البارت الخمسون
.
.
.
.
يوم زواج مزن وبسام
في الصباح قام ليل على صوت مزن وفيها عبره
فز ليل من شاف دمعتها
ليل : افاا وشفيك صاير شي
مزن حضنت ليل بقوه : ليل خايفه وخايفه مره مافي احد بيفهم خوفي ويهديني كثرك
ليل مسح عليها ويهديها
ليل: مزني هل تتوقعين مني اني بعطيك واحد مو زين؟
مزن: لا
ليل: طيب بسام زين والله خويي واعرفه خبل نفسك
مزن: كحلها شوي مو تعميها بسرعه
ضحك ليل: والله ماعليك بتتونسين وقولي ليل ماقال واصلاً كذا ولا كذا بشوفك بكرا وبعده وصدقيني اذا ودك ب شي وخايفه مره من بكرا علميني انا اتصرف
مزن: صدق ليل لاتخليني الا لمين اقولك ان وضعي تمام
ليل : ابشرريي و من عيوني
مزن : طيب يلا ارجع كمل نومتك
ليل: كم الساعه
مزن: اقولك وما تصفقني
ليل: وش
مزن : 5 الفجر
ليل: كذابه
مزن: والله العظيم
ليل: ومانمتييي!
مزن: من التوتر
ليل : يلا قدامي قدامي فراشك بسرعه
مزن: ماعليك صدق بنام الحين
ليل: يلا شوي واجي اذا مو نايمه بتتصفقين
مزن: طيب
راحت مزن وليل قام يتوضى ويصلي خلص صلاة واتصل على قمر بعد م استوعب انها مو جنبه
قمر: هلا
ليل: وينك
قمر: شوي واجي
ليل: طيب وينك
قمر: مشغوله شوي واجي
سكرت الخط قمر واستغرب ليل وطلع وحس انها مكانها المعتاد عند الزرع
نزل ليل ل قمر وحصلها جالسه تناظر الزرع وتبكي
قرب منها ورفعها وحضنها
ليل: وشفيك وش مزعلك فيك شي؟
قمر انهارت وبدا يعلى صوت شهقاتها
ليل: تكفين اهدي وعلميني وشفيكك
مسح ليل دموعها وهداها واخذها غرفتهم
ليل : وشفيك من مزعلك صاير شي؟
قمر: ليل ابي عيالي
ليل: والله يطلعون ياقمري والله اطلعهم وهم بصحه وعافيه بس خليهم يكتملون ي قمري تكفين لاتزودينها علي لك مني وعد اذا بعد عرس العيال كانو بصحه ممتازه اطلعهم
قمر: اكيد؟
ليل: اي والله
قمر: ليل لاتخذلني
ليل: افااا تهقينها مني؟
قمر: ايه لانك بعد ولادتي تغيرت ف صرت اتوقع منك كل شي وعيالي مو جنبي وانت عدواتك كثير وما انام الا وانا قلبي متقطع عليهم ومدري وش بيصير لهم وحنا مو عندهم
سكت ليل وهو يدري انه مو من قلبها هالكلام بس من خوفها على عيالها
ليل: البسي عبايتك انتظرك برا
طلع ليل وقمر لبست عبايتها ولحقته
كان ليل يفكر وحز بخاطره شوي من كلامها وجلس يدخن تنفيس عن ضيقته
راحو للمستشفى وليل ساكت ويشوف عياله وقلبه يوجعه
قمر كانت تناظرهم وتناظر ليل وهي فيها بكيه
ليل: تطمنتي الحين انهم بخير؟
قمر: ايه
ليل: يلا امشي
مشا ليل وكانت ورا ووقف قدام عسكري
ليل: في شي جديد؟ احد جا؟
العسكري: لا طال عمرك الوضع هدوء ومافي احد وماعليك متطمنين عليهم
ليل: ماتقصر وابيكم الليله وبكرا وبعده تنتبهون مره لانه بكون منشغل ومابي احد يستغل الفرصه ويجيهم
العسكري : ابشر طال عمرك وارتاح
ليل: عاش
مشا ليل ووراه قمر وركبو السياره وراحو للبيت و الوضع صمتت بينهم اول ماراحو ل غرفتهم وانسدح ليل بتعب
ليل: عشان تدرين ياقمر ان مافي احد يخاف اكثر مني عليهم ومثل ماهم عيالك هم روحي وحياتي كلها ف لاتخافين انا حريص اكثر منك هم منوتي الي اتمناها من قبل اتزوج ان يكون عندي عيال واحافظ عليهم هم وامهم وربي رزقني فيكم والله اني لا اضحي بحياتي عشانكم وابيع كل شي عشانكم بس ياقمري تذكري بكل مره تزعلين فيها مني انك على بالي حتا لو تغيرت والله ما انساك بس انجبر على شي وما اقدر انفذ كل شي ب وقت واحد وتذكري دايماً اني احبك وانك دايما على بالي ولاتنسينها ابداً
هنا قمر فزت وحضنته بقوه بدون لا تقول شي
مسح ليل على ظهرها
ليل: لاتحسين اني زعلان وشايل بقلبي عليك انا بس بوضح لك واذا ودك تهاوشيني تضربيني سوي الي تبين بس ماتشيلين بقلبك علي
نزلت دموع قمر تعبيراً انه ماعندها رد وسكت ليل وجلس يهديها
-
الساعه 10 البيت كله قايم ويتجهزون وقمر تجهز ملابسها وليل نايم
قمر بصوت عالي بعد ماتعبت وهي تصحي ليل
قمر: ليلللللل قووومممم ياويلككك من جديييي
فز ليل : اما عادددد وينه
قمر: ياويلك تحت ينتظرككك البس وانزل له انا بجهزز ثوبك واغراضك
لف ليل على جوالاته وشاف اتصالات لافي
فز ليل: ابو لافييي ابووه
راح يلبس بسرعه واخذ اغراضه وقبل يطلع نادته قمر
ليل: وشوو سريع لا اموت
قمر: شماغك وينهه
ليل: بالسياره امس حطيته
قمر: زين يلا روح
راح ليل سريع ل لافي وشاف ابوه
ليل بهمس ل ابوه: يبه انا بوجهك
ابو ليل ضحك : يبه شف ليل توه جا
لافي : اذلف لاتشوفك عيني
ضحك ليل: اي زينن يبه الدور جايك
ركض ليل ل لافي وحضنه وجلس بحضنه وباسه
ليل: يازيين لافي العز وشبك معصب
لافي: قلت ابعد عنيي
ليل بهمس: لا تسوي نفسك معصب وانت تبي تضحك
لف لافي على ليل وضحك : طيب قم عني كسرت رجولي
تركي : احد اسباب وجع رجلين جدي من ليل
لافي: اي والله
ليل: حرام عليكم والله اني خفيف
تركي : بالحيللل ماشاءالله يدك لحالها 10 طن
ضحك ليل : اورييييك
لافي : يلا كلكم خلونا نتعاون ونروح نخلص
ليل : ابشر
لافي : ليل روح قوم السلق معاذ والي معه وانا بقوم ابو هاني وابو تميم
ليل : عمي مشاري جا؟؟
لافي : ايه امس بالليل وشوف العيال متجمعين كلهمم عند معاذ عليك فيهم
ليل: ابشرررر
راح ليل للعيال وصفق بالباب
ليل: وجعاااااهه وش ذا الحوسه وش ذا الريحه المخيسه مزبله جالسين فيها ولا شلون
سكر ليل خشمه ومر عليهم كلهم يصفقهم ويقومهم
ليل بصوت عالي: هييييه انت وياه الي مايقوم بحط رجلي ببطنه
معاذ: ورا ماتسكت
ليل: ان ماقمتو بعد ما اعد ل ثلاثه بغرقكم مويه وبصفقكم واحد واحد
بدا ليل العد : واااااحد ثنيييييييين ث لاااا ثثه
فزو كلهم على رجولهم وكلهم مغمضين
ليل ضحك: اخلصو ياويلكم من لافي بسبقكم نجهز الفطور اعجلو
هاني : احترم الضيوف
ليل: مانتم ضيوف انتم اهل البيت وبعدين تعال تو استوعب انكم جيتو
سلم ليل عليهم ولف على العيال كلهم
ليل: هي ربع ساعه مالها ثاني ان ماجيتو بيقوم الكف صدق
طلع ليل وراح ل لافي
لافي : ليل رح ل داخل اعجل بالفطور
ليل: ابشر
راح ليل بسرعه ل المطبخ وطق الباب
ام ليل: عز الله طق ليل تعال مافي احد
ليل ضحك: شقصدكك
ام ليل: شوي وتخلعه الله يهداك
ليل: طيب يمه خلصتو لافي يقول اعجلو
ام ليل: شويات بس ونخلص بس برسلك
ليل: امريني
ام ليل: روح ل مزن
ليل: ابشري بعزك
راح ليل ركض ل مزن وحصلها مقفله غرفتها
جلس ليل يطق بالباب ويطبل فيه
ليل: مزنوه افتحي سرررررييييع بعطيك شي
مزن: ماني فاضيه
ليل: اخلصييييي
فتحت مزن الباب ودخل ليل عندها بسرعه وشافها كومة دموع وبكى
ليل: افففففففااااااااااااا وش تكلمنا اليوم
مزن: متوتره متوتره
ليل حضنها: طبيعي ي مزني وماعليك ولاتنزلين دموعك ولا تخلين عيونك تتنفخ وانتي وراك مكياج و وناسه وضحك واستهبال
مزن: ان شاء الله بس ابي اطلبك
ليل: امريني
مزن: ابي تعطي قمر سيارتك بنروح نتمشى ومنها نروح ل القاعه عشان نخلص هناك
ليل: هممم طلب صعب شوي
مزن: ليه
ليل: تدرين اني اخاف عليها من بعد حادثها وهبوط ماهو ب طبيعي لاشفتها تسوق استودعها الله من الخوف
مزن: من الماضي ي ليل ماعليك والله مابيصير شي ان شاءالله
ليل: طيب بشوف الوضع لافي الحين يهاوش بلحق عليه واقولك الاكيد زين
مزن: زين
راح ليل ل امه واخذ الفطور وطلع وتركي دخل اخذ الباقي وطلع ورا ليل وحطو كل شي وراح ليل بجنب لافي
ليل بهمس ل لافي: لافي العز بروح مشوار تسمح
لافي بهمس : وين
ليل بهمس: بروح انا وقمر وشويات ونرجع
لافي: اعرفها شويات
ليل: لاماعليك
لافي : اكيدد
ليل: ايه
لافي : زين
راح ليل وركب سيارته واتصل على قمر
قمر بقروشه: هلاا
ليل: البسي عبايتك واطلعي لي مع الباب الي ورا سريع
قمر : ليه وش فيه
ليل: مافيه شي بس اطلعي اخلصي
قمر: زين يلا
سكرو الخط ولبست قمر عبايتها ونزلت ل ليل
اول ماركبت لفت عليه بخوف
قمر: ليل فيه شي؟؟
ليل : والله مافيه شي بس ابي نروح بيتنا
قمر: طيب
راحو للبيت ودخل ليل اسرع سريع جاب مفتاح سيارته الثانيه وقمر تناظره وتناظر ركضه وسرعته اخذ المفتاح وحطه بيد قمر
ليل: امسكيه وروحو تمشو ورفهو عن مزن زين وامسكي صرافتي معك وروحو الي ودكم بس اهم شي انتبهو ل نفسكم زين
قمر: جاني صداع اصبر وش القرار السريع هذا
ليل: مزن طلبتني وماودي اردها
قمر: زين تم ماهي مشكله
ليل: وان بغيتيها معك طوال هالايام خليها معك زين
قمر: تمامم
ركبت قمر وشغلت السياره وليل طلع وبعد سيارته وفتح القراج وتطمن على وضع قمر انها طلعت وسكرو البيت ورجعو
دخلت قمر عند البنات وليل راح عند لافي والرجال اول مادخل قدامه ابو هاني
ليل: ياهلاا ومرحبااا بالشيخخ شلونك
ابو هاني : بخير ياوجه الخير انت طمني عنك
ليل: بخير دامك بخير
دخلو العيال وكل واحد عيونه مسكره
ليل ضحك: عاشو عاشو يلا افطرو كتاكيتي
معاذ : ياثقل دمك
لافي: متى نايمين بالله اكثر واحد يقول الصدق هاني هاني قل الصدق
هاني : تبي الصدقق ي عمي والله نمنا 7
ليل: اح
ابو هاني : هاليودعكم يالله تسحبون نفسكم
ليل لف على ابو هاني : وش هاليودعكم
ابو هاني ضحك: معناته عشان كذا
ليل: والله ياعمي يبي لكم قواميس عشان افهم
ابو هاني : نزوجك حايليه وتفهم
ليل ضحك: لا الله يرضا لي عليك لاتهدم بيتي توه كبر
ابو هاني : انت الخسران
تركي : بهالموضوع ازين له الخساره
ابو هاني : اجل نعطيك ياه انت
تركي : لا يرحم لي والديك بيتي توه ما انبناء بعد بكرا يصير
وافي : اي لاينهدم انتبه
ابو هاني ضحك: هذولم بلشت بهم بزوج لافي اجل
ضحك لافي
ليل: معجببببه الوضع والله اعلممم ام سعدددد
لافي : هذا لاتعطونه علم دباب الجماعه
كلهم ضحكو
ليل ضحك: اكيد اي شي يخص ام سعد لازم اعلمه
لافي: اوريك ي السلقه الجربا تعال افطر بس
ليل: بس عليكم بالعافيه بروح احلق
لافي: خلني اشوف حالق لحيتك
ليل : بخففها بس
ابو هاني : خله يحلقها يا رجال
ليل: عززز ياعمي انا بوجهك يلا مع السلامه
سكت لافي وارسل ل ليل بعدها ب شوي: ترا ماني راضي
ارسله له ليل: لافي تكفى بفرح بعرس اختي ابي شكلي حلو ب اللحيه كني رجل ادغال
لافي : مو لازم بس خففها
ليل : ابشر
الي ماكان يدري عنه لافي ان ليل حلق وخلص
جلس ليل ب سيارته يفكر شلون يصارحه بالموضوع
قاطع تفكيره قمر الي طقت الشباك
ليل : بسم الله شعندكم
قمر : بنطلع الحين بس الله يعينك ع جدي
ليل: ليه
قمر: متنرفز مدري وش فيه
ليل: وينه هو الحين
قمر: عند جدتي وامي وخالتي وعمتي
ليل: زين
نزل ليل وراح لهم وهو متلطم
ام ليل : وشفيك
ليل: مافيني شي بروح اتروش
لافي : اصبر تعال ابيك برا
طلع ليل مع لافي وهو منخرش ويدري بيزعل عليه
لافي : سويتها
ليل: والله يا لافي انك ارسلت لي وانا عند البيت بعد ماصارت يا لافي لايصير زعل بيننا وحنا نبي نفرح وماعادني بزر
لافي: لا بالله انك صغير بعيينيي ومهما تسوي ما اشوفك كبير ابداً
ابتسم ليل : طيب الصغير الي قدامك يبيك ماتزعل منه تقدر
لافي ابتسم : اي بالله ما ازعل منه وابيه فرحان كل يومه
حضن ليل لافي وباسه مع خده
ليل: يازيينك لافيي
لافي: يازينك ي ابو لافي
ليل : اووووه ي فخامة الاسم
لافي : يلا اعجل انتظرك جب اغراضك وتعال عشان نروح القاعه نضبط الوضع
ليل : ازهل بس بتروش
لافي : يلا
راح ليل ركض وتروش اسرع سريع وجلس يدور ثوبه واغراضه م حصلهم
ليل : مووو وقتهمم
دق على قمر وماردت دق على مزن ويالله ردت
مزن: وش بك
ليل : السلقه وينها
مزن: اما عاد قمر سلقه
ليل : لا انتي السلقه بسم الله على قمري اخلصي وينها
مزن: هذي هي تسوق
ليل: افتحي سبيكر
تكلم ليل بعد م فتحت مزن السبيكر
ليل: قمرررر ملابسيي وينه لايذبحني لافي
قمر: معي خذيتهم نسيت اعلمك
ليل: شاطررررره ماشاءالله عليك طيب وينكم انتم الحين
قمر: رايحين للقاعه
ليل: زين استعجلو وانتبهو ل نفسكم حنا شويات وجايين
قمر: زين
سكرو الخط ولبس ليل اي ثوب وطلع حتا مانشف شعره
ليل ركب سيارته وركب الاغراض
ليل : خلصتو كلكم؟
الكل: ايه
ليل: يلا اجل مشينا
ركبو الكل سياراتهم وتوجهو للقاعه ليل كان معه كالمعتاد لافي والباقي راحو مع العيال
ليل وقف عند كوفي
ليل : بنزل اخذ قهوه واجيك
لافي : لاتطول
ليل : زين
راح ليل وطلب له وللبنات اخذ لهم عشان يروقون وعشان يغير نفسية مزن واخذ اسبريسو ل لافي يعانده فيه
ركب ليل ولف على لافي
ليل يبي ينرفز لافي : جت احسن قهوه سوداء لعيون لافي
لافي: اقلعها عني مايقند راسي الا القهوه العربيه غيره كلام فاضي
ليل: تكفىى جربها بس شفطه
لافي: مابي ي ليل
ليل: طالبك لاتردني
لافي: الله يعيني عليك
اخذ لافي الكوب من يد ليل وليل ماسك ضحكته
شرب لافي شوي ولف على ليل
لافي: جيده ماهي نفس الي تجيب قبل
ليل: احلففف جازت لك؟
لافي: والله زينه
ليل: ادددعسسس ي لافي خلاص كل يوم باخذك معي تتقهوى
لافي ضحك : تم
ليل : قهر كنت بطقطق ع رياكشنك
لافي : وش ذا
ليل: ردة فعلك
لافي : احسن خربتها عليك
ليل: اجل اشرب ذي
لافي : اقول ابعد فار تجارب انا
ضحك ليل: محشوممم خلاص يلا مشينا بس خذها مني هذااا ان نمت اليوم
لافي : الله لايربح عدوك
ضحك ليل على لافي وجلس يطقطق عليه لمن وصلو القاعه
نزل لافي وراح ل ابو ليل
لافي : سعد فكني من ولدك لا اجلده
ابو ليل مسك الضحكه: ليه وش مسوي
دخل ليل عليهم وهو يضحك ويراعي ل لافي ويزيد ضحك
ابو ليل: وش السالفه ليل
ليل : اخخخ بطنيي
ناظر ليل لافي وضحك مره ثانيه لمن كلهم صارو يضحكون من ضحكه لان ليل اول مره يسوي كذا ويفصل
هاني : مو صاحي ذا ليل وشفيك عمي لافي لف وجهك خل يسكت
ليل تنفس ومسك نفسه : ترا الضحك ذا وراه صيحه بالليل لاني بنجلد
هاني مسك الضحكه عشان ليل مايزيد : ليه
ليل: شربت لافي اسبريسو وجازت له وانا مخليه دبل شوت ولافي بيودع النوم الليله وادري انه بيذبحني وجلست اطقطق عليه بعد م اعجبته انه ماراح ينام وتنرفز وضحكت ع شكله
ضحك ليل مره ثانيه من شاف لافي يضحك وهو لاف وجهه
معاذ : هذا غمضو عيونه لمين يهجد
ليل وهو يضحك : بروح خلاص خلاص
راح ليل ل قمر والبنات وهو يضحك وماخذ قهوتهم اتصل ليل على قمر وهو يضحك ويتذكر شكل لافي
قمر ضحكت من ضحكه: وشفيك
ليل بضحك: اطلعي لي
قمر: طيب
سكرو الخط وطلعت قمر وشافته يضحك
قمر: مصخن انت وشفيك
ليل: اهخ بطني شوفي هو شي سخيف لكن ضحكت لاني ادري لافي بيصيحني اليوم
قمر: افا ليه
جلس ليل يقول لها السالفه
قمر : تستاااهل خل النذاله تنفعك بكرا وراه عرس هو بعد ياويلك من الله
ليل : واحسببب بتفزعين لي ماتستاهلووون قهوه
قمر ضحكت :اما الدعوه فيها قهوه خلاصص بفزع لك بس هاتها
ليل: وين السلقه
قمر: اذا قصدك مزن ماهي يمك جالسه تخلص مكياجها وشعرها وبعدها بتبدا التصوير
ليل: زين واعطيني ثيابي واغراضي
قمر: اصبر قرب راسك
مسكت قمر شعر الا مويه الف
قمر: ليل ي زفت
ليل : وشوو
قمر : ليش مانشفت شعرك
ليل : كنت مستعجل
قمر: امش انشفه لك
ليل: لالا ماعليك الطاقيه تفي بالغرض
قمر: اصبر بس بجيب اغراضك واعلمك وش تسوي
راحت قمر جابت اغراضه ورجعت له
قمر: شوف بالشنطه في منشفه نشف شعرك زينن والبس الطاقيه
ليل: ابشري
قاطعهم صوت هاني لف ليل بسرعه وغطا قمر
ليل: محارمنا يبو
هاني لف بسرعه : اح معليش والله لكن بسرعه تعال ابيك
لف ليل على قمر واشر لها ترجع واخذ اغراضه وراح ل هاني
هاني: توي اتذكر شي
ليل : وش
هاني : حسين و محسن ليه مادعيتهم
ليل: بدري عليك دعيتهم
هاني : بيجون؟
ليل: لا يجهزون لعرسهم
هاني بصدمه: بيتزوجون بعض!!!
ليل مسك راسه وضحك وصفق هاني مع راسه
ليل: ياحمارررر بيعرسون بليله وحده
هاني تنفس براحه: اي اشوا انخرشت
ليل: والله غبييييي
هاني : اسكت بس
-
عند مزن
كانت متوتره الف وشاده اعصابها
لاحظتها الي تمكيجها في
في : ياحلوه هدي اعصابك تنفسي اهدي
مزن: بصيح
في : اهدي اهديي صدقيني عادي توتر طبيعي بس لاتخوفين نفسك زود
مزن: طيب يمدي نوقف شوي
في: اي لمن تهدين
طلعت في ومسكت مزن جوالها ترسل ل ليل
مزن: ليل تكفى تعال
م انتبه ليل ل جواله وكان يطقطق على هاني
لمن اتصلت
رد ليل
ليل: سمي
مزن بعبره: ليل تعال تكفى
طلع ليل بسرعه
ليل: وشفيك وش صار
مزن: بس ابيك عندي
ليل :طيب
سكرو الخط واتصل ليل على قمر
قمر : هلا
ليل: شوفي لي طريق بدخل ل مزن
قمر: صادق
ليل: اي والله
قمر: زين يلا
سكرو الخط ودخلت قمر ليل على مزن وطلعت
ليل : وشفيك يا بابا وشفيك
مزن: احس من التوتر بصيح
ليل : تنفسي تنفسي واهدي وتعالي بوريك
جلسها ليل وهداها واتصل ببسام وهي تناظره ومطيره عيونها لايقول له شي
رد بسام وفتح ليل سبيكر
ليل: هلااا بالمعرسس
بسام: اسكت بطني يوجعني من التوتر
ليل مسك الضحكه: ليهه
بسام: ابوي سوا حركه وانا مدري
ليل: وش سوا
بسام : عززم اعلى واحد علينا كلنا ذاك مدري وشسمه
ليل بصدمه: مرضيي!!!!
بسام : ايييييهههه جانييي مغصصص قسم مدري وش اسوي
ليل : احح بطنييييي تقولها صادق
بسام: اي بالله ابوي يعرفه منزمان وانا مدري قسم توتر الف
ليل: اخاف ارقص وينقد علي
بسام: هذاا البلا وانا كنت مفكر نرقص لا راحو نص الناس
ليل: يابطططننييييييي
بسام : تخيلل عامل المغسله احرققققق ثثثوووووببيييييي ولي ساعه ادور ثوب الله ياخذه قهرنييي
ضحك ليل ومزن ماسكه ضحكتها
ليل: انت مسوي ذنب الله اعلم به وهذا عقاب
بسام: ماسوويت شي اكيد مزن داعيه علي
ليل ضحك: هذي من المحتمل وبقوله الحين بعز انشغاله تدعي عليك زود
بسام: محراث النار اوريك اذ جيت
ليل : يارب يجي مرضي قبلك عشان ماتسوي شي
بسام: لا تكفى اسكت بطني يوجعني لاتجيب اسمه
ليل ناظر مزن وهو يبتسم
ليل: لاشفت مزن يروح الم بطنك
بسام : وحدددد الدعاءءء القا ثوب عشان اشوف مزني
ليل: يارببب تلقى يلا دور وخلص وتعال بطقطق عليكم
بسام: بتتصفق لكن يلا
سكرو الخط
ولف ليل على مزن وضحكو
ليل : ها ارتحتي
مزن: ايه
ليل: تذكرييي ي مزن م اعطيتك رخمه اعطيتك لرجال يقوم الدنيا ويقعدها لا حس ان فيك شي او تعبانه وبكرا بتجينا وبشوفك شلون تضحكين ومرتاحه
مزن: الله يخليك لي
ليل: امين ويخليكم لقلبي كلكم
مزن: امين
قاطعهم دخول قمر
قمر: ليل لاتفلها خل تكمل مكياجها المره تنتظرها
ليل: سمي شوفي لي طريق
قمر: مافي احد وترا جدي يناديك من اليوم ياويلك منه
رفع ليل ثوبه: سلمو ع الاهل
ركض ليل ركض ل برا ل لافي لانه يدري بينجلد
دخلت في وبدت تكمل مزن
في : عسا ارتحتي
مزن : اي الحمدلله
في : الحمدلله
ماهي الا شويات وخلصو الميكب ودخلت قمر
قمر: مزززن وين كعبيي
مزن: مدريي اذكر حطيتيه بشنطتك او لايكون معطيته ليل مع شنطته
قمر: م اتوقععع بس ابي جوالك اكلمه جوالي يشحن
اتصلت قمر ع ليل
قمر : ليلل
ليل: وشو
قمر: شوف الكعب حقي معك ولا بسرعه
ليل: اصبري خليك معي
جلس ليل يفتح الشنطه وحصله معه
ليل: موجود لكن لافي حلف م ادخل الا لمن تصير زفة مزن
قمر: ارسله مع تركيي بسرعه
ليل : طيبب لاتهاوشييين
قمر: بسرعه لاني منشغله
ليل: سمي
سكرو الخط وطلعت قمر
لفت في على مزن
في : هذي الحلوه تبارك الرحمن متزوجه؟
مزن ابتسمت: ايه زوجة اخوي وام بعد
في: ماشاءالله تبارك الله مو مبين ابددداً واخوك هو الي من شوي جا صح
مزن: ايه
في : ياتبارك الرحمن ماشاء الله لايقييين على بعض مره
مزن: ليل وقمر ينضرب ب حبهم الامثال
في: ماشاءالله الله يخليهم ل بعض ولا يفرقهم
مزن: امين
-
عند بسام
كان يروح محل محل يدور ثوب لمن واخيراً حصل واخذه ورجع البيت اسرع شي
ابو بسام: وينك داج من الصبح
بسام وهو يجلس بتعب
بسام: اخخخ ي يبه لاتذكرني
ابو بسام: وش صاير
بسام: عامل المغسله احرق ثوبي و مابقيت مكان الا رحت له ويالله حصلت
ابو بسام مسك الضحكه : يلا اعجل
بسام: ترا اشوفك اضحك عادي قبلك ليل
ضحك ابو بسام : ياخي غبي انت ورا م وديته بكرا
بسام : نسيت ياخي لكن يلا ماعليه حصلت
ابو بسام : زين اعجل
بسام : سم وين امي وحنين
ابوبسام: رايحين يتجهزون
بسام: يلا بتروش وانت اسبقني بخلص بسرعه ونروح
ابو بسام : يلا انا جاهز بس اعجل
——
تسررريعع الاحداث
وصلو الناس وتجمعو الكل في القاعه وبدا العرس
والكل مبسوط والكل يرقص ومبسوط
عند مزن
كانت هاديه ومتوتره وقمر منشغله مع ام ليل بالمعازيم هي وليال وليان
ام ليل : قمر خذي ليان وتأكدو من القهوه و الاغراض و ليال تعالي معي
قمر سكتت لانها ماتتكلم مع ليان زين لكن سكتت وراحو وجلسو يشوفو القهوه والاغراض ويتأكدو ان كل شي موجود وتأكدو وانتبهت قمر ل الاطفال الصغار يلعبون تذكرت عيالها وجلست وارسلت ل ليل
قمر: ليلي اذا خلصنا ابي بكرا الصباح نروح نشوف لافي ونجم
سكرت جوالها وجلست تناظر السماء وتريح شوي
ليان بتردد: قمر عادي اتكلم معك
قمر: وش بغيتي
ليان: ماحصل فرصه نجلس مع بعض ادري شايله بقلبك علي وانتي الحين بتصيرين حماتي بس تكفين ابيك تسامحيني وتحلليني على كل شي سويته لاني بتزوج ومدري وش بيصير لي اذا ماسامحتيني
سكتت قمر وناظرتها: مسامحتك دنيا واخره
ليان: والله مو..
قمر: لاترجعين الماضي خلاص صفحه وانطوت امشي نروح عند خالتي
قامت قمر وراحو يساعدو ام ليل وام بسام ويستقبلو الضيوف
-
عند ام بسام وحنين راحو ل مزن
حنين : عروووستنا الحلووووه
مزن: هلا والله بقلبييي
ام بسام: ماشاءالله يابنتي تهبلييينن ياحظ ولدي فيك
مزن : ي بعد الدنيا خالتي
جلسو يسولفو مع مزن لمن خف التوتر
-
عند الرجال
ليل وبسام ومجد وكامل وهزاع وغالب كلهممم منخرشين من مرضي الي جاي ويناظر بكل هيبه وهم يخافون حتا يمسكون جوالاتهم مسك ليل نفسه واحتدت ملامحه ورحب به بصوت عالي وسلم عليه وسلمو العيال عليه وطلع ليل كنه بيشوف القهوجيين والقهوه وهو لف ورا ومسك قلبه هو ومجد
مجد: بطني يوجععع وش هذا يخوف اقسم بالله
ليل: احس قلبي بيطلع مع حلقي
مجد: سم بالله وامش يلا ماحنا بالتدريب الحين بعرس ماعليك خل نهداء
ليل: يلا
دخلو وهم مبتسمين ويرحبون ويهلون
معاذ مسك ليل : ليل بطني يمغصنييي وش ذا الي سلم علينا قبل شوي
ليل: الي رحبت به
معاذ: ايه
ليل: بعد اعلمك من هو ترا انا منخرش معك اكثر
معاذ: قسم مسك يدي احس عروقي لفت
ليل: اهجد لاتخليني اضحك
معاذ : سم
ليل : وين العيال
معاذ :السلق الجرب طالعين مسوين ينفهون عن نفسهم يدخنون ويسولفون
ليل: يملا اقول روح نادهم لا اتوطاهم بروح اشوف لافي
معاذ: سم
راح معاذ وبدأو الكل مبسوطين ويضحكون وكل الامور ممتازه
لمن جت لحظه دخلة بسام على مزن
مسك ليل بسام
ليل : بسام مزني بعيونك وبروحك ومايجيها شي تراه بنتي مو بس اختي انتبه عليها وانت ان شاءالله مانت بمقصر
بسام: بروحي وقلبي ماعليك
دخل ليل بسام على مزن وسلم على مزن وحضنها وطلع
وهو يحس بشعورر مختلفف
عند مزن وبسام
بسام سلم على راسها ونطق وهو مبتسم
بسام: ياحظي بهالشوفف استودعتك الرحمن
ابتسمت قمر على ابتسامة بسام وتأمله لها
بدأو يصورون مع بعض ومبسوطين واغلب الجلسه ضحك
وانتهى التصوير واخذ بسام مزن واجتمعو عنده رائف وليل ومعاذ
معاذ: بصيح سلقتي بتروحح
بسام: اعقببب انت السلقه
معاذ: وووه جانا ليل الثاني
بسام : حلوه ذي تقول عن زوجتي سلقه بتتصفق ترا
رائف : اقول اهجدو واسمع ي النسيب امانه معك قلبي وروحي وامي الثانيه انتبه لها
بسام: ابشر بعزك ولا توصي حريص
ليل: عارف انا وش بقول صح
بسام : ايه
ليل : حلو اجل استودعناكم الله
بسام : بحفظ الرحمن
راحو بسام ومزن ورجعو العيال واشتغلو مع لافي وابو بسام لمن جا العشاء وتعشو الرجال ومشو والحريم كذلك ومابقي الا ناس قليله
معاذ ناضر ليل: تخاوي؟
ليل: تم
قامو مع طق الطبول وهم يرقصون لان مابقي الا الي يمونون عليهم وتجمعو العيال من شافو ليل وتجمعو معه والكل بدا يرقص ومبسوط وليل تناسى بالعيون الي تناظره والي هو مرضي
وقف الطق وبيطقون مره ثانيه وليل وقف وهو يضحك ويناظر معاذ وهو ومعاذ رابطين شمغهم على كتوفهم ولابسين طاقيتهم وعقولهم مرميه
مسك كتف ليل يد ولف ليل الا مرضي
فز ليل بمكانه : سم طال عمرك
مرضي ابتسم : تعال ابيك
ليل: ابشر
مشا مرضي ومشا ليل وراه والعيال كل واحد ماسك بطنه
وراحو للحوش لف مرضي على ليل
مرضي : بشرني عنك ياليل
ليل: بخير ياوجه الخير
مرضي: الحمدلله اشوفك ماشاءالله مانت الي معنا مشتد
ليل ابتسم: زي ماتقول فرحه فرحه
مرضي : دايمه افراحكم يارب
ليل: اللهم امين آجمعين
مرضي : مبرووك ماجاك يابو لافي
ليل : الله يبارك فيك ويعافيك وعقبال عندك
مرضي : امين ي بعدي واسمع ي ليل
مسك مرضي يد ليل وحط فيها فلوس
سحب ليل يده بسرعه لانه عرف وش يبي يسوي
ليل: لا بالله طال عمرك واصل واصل
مرضي : اقول بلا رسميات وفوقها مب لك لهم
ليل: ياخوي والله واصل
مرضي : ترا بصفقك اهجد
ليل: لا والله تكفى واصل ترا بعلم لافي
مرضي ضحك: لا تكفى امنعنا
ليل ابتسم : اجل اهجد والله واصل
مرضي : عاد والله ان تجيك انا حلفت
ليل : حلف على حلف يبطل يابوي والله واصل
حط مرضي ب الفلوس ب جيب ليل ولف على ليل
مرضي : اهجد خلاص لاتصير بزر
ليل : بهجد بس بشرط
مرضي ضحك: تشرط بعد يلا وش بغيت
ليل: امش معنا ابيك ترقص
مرضي : لا بالله اذلف
ليل: اجل امس..
قاطعه مرضي: خلاص امش
ليل ضححك ب انتصار وسحب مرضي وهو يضحك وراحو وهم يرقصون ومبسوطين
-
عند مزن وبسام بالفندق
بسام : ارررحبيي يادهر قلبي ورجعانه
مزن: البقى
بسام: شوفي هو صح مايصلح اقول ب اول ليله لكن انا فيني فرط حركه بدلي وامشي بنطلع في مكان بطل ابي نطلع انا وانتي مع بعض
مزن: اما عاددد والله تعب
بسام : ماعليك بس امشي
مزن: يلا اصبر ابدل
بدلت مزن اسرع سريع ولبست وراحو
مزن: وين ذا المكان
بسام : هنا قريب زي كوفي ب مطعم بنتكي فيه انا وانتي وفي كذا شخص بحش فيهم
مزن ضحكت: حسبي الله ع بليسك الحين اجمع حسنات بالاخير تبينا نحش
بسام: ماعليك ماعليك نقول كفارة المجلس
مزن: وش تكفر وش تخلي
ضحك بسام: الله يغفر يارب
نزلو مزن وبسام و بالفعل طقوها ميانه ب اسرع وقت وطلبو وحطو روسهم فوق بعض ينتظرون الطلب وجلسو يناظرو الناس ويضحكو ويحشو
مزن: انا وين ابي اسمع كلامك قسممم ذنوب ياكثرهم جوني
بسام: نصلي الوتر بعد شوي وندعي الله يغفر الذنب
مزن ضحكت ع استهباله وجلسو ياكلو ويضحكو وبعدها خلصو ورجعو نامو
—
عند ليل والعيال خلصو من كل شي
اتصل ليل على قمر
ليل: تقدرين تسوقين او دايخه
قمر: لاوالله دايخه ورجولي تعورني
ليل: اجل جيبي المفتاح وتعالي انتي والبنات يلا
قمر: زين
سكرو الخط ولف ليل على هاني واعطاه مفتاح سيارته
هاني : وشو
ليل : خذ سيارتي انا بروح مع المدام
هاني : اخسسسس وحنا سحبت علينا
ليل: لجل عين تكرم مدينه
هاني: اذلف اقول ل لافي شوف له وروح للمدام
ليل: اصبر لي اجيب علمك من غانم بس نرجع
راح ليل ركض وهو يضحك ع هاني وشاف ل لافي
ليل : لافي انا بروح مع القمرا وسيارتي مع هاني
لافي : ليه بتروح
ليل: ماتقدر تسوق ف باخذها هي والبنات
لافي: زين انتبهو لنفسكم
ليل: توصي شي
لافي : استودعتكم الله
راح ليل واخذ قمر والبنات ورجعو البيت
...........................................................................
يتبع
