذاك عمي لا هو لا ولاادو بعااد عليينا واخا كايجيو لعندنا علاقتهوم معانا ماشي بحال علاقتنا حنا مع بعضيااتنا... ماكانتفاهموش بززاف...
فردوس: هو مافيهش شي حاجة تتعاب ولكن ولاادو ماكايتفاهموش...
هبة: آه داك الشي علاش ماجاوش معاكوم؟؟
فردوس: آه... واخا كانو ناويين يجيو حتى لآخر لحظة عاد تراجعو
كوثر: إيوا ماعندكوم ماديرو بيهوم...
فردوس: آه حنا كافيين هههه... شاافت فجناابها لقاات غزلاان حالة فمها فوااحد الجهة...
فردوس: غزلاان وااغزلاان؟؟!!
راانيا: واامراات خوياا...
تخطفاات كاتشووف فيها: هااا...؟؟!!
كوثر: هذي سمعتيها..
غزلان باستغراب: قاالت مراات خووي؟
هبة كاتضحك: هههه.. آه قاالتها...
رجعات غزلان شافت فرانيا: نعام ألووستي...
انفاجرو بالضحك... وهي غير كاتشوف..
كوثر: هههه... فين كنتي حالة فمك؟؟
غزلاان: فمريم.. رجعات كاتشوف فيها: شوفي كيف طايح عليها السر...
شافو فيها كانت حامية راسها كاتشوف فالأرض ومامات وديع كل مرة طبطب على ظهرها وتلعبلها بشعرها ووديع غير مخنزر ماعاجبو حال تقيسها بحال خووه.. غير هو مازاعمش بحالو باش يمنعهوم... وتاج غير حاضيه مبتااسم بجنب ومرة مرة كايشوف فهبة متابع حركاتها وضحكتها... حاس بللي ملكااتو.. ماباغيهاش تدوي مع غيرو ولا تضحك مع غيرو ولا تجلس حدا غيرو ولا تشم ريحة شي حد من غيرو واخا يكون هاد غيرو بنت.. نفض راسو كايحاول يتهدن وااش غايحبس عليها الأكسجيين؟؟!!
نطق باباه: وبلا مانطول عليك أسي كريم.. حنا اليوم جينا طالبين راغبين فيد بنتك مريم لولدنا وديع...
كريم: مرحبا بيكوم نهاار كبير هذا... وراه جبنا الليل كاامل وحنا فالتعاارف.. ومن اخلاقكوم وتربيتكوم وآذابكوم ليا الشرف تدقو باب داري وتطلبو بنتي لزوااج.. من عندي أنا غير الله يكمل بالخير.. شا فمراتو: ياك أمليكة؟
جاوباتو بابتسامة: آه حنا بالفرحات عليينا.. ولكن الكلام اللول واللخر كايبقا للبنت والولد...
نقز وديع من بعد ماكان متبت ومرزن: قاابل أنا قاابل راه أنا للي جبتهوم ماشي هما للي جاابون..
قااطعو تاج كان جاالس حداه حااط يديه على ركبتو بهمس: تبت أخويا تبت.. فين الحيااء فين الحشمة..؟؟ راه هذيك الهدرة غير كايقولوها وصافي عارفينك قابل وعارفينها حتى هي قاابلة..
سكت وحنا راسو وهما كايضحكو حتى نطقات ماماه: ها ولدي قاابل.. نشوفو عروستنا واش قاابلة..
حنات راسها للأرض غارقة فالحشمة وهو دار جميع الإشارات باش تهضر خااف كلشي يتضرب فالزيرو.. وتاج غير كايشوف فيه ويضحك.. حتى نطق باباه: السكوت علامات الرضاا... غير نقولو الله يكمل كلشي بالخييير...
ناضت مليكة ومامات تاج (زكية) ومامات أشرف (ليلى) كايزغرتو والصلاة على النبي.. وناضت حتى كوثر طالقة حلوقها ديال حجيب كاتصلي على النبي وتزغرت.. حتى جاتها واحد الحلوى قااصحة للراس حساات بيه تقلقل من الدااخل.. ضورات عينيها كاتشوف حتى لقاات أشرف مخنزر فيها ناوي ينووض عاض على شناافتو: داباا نننن...
خبسو تاج بيديه كان جالس بينو وبين وديع: ريح لرض مال جدكوم تمسختوو.. غانبقا غير حاضيكوم تفووو...
شاف فيه أشرف طلعو ونزلو معوج شفايفو: شكون راه ينصح ويهضر؟؟
شاف فيه ورجع شاف من جهة أخرى حاضي هبة لا يغرها الشيطان وتنوض دير بحال صاحبتها مي لقاها متبتة فبلااصتها غير كاتشوف وتضحك.. حمد الله فخاطرو مااغايتشوهش من بعد ماكان هو المرزن يولي ضحكة فوسطهوم... بقاو هاكاك فرحانين كايتعااودو بيناتهوم.. تحط لعشا تعشااو بالضحك.. تفااهمو على لملااك... غايديروه من ورا الإمتحاان... دوزو الليلة كايتعرفو على بعضهوم كثر ويضحكو...
كان منسااجم فالهدرة معاهوم.. حتى ضور راسو مرة أخرى من جهتها.. كانت باقية كاتدوي مع لبناات.. غمضات عينيها بتعب... ضترت كاتشوف قدامها حطات سبعها السبابة على نيفها.. تقاد فالجلسة مخرج فيها عينيه.. مسحات شوية وشافت فصبعها.. سااطت مكرهة.. وحطات يدها عليه وشافت فلبناات قالت شي حااجة وناضت كاتمشى بسرعة.. وشاف كوثر تبعااتها.. ولبنات كايسولو.. ابتااسمات باطمئنان: من ديما كاايوقعلها هاكا مللي كاتعياا...
هو تخطف من بلااصتو مسرع فخطواتو.. داز فكوثر.. وخرج للكولوار.. كايشوفةيمين وشمال حتى رمق واحد الباب محلول والضو شااعل.. مشا فاتجااهو.. دخل كايسمع للروبيني محلوول.. مشا فاتجاه الصووت.. بانتلو محنية على لافابو كااتغسل نيفها والدم هاابط.. تخلع بلبياان جا من ورااها.. وهي غير شاافتو من لمراية.. ضارت قاافزة كاتشوف فيه ونيفها باقي فيه الدم: تااج..؟؟!! شنوو..؟
قاطعها شاد وجهها يين يديه كايدوي بهستيرية: ماالكي؟؟!! شنو وااقعلك..؟؟ رفع صووتو كثر: منين جااك هاد الدم..؟؟!! علااش الدم فنيفك؟؟
شداتو من يديه للي شاد بيهوم وجهها: تاج تهدن.. راه عادي من ظيما مللي كانخدم بززاف ولا يخصني النعااس كانرعف عاادي..
تااج بعصبية وبتصرفات خارجة على الإرادة حرك راسو رافض هدرتها كااملة: كييفااش عاادي كييفااش؟؟ آش عاادي...؟؟! الدم فنيفك وكاتقولي عادي؟؟!!.. مايتشااف؟؟ ماخاصكش ترعفي.. ماخاصكش تجرحي.. الدم مايخرجش منك.. ماخاص توقعلك حتى حااجة... نتي خاصك تبقااي هااكا تقية زوينة.. مايوقعلك والو...
هبة كاتشوف فيه مخلوعة عليه كايباان ماشي طبيعي: تااج.. تااج صاافي راه غير دم وغانغسلو مااكايضرني والوو..
تااج: لا كايضرك... قبايلة غمضتي عينيك.. يعني ضرك رااسك... ضورها لجهة لافابو كايغسلها بيديه أما كوثر كانت داخلة غير شافتو معاها رجعات حتى قنتها أشرف حتى هي حدا الحماام: إيوا أحجيب مانديروش واحد السيلفي؟؟
كوثر كاضةر فعينيها: راه غير تحمست لخطوبة صااحبتي وقلت نفرح معاها
أشرف: وقلتي باش نفرح نرجع شيخة يااك...؟؟!!
....
غسلها وجهها حتى مابقا فيها والوو.. وضورها عندو كايقاادلها الزيف: مزياانة.. كاتحسي بشي حااجة؟؟
هبة بابتسامة اطمئنان: لا ماكانحس بوالو انا مزيانة...
مسح لعرق من على جبينو ورجع كايشوف فيها مركز فملاامحها: غدا نشوفو منااش هاد الشي
هبة' مشييت لعند الطبيب.. هذا زمان وقالي بللي عادي