البارت التاسع والخمسون
.
.
.
.
عند ليل جلس عنده لافي بعد الصلاة ولف ليل ع لافي
ليل: لافي بدخل عند قمري ترا
لافي: ي ليل ودي انك حولي
ليل: ماعليك اطمنك اني بخير بس قمر م تقدر تجي عشان العيال وبدخل عنده
لافي: الشكوى لله من يوقف بوجه القمرا والليل
ليل ضحك: ياحبييي لك
جا ليل بيقوم ومسكه لافي
لافي: لايكون بتمشي
ليل: ايه
لافي : اجلس لا اصفقك معاذ بيجيك الحين
نادا لافي معاذ وجا معاذ وسلمان
معاذ: سم يبه
لافي : خذو ليل ودخلوه
معاذ: ابشر
ليل فتح يدينه وضحك: يلا شيلني
معاذ ضحك: اقول اذلفف
ركبو ليل ب العربيه ودخلوه للبيت ونادو قمر
تكلمت مزن وهي ب المجلس
مزن: شتبي ي معاذ قمر مشغوله
معاذ: لحالكم انتم
مزن: لا
معاذ: طلعي قمر
مزن: مشغوله شتبي
معاذ: اجل تعالي انتي بسرعه
لف معاذ ع سلمان
سلمان: ادري بطلع
طلع سلمان
قامت مزن وطلعت لهم وانصعقت يوم شافت ليل بالعربيه ورجليه منتفخه
اشر لها ليل انه تسكت ولا تقول شي
ليل بهمس ل معاذ : دخلني المجلس سريع
دخله المجلس الثاني ودخلت معه مزن ومعاذ راح
مزن : وشفيك وش صار
ليل: اتوقع تدرين دام قمر عندكم واكيد قمر تصيح ادري والله خليه تجي
مزن: لا م تصيح
ليل: ترا م تعرفين تكذبين اخلصي خليه تجي
مزن: طيب
راحت مزن وطلعت قمر من عند البنات ومسحت دموعها
مزن: روحي للمجلس ليل تعبان يبيك
قمر: كذابه وشفيه
مزن: مدري
راحت قمر بسرعه وخايفه عليه
ليل كان منزل راسه ويفكر قاطع تفكيره قمر الي مسكت يدينه
قمر: وشفيك ليل وش الي يوجعك تعبان من وش
ليل: ترا بمشي
قمر : بصفقك ليه ان شاءالله
ليل : جاني تكاك مابي اجلس ب عربيه بمشي
جا ليل بيقوم ومسكته قمر وجلسته ونزلت دمعتها
قمر: ليل تكفى خلاص لاتعاند ولا تتعبني معك ابيك تتحسن بسرعه مو يزود تعبك
ليل: يقهر الشعور صح؟
قمر: اكيد يقهر مابيك تتعب ولا ابي يزيد تعبك
ليل: هذا شعوري يوم ادري انك تصيحين وانا اقولك لاتصيحين لاني والله ماراح اسمع ولا كلمة احد وبمشي والي يصير يصير وتدرين ياقمري انك قوتي ومابيك تصيحين عشان م اضعف
قمر نزلت دموعها وهي تناظره : ليل مقدر ياخي مقدر
ليل مسح دموعها وحضنها: طيب وش يصيحك وانا اقولك اني طيبب وبخيرر وش الي يخليك تصيحين
قمر : ياخي لانك تقهر تضغط ع نفسك مره مره وتتعب مره وماتبي تبين
ليل : طيب اهدي خلاص بقولك ليه سويت كذا انا صح ضغطت على نفسي مره مره ولا جلست وكنت اداري الكل لاني مابي لافي يحتاج شي ولا يتنرفز كنت ابيه مبسوووط مع اخوياه وماتوقعت بيصير كذا
قمر : لو يسمعك زعل عليك
ليل: ها شفتي انا علمتك بس عشان ماتعلمين احد ابد وحتا لافي م علمته مابي احد يدري ماهي زينه احد يذكر جمايله خلاص سويته وراحت
قاطعهم طق الباب الا سلمان دخل سلمان بعد م فتحت قمر له الباب
سلمان : قمر روحي داخل العيال بيجون عند ليل بنتكي
قمر : طيب
راحت قمر واجتمعو العيال عند ليل ومعهم شيخ
ليل ضحك : اما عاد شعندكم
هاني : ليل مانت ب طبيعي ف جبناه يقرا عليك
ليل: والله انكم مب صاحين يلا اقرا علي
جلس الشيخ يقرا على ليل والعيال يناظرونه وليل كان ساكت ويفكر وش يسوي عشان يقنع لافي انه يبي يمشي مايبي يصير طريح فراش وعادي م تأثر لمن سمع الشيخ لمن خلص
الشيخ: تحس ب شي ي ولدي
ليل: لا
الشيخ لف على العيال: مافيه الا العافيه واصلاً واضح انه شاد على رجوله
هاني : بس مو طبيعي انتفاخهم
الشيخ : طبيعي بما انه على كلامكم واقف من الصبح للعشاء اكيد بيكون طبيعي يصير كذا اشوا ماصار ازود
ليل: بتتعب وانت تشرح خلاص ماعليك
الشيخ : استودعناكم الله
طلع الشيخ وجلس ليل يناظر العيال دقايق وماهي الا شويات وفز ليل على العيال ومشى شوي الا على دخلت لافي وشافه واقف يعرج ويمشي للعيال
لافي : ليلل
ليل: بعد انت معهم ي لافي هين اوريكم
سكر معاذ فم ليل وسحبوه للعربيه وجلسوه
لافي : وش معاهم وش صار
معاذ: ماصار شي بس طقطقنا عليه
لافي : تبي اصفقك وقتك هو تطقطق عليه روحو جيبو سرير عشان تضبطون له المكان هنا وباقي الاغراض بعدين
معاذ: ابشر
راح معاذ والعيال ولف لافي على ليل الي يفكر
لافي: ليل وشفيه وش سوو
ليل: ولا شي
لافي : ليل تكلم
ليل: مافي شي
لافي: الا تكلم
ليل: لافي مافي شي خلاص ماعليك
لافي : ليل ترا تجبرني اصفق معاذ عشان يتكلم
ليل: طيب اوعدني
لافي: امرني
ليل: ماتسوي لهم ولاااااا شي ابد ابد لاكلمه ولا ضرب ولا شي
لافي : وعد بس وش سوو
ليل: جابو لي شيخ يقولون انت مانت طبيعي وقرا علي وماتأثرت ولا شييي ولا صار شي حمدلله
لافي : اسالك بالله
ليل: اي بالله
لافي: اوريك فيهم
ليل: لافي تراك وعدتني لاتخليني اصير م اعلمك شي
لافي : طيب ابشر
دخلو العيال وضبطو مكان ل ليل وعدلو كل شي وطلعو ولافي نادا قمر له
راحت قمر وليال ومزن ل ليل
ركضت ليال ل ليل وحضنته وصاحت
ليل : ليال تكفين لاتصيحين والله اني بخير لاتصيحون تحسسوني تقطعت رجولي بطيب ماعليكم
ليال : طيب اكيد انك بخير
ليل: ايه
دخل عليهم لافي
لافي: اسمعو بناتي ضبطو فراش ل ليل واغراضه زين؟
البنات : ابشر
ليل: روح ارتاح نام ماعليك عندي قمر والبنات
لافي : زين
راح لافي وبدو البنات يضبطون ل ليل كل شي وليل جالس يهوجس لمن انتبه انهم خلصو ومسكت قمر يده وجلسته ع السرير
قمر: وش اجيب لك
ليل: لافي الصغير
قمر: يبلشك
ليل: بس هاتيه وليال انتبهي للسلق الثنتين الحوامل لا يكدون نفسهم
ليال: من عيوني
راحو البنات وانسدح ليل يفكر بضيق ويحس افكار كثيره براسه لمن قاطعه اتصال مجد
مجد: هلا بالسلقه
ليل: هلاببك
مجد: م حسيت اني م جيتك
ليل: اي بالله تو استوعب لهيت و م استوعبت
مجد: كنسلت رحلتنا وراي شغل كثير وغريبه ماجييت وينك
ليل: ماقدر امشي
مجد بخوف: ليه وشفيك وش صاير
ليل : ابد بس ضغطت ع نفسي وانتفخن رجولي وصرت مقدر امشي
مجد: افاااا يلا جايك
ليل: حياك الله
سكرو الخط واتصل مجد ع بسام
بسام: ماتعيش بدوني انت
مجد: اقول اص مو وقتك متى اخر مره شفت ليل
بسام: امس
مجد: تدري وش صار فيه ولا
بسام بخوف : وش صار وش فيه
مجد: تعال بيتهم انا سابقك
بسام: يلا
سكرو الخط
عند ليل جابت له قمر لافي وحضنه وجلس يناظر قمر
قمر: تبي اجيب شي
ليل: ضبطي القهوه العيال جايين
قمر: زين
راحت قمر تضبط القهوه وحطتها وهجت من سمعت اصواتهم معهم معاذ دخلهم معاذ عند ليل وطلع
بسام: وش صاير فهموني لاتخوفوني ليل وشفيك
ليل فتح البطانيه وشهقو كلهم من منظر رجوله
بسام: والله تووووقعته من كدد الحمير الي كديته امس
ليل ضحك: حدد موقفك معي او تسبني
بسام: كلهممم
مجد: غبي انت ليه تسوي بنفسك كذا
ليل: رجليني صايرات دلوعات ولا دايم اسوي اكثر من كذا
بسام: طيب وش قالو لك
معاذ دخل عليهم
معاذ: مايمشي على رجوله الا اذا صار بالحمام ( يكرم القارئ) وياكل علاجاته زين
ضحك ليل: يا دباب الجماعه والله لا اقوم اصفقك
معاذ ضحك: جيت بالوقت المناسب الحمدلله عشان اقوله
ليل: شعندك
معاذ: اسمععع بعطيك خبر لان ابوي نام و م قدرت اقول له
ليل: وشفيك
معاذ: بروح الدمام عندي كم شغله وبعده ارجع
ليل: لا لافي بيرفض
معاذ: ي ليل بروح عندي شغل م يتأجل
ليل: من معك ووش شغلك
معاذ: لحالي وشغلي بعدين بتعرفه
ليل: معاذ مابي يزعل علي لافي صدق شغلك سيدا مافي يمين يسار
معاذ: ترا بعطيك مخمس وش ابي ب يمين يسار عندي شغل وبتشوفه بعدين
ليل: طيب كم بتقعد
معاذ: يومين ثلاث كذا
ليل: يومين مالك غيرها وترجع او يوم ونص
معاذ: مع نفسك مدري كم بياخذ شغلي
ليل: لكل حادثةً حديث روح الحين الله يستر عليك وشوف الوضع
معاذ: زين استودعناكم الله
طلع معاذ ومسك خط للدمام
وبسام ومجد جلسو عند ليل يحققون معه شلون صار كذا
ليل: ياعيال ماعليكم بخير بخير ها حتا صحيتو لافي من هواشكم
اخذ مجد لافي : جبه بس احسن منك
جلسو يلعبونه و يضحكون لمن دق عليهم كامل
كامل: مجد ي زفت انت وبسام وليل ورا م تجووون
بسام: ليل اجازه الحين نجيك انا ومجد
كامل: اعجلو
سكرو الخط واعطو لافي ليل وطلعو
دخلت قمر عند ليل من شافتهم طلعو
قمر : ليلي تبي اجيب لك شي
ليل: لا بس شوفي لافي قام اخذيه
قمر: زين بتنام
ليل: ايه
اخذت قمر لافي وطفت الانوار وطلعت وجلس ليل بدوامة تفكير وغثا وكاره نفسه من الغثا ويمثل انه بخير قدامهم وهو يحس من الوجع جمرره ب كبده
حاول ينام لكن م قدر من التفكير وتذكر معاذ واتصل عليه
معاذ : سم
ليل: وصلت ولا باقي
معاذ : م باقي شي واوصل تبي شي
ليل: لا بس طمني اذ وصلت
معاذ : ابشر وانت شلونك الحين
ليل: بخير الحمدلله
معاذ: زين
سكرو الخط وقام ليل واتصل على رائف
رائف : هلا بقلبي
ليل: هلابك وينك
رائف : فوق بغرفتي
ليل: تجيني بالمجلس تحت
رائف : زين يلا جايك
ليل: زين
سكرو الخط وماهي الا شويات ودخل رائف واوجعه قلبه من شاف وجه ليل اسوود من التعب قرب له وهو منخرش
رائف : ليل وشفيك وش صار
ليل: لا تخاف مافيه شي تعب خفيف وبأذن الله بكرا وانا مضبوط
رائف : ليل لاتكذب علي اكذب عليهم كلهم الا انا لاني اعرفك زين
جلس بحنبه رائف ومسكه بهدوء
ليل: عشان شغل امس بس سهالات ماعليك بس ماعندي احد وقلت ابيك توديني للحمام ( يكرم القارئ)
رائف : اكيد؟
ليل: اكيدين
رائف : يلا
-
>>>>
تسريع الاحداث
اعتنو الكل ب ليل وكانو الكل يدارونه ويجلسون عنده ويضحكونه لان وجهه قلب اسود من كثر الهم والتفكير
وبس سرحان
قاطع سرحانه اتصال جواله وكان رقم سكره ولف على الي الكل مجتمعين عنده ويسولفون وانزعج يوم شاف الرقم دق مره ثانيه رد
ليل: هلا
محمد: معي ليل؟
ليل: ايه من
محمد: محمد
ليل: هلا والله شلونك
محمد: بخير الحمدلله شلونك انت طمني عنك
ليل: بخير الحمدلله
محمد: ليل صدق شكراً لك يوم انك نصحتن اودي زوجتي لشيخ صدق طلع به بلا والحمدلله راح
ليل: حمدلله ع سلامتها والله يخليكم ل بعض
محمد: الله يسلمك ويعافيك ، اقدر اشوفك اليوم
ليل: لا والله هالايام م اقدر
محمد : ب الدوام
ليل: ماخذ اجازه
محمد: ابلش لانه فيه موضوع ضروري وسمعت انه حساس بالنسبه لك ولازم اقولك عنه
ليل: تعال بيتي ارسل لك الموقع
محمد: زين
سكر الخط وارسل له الموقع وارسل ل لافي
ليل: لافي ترا في رجال بيجيني ابي نجلس لحالنا زين
لافي: ازهل
ماهي الا شويات وقامو كل الموجودين مع لافي وطلعو للمجلس الي برا وبقى رائف
ليل: رائف شوف في رجال برا قلطه عندي في موضوع بيننا
رائف: ابشر بعزك
راح رائف ودخل محمد عند ليل وسلم محمد على ليل وجلس عنده
ليل: اعذرن ماقدر اقوم اقهويك
محمد: ابدد ماتقوم سلامتك عسا ماشر وشفيك
ليل: تعبت شوي بس ومقدر امشي كم يوم
محمد: ماتشوف شر يابعدي
ليل: مايجيك الشر ، قول وشفيك وش صاير ووش الموضوع
محمد: تخبر علي ذاك
ليل: ايه
محمد: وتذكر حمد وسعود وناصر
ليل: اييه وشفيهم
محمد: كلهم من جماعه وحده صح
ليل: اي
محمد: جماعتهم درو ب حمد وناصر وعلي انهم ماتو بس باقي سعود بياخذونه ويشوفون علمه انه انت وش مسوي فيه وعاد بعده يبدون فيك
ليل: امنتك بالله
محمد : اي بالله
ليل اتصل على سعود
سعود: ارحب
ليل: هلابك سعود وينك ضروري
سعود: ببيتي
ليل: الحيننن تجيني
سعود: ابشر بعزك وينك بس
ليل: عند لافي
سعود: يلا
سكرو الخط وارسل ليل ل رائف يدخل سعود اذ جا
محمد: هذا سعود الي معهم
ليل: ايه
محمد: شلون وهم بيجونك
ليل: الحين نشوف سعود وش بيقول لهم
محمد: مابينكم عداوه
ليل: كان لكن الي فات مات
ماهي الا شويات من المحاورات والنقاش دخل سعود وسلم ع محمد وليل وجلس
ليل : بعدين اقولك وش صار لي محمد قول ل سعود وش بيصير
جلس محمد يقول ل سعود
سعود: اااييييوووواااه عشان كذا اشوف الجماعه داقين ويسألون عني وعن بنتي واغلبهم يبون يتبرعون وتوهم يدرون بتعبها اثاري هذي سوالفهم
ليل بتعب : ياسعود فكني شرررهم مثل م فكيت بنتك من التعب فكني مابي اذلك ببنتك بس من غثاهم
سعود: والله ماعليك ماهو جايك منهم شي ابددد
ليل: اكيد
سعود: م اقدر اعطيك الاكيد لمن اقول لهم
ليل : فكني ي سعود حاول
سعود: ابشر بعزك بس انت وش صاير برجولك وشفيك
جلس ليل يقوله وجلسو كلهم يهاوشونه م يضغط ع نفسه مره ثانيه
ليل: ماعليكم ماهو صاير شي ب اذن الله
محمد: يلا توصي انا بمشي للدوام
ليل: استودعناك الله
سعود: وانا عندي شغل
ليل موفقين خير
طلعو العيال وجت قمر ل ليل
قمر : ليلي تبي اجيب لك شي تبي شي
فتح ليل يدينه وفهمت قمر وحضنته ماهي الا ثواني وحسو بصوت عند الباب ضحكت قمر وجلست قدام ليل
دخل لافي منخرش
لافي بخوف: ليل معاذ وينه
ليل: اقولك وما تلعن شكلي لاني نسيت
لافي: لا بس قول وينه
ليل: راح الدمام عنده شغل ويقول يوم يومين ويرجع
لافي : ليه يروح و ما استأذن مني
ليل: قال لي مابلغت ابوي لكن ببلغك لان ابوي نيم وبمشي عندي شغل وراح ونبهته ع نفسه وممدا له وصل ويقول بحاول اخلص بسرعه وارجع
لافي : الله يهداكم بس الله يهداكم طيب من معه
ليل: لحاله
لافي: بعدددد
ليل: اهدى والله معاذ رجال وبيرجع سالم
لافي: الله يهداكم بس
طلع لافي متضاايق من ليل ومعاذ وليل تنرفز انه مايقدر يقوم يلحقه سكت وتنرفز
قمر: انا بهديه لاتشيل هم
ليل: طيب
طلعت قمر ومسكت لافي
قمر: جدي عادي تجلس شوي اتكلم معك
جلس لافي وهو متنرفز
قمر: جدي تعرف معاذ مستحيل يسوي شي غلط ويقول عندي شغل وماعلم ليل ولا شي وليل محرصه نفس تحريصك عليه
لافي: البلا ان معاذ م يرد
قمر: يكلمه ليل الحين بس تكفى ي جدي لاتزودها على ليل شوف وجهه صار اسودد من الهم والضيقه ويكذب علينا انه بخير
لافي : زين بس خلك جنبه ي بنتي
قمر: ابشر
راح لافي غرفته وقمر جلست عند ليل
قمر : ليل م اكلت بجيب لك اكل عشان تاخذ علاجك
ليل: مالي نفس ي قمر ولا تغصبيني مره مالي نفس بس عطيني العلاج
اعطته قمر وقبل لا ياخذه ناظرته قمر
قمر : ليل طلبتك
ليل: امريني
قمر: كل اول لو لقمتين عشاني
ليل: ابشري
اكل ليل لقمه وعجز يكمل الثانيه من سدة النفس
اخذ علاجاته وجلس يهوجس لمن قربت منه قمر وحضنته وانسدح بحضنها
قمر: ليل ليه مسوي بنفسك كذا
ليل: مامن الا العافيه ماسويت شي
قمر: تحسبني م اعرفك و م الاحظك واضح عليك مره ان فيك شي
ليل : بس من التعب ضايق صدري مره
قمر: طيب وش تحس شي تسويه وتتحسن نفسيتك
ليل: امشي
قمر: طيب من قال انك م بتمشي انت بتمشي وبتصير احسن بس اذا انت ي ليل تعبت نفسك وزعلت بتزيد
ليل: ضايقن صدري مو بيدي
قمر: تبي اسحب لك تركي وسلمان يدعون العيال عندك والعبو وانبسطو واضحك
ليل: هقوتك كذا
قمر: ايه
ليل: تم
قمر: زين يلا بروح ادعي سلمان و تركي وانت اهدى وروق ترا مافي شي يخليك تعكر مزاجك ابد
ليل: ابشري
راحت قمر ل سلمان ومسكته
سلمان بخوف: ليل فيه شي؟
قمر: وجع يوجع العدو خوفتني لا مافيه شي بس بقولك شي
سلمان: ها وشو
قمر: روح ناد تركي والعيال ورائف وتجمعو عند ليل وجيبو السوني والالعاب وغيرو نفسيته
سلمان: ادعس قمر قاريه افكاري
قمر: منزينك انت وافكارك اخلص بروح ل لافي
سلمان: اوريك بس اذلفي ل ولدك
قمر: يلا ينتظركم ترا
سلمان: زين
راحت قمر للبنات وحصلت مزن وحنين ماشيات
قمر: السلق راحو!!!
نجلاء : لانهم سلق وخصوصاً حنين تقول ماعندي لبس وبروح والسلقه مزن تبي تذلف مع بسام
قمر ضحكت: اوريها سيطر عليها
-
عند ليل والعيال تجمعو عنده وجلسو يلعبو وغيرو نفسيته وكلهم مبسوطين انهم غيرو نفسيته وجلس يضحك
-
عند معاذ خلص شغله وراجع وهو متوتر شلون بيفاتح لافي وليل بــ
...........................................................................
يتبع
