တရုတ်ပြည် ယွမ်အင်ပါယာ၌ ရှိနေစဉ်
"သားတော် အခု ထီးနန်း လွှဲပြောင်းယူဖို့ အဆင်သင့်ဖြစ်နေပြီမလား"
ချွမ်ရွေ့ သူ၏ ခမည်းတော်နှင့် အတူ ရေနွေးကြမ်းသောက်သုံးကာ စကားလက်စုံ ပြောနေခြင်းပင်။
"ခမည်းတော်လည်း ကောင်းကောင်း ဦးဆောင်နိုင်နေသေးတာပဲကို သားတော်ကို ဘာကြောင့် ထီးနန်းလွှဲပေးချင်ရတာလဲ ခမည်းတော်"
"ဒီအဖိုးကြီးက ကျန်းမာရေးက မကောင်းတော့ဘူး။ ဘယ်တော့ သေမလဲဆိုတာလည်း မသိဘူးလေ"
ချွမ်ရွေ့ ငြိမ်ငြိမ်လေးသာ ထိုင်၍ နားထောင်နေမိသည်။
"မင်းကလေ ခမည်းတော် ငယ်ငယ်ကနဲ့ သိပ်တူတာ"
"သားတော် သိပါတယ်"
"နိုင်ငံရေး စစ်ရေးတွေနဲ့ ချွမ်ရွေ့ကို အချိန်မပေးနိုင်ခဲ့လို့ ခမည်းတော် အားနာရတယ်။ အခုတော့ ခမည်းတော်က ချွမ်ရွေ့လေး ထီးနန်းဆက်ခံပြီး ဧကရီတင်မြောက်တာကို ကြည့်သွားချင်တာ။ နောက်ပြီး ခမည်းတော် ချွမ်ရွေ့ကို ယုံကြည်တယ်။ ကောင်းကင်ဘုံက ချွမ်ရွေ့ရဲ့ မယ်တော်ကလည်း ဂုဏ်ယူနေမှာ"
"ဒါဆို သားတော် တစ်ခုတောင်းဆိုလို့ရနိုင်မလား ခမည်းတော်"
"ဘာများလဲ ချွမ်ရွေ့"
"သားတော်ရဲ့ ဧကရီအဖြစ် ဂျိုဆွန်းရဲ့ မင်းသားငယ် ကင်မ်ထယ်ရယ်ကို တင်မြောက်ချင်ပါတယ်"
ခမည်းတော်က တစ်ချက်သာ ပြုံးလိုက်ပြီး လက်ခံလာပေးသည်။
"သားတော်ဖြစ်စေချင်တဲ့အတိုင်း ဖြစ်စေရမယ်"
🜸🜸🜸🜸🜸🜸🜸🜸🜸🜸
"မင်းသားငယ် ကင်မ်ထယ်ရယ် အခစားဝင်ပါတယ် အိမ်ရှေ့စံ"
"ဝင်ခွင့်ပေးလိုက်ပါ"
ချွမ်ရွေ့ မနက်ခင်း စာဖတ်နေရင်း အခစားဝင်လာပါသည့် ထယ်ရယ်ကြောင့် ဖြစ်ကြောင်း ကုန်စင် သိပြီးပြီဆိုတာကို နားလည်လိုက်သည်။
"ချွမ်ရွေ့"
နာမည်ခေါ်ရင်း ရောက်လာသည့် မက်မွန်ပွင့်လေးဟာ ထုံးစံအတိုင်း အရောင်ခပ်နုနု အဝတ်အစားလေးနှင့်ပင်။
YOU ARE READING
Light Me
Fanfiction네가 먼저 나를 찾아낸다면 다시 날 안아줄 거야? If you find me first, will you hold me?? Shen Quanrui || Kim Taerae
