البارت الرابع والخمسون
.
.
.
.
بعد ثلاث ايام
عفى ليل عن سعود ولازال قافل جواله ولا يبي يفتحه ولا يدري عن قمر الي تنتظره ترد وميته حسره على نفسها ومرت عليه ايام بالحد وهو يشتغل بدون راحه
لمن مر عليه ثلاث شهور ودخل شهر الخير وهو يحس ب غصه انه لازم يرجع يشوف اهله ويجلس عندهم ويريح ومايدري قمر هي صدق بتقابله او بتصده
اما عند بيت لافي الكل كانو يجتمعون لكن يحسون ب نقص كبير ليل كان السند وكل شي بالبيت وعاونهم وخفف عنهم كلهم ب ايام زواجاتهم وونسهم وكان نور البيت وفرحته وقمر قطعت نفسها من الندم
-
عند ليل كان جالس بالبر و قمرا والنجوم مجتمعه حول القمر وكان يفكر فيهم ويهوجس جلس جنبه مرضي
مرضي : وشفيك
ليل: ضايق صدري
مرضي :من وش
ليل: من كل شي حتا نفسي
مرضي: طيب اجيب لك شي تبي شي؟
ليل: سلامتك روح ارتاح
راح مرضي وجلس ليل يناظر السماء وقمر بباله هي ولافي ونجم
ليل وهو يتمتم بهدوء
ليل : يانجووم الليل طمنيني
عن حبيبٍ غايبٍ عن عيوني
أدري واعرف انه بالحيل يبيني
حالت ظروف الوقت دونه ودوني
نزلت دموع ليل من تذكر نجم كيف ماتت وكلام قمر قام من سمع صوت الاذان وراح غسل وجهه وصلى وقرر انه يكون اقوى ويرجع راح صلى وخلص وجمع اغراضه وراجع وهو يدعي بنفسه انه ماتصده قمر لانه مشتاق مشتاقق و بعد العزا ماحس ب حضنها صح ماحس ب شي معها يحس نفسه ضايع يحتاج حضنها يقويه
وصل لهم قبل صلاة المغرب ب شوي ودخل بهدوء بدون لاحد يشوفه وحصلهم مجتمعين وساكتين بالمجلس
ليل ابتسم : سلام عليكم
فزو الكل : ارررررحببببببب
حضن لافي ليل بقوه : ياهلا ياهلا بسندي ياهلابك
سلم ليل على الكل وهو يحس رجعت ضحكته بدون لايحس انه بينهم وحولهم
ناظر ليل ل بسام وهمس له: وجع صاير تجي ل اهلي بدوني
بسام بهمس : مزني تغنيني عنك
ليل ضحك: هيين
ليل : بدخل واجيكم
راح ليل وحصلهم كلهم بالمطبخ خواته وامه وخالته وجدته وقمر
ليل : احس يمه سوو القيمات اشتهيتها
صرخو كلهم : هلااا والله
حضنوه كلهم وسلم عليهم ووصل للقمرا وحضنها بقوووه وهو مشتاققق
سند ليل ظهره ع الدولاب وقمر كانت ساكته ب صدمه
مزن: ي حيوان ليه ماقلت
ليل: مفاجأه شرايك فيها
مزن : حلوه بس تصيحح
انتبه ليل ل امه الي تدمع وتبتسم
فز وحضنها
ليل : افاااااااا وش جاها ريحة الجنه مافيني شيي لاتصيحين شوفيني هذا انا قدامك
ام ليل : لو اني م اعرفك اخر الليل وانت راجع
ليل: لا ماعليك ماتصير
ام ليل ضحكت: ايه لعب لعب فيني
ليل: ماعليك بس اضحكي لاتصيحون بصيح معكم ترا
ام ليل : ها يلا خلاص ما صحنا
ليل : وين لاافييي
مزن : بالصاله
ليل: قمر تعالي
اخذ ليل قمر ب يدها وهو يبي يمشي الوضع يسوي نفسه م اهتم وهو منخرش تصده
راح ليل ل لافي وشافه يتحرك ويضحك
ليل : يامرحبا ومسهلا ياهلا بهالضحكه هلا بعيني هلا بروحي هلابك ي وليددييي
رفعه ليل وحضنه وباسه ومسك يد قمر
ليل: وشفيك ساكته
قمر: بصيح
ليل ابتسم وجلسها جنبه: ليه ليه وش صار
قمر: بعدين اقولك بس تعال
فتحت قمر يدينها وحضنته وبينهم لافي
ليل: تصيحين بتتصفقين لاتصيحين
قمر ضحكت ومسحت دموعها
ليل : والله اني داري ياخي والله ماعليك
قمر : ليل احلف مانت شايل بخاطرك علي
ليل: افااااا انا اشيل بخاطري عليك من متى لا والله مابخاطري شي
قمر : والله
ليل : والله
قاطعهم ضحكة لافي وهو يتأمل ليل
ليل ابتسم وجلس يبوسه ويلاعبه ويضحك من شافه
قاطعهم معاذ
معاذ : السلقه الجرباء اخلص اذن
ليل : ي قاتل المتعه خلني استمتع مع ولدي
معاذ : اقول اخلص افطر لافي قومني عشان اناديك
ليل : طيب اصبر نروح مع بعض
اعطا لافي قمر وراح مع معاذ
ليل: وشفيك النفسيه مش ولا بد
معاذ : ضايق صدري شوي وجيعان امش بس ماعليك
دخلو وافطرو والكل مبسوط ب رجعة ليل يحسون رجعت الحياة لهم
خلصو فطور وشالو كل شي ورجعو اجتمعو ياخذون علوم بعض ويسولفون
طلع بسام يكلم ورجع عند ليل
بسام: ليل م فتحت جوالك
ليل: مار نسيته رميته ب درج السياره وماشغلته
بسام : مرضي يبيك
ليل: اما عاد يمه بطني
بسام ضحك : احسسسن رد عليه
ليل : علمه انه بيطول جوالي بروح اجيبه
قام ليل وراح ل سيارته واخذ جواله وشاحنه ووقفه سعود
تنفس ليل ب ضيق وناظر سعود
سعود: اخيراً جيت
ليل: بعد عني
سعود : تكفى بتكلم معك
ليل: م ابي اسمع شي اتركني لحالي خلاص عفيت عنك روح انتبه ل اهلك
سعود: ليل تكفى بس اسمعني
تكتف ليل وناظره بمعنى اخلص
سعود: تكفى ليل سامحني والله تعذبت ب كل ماتعنيه الكلمه ماكنت متوقع انه بيصير كذا وكان جايني خبر انه انت بتنتقم ل نفسك ببنتي عشان كذا سويت هالشيء تكفى سامحني و والله كل يوم ادعي لك انك اعفيت عني لان بيومه رجعت لقيت بنتي مختنقه وزرقاء ويالله يالله قدرنا ننقذها صدق ي ليل والله اسف على كل شي سويته وعلى ظلمي لك تكفى ي ليل اتمنى انك تسامحني
ليل: مسامحك منزمان والحمدلله على سلامة بنتك ومايهمن صراحه من وين سمعت الكلام اني بسوي شي ببنتك وبعدين م فكرت لو بذكاء شوي لو بسوي فيها شي ليش تبرعت لها وانا خايف على عيالي عالعموم الله يوفقك ب حياتك وانا مسامحك ومع السلامه
سعود : ليل اصبر بوريك حاجه
راح سعود وجاب بنته من السياره ل ليل
و اول ما شافته ركضت له وحضنته لانها عرفته
ريتاج : عمي ليلل
ليل: هلااا والله
اخذها ليل بحضنه وباسها
ليل: كيف حالك
ريتاج : طيبه انت وين كنت عمي ليل ماشفتك منزمان
ليل: كنت تعبان شوي ها كيف المدرسه ان شاءالله شاطره ماتتعبين ماما وبابا بالدراسه
ريتاج : لا شاطره واعطوني هدايا كثير
ليل ابتسم : كفووو يلا اذا نجحتي انا بعد اعطيك هديه
ريتاج قربت من اذن ليل
ريتاج : عمي ليل تدري ان بابا الاشرار قطعو يده
طارت عيون ليل
ليل بهدوء : ليه
ريتاج بهمس : سمعت بابا يقول ل ماما انه عشان الفلوس وهو رايح الشغل قطعو يده
ليل تنفس ب ضيق وهمس لها : بابا قوي بس لاتقولين ل احد وش صار وخليك شاطره عشان تصيرين دكتوره وبابا يقول بنتي الحلوه دكتوره
ريتاج ابتسمت بصدمه: كيف عرفت اني بصير دكتوره
ليل ابتسم : توقعت
قاطعهم سعود واخذ ريتاج وحطها ب السياره وجاب صندوق
سعود : ليل هذا اثمن غرض ل لافي كان عندي وهو ادري يدور عليه
ليل : الخنجر؟
سعود: ايه
اخذه ليل وابتسم : تسلم واصبر بعطيك شي
لف ليل ل سيارته وطلع ظرف كان حاط في فلوس ولفه وحطه ب يد سعود
ليل: سدد دينك ولا تخلي احد يضرك وتذكر ان وراك بنت وتبيك تفتخر فيها وهي تفتخر ب كونك ابوها ولاتتكلمون عندها اي شي
سعود: لا ي ولد م ابي
ليل: بتاخذها او ما اسامحك وادعي عليك
سعود بضيق : لاتكفى الا هذي
ليل : اجل خذها
اخذها سعود وتشكر من ليل وراحو وليل رجع وقابله بالحوش بسام
بسام: نام احسن وين كنت
ليل: كنت ادور جوالي
بسام : طيب امسك مرضي
حط ليل الجوال ب اذنه
ليل: هلابك
مرضي : ياهلاااا والله شلونكك
ليل: بخير وانت
مرضي : بخير دامك بخير اقلقتني عليك ماترد ورحت بدون لا ادري ليه
ليل ابتسم : عشان م تعلم احد اولهم السلقه الي قدامي وثانيهم مجد
بسام : ترا بصفقك
مرضي ضحك: اجل اسمع نبي نتجمع والله فاقد جمعتنا
ليل : ماتفقد غالي خلاص تم بس خلوها بكرا اليوم تعبان
مرضي : اي ابد تم بكرا بكرا تفطرون عندي
ليل: لالا ماهنا فطور بعد الفطور نتجمع ب كوفي
مرضي : اقول الفقه وتجي بكرا ع الفطور
ليل: ي ولد م نبي فطور تعب عليكم خلها كوفي
مرضي : شتبي انت اسكت وتعال
ليل ضحك : خلاص ابشر
مرضي : يلا استودعناك الله
ليل: ياهلا
سكرو الخط واعطا ليل بسام الجوال
ليل : غريبه صاير هادي
بسام : بالي مشغول
ليل : افا وشفيك
بسام : مزن ياخي اليوم صايره ماتبي اقربها او اي شي
ضحك ليل : ي غبي
بسام : وش
ليل: واضح حامل ماتذكر حركة قمر فيني
بسام : كذاب
ليل: مدري بس احس واضح خذها وخلها تحلل
بسام : البلا ماتبي
ليل: ماعليك انا اتوسط لك
بسام ضحك: حي عينك
دخلو المجلس وشحن ليل جواله وجلس يلعب هو والعيال وينبسطو ويضحكو
لمن لمح ليل معاذ سحب نفسه وراح غرفته
ليل : بكلم واجيكم
اخذ ليل جواله تمويه وطلع ورا معاذ
دخل عليه غرفته وقفل الباب وراه
ليل : تدري ليش جيت علمني اخلص
معاذ : اليوم هو نفس تاريخ الي ماتت فيه امي الله يرحمها واحس اشوف وجهها ب كل جهه
ليل : الله يرحمها ي رب ويغفر لها لاتضيق ي معاذ ترا تضيق صدرها معك وتحس فيك تصدق عنها بكرا دامه يوم جمعه وخلها تنبسط
معاذ: صدق؟
ليل. : اي والله
معاذ تنفس ب راحه وانسدح
ليل: علمني وش صار وش م صار
معاذ : م صار شي بس كنا فاقدينك
ليل: القمرا وش صار
معاذ : تبي الصدق والله دايم ادخل عليها تصيح ب قهر وندم لانه من بعد م كلمها لافي دخلت بحالة انهيار الا اليوم بدت تهجد
ليل بنفسه : افا ي لافي لايكون علمتها
ليل : اشوا يعني اليوم ضبطت امورها
معاذ : ايه
ليل : طيب امش نلعب
معاذ : مواصل ابي انام شوي وصحني للسحور
ليل: زين ابشر
طلع ليل وراح ل لافي الي الكل راح ينام يرتاح وبقي هو
ليل : لافي العز
لافي : سم ليل العز
جلس ليل جنبه
ليل: لايكون خنت الامانه ي لافي وعلمتها
لافي سكت ومارد
ليل: يعني علمتها
لافي : ايه ماقدرت وعلمتها
ليل: ليه ليه ي لافي الله يهداك مابيها تنغث
لافي : ماعليك اهم شي ضبطت اموركم
ليل : اجل دامها كذا بروح لها
لافي : موفق انا بروح انام عشان السحور
ليل: نوم العافيه تبي اصحيك؟
لافي : ايه
ليل: ابشر
راح ليل ركض ل غرفتهم وحصل قمر تبدل ولافي على السرير انسدح ليل بجنب لافي وجلس يلاعبه ولافي يضحك
ليل: ياضحككة بروووحييي وقلبيي
سمعت قمر ضحكته وضحكة لافي وطلعت
قمر : متى جيت
ليل : قبل شوي
انسدحت قمر جنبهم ب تعب
حط ليل لافي ب سرير وحضنها
ليل: وش متعب قلبي كل ايام غيابي ليه وش صار
قمر : تسوي نفسك م تدري
ليل: لا وش
قمر: بس علمني جدي وش سويت ل بنت سعود وندمت وبعدين ليه ماتقول لي
ليل: احلى عشان م تشيلين هم
قمر: ليل امانه مره ثانيه لاتروح وتخليني ضعت بدونك
ليل باسها بقوه وهو مشتاق
قمر : ادري بتروح زي عوايدك بس تكفى اجلها
ليل: وش ودك اروح او اجلس
قمر: اكيد تجلس
ليل : ابشري
قمر : لاتسلك
ليل : لاصدق بجلس والله ماراح اروح
قمر حضنته: اي تكفى لا تروح
ليل : ياخي لعنبو الي يروح ويخليك والله م اروح
حضنها ليل قوه وقمر اصلاً بتصيح كذا ولا كذا
ليل : لاتصيحينن ي بزر ياخي والله مافي شي اهدي هذاني عندك
قمر: ياخي مقدر ليل ماتدري كيف عانيت وانا اتصل عليك وكل يوم انام وانا ابكي من القهر اني سويت فيك كذا وحتا لافي تعبت نفسيته وصار بس يصيح بس لمن جيت ضحك وتعدلت نفسيته
ليل باس راسها : ياخي لاتوجعين قلبي اني تارك جوالي خلاص والله جيت اهدي وماعليك ماني شايل بخاطري وابيك انتي ولافي تضحكون وتكفين لاتصيحين والله قلبي يتقطع
شدة قمر على حضنه ونامت بحضنه براحه
وليل جلس يفكر لمن استوعب انه لازم يصحيهم على السحور وبعد قمر شوي وغطاها وشاف لافي صاحي اخذه بحضنه وغطاه واخذه معه راح ليل ل معاذ وهو يغني
ليل: معاذوه قم قم بسرعه شف ضححكة لافي لاتفوتك
فز معاذ وشافه : ليللللل وههههه عطنيييييي
ليل: قم صحصح وتعال عند لافي بصحيه
راح ليل ل لافي ومعه لافي الصغير ويلعبه ليل ولافي يضحك
ليل : لافي العز يلا قوم شوف لافي الصغير يضحك ومصحصح
اخذ لافي لافي الصغير بحضنه وجلس يلاعبه ودخل عليهم معاذ
معاذ : وههه ي الضحكه استودعتكك الله
اخذه معاذ وجلس يلعبه ويحضنه ويبوسه
ليل: قطططعتتت ولدييي اهجد
معاذ: مقدر امسكه لا اعضه
ليل : عشان تتصفق يلا وقت السحور امشو تجمعو وانا بودي لافي ونتسحر
كلهم: زين
راح ليل ل مزن بغرفتها وحصلها تبكي
ليل: افااااا وشفيك
مزن: ياخي ليل احس مابي بسام
ليل: لييه
مزن: مدري بس ابيه يبعد عني
ليل: اعلمك شي
مزن: وش
ليل: احس احس انك حامل لانك مثل حركات قمر يوم كانت حامل
مزن: طيب ماني متأكده
ليل: اسمعي اذا جا الظهر او العصر روحي انتي وقمر عند دكتورتها شاطره
مزن: زين
ليل: تبين تروقين
مزن: ايه
لف ليل ل لافي وجلس يضحكه وجلس يضحك اخذته مزن وجلست تبوسه بحبب
مزن : عز الله انك روقتني
ليل : تشوفييين يلا عاد اتركي الصياح والغثا وبسام بس كلميه طمنيه عنك وانا افهمه يلا وروحي تسحري
مزن : زين
راح ليل ل قمر وحصلها نايمه انسدح ليل جنبها وهو يلعب لافي ويصحيها لمن صحت وشافت شكلهم وهو يلاعبه ويضحك وحبته زود
ليل: يلاا قمري عشان تتسحرين وتمسكين لافي انا بنزل ل لافي العز
قمر : يلا هاته
باسها ليل بسرعه وطلع يضحك وقمر مصدومه يالله تصحصح وليل يستغل الفرص
راح ليل واخذ السحور وراح عند لافي والكل مجتمع وتسحرو وطلع ليل يتمشى برا يهضم وكان جالس يفكر ويتمشى وتذكر انه مافتح جواله فتح جواله وشاف انواع الرسايل و المكالمات لدرجه الجوال علق لمن خف الجوال جلس ليل يقرا الرسايل ويقرا رسايل قمر وحس ب تأنيب ضمير كيف كانت تنتظر رده طيلة الاشهر ومكالمات اغلبهم وصادفته رسالة سعود الي قبل دقيقتين فتحها
سعود: ليل جميلك ماراح انساه وتسلم وماتقصر والله العظيم انقذتني من شي كبير وابشر باللي يرد لك حقك
ليل: الحمدلله اهم شي خلصت امورك ومابي شي لاترجع شي ابد مثل م قلت لك لاتنسى تهتم ب بنتك بس
سكر ليلل جواله وجلس يتمشى وقاطع تفكيره وهواجيسه اتصال لافي
ليل: سم
لافي: وينك
ليل: امشي برا
لافي : تعال عندي كلهم رجعو نامو
ليل: ابشر بعزك
رجع ليل وتذكر الخنجر واخذه وحطه ورا ظهره ودخل عند لافي
ليل: لافي العز بوريك شي يعز عليك وجبته بس توقع وش
لافي : مدري م بالي شي ورني
طلع ليل الخنجر وفز لافي
لافي : اسألك بالله حصلته!
ليل: كان مع سعود وجابه لي
لافي : الحمدلله والله انه اعز شي علي
ليل ضحك: لهالدرجه هديتي تعز عليك
لافي : اييي والله
حضن ليل لافي وانسدح بحضنه
ليل: لافي ياخي احس اني ضايع صح مافي شي مضايقني واحس اني رجعت للحياة بس احس اني ضايع
لافي : ماعليه انت تجيك هالحاله اذا انت مواصل ومانمت نام
ليل: بنتظر الصلاة معك ونصلي وننام
قاطعهم اتصال قمر
قمر : ليل وينك
ليل: لاتخوفيني وشفيك
قمر: وينك
ليل: تحت عند لافي
قمر : تعال خذ لافي لا اصيح معه
ليل ضحك : طيب جاي
سكرو الخط
ولف لافي على ليل
لافي: وشفيها القمرا
ليل: لافي متعبها اكيد وهي تعبانه بروح اجيبه واجي
لافي : زين يلا جبه
راح ليل ركض ودخل وهو يضحك وقمر تدمع وهي تحاول تسكت لافي
اول مامسك ليل لافي سكت وضحك
قمر بكت بقهر: يقهرررر خير يصيح من اليوم يوم مسكته سكت
ليل حضنها : اهدييي ي بنت الحلال وشفيك انا اخذه اهدي بس وارتاحي
قمر : طيب خذ رضعته وغطه زين عن البرد بنام تعبانه
ليل: ارتاحي ماعليك
نامت قمر وليل اخذ لافي واغراضه ونزل ل لافي العز
لافي : هلا هلا
اخذ لافي الصغير وجلس يلاعبه
ليل: لافي العز معرف ارضعه تعرف ؟
لافي : ايه هات وتعلم
اعطاه رضعته ولمن خلص
لافي : اسمع لاخلص تطق ظهره بخفيف مو تكسر ضلوعه
ليل ضحك : ماعليك
لافي : اجل امسك خلني اشوف ادائك
جلس ليل يطق ظهره بخفيف وطرش عليه لافي ( يكرم القارئ)
ليل صرخ : يععععععع
ضحك لافي : يوه نسيت اقولك عن هالشيء
مد ليل لافي ل لافي العز وراح ركض يغير وهو متقرف
غير بسرعه ورجع ل لافي وحصله يهد لافي ويتابع جواله
ليل: ادعسسس لافييي طلعت تعرف تروضه
لافي ضحك : لااااا هذا شلون صار ابو وش ترويضه ماهو ب حيوان
ليل ضحك : ياخي مدري معرف
لافي : بعلم امك شكلي تروضك انت
ليل ضحك : افااااااا
لافي : تستاهل عشان ماتقول ل سميي تروضه
ليل : ادعسسس مايرضى عليه
لافي : اكيد وش تبي بعد
ليل : يعني راحت غلاتي
لافي : بالضبططط خلاص مسحك لافي الصغير
ليل وقف : اجل توكلنا على الله للحد
لافي : عشان اتوطاك
ليل ضحك: لا بالله توك م تبيني تبي السلقه
لافي : متأكد انه سلقه
ليل: لا والله انا السلقه وه فديت ولدي
لافي ضحك: مصروع انت؟
ليل: تقدر تقول
قاطعهم دخول تميم وتفاجئ ب ليل وسلم عليه وجلسو مع بعض
تميم : جدي ابي اعرس خلاص قررت
ضحك لافي : صامللل متأكد مو تقول لي لا اصبر
تميم: لا هالمره صامل
لافي : خلاص ابشر
ليل كان تاركهم ويتأمل لافي وهو نايم ومو معهم بالسالفه
تميم : جدي اكيد تم؟
لافي : عمري قلت تم وماسويت
تميم: لا والله
لافي: اجل ماعليك
انتبه لافي ل ابتسامة ليل وهو يتأمل لافي ويصوره
لافي : لهالدرجه مبسوط انه نام
ليل : لا والله بس جالس اتأمل نعمة ربي اخخخ لافي تكفى بصحيه
لافي : عشان تذبحك قمر اهجد وغطه زين عن البرد ودخله عند امه وتوض الصلاة الحين يأذن
ليل: ابشر
اخذ ليل لافي بهدوء وراح وداه ل سريره ودخل توضى واذن وجلس يصلي وقوم قمر تصلي ونامو
-
عند قمر صحت الظهر وارتاحت ان لافي نايم وراحت ل مزن
مزن : جابك الله كنت بقومك
قمر : وشو
مزن: ابي توديني نروح بكشف اذا انا حامل او لا
قمر ابتسمت: ابشررررييي مابغيتي شي يلا البسي وانا بروح البس واشوف ليل ولافي
مزن: زين يلا
راحت قمر ولبست وقربت من ليل
قمر : ليل ليللل
ليل بنوم: وشو
قمر: انتبه ل لافي انا بطلع انا ومزن زين
مارد ليل لانه رجع نام
قمر: ليل بتنتبه له او اوديه ل امي
ليل : لا خليه
قمر : يلا استودعتكم الله
طلعت قمر هي ومزن وطلعو وحصلو لافي جالس ب مجلسه سلمو عليه
لافي : وين رايحات بناتي
قمر: رايحين موعد قريب بالمستشفى وجايات تبي اجيب لك شي وحنا جايين
لافي : لا انتبهو ل نفسكم
قمر: ابشر
راحو البنات للمستشفى وطولو وهم ينتظرون النتيجه
وراحو يتمشون
قمر: علمتيه اننا ب المستشفى
مزن: لا احس ودي اسوي له سبرايز اذا انا حامل
قاطعهم اتصال ليل
ليل: قمررررر
قمر: وشوو
ليل: شلون اسوي له رضعته معرف
قمر : اسمع المويييه حطها دافيه وقسها ب يدك دافيه مو حاره انتبه وحط مويه ل رقم 6 وحط 4 ملاعق حليب واذا رجيتها انتظر شوي تطلع الغازات بعده اعطه واذا خلص طق ظهره بشويش
ليل: ويطرش علي( يكرم القارئ) نفس امس
ضحكت قمر: متى طرش عليك ( يكرم القارئ)
ليل: امس لافي م علمني واكلت تبن المهم اطق ظهره وبعده وش اسوي
قمر ضحكت: غير حفاظته
ليل : بعطيه امي
قمر: اقووول شوف له انت واذا رحنا بيتنا من بيراعي له
ليل: ابلشش يلا طيب
سكرو الخط وبدا ليل يسوي الي قالت له قمر لمن قرب ل تغيير الحفاظه انصرع وربط خشمه وجلس يغير له وهو متقرف ولافي يضحك على صراخه وتقرفه
ليل: تضحك ي السلقه تضحك
خلص ليل وغير له ملابسه وراح ليل تروش كله وغير ورجع حضن لافي ويبي يرجع ينومه الا لافي مصحصح
ليل: لاتكفى اهجد
جلس لافي يلعب ويحرك يدينه اخذه ليل بحضنه وجلس يشوف جواله وينتظر قمر ماهي الا نص ساعه وداهموه قمر و مزن
مزن : ليلللل
ليل : يمه وشوو وشفيكم
مزن: بصيييح
ليل: وشششوو
مزن: بتصييييير خال
ليل ضحك: احلفيييييي
مزن: والله بصييييححح
ليل ضحك : شوفي تعودي مع لافي وتغيرين رايك ماخلاني انام صحصح
مزن: لا تكفى خلاص انت الحين عرفت بخلي ولدي عندك
ليل: لا بالله ولدي ويالله اراعي له فاضي اراعي ل ولدك
مزن: اورييك
ليل: بساموه ماعلمتيه؟
مزن: لا بعلمه بس امانه لاتقول شي
ليل: ازهلي
طلعت مزن وقمر جلست بتعب
ليل: جابك الله خذيه بنام
قمر: راحت عليك شوف الساعه 1 وبتدخل 2 وماسوينا الفطور امسكه انت بروح اساعد امي وجدتي وخالتي بالمطبخ
ليل: يوه اجل بطلع عند لافي
قمر: زين وانتبه زين له
ليل: ابشري
راح ليل وهو بيده لافي
ليل : سلامم عليكم
لافي : هلاا والله وعليكم السلام
ليل: غريبه صاحي هالوقت
لافي : صاحي من صبحي ماجاني النوم
ليل ابتسم : من الي ماخذه عقلك
لافي : اقول اذلف
ليل: لا صدق صدق علمني
لافي : تبي الصدق
ليل: ايه
لافي : ام معاذ و معاذ يحسب اني ما ادري انه امس تاريخ موت امه وضاق صدري على ضيقته
ليل: ماعليك ضبطت الوضع لاتفكر
لافي : صادق
ليل: اي والله
قاطعهم اتصال مرضي
ليل: هلابك
مرضي : ارحب اسمع لافي الصغير جبه معك ولافي الكبير بعد اذا وده مع اني خابره م يحب العزايم ب الرمضان
ليل: اصبر منن متى تعرف لافي العز
مرضي : يحليلك قبل لايخط شنبك اعرفه
ليل: خوششششششش واناااا ليه ماتعلموني انكم تعرفون بعض
مرضي : راحت عليك
ليل: اخخ من الغدرات
مرضي : اقول اص وشوف اذا وده يجي وجبه معك ولاتنسى لافي الصغيرررر ضروري تجيبه معك قلت ل مجد يجيب يزن
ليل: علمته اني جيت؟
مرضي : لا ماعليك عشان تفاجئهم
ليل: زين زين
سكرو الخط ولف ليل على لافي
ليل: من متى تعرف مرضييي وماتعلمني
لافي : منزززماااان كان عسكري وانا ادربه بعدين ترقى وصار خويي
ليل: ورا م تعلمن لو تدري قبل شلون كانت رجليني تتنافض منه
لافي : شكلك للحين
ليل: اي والله والله هيبته تروع ماشاءالله المهم موضوعنا يبيك تجي معي اليوم عازمنا ع الفطور
لافي : لا بالله ودعتك الله انا ماحب عزايم الرمضان
ليل: يلاا معي تعال بس هالمره
لافي : لاتحاول ليل مابي
ليل: اي مايقدر يستغني عن طبخ مزنه القلب
لافي: ترا بقوم اصفقك
ليل: خلاص والله اهجد بس تراني باخذ الصغير معي
لافي : وين تبي فيه
ليل : هو يبيه
لافي : انتبه عليه زين ولاتطول عشان عندي كم شغله ابيك تخلصها
ليل : ابشر
>>>>
تسريع الاحداث قبل اذان المغرب ب شوي سحب ليل قمر من المطبخ واخذها الغرفه
قمر: وشفييك
اعطاها لافي
ليل: نظفيه وعدليه ولبسيه باخذه ابو ساعه ساعتين وحنا جايين
قمر : لا ليل اخااف عليه مافيه
ليل: من وش
سكتت قمر
ليل: اها قصدك ذولاك اي زين خليه عشان مايجيه شي
( ليل كان يقول كذا عشان قمر توافق )
قمر: خلاص الحين البسه اص وتكذب وتقول م بخاطري شي
تركته قمر وليل ماسك ضحكته ويلبس ثوبه ويتجهز
جاها وحصلها مخلصته باسها
ليل: والله م بخاطري شي بس عشان توافقين
قمر: وعدنا بعد الفطور وياويلك تتأخر بطلع مع اميره
ليل: وين دعاء انا بصير امسك لافي يعني
قمر: فيه دعاء بس تعبانه انت امسكه
ليل: زين
اخذ ليل لافي وطلع بسرعه ل مرضي وحصل العيال مجتمعين ارسل ل مرضي يفتح له الباب ودخل بهدوء ومرضي مسك لافي لان يدري الهجوم الي بيصير وجلس يصورهم
مجد : ليل ماكلمكم
ليل : ياحيوووووان تحش فيني
فز مجد: اررررحببببببب
حضن ليل بقوه وهو يرحب فيه
مجد: ارحب ارحب ارحببببب متى جييت
ليل ضحك: امس
مجد : ورا ماتقول
ليل: مفاجأة
قاطعهم حضن يزن
ليل: هلااا ابوويييييي ب وليدديييي
يزن: اشتتتققتتت لك عمو ليللل
ليل: حتااا انا اشتقت لك شوف حتا جبت لك لافي
مرضي : مع نفسكم محد ياخذه مني
ليل ضحك: يزن خذ لافي منه
نزل ليل يزن وسلم على العيال الباقي واخذ لافي من مرضي بالياله وجلس يزن يلعب معه وجت بنت مرضي
ليل : هلاا بالزييييننن كلههه
اخذها ليل بحضنه مع لافي ويزن
ليل : اذا م خاب ضني هذي اروى صح؟
مرضي: ايه
ليل : وه ي زيننن الزييين
كامل : هذا مسحور ب الصغار شكله
ليل: اعشقهم عادي جداً اسحب عليكم عشانهم
مرضي : اقول اهجد اروى خذي يزن وروحو العبو ب الالعاب
اروى: طيب
راحو يزن و اروى وجلسو العيال مجتمعين وليل حط لافي بحضنه زين وجلس يفطر و مايمدي له يفطر بدأ لافي يصيح جلس ليل يسكته وتذكر رضعته وقتها
ليل: حسبي الله على بليسك ي مرضي خليتني اتعلم معنى شعور الامهات اليوم
مرضي : هاته اوديه داخل
ليل : لا والله افطر اهجد انا اعرف له
مرضي : اخلص
ليل: لا ماعليك
قام ليل وجلس يعطي لافي ولمن خلص و نومه وضبط له مكان وصلى مع العيال وافطر اسرع شي و شي خفيف وقام
مرضي : اقول كل
ليل: بسسس الحمدلله وكثر الله خيرك
مرضي : ي رجال م كليت شي
ليل : بس والله شبعت
جلسو العيال مع بعض ويسولفو ومبسوطين وجت جلسة المصارحه الي تجي بعد خمول وتعب الفطور
مجد: صدق ليل ياخي ما احس تدخل العقل كل هالحقد اكيد بيحن بس ليش سواها
ليل: غدره
مجد: شلون
ليل: اعلمكم وماتصفقوني
مجد : وشو
ليل : بيوم جاني وانا جاي الدوام انه بنته عنده فشل بالكبد وماعنده احد يساعده ووعدني م يقرب اهلي ولا عيالي اذا ساعدته ووافقت اكيد عشان عيال واهلي وقررت انا اتبرع ل بنته و بالفعل تبرعت له ب جزء من كبدي ومحد يدري بالسالفه الا انا و لافي
كل العيال فزو : ي بزررر شلونن
مرضي : شلون شلون انت بكامل قواك تتبرع ل بنته
ليل: شوفو هي صارت وخلصت والبنت والله عديتها بنتي وماعلي من ابوها لكن عديتها بنتي لكن ابوها غدر فيني لانه جايه علم اني بذبح بنته وذبح بنتي الله يرحمها ويجبر قلوبنا وانا عفيت عنه عشان بنته ومسامحه ومابي منه شي
كامل : ي قو قلبك ي شيخ
بسام: بلعن شكلك ليه م تعلمن
ليل : خلاص صارت الا صح كامل الممرضه ذيك وش صار عليها
كامل : وووه ناشبه لي تصيح تقول الا دريت انها ماتت واكيد بيذبحني طمنها تكفى خلاص صدعت
ليل: لا انت علمها مابي منها شي خلاص
-
عند مزن وصلتها قمر بيتها وجلست تجهز بوكس صغير تفاجئ فيه بسام
ارسلت له
مزن : بسام انا بالبيت ترا اذا خلصت تعال وعلم ليل يرجع قمر بتودي لافي موعده
رد بسام بسرعه
بسام: فيك شي ؟ تعبانه؟ عشان اجيك
مزن: لا اليوم رحت مافيني شي بس حراره داخليه انتظرك
بسام: زين
سكر بسام جواله ولف على ليل
بسام بهمس : ترا قمر تنتظرك ترجع بتودي لافي موعده
ليل هز راسه بمعنى طيب
راسل ليل قمر
ليل: وش موعده
قمر: موعد تطعيمة 6 شهور يلا لايروح موعده
ليل : طيب يلا
قام ليل واخذ لافي
ليل: كثر الله خيركم وانعم الله عليكم انا استأذن بروح اودي الحلو الي بيدي عنده موعد
مرضي : مع نفسك ليلل م جلست
ليل : والله منشغل ب اذن الله اجيك المرات الجايه
مرضي : استودعناك الله
طلع ليل وراح للبيت
-
عند مزن وبسام جا بسام ركض ل مزن وحضنها بخوف
بسام: فيك شي يوجعك شي
مزن: تعب خفيف مايوجع شي اهدى اهدى
جلسو مع بعض شوي وقامت مزن جابت الصندوق صغير كنه هديه
مزن: جبت لك هديه وابيك تشوفها
ابتسم بسام وجلس يفك البوكس وانتبه ل صورة الاشعه و شرابات اطفال
بسام: كذابه
مزن ضحكت: والله
فز بسام وحضنها بقوه : ياااربيييييي الحمدلله عشان كذا منفسه عليي
مزن: تصير تصير
بسام : سوي الي تبينه بس اهم شي تجيبينه ب السلامه
مزن ضحكت: متأكد
بسام: لا امزح
-
عند ليل وقمر ب موعد لافي
ليل : قمر بصيح شلون يطقونه ابره توهه صغير
قمر: مدري بصيح معك
الدكتوره ضحكت عليهم: واحد منكم يمسكه ويلعبه ماراح يحس ان شاءالله
تقدم ليل ومسك لافي جلس يلاعبه ولافي يضحك طقته الدكتوره بسرعه وماحس وجا بياخذه ليل
الدكتوره: اصبرر ماخلصنا باقي وحده ب يده
ليل: اسلم
مسكه ليل وجلس يلعبه وطقته الابره وحس وجلس يصيح
رفعه ليل وهو يهده : برووحيي عنككك
جلس ليل يلاعبه لمن هدى شوي وانتبه ل قمر الي تصيح
ليل: وشبك
قمر: اوجعته
ابتسم ليل وحضنها: اهجدي ها شوفي مافيه الا العافيه هجد امشي واهدي
مسك ليل يد قمر وطلعو
قمر: ليل ليه م نروح بيتنا
ليل: بس ماجبنا شي ل لافي هناك
قمر: طيب الحين نروح وناخذ له
ليل : اخاف الحين تعبان وناخذه نفر فيه بيتعب زود
قمر: ماعليك نخلص بسرعه
ليل: يعني في شي ببالك
قمر: ايه
ليل: يلا
راحو ل محل واخذو له سرير صغير ع قده واخذو له اكثر من شي وطلعو ورجعو البيت
قمر : تبي تاخذه معك او اخذه
ليل: لا خذيه حطيه ب سريره انا بطلع انا ولافي
قمر: زين لاتطول
ليل: زين
راح ليل ل لافي وجلس جنبه
ليل: ها يلا نروح
لافي : يلا
ركبو السياره ولف ليل على لافي
ليل: يلا وين
لافي : تبي الصدق مافي مكان ببالي بس ابي نطلع
ليل: ابشر بعزك الحين امشيك
جلسو يتمشو لافي وليل ويسولفون
لافي : يلا ي ولدي عشان يمدي انام قبل السحور وتصحيني
ليل: عاد هذي مرفوضه لاني بمشي بيتنا انا وقمر
لافي: افااا ليه ان شاءالله
ليل: والله طولنا مره وودي خلاص نروح نستقر
لافي : الله ييسر لكم
رجعو ليل ولافي واخذ ليل اغراضهم وركبها وراحو بيتهم وكان لافي نايم حطه ع الكنب وبدو ليل ودعاء وقمر تنظيف وترتيب لمن انتهو من كل شي ب تعب وتسحرو ونامو
...........................................................................
يتبع
