البارت السابع والستون
.
.
.
.
قامو الصباح وتوجهو للمطار بعد ماودعو الكل وتركو لافي الصغير عند ام ليل
وصلو المطار وجلسو ينتظرو مع بعض وليل جالس بجنب لافي وضام رجوله ل صدره ويهوجس
مسح لافي على ظهره
لافي : وشفيك ي ليل العز
ليل : ابد مافيني الا العافيه ماعليك
لافي ابتسم: علي؟
ليل : لا والله صدق مافيني شي بس دايخ لاني مانمت زين
لافي : انسدح على رجلي ونام شوي
ليل: لا ماعليك بصحصح الحين
لافي: زين
قاطعهم نداء طيارتهم قامو وتوجهو للطياره وركبو ومتوترين وليل راسه صاكه من الصداع بسبب التوتر والضيقه والتعب جلس ليل وضام رجوله ل صدره وضام نفسه ب تعب وماوده يتكلم وده بس يفكر ومحد يكلمه
مسكته قمر بهدوء ولف راسه عليها
قمر: ليل تبي اعطيك شي
ليل: لا بس دايخ شوي
قمر: تنام ع كتفي؟
ليل: لا خليني كذا مرتاح انتي انسدحي ع كتفي نامي وارتاحي
سكتت قمر وجلست تسولف ل لافي عشان يضحك ومايشيل هم ليل ومعاذ الي كانو نفس الشي
ومعاذ الي كان مغطي عيونه ب الكاب ويسوي نفسه نيم وهو مايبي يتكلم عشان مايصيح
وليل يحس مليون شعوررر داخله ومشتت بشكل مو طبيعي وتعبان ومنهد بقوه
-
عند البيت كانو مجتمعين مع بعض بعد ما راحو وكلهم ضايقين ويناظرون بعض بضيق
جلست ليال جنب ابوها وهمست له
ليال بهمس: يبه ترا جدتي تصيح بصمت لاتضيقونها عليها زود وتتعب
تنبه ابو ليل وشاف الجده مزنه كانت تمسح دموعها بصمت ولف ل ابو سلمان والعيال ونبههم وفزو وجلسو جنبها
ابو ليل: افااا ام سعد ماهي واثقه ب لافي انه بيرجع احسننن من اول ب اذن الله
الجده مزنه بعبره: لافي ماعليه خوف ان شاء الله واثقتن فيه واعرفه بيرجع
ابو ليل: اجل ليه تصيحين وش مضيق خاطرك
الجده مزنه: معاذ ياوليدي معاذ امه ماتت بسبب السرطان وامس شفته طول ليله مانام جالس متضايق
رائف: ماعليك ي جده معاذ ذيب ويقدر يتحمل ولاتضيقين صدرك وبتشوفينه وتكلمينه يضحك ماعليك هو ولافي
الجده مزنه : ان شاءالله
<<<<<<<<<<<<<<<<<<<
تسريع الأحداث
وصلو المانيا و راحو ل شقتهم ودخلو ياخذون غفوه
تطمن ليل على الكل انهم نامو وطلع يتمشى شوي وهو وده يتنفس
راح تمشى حول الشقه وتنفس شوي لمن هدا وبعدها اتصل على المستشفى وجلس يكمل حجوزات لافي وبعد ساعه يجيهم
قام وتوجه للشقه ودخل يريح عند قمر وحصلها صاحيه تنتظره
قمر: وينك ي ليل ليه تخوفني عليك وماترد
ليل: كنت هنا قريب اتمشى وجوالي صامت
قمر: طيب تعال ارتاح
ليل: طيب
انسدح ليل وحضنها وهو يتأملها
قمر توترت: وشفيك
ليل تنهد بحب وتعب: احتويني ي قمري احتويني اشتقت ل نفسي القديمه
قمر حضنته وهي تمسح على ظهره وتسمي عليه
قمر: ليلي تسمعني وتسوي الي اقولك ولا
ليل : اهم شي اصير زين ماعندك مشكله
قمر: ليلي ابيك تستوعب اني لك وبحضنك الحين ولك وبيننا عيال ماني ل احد غيرك ابدد وانا ابيك وما ابي غيرك ولا يهمك احد وابي تشوف لافي انه تعبان ومايبي يشوفك تعبان عشان م يتعب زود لانك شي حساس عنده انت ومعاذ شدو ع انفسكم وصيرو معه ويرجع قبل عرس ليال وغانم ابيك ي ليل ترجع وانت تضحك وتطقطق على معاذ وتذكر بنرجع ولافي ينتظرنا ويستقبلنا انت اقوى ي ليلي اقوى من اي شي
ليل ابتسم: اي بالله انككك لييي وعيوني وحياتي وروحي وابشريي بعزك
باسته قمر وحضنها ونام بحضنها مرتاح شوي وقام قبل موعد لافي ب شوي وقام بشويش ولبس وراح ل لافي يقومه
انسدح ليل جنب لافي
ليل: لافييي الحب يلا قوم
لافي : وشفيك
ليل: يلا موعدك
لافي بضيق: الله ييسر
قام لافي بشويش وراح يصلي قبل لايروح وليل راح ل معاذ وجلس يقومه وما قام
ليل: معاذ والله لا افقع مرارتك اخلص
معاذ: وشوو
ليل: موعد لافي ! تبي تجي ولا اتركك
معاذ فز : بجي اكيد
تجهزو كلهم واستوعب ليل ان قمر بتجلس لحالها
ليل: اصبرو قمر بتجلس لحالها يعني؟
معاذ: اي
ليل: لا مقدر
لافي: ايه ماتجلس لحالها تجي معنا
ليل: يلا بشوف لها تسبقوني؟
معاذ: زين
راح معاذ ولافي وليل دخل عند قمر يقومها
قمر: وشفيك ي ليل
ليل: بنروح موعد لافي البسي
قمر: ليه اروح
ليل: قمر ماني تاركك حتا لافي يقول ماتجلس لحالها تجي معنا
قمر : طيب
-
عند معاذ ولافي وصلو للمستشفى وبحكم معاذ متقن اللغه الالمانيه بدا يتكلم معهم لمن دخل لافي ع الدكتور
وبدا الدكتور يكشف عليه كشوفات كثيره لمن ثبتو اوراقه وضبطو كل شي وكتبو له تنويم
-
عند ليال وغانم
غانم: ليالي عجزت وانا اسألك من امس وشفيك ضايق خاطرك كلكم فيكم شي واضح ليل فيه شي ؟ عمي في شي؟ عمي لافي في شي؟
ليال: جدي فيه سرطان والحين هو ب المانيا هو وليل ومعاذ
غانم من الصدمه سكت
ليال: تشوف كيف يصدم ويصيح
غانم: سألتك بالله صادقه؟
ليال: اي بالله
غانم: يابعد عيني ي عمي طيب اجيكم تبون شي اسوي شي؟
ليال: لا ي قلبي تسلم بس بطلبك
غانم: عيوني لك
ليال: بنأجل زواجنا
غانم: ابد متى تبينه
ليال: بعد شهر ونص
غانم: ابد تم
شويات وسكرو الخط وراح غانم ل ابوه الي كان جالس ب جلسته وعنده هاني وولده
جلس غانم بهدوء ويفكر شلون يصارحه
سكت شوي بعدين لف ل ابوه
غانم: يبه شلون عمي لافي
ابو هاني : والله مدري ولا يرد حتا ليل والعيال
غانم: يبه اعلمك بس
قاطعه ابو هاني: راح؟؟
غانم: لالا بسم الله عليه
هاني: اجل
غانم: عمي لافي به سرطان والحين هو ب المانيا هو وليل ومعاذ
ابو هاني مسك راسه بخوف: غانم موضوع مابوه لعب قل الصدق
غانم: والله اني صادق
ابو هاني: حاول ب ليل يرد هو ومعاذ وعطوني لافي
غانم : ابشر
جلسو العيال يتصلون غانم ع معاذ وهاني على ليل
رد معاذ
معاذ: ارحب
غانم: هلابك علومك
معاذ: بخير ي بعدي وانت
غانم: بخير الحمدلله ، معاذ عمي وش صار عليه طمنا عليه واذ هو جنبك ابوي يبي يكلمه
معاذ: اي هذا ابوي جنبي وماعليه بخيرر وتوه اخذ اول جرعه كيماوي وطيب ابشرك
غانم: الحمدلله يارب اجل ابوي بيكلمه
اخذ ابو هاني الجوال وتكلم بصوت مخنوق
ابو هاني: رفيييق الدرب والحياة ليه ي اخوي ليه م تعلمن تخليني ادري من العيال ولا منك
لافي : ي بعدي انت والله ماقدرت اتكلم ولا شي احسبها خفيفه اثاريها لازم استمر علاج كيماوي لكني الحين طيب وابشرك بخير و لاتخاف
ابو هاني: حمدلله على كل حال والحمدلله انك بخير
لافي امانه معك تعلمني واذا تبي شي ولا شي علمن وانا اجيك
لافي: مابي الا سلامتكم ي بعدي وماعليك انا بخير وقررررريب اجيكم قريب ب اذن الله وانتم ادعو لي
ابو هاني هنا لف وجهه ونزلت دمعته بغصه
لافي : مشاري ي مشاري لاتنزل دمعتك ولك وعد مني اني اجيك بحايل لارجعت
ابو هاني بغصه: الله يحييك والله ييسر لك وانتبه لنفسك واذا تبي شي كلمن
لافي: ابشر
سكرو الخط وحضن غانم ابوه وهو يهديه وهاني نزل ولده وقرب من ابوه يهديه
هاني: يبه تكفى اهدى دامه بخير خلاص اهدى تدري انه راح يتضايق هالحين وان ودك اوديك له لا اوديك الحين قبل بكرا بس لاتنزل دمعتك
ابو هاني مسح دمعته : بيجي بيجي ماني رايح لمن يجيني عطاني وعد ولافي مايخلف وعد
هاني : طيب
قام هاني من سمع بكا ولده وراح وهو متنرفز لانه مايبي يترك ابوه
ابو هاني يعرف هاني صح لف عليه
ابو هاني: طيب تراني انتبه له بس ولا عليك
هاني : ابشر
راح هاني ل ايثار ( زوجته )وهو ضايق مره نزل الولد جنبها وجا بيطلع مسكته ايثار
ايثار : هاني شفيك
هاني: مشغول
ايثار مسكته وجلسته : هاني وش صار وشفيك
هاني: تكفين اتركيني شوي بروح ل ابوي وارجع لك
قام هاني وركض ل ابو هاني وجلس جنبه
هاني : يبه تبي اوديك له بوديك بس امانه لاتتضايق وانت تعرف ضيقتك
ابو هاني ابتسم: ماعليك واثق انا ب لافي وابشر على خشمي ماني متضايق
سكت هاني وجلس جنب ابوه وهو يفكر لانه يعرف ابوه اذا تضايق يعزل نفسه ولا يتكلم زين وما ياكل وينكتم
ابو هاني مسك كتف هاني وناظره وهو يبتسم
ابو هاني : هاني وليدي خلاص وشفيك
هاني : يايبه مابي مابي ضيقتك الشينه
ابو هاني: ماعليك بس روح انت واهدى تراني بخير
هاني : على خشمي
رجع هاني ل ايثار بعد م تطمن على ابوه
هاني : سمي
ايثار : وشفيك
جلس هاني يقولها وهو حاضن هيثم( ولده)
ايثار: ياقلبيي يارب الله يشفيه ويعافيه و يرد له عافيته
هاني:امين بس ياخي قلبي يوجعني على ليل اعرفه الحين بيكون ماش هو ومعاذ
ايثار: كلمه طيب
هاني : بالليل ذكريني
ايثار: طيب
-
عند ليل وصل هو وقمر وجلسو عند لافي وهمس ل قمر تسولف ل لافي وهو بياخذ معاذ المنفس ويطلعه
ليل: معاذ امش بوريك شي
معاذ : مالي خلق
ليل: اخلص لافي شف له
لافي: معاذ
معاذ: ابشر
قام معاذ مع ليل ولف على ليل
معاذ: ليل ترا بصيح لاتضغط علي
ليل: معاذ بتكلم وانت اسمعني وكيفك بالباقي
معاذ: طيب
ليل: معاذ لافي يحتاجنا وتكفى لاتبين حزنك عنده لان والله استوعبت انه لافي مستحيل يصير احسن وحنا مضيمين خلنا جنبه ونضحك وننبسط ونرجعه معنا سالم
وينبسط
معاذ تنفس بضيق وحضن ليل بقوه وخوف
معاذ: ليل خايف خايف اخسره مثل امي من لي من لي بعد الله ثم هو
ليل : ماهو رايح ماهو رايح ب اذن الله وبعدين انا وين رحت ابوي عمي وين راحو العيال كلهم وين راحو جدتي وين راحت عمتي وين راحت لاتستعبط ي معاذ
معاذ تنفس بهدوء: ليل والله اخاف ابوي يعني لي الكثير محد يجي مكانته ابد الا انت يمكن
ليل: اهدى طيب انت وبنوقف معه وتشوف التحسن
معاذ: زين
باس ليل راس معاذ
ليل: انا معك تذكر
لف ليل وسحب معاذ معه ودخلو
ليل: ها لافي العز وش تحس نفسك الحين
لافي: لاشفتكم طيبين اصير طيب
ليل: من قالك ماحنا طيبين لا شفنا طيبين وماعلينا ابد بس انت علمني وش تبي اجيب لك
لافي : ابد مابي الا سلامتكم وجلستكم حولي
معاذ: ابد يبه حنا حولك وجنبك
جلسو عند لافي وليل انسدح بجنبه ويسولف عليه
معاذ: يبه عطنا موقف خلاك تحب ليل زود
لافي : ياكثرهم
معاذ: احسنهم
لافي: كثار بس اللي يعجبن به انه اذا جلس عندي مستحيل انفس ولا ازعل لانه بيعرف الي ببالي ب اسرع شي ويغير نفسيتي ب ثانيه
ابتسم ليل
معاذ تخصر وضحك: واناا؟
لافي ضحك: هممم انت انت ياوليدي سلقةٍ جرباء مثل تركي ورائف لكن ماعليكم مضبوطين اذ تكلمت معكم بس احيان استعباطكم يرفع ضغطي
معاذ ضحك: اح توجع ليل اعترف ساحر ابوي
ليل : ايييي وكم يوم ان شاءالله وانت معه
معاذ : بسم الله علي بقرا اذكاري ادري ساحرني بتاخذ جمالييي
قمر: وووووعع ياكبدي بس
معاذ: اوريك تجيبين ورعك ذا وتشوفين كيف يشبهني ترا من عاب ابتلاء
ضحك ليل بقوه هو ولافي
ليل بضحك: يااااااغبيييي هدففف عكسييييي
معاذ ضحك: اما عااد
قمر ضحكت: تستاااااهلللل
ضحكو الكل وانتهت ليلتهم بضحك ومبسوطين ورافق معاذ مع لافي وليل وقمر رجعو الشقه ونامو
...........................................................................
يتبع
