مهمة رسمية ( مُكتملة )

الفصل السادس ( بعد فوات الآوان )

كعادتنا قبل أن نبدأ دعونا نأخذ بعض الحسنات

بسم اللَّه الرحمن الرحيم
لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ

صلوا على النبي
_________________________

كانت نور ترتدي ملابسها في غرفتها لتخرج بعد أن انتهت لتقابل أدهم ليعقد حاجبيه بإستغراب ليردف بشك
_" أنتِ رايحه فين يا حلوة كدة ولا كأن في
طروبش قاعد معاكِ "

لتردف هي بتوتر وهي تفرك كفيها بقوة
_" رايحة أجيب حاجات من تحت "

ليردف هو بهدوء
_" مينفعش تنزلي لوحدك عشان خطر عليكِ أكتبي الحاجات اللي عايزاها وهجبهالك "

لتردف هي بتوتر و خجل أيضًا
_" لا ما هي حاجات بنات "

ليردف هو بضيق
_"أكتبيهم في ورقة وهبعت واحدة تجبلهالك"

لتردف هي بحنق وقلة حيرة وهي تضرب بتقديمها علي الأرض
_" يوه بقي هي لا حاجات بنات ولا نيله أنا مبعرفش أقعد في البيت هنزل ألف شوية في السوبر ماركت هتخنق  "

ليردف هو وقد تراقصت ابتسامة خبيثة علي شفتيه
_" ما تقولي من الأول إنك عايزة تنزلي تلفي عمومًا نزولك لوحدك خطر عليكِ أستني خمس دقائق وهاجي معاكِ يا إما متنزليش أصلًا "

لتردف هي بقلة حيرة
_" حاضر أخلص بسرعة "

ليحرك رأسه نافيًا بمعني لا فائدة ويدلف إلى غرفته ليبدل ملابسه
--------------------------------------

دلفت إلى مكتبها لتبتدي في عملها لترى باقة ورد كبيرة من اللون الأحمر تزين مكتبها وكارت موضوع عليها لتأخذ الكارت وتقرأ محتواه
_" أنا غبي وحمار بس والله بحبك ممكن تسامحيني الغيره برضو تعمل أكتر من كدة مكنتش عارف أنا بقول أي ما أنا برضو زي الجاموسة اللي واقعة في حبك "

لترتسم ابتسامة واسعة علي ثغرها سرعان ما تفوق إلى نفسها لتأخذ الباقه وتدلف إلى مكتبه بعصبية

لينتفض هو واقفًا منتظرًا ردة فعلها ليراها ألقت الباقة في سلة المهملات بعنف وتردف بعصبية
_" مستر آسر متتجاوزش حدودك معايا من فضلك"

لتتركه وتدلف إلي الخارج بعصبية بعد أن صفعت الباب خلفها ليردف هو بسخرية
_" مستر آسر أي الإحترام ده كله يا بنت الجبالي فين أيام آسرورتي بس برضو مهما تلف وتدور مصيرك هتحن يا مارلابور "