البارت الخامس
.
.
.
.
قمر : يلا بدل وانا بطلع
ليل : زين
طلعت قمر وجلس ليل يلبس
ليل : قمر تعالي
دخلت قمر : هلا
ليل : عدلي هذا خنقني
جلست قمر تعدل له كل شي وتضبط له
قمر تذكرت مزن والبنات وشهقت
ليل : بسم الله وشفيك
قمر: نسيت البنات كلهم بالسياره ينتظروني
ليل ابتسم : انا بقول لهم يتركونك عندي
قمر : طيب قول لهم الحين
اتصل ليل برائف
رائف: ارحبب
ليل : البقى، اسمع رائف ابي قمر عندي وانتو روحو لنفس المكان والشاليه الي علمتك ياه وقول ب اسم ليل بن سعد
رائف : ابشر يلا الله يستر عليكم
ليل : وعليكم يابعدي
سكرو الخط
رائف : ترا ليل يبي قمر عنده وبنروح الحين نريح
تركي : الله شكلي بصير خال
مسك رائف فم تركي وضحك : ياكلب اسكت ذا بيننا في ناس معنا
مزن وليال كانو مصدومات وساكتات
راحو للشاليه
-
عند ليل وقمر
ليل خلص وانسدح و قمر بدت تضبط له المكان
خلصت وجلست وليل متوترررر
ليل : قمر تعالي شوي
جت عنده قمر : هلا
ليل : امسكي يدي واجلسي عندي
مسكت يده قمر وكانت عارفه انه متوتر مسكت يده وجلست تطبطب عليه لمن جت الدكتوره وجو بياخذوه لغرفة التخدير هنا شد على يد قمر وكان خايف و متوتر
اخذوه ومشت معهم قمر وهي ماسكه يده
وصلو وجو بيدخلونه و مازالت قمر ماسكه يده
الدكتوره : لوسمحتي ممنوع لك الدخول ف اتركيه
فكو يدينهم عن بعض بصعوووووبببببهه واخذو ليل الي كان شكله من برا يبين بااااااارددد لكن من داخل كان يبي يبكي ب اي شكل من الاشكال
دخلوه الغرفه وخدروه تخدير موضعي وهو صاحي يسمع كل شي بس مايحس بالوجع
كانت قمر تصارع الخوفففف وهي تبكييييي خايفه مررررره وكانت جالسه بين الاسياب وتبكي
قاطع بكاها صوت جوالها معلن اتصال سلمان
مسحت دموعها وردت
سلمان : ياقمر وينك عن جوالك
قمر : معليش كان بعيد عني وش بغيت
سلمان : وينكم بالضبط
قمر : ما ارسل لك رائف الموقع
سلمان : لا
قمر :كلم تركي تركي معه
سلمان : طيب وينك انتي
قمر : بقولك بس هد ولاتبين ل احد للي معك
سلمان: ايوه طيب
قمر: ليل دخل العمليات مامدا له وخلوها بدري مدري ليه والحين جالسه انا انتظر لانه يبيني معه
سلمان وهو يحترق من داخل ووده يروح يشوف ليل بس مايبي يبين: ايي زين
سكرو الخط
الجد لافي: وينهم
سلمان : تقول قمر كلمو تركي يعطيكم الموقع
الجد لافي : يلا كلمه
كلم سلمان تركي وارسل له الموقع والجد حاس ان فيه شي
وصلو ودخلو كلهم وتجمعو
الجد لافي : وين ليل مايجي
الكل سكت وينتظرون الاجابه من واحد منهم
الجد لافي والخوف بقلبه : وين ليل
سلمان : ياجد ليل دخل العمليات
الكل : ايشششش
ابو ليل: متى وليش ومو بالليللل؟؟
سلمان : انا مدري اسألو ذولا
الجد لافي : رائف انطق
رائف قالهم كل شي
الجده مزنه: يويلي وليه ماتتكلمونننن
رائف: هذاني تكلمت
ام ليل : الحينن اتصلو على قمر
اتصل عليها سلمان
قمر : هلا
سلمان : طلع ليل
قمر : لا
سلمان : طيب
سكرو الخط
والكل كان ينتظر الاجابه من سلمان
سلمان: لا ماطلع
-
عند قمر
اول ماسكرت طلعو ليل
فزت اول ماشافت ليل مغطين عيونه
دخلوه غرفته وجتها الدكتوره
الدكتوره : اسمعي حبيبتي ماعليك ترا الحين هو بخيررر مررره بس يصحصح بجي وبغير له الشاش واغطي عيونه وماعليه بيرجع نظره نفس قبل واحسنن واي حبيت انبهك لحد يجي بيطلع بعد ما اتأكد انه بخير
قمر : زين مشكوره
طلعت الدكتوره وجلست قمر وارسلت ل سلمان:
سلمان ليل طلع واصبرو لاتجون دكتورته تقول بنطلعه اذا هو زين وضعه وانتو اهدو تراه بخير وهو شويات يقوم وبخليه يكلمكم
-
عند سلمان كان جالس بين جده وابو ليل
اول ماشاف رسالة قمر فتحها
سلمان: ابشركم ليل طلع
الجد لافي : امش الحين نروح له
سلمان : اصبر ياجد تقول قمر الدكتوره تقول لايجي احد بنطلعه اليوم اذا تأكدو انه زين وضعه وتقول ترا بخير بس خلوه يصحصح ويكلمكم
الجد لافي : زين اجل
-
عند قمر وليل
صحصح ليل وهو يتألم
فرت قمر: ليل وشفيك
ليل : كل شيي يوجعني
قمر: بسم الله عليك اصبر بنادي الدكتوره
ليل : لا مابي بطلع الحين
قمر : اي قالت لي اذا حالته زينه بطلعه
ليل : طيب بسرعه قمر وارجعي لي
قمر: ابشر
راحت قمر ونادت الدكتوره
جت الدكتوره وفحصت على ليل وكان ليل طول وقته ماسك يد قمر ومافكها
الدكتوره: ايوووه ماشاءالله يا ليل حالتك مررره كويسه
ليل: اطلع الحين؟
الدكتوره ابتسمت: لالا اصبر بنظف عيونك واضبط كل شي وبعدها تقدر تتيسر
ليل: زين
راحت الدكتوره وجابت كل الاشياء الي بتنظف العين فيها وتحط غطاء العين
الدكتوره: ليل ترا بيوجعك شوي تحمل
ليل حرك راسه بمعنى" تمام"
ليل مسك يد قمر وكل ماحس بوجع شد عليها
خلصت الدكتوره ب اسرع شي وغطت عيونه بالغطا
الدكتوره : ليل اسمع ترا بتصير تشوف زي الغباشه او زي مانقول ضباب ومعليك بيروح تدريجياً
ليل : زين مشكوره
الدكتوره: واجبي
طلعت الدكتوره واتصلت قمر على سلمان
رد سلمان
سلمان : هلا قمر
قمر : سلمان يلا مرنا كتبو ل ليل خروج
سلمان : يلا جاي
سكرو الخط
ليل : قمر بغير ملابسي
قمر: يلا بطلع لك بس كيف تلبس
ليل : نزليهم على السرير وانا بلبس
قمر : تشوف
ليل: نفس حالتي قبل العمليه اشوف ماعليك بس بشويش
قمر : طيب انا مابطلع بلف واذا تبي مساعده علمني طيب
ليل : ابشري
لفت قمر وجلس ليل يلبس
ليل : خلاص قمر خلصت
لفت قمر وشافت تيشيرت ليل مقلوب
قمر : ليل تيشيرتك مقلوب بعدل لك
قربت قمر وفكت تيشيرته ولفته بشويش وكانت نظراتها على وجهه ولا نزلت نظرها
لكن اخر شي انتبهت على عضلات ليل المفتوله الي وجسمه المتناسق هنا صدق قمر طاحت على وجهها
قاطعهم دخول سلمان
سلمان : ماشاءالله ماشاءالله ذيب ذيب حمدلله ع السلامه
ليل : يسلمك ربي ياعيني
سلمان : يلا مشينا؟
ليل : يلا
اخذت قمر اغراض ليل وسلمان مسك ليل وراحو للسياره ركبت قمر اغراض ليل
قمر: بروح الصيدليه بجيب ادوية ليل واجي
سلمان: زين يلا اسرعي
راحت قمر وليل يحترق غيره مايبيها تروح ويشوفها احد غيره يبي هو يروح بس حكم القوي على الضعيف
خلصت قمر واخذت العلاجات ورجعت
راحو للشاليه ودخل سلمان وقمر
الجد لافي فز : وين ليل
سلمان نزل راسه بحزن: ليل طردونا من عنده وقالو مايطلع ولا راح تشوفونه
الكل : ليشششش
ابو ليل : والله لا اروح ل ولدي وش مانشوفه!
الجد لافي : لاتكسرني يا سلمان
ابو سلمان: لا يا سلمان الا هذي
دخل ليل وصفق سلمان مع راسه : يمزح عليكم هذا انا
فز الجد لافي وحضن ليل حضن قوييي
وبعدها جو الكل حضنوه وتحمدو له بالسلامه
الجد لافي : اجلس يابعدي
ليل : لا والله ياجد باكل علاجاتي وبرتاح احس بتعب مو طبيعي
الجد لافي : زين يابعدي ، قمر روحي مع ليل اعطيه علاجاته
قمر : ابشر ياجد
راحت قمر للغرفه الي جلس فيها ليل
كان ليل ماسك راسه ومصدع
قمر : ليل وش يوجعك بالضبط
فز ليل و.....
...........................................................................
يتبع
