🔥لهيب الهوس 🔥( مكتملة)

part103

بسمة ناعمة
البارت 103: كانت وااقفة فالبالكون لاابسة بيجامة دالنعااس مستوورة وضافرة شعرها اللوور.... هازة كاس دالقهوة كااتشرب منو وسااهية فضو النهاار للي بدا كايباان.. باتو فنفس الفيلا للي دارو فيها العرس فمرااكش.. ابتااسماات مغمضة عينيها مللي حساات بأنفااسو على ظهرها... نطق بهمس: صلليت؟
هبة: أممم... ونتا...؟؟
تاج: أمم صلليت... علااش مانعستيش؟؟
هبة: كنت كانستنااك.... تعطلتي...
تاج: الجامع بعيد على هنا... مشينا حنا كاع الرجاال صللينا.. دوشتي؟؟
هبة: آه... دوشت.. وجدتلك الحماام وماجيتيش...
تااج: دوشت لتحت...
عنقها جنب... وخدالها كااسها بدا كاايشرب منو: مامزيااناش ليك وعاد غااطيرلك النعااس
ابتااسماات: ونتا...؟؟!!
تااج: أناا نقدر عليها ونتي مااعندكش صحتها...
هبة: ياااك...؟؟!! إيوا رااه حتى نتا غااطيرليك النعااس
تااج: وااخا نشرب ميات كااس... غير تنغسي حداايا أنا متأكد غانطيح كومة...
ابتااسماات بلاا ماتجااوب... شااف فالسما ونطق: ماعمرني غرت ولا حسدت شي حد.. حتى لهااد الليلة...
شاافت فيه باستغراب: من شكوون غرتي وشكوون حسدتي؟؟
شرب من القهوة ونطق: وديع وأشرف...
يالله جات تسولو علااش تفكرات سدات فمها وبقاات كاضور فعينيها... شاف فيها: علااش ماكاتلبسيليش دااك الشي قصير سيكسي...
حنات رااسها كاتلعثم فهدرتها: خاايفااك مااتصبرش..
تااج: أمم هذي عندك فيها الحق.. هاكا ومصبر راسي بزز... يعني غاتبقااي تلبسيهوملي من ورا العرس؟؟
هبة: هههه... آه غاانلبسلك للي بغييت
غمض عينيه: بففففف... إمتا غاايجي هااد الصييف؟؟
هبة: ههههه... عييت.. ندخلو ننعسوو...؟؟
تااج: أمم يالله...
......
نااعسة على كتفو مغمضة عينيها عياانة.. وهو ساهي كاايشووف فالحييط
فاارس: غزلاان؟؟
غزلاان: أمممم...
فاارس: واش حنا غااانبقااو هااكاا....؟؟
غزلان باقية مغمضة عينيها: كيفااش هااكا...؟؟
فاارس: ماغانقرروش إمتا نديرو هااد العرس؟؟...
غزلان: فاارس واش هذا وقت هاد الهدرة؟؟ عياانة وبااغية ننعس...
فاارس: حتى أنا عييت وبغيت الجوااب...
غزلان: حتى لغدا وندويو مع وليديا أو وليديك ونقررو...
فاارس: نقررو حنا هما غير غانعلموهوم
غزلاان: وااخا أفارس.. حتى لغدا داابا راه فيا النعااس... كاع مامركزة معااك
فارس: صافي غير نعسي باردة القلب...
تقلبات للجهة الأخرى ماتسوقااتش لييه وهو مخنزر كاايشووف فييها...
فالطرييق طمووبيلااتهوم متاابعين... كلهوم شادين طريق وحدة... كل واحد غاايمشي مع مراتو لعند نسابو غايبااتو تما وفالصبااح غايرجعو لفرنساا...
غزلاان وفاارس اتاافقو بللي العرس غاايكون ورا العرس دياال هبة وتااج بشهر... وعلمو وليديهوم وصحاابهوم بقراارهووم...
.......
كاايمشي ويجي بتوثر.. كايدوي فالتيلي... باينة من حاالتو بللي معصب... كشااكشو خاارجين وهو كاايزير على الحرووف وكايدوي باللغة الفرنسية: كيفااش مالقيتيهاش...؟؟ واش كاانخلصكوم باش كل مرة تقولولي مالقيناهاش؟؟!!.... خاصكوم تلقاوها... عندكوم نهاار... نهاار وااحد إلى ماالقيتوهااش غاتكون عندي معااكوم هدرة أخرى...
قطع وزدح التيلي فووق الفوتوي حااط يدو على جنبوو كااينهج بعصبية.... طلع رااسو كاايشووف فييها جاالسة وحاطة قداامها قرعة دالشراب كااتكب فالكااس وتشرب... تنهد مكره وقرب جهتها تكا بيديه على الطبلة ديالها: شفتك ماهامكش هااد الحالة للي حناا فييها.. من نهاار عرفت بللي تااج غبر جدااه من هناا وأنا كاانقلب وماكانعسش.. ونتي ماكاينااش هنا...
جغماات من كااسها وشاافت فيه.. نطقاات بنوع من السخرية: وشنو استاافدتي؟؟ وااش لقيتييها...؟؟!! أكييد لاا... ههههه... أنا ويااك ماوصلنا لحتى شي نتيجة... الفرق للي بينااونا هو أنا مرتااحة... ونتا غير كااتجري وتعذب فرااسك بلاا فاايدة..
ضرب فالطبلة مقفزها كايشووف فيها مخنزر: مااتزيديش على مااابيا... ولا غاتشووفي الوجه لااخوور دياالي..
يالله جاات تنطق حتى سمعو البااب تحلاات... طلعو رااسهوم باستغراب كاايشوفو فشكوون دخل... حتى تفااجأوو ببابابهوم دااخل عليهوم..
وقفو بجوج كايشوفو فيه ويرجعو يشووفو فبعضيااتهوم... هذي أول مرة يدخل لعندهوم وخصووصا مللي يكونو فالباار ديال الداار... أصلا هذي هي حيااتهوم... اﻷب ولأم مااكايتحاسبوش مع ولاادهوم... ويقدرو يجيبو حتى شهر ماايتلاقاوش وااخا ساكنين فدار وحدة... الحرية التاامة بحاال الولد بحاال البنت...
قرب لعندهوم بخطوات ثقيلة كاايشوف فيهووم بطريقة مامفهومشااش... هز الكااس للي كاانت كاتشرب منو من فووق الطبلة... زدحو مع اﻷرض بكل قوتو حتى تشخشخ... وشااف فييها: تبااركالله على بنت اﻷصل...
سرطات ريقها رااجعة اللور... وهو تنهد وحط يديه فطيبو كاايشووف فيهوم بجووج: ماتشوفونيش سااكت وعاطيكوم بالتيسااع تقوولو بللي مامسوقش ولا مااعارفش شنو كاايضوور فدمااغكوووم... أناا عاارف بللي نتوما السبااب فدااك الشي للي وقع...
خرجو عينيهوم مصدوومين... نطق لؤي: ش... شنو كااتقوول؟؟!!
-أنا عاارف بللي نتوما للي خططتو لدااك الشي
مااريا: ب... بابا...؟؟!!
قااطعها مخنزر: ششششش.... فاللول كنت شااك ولكن مللي شفت شوفااتها ليكووم نهار الحفلة... تقريبا تأكدت... ودابا ماادخلت لعندكوم حتى سمعت لهدرتكووم...
شااف فبنتو لقااها خاايفة كااترعد... ولؤي غير كايضور فعينيه.. تنهد ونطق مرة أخرى: ماتخاافوش ماغانعااقبكوومش.. ماغاندير والو... حيت أنا اللول للي خااصني نتعااقب... يمكن لوكاان ربيتكوم وعطيتكوم وقت بحال كيف دارو خوتي مع ولاادو... غاتكوونو بحاال تااج وختو وخووه... ولا أشرف ووديع وختهووم... حتى أنا عندي يد فهااد الشي مااغاندير والو...
ضاار غاادي وهما كاايشوفو فيه باقيين تحا تأثير الصدمة... حتى وقف وضاار لعندهووم مرة أخرى: وفنفس الوقت ماغانعااونكوومش.. يوقع للي يووقع.. وكيف ماكان العقااب للي غايصدر فحقكووم ماغاندخلش...
خرج وزدح البااب... مااريا جلساات فوق الكرسي سخفاانة كااتشوف فالفرااغ... ولؤي ضرب الكرسي للي حداه برجلوو معصب: مييغد...ط
......
تااج: الحمدلله على سلاامتك... كل ماكانسمع صووتك كاانفرح من قلبي.... أسبووع مااشي شي حااجة... مزياانة جتى هي كااتسلم علييك... كااتصللي داابا غير تسالي تتااصل بييك.. يالله تصبحي على خيير... عنداك تنسااي الدوا دياالك...
قطع وخشا التيلي فجيب التوني للي لاابس وضاار لعندها كاانت كااتطوي السجاادة للي صلاات علييها.... ابتااسملها: الله يقبل...
هبة: آمين.. واش هذي جدة؟؟
تااج: آه هي.. راها كاتسلم علييك... كانت باااغية تدوي معااك ولقااتك كاتصللي...
هبة: أمم توحشتها...
تاج: مابقا والوو وتشووفيها.. سيمانة وهاهي معاانا... غير تسالي شي حصص ديال الترويض وترجع حتى هي لفرنسا...
هبة: إن شااء الله... شنو كاتعااود؟؟
تااج: مزياانة... الدكتور ديالها قاالي بللي وااخا كاتمشى ثقيلة ولكن مابقاتش كاتعتاامد على شي حد.. وكاتقضي حااجيااتها لراسها... مع الوقت غااترجع بحاال اللول... ولساانها تقااد حسن من اللول...
هبة: واش غاتكمل الترويض ديالها ففرنسا...؟؟
تاج: آه غايكونو معاها أطباء وممرضين يكملو معاها العلااج... ماغانتهنى حتى ترجع كيف كاانت...
هبة: وماقالتش لييك شكون داار فيها ديك الحاالة؟؟
تااج: ماقالتليا والوو... واخا أنا شبه متأكد من شكوون... ولكن بغيت نسمعها من عندها..
هبة: حتى تلاقاو وتدويو...
تااج: إن شااء الله.... عنقها جنب: زيدي نغسوو راه غدا تابعاانا طريق طويبلة...
غوبشاات كااتشووف فالأرض: مااسخيتش...
ابتااسم وبااسها فراسها: من نهااار جينا ونتي لااصقة مع وليديك وخوتك... حتى أنا نسيتيني... ماشبعتييش؟؟
هبة: علاه كااين شي حد كاايشبع من واليديه...؟؟
تااج: واعييت مع باباك يمشيو يستااقرو معانا ماابغااوش...
هبة: عادي مايبغيش رااه كاايقااد فدارو ويبني... وحنا فالشرق عيب بابات لمرا يسكن مع نسيبوو...
تااج: كلشي ولا عادي فهااد الوقت.. ولكن مزياان مللي نسيبي هاكا.. كايشبهلي...
ابتااسمات بحزن... وهو كاايشوف فيها: واضحكي... راه ماشي لخااطري الشركة ديال جدي يالله كاتوقف على رجليها وخااصنا نكونو حااضرين باش نسيروها مانوقعووش فنفس الغلااط... وباباك واعدني بللي الشهر الجااي يجيو لعندك... وأنا للي غانتكلف بالسفر دياالهوم... ونتي فوقاش ماتوحشتيهوم نجيبك تشووفيهووم...
ابتااسماات معنقااه بامتناان: ماعرفتش شنو درت فحيااتي حتى لاقااني الله بييك...
تااج: خلليتي وااحد بحاالي يفرح ويضحك... ودخلتي طعم لذيذ لحيااتو للي كانت روتينية ومملة...
بقااو الليل كاامل كاايدويو بحالهوم بحاال كاع لي كووبل لاخربن... وديع وأشرف كاايخططو مع عريسااتهوم لشهر العسل للي غايمشيوليه مبااشرة مللي يساليو شي مشااريع فالشركة... وفارس وغزلاان كاايتاافقو على العرس واخا بااقي بعيد ولكن التشوييق خلااهوم يخططو بحاليلا غايكوون غداا...
فااصاالون لكبيير للي متوسط لقصر... كلهوم جاالسين مجمووعين... تااج متكي بأريحية ومتكي هبة على كتفوو... حداه حوه ومراتو... وولاد عمو وعيالاتهوم... وحتى وليديهوم... ولؤي وماريا ووليديهوم حتى هما..
كاانت جاالسة مقاابلة معااهوم... من وجهها باينة القوة... لابسة كومبلي نسائي فلكحل... مع سبااط بلا... وجامعة شعرها لبيض كعطة اللور... حااطة العكااز على جنبها... عينيها كاايضورو بين الحضوور... ركزو على مااريا للي وجهها صفاار وغير كااتقفقف... ورجعاات شاافت فلؤي للي كاايحرك رجلو بالزربة... ابتااسماات بجنب... وشاافت فبااهوم... كاايشووف فيها ويسرط فريقو... فيقها تااج مللي نطق حااط صبعو حدا فمو: جدة دابا نتي الحمدلله مزياانة... قاادرة تهضري...
شاافت فيه وحركاات رااسها باﻹيجااب: آه أولدي... من بعد سنواات دياال العذااب الحمدلله رجعت كييف كنت... شاافت فأعدااءها مرة أخرى ونطقاات: #يمهل_ولا_يهمل...
تااج: الحمدلله... داابا جاا الوقت بااش نعرفو.. شكوون كاان السبب من ورا ديك الحاادثة...
مااريا حركاات يديها كااترعد شداات فكتف لؤي زيرات علييه مخلوعة وهي كااتشووف فجدااها حااضية شفاايفها وكاتسنااها تحركهووم... وحتى لؤي حااضيها كاايزيد فالسرعة دياال تحرااك رجليه... وكايلعب بالتيلي فيدو.. غير كاايخربق مااعارفش آش كاايديير... وعينيه عليها كاايستنااها تنطق... وهي متعمدة تلعب على أعصاابهوم... حتى سمعاات صووت تااج مرة أخرى: جدااا....؟؟!!
شاافت فييه: همممم...؟؟!!
تنهداات كااتفكر ورجعاات شاافت فيه: سمحليا أولدي تااج... أنا عاارفة بللي كلكوم بااغيين تعرفو شكون السبااب... آه أنا عاارفة شكوون... ولكن ماغانقدرش نقوولكووم...
ناض بابات فاارس باستغرااب:كيييفااش...؟؟!! وعلااش...؟؟
أشرف: جدة وااش عاارفة آش كااتقوولي...؟؟!! نتي رااك كاتستري على مجرم... كاتستري على وااحد خلااك سااكتة وجاالسة بلا حرااك لمدة سينين...
تااج: شششش... خلليوها تكمل هدرتها.. أنا كاانعرف جدة... مايمكنش تستر علييه... أكييد كااينة شي حااجة من وراا هاد القراار.. شاف فيها مصغر عينيه: أولاا أجدة؟؟!!