البارت التاسع والثلاثون
.
.
.
.
وصى ليل خلف وكل شي وراح ل البيت ودخل مكتب لافي اسرع شي وكان يدور ب اوراق وملفات ومحتاس
دخل عليه لافي
لافي: ليل وش تسوي
ليل: مسألة حياة او موت لافي وين اوراق حقات ال مانع طالبك
لافي : شوفهم بدرج المكتب
طلع ليل الاوراق وكان يدور عن طارق ولمن حصل انه ولد نعيم ال مانع
ليل: لافي ساعدني
لافي : وشفيك
جلس لافي ب مكتبه وليل جنبه
ليل: طارق مهدد واحد من العساكر ب اهله اذا ماجاب له معلومات عني
لافي : طارق تراه ضعيف انا مقابله ضعيييييففففففف وبزر مايفكر بس الي همه انه يهدد ويسوي اي شي عشان واحد من عصابتهم يتعزوون فيه لو تصفقه صاح
ليل: اما عاد
لافي: اي والله
ليل: اجل خلاص بحلها ب اذن الله بروح الدمام وارجع
لافي: والله م تروح
ليل: لافي لاتحلف وش اخليه يذبحه اهل الولد
لافي: ليل ماهقيتك غبي
ليل: ليه
لافي :خله يستدرجه ويجي هنا طارق ترا فاهي ولا يفهم وينمسك بسرعه
ليل: هقوتك كذا
لافي: ايه
ليل: تم
طلع ليل وراح ل امه وسمع صوت قمر عندهم ومايبي ينكد عليهم من سمعها تضحك رجع وراح ل لافي
لافي: وشفيك
ليل: معاذ وينه
لافي : بغرفته
ليل: طيب
دخل ليل على معاذ وفز معاذ من دخلة ليل الخايسه
معاذ: ي زفت بشويش كسرته
ليل: لاتصيح وش تسوي
معاذ : العب سوني تلعب معي؟
ليل: م اقول لا
معاذ: طيب بدل
ليل : اصلاً بروح بيتي بغير وبروح معزوم
معاذ: طيب
جلسو يلعبو لمن قاطع لعبهم دخول ليال
ليال: ليلللللل
ليل: وجعاه وشو
ليال: شوووووفففففف زووووجتككك النفسيه ماتبي تعطيني ياها
ليل: حقتها اصلاً
ليال: مالي دخل تجيب لي الحين
ليل: ماني فاضي
ليل كان يكلمها وهو يلعب
ليال قربت وطفت السوني
معاذ وليل: ليييه
ليال: عشان تجيب لي القطوه الحين
ليل: عنادد مابجيب
ليال: والله اعلم جدي
ليل : علميه بيوقف معي اصلاً مايحب القطاوه
ليال: اوريك
راحت ليال لجدها وجدتها
ليال: جدي جدتي شوفو ل ليل
لافي: ليه
ليال: مايبي يجيب لي قطوه بس يجيب ل قمر وقمر ماتبي تعطيني حقتها
الجده مزنه :قلتيها حقتها
ليال: طيب قولو له يجيب لي الحين تكفون قال بيوقف معي لافي اذا قلتي له
الجده مزنه: خلي لافي وحفيده انا اوقف معك
ليال: عاشتت
قامت الجده مزنه ودخلت مع ليال ل غرفة معاذ
الجده مزنه: ليل بسرعه قوم على حيلك
ليل: وشو
الجده مزنه: قوم جيب لها بسررررررعهه
ليل: ياجده مالي خلق
ليال: اختتتتتتتككككك انااا ترفضض طلبي ياكبر ذنبك وانت واعدني
ليل: يالكذوووووبب متى وعدتك
ليال: لاتجحددددددددد يوم كنت عندي بغرفتي
ليل: ماكنت ب وعيي كان نص تفكيري بالنوم
ليال: مالي دخل تجيب لي الحين فرحني طيب
قام ليل: مع نفسك وراي عزيمه بروح
ليال: اجل اذلف ولا تفكررر تكلمني ي زفت
راحت ليال وهي زعلانه من ليل وليل ومعاذ يطقطقون عليها وجلدتهم الجده مزنه جا ليل بيطلع مسكه لافي
لافي: وين
ليل: معزوم عند مجد والعيال
لافي: انتبه ل نفسك
ليل: تبشر
راح ليل ل بيته ولبس وطلع للعيال وهو في الطريق جاه اتصال من قمر
ليل: هلا
قمر: ليل شوف ليال الزفت بتذبحني
ليل: وشفيكم
قمر: عشان القطوه
ليل : عطيني ياها
اخذت ليال الجوال
ليال: خيرر
ليل: ليال اهجدي لاتصيرين بزر اجيب لك لكن مو اليوم بعدين الحين مشغول
ليال: خاين وكذاب اذلف
سكرت الخط ب وجهه وجلست
مزن: ي بزر الحين تصير بخاطره ويترك كل شي ويجيك
ليال: خليه يتأدب
قمر: تعرفين ليل مستحيل بيخليها بخاطرك بس يقول كذا يعاندك
ماهي الا ساعه ونص وجاهم ليل
ليل: تروني بدخل قمر سكري عيونك واذانك لاتشوفيني
ضحكت قمر وبقت على حالها
دخل ليل وبيده قطوه وحطها بحضن ليال
ليل: خلنييي اشوفكك تصفقين زوجتي باخذها
ليال من الصدمه ماتكلمت وقمر ومزن ضحكو بس قمر ماطول ضحكها وانقلبت نفسيتها الي ماتبي ليل
ليل: بطلع
طلع ليل ونزل بسرعه وراح ل مجد لانه ينتظره وبيصفقه وصل لهم ومجد عند الباب ينتظره
ليل: ظرووفففف خاصههه مانتعودها
مجد: ادخل بسرعه عشان ماتتصفق
ليل: سم
دخل ليل اسرع شي وتجمعو بالمجلس مابين سوالف وشغل وخلصو اخيراً
ليل: يلا ودعناكم الله
مجد: والله م تروح
ليل: ليه
مجد: والعشاء
ليل: عشانك تكلفت ماني جالس
مجد: ليل ترا بذبحك صاير تنرفزني
ليل ضحك: خلاص سم ماني قايل شي
مجد: والله بتتصفق
ليل: لاا تكفىى خلاص امزح بس جيب ولدك
مجد: صح نسيت يلا
طلع مجد ركض وجاب ولده يزن
اول ماشافه ليل ذكر ربه والعيال بالمثل وسلم يزن على العيال كلهم ويوم وقف عند ليل مسكه ليل وكان يبوس فيه ويلعبه ويزن ارتاح ل ليل اكثر واحد
مجد كان مبسووطط على ليل دامه ماسكه ومبسوط ب اذن الله عياله بيدلعهم
كامل: ليل ولقا له بزر الله يعيننا
مجد: ووجع ولدي مو بزر قل له طفل
كامل: فرقت يعني اقول امش لا اصفقك كمل القيم ليل تركه
كان ليل يلعبه ومبسوط
ليل: مجد باخذه معي حبيته بسم الله ماشاءالله
مجد: تبي امه تذبحني
ليل: ماودي اقولها بس روح اقنعها
مجد عرف نية ليل: ادري والله ب نيتك ي الوصخ لكن بخلص قيم واشوف لها
يزن: اي بابا بروح مع ليل
مجد: نشوف ي بابا
خلصو القيم وفز مجد ل زوجته
ام يزن: وين يزن
مجد: عند العيال
ام يزن: طيب
مجد: اسمعي بخلي ليل ياخذه ويجيبه الفجر
ام يزن: لا
مجد: ي بنت الحلال ليل وتعرفينه اجودي وماعليه بياخذه ويجيبه وصدقيني ماهو جايه شي
ام يزن: مجد والله اخاف عليه
مجد: والله يجيبه
ام يزن: طيب خلاص
طلع مجد وناظر ليل
مجد: للاسف
ليل: لا قول غيرها
مجد: وافقت بس تجيبه الفجر
ليل: تممم
اخذ ليل يزن
مجد: العشاء
ليل: عليكم بالعافيه نجيكم انا و يزن بعد شوي
كان ليل يستودع الله يزن ونفسه عشان مايجيهم شي من سعود وطارق
يزن:ي عم ليل ابي البقاله
ليل: تبشرررر والله
اخذه للبقاله وكان ماسك يده ب قوه وكان منخرش يجي يزن شي
خلصو ولما جا وقت الحساب جا يزن بيطلع مسكه ليل
ليل: وين بتروح
يزن: بسبقك السياره
ليل: لا نروح مع بعض
يزن: طيب
حاسب ليل ولما جا يطلعون كان بيقرب واحد من يزن ويمسكه ركب ليل يزن السياره ولف على الرجال ومسك يده ولواها
ليل: خير؟
الرجال: متى جاك ولد ي ليل
ليل فك لطمة الرجال وعرف انه طارق
ليل: وان قلت لك بخليه يجيك قص بيدينك عشان بتلمسه
طارق بخوف: ماني لامسسسسه اتركني بس
ليل: واذا ماتركتك
طارق : يرحم لي والديك
ليل: لا عاد اشوفك اذلف
راح طارق ركض وليل راح هو ويزن ل عند لافي
لافي : من ذا
ليل: ولد مجد
لافي : ماشاءالله تبارك الله
اخذه لافي وباسه وطلع من جيبه فلوس وحطهم بجيب يزن
ليل: والله يذبحني مجد الحين
لافي: قل له من لافي
ليل: ابشر
طلع معاذ من غرفته
معاذ شهق: ولدكك!
ليل: ايه
معاذ: القمرا ولدت مسرع
ليل: لا من ثانيه
معاذ : والله لا اعلم القمرا
فز ليل ومسك معاذ
ليل: ياحيوان والله اذبحك ولد خويييي ي زفت
معاذ: اشوا ارتحت
ليل: امش نشوف ردة فعلهم وانت عزز انه عادي
معاذ: جويي
لافي : ترا بتزعل عليك انا علمتك
ليل: خطة معاذ
معاذ : جوي بس تعال
اخذو يزن ويلاعبوونه ودخلو وماكان فيه الا ام ليل وام سلمان والجده مزنه
ام ليل: بسم الله عليه من هذا
ليل: ولد خويي
ناظر معاذ ليل : واتفاقنا
ليل: بس للبنات
معاذ: جويي تم
سلم مزن عليهم كلهم وكانو الكل يحطون بجيبه شي
نزلت مزن وشافت ليل حاضن يزن وجالس يلعبه
مزن: من هذا
معاذ: ولد ليل
مزن شهقت: كذااابببببب
ليل: ليه يكذب ولدي ماتشوفين في تشابه كبير
مزن: والله لا اعلم قمر
ركضت مزن وليل ناظر امه وخالته وجدته
ليل: انا في وجيهكم تكفون والله نكذب
ام سلمان: تم ماعليك
-
عند مزن جت قمر ركض
مزن: قمررر
قمر : وشفيك
مزن: ليل تحت
قمر: طيب؟
مزن: معه ولده
قمر : نعممممم!!!
مزن: اييي معه ولده وكلهم فرحانين ويضحكون
قمر: تكذبين
مزن: والله
جتهم ليال وفهموها الموضوع ونزلو كلهم مع بعض
وانصدمت قمر من شافته وتغيرت ملامح وجهها مابين وحام كره ومابين صدمه
اعطا ليل يزن معاذ وفز ل قمر لانه يدري لا وقفت ومصدومه وعيونها تتحرك كثير بيغمى عليها
ليل: اكذبببببببب والله اكذببب ي نقالة العلوم ي مخربة البيوت ي مزن اوريك
كانت قمر لوهله بيغمى عليها الا لمن سمعت كلمت اكذب صحصحت شوي وركزت عليه
اخذها ليل وجلسها جنب امها
ام سلمان: يمزح معكم ولد خويه لا تكبرونها
مزن: اوريكممم ي نصابين
معاذ: جوي واجوائي تدمير البيوت معاذ لتدمير البيوت وتخريب العلاقات العامه والخاصه
ليل: عز الله مزن نفسك اقول هاتو الولد بوديه ل ابوه
معاذ : بجي معك
ليل: يلا امش
اخذ معاذ وطلعو بسرعه وراحو ل بيت مجد نزل ليل وهو حاط يزن وراه
مجد: ارحبو وين اليزن
يزن: انا هنا بابا
اخذه مجد وباسه
انتبه مجد ل جيوب يزن كيف مليانه والكيسه الي بيده مليانه بعد حلويات واشياء كثيره
مجد: ادخل ل ماما
دخل يزن ومسك مجد اذن ليل
مجد: بتتصفق قلت خذه ماقلت سو كذا
ليل: لافي يقول قل له من لافي
مجد: الله يفشل عدوك ي ليل والله اوريييك اخذ ولدك افر فيه بهيئة الضباط كلها
ليل: من قال بعطيك ياه
مجد: باخذه بدون لاتدري اوريك
معاذ : مافهمت الحين وش تتكلمون عنه
ليل: جيوب يزن
معاذ : مع احترامي الشديد لك ي مجد لكن كل تبن يزن صار ولدنا حبيته
مجد: وهذا وانت تحترمن احترام شديد اي كدينا خير
ضحكو كلهم وشكرهم مجد ع كل شي ورجعو البيت
معاذ : اسهر عندي
ليل : بنام دوامي بكرا حتا ملابسي حاطهم بالسياره
معاذ : نام عندي
ليل: لالا بتلعب وتصك راسي توي اكتشفت مكان اسطوري
ببيتنا بنام فيه
معاذ: طيب
دخل ليل وراح للمجلس سيدا وحصل امه حاطه له مخده وبطانيه عدلهم وجا بينام ووصلته رساله من قمر
قمر: ليل
ليل: سمي
قمر: ترا بتتصفق
ليل: ليه وش انا مسوي
قمر: ليه تكذب تدري اني انخرشت مره
ليل: خططط معاذذ
قمر : ليل تعال فوق ابي احضنك
ليل: ماني جاي تنفسين علي
قمر: ليل تعال امانه
ليل: جايك
فز ليل وراح ل قمر
ليل وهو عند الباب: قمر متأكده من قرارك
قمر: ايه
دخل ليل وحصلها تبكي مسكها بدون سابق انذار وحضنها بقوه وهو مشتاققققق لحضنها وهي زود
مسح ليل دموعها
ليل :والله م اقصد ازعلك ي بعد الدنيا والله
قمر: ليل خلك معي اليوم بس
ليل: واليوم اخر يوم بتشوفيني اصلاً من غير شر
ناظرته قمر بصدمه: ليه
ليل: بسافر ل بسام بوقف معه مقدر اتركه لحاله
قمر نزلت راسها بحزن
رفع ليل راسها: ان شاء الله م اطول ولا يطول وحامك الخايس وان شاء الله ارجع وهو رايح
قمر: نام عندي اليوم
ليل: واذاا نفستي علي
قمر: ماعليك
ليل: طيب
انسدح ليل واخذها بحضنه
قمر: ليل للحين ودك تسميه لافي
ليل: اي
قمر : واذا بنت
ليل: اختيارك انتي
قمر: احس ودي ب نجم
ليل: الله حلو تم
قمر: صدق
ليل: اي والله
قمر: ليل لاتروح وتخليني
ليل: ماني مطول ان شاء الله وبرجع
قمر: ان شاء الله
ماهي الا ثواني وغطو ب نوم عميق
-
عند بسام كان جالس ويتأمل حال ابوه الي خضع للعالج اسرع شي وبدأو يعالجونه وحس في فرق شوي وابوه خفت كحته كثير ونام اتصل بسام على مزن
مزن: هلا
بسام: ياهلا ب ذا الصوت شلونك ي عمري
مزن: بخير الحمدلله انت طمني عنك
بسام: بخير الحمدلله ، مزني ليل وينه غاطس
مزن: يداوم ويروح ل اخوياه ويرجع
بسام: من اخوياه خوش في صداقات جديده
مزن:مدري بس امس جاب لنا ولد واحد من اخوياه اسمه مجد
بسام : اشوا ارتحت اخويانا ذول بس لحظهه الكلببب مجد وراهم بدووونننننننيييييي
مزن: الكلبب ليل والله هو ومعاذ خرشونا قال ليل هذا ولدي وخرشنا كلنا
بسام ضحك: حرررركاااااتتتتته م يخليها وينه هو الحين
مزن: اتوقع نايم عشان عنده دوام بكرا
بسام: الله يعين
جلسو يسولفو وياخذو علوم بعض لمن قفلو
-
عند ليل الصباح قام قبل قمر ونزل صلى الفجر ولبس وطلع
ليل: صبحهم بالخير
الكل: صبحك الله بالنور
لافي : افطرت ؟
ليل: لا والله مالي نفس بطلع دوامي تأخرت
ابو ليل: الله يهداك واذا دخت
ليل: مالي نفس والله وماعليك عندي بالمكتب العيال
ابو ليل: زين ودعناك الله
طلع ليل وراح لدوامه اول واحد بين العيال وجلس يضبط مكتبه ويعدله من حوسة امس
دخل عليه مجد مخروش
ليل: بسم الله وشفيك
مجد: ليل في واحد من العساكر منجن ويبيك
ليل: سلامات وشفيه وانت وشبك منخرش منه
مجد: تعال شوف شكله وتعرف
طلع ليل وهو طاقه معه من كثر الي يبونه
ليل بحده يوم شافه يضرب العساكر الثانيين: سلااااماتتت وقف مكانك بسرعه
وقف العسكري ولف على ليل الا وهو خلف
ليل : وش تسوي انت هاه
خلف : ماقلتتت لككككك بيجييييي اهلييي جاااهممم جااهممم
ليل: ذبحهم؟
خلف: لا
ليل: اجل اسكت لا اذبحك انت واهجد وتعذر من اخوياك وتعدل والحقني
رجع ليل ادراجه ل مكتبه ووراه مجد
مجد: وش السالفه
ليل : واحد من الجامعات ذوليك مهدده ب اهله اذا ماجاب له معلومه عني والمشكله الي يهدده امس شفته وصفقته
مجد: اسألك بالله
ليل: اي والله
مجد: وش بتسوي
قاطعهم دخول خلف
خلف: الحينننن وش اسوي
ليل: بتحترم الي قدامك ولا شلون
خلف: شلون تبيني احترم ومرسل لي وهو قاص صبع امي
ليل: شايييييييييفففففهه اناااا امسس اهجد لا اذبحك معه لاترفع ضغطي
خلف : احلف
ليل: قسم بالله
خلف : طيب الحين وش اسوي
ليل: اتصل عليه وهات جوالك
اتصل خلف وفتح السبيكر وحط كتم قبل يرد طارق
ليل: هدده انت وقل بعلم ليل
رد طارق وفتح ليل الكتم
طارق: ها جبت معلومه ولا اكمل
خلف: وشرايك لو اني اعلم ليل وهو يتصرف معك احسن شوي
طارق بأرتباك: بذبح امك بكبرها
خلف: وانا بخليه يذبحك انت وطوايفك
طارق : ترا والله اذبحك انت بكبرك ان نطقت
خلف : بقول له
طارق: والله لا اذبحككك
ليل اشر ل خلف يسكر سكر خلف الخط ولف على ليل
ليل: الحين بيدق وقول له خلنا نتلاقى في..
...........................................................................
يتبع
