អ្នកជិតខាងម៉ាហ្វៀ

ភាគ ២៨+២៩.

#អ្នកជិតខាងម៉ាហ្វៀ
ជុងហ្គុក អេនហ្វេសស្ទឺ | រ៉ូឆែលឡា អេលវីស
#ភាគ ២៨+២៩.

ផាំង!

គ្រាប់កាំភ្លើងមួយគ្រាប់ហោះទម្លុះកាយរាងចំណាស់ដែលអង្គុយញញឹមនោះ, វិមានស្ងាត់ជ្រងំ ព្រោះអង្គរក្សគ្រប់រូបបានទៅការពារលោកហ្វេសស្ទឺអស់ហើយ, រ៉ូឆែលនាងបាញ់ត្រង់ដូចជុងហ្គុកនិយាយពិតមែន...នាងមិនអាចបន្តបាញ់ទៀតបានទើបនាងត្រូវទម្លាក់កាំភ្លើងចោល រត់ចេញទៅដោយគ្មានអ្នកណាហ៊ានទៅតាម ព្រោះមានតែអ្នកបម្រើដែលនៅ ហើយពួកនាងសុទ្ធតែភ័យខ្លាច...

ងាកមកអ្នកខាងនេះវិញ , គេក៏ទើបតែងើបឡើងដូចគ្នា ចិត្តរាងក្រាស់ចាប់ផ្តើមជ្រួលច្របល់ រករ៉ូឆែលពេញផ្ទះហើយមិនឃើញ គេចាប់ផ្តើមមិនយល់, កាយសង្ហាឈរធ្មឹងហាក់គិតពីបញ្ហាមួយនេះ ដៃមាំកាន់ទូរស័ព្ទរបស់រ៉ូឆែលទាំងញ័រទទ្រើក បានឃើញសារទាំងនេះហើយទើបគេមិនយល់ ហើយគេក៏ទើបតែចាប់អារម្មណ៍ថា ស្រលាញ់រ៉ូឆែលប៉ុន្មានខែហើយគេមិនដែលសុើបពីប្រវត្តិរបស់រ៉ូឆែលសោះ!

ក្រឺងៗ
សម្លេងទូរស័ព្ទឮឡើងមក ជុងហ្គុកលើកទូរស័ព្ទមកនិយាយ ដោយញ័រសព្វប្រាណ ហើយគេក៏លែងឆ្ងល់ហើយថាម៉េចបានជារ៉ូឆែលចេញទៅទាំងបែបនេះ។

« និយាយមក! »
(លោកស្រីរបួសធ្ងន់ណាស់ គាត់កំពុងតែទទួលបានការព្យាបាល គាត់នៅក្នុងបន្ទប់សង្រ្គោះបន្ទាន់ជាច្រើនម៉ោងហើយ ក្រុមគ្រូពេទ្យសង្ស័យថាមិនមានភាគរយសង្រ្គោះបានច្រើនទេ) ចប់ប្រយោគត្រឹមនេះ ជុងហ្គុកក៏បោកទូរស័ព្ទរបស់គេចោលតែម្តង អារម្មណ៍បារម្ភពីរឿងគ្រប់យ៉ាង កើនមួយកម្រិតទៀត គេបារម្ភនឹងរឿងគ្រប់យ៉ាងដល់ថ្នាក់អារម្មណ៍ខឹងច្រាលគ្របដណ្តប់ពេញសព្វប្រាណ! គេស្រលាញ់ម៉ាក់របស់គេជាងជីវិតរបស់គេទៅទៀត មិនមានអ្នកណាហ៊ានធ្វើអីលើលោកស្រីហ្វេសស្ទឺទេ ជ្រាបទេ?
« កុំអោយការសង្ស័យរបស់បងពិតអី...ឆែល.. » កាយសង្ហាទាញសោរឡានចេញទៅដោយដៃក្តាប់ទូរស័ព្ទរ៉ូឆែលជាប់ ភាពទន់ភ្លន់ទាំងប៉ុន្មានហាក់រលាយបាត់អស់ត្រឹមមួយពព្រិចភ្នែក ជំនួសដោយភាពខឹងសម្បារ គ្មានអ្នកណាទ្រាំបានទេពេលដែលឃើញថាមានអ្នកមកធ្វើអោយអ្នកមានគុណរបស់អ្នកឈឺចាប់! ទោះជាម្នាក់នោះជាអ្នកដែលយើងស្រលាញ់ស្ទើលេបក៏ដោយ។
///