ထယ်ရယ့်ကို ရေပတ်တိုက်ပေးရင် ဟာအို ထယ်ရယ်၏ လက်သေးသေးလေးများကို အုပ်ကိုင်ထားမိသည်။ မနက်အရုဏ်တက်လောက်တွင် လုံခြုံသည့်နေရာကို ပြောင်းရွေ့နိုင်ခဲ့ပေမဲ့ အခုထက်ထိ သတိမလည်သေးသည့် ထယ်ရယ့်ကြောင့် စိုးရိမ်စိတ်က ကြီးစိုးလာရသည်။
နောက်ပြီး ချွမ်ရွေ့ဆီကို ပြန်ပို့နိုင်ဖို့ နည်းလမ်းကိုလည်း စဉ်းစားနေရသည်။ ထိုအချိန် လက်ချောင်းကလေးက လှုပ်သွားသည်မလို့ ထယ်ရယ့်ဆီသို့ အာရုံပြန်ရောက်သွားရသည်။
"ထယ်ရယ် အဆင်ပြေလား"
"ဟာအို"
ထထိုင်လိုက်သည့် ထယ်ရယ့်ကြောင့် ဟာအိုအသာထိန်းပေးလိုက်သည်။
"ဟာအို ထယ်ရယ်တို့ ဘယ်ရောက်နေတာလဲ"
"လုံခြုံတဲ့ တစ်နေရာမှာပါ ထယ်ရယ်"
တစ်ခုခုကို တွေးမိသွားပုံပေါ်တဲ့ ထယ်ရယ်က မျက်ရည်များ ဝိုင်းလာပြီး မျက်ရည်ခတော့သည်။ ဟာအိုလည်း အသာသုတ်ပေးပြီး ထယ်ရယ့်ကို နှစ်သိမ့်ပေးနေသည်။
"အဆင်ပြေသွားမှာ။ ဂျီအွန်းဟျောင်းကို ယုံတယ်မလား"
ထိုကျတော့လည်း ခေါင်းလေးကို အသာငြိမ့်ပြသည်။
"ထယ်ရယ့်ကိုလည်း ကိုယ် ယွမ်အင်ပါယာစီ ပြန်ပို့ပေးမယ်နော်"
"ဟင့်အင်း ထယ်ရယ်မသွားဘူး"
ဆုပ်ကိုင်ထားသည့် လက်ကလေးကို ရုန်းထွက်သွားကာ ငြင်းဆိုလာသည်။ ဒီကလေး ဘာဖြစ်လို့ပါလိမ့်။
"မဟုတ်ဘူးလေ ထယ်ရယ်"
"ဟင့်အင်း ထယ်ရယ် အဲ့ကို လုံးဝမပြန်ဘူး"
"ထယ်ရယ် ဘာဖြစ်လို့လဲ"
ဟာအို လေသံအေးလေးနှင့် မေးလိုက်သည်ကိုတောင် ထယ်ရယ်က မျက်ရည်များကျပြီး ဟာအိုကို အော်ကာပြန်ဖြေသည်။
"ဟာအို ဘာသိလို့လဲ။ အခုလိုတွေ ဖြစ်တာ ဘယ်သူ့ကြောင့်လို့လို့ ဟာအိုထင်လဲ"
ထယ်ရယ် ဘာတွေပြောနေတာလဲ။ နန်းတွင်းပုန်ကန်မှုက အတွင်းဝန် ယူကြောင့်ဖြစ်တာလေ။
"ထယ်ရယ်က အဲ့လူရဲ့ အကြံတွေကို နည်းနည်းလေးတောင် မရိပ်မိပဲ ဘာမှထည့်မတွက်ပဲ အဲ့လူကိုတောင် လက်ထပ်ခဲ့သေးတယ်"
YOU ARE READING
Light Me
Fanfiction네가 먼저 나를 찾아낸다면 다시 날 안아줄 거야? If you find me first, will you hold me?? Shen Quanrui || Kim Taerae
