البارت السادس والاربعون
.
.
.
.
عند ابو تميم ببيتهم مسك ليان ب المجلس وجلس معها
ابو تميم: ليان ي بنتي اسمعي انا وافقت لك على عريس
ليان: واكيد تبي تضلمني مع اي واحد
ابو تميم: الي وافقت عليه مو اي واحد تركي ولد خالك عمر
ليان: هو طلبني ولا تبي ترميني عليهم
ابو تميم: لا ماعليك هو طلبك وانا وافقت بس نبي موافقتك ولا تحرجيني ي بنتي وصلي استخاره وعلميني
ليان: ابشر
ابو تميم: نادي لي نجلاء وروحي صلي استخاره
ليان: ابشر
راحت ليان ونادت نجلاء ودخلت نجلاء
نجلاء: سم يبه
ابو تميم: تعالي اجلسي ي بنتي
نجلاء: امرني
ابو تميم: ي بنتي تقدم لك واحد ووافقت
نجلاء بخوف: ليه يبه طيب انا ماوافقت
ابو تميم ابتسم: اصبري طيب مادريتي من هو
نجلاء: من
ابو تميم: رائف ولد خالك سعد وانا وافقت وابيك تستخيرين وتردين لي واكيد انك مانتي محرجتن قدامهم
نجلاء : ابشر استخير واعلمك
راحو نجلاء وليان يستخيرون وكلهم خوف
-
عند ليل والعيال كلهم نامو بغرفة معاذ صحى ليل قبلهم على اتصال من مجد
ليل بخدر: هاه
مجد: وجعاه تمسك العدو وينك الحين بحط اسمك ضمن الخط الاحمر
ليل: كم الساعه
مجد: 10:00
فز ليل: كذااب
بعد ليل جواله عن اذنه وشاف الساعه 5
ليل: ووجعه ي سلقه الساعه 5
مجد ضحك: ياخي ماتخلي الواحد يمزح بس احسن عشان تقوم تصلي وتقوم تسوي لي الاوراق الي ارسلتهم لك واتس ضروري وارجع نام عادي لو تجيني 11 ماهي مشكله بس سو لي الاوراق الي ارسلتهم
ليل: طيب وش فايدة تخريبة نومتي
مجد: والله معليش ي بعدي بس ابي تسوي لي الاوراق ضروري احتاجهن قبل اطلع للدوام
ليل: ابشر اصلي واسويهم لك
مجد: عاش
ليل: تعيش
سكرو الخط
وقام ليل توضى وصلى وجلس يسوي الاوراق ل مجد وارسلهم وجلس يكلم مجد وهو يتمشى بالحوش ويحوس بالجوال يسوي الاوراق
قاطعه صوت صرخة قمر : ليللل
ليل : بسم الله وشو
قمر : بولد بموت بسرعه
مسك ليل قمر وهي تبكي ومجد على الخط ونساه ليل
مجد: ليل خلاص مشكور والله يجيبهم بالسلامه
ضحك ليل: الله يسلمك
سكر الخط
ركب ليل قمر السياره وانطلقو للمستشفى
ودخلها الطوارئ
الدكتور: هي ب اي شهرر
ليل: ممدا دخلت السابع
الدكتور : شكله ولاده مبكره
ليل من الصدمه ما قال شي
دخلو قمر وبلغو ليل انها ولاده مبكره جلس ليل ب الممرات ومخروش ويدعي انه ربي يطلعها بالسلامه وفيه هبوط مو طبيعي انه ولاده مبكره
قاطع تفكيره اتصال لافي
ليل: سم
لافي: وشفيكم سمعت صراخ قمر وطلعت ماحصلتكم
ليل بتوتر:لافي قمر بتولد ولاده مبكره
لافي: ماعليك لاتخاف ولا تتوتر الحين اجيك عادي سهالات
ليل : لافي اخاف يجيه شي
لافي: ماعليك ماهو جايه شي انا الحين اجيك
ليل: زين
سكرو الخط وكان ليل من التوتر يمشي بالممرات ويسمع صراخ قمر ويدعي لها
ماهي الا شويات وجاه لافي
ليل اول ماشاف لافي حضنه بقوه ويحس حيله مهدود ووده يبكي من الخرشه والتوتر الي فيه
لافي : ماعليك سهالات ان شاء الله
ليل: لافي والله خايف
لافي : ي ليل اذكر ربك ماهو صاير شي
ليل: الف من ذكره
مسك ليل يد لافي ويده الثانيه مسك قلبه بخوف يحس انه اول مره يخاف ل ذي الدرجه
قاطع تفكير وخوفه صوت بكاء الطفل لف على لافي ونزلت دموعه
لافي ابتسم : قل الحمدلله احمد الله
ليل وهو منزل راسه على ركبة لافي وتنزل دموعه
ليل: الحمدلله الحمدلله
لافي نزلت دموعه وحضنه
لافي: الحمدلله الي مدني بالعمر وبشوف عيالكك
ليل ابتسم : بصيرر ابو لافي
لافي : يتربي بعزك ي ابو لافي
ليل ضحك: الاسم لحالهه يخلي تجيني البكيه
قاطعهم صوت البكيه الثانيه
ليل ابتسم : يارب لك الحمد
لافي : ثنينن؟
ليل ابتسم: ايه بنت وولد
لافي قرص ليل: ورا ماتقول لي
ليل ضحك: هم بجيتهم علموك ولا كنت بعلمك
لافي : اي صح صح
قاطعهم جيت الدكتور
الدكتور: الحمدلله على سلامتهم كلهم
ليل: الله يسلمك
الدكتور: بنطلعها الحين ونحطها ف غرفه و العيال بيجلسون شهرين ترا بالعنايه
ليل بصدمه: ليهه
الدكتور: لازم ياخوي زوجتك والده ب السابع لازم نحطهم بالعنايه عشان مايصير لهم شي
تنفس ليل بضيق : الله ييسر
ماهي الا شويات وطلعو قمر وكانت نايمه وواضح على وجهها التعب دخلوها غرفتها وجلس ليل عندها
لافي: ليل انا بروح وببشرهم انت خلك عندها واذا احتجت شي علمني
ليل: ماتقصر ي بعدي
لافي : استودعتكم الله
ليل: وياك
-
عند مجد والعيال
مجد كان سرحان وضحك لفو عليه العيال
بسام: من ماخذ عقلك
مجد: ليل
بسام: شعندكم وبعدين ليش ماجا
مجد: جو عياله
بسام فز: كذاااااببب
مجد: كنت اكلمه الفجر وزوجته جتها الولاده وراح يوديها
بسام: ي بعددد الدددنيااااا صاررر ابوووو
مجد: تشوووف ماني مصدق احس ما اتخيل شكل ولد صغير ينادي ليل بابا
غالب: احس جتني البكيه
بسام: اصبر بكلمه
دق بسام ع ليل
ليل: ارحب
بسام: البقى ، مبروووك ماجاك ي بعدي يتربون بعزككك
ليل: الله يبارك ب ايامك ي قلبييي عقبالكك
بسام: امينن
جلسو العيال يباركون له كلهم وهم فيهم البكيه
هزاع: ليل بشوفهم
ليل: تعالو اوريكم ياهم
قرص غالب هزاع
غالب: لاطلعو بالسلامه نشوفهم
ليل: ترا بجلدك قلت تعالو
مجد: لالا في شغل
ليل: لاتحدوني اجيكم
بسام: خلاص بنجيي بنجي
سكرو الخط وراحو ل ليل
عند ليل كان ينتظر قمر تقوم وهو خايف عليها ومن شدة خوفه ماراح يشوف عياله
سند ليل راسه على الكرسي وجلس يفكر وهو خايف عليها
ماهي الا شويات وسمع صوتها تناديه
ليل فز وقرب لها : امريني يابعدهم
قمر بعبره: ليل لايكون صار لهم شي
ليل: تعوذي من ابليس
قاطعته قمر بنزول دموعها
مسكها ليل: قمر والله ماصار شي وشبك
قمر: طيب وينهم
ليل تنفس بضيق: بالعنايه عشانك والده بالسابع
قمر: امانه ليل يعني مابيصير لهم شي
ليل: والله ماراح يصير شي تفائلي بالخير واهدي
سكتت قمر ولف ليل لها وابتسم
ليل: والحين رسسسمياً صار اسمك امم لافيي
قمر ابتسمت: وانت ابو لافي بحق وحقيق
ليل ابتسم وحط يده على قلبه: اهخخخخ الاسم لحاله يجيب لي خفقان
قاطعهم اتصال مجد
مجد: وصلنا وينك
ليل: تعالو الدور الرابع بقابلكم عند المصعد
مجد: زين يلا
سكرو الخط
ليل: شوي واجيك بروح اشوف لافي ونجم مع العيال واجيك زين
قمر: بعد مايروحون بتاخذني نروح نشوفهم مع بعض
ليل: ابشرررييي
طلع ليل وراح للعيال واخذهم للعنايه ونادا الدكتور وسأله عن اماكنهم واشر له الدكتور عليهم
وسحب ليل العيال معه يناظرونهم من ورا القزاز
مجد: اوووه ي يزن بيستانس عليهم لاطلعو
ليل: اي خلنيي اشوفك ماتجيبه
مجد: لا ماعليك اجيبه
بسام: ليل عطني واحد
ليل: اي صح ببسي هم تستعبط
بسام: ياخي صدق حبيتهم
ليل ابتسم : جب لنفسك
ضحكو كلهم من فهمو قصده
بسام: الله يقلع عدوك يع عليك انت لحالك
ليل: احسن عشان ماتناشبني على عيالي
بسام: ياشييينك امشو بس اتركوه
ضحك ليل ومسكه: خلاص ي بزر اهجد
بسام: طيب المهم يلا مشينا
ليل: خير بتروحون صدق
مجد: ايه ورانا شغل ويلا من قدكك بخليك لمن تطلع ام لافي بالسلامه وترجع
ليل: تم
راحو العيال وراح هو اسرع شي ل قمر وحصلها نامت طفا الاضاءه القويه وجلس عندها
-
عند لافي
دخل واول ماشافه معاذ انه جا ركض له
معاذ: يبهه ليش ماصحيتنيي انا اوديك
لافي : لجل ليل لو اروح ودروبي كله شوك
معاذ: وشفيه ليل
لافي : ابشرك قمر ولدت
معاذ: امااا
لافي: اي والله
معاذ: يبه بصيح ما اتخيل ليل ابو احسه بيصفق ولده نفسنا
لافي: بيتغير 180 درجه لاتخاف
معاذ: اجل بروح ابشر العيال
لافي: زين وانا ببشر امه وابوه وخواته وابشر ام قمر وابوها
معاذ: زين
راح معاذ وراح لافي
معاذ دخل على العيال بهجوم وهم توهم صاحيين
معاذ: ياعيااللل
كلهم: وشو
معاذ: ليللل صار ابووو رسمممياً
سلمان: اسألك بالله !
معاذ: اي والله
رائف: ياعيني يا ليل اخيراً
كلهم كانو مصدومين وماهم مستوعبين
-
عند لافي دخل وجمعهم كلهم
لافي: حبيت ابشركم قمر ولدت والحمدلله هي بخير
ام سلمان: هاه شلون بالسابع البنت
لافي: ولدت ولاده مبكره
ام ليل نزلت دموعها: الحمدلله الحمدلله ياربب
جلسو كلهم يتحمدو ل بعض ب سلامة قمر والعيال
ام ليل: طيب شلون بيطلعونهم مع بعض
لافي: لا للاسف العيال بيجلسون بالعنايه شهرين عشانهم مولودين بدري
الجده مزنه: ماعليه الحمدلله على كل حال
ام سلمان : بروح اشوفها
لافي : اصبرو ريحو توهم حطوها بغرفتها ماصحت اذا قامت وتحسن وضعه نروح كلنا
ام سلمان : زين
-
عند ليل وقمر
ليل : ها تقدرين تقومين؟
قمر: مقدر احس كل شبر ب جسمي يوجعن لكن بحاول بشوفهم
ليل : ماعليك تراهم بخير و ب اتم حال بس تحسين انه مايوجعك شي بوديك
قمر: طيب
سكتو وكان ليل يناظرها ويتأملها ويحس بكثر الحب وهو يناظرها
قمر: ليل امانه كلم سلمان يجيب شنطتي الي جهزتها بغرفتي
ليل: انا اروح اجيبها
قمر: لا خلك معي مابي اجلس لحالي
ليل: ابشري
اتصل ليل على سلمان
سلمان: اررررحبب يابو لافييي
ليل ضحك: البقىى ي بعدي
سلمان: مبروك ماجاكم ويتربون بعزكم
ليل: الله يبارك فيك يا قلبي وعقبالك ان شاء الله
سلمان: امين
ليل: اسمع ابيك تجيب شنطة قمر من غرفتها الحين تقدر
سلمان: ابشرو دقايق وانا عندكم
ليل: ماتقصر
سكرو الخط
قمر حست بخوف مو طبيعي وفيها بكيه
ليل انتبه لها : افا افا وشبك تبين انا اروح اروح اجيبهم ولا يهمك
قمر: لاا خلك
فتحت قمر يدينها وحضنها ليل وهو يطبطب على ظهرها
قمر: لييل والله اني خايفه عليهم وخايفه علينا كلنا
ليل: لاتخافين هدي دامني معك لاتفكرين بشي مو زين ماعليك احطكم بعيوني وابديكم على كل شي
قمر : ليل حبيبي تكفى لاتخلي شي يجيك وفكر فينا قبل
ليل ابتسم على كلمة حبيبي : قولي حبيبي مره ثانيه بخليك تجيبين لهم اخوان ثانيين
قمر ضحكت: عشاننن انك سلقه ما اقول لك كلام حلو
ليل: طيب احبك
قمر: وانا اموت فيك
ليل: ها بك حيل اقومك نروح نشوفهم
قمر : بس ب وش تغطيني ومامعي جزمات مريحه( يكرم القارئ)
ليل: يارب سلمان يجي بدريي
قاطعهم طق الباب فز ليل وفتح الباب الا سلمان
حط سلمان الشنطه بحضن ليل ودخل ل قمر وحضنها بقوه
ليل : سلمان ترا بصفقك
سلمان: اسكتتتتتتت بنتييييييي الصغيررررررههه هذيي صارتتت امم ماني مصدق ابد
قمر: سلمانن لا تخليني ابكيي
سلمان: انا والله الي ببكي وببكي من الفرحه
ليل تخصر: سلمان والله لا اصفقك ترا
سلمان: يليللل ذا الغيور خلاص تركناها
ليل: غصب عنك
سلمان: اسكت لا اصفقك ترا مروقق ل اقصى حد يلا بشوفهم
ليل: اصبر شوي تبدل قمر ونطلع
سلمان: زين بطلع انا بكلم واجيكم
ليل: زين
قمر : ليل تعال حط الشنطه بجنبي
حط ليل الشنطه وجلست قمر تطلع جزماتها( يكرم القارئ)
واخذت العبايه الي بتحطها عليها والطرحه
ليل كان لاهي يشوف الجوال ويكتب ومتحمس وهو يكتب
قمر: ليل لهالدرررجهه ماتسمععع
رفع راسه ليل : وش السالفه
قمر: راح صوتي وانا اقولك ساعدنننني اوقف
ليل: ابشري
حط ليل جواله بجيبه و قومها حطت قمر طرحتها على راسها وتغطت شوي الي عن الرجال ولبست عبايتها وباقي اليد الي فيها المغذي
قمر: ليل شلون افكه ناد الممرضه
ليل: ابشري
طلع ليل ونادا الممرضه وجت فكته شوي الي اذا رجعت قمر يمدي ترجع تركبه لها
ليل: نقابك وينه
قمر: مقدر ياليل بتغطا بالطرحه وانت تغطيني انت وسلمان ماعليك
ليل بدت الغيره تشب شوي: بسس هالمره
اخذها ليل وكان ساندها ومغطيها وطلعو ومسكها سلمان بعد ولما قربو ل العنايه الي فيها الاطفال ودخلو حصلو الدكتور فيه
الدكتور : الف سلامه ي قمر
قمر: الله يسلمك
ليل طارت عيونه وكان يخز الدكتور
طلع الدكتور ولف ليل عليها
ليل: الزفتتت شافك
قمر: ليل لا تكبرها
ليل: بس خير قلت لك البسي النقاب والله قهرن
قمر: شاف شي ثاني ماتبي يشوف وجهي ومن اليوم وهو يشوفني وهو مولدني يعني ليل لاتصير غبي ركز شوي
انفجر سلمان ضحك وليل معه
قمر ضحكت: اخلصو ابي اشوف عيالي ماني فاضيه لكم
دخلو واشر ليل عليهم
قمر دمعت : ليل ابي اشيلهم بحضني تكفى
ليل : تحملي تحملي قريب يطلعونهم ويكونون معك لمن يطفشونك اهدي وماعليك
قمر انهارت مره ولفت على ليل بكت بحضنه
ليل: قمر تكفين والله بيطلعون
سلمان: ام دميعه ترا بصفقك
قمر : ياخي ماراح تحسسسونن فيني
قاطعهم اتصال ام سلمان
سلمان: سمي
ام سلمان: وين اختك وش صار عليها
سلمان: جالسه تجعر ( تبكي)
ام سلمان: وشبه
حط سلمان الجوال ب اذن قمر
قمر: سمي
ام سلمان: وشفيك
قمر: ابي عيالي ابيهم يطلعونهم
ام سلمان: ي قمر ي بنتي ماعليه هدي انتي الحين وارتاحي ويطلعونهم ان شاء الله
قمر: ابشري
سكرو الخط ومسك ليل قمر ووداها غرفتها وهي تبكي بحضنه
ضبط فراشها وجلسها ومسح دموعها
ليل : قمري خلاص تكفين
قمر: ليل والله مابي يصير شي لهم يكفي الي كان بيصير لي ولك من ذاك الي مايتسمى واخاف يجي يوم ومانكون عندهم ويصير شي
ليل : ماعليك ربي حافظهم
قمر: مافي خيبه ب ربي لكن ي ليلل مابي عيالي يجيهم شي من الي معادينك وانت ي ليل ماتفكر الا تحمي نفسك والله اخاف عليهم
انصعق ليل من كلامها له وانه مايفكر الا بنفسه وهو مستعد اقوى الاستعداد انه يموت عشانهم سكت وعرف انه ماهي بوعيها عشان تقوله كذا
ليل ابتسم بغصه: زين الي تبينه يصير ارتاحي بس
انسدحت قمر وهي تدمع وتعبانه مره وجت الممرضه وعدلت لها المغذي ونامت قمر وليل جلس يضبط الغرفه واتصلت عليه امه وطلع عند الباب يكلمها وهو ضايق من كلام قمر و يحاول يتجاهل
ليل: هلا وغلا بريحة الجنه
ام ليل: ياهلا بطينة الجنه ياهلا ب ابو لافي ياحي هالصوت ياولدي مبروك ماجاك ويتربون بعزك
ليل : الله يبارك ب ايامك ي جنتي ويخليك لي وان شاء الله ربي يطول لنا بعمرك وتشوفين عيال عيالهم بعد
ام ليل: اجمعين ي ولدي، ليل والله احس قلبي قارصني صوتك غريب فيك شي
ليل: لا ابد بس اني مصدع شوي
ام ليل: طيب اجيب لك شي لا جينا
ليل: انا مابي شي لكن جيبو ل قمر هذي حوستكم شي ينفع لها
ام ليل ضحكت: زين ي ولدي انتبهو ل انفسكم
ليل: ابشري
...........................................................................
يتبع
