البارت السابع
.
.
.
.
سكرو الخط
لف سلمان ع العيال
سلمان: عيال ترا ليل مانام امشو نقنعه ينام عشان ماتوجعه عيونه
بسام : امش امش
راحو ل ليل الي كان جالس يدخن وضايققق
بسام : وش عندك جالس لحالك
ليل : ولا شي انتظركم
رائف : اما تنتظرنا قوم حنا الحين بننام طلعنا من المسبح منزمان
ليل : ادخلو ادخلو انا شوي وبدخل انام الحين مافيني النوم
تخصر بسام : لا والله احلف وعيونك
ليل : ماعليك مافيهم الا العافيه نامو نامو
العيال : طيب
راحو وبسام ماقدر يتركه وهو عارررررفف ان فيه شي ورجع له
جلس عنده بسام : ليل
ليل: هلا
بسام : تكلم
ليل : وش اتكلم فيه
بسام : باللي مضايقك
ليل ابتسم وهو ماله قوه يبتسم : مامن شي يابعدي
بسام: ليل خلاص مابي اضغط عليك بس احضني
حضنه ليل وجلس بسام يطبطب عليه
بسام : ليل انت تدري اني اغليك واحبك واجدددد ولا ارضى عليك لوووو شبر ولا ذررهه ولا ابيك تزعل ولا تتضايق ومابي اضغط عليك ولا ابيك تقول بس ابيك تعرف اني جنبك مهما يصير واي شي تبيه واي شي ينقصك علمني ولاتعذب نفسك وتتعب نفسك وعمليتك لاتخربها اهجد وخلك جالس لمن تفتح
ليل : وافييي طولل عمرك يابعديي وماتقصر واذا على سالفة عمليتي بجلس هنا لمن افتح لاوالله ناوي انا ارجع الديره
بسام : ليل اهجد مو تروح الديره انا مدري وش يصير بك خلك هنا قريب اعرف وش فيك
ليل : اهخخخ يا بسام مانييي مرتاح هنا ابد وتراكم تحسسوني اني اعمى لاتحطون اهتمام كثير وماعليكم
بسام : مانت اعمى يا ليل اهجد حنا من خوفنا عليك نبيك تسمع الكلام ولا بالله عليك جدك وابوك وعمك يحبون هالاماكن؟
ليل : لا
بسام : تشوف وجايين رغم كرههم ل ذي الاماكن عشانك ويبون معك تخيل انك تروح وتسحب عليهم
ليل : زين يابعدي ابشر بس بطلبك طلب يا بسام ولا تقول لا
بسام : ابشر بعزك تم بس وش
ليل : ابي تقوم معي بكرا وبنتجمع اصلاً عشان الفطور وبتقول لجدي وابوي وعمي اني لازم اداوم وانك انت معي تكفى يا بسام انا مابي قعدة البيت واجلس والكل يداريني ما احب بس ابي اداوم وتراني ادري اني لازم اروح استلم بحايل ف خلني يا بسام
بسام : طيب كيف بتشوف صح انك تشوف بس انه بغباشه ومسكرات عيونك
ليل : بنروح بكرا للدكتوره تفكهم وبعده نتوجه للدوام
بسام : طيب
راح بسام ينام وليل دخل حصل ليال جالسه قامت ليال قربت منه وتركها وراح ل غرفته وانسدح ع السرير بتعببب
دخلت قمر عنده وهو يحسبها ليال
ليل : اذا انتي ليال اطلعي لاني ماني متكلم معك ولا ابي اشوفك حتا لو صرت اشوف زين
قمر : لالا انا قمر
ليل شال يده عن عيونه وعدل جلسته
ليل : تعالي
راحت له قمر وقربت منه وحضنها ليل بقوووه
قمر : فيك شي ؟
ليل : بس خليك كذا
قمر بادلته الحضن وجلست تطبطب عليه وتمسح ع شعره
قمر : ليل اذا تحبني علمني وش فيك ووش صاير
ليل : لاتربطين حبي لك ب اشياء كذا
قمر : علمني
ليل : بس متضايق لاني بتركم وبروح اداوم
قمر بصدمه: ايشششش
ليل: هديييي
قمر: كيف تداوم وانت كذاا
ليل : قمري عمري اسمعيني واهدي انا بروح استلم بحايل ضروري اروح وبقعد ثلاث شهور وابيك تنتبهين على نفسك ولا تخليني اخاف عليك واتطمن انك بخير وانا اذا قدرت بكلمك واهلي ياقمر بس اذا حسيتي ان فيه شي علميني معك امانه ولا تخبين عني شي اذا ماقدرتي تدقين ارسلي رساله انا اشوفها متى ماقدرت وبطمنك عني كل ما امسك جوالي مع اني ما احب اخذ الجوال كثير لكن عشانك
قمر هنا حضنته وبكت : ليل ليش بتروح وتخليني اخاف عليك واكل همك
ليل ناظرها بهدوء وهو يمسح دموعها : ما اعتقد انه بيهم وماعليك بكون بخير بحول الله وقوته
قمر: مايهمممم!!!
ليل: اي
قمر: الا مهم
ليل : كيف مهم وانتي ماتحبيني وتخافين مني واكيد بيكون مو مهم
قمر: من قال اني ما احبك الا احبك بس اصبر علي انا اخاف شوي ماني متعوده بس بالله لو اني اخاف مره كان جيتك هنا؟ لا طبعاً ف اسكت تراك مهم عندي
ليل ابتسم رغمم كللللل الضيقه الي فيه : عيديها عيديها امانه
قمر بأستغباء : مهم عندي
ليل : لا اول شي
قمر: وش قلت
ليل : قمررر بلا عباطه وقولي
قمر ضحكت : لا ماني قايله
ليل: خلاص بروح ٦ شهور
قمر : لالا خلاصصص امزح
ليل : يلا قولي
قمر : بعدين بعدين
ليل بحده وهو ماسك يديها : قمررر
باسته قمر مع خده : احبك
ليل حضنها بقوهه : اهيمككك اعشقككك اهواككك احبكككك ياكللللل حياتي
قمررر : اموتتت فيككك
ليل بأبتسامه عرريضهه ادت ل قمر خفقان : قمرر اهخ بتخلينيي ما اروح شكلك وانفصل من شغلي
قمر باسته مع خده مره ثانيه: شدعوه تنفصل بس عشان تجلس معي
ليل مثل انه دايخ : دخت دخت اهخخ قمريييييي عذبتينييييييييي
قمر ضحكت ضحكتها اليي ذوبت قلببب ليلل تذويب
ليل : ياجعلها دايمهه
قمر بحزن: ليل صدق بتتركني
ليل بضيق : للاسف بس عقلي وقلبيييي معكككككككك وكلييي معك مو بس قلبي وعقلي
قمر : طيب مواعيدك وكشفك وكل شي ليش كذا ياخي وانا من عندي لمن صرت انت حبيبي وكل حياتي صرت انبسط اكثر من اول الحين بكتئب
ليل ابتسم : ابد لا تكتأبين تجهزييييييي وضبطي كل شي تبينه لاني بحول الله وقوته برررجع ونتزوج والله ما اصبر ان شاء الله لو بنفس اليوم
قمر : بتجهز اذا جيت مابي بدونك
ليل حط راسه ع راسها : قمري عيوني قلبي ياروحي مو بيديي واليوم انا وبسام بنروح نقول لجدي وابوي وعمي وانتو اذا تبون تجلسون هنا اجلسو واذا بترجعون ارجعو بس والله ياقلبيي مااقدر وودي لو انييي معكك وبجنبك ونجهز مع بعض لكن الشكوى لله لكن اسمعي ي قلبي انتي تجهزي وروحي وسوي الي تبين واذا جيت بنتزوج ونضبط كل شي وانتي صوري لي الي تبين والي ودك اني معك وانا بقولك كني بجنبك تمام حبي؟
قمر : تممم
ليل : قمري ودي انبهك ع شغله قبل لا اروح اسمعي ابيك ماتهتمين ل اييي كلمه يقولونها بالديره ولا هنا ولا تسمعين ل ليال وبس علميني اذا تكلمت وانا اوريك فيها زين عمري
قمر : زين ياقلبي، والحين انت نام عشان يمديك تقوم تصلي معهم الصباح
ليل : ابشرريي ، اييي صح تذكرت قمر مزن ماتكلمني عشان ليال وانا مالي دخل حاولي فيها
قمر: ابشررر كم عندي ليل انا
ليل : ياحظ ليل فيكك ياقمرييي
-
نام ليل وصحى الجد لافي وابو ليل وابوسلمان الصباح وماحصلو ولا واحد من الاولاد صاحي كلهم نايمين
دخل الجد عند العيال بالمجلس
الجد لافي : وجع انت وياه قومو الصلاة
فزو كل العيال واولهم بسام
ركضو للحمامات وتوضو وجلسو يصلون خلصو صلاة ورجعو ركض لفرشهم من التعببب والسباحه امس وودهم ينامون
الجد لافي : وين بتروحون مانتم مفطرين
رائف : ياجد اعذرنا والله النووووووومم ذابحنا
الجد لافي: نامو الله يصلحكم
راحو العيال ونامو
الجد لافي : وين ليل
ابو ليل : نايم
الجد لافي : روح قومه الصلاة
ابو ليل: زين
راح ابو ليل وحصل ليال الوحيده صاحيه
ابو ليل: روحي صحي ليل للصلاة
ليال: طيب
راحت ليال لغرفة ليل وحصلته نايم بتعب
ليال : ليل ليل قوم
سمعها ليل لكن غطا راسه ونام
ليال سحبت الغطا عنه : قوم اقول
جلس ليل ولف عليها بحده وعصبيه: اقسم بالله لو ماتطلعين اني لا اقوم عليك
ليال: ابوي يقول قوم صل وقالي اقومك وماني طالعه الا لمن تقوم
ليل بحده : اطلعي
ليال بعناد: ماني طالعه
ليل وقف و كانت عصبيته واصله حده وزياده : اقوللل اطلعييييي ماتفهمينن
دخلت قمر على صراخ ليل و مسكته : ليل اهدى اهدى
ليل : خليها تطلع
ناظرته ليال بحزن : بطلع خلاص
طلعت ليال وسكرت الباب
قمر حضنته : بسم الله عليك مايحتاج كل هالعصبيه
ليل : اهخ ياقمري بعدوها عني مقدر امسك اعصابي اذا شفتها
قمر : اهدى ياعمري اهدى
ليل مسح وجهه وراح يتوضى ويصلي
-
عند ليال طلعت تبكي لانها بأختصار اشتاقت ل مناقراتها هي وليل وحضن ليل لها واي شي تبيه يقول لها تم الحين مايبي يشوفها حتا
-
نرجع عند ليل الي خلص صلاة وراح ضبط شنطته واغراضه وراح ل بسام
ليل : بسام ولد
بسام بنوم: همم
ليل : ووجع مانت واعدني
بسام : بنام بعدين اقول
ليل : لا بتقوم الحين
بسام: بي نوم
ليل بهمس: اسوق عنك
بسام فز : تم
بعدين استوعب: لا صح تبي جدك يموتني
ليل ابتسم : طيب اخلص عشان نمشي
قام بسام ولبس ملابسه وراحو للجد ابو ليل وابو سلمان جالسينن يشربون شاي ومتكين
ليل : صبحهم بالخيررر
الكل : صبحك الله بالنور
جلسو مع الكبار وبدا بسام
بسام : لو تسمحون لي تراني باخذ ليل ضروري يستلم بمدينه غير وللاسف انه ثلاث شهور
الجد لافي: شلون يستلمم وهو ب ذي الحاله
بسام: علمي علمك ياجد لكن ملزمين يستلم لانه ما داوم الايام الي فاتو
ابوسلمان: اكتب يا ليل تقرير انك مسوي عمليه ويعطونك اجازه
ليل : كتبت واعطيتهم ماش
ابو ليل : ووين بتستلم
ليل : حايل
الجد لافي : ولدي يا ليل
ليل : سم
الجد لافي : اترك هالشغله
ليل ناضر جده بصدمه: وشووو!
الجد لافي : الي سمعت
ليل : ياجد هذا وانت واقف معي بحلمي كذا تقول وش الي مغيرك
الجد لافي : صحتك اهم
ليل : مابيصيررر شي ياجد معي بسام ولا يا بسام
بسام: الا ياجد انا مع ليل وبراعي له واداريه ولاتخافون عليه
ابو ليل: لا ماتروح يا ليل تشووووف حالتك
الجد لافي : روحه مافيه وبتترك شغلك
ليل بحده وعصبيه : ماني تارك شغلي وبروح وانا ماني منعمي عشان تقولون لا
راح ليل ل داخل ولحقه بسام
بسام: تشوف رفضو انا بنام
ليل: روح نام
راح بسام ينام وهو نعساننن
-
عند الجد وعياله
ابو ليل : يا بوي مب انت تهاوشني لاقلت له اترك شغلك ها الحين وش غيرك وانت تشوفه يحترق قدامك
الجد لافي : لانه بيعاند وبيصير يروح ودامهم رافضين الاجازه يتركهم بعد
ابو سلمان: بس هذا مو حل يا بوي ليللل انت ادرى واحد فيه انه يكررره اي احد يقول اترك شغلك لانه حلمه الله يهداك يابوي
راح ابو سلمان لداخل عند العيال ولحقه ابو ليل
اول مادخلو طلع ليل لجده وهو معصبب مره
ليل : ياجد كذا تسوي فيني
الجد لافي : من خوفي عليك
ليل: مامن خوف وانت تمنعني عن حلمي
الجد لافي : ماهو حلم دامه يمنعك صحتك وبتتركه
ليل : ياجد دامك مُصر ع كلامك اني اتركه اعتبرني ماني حفيدك ولاني ولدك وبروح ولو سمعتو موتي احسن اتركوني دامكم تنبسطون بس لو قهرتوني على شغلي واذا تبون ترجعون الديره ارجعو انا ماشي وبسام ناضروه عندكم
راح ليل ل داخل وسحب قمر ل غرفته وحضنها بقووووه
ليل : قمري انتبهي ل نفسك ولاتخافين علي انا بكون بخير بأذن الله ومهما يصير تذكري اني ماني تاركك وبروح وارجع لك
قمر وعيونها دموع : ليل لاتعصي كلامهم
ليل : قمري تكفين لاتصيرين مثلهم تعبت وانا اتحطم
قمر : خايفه لاجيت بعدين يصير مايوافقو نتزوج
ليل: ماعاش من يفرق بين الليل والقمر
قمر : الله يخليك لي ياقلبي وانتبه لنفسك استودعتك الله
ليل باس راسها وطلع وحصل عمه ومسكه على جنب
ابو سلمان: صامل تروح ياولدي
ليل: ماقدر ياعم ماروح
ابو سلمان: استودعناك الله
ليل : ياعم بطلبك طلب
ابو سلمان: عيوني لك
ليل : تسلم عيونك ، ياعم انا ابيك لو رجعت وجدي رفض نتزوج او انه عتبان علي انك ماترفض زواجي ب قمر ولا تفرقون بين الليل والقمر
ابو سلمان: ابشر يابعدي قمر لك وانت لها ولاتخافون
ليل باس راس عمه: استودعناكم الله
راح ليل لسيارته وحط اغراضه مع ان الرؤيه عنده مغبشه الا انه يشوف شوي زين
ركب سيارته وراح وهو ضايقققق مره
-
عند الجد ماتحمل كلام ليل وبكى بقهر وهو يدري حب ليل لشغله لكن كان صادق انه خوففه عليه هو الي مسوي كذا مسح دموعه وراح داخل بعد ماتأكد ان ليل مشى
الجد لافي بصوته الرخيم: جهزو الاغراض وكل شي بنمشي للديره
راح للعيال وحصل بسام صاحي ناداه يجي
بسام: سم ياجد
الجد لافي : امنتك يا بسام على ليل ليل بأمانتك روح الحقه وانتبه له تراه سوا الي براسه وراح لحاله
بسام بصدمه: راح لحاله!!!
الجد لافي: ايه
بسام : ابشر ياجد انا الحين اروح له
الجد لافي : الله يسهل دربكم
راح بسام ولف الجد للعيال الي نايمين
الجد لافي : قومو قامت قيامتكم
فزو العيال
تركي: وش صاير ياجد
الجد لافي : بنروح قومو تجهزو
قامو الكل وجمعو اغراضهم وخلصو كل شي رائف استغرب عدم وجود ليل
رائف: وين ليل
مزن : راح
رائف: ويننن راحح
مزن بحزن: راح يستلم بشغله وعصب على الكل وطلع
رائف : بسام خذاه؟
مزن: ياليت هو راح لحاله
رائف : اهه يالليل اهه كيف انك بتوجعنييي
مزن: اهدى راح له بسام
رائف : استودعتهم الله
اعلنو الكل مشيتهم من الرياض للديره ومشو
-
عند ليل اول ماطلع من عند اهله راح للمستشفى
الدكتوره: ليل العنيد اهلاً
ليل بحده: فكي الي على عيوني واعطيني شي بديل
الدكتوره: ليه افكه
ليل : عندي شغل وما ابيه على عيوني تفكينه ولا انا افكه
الدكتوره : بفكه بفكه
اخذت ليل للغرفه وجلست تفك له غطا العيون
الدكتوره: شوف ليل الحين بفحص نظرك مره ثانيه واعطيك نظاره
ليل بحده : حاولي تستعجلين
الدكتوره: طيب
خلصت فحص النظر وجلس ليل شوي ولمن جابت له النظاره
لبسها ليل وجا بيطلع ومسكته مع يده
فك يدها ليل ولف بحده : كم مره بقول لاتلمسيني
الدكتوره: خلاص مابلمسك بس انتبه لعمليتك ولاتخرب شي
ليل : طيب طيب
راح ليل بهيبته وجماله والنظاره زادته جمال كانت كل بنت تناظر فيه وصل لسيارته وكانت في كبيرة سن تمشي بطيء وتعبانه شافت ليل ونادته
ليل : سمي ياخاله
كبيرة السن : هلابك ياولدي ياولدي تقدر توصلني للكراسي
ليل : ابشري
كان على ليل شماغ فك شماغه ولفه على يده واعطا نصه للحرمه تمسكه
مسكته ومشت معه لمن وصلها
وجلست
ليل: توصين شي ياخاله
الحرمه : ابيك تصبر لمن تجي بنتي
ليل : ابد ابشري
وقف ليل ينتظر بنتها لمن تجي
الحرمه: ياولدي نادني ام خالد وابي اطلب منك طلب
ليل: سمي
ام خالد: ابيك تاخذ بنتي وتتزوجها لانك رجال ماشاءالله عليك بمعنى الكلمة
ليل: الله يخليها لك ويستر عليكم انا متزوج
ام خالد : خذها الثانيه
ليل بحده: لاوالله ياخاله زوجتي مكفيتني الله يرزقها باللي احسن مني
ام خالد سكتت بحكم ماتقدر تجبره
جت بنتها وشافت ليل وقالت بصوت عالي : ليلللل
لف ليل بفجعه : بسم الله من انتي
البنت : انا صديقة ليال
ليل حس انها هي الي تبي ليال تزوجها ياه : طيب انتبهي ل امك سلام عليكم
( اسم البنت سلوى)
ركضت سلوى ل ليل ومسكته مع يدينه بقوه
سلوى: ليل وين ليال من امس ارسل لها ماترد واذكرها قالت بقنع اخوي فيك وانا ابيك يا ليل
ليل فك يدينه وقال بعصبيه وحده شبه للهواش: قسماً عظماً ان ماابعدتي عني انتي وليال اني لا اوريك نجوم الظهر واناااا متزووووووجج ومكفيتنيييي زوجتييي وسالفة اخذك الثانيه تبطين عظم زوجتي مكفيتني
سلوى: مسوي انك تبيها وانت اصلاً ماتحبها ومتزوجها بس كذا وانا ادري انك طايح على وجهك تبيني
جت سلوى فكت النقاب عشان يشوفها ليل وليل صد بسرعه وماشافها
ليل : يع منزينك عشان اطيح على وجهي لك تعقبين زوجتي ازين منك واحسن منك وان ما ابعدتي اني لا اسجنك
سلوى بكت ودمعت: طيب يالمغرور المتكبر وين ليال
ليل : ودعي ليال كل العيله مسكوها هواش وجوالها انا خذيته وانتي جربي تعيدين تعبين راسها قسم ياويلك تبينها تفرق بين اخوها وزوجته عشانك
سلوى بكت زياده: حقير مغرور
ليل : روحي روحي ل امك بس
راح ليل سيارته وهو معصب ومسك خط لحايل
ب نص الطريق فتح جواله وحصل ٣٠ مكالمه من بسام
اتصل عليه ورد بسرعه
بسام : ليلللل
ليل : وشوو
بسام: وينك فيه
ليل : مكان
بسام : ليل لاتستعبط علي انا شوي وبمشي حايل فريت الرياض كلها ادورك
ليل : اهدى و روق انا مابقي لي شي على حايل
بسام : ليل اسألك بالله انت زين
قاطعه صوت صدمة سياره
بسام بصرخه: ليلللللللللل
...........................................................................
يتبع
