البارت السابع والعشرون
.
.
.
.
ابو سلمان: طلق قمر
ليل ابتسم بعدم تصديق : تمزح صح
ابو سلمان: بزر انا امزح معك اتكلم زين طلق قمر
قمر : يبه وش ذا الكلام
ابو سلمان: اسكتي احسن لك
ليل: عمي طلاق ماني مطلق قمر لي
ابو سلمان: ماهي لك لانك رخمه ومانت رجال
اشتدت اعصاب ليل : انا رجال غصب عن الي يسوى والي مايسوى وطلاق ماني مطلق
ابو سلمان وقف ووقف معه ليل
ابو سلمان وهو يمسك ثوب ليل: اقولك تطلقها الحين
ليل: ماني مطلقه وهي لي وهي وينه الحين ببيتنا ووين بترجع بيتها يعني زوجتي وحلالي ولي
ابو سلمان: ماهيي لكك ي بزر واحترم الي اكبر منك واسمع الكلمه وطلقها الحين
ليل : ماني مطلقها
ابو سلمان: اقول طلقها لا اذبحك وانتم خذو اختكم البيت لا اذبحكم معه
اخذو سلمان وتركي قمر وهي تبكي وام سلمان جلست معهم
ام سلمان: ي ليل تراه ماهو ب وعيه
ليل : ادري واصلاً واضح
ابو سلمان وهو يخنق ليل: اقول طلقها
ليل: ماني مطلق
جت الجده مزنه : عمر ووجعه تقص يدينك كلهم اتركه
ابو سلمان: خليه يطلق بنتي وافكه
الجده مزنه : ماهو مطلقها فكهه
ابو سلمان: ماني فاكه وطلقق انت لا اذبحك
ليل: اذبحني لكن ماني مطلق
ابو سلمان ضرب ليل كف : اقولكك طلقها
ليل سكت وكان يناظره لان كل الي بالبيت اجتمعو يشوفون الي يصير
ضل ابو سلمان يضرب ليل و يصر انه يطلقها
ليل: ماني مطلقها زوجتيي وهي ماطلبتت الطلاققق عشان تخليني اطلقهاا
ابو سلمان: لانها طايشه وماتعرف مصلحتها اقولك طلقها الحين
ليل: ماني مطلق
جلس ابو سلمان يضرب ب ليل لمن نطق سلمان
سلمان: ليل خلاص تراه انهبل والله مابيخليك الا لمين تطلقها
ليل : عادي تقوووولها كذا وانا وش بيصير فيني
سلمان: تكفى ي ليل شوف وجهك والله شوي وتموت ماهو صاحييي
ليل: خلني اموت بس م اطلقها
ام ليل: ليل ياولدي تكفى ترجع لك بعدين اذا تعالج بس لاتموت
ليل وهو يفك عمه ويناظر امه : واذا مارجعت
ام ليل: لافي العز يرجعها لك
ليل: بشوفها اخر مره
اخذ سلمان بيد ليل وراح ل قمر الي كانت تبكي فزت من شافته ووجه مورم وابو سلمان ماسكه وسلمان ماسكه بعد
ليل: قمري
قمر: هلا
ليل وهو يحس بغصه كبيررره بقلبه ومو قادر ينطقها
ابو سلمان: اخلص
ليل: انتي طالق
لف ليل وجهه وسحبه سلمان وحضنه
سلمان: يرجعها لافي يرجعها لافي
ليل: ماراح ترجع اعرفه والله اعرفه اتركني ي سلمان اتركني
سلمان: احلف مانت مسوي شي
ليل : ماني مسوي شي اتركني
فكه سلمان وليل انهد حيله سبب ضحكته وسعادته طلقها صارت ماهي حلاله الحين
جلس ليل برا على عتبة الباب وهو منزل راسه ويحس وده يبكي
وقفت عنده سيارة ابوه الي نزل منها لافي وهو خايف
رفع لافي وجه ليل وشافه كله مورم
لافي : وشفيكك
ليل اول ماشاف لافي انهار : خذاهااا مني خذاهااا قمر الليل خذاهااا
لافي : منهووو
ليل: عمي عمرر لافي العز عمي ماهو بعقله اخذ حبوب ماهو مرجعها لافي حيلي انهدد خلاني اطلقها
لافي : ياجعل الي هد حيلك انه ينهد اهدى والله تجيك تجيك بس اهدى قام لافي ودخل وابو ليل جا عند ليل ورفعه وحضن ليل ابوه وهو يبكي
ليل: يبه يبه عمي خذاها رجعها لي تكفى
ابو ليل: يرجعها لافي العز اهدى يانظر عيني اهدى
ليل: يبه مقدر يبه خذاها يبه طالبك
ابو ليل : ابشر
مسك رائف ليل ودخله ل غرفته غرفة رائف
رائف : ليل العز اهدى ي عين اخوك اهدى
ليل: ماني ليل العز ليل العز مات
رائف : ما مات هذا هو ليل العز
ليل: رائف يارب ماتجرب الشعور لانك بتكره نفسك
طلع ليل من غرفة رائف ودخل غرفته وغسل وجهه وطلع
-
عند لافي
دخل وهو يدور عمر جا عمر ابو سلمان
لافي : عمرر مانت صاحييي انتت ليش تخليه يطلقها
عمر: وانا صادق انه رخمه وماهو رجال دامه جايبك فزعه بعد
لافي : عمر اتكلم انا وش السبب وش سوا
عمر: من تزوج بنتي وهي ب اذيه بسببه والحين اكبر اذيه صارت لها ٧٨ غرزه واكثر برجلها وتبيني اخليها معه والله ما اخليها
ماكمل عمر كلامه الا وجاه كف من لافي
لافي : انت ماتنتخي ولا تستحي انا مدري منهو الرخمه ومو رجال غيرك حبوبب اربع وعشرين ساعه وتقول ليل الرخمه وماهو رجال ليل اضبط منك وروح وماني راضي عليك ليوم الدين وربي ماهو مخليها لك دامك فرقت بين ثنين راضين عن بعض الله لايوفقك ي عمر دامك عاصي ربك وعصيته زياده
طلع لافي وابو ليل وانتبهو ل ليل الي كان عند الباب وسمع كل شي
مد ليل ل ابوه كيس علاجات قمر
ليل: علاجاتها واغراضها هذا المفتاح حق بيتي اذا بياخذها بعد والي هنا غرفتي مفتوحه مع السلامه
جا بيمشي ليل ومسكه لافي : مانت رايح مكان تعال عندي
-
عند قمر
قمر: يبهه من متى صار الحب والاهتمام طوووول عمرك كارهنا وحبيتنا ورجعت لنا بسبب ليل لكن من طحت بالحبوب وانت رجعت تبي تكرهنا عيشتنا واحد واحد وترجعني قدامك عشان تتونس بضربك لي اذا العيال ماهم فيه
جا بيضربها ومسكه سلمان وبعده
سلمان: مانت ماد يدك عليهاا تفهم لمن يرجع عقلك براسك تعال عندها ذيك الساعه واستسمح منها
طلع ابو سلمان وجلس وهو ياكل من الحبوب
عند قمر انهارت انهيار مو طبيعي
وعند ليل مسكه لافي غصب عنه ودخله مكتبه وجلس بيتكلم معه
لافي: ليل
ليل بضيق : سم
لافي: بترجع لك
ليل: ماهي راجعه
لافي : بترجع وفكر شوي انت كم طلقتها
ليل: مره وحده
لافي: ترجع لك
ليل: وشلون
لافي: بعد اربع شهور ترجع لانه عدة المرأه المطلقه مره وحده هي اربع شهور وترجع لك
ليل: عمي مايسمح وهذا ان جيتها
لافي: ليل من هو عمك عند كلمة لافي
ليل: ابوها
لافي : هذا تسميه ابو بترجع وبيرجع عمر الي تعرفه
ليل: طيب عادي اروح الحين؟
لافي: ايه وانتبه على نفسك
ليل : ابشر
طلع ليل وراح ل مكانه هو وبسام اذا تضايقو وماهي الا نص ساعه وجاه بسام وجلس جنبه بهدوء
ليل: بسام روحي راحت
بسام: ماراحت دامها بخير معك
ليل: ماهي معي طلقتها
بسام لف بصدمه: وشو
ليل: عمي جبرني ماتشوف كل الالوان بوجهي
بسام حضن ليل بقوه : ترجع لك ترجع لك مردها قمر الليل ماحد ماخذها منك
ليل: بس خذاها مني وانا السبب بسام انا السبب
بسام: مانتت السببب
ليل: الا بسام تكفى احس بموت ابي ارتاح
بسام : امش معي المستشفى
ليل: ماني رايح
بسام: ليلل معك انهيار عصبي وتقول ماني رايح امش اقول
اخذ بسام مفتاح ليل وراحو بسيارة ليل
ليل: سيارتك
بسام: بحريقه اهم شي انت
راحو للمستشفى وبالفعل ليل معه انهيار عصبي حاد ولو تأخرو جته جلطه قويه من الزعل
الدكتور: ليل وشفيك
ليل ناظره بهدوء : مافيني شي
الدكتور: انتبه لنفسك ولا تزعل كثير ولا تكتمم اهم شي كنت معرض للاصابه بجلطه
ليل: ليته
بسام صفق ليل مع كتفه: قسم لا اصفقك أستغفر
ليل: مابي
الدكتور: عالعموم بتاخذ المغذي هذا و المهدئ وتروح ترتاح
ليل: اي زين
طلع الدكتور وليل يسرع بالمغذي عشان يخلص بسرعه
بسام : ليل اهجد
ليل: بسام امانه ليش م طولنا والله احسن لي لو هي جلطه مابتكلم مابي اتكلم ولا ابي اتحرك
ماكمل كلامه ليل من كف بسام الي جاه
بسام وهو ماسكه : ليللل مانت بوعيكككك اهجدددد واستغفر ربك ياجعلها ماتجيك
نزلت دموع ليل وهو يناظر بسام
ليل: سلب روحي سلب روحي وش تبينننيي اسوي خلاص
احس الموت افيد لي ليته انقص لساني ولا قلتها
بسام : ليل اهجد ي ليل تكفى خلاص بترجع لك لافي العز ماهو مخليك بدون القمرا
ليل: طيب واذا مارضى عميي وش تبوني اسوي كلكم تعلقون املي ب لافي العز وبعد اربع شهور طيب خلصت اربع شهور ماصار شي وش اسوييي انتحر اموت ؟ وش اسوييي ممدا بيجي رمضان وقلت برتاح معها وبيصير مايبقى شي ونكمل سنه وبلمحة بصر نتطلق ليه ليه
بسام : كتبة الله لا علها خيررره ي ليل لاعلها خيره بترجع لك اهدى بس
ليل: خلهم يجون يفكونه بروح المركز
بسام : وش بتسوي
ليل: اقسم بمن جل جلاله اني ماني مسوي شي بكلم الفريق كامل ومحمود ومجد بسرعه
بسام : طيب
جو الممرضات وفكو الابر عن ليل وطلع ليل اسرع شي وركب سيارته هو وبسام
ليل: بنزلك عند سيارتك وبروح المركز انت روح ريح
بسام : طيب وبصدقك دامك حلفت بالله
ليل: ماني مسوي شي اهدى بس
بسام : زين
نزل ليل بسام وراح للمركز وراح ل مجد وكامل ومحمود
ليل دخل ووجهه شاحبب: سلام عليكم
الكل : وعليكم السلام
كامل : وشفيكك
ليل: مافيني شي بس بروح الحد متى اقربب فرصه
مجد : اهتم ب اهلك ي ليل ماهو زين لك البعد
ليل: اهلي راحو والحين اتمنى محد يناقشني ب اهلي وابي الحد متى اقرب وقت
مجد : بعد بكرا
ليل: انا معهم
مجد : طيب
محمود : ليل صعبه عليك وانت متصاوب
ليل: بحرريقه
كامل مسك وجه ليل : وش بحريقه عايف نفسك وانت موافق انه يروح ليلل اهجد
مجد : تبيه يذبحني خله يروح
ليل بعناد : اي انا ابي وانا عايف نفسي وانا بحريقه بس اتركوني
كامل : الله يحل مافي قلبك
ليل: امين
طلع ليل وهو خلاصصص يحس كل جزء به مايت وبلا مشاعر حس ان شخصيته تغيرت صار يبي يشد على نفسه عشان لو صار نفس الموقف مره ثانيه يقدر يبعدهم ركب ليل سيارته واخذ باكيت وجلس يدخن لمن وصل بيت الجد لافي ودخل من ورا عند مزن ودخل عند مزن وقفل الباب وانسدح بحضنها
مزن: ليل اذكر ربك
ليل: لا اله الا الله
مزن: لاحول ولاقوة الا بالله
ليل: لا حول ولا قوة الا بالله
مزن : مو وقتي ابداً لكن بقول لك
ليل: وش
مزن: قمر
ليل انقرص قلبه وغمض عيونه وتنفس بضيق: وشفيها
مزن: انفكو ٤ غرز من رجلها
ليل تنفس بضيق وتعدل وناظرها : متى
مزن: يوم طلعت ومن شوي رجع عمي وهو يقول رقدوها وخلو سلمان عندها
جا ليل بيقوم ومسكته مزن: ماتروح
ليل: تبيني اموت صح هي تتعذب وانا جالس
مزن: تعذبها زياده روح ل جدي ياويلك تروح لها
ليل: تكفين مزن
مزن: ليلل ماتحل لك خلاص
ليل : طيب
مزن: مانت رايح صح
ليل: بروح ل جدي اتركيني
مزن: طيب
فكته مزن وراح ل لافي بمكتبه وانسدح على الكنبه وكان يدخن
ليل: لافي
لافي : سم
ليل: قمر الليل بالمستشفى مرقده هذي بدايتها
لافي: تطلع تطلع لاتفكر
ليل: بروح لها
لافي: ياويلك
ليل: طيب خل عمي يتعالج ولا انا ب يديني بمسكه واخذه مركز المكافحه
لافي : بعالجه بس لاتسوي شي ي ليل
ليل : ماني مسوي شي بس خلوني هنا
لافي : من صبحك ماكليت تعال كل
ليل: مابيه ولا تجيبونه لي ولا تجبروني و اتركوني
لافي: الله يهداك
مسك لافي بطانيه وغطا ليل وطفا النور وطلع وليل غرق بدموعه وحزنه ووجعه وكان يقدر يراسلها بس كلمة مزن ب اذنه للحين ماتحل لك خلاص كان كل مابيراسلها او يكلمها تجيه كلمة مزن لمن رمى جواله ونام
-
عند قمر وسلمان
قمر: سلمان بطلع
سلمان : مافيه بكرا قالو ولا بعد
قمر وترجع ظهرها على السرير : اخخ بس لو هو ليل مارفض لي ولا طلب
سلمان: اهجدي لا اصفقك
قمر: وهذا الي فالحين فيه اصفقك اصفقك كيس ملاكمه قدامكم
طلع سلمان وتركها
-
الصباح قام ليل وهو اخلاقه قافله وينتظر بكرا على احر من الجمر عشان يروح
قام وراح للحمام ( يكرم القارئ) الي كان ف وسط المكتب وخلص وتوضى وجلس يصلي ويدعي ربه بكل مافي قلبه خلص وجلس يفكر وسرحان
لمن دخل عليه لافي
لافي : تعال افطر معي
ليل: مابي
لافي : ليل اترك العناد مانت بزر
ليل: ي لافي قلت لك مابي مالي نفس ابدد ابد
لافي: لاحسيت انك فكيت اطلع لي
ليل: طيب
جلس ليل وهو ماسك راسه وطلع دخانه وجلس يدخن رجع للدخان يحس انه ياخذ نص همه ويطلعه
لمن جته رساله من كامل : سراج يبيك
ليل : يبي موته
كامل: يبي يتكلم معك وتعال في كذا شغله
ليل:طيب
راح ليل ل غرفته ولبس بدلته اسرع شي ونزل ل لافي
ليل : لافي
لافي : سم
ليل: ابي مفتاح سيارتك مستعجل سيارتي دم كلها
لافي : خذه شوفه منزل
ليل: تسلم
اخذ ليل المفتاح ونزل مفتاحه وطلع للمركز وهو طالع صادف ابو سلمان ركب بدون لا يناظره وشغل وحرك
وهو رايح اتصل عليه لافي
ليل : سم
لافي : شوف فيه جاكيت ورا البسه ترا موت برد
ليل: ابشر
لافي : استودعتك الله
ليل: امين وياك
سكرو الخط ونزل ليل بشخصيته احد من الي قبل وتخوف اكثر
وقف عند مجد وكامل
ليل: وينه
كامل : بغرفة التحقيق
ليل: بشوفه وجهزو الشغل الي تبون اسويه
طلع ليل وراح ل سراج دخل ليل بهيبته ويناظره بحده
سراج : ليل طالبك لاتخليني مؤبد
ليل: السبب
سراج: عيالي
ليل: مؤبد ومقرب للاعدام بعد
سراج: ليللل عيالي تفهم معنى عيالي
ليل: عيالك لاكبرو مايفتخرون ان ابوهم سراج ولا ب ذره تدري ليش لانك رخمه وزلابه واكثر من قضية قتل وتبي تصير اب
سراج: والله لا اعلمك كل شي عن زيد بس تكفى مو مؤبد
ليل: وش بستفيد دامه مات عالعموم كلامك فاضي ولاعاد تطلبني مره ثانيه لاني بذبحك
طلع ليل وراح ل مجد وكامل وجلس
ليل: وشفيكم هاجدين
مجد : ياخي تخرش
ليل تنفس بهدوء : وش الي تبونني اسويه
كامل: ياخي اخاف اسبب حساسيه بينك وبين عيلتك
ليل: ماهو صاير شي اسرع
مد كامل الملف ل ليل الي اول م قراها انصعق
كامل : تدري ولا
ليل: من هذا
كامل: يعتبر عمك وهو ولد جدك لافي معاذ بس مسكناه متهاوش مع عيال بسبب مشكله كانت بالجامعه قبل سنه والحين محجوز
ليل: متأكد انه ولد لافي
كامل: ايه
ليل: بشوفه جيبوه مكتبي والي جالسه بمكتبي طلعوها
كامل: طيب
مشى كامل بجنب ليل وفتح باب مكتبه وصد ليل بسرعه من شافها فاكه نص عبايتها ورجولها باينه وشعرها طالع
ليل: كاملل
كامل: جيهان تغطي واستري نفسك بعد شوي تجين مكتبي الحين اطلعي
جيهان بدلع : وش سويت استاذ كاملل
كامل صد بقرف
ليل: بتطلعين ولا شلون
جيهان ب انبهار ودلع : انتا ليلللل
ليل بنفس الاسلوب وهو صاد : ايووووا انا ليل وبعدين فيه احترام وحدودد كثيره بيني وبينك والحين يا شاطره اطلعي
جيهان بدلع : اوكي استاذ ليل
طلعت جيهان ودخل ليل ودخل وراه كامل وهو ماسك الضحكه
ليل: توقعها انذاررررررر
كامل: طيبب
ليل : جيبوه لي ذا لا اخنقه مع ذي
كامل : يجيبه مجد الحين
دخل مجد وهو ماسك معاذ وطلع كامل ووراه مجد
معاذ : ياخوي هم الي غلطو على ابوي وامي الله يرحمه وتبيني اسكت والحين انا المتهم
ليل: وش قالو
معاذ : لما كنت بالجامعه قبل سنه كانو يتنمرون وكنت اسحب عليهم والحين يوم تخرجت جاوني وقالو عرفنا عنك كلام انك ولد لافي ال ثامر بالحرام ترضى بالله
ليل: طيب ابوك وينه
معاذ : صار لي شهرين ماشفته
ليل : تبي تشوفه
معاذ : اي والله
ليل: تدري من انا
معاذ : لا
ليل : اقرا اسمي
نزل معاذ راسه ل حقت التعريف حقت ليل
الفريق : ليل بن سعد بن لافي بن سعد ال ثامر
معاذ : ليلللل ولد اخوي سعد
ليل: ايه
معاذ : تكفى تعال بحضنك وفك الكلبشات
ليل: ماحب الاحضان
معاذ : احلف توديني ل ابوي بشوفه تكفى
ليل: بوديك لاتصيح بس اول شي وقع تعهد انك مانت عايدها مره ثانيه
معاذ : ترضى على لافي
ليل: لا والله م ارضى بس وقع هذا القانون
وقع معاذ وفك ليل كلبشاته واخذه معه
ليل: اكلت ولا تنزل تاكل مع لافي
معاذ: ابي لافي
ليل: مزنه تدري عنك
معاذ : مزنه تدري وتبيني اجي واعرف نفسي عليكم بس محد يدري عني لاني انا مابي احس اني دخيل بينكم
ليل : مانت دخيل دامك من صلب لافي ال ثامر
معاذ: بس انا م احب بس اتركني بسلم على ابوي وبمشي
ليل: اي يصير خير
معاذ: ليل ابوي لايدري عن الموضوع
ليل: ابشر
وصلو ونزل ليل وهو ساحب معاذ مع رقبته لانه تايه
دخل ليل : السلام عليكم
رفع لافي راسه وماقدر يرد السلام
راح معاذ ل لافي وحضنه قدام ليل الي كان مبرد ولافي مخروش من بروده
لافي : وش جيبك مع ليل
ليل: عرفته وجبته معي مشتاق لك شهرين قاطع الولد حرام عليك يالافي العز
جلس ليل جنب جده وهو يمسك راسه
معاذ : شلونك يبه
لافي : بخير ي ولدي انت وشلونك ناقصك شي تبي شي
معاذ: كنت ابي شوفتك والحين شفتك وارتحت
لافي: يابعد عيني
ليل: لافي يقول معاذ انه يحس نفسه دخيل بيننا وش ردك عليه
لافي: يعقب يكون دخيل وهو من صلب لافي
معاذ : يبه تدري اني ما احب اصير كذا والله اني احس نفسي غريب
ليل ناظره : مانت غريب انت بين اهلك وناسك
معاذ : اجيكم بس الجلسه بجلس ببيتنا
ليل: لافي اقول الي بقلبك ولا ماودك
لافي : قل
ليل: تعقب وتجيب حوستك من اليوم وتجي هنا قسم لافي فيه اكثر من غرفه كان ناقصك شي لافي ماهو مقصر ولا انا بقصر معك خذ السياره ورح جب عفشك بعد شوي
معاذ بعدم راحه : يبه انت تعرف وش الي بقلبي
لافي : كلمة ليل نفس كلمتي اجلس قدام نظري
معاذ : ي يبه
حس ليل ان لافي لو معاذ اصر انه يروح وهو يبه بيبكي
لف ليل على معاذ : ترا بقوم اصفقك بزر انت يتضايق لافي بصفقك تجي تجلس والحين امش معي تسلم عليهم كلهم
معاذ : يبه ابيك معي
ليل: انا بداله
لافي : ليل العز امش معي ومعه
ليل : لاتتعب نفسك
لافي : ماهنا تعب دامه بيجلس ويشوف اخوانه
ليل : الي تشوفه اجل
دخل ليل ولافي ومعاذ عند الجده مزنه
الجده مزنه: ياهلا والله ب معاذنا
قرب معاذ ل مزنه وحضنها وباس راسها
معاذ : شلونك ي امي اخبارك
مزنه: بخير ياولدي انت شلونك
معاذ : بخير ي عيني
مزنه: عسى طاح الحطب الي براسك وتصير عندنا وقدام عيوني
معاذ : ايه
مزنه: ياربي لك الحمد الحين تجي مو بكرا ولا بعد
ليل: ابشري بعزك يجيك اليوم
مزنه: عاش الليل
ليل: تعيش ايامك مزونتنا
راحو ل بيت ابو ليل ودخل معاذ مع لافي وليل على ابو ليل و ليال ومزن
فز ابو ليل وصار قدام البنات : ليل ماتستحي مدخله عند خواتك
ليل: يبه هذا اخوك
ابو ليل: هاه
لافي: ايه اخوك معاذ بن لافي وسلم عليه انت والبنات
سلم ابو ليل عليه بغرابه والبنات معه
طلعو واخذو معاذ معهم وصادفو تركي
ليل : تركي تعالي
جا تركي وهو منخرش من معاذ
تركي: سم
ليل: سلم على عمك الجديد
تركي : نعم هذا انا اكبر منه
ليل : المهم انه عمك
تركي: جدي وش يتكلم ذا
لافي : ايه عمك هذا ولدي معاذ
تركي بصدمه: امااا
لافي : سلم ولايكثر
سلم تركي عليه مخروش وماهو متقبل صدمه بعز الظهر
ليل: سلمان وينه
تركي : يجي اليوم
ليل : لاجا خله يروح عند جدي
تركي: زين
لفو وكانو ماسكين معاذ كأنه بيهرب وراحو ل المجلس
معاذ : وشفيكم ماني هارب
ليل: للاحتياط والحذر نسوي كذا المهم تعرف تسوق ولا
معاذ : ايه
ليل: تروح تجيب اغراضك ولا اجي معك
معاذ : ب عز الظهر تبيني اروح معليش بجلس عند ابوي بعدين اروح
ليل: عشان تخلص بسرعه وترتاح وتنام وفوقها ترانا براد ماهو حر
معاذ : طيب امش معي
ليل: اسبقني وشغل السياره بروح اغير واجيك
معاذ : طيب
لف ليل ل لافي : لافي العز توصي شي
لافي : الي ببالي
ليل: ابشر به
طلع ليل وراح ل مزن
ليل: مزن تعالي
مزن: وشو
ليل: ادخلي وطلعي لي طقمي الاسود
مزن: ليه ماتدخل
ليل: مابي ادخلها وبسرعه جيبيه انا بغرفتك معاذ ينتظرني
مزن: طيب
راحت مزن وليل راح لغرفة مزن ماهي الا ثواني وجابت له مزن واعطته لبس ليل اسرع شي ورتب بدلته ونزلها عند مزن وطلع اسرع شي ل معاذ وراحو ل محل اثاث
معاذ : وش تبي فيه
ليل: امش اختار لك غرفه
معاذ: ليل مايحتاج ياخي تراجعت
ليل: عمرك جربت كف مني يخلي اذنك تصفر
معاذ : ولا ودي اجربه يلا امش
نزل ليل هو ومعاذ وجلس ليل متكتف وعاقد حواجبه من الضيقه الي بداخله ويحاول يشتغل ويتكلم ويسوي اي شي عشان مايفكر ولا يدعي على نفسه
معاذ: ليل شرايك ب ذي
ليل: انا الي بنام فيها ولا انت انت اختار
معاذ: طيب انا ماشفت الغرفه للحين هي كبيره ولا
ليل: اي كبيره مره
معاذ: زين اجل ابي ذي
ليل: هذا كرت جدي امسك واشتر الي ودك تحطه بالغرفه انا بنتظرك بالسياره
معاذ : طيب
راح ليل للسياره وفتح الباكيت وجلس يدخن وارسل ل مجد
ليل: بكرا كم الساعه اجي
مجد : تصلي الفجر ببيتكم وتجي
ليل: طيب
سكر ليل جواله وركب معاذ معه
معاذ : الحين بيودونها من بيكون هناك
ليل: لافي
معاذ : ليل فيها مكيف ولا
ليل: صح ذكرتني الحين انزلك في محل مكيف ومحل فرشات اذا ودك عاد طب وتخير
معاذ: زين
بعد مده خلصو جمييعع الاشياء وبس باقي ينقل اغراضه
راحو ل بيته وشاف ليل حوسته انصرع
ليل: انا تبيني اشيل كل ذي الاغراض وحوسه زياده ماعندي استعداد والله
معاذ : جب معي اي احد
ليل: تم
اتصل ليل ب بسام و هزاع وغالب يجون وبالفعل جو
ليل: ب امر من الفريق انكم تساعدونه ب شيل حوسته
تخصر بسام : اخدم الوطن ولا اخدم الشعب ماني شايل
ليل: ترا برفسك مع الدرج وانا وش مخليني اسوي نفسه نفسه
قرب ليل وهمس ب اذن بسام : واحترم عم زوجتك ي حمار
بسام: احلف
ليل ببرود تام ولا فيه مشاعر: والله
بسام: تم ثم تم
جلس ليل والعيال جلسو يساعدو معاذ لمن خلصو كل الاغراض وركبوهم ونصهم بسيارة بسام وهزاع وغالب
لمن خلصو من اغلب الاشياء وراحو لبيت الجد لافي الي كان مشرف على العمال وجالس عندهم وليل وبسام وهزاع وغالب ومعاذ جلسو ينزلو الاغراض ويدخلوها قسم الجد لافي لمن خلصو وراح ليل مسك بسام وهزاع وغالب
ليل: مشكورين وماقصرتو
كلهم: ماسوينا شي
ليل: استودعناكم الله
كلهم: وياك
لف ليل وراح ل لافي والعيال راحو بيوتهم
لافي : ليل روح ارتاح
ليل: انت روح ارتاح وخذ معاذ معك تراه ما اكل خله ياكل وانا بجلس عندهم
لافي : زين الله يهداك
ليل: امين
راح لافي ل عند مزنه واخذ معاذ معه وليل جلس والافكار وكل شي براسه يدور يحس وده انه ماعاد عقله يشتغل
لمح سيارة سلمان دخلت لف وجهه ومسك جواله عشان يدري لو شافها محد بيوقفه
كان ابو ليل داخل عند ليل وانتبه ل حركته ولفت راسه مسكه وحضنه
ابو ليل : ترجع ترجع
ليل: ان شاء الله
فك ليل نفسه لانه صار مايطيق احد يحضنه بس يبي حضنها
خلصو العمال وركبو كل شي وراحو وراح ليل نادى مزن وليال ودعاء
ليل: يلا ي شاطرات ساعدو عمكم معاذ ب غرفته وضبطو معه اغراضه
مزن: زين وانت روح نام شوف عيونك
ليل: اتركي عيوني بحريقه وخلصي مع معاذ
راح ليل للصاله الي عند جده وحصله جالس جلس عنده وانسدح على رجوله
ليل: جدي هو الحين صار بيننا رسميات
لافي تنفس بضيق: وش قلت ي ليل
ليل: شفت شعورك هذا نفس شعوري وانتم ماتعلمن شي اولاً عن انك من الضباط القديمين و ثانياً عن معاذ ليه ياجد دامك معودني تقول لي كل شي ليه غيرت رايك
لافي: لاتقول ي جد قل لافي وفوقها ي ليل وشعرفك ب حق الضباط
ليل: دخلت اخذ مفتاح سيارتي وحصلته والحين ليه ماصرت تعلمن
لافي: ماكنت ابي اشغلك فوق ما انك مشغول
ليل: لو اكون اتعذب قدامك تكلم بس ماتخليني كذا كأني غبي
لافي: محشوم وابد ابشر اني لا اعلمك بس لا تقول ي جد
ليل: بعلمك انا عشان ماتقول ماعلمتك
لافي: وشو
ليل : انا بمشي الحد
لافي: وشو
ليل: اي بمشي الحد واتركوني على نفس الي ابي ابي اكون لحالي
لافي : رمضان بعد بكرا ومانت جالس معي
ليل: لاتوجعني ي لافي فوق ماني موجوع وتتيسر ان شاء الله على بداية السنه الجديد برجع
لافي : والاعياد تجي
ليل: احتمال ايه واحتمال كبير لا
لافي: ليل انت الي بتكسر ظهري فيك
ليل: اخسي اكسر ظهرك بس لافي انت تعرفني ي ابلغك ي ما ابلغ احد وامشي انا قلت نبدا بالطيب واعلمك وبس ادعو لي و اي احد يحاول يجيكم علموني بس
لافي: الله يوفقك ويحميك
ليل: امينن
دخل ليل ينام بالمكتب
-
عند معاذ كان يضحك ويلعب مع البنات يحس توه يحس بشعور العيله
-
خلصو على العصر وراحو البنات ورحمه بتعب ومعاذ اخذ ملابس له ودخل يتروش بالحمام( يكرم القارئ) الي موجود بالغرفه
-
عند ليل دخل لافي عليه وحصله نايم وهو جالس ونازله رقبته
جا لافي يعدله الا صحى ليل
ليل: وشفيك
لافي: رقبتك انكسرت عدلها ونام زين
ليل: اذن العصر
لافي: اي
قام ليل وتوضى وصلى وجلس بهدوء يناظر لافي
ليل: لافي باخذ سيارتك وانت خذ سيارتي
لافي: ابدد حلالك
ليل: زين اجل بمشي اخلص كذا غرض وارجع
لافي : زين
طلع ليل ولمح ابو سلمان تركه ومشى
ابو سلمان: تعال ابيك شوي
لف له ليل وحس ان الموضوع عن قمره
راح له ووقف قدامه
ليل: سم
ابو سلمان ويمسك يد ليل ويفتحها وينزل مفتاح سيارة قمر
ابو سلمان بحقد: خذ المفتاح ولاعاد نبي منك شي
ليل: اها اي طيب
لف ليل وترك ابو سلمان وركب السياره وهو يحس لو شافه مره ثانيه يبي يذبحه راح ليل ل اسوء مكان بالنسبه له بدون قمر دخل بيتهم وهو ماله نفس وفي مليون شعور و شعور داخله اخذ شنطته وجلس يحط ملابس له ويحس وده مايشوف شي غير اغراضه خلص كل شي ولما جا عند العطورات شاف عطورها و مكياجها اخذ عطوره وعطرها معه قفل شنطته وركبها السياره وراح يمشي ويدور مايبي يرجع البيت
اتصل عليه رقم غريب رد بدون لا يتكلم
معاذ: ي بزر وينك تعال ابيك ضروري
ليل: وش تبي
معاذ: ابيك ضروري
ليل : طيب
سكرو الخط
عند معاذ ولافي
معاذ : يبه بسألك
لافي: وشو
معاذ : ليل يوم كنت تتكلم لي عنه غيرر عن الحين ليش وشفيه وفوقها اذكرك تقول متزوج كيف الحين مايوريني زوجته الي هي بنت عمر
لافي: صار له شي اسأل الله انه ماعاد يعيده عليه ولا يجي احد منكم
معاذ : وش صار
لافي : عمر ياولدي يتعاطى وانهبل على ليل واجبره يطلق قمر امس بس عشان ليل اعداءه كثير وهجمو عليهم وجرحوها مع رجلها جرح كبير وانت بس ادع له وعمر لاتجيه ولا تقرب له بس عياله عادي
معاذ : حسبي الله ليهه طيب يايبه ما تخليه يتعالج
لافي : يصير الوقت واخليه يتعالج الحين ليل لاتجيب له طاري عشان ماتنذبح
معاذ: زين
ماهي الا نص ساعه وجا ليل
ليل: وشفيكم
معاذ : امش عند بالغرفه احس بس انت الي امون عليه امش ابيك شوي
ليل: طيب
لحق ليل معاذ
ودخل غرفته الي كانت بارده نوعاً ماء وتغيرت جذرياً
ليل: وشو
معاذ : تعال انسدح وبتكلم معك
ليل: يع وشفيك ماخذ وضعية زوجتي
معاذ: بتكلم معك ي بزر
فك ليل شوزه وانسدح بهدوء
ليل: اخلص
جلس معاذ يهمز راس ليل
معاذ : تدري انه كل شي مكتوب ومقدر من رب العالمين صح
ليل: صح
معاذ : وانه لازم نصبر ونتحمل واذا في مشكله وبيدنا نحله نحلها ولا نتراجع
ليل: ايوه
معاذ : والحل مو عيب ولا اي شي عيب صح
ليل: وش تبي توصل له
معاذ: ناخذ اخوي عمر ونخليه يتعالج
ليل بهدوء : طاريه لا تجيبه لي عشان م اذذبحه وتبون انتم عالجوه انا مالي دخل
معاذ : هد هد ماقلت لك سو شي
ليل: معاذ غير الموضوع ماحب هالموضوع بالذات عمي عمر
معاذ : ابشر بس ابي منك طلب
ليل: وشو
معاذ : لا تتعب ابوي من تعبك وهدة حيلك ترا واضح والله واضح من وجهك الشاحب حتا لو بينت القوه وفوقها ماتاكل والله ابوي بيتعب ي ليل اذا انت بتسوي كذا
ليل: انت خلك معه وخلك ذراعه اليمين اذا انا ابعدت ولاتخليه يتضايق ويزعل
معاذ: ابشر بس انت ان شاء الله مانت رايح
ليل: الا بروح الحد وماني راجع الا على السنه الجايه او مدري متى ماراح الغليل الي بداخلي
معاذ : ليل لاتتعب نفسك
ليل: خلني انا اعرف ل نفسي
معاذ : طيب
ليل: خلصت
معاذ: ايه
ليل جا بيقوم مسكه معاذ
ليل: وشو
معاذ: نام هنا
ليل: مابي نوم
معاذ: كذاب شوف هالاتك يلا نام ي ليل
ليل: مابي ي ولد واذا بنام بنام بمكان ثاني
معاذ: ليل لا تستعبط ونام هنا بسرعه وارتاح واذا ابوي عنده شي انا معه انت ارتاح
ليل: معاذ
معاذ: للليلل اسمع الكلام
ليل: بدخن ترا
معاذ : شف الطفايه بجنبك ودخن على راحتك انا بطلع وانت نام
ليل: طيب
طلع معاذ وليل كان يدخن وماسك جواله يشوف صوره ولعبه هو وقمر ومغامراتهم ورقصهم مع بعض وكل شي وكانت عيونه مليانه دموع طفا دخانه وجواله ونام وهو مغطي وجهه لان دموعه نزلت سرعان ماشاف فيديو فيه ضحكتها رص على اسنانه ب الم بقلبه مو طبيعي نام ودموعه نازله وماصحى الا على صوت اذان الفجر قام وتوضى وصلى و رتب كل شي بعد وراح اخذ بدلته من عند مزن وراح ل جده وسلم عليه هو ومعاذ واخذ اغراضه الباقيه بسيارته من سترات ضد الرصاص واسلحته والباقي حطهم بسيارة جده وحط كل اغراضه ومشى تحت عيون قمر الي تناظزه من الشباك وتشوف وهو حاط الدخان بفمه ويدخن ويشيل ويحوس بالاغراض وعاقد حواجبه راح ليل وحست قمر انه راحت روحها بعد دخلت ام سلمان على قمر
ام سلمان: قمر تجين معي نروح عند البنات وخالتك؟
قمر: ايه
اخذت ام سلمان قمر بعربيتها ل بيت ام ليل ودخلو واخذت مزن قمر هي وليال وجلسو ب مجلس لحالهم
قمر: مزن وين راح
مزن: الحد وماهو راجع من غير شر
قمر: احلفي
مزن: مدري عنه بس هذا الي قاله قال ماني راجع الا لمن تطق براسي
نزلت دموع قمر وحضنوها قمر وليال وكلهم يحسون بضيييقه ماهي طبيعيه و لوهله البيت كله اختفت فرحته
-
عند ليل راح ل مجد ببيته
ليل: ليش ماهو بالمركز
مجد : لان انا بروح معك ونروح مع بعض
ليل: لا ماتجي معي خلك الرمضان جاي واجلس مع اهلك
مجد : لاطبقت الي تقوله لي هذيك الساعه اطبق معك ركب مجد اغراضه وركب هو بعد وانطلقو هو وليل للجنوب الي كانت تبعد ١٢ ساعه لانها للحد
كان ليل يسوق وماحس بالنوم ابد من شدة ضيقته مايقدر ينام وكان كل مره يجي مجد يبي يسوق بداله يرفض وعلى ذا الحال لمن وصلو
ومرو اول يومين وليل مستلم مكان القنص والتدريب وكان مايبي يتكلم وبس يبي يطلع الحره ب القنص
...........................................................................
يتبع
اعذروني اذا بكيتو ب ذا البارت انا الكاتبه معكم بكيت وانا الي كاتبتها
