البارت الثالث والخمسون
.
.
.
.
صحى ليل العصر على اتصالات حط جواله صامت ورجع نام
-
عند مجد كان جالس هو و يزن و وصايف
يزن : بابا نسسسسسيت
مجد : وشوو
يزن: صح قالك عمو ليل عن سعود ؟
مجد: ايوه
يزن: تدري انه جا امس وقال لي اقول ل عمو ليل
مجد: وش تقوله
يزن: يقول بتصير فيك او في عيالك وراح وهو يضحك خبل هو صح بابا
مجد ابتسم ب وهقه: ايه ايه خبل
قام مجد ب خوف واتصل على العسكر الي عند عيال ليل ويتصل محد يرد لمن اتصل ب كامل
كامل: امرني
مجد: اسف دقيت عليك بهالوقت لكن الفزعه
كامل: امر
مجد: سعود جاي يزن وقايل قل ل ليل بتصير ي فيك ي في عيالك
كامل: اخووو العيالل لايكون سواها بعياال الرجال
مجد: تكفى روح المستشفى تأكد العساكر وينهم مايردون
كامل: ابشر
سكرو الخط وراح كامل المستشفى ويسأل عن الصغار
الممرضه : لوسمحت اخذهم ابوهم قبل شوي
كامل انصعقق بقوه : طيب العسكر الي هنا وينهم
الممرضه : تهاوشو مع ابو الاطفال وطلعهم وراحو واخذ هو اطفاله وراحو
كامل بعصبيه: مااااهممم اطفالللله اطفالل ضابطط كبييير تدرييين شلون الحين حجم المصيبه بيذبحهمم بيذبحهمممم
الممرضه : هاه شلووون
كامل: شلوووون تطلعين الاطفال بدون لاتشوفين هويته
الممرضه : مدري شفت العساكر عادي واعطيته ياهم
كامل: بتتحاسبييييين والله بتتحاسبين
طلع كامل واتصل على مجد
مجد: بشر
كامل: ولد الكلب خذاهم
مجد: سألتك بالله
كامل: والله
مجد: وشلون نقول ل ليل
كامل: مدري كلمه وقوله يجي المستشفى وانت تعال
مجد: زين
سكرو الخط واتصل مجد على ليل ومارد واتصل على ابو ليل
ابو ليل : سم ياولدي
مجد: ياعم لاهنت خل ليل يرد علي ضروري ابيه ب شغل
ابو ليل: ابشر ب عزك الحين اقوله
مجد: تسلم
سكرو الخط وراح ابو ليل يطق الباب على ليل وقمر
طلع له ليل
ليل: سم يبه
ابو ليل : رد على مجد بسرررعه
ليل : ابشر
راح ليل ل جواله واتصل على مجد
ليل : سم
مجد: ليل ابيك تجيني المستشفى ضروري
ليل: فيك شي؟
مجد : ايه بس ابيك تجي ضروري انا ب المستشفى ****
ليل: يلا جايك
سكرو الخط ولبس ليل وطلع بسرعه ل مجد وصل المستشفى وهو قارصه قلبه وشاف مجد وكامل عرف ان فيه شي
ليل: عيالي فيهم شي ادري والله صح؟
مجد: ليل اذكر الله
ليل : وش صار
مجد: اذكر الله
ليل: الف من ذكره اخلص تكفى
مجد: سعود امس قايل ل يزن قل ل ليل بتصير فيك او في عيالك وخذا عيالك الحين
ليل: تستعبط؟
مجد: ليتني
ليل صرخ : الله ياخذذذذه الله ياخذذذه ياخذ روحي والله ياخذ روحي بس عيالي لا لا
مجد: اهدى اهدى الحين بنعمم عليه وندوره
ليل مسك راسه: من الي طلعهم له ووين العساكر
جلس كامل يشرح له وش قالت الممرضه وانه قال لها بتتحاسب
دخل ليل يدورها
كامل: اذكر الله يا ليل
ليل: وينها طالبك وينها والله م اسوي شي
كامل: هذا هي
ليل بصراخ قهر: تعطييييننننه ليهه تعطييييننه ليه وانتي دايم تشوفيني دايييمم وانا اجيهم ليييه تعطينه
الممرضه بخوف : مدري شفت العساكر سمعو كلامه وقلت اكيد انت مرسله او هو انت والله ما انتبهت
ليل بقهر : ذبحتينيييي ذبحتيينيييي عياللييي عيالليييي شلون اجيبهم بيذبحهممم بيذبحهممم وش اسوي يلااا فيدينييي
الممرضه : والله مدري والله اسفه تكفى سامحني
ليل: شلوووون اسااامحك وعيالليييي مع واحد مايييرررحممم وبيذبحهم والله ان ماتو عيالي قص رقبتك على يدي
طلع ليل بقهر وهو يمسك مجد
ليل: تكفى ي مجد تكفى وين القاه تكفى والله اعطيه رقبتي تكفى
مجد: والله مدري والله مدري عممنا عليه الحين لكن ننتظر خبر
ليل تذكر العسكر: ليل وين العسكر
مجد: بالمركز
ليل: بروح
راح ليل ل سيارته وسبقهم
دخل ليل المركز ب ركض ومسك العسكر
ليل : ليه ليه تسمعونه ليه تتركون عيالي ليه؟؟
العسكري : قالي انك انت مرسله ورساله من رقمك وتركته
ليل: يعني ماتعرفه هذا
العسكري : الا اعرفه بس توقعت تصالحت انت وياه
ليل بقهر وصراخ: ويييين بحصللللهممم عياللييي راحووو من يديي ويييين كله بسبتك انت وياه وييين ابي ارسل لهه وين ابي اتصالح معه الله ياخذني قبل اسمع انه سوا فيهم شي اخخخخ
طلع ليل وهو مقهور وركب سيارته يفكر وتذكر المكالمات الي قومته وقفل جواله ونام فتح جواله وشاف انه من رقم غريب دق عليه
سعود: اخيراً رديت
ليل تنفس بهدوء: وين عيالي
سعود ضحك: ماعلمك يزن امس
ليل: لا وين عيالي
سعود: شوف تجي بعد شوي مكان برسله لك تجيب معك احد ينطعن احد من عيالك
ليل : شف ي سعود يجي عيالي شي والله امحيك عن وجه الارض لا تجيهم
سعود ضحك: نشوف من يمحي الثاني
سكر ليل الخط ب قهر وماهي الا ثواني وجته رساله من سعود
قاطع تفكيره كامل وهزاع وغالب ومجد
نزل ليل ب قهر وتعب وهدت حيل
ليل: لقيته بس لاحد يلحقني يذبحني يعذبني خلوني انا ابي اموت بس م اشوف عيالي بين يدينه
مجد: ليل صحصح لا اصفقك صحصح شد حيلك وجب عيالك وحنا نجيك
ليل: لاتجون
مجد فك ساعته وشبكها تتبع وحطها ب يد ليل
مجد: لو تنطبق السماء على الارض م اتركك تفهم والله م اتركك بتجيب عيالك وترجع ولاااا تذبحه انا اذبحه بس انت لاتذبحه
ليل ماتحمل وتخيل شكل عياله ونزل ركبه وبكى بهدت حيل
ليل: عيالي ادري ماراح يرحمهم بيذبحهم
مجد حضن ليل بقوه: تعوذ من ابليس تعوذ من ابليس ليل انت اقوى من كذا رح جب عيالك بسررعه لافات الفوت ماينفع الصوت
قام ليل ومسح دموعه بخشونه وراح بسرعه جنونيه ل مكان الي ارسله سعود
وصل على المغرب وشاف سعود حاطهم على الحصى بالارض نزل وسلاحه ب جيبه والساعه رماها ب السياره وراح له
سعود: ياهلا ب ابو لافي ونجم
ليل: وش تبي بالضبط
سعود: ابي الثار
ليل: تبيه فلوس اعطيك بس عيالي لاتقربهم
سعود: لا ابيه دم
ليل: انا قدامك بس عيالي مايجيهمم شييييي
سعود ضحك: تسلم نفسك يالرخمه عقب كل هالسنين
ليل : اخلص عطني ياهم واذبحني ماهي مشكله
سعود : لهالدرجه مسلم نفسك
ليل: واكثر من ماتتوقع
قرب ليل من سعود
وصرخ سعود: لاتقرب
ليل بحده: عطنييي ياهم
سعود: ماني معطيك رقبتك انت واهلك كلهم ماتكفي الدمم
ليل: سعود اهجد وانا اذبحني اكفي عنهم عيالي اتركهم
سعود: تبيني اذبحك عشان يذبحني بسام ومجد
ليل: طيب وش تبي
سعود: الامان
ليل: اعطيك الامان بس اترك عيالي
سعود: اكذب عليه عند اي احد انا لاتكذب عندي
ليل: والله اعطيك الامان ومايسوون فيك شي
سعود: يكفيك واحد من عيالك مايحتاج ثنين
ليل: شتبييييي بهممم خذنييي انا اتركهمم
سعود ضحك: اب مضحي ماشاءالله
ليل: اشوف تضحيتك اذا اخذو ريتاج منك
تغيرت ملامح سعود ومسك نجم وحط عند رقبتها السكينه
ليل: والله اذبحكك والله اذبحك اتركهاا
سعود: ياويييلك يجون بنتي والله ياويلك
ليل: اترررركهاااا والله مايجونها
سعود: وش يضمن ليي
ليل: والله مايلمسونها لو لمسوها اذبحني وقطعني بس اتركها
سعود : لا بالله انك تكذب
جرح سعود نجم وصرخت صياح
ليل : ياكلبببببببب
نط ليل عليه بقوه وسعود رمى نجم على الارض مسك ليل نجم الي صفق راسها بحصاة وادا الى وفاتها ب اسرع شي مسكها ليل بقوه وهو يحضنها
ليل بقهر: لاااااا لاااا لااااا ياكلب والله لا اذبح عيالك والله لا اذبحهم الله يقهررررك الله يقهرررركك
سعود ركب سيارته وهج وليل حضن عياله وبكى وبكى وهو متلطخ دم من نجم وبكى بقوه
حاصروه الفرقه ومعهم بسام ومجد
بسام شاف ليل دم ويبكي
بسام : وش صار
ليل بقهر وصراخ: ذبببح بنتي ذبح بنتي ي بسام ذبح بنتي بسام بنتيييييي
بسام من الصدمه نزل على الارض ومسكها وحضنها وهي جثه
ليل بقهر : مجد مجد تكفى تراه هج تكفى جب بنته والله لا اقهره فيها والله تكفى ي مجد تكفى
مجد: ابشر
اخذ مجد الفرق وراحو يدورونه
بسام رفع ليل وركبه السياره وهو حاضن عياله
ليل ببكى وهو يبوس راسها : ياعل الموت خذاني قبل اشوفك تموتين قدامي ياعل الموت خذا روحي ولا اشوفك يطيحك بالارض قدامي تكفين
نزل راسه ليل وهو يبكي من القهر
انتبه ليل ل جواله الا لافي يتصل
ليل : بسام لافي
بسام: ماعلمت احد شي والقمرا شايله همك
ليل: انا السبه اصلاً انا السبه الي ذبحها ليه ليه اعانده ليهه
بسام: اهجد وتعوذ من ابليس
ليل: ودني عندهم
بسام: لا تفجعهم والبنت جثه
ليل : طالبك
بسام: طيب بس امش نغسلها و نوديها ونصلي عليها تكفى لاتوديها وهي كذا
ليل: طيب
انتبه ليل ل لافي الي بدا يفتح عيونه ويناظر
ليل ناظر عيونه وبكى: عظم الله اجرنا ب اختك ي ولدي عظم الله اجرنا
نزل راسه ليل وبكى وهو حاضن لافي
راحو للمستشفى واخذو شهادة وفاة وراحو للمغسله
وصلو عند الغسيل ودخلو البنت يغسلونها وغسلوها وكفنوها
ليل: لاتغطي وجهها انا اغطيه
اخذها ليل وطلعو ل بيتهم
دخل ليل وهو حاضنهم كلهم ودخل مجلس لافي وبكى
ليل بعبره: سلام
الكل فز : وشبك
ليل : عظم الله اجرنا ببنتي
لافي : شلووون وشفيها
ليل بكى بقهر وصد وجهه
بسام: ذبحها سعود الله ياخذ روحه
مشى لافي ل ليل وحضنه
ليل بكى بقوه : لافييي ذبحها قدامي ي لافي ي لافي ليته ذبحني اوجعها يا لافي اوجعها
لافي جلس يطبطب على ليل وهو يصيح والمجلس قلب صياح
ليل: شلون شلون اقول ل امها شلون
لافي : انا اقول امش معي
دخل ليل وهو ماسكهم وثوبه فيه دم
فزو كلهم وخصوصاً قمر
قمر: جبتهم؟
قربت قمر من ليل ومسك ليل يدها وهو يبكي
ليل : قمر انتي مؤمنه بقضاء الله وقدره والله يعوضنا خير عظم الله اجرك ب نجم
صرخت قمر : لااااااا لااااااااا
مسكتها امها وقمر تصرخ وتصيح
قمر: شلون شلون
مد ليل لافي الصغير ل لافي الكبير ومسك نجم وقرب من قمر
ليل وهو يصيح ومايقدر ينطق : ودعيها قبل نصلي عليها
حضنت قمر ليل بقوه وهي تصيح : ليل لاتكذب علي لاتكذب
ليل: الله ياخذني بدالها ياليت الموت خذاني ولا خذاها تكفين قمر ودعيها لاتندمين
شافت قمر نجم كيف مكفنه ومسكت الغطا وفتحته عن وجهها وباستها وهي تصيح ومسكتها وحضنتها وانهارت
اخذها ليل من يدها وحضنها وهو يهديها والكل كان يصيح وبحالة انهيار
اخذ ليل لافي الصغير وحطه بحضنها
ليل: انتبهي له
راح ليل واخذو البنت وراحو يصلون عليها ويدفنونها
ورجع واخذ سيارته وراح ل مجد نار م انطفت
ليل: حصلتوه؟
مجد: ايه
ليل: وينكم
مجد: بالمركز بس ترا في مرضي
ليل: طيب
وصل ليل للمركز وهو يحترق وراح ركض ل مكانهم الي حاطينه فيه دخل ليل عليهم وما شاف كل الانظار وهجم على سعود وحط ركبته ببطنه وجلس يضربه ويضربه ويضربه والعيال يحاولون يبعدونهه عشان مرضي موجود والمفروض هو الي يتكلم
لمن قام مرضي ومسك ليل وبعده وباس راسه
مرضي : طالبك اهدى
ليل بقهر وانهيار: تكفى خلني خلني
مرضي: والله راح يقص والله
ليل : انا اذبحه الحين والله اذبحهه اتركنيييييي
مرضي : اهدى اهدى
ليل فك نفسه ب قوه : شلونن تبيني اهدى وهو ذبحها قدامي جرحها ب سكين قدامي وهي توها طالعه من عنايه مركزه وشلون تبيني اهدى وهو لما جيته رماها كنها لعبه على الحصى وجرح راسها لمن ماتت شلون
مرضي مسك ليل وباس راسه : عظم الله اجرك ي خوي واهدى طالبك والله تهدى
ليل صد: تبيني اهدى طلعه عني لا اموته
طلعوه العيال وجلس مرضي وليل
مرضي : ليل خلاص راحت للي اطيب مني ومنك
ليل: تكفون لحد يحاول يخليني اهدى اذا ماترضى تشوف بنتك ورضيعه تتعذب قدامك لا تتكلم عن الهدايه شي
مرضي : الله ياخذه وماعليك بياخذ جزائه
ليل: الله يحرقه مثل م احرقني
طلع ليل م قدر يستحمل وراح لهم ومسكه
ليل: شفت بنتك الي قلت لك والله مايلمسها احد الحين مو اي احد والله لا اوريك دمها وهو يقص راسك
سعود : عشانن اذبحككك اذبحكك ي ليل اذبحك
ليل : حسسسسييييتتتتت حسسسسييييتتت اقولك ماحد بيجييي بنتك تقول لي تكذبب وتروح تجرحها ليييييييه ليييييييهههه وترميها كنها لعبه ليه والله لا اوريك ببنتك اخذ حق بنتي وحقي وحق اخوها وحق امها اوريك
سعود : طالبك بنتي مالها دخل باللي بيني وبينك
ليل : يعنييي بنتيييي لها دخل ها لها دخل!!!
سعود: تكفى تكفى لاتجيها
ليل صفقه بقوه : عشاني اطيب منك وحسيت بالوجع وحسيت شلون بنتي توجعت وهي مالها دخل ماني لامسها لكن انت والله لا اذبحك
انهد ليل عليه وجلس يضربه لمن يالله فكوه وسحبه مجد واخذه للبيت
الا الكل واقف برا يدورونه
نزل مجد وهو ماسكه
لافي : ليل وينك انت
كان ليل ساكت وصاد
مجد: عند سعود
لافي: ليل اهجد ولا توصخ نفسك ب دمه
كان ليل ساكت ومايرد من قهره فك يد مجد وراح داخل البيت
مجد: تراه ي عم متنرفز عشاننا يالله فكيناه من سعود تكفى ي عم امسكوه والله يذبحه
لافي : زين ابشر
لف مجد على بسام واشر له انه يوديه واخذه بسام ووداه—
عند ليل راح ل غرفته وهو متنرفز ويبي يصيح ويبي لافي دخل وشاف قمر حاضنه لافي وتصيح بقهر قرب واخذ لافي ب شويش وفزت قمر وحضنها
قمر بأنهيار: ليييل ليل خذااها مني ليلل ليه ليه وش صار ليه يسوي كذا تكفى ليل بموت بموت
سكت ليل وحضنها هي و لافي وهو ساكت وجالس على الكنبه ومايبي يتكلم
فكت قمر نفسها وناظرته: ليل وشفيك تكلم
ليل: بموت بموت بس اتركيني
قمر:م اتركك بس ليل علمني تكفى شلون ماتت
ليل سكت وصد عنها
قمر: ليل تكلم
ليل سكت وغمض عيونه
طلعت قمر ل مزن ومسكتها
مزن: وش
قمر بأنهيار : اتصلي على بسام يعلمك شلون ماتت بسرعه تكفين
مزن : طيب
اتصلت مزن ع بسام
بسام: امريني
مزن بعبره: بسام عادي اسألك
بسام: سمي وشفيك
مزن: شلون ماتت
بسام تنفس ب ضيق : ذبحها سعود
شهقت مزن: شلون
بسام : مدري بس ذبحها
مزن : الله ياخذه الله ياخذه
بسام: امينن
سمعت قمر وركضت ل ليل وقفلت الباب
قمر تناظر ليل بحقد وسحبت لافي منه
قمر: تجيب بلاويك معاهم وتخليهم يذبحون عيالييي اولهم سعود
ليل : قمر اهدي يالله متحمل نفسي هاتي لافي
قمر: مالك عيال ولا زوجه بعد اليوم اذا انت بتذبح عيالي ماني جالسه معك
ليل : اي صدقي صدقي فيني واكرهيني انا السبب اصلا انا السبب الله ياخذني بس
قمر : تتركني انا و ولدي تفهم
ليل: على اساااس مو ولدي قمر انا مالي دخل لا تحطين شي انه انا
قمر: محد يجيبهم هم ومصايبهم الا انت اذلف عني ولا تشوفك عني
ليل : هيييييهه مانتي صاحيه ترا وتراهم عيالي مثل ما هم عيالك
قمر: ماتخاف ماتفكر فيهم كثر م انا افكر ذابحتك الافكار ب الدوام وسعود خلهم ينفعونك اتركنييي الحين بسرعه
طلع ليل ب قهر وراح للصاله ماسك راسه
جته مزن ومسكته
مزن: ليل وش يوجعك
ليل انهار: ياليت كل شي يوجعني ياليت خذا روحي يامزن ياليت ولا ياخذ مني بنتي
مزن: اهدى اهدى
ليل: وشلون تبيني اهدى وقمر ماتبيني واخذت لافي مني
مزن: تبي اكلمها لك
ليل: لا خليها على راحتها
مزن : طيب ليش ثوبك دم مو غيرته
مسك ليل جنبه من تذكر ان سعود طعنه مع جنبه طعنه سريعه وهج
ليل : مافيه شي
مزن : ليل لاتكذب وش فيك
ليل: مزن مافيه شي خليني بروح
راح ليل ل لافي الي كان ب مكتبه ودخل عليه وجلس وهو ضايق
لافي : بسم الله عليك وشفيك وش هالدم
ليل: مافيه شي
لافي: وش فيك
ليل: لافي القمرا ماتبيني وادري انه من حقها من حقها تكرهني من حقهاا دامه انا السبب
لافي : شلووون انت السبب تستعبط وانت دايم تروح تتطمن عليهم وسعود مب كانت خالصه سالفتهه وتركناه
ليه ليه رجع كذا
ليل : مدري والله مدري
لافي : هذا وانت متبرع ل بنته بجزء من كبدك عشان يفك عيالك وبالاخير كذا قمر تصدق فيك
ليل : خلها لحظه غضب ولا تعلم احد انا تعبت ي لافي تعبت بطلع مخنوق جمررره احسها تذبحني تحرقني
لافي: وين تروح
كان ليل واقف يناظر لافي يبي يتكلم ماقدر وبدت الرؤيه ماتوضح عنده بسبب النزيف واغمى عليه فز لافي وطلع ينادي العيال ومعاذ
لافي بصوت عالي : معاذذذ ياعياااالل الحقو ليل
جو سلمان ومعاذ عند لافي بخوف
معاذ : وش فيه يبه وش فيه ليل
لافي: اغمى عليه وواضح جالس ينزف امشو نوديه
رفعو العيال ليل وأخذوه للمستشفى وتوضحت الطعنه
خيطو الجرح واعطوه مغذي ومهدي وماهي الا نص ساعه وفتح عيونه ليل الا الكل مجتمع عنده
فز لافي : تبي شي يوجعك شي؟
ليل وصوته مبحوح من التعب : لا اهدى بخير بخير انا
قاطعهم دخلة رائف بخوف هو و تركي ومشى رائف بخوف ل ليل وحضنه بقوه والكل طلع لانه يدري ليل عند رائف يضعف
رائف ب انهيار: ليه ياخوي ليه ماتعلمني ليه
ليل: ياخوي والله مدري ب نفسي بعد وفوقها توكم متزوجين خلاص بكون بخير
رائف: وش صار علمني
جلس ليل يتكلم ل رائف وبنص كلامه بكى وغطى عيونه وهو يبكي
ليل بحرقه: كسرني ي رائف كسرني كل ضلع فيني يوجعني من الكسر يا رائف ذبحها قدامي وطيحها قدامي ليه ليه
رائف : ماعااااش من يكسرك ي عضيديي والله انك اقوى من كذا والله روح والعن شكله وكسره
ليل: بيقصونه
رائف: لايكون بتتنازل
ليل : لا
رائف : طيب انت اهدا وماعليك
ليل: رائف طلعني منكتمم
رائف : ابشر بعزك
طلع رائف وناظر لافي الي جالس هو وتركي ومعاذ
رائف : جدي بطلعه ترا
لافي : رائف اخوك تعبان خله يرتاح واذا بيرجع البيت بيتعب زود
رائف : تكفى جدي والله مقدر وليل وتعرفه ينكتم من المستشفى
لافي : زين اجل انا بسبقكم
رائف : ودعناك الله
تركي : انا بدخل عنده
دخل تركي و اول ما شافه ليل ابتسم
ليل : حي الله العريس
تركي جته البكيه ومسكها: ويني ووين العرس وانت بهالحال ياعضيدي
ليل: ماعليك بخير بخير
تركي: عظم الله اجرك ي اخوي وربي بيعوضك ب اذن الله
ليل : اجرنا واجرك ي بعدي
تركي : قمر منهاره ولا اروح عادي
ليل: مدري ماشفتها لي كم ساعه كذا
تركي : ليه
ليل تنفس ب ضيق: حاطتني انا السبب وماتبيني وتبي البعد حتا لافي الصغير اخذته مني
تركي : تبي اكلمها؟
ليل : لا خلها على راحتها انا اصلاً ماني جالس
تركي : وين بتروح وايام العزاء ماخلصت
ليل : تكفى خنننققه كل م اتذكر كيف رماها قدامي وكيف اوجعها وكيف قتلنيييي معها ب رميته لها على الارض
تركي : ياوووجهه الله الله ياخذك ي سعود
ليل: تكفى تركي قومني مخنوق مخنوق
رفع تركي ليل وعلى دخلة الممرضه
الممرضه : لااا ليش تقوم
ليل : مايوجع مايوجع بس فكي هذا مخنوق
الممرضه: طيب باقي لك مسكنات وادويه تاخذها
ليل: رائف خذها انا بطلع
مسك ليل يد تركي وتسند عليه وطلع يتنفس اول ما اخذ نفس داهمته البكيه وبكى ب صمت
تركي : اهدى اهدى وانا اخوك اهدى
ليل : مقدر ي تركي مقدر يوجع ناررر تحرقني كلي وفوقها ركز معي قمررر قمرر ماتبيني وتبي البعد وانا مالي دخل وحتا اني مسوي شي مستحيل بس عشان مايجي سعود عيالي ولا اشوف دموعها وبالاخير تنحط ب راسي وتزعل مني وقال ايش قال مالك لا عيال ولا زوجه بعد اليوم
تركي : تكفى ي ليل اهدى والله اكلمها واادبها بس اهدى
ليل : طالبك لاتجيها ابدددد خلها وتصرف طبيعي انا مقدر بس خذوني للبيت
تركي : ابشر امش اركب
ركبه تركي وانتظرو رائف ورجعو البيت وجلس ليل ب مكتب لافي مايبي احد ويبي يجلس مع نفسه
اتصل ليل ب مجد
مجد : سم
ليل: مجد تكفى ولا تقول لي لا
مجد: امرني وش بغيت بس
ليل: بروح الحد
مجد: ليل تستعبط ايام العزاء م خلصت
ليل: مكتوم مكتومم مقدر تكفى مقدر والله مقدر
مجد: يعني لو قلت لك ايه هذا الي يريحك
ليل: اي والله
مجد: زين خلاص بكرا اضبط لك الوضع اسمع ترا سعود بعد اربع ايام موعد القصاص
ليل: اقلعه عني وجهه اشوفه ب كل مكان
مجد : زين اشوف الوضع وارد لك
ليل : زين
سكرو الخط وجلس ليل يفكر وقت طووويل لمن جت صلاة الفجر وقام وصلى ودخل عليه لافي وجلس جنبه
لافي : شلونك ي ولدي
ليل: خايس
لافي : يوجعك شي؟
ليل : روحي
لافي : تعوذ من ابليس واهدى
ليل: لافي اقولك شي ابي اسويه وعلمني الصح من الغلط
لافي : امرني
ليل: بعفي عن سعود
لافي : احلفف
ليل: والله بس تدري ليه لانه حاسسس ب الوجع لو انه كل يوم بيفكر بنته وزوجته من بيرعاهم ومن بيصير معهم واذا مات من لهم بعد الله وانا وش بستفيد وتفادياً للمطالبات وزوجته وبنته بعفي عنه
لافي : الصدق فكرت فيها والله واشوا جت منك
ليل: بس البلا القمرا انت كلمها
لافي: لا بالله انت زوجها
ليل: لافي ماتبيني ماتبيني تقول مالك زوجه ولا عيال من اليوم ومعتبرتن انا الي اجيب البلاوي تكفى يالافي طالبك انا تعبت
لافي : ابشر
-
من بكرا ارسل مجد ل ليل انه يقدر يروح وراح ليل ل بيتهم وجمع اغراضه ل اكثر مده ممكنه وركب اغراضه وارسل ل لافي
ليل : استودعتك الله انا ماشي
لافي : انتبه ل نفسك وطريقك
ليل : ابشر
كان ليل متردد يرسل ل قمر او لا لكن قرر يرسل
ليل: استودعتكم الله وانتبهي ل نفسك ول لافي انا مدري متى ارجع ارجع حي ميت بيد ربي
سكر ليل جواله وراح للمركز
-
عند قمر ناداها لافي وجلس معها
لافي : ي بنتي بكلمك ب موضوع ضروري واتمنى تفهمينه
قمر: امرني
لافي : بنتي تدرين ان ليل ماله دخل
قمر: م اتوقع
لافي : طيب انا بقولك ليش ليل ماله دخل والي صار غدر
تدرين ي بنتي بالايام الي ليل مشغول وماتشوفينه ايام و اسابيع تدرين انه متبرع ل بنت سعود ب جزء من كبده لانه جاه سعود وترجاه وبكى عنده عشان بنته ووعده مايجي عيالكم ولا يجيك وضحى ليل ب نفسه عشانكم وعشان مايشوف دمعتك وتبرع ب جزء من كبده ل عدوه عشانكم
>>>>>>>
رجوع للاحداث
بيوم من الايام الي كان ليل مداوم فيها عادي جاه سعود وجلس عند رجوله يبكي ويترجاه
سعود : طالبك ي ليل طالبك ساعدني
ليل: وش السالفه
سعود: طالبك ي ليل بنتي لا تموت
ليل: وش وش صاير
سعود : بنتي تحتاج متبرع بالكبد وماعندي احد وابي تشوف اذا تقدر تساعدها تكفى ي ليل والله ادري انك تحس ب غلاة الضنى
ليل: وش يضمن لي
سعود: ماجيكم ولا اجي عيالك وزوجتك تكفى ي ليل تكفى والي فات مات بس بنتي تكفى
ليل: تبشر امش نروح اسوي تحاليل
راح ليل هو وسعود وسوا تحاليل وطلعت متطابقه وجلسو كم يوم وليل علم لافي
لافي : والله ماتسوي
ليل: لافي لاتحلف والله مقدر اخليه يحقد زود وادري بغلاة ضناي تكفى ي لافي مابيه يجيك او يجي القمرا و العيال تكفى
لافي : الشكوى لله الله يحفظك
ليل : لاتعلم احد ابد
بعده ب يومين صارت العمليه وتمت وتم التبرع وصار ليل يزور سعود عشان بنته ويتطمن عليها ويلاعبها
سعود: والله مدري شلون اشكرك ي ليل بنتي تحسنت مره
ليل: ماعليك واهم شي البنت انتبهو لها والوعد وعد ي سعود
سعود : ابشر ماعليك
ومن بعده ماصار سعود يجيه ولا شي الا لمن غدر فيه
<<<<<<<<<<
نرجع ل لافي وقمر
لافي : وتدرين ي بنتي انه اشوفه اخر الليل يروح يشوفهم عشان يطمنك رغم ذلك يروح يوديك وانت تحسبينه مايفكر فيهم وانتي لو تدرين انه دايم عندهم ويسولف عليهم ومرات صور لي وهو يصورهم ويهاوش لافي انه لايضرب اخته مهما يصير ويبقى سندها وسندك ومايدري وش يصير له
قمر بكت وهي تحس بالذنب
لافي : والله ي بنتي انه مأمني م اقولك لك وجعه من بعدك خلاني اقول
قمر : تكفى جدي صادق
لافي: اي والله ولا اكذب بكلمه قلتها
قمر: ياربي ياربي
لافي : و يابنتي علمني ابلغك انه بيعفي عن سعود لانه يدري ب غلاة الضنى ووجعه وزوجة سعود وبنته ماعندهم احد غير الله وسعود ويقول بعفي عنه
قمر بكت زود: تكفى جدي خله يسوي الي يبي بس يسامحني وابيه ابي اشوفه خله يجي
لافي : راحت ي بنتي عليك ليل راح الحد
قمر : لا شلون
لافي: من الهم راح ومن الضيقه ويقول بقعد اكثر مده ممكنه
قمر : تكفى جدي اقنعه يجي
لافي : مقدر ي بنتي تعرفين ليل والحين اكيد رامي جواله ولا راح يرد
قمر : ياربييي
لافي: اهدي وارسلي له يمكن يرد عليك
قمر : طيب
راح لافي عند الرجال وقمر راحت غرفتها وهي منهاره
-
عند قمر
كانت حاضنه لافي وتبكي دخلت عليها مزن
مزن : قمر اهدي اهدي ريحي نفسك
قمر: مزن نار نار داخلي
مزن: طيب تهدين واعلمك شي
قمر: وش
مزن: تدرين انك اهون من ليل
قمر: ليه
مزن : تدرين انه ذبحها قدام عيونه تدرين انه طعن ليل وليل من القهر والبكى مانتبه وقبل الفجر جابوه من المستشفى خيطو له جرحه وليل ماطلع ابد من عند جدي واسمع معاذ يقول وجهه اسوددد من الهم وتوه معاذ يتسمع له وطلع بيروح ل اكثر مكان يطلع فيه طاقته ويتعب نفسه ويجرح نفسه عشان مايفكر وفوقها تخليتي عنه تدرين انه يوم قال لي انك ماتبينه قلت بروح اكلمها لك قال لا خليها على راحتها قمر حرام عليك مو عشانه اخوي لكن شوفي حاله
قمر : كذابه قدامه ذبحها قدام عيونه
مزن: ايه
قمر: تكفين مزن لاتكذبين علي
مزن: والله م اكذب بسام قال لي
قمر بكت زود: ياربي ياربي وش سويت انا ياربي
مزن: اهدي وراسليه
قمر: راح وقفل جواله من اليوم ادق عليه
مزن: يرد يرد ماعليك
...........................................................................
يتبع
