"သခင်လေးတို့ ဒါလေးတွေ ဝယ်သွားပါဦး"
"ဂျိုဆွန်းမှာပဲ ရနိုင်တဲ့ မုန့်လေးတွေ ဝယ်သွားကြပါဦး"
"အလှလေးတို့ ဒီပစ္စည်းလေးတွေ ဝယ်သွားကြပါဦး"
ဈေးထဲ၌ ဈေးသည်များသည် အပြိုင်အဆိုင် အော်ဟစ်ကာ ဈေးရောင်းနေကြသည်။ ထိုဈေးသည်များကို ကျော်ဖြတ်လာရင်း စာအုပ်ဆိုင်ထဲသို့ ဝင်ရောက်သွားသည့် သခင်လေးတစ်ယောက်။
မိုးပြာရောင် ပိုးသားဝတ်ရုံလေးနှင့် သခင်လေး၏ အသွင်အပြင်ကို ကြည့်ရုံဖြင့် မျိုးရိုးမြင့် သခင်လေးမှန်း သိသာလွန်းသည်။
ထိုသခင်လေးကတော့ စာအုပ်ဆိုင်၏ ထောင့်ကျသည့် နေရာလေးတွင် ထိုင်ကာ စာအုပ်တစ်အုပ်ယူရင်း ဖတ်နေသည်။ ဖတ်နေသည့် စာအုပ်ပြီးသွားပြီမလို့ နောက်တစ်အုပ် ထယူရန်ပြင်တော့သည်။
ယူရန်ပြင်လိုက်သည့် စာအုပ်ကို တခြားတစ်ယောက်ကလည်း လက်လှမ်းလာသည်မလို့ သူတို့၂ယောက်၏ လက်ထိပ်လေးတွေအချင်းချင်း ထိမိသွားကြသေးသည်။
မိုးပြာရောင်ဝတ်ရုံနှင့် ကောင်လေးက အမြန်ပင် လက်ကို ရုတ်လိုက်ပြီး တစ်ဖက်ကို ဦးစားပေးသည်။
"အာ အဲ့ဖက်က ယူလိုက်ပါ ကျွန်တော်က သွားတော့မှာမလို့"
မိုးပြာရောင်ကောင်လေးသည် တစ်ဖက်လူကို ဦးညွတ်ကာ ထွက်ခွါသွားချေပြီ။ ကျန်ခဲ့သည့် ကောင်လေးကတော့ ထွက်သွားသည့် ကောင်လေးကို မျက်စိတစ်စုံး လိုက်ကြည့်နေမိသည်။ မျက်နှာထက် အပြုံးရေးရေးလေးလည်း ပေါ်လို့ပေါ့။
တရုတ်နှင့် ဂျိုဆွန်းချစ်ကြည်ရေးအတွက် ဟာအို ယခုဂျိုဆွန်းသို့ ရောက်နေခြင်းပင်။ ယခင်ကလည်း ပညာသင်အတွက် မကြာခဏ ရောက်ဖူးသော်ငြား ယခုကတော့ မတူပေ။ ချစ်ကြည်ရေးဆိုသည့် စကားနောက်တွင် ရှုပ်ထွေးလှသည့် နိုင်ငံရေး ပဋိပက္ခတွေ ရှိလာနိုင်သည်ဆိုတာ ဟာအိုရိပ်စားမိသည်။
အဲ့တာကတော့ ဟာအိုလည်း ဘာမှမတတ်နိုင်သည့် အရေးပင်။ ဟာအိုက ရှန်ဧကရာဇ်မျိုးဆက်ကို ခစားရမည်။ ရှန်မျိုးဆက်၏ ကျေးဇူးတွေက ဟာအို့အပေါ်တွင် အများကြီးရှိသည်။ သည်ဟာပဲ ဟာအိုတွေးနိုင်သည်။
YOU ARE READING
Light Me
Fanfiction네가 먼저 나를 찾아낸다면 다시 날 안아줄 거야? If you find me first, will you hold me?? Shen Quanrui || Kim Taerae
