البارت التاسع عشر
.
.
.
.
اخذ ليل جده وجلسو يتمشو ب شوارع الرياض
الجد لافي: غريبه مانمت ووراك رحله
ليل: تبي الصراحه ياجد تم طردي من البيت وجيتك
الجد لافي: افا ليه
ليل: مامن شي بس صديقتها جتها وسوت لي طرده محترمه
الجد لافي: توك توك باقي ماشفت شي
ليل ضحك: لا تكفى ياجد
الجد لافي: احسن هذا الي يبي العرس
ليل : كنسلت
الجد لافي : فات الاوان
ليل: الشكوى لله المهم ياجد وش ودك اخذ لك قهوه
الجد لافي : مابي القهاوي حقتكم ياولدي
ليل : اجلل اجيب لك شاهي
الجد لافي: اي شاهي ماعليه
ليل: يحضرر لك الحين احسن شاهي
راحو واخذ شاهي لهم كلهم
ليل: ياجد ماودك نروح نشوف البل حقاتنا
الجد لافي: الا بالله مشينا
ليل: يلا
( ليل والجد لافي كان عندهم ابل لهم وماعلمو احد فيهم )
وهم ف الطريق
ليل حب يمزح مع الجد لافي
ليل : ياجد
الجد لافي: سم
ليل بغمزه: ماودك ب زقاره
ضرب الجد لافي ليل مع كتفه
الجد لافي: اعقب وانا ابن سعد الله يبعدنا عنه
ليل ضحك: امززح ياجد اي والله الله يبعدنا عنه
الجد لافي: كذاب شوي وانت مشغلها
ليل: لا ابشرك تركته
الجد لافي: صدقتك
ليل: الا والله ي جد صدق لكن مب تركته مره اذ ماقدرت مره اخذت اما الباقي لا تركت
الجد لافي: زييين ياولدي الله يقويك ويهدي الباقي
ليل: ااااممممممييينننن
وصلو للبل وجلسو يناظرونهم ومستكنين
ليل : ياجد تدري لو جاني ولد وش بسميه
الجد لافي: وش
ليل: لافي
الجد لافي: يابعد عيني يا ليل لكن ابوك اولى
ليل: عاد انا مابي غير لافي وبعدين لاجاني ولد ثاني بسميه سعد وابوووي ماراح يمنع اذكر قبل قلت له قال لي عادي
الجد لافي: الي صاير تمشيها علي كثير الله يهداك
ليل: وانت صاير ماتصدقني والله ماكذب
الجد لافي: خلاص صدقت لاتحن الله يجيبه بالسلامه بس
ليل: اامينن
جاهم عامل البل اسمه وحيد
وحيد: ياعمي لافي ودي اني اروح لأهلي كم شهر وارجع
الجد لافي: ابشر ياولدي متى تبي بس
وحيد: متى مابغيت
الجد لافي : ليل احجز ل وحيد الحين
ليل: ابشر
وحيد: طيب ياعمي من يراعي للبل
الجد لافي : فيه كامل بيجي بكرا او بعده
وحيد: اجل ياعمي خلني لمن يجي كامل بعدين احجزو لي مقدر اخليهم
الجد لافي: ابشر ياولدي ووش قاصرك تبيني اجيبه لك
وحيد: سلامتك ياعمي
ليل: وحيد ترا في واحد يغار يعني خففو الميانه الي بينكم
وحيد: معليش انا وعمي مانختلف انت طرف ثالث
ليل: ياجددد شوفه
الجد لافي: وهو صادق يالغيور
ليل: ابلش اجل ياجد خل وحيد ينفعك انا بمشي اليوم
كلهم : وشوو
ليل: وشو بعد
الجد لافي: مب قلت لي بكرا
ليل: مالقيت حجز الا اليوم وحجزت
وحيد: اسحب عليه ياعمي دامه كذا ماعلمك وبيروح ويتركك
الجد لافي: صدقت
ليل: بروح عند عمي مشاري مار احسن لي
الجد لافي ابتسم: خلاص زعل الزعول وفوقها لاتحتك مشاري خويي انت وش تبي
ليل: ماش ياوحيد ابي اسفرك الحين دامك قلبت جدي علي
ضحكو كلهم
وجلسو وانبسطو بعدها اخذ ليل جده ورجعو
ورجع البيت الساعه 5 العصر وهو تعببان
دخل ومسكته قمر
قمر: وشفيك ليل ماقلت لك تعال توها ماراحت
ليل وهو تعبان : طيب وين اروح
قمر: تكفى ليلي
ليل: بتلقيني ب مجلس الرجال بنام
قمر: تعبب عليككك
ليل: ماعليك عادي بس روحي وانبسطي وانا بنام
قمر: اذ احتجت شي دق علي
ليل : طيب
لف ليل بيروح ومسكته قمر وهي تضحك
قمر: امزح معك ارقى نام راحت صديقتي
ليل اعطاها نظره: احس احس ودي اعطيك مخمس لكن قلبي مايسمح
قمر ضحكت وقالت بتقليد لحركات سلمان: افا ي ذا العلم انا تسوي فيني كذا
ليل ضحك : يع كنك سلمان
قمر: اخووويي هيه
ليل: اخوووك مررره وعع
قمر: وانت اختك مررره وععين
ليل بحركه استعباط: وانتي وعع معها
قمر: اعقب انت وع انا لاتدخلني
ليل مسكها مع تشيرتها ودخلها ودخل
قمر: فكنيي مب بزر انا
ليل: الا والله كنك حركات ليال وهي مراهقه
قمر: هييه خير بديت تغلط علي
ليل: اح ذا طلع غلط امشي لا اعطيك مخمس
قمر فكت نفسها وناضرت فيه: واذا مامشيت
ليل : بتجبريني اسوي كذا شالها وراح لغرفتهم وحطها ع الكنب
قمر: والله صراحه قليل ادب لازم اعلم عمي وجدي
غمز ليل: بيقولون عادي زوجتك
قمر: اح ي راسي اصبر في شخصيات توهم يطلعون
ليل: تووووك ماشفتي شيي ابد
قمر: ياويلك ياقمر
ليل: طيب يا قمر الليل تعالي بوريك شي
قمر: وشو بعد
طلع لها ليل العبايات الي جابهم واعطاها
قمر: اما جبتهم مب قلت انت لا
ليل: غيرت رأيي
قمر: شكراً ليلي بس مابلبسهم لانه قرارك الاول والاخير انت مانت موافق وخلاص
ليل بحده : واذا قلت اني وافقت وابيك تلبسينهم
قمر: افكر بالموضوع
ليل: بلا عباطه ي قمر
قمر: وش ماقلت شي قلت بفكر
ليل: لا ماتفكرين خلاص موافقه
قمر تخصرت: لا بالله احلف ليش تقرر بدالي
ليل: انا وانتي واحد ويلا سجي بخمد
قمر: واذا مارحت
لف ليل عليها ومسكها : ناويه تتصفقين صح
قمر : امززززززززحححح نام نام
فكت نفسها وهجت
دخل ليل ونام وقمر لحقته بعدها ب ثواني ونامت
-
قام ليل الساعه12 الليل ورحلتهم الساعه 2:30
قام وماحصل قمر جنبه راح توضى وصلى ونزل
وهو نازل سمع قمر تكلم مزن
قمر : مزن ياخي انا اخاف منه
مزن: بس لاتردين طلب واسمعي له ومابيخوفك
قمر : طيب كيف اقنع ليل اني مقدر مقدر اني اصير اخذ شي وطاب خاطري منه
مزن : ياوووويلككككك ي قمرر خذيه وانتي ساكته
قمر: ليه طيب
مزن : بيمردغك
قمر: تراكم ادرتو ب راسي تركي يمدح ليل عندي لمن وافقت وانتي تخوفيني منه
مزن: اخوي واعرفه اذ هي انا اخاف منه
نزل ليل وخذا جوال قمر
ليل: طيب انا ما اخوف وماني عصبي للدرجه الي تقولينها لكن عشتي ي اختي دامك تخوفين قمر مني وانا تدرين ماعمري تخانقت مع احد الا الي كان يصحيني يوم كانو عيوني يوجعوني عاد المهم ي اختي العزيزه ابي قمر تتجهز بنمشي
سكر الخط ولا كان بيسمع ردها
ليل تنفس بضيق: وانتي قمر البسي الي انتي تبين دام طاب خاطرك وسوي الي انتي تبينه بس تجهزي مابقي شي ع الرحله انا بركب الشنط
راح ليل وهو مايبي يسمع شي منها يحس مايبي يضايقها او يتضايقون من بعض وهم رايحين ينبسطون
لبس سماعاته وشغل له قرأن وجلس يشيل الاغراض ويركبهم وركب ب السياره وهو ضايق وينتظر قمر
قاطع تفكيره اتصال مزن
كان ليل يفكر يرد ولا قرر يرد ورد وهو ساكت
مزن: ليل ترا فهمت غلط
ليل: طيب
مزن: ي ليل تعرف اني ماحبك تفهمني غلط
ليل: طيب
مزن: ليل ياخي لاتزعل والله اني اجلس اعاندها واطقطق انها تخاف واقول اي اي يخوف
ليل: طيب انا مازعلت
مزن: ي كذاببببب يعني م اعرفك انا
ليل: ماني زعلان ي مزن بس توي صاحي وبالي مشغول
مزن: طيب
سكر الخط ليل
-
عند قمر كانت تلبس وتبدل وتجمع الاغراض الي باقي بتاخذها ب شنطه معها ب يدها واخذت كل العبايات الي جابهم ليل ولبست البُنيه ولبست كمام ونظاره وهي تفكر تترك كلام اي احد وتنتبه على حياتها هي وليل وتركز على حبها ل ليل وحب ليل لها الي كان رافض الفكره ومايحبها لكن عشانها وعشان حبه لها جاب لها
ركبت قمر وناظرها ليل بهدوء وابتسم وقرر انه يبلع الموضوع ولا يفتحه ويكمل حياته ويوكل امره لله ويتعامل نفس قبل واحسن ولا يحسسهم ان بخاطره شي
-
راحو للمطار ونزل ليل الشنط والاغراض واتصل على رائف
رائف: ارررحب ي القاطع
ليل: البقى ي بعدي شلونك
رائف: بخير وانت
ليل: بخير ي المحزم ، بغيت طلب بسيط
رائف : سم
ليل: تقدر تجيني المطار تاخذ سيارتي انا بمشي
رائف : ابد الحين اجيك انا وتركي عشان اخذ سيارتك وهو يلحقني
ليل: زين ي بعدي انا بوقفها بالمواقف ولاجيت دق علي اطلع لك واعطيك المفتاح
رائف : ابشر
ليل: تبشر بالجنه
سكرو الخط وحط ليل سيارته بالمواقف واخذ بيد قمر ودخلو
وقصو البوردنق
ليل : قمري وش ودك ب قهوه اخذ لك
قمر: تبي الصراحه مالي نفس
تخصر ليل: لا بالله باخذ لي وابيك معي يلا
قمر: خلاص اجل جب ع ذوقك
ليل: اكيد مو تقولين مب حلو؟
قمر: اكيدين
راح ليل واخذ القهوه وهو يناظر قمر من بعيد وقلبه يقرصه من الغيره وهو يشوف في ولد يشوف لها
اخذ القهوه واعطاها وجلس معها وماسك يدها ويخز الولد
ماهي الا ثواني وجا الولد قدام ليل
الولد: انت ليل؟
ليل تنفس بهدوء: وش بغيت
الولد : افا ماعرفتني
ليل: لا
الولد: انا واحد من العساكر ب هيئة الضباط
ليل : اهلاً فيك
الولد: طيب عادي تجي شوي ابيك
ليل : طيب
وقف ليل ولحقه
ليل : امر
الولد: اولاً انا زياد و بعدين مدري كيف اقولك احس منحرج منك
ليل: وشو
زياد: ابي اتقدم ل اختك
ليل طارت عيونه: اي وحده
زياد: الي معك
ليل اشتدت نظراته واحتد صوته: هذي زوجتي
زياد انصدم : اعتذر وقسم اعتذر احسبها اختك
ليل: لنا تفاهم ثاني لارجعنا للشغل
قاطعهم اتصال رائف رد ليل
رائف:يلا انا برا
ليل: طيب
سكر الخط وراح ل قمر
ليل: قمر قومي وغطي وجهكك شوي زياده
قمر: بموت اصلاً منكتمه
ليل: ي قمر لا تقهريني ب نفسي بس امشي خلاص وامسكي يدي
راحو ل رائف وليل موقف قمر وراه عشان مايشوفها رائف
ليل بحده : امسك
رائف: وشفيك معصب
ليل: مامن شي روحو بس استودعتكم الله
رائف وتركي : ماحنا رايحين لمن تتكلم
ليل: بعدين ي عيال
تركي: عاد انا ابي اعرف
ليل تنفس بضيق : بس شفت واحد اعرفه من الدوام وقهرني ب نفسي وغثني
رائف : ابن سعد وش مسوي
ليل بحده وعصبيه: خطب قمر مني يقول ابي اختك
تركي : يا ويلي لايكون ذابح الولد
ليل: يحمد ربه ماجيته
تركي : وين اختي لايكون تركتها
ليل : والي وراي من
رفعت قمر يدها
وضحكو رائف وتركي
تركي : حتا مني بتغطيها
ليل: لا من اخوي العزيز
رائف : يليل ذا الغيور خلاص مابشوف بلف خل ذا يشوف اخته
لف رائف وليل طلع قمر من وراه
تركي شهق : من متى ي قمر
ليل: من يوم انا قررت
تركي : ليل تمزح صح
ليل: لا بس وقت السفر برا لاتصيح
تركي : ي ويلك من سلمان و ابوي
ليل: تركي مب هي زوجتي و بذمتي وخلاص خلاص انا اختار الي ابي
تركي: طيب حطها بعيونك وانتبهو لنفسكم
رائف: وانتي قمررر حطي اخوي بعيونك وانتبهي له
ليل ابتسم : ابشرو كلكم يلا وانتبهو لنفسكم استودعتكم الله
راحو العيال ورجعو قمر وليل داخل
وجلسو يناظرو جوالاتهم وليل كان يرسل ل كل الي عنده انهم بيمشون وخلص وجلس يشوف سيارات ويفكر ياخذ وحده صغيره
ليل : قمري اختاري سياره تحسينه حلوه
قمر: صدقق
ليل: اي
قمر: تم
جلست قمر تشوف ولمن وقع اختيارها على مرسيدس
ليل: ذي اكيد
قمر: اي
ليل: جاتك
قمر: ها
ليل: اي لك وانا باخذ ثانيه بعد لي
قمر: لا ليل لا تبذر
ليل: عاد والله ان تجيك حلفت
قمر : ياخي ليل مايحتاج طيب تكلف عمرك و تتعب نفسك
ليل: ماهنا كلافه دامها لك
قمر ودموعها تجمعت بعيونها: طيب احبك
ليل مسح دموعها : اموت عليك
جلسو شوي ولف ليل على قمر
ليل: يلا بعد وش ودك طلبياتك اي شي تبينه وش
قمر: ماودي بشي تسلم يا بعد قلبي
ليل: زين
جلسو يناظرو جوالاتهم وهم متركين ع بعض لمن جا وقت انهم يركبون الطياره
ركبو الطياره وكان ليل ماسكها ومتجه ل الدرجه الاولى ركبو واستراحو وضبطو وضعهم وصار وقت الاقلاع
قمر : ليل بدوخ
لف ليل بخوف : تمزحين
قمر : والله
ليل نزل الحاجز الي بينهم وحضنها و مسكها ب قوه
لمن اقلعت الطياره وفكها
ليل: الحين وضعك تمام؟
قمر: اي
عدل ليل جلسته وجلسو يناظرو جوالاتهم الا في ولد صغير يركض عند ليل ويحضنه
الولد : بابا
ليل مسكه وهو قلبه يتقطع على الاطفال : ياروحي والله
جلس الولد يبوس ب ليل لمن بعدته قمر
قمر وهي مو مستوعبه : ولدك!
ليل: بسم الله لا لاتفهمين غلط معرفه
قمر: بتتصفق لو وهو ولدك
ليل : والله مو ولدي
لف ليل على الولد
ليل: وش اسمك
الولد: عمر
ليل : ماشاءالله يا عمر وين بابا
عمر: انت بابا
ليل: وشو انا بابا ماعرفك
عمر : الا انت بابا
ليل: طيب وش اسم بابا
عمر: اسمه بابا
ليل: لا بالله
فك ليل حزامه ووقف ورفعه
ليل: من ولده ذا
وقف رجال : العذر والسموحه ي اخوي ولدي هذا
جا الرجال بياخذ عمر
عمر: اتركني هذا بابا انت مو بابا
وتعلق برقبة ليل
ابو عمر: تعال ي عمر لاتفشلني
عمر: اتركنيي هذا بابا
ليل بحده: انا مو بابا اتركني بسرعه
عمر وهو يدمع : طيب انا ابيك ابي عندك مابي بابا
ابو عمر: لا امش ي عمر
ليل: مع ابوك بسرعه
عمر بكى بقوه : مابيييي
ليل: اسكت واخليك عندي
سكت عمر
ليل: بشرط انا مو بابا ماتقولي بابا هذا بابا ونوصل واعطيك ابوك زين؟
عمر: طيب
ابو عمر: لا تدلعه وعطني ياه واعذرن على الازعاج
ليل: ماعليه خله معي واعطيك ياه لاوصلنا دامه معند
ابو عمر : ابشر واذا ازعجك علمن
ليل: طيب
راح ابو عمر مقعده وجلس ليل وجلس عمر بحضنه
ليل: ها شفتي يكذب
قمر: خرشني
عمر : الا انا ابيه يصير بابا من انتي بعدي عنه
ليل: ها برجعك عند ابوك هذي زوجتي وحبيبتي
عمر: طيب انا ابيك بابا وهذي تصير ماما
ناظرو ليل وقمر بعض بصدمه
ليل: انت بتصير صديقنا وشرايك وبعدين انا اذا خلصت اشغالي اخذك معنا
عمر: صدقق
ليل: اي
عمر بفرحه: يسسسس
ابتسمو قمر وليل على فرحته
وجلسو يلعبو معاه
لمن جلس عمر يتثاوب
ليل: جاك النوم؟
عمر: اي
ليل: يلا تعال نام بحضني
عمر: لا بنام بحضن ماما الثانيه هذي
ويأشر على قمر
ليل: لا ذي حقتي وش تبي
قمر: هاته مابرد له طلب
ليل: لا انا ارفض
عمر: بس ذي المره
ليل: لا
عمر : بابا الحلو بليز خلني
قمر: ي ابوه الحلو خله يجي
ليل: يلا رح
راح عمر ل قمر وحضنته ونام بحضنها وهي مغطيته ب بطانيتها وتمسح على ظهره وتطبطب عليه
ليل: وراح زمانك ي ليل اي الوعد جاي انتي وياه
غطا وجهه ليل ونام وقمر تضحك على غيرته
نامت قمر وهي حاضنه عمر
-
...........................................................................
يتبع
