البارت الثالث عشر
.
.
.
.
قمر : خير ما اكلت ولا ماعجبكك
ليل : لا والله عجبني بس شبعتت تسلم يدينككك
قمر : يسلمك ربي يلا الحين اصبر عشان بعطيك ادويتك
ليل: تمام
راحت قمر وشالت الحوسه وكل شي وجابت مويه ورجعت ل ليل واعطته علاجاته
قمر: ودك تبدل ملابسك؟
ليل: ايي بروح ابدل وبعده باخذك مكان حلو
قمر : لايكون نطلع؟
ليل: لا مكان بالبيت
قمر : تمام
راح ليل بدل ملابسه واخذ قمر وطلعو على جلسه بالسطح جميله وكان تاريخ اكتمال القمر والدنيا قمرا
راحو للسطح واول ماشافت المكان قمر انبهرت
قمر : واووو
ليل : عجبك؟
قمر: مرره
ليل :يلا امشي
جلسو بالجلسه وبالبراد الحلو والجو الجميل وهدوءء وبأحضان بعض
قاطع الهدوء صوت قمر
قمر : ليلي
ليل: عيون الليل
قمر : تسلمهم ، ليلي الحين بسألك وابيك تجاوبني بصراحه
ليل: امريني
قمر: ليش كنت تعاملني بتجاهل اول ليله
ابتسم ليل وقال : كنت ب ارد الحركه حقتك انتي ومزن
بس تبين الصراحه جن جنوني يوم كلمني بسام وعلمني عن الزفت ذاك وعاملتك بقسوه زياده اعذريني ياحبي
قمر: ماعليه ياقلبي
تذكر ليل يوم انها تبكي باس راسها
ليل : قمري انا اسف كل ما اذكر يوم تبكين والله قلبي يوجعني
قمر: متى
ليل : اول يوم يوم بدلت ملابسي وطلعت شفتك مسحتي دموعك
قمر : اهاا اي انخرشت انك تعاملني كذا ونسيييت انك تتوعدني انا ومزن
ليل بضحك: مزن جاها حقها وانتي جاك والحين ارتحت
قمر : احلفف وش سويت ب مزن ما قالت لي
ليل : كم كف وتصفيق ورفستها وطلعت
قمر شهقت : احلفف انت تسوي كذاا
ليل ضحك: لا امزح شايفتني مهبول بس عضيتها خليتها تتأدب
قمر : ماضني
ليل: لا والله ماسويت شي بس عضيتها وقالت احلف ماتسوي لقمر شي قلت بسوي لكم انتم الاثنين تبينها الحين ولا بعدين؟
قمر نطت وبعدت عنه: لا الحين ولا بعدين ياويلكك
ليل بضحك : امزحح والله ما اسوي شي ارجعي
قمر : والله لا ازعل يا ليل
ليل : ماعليك والله ما اسوي شي وبعدين قربي اجلسي لا يشوفونك الي بالشارع
ختم كلامه بحده
رجعت قمر وهي خايفه مسكها ليل وقربها منه قوه
قمر تحسبه بيسوي شي ودفت يده الي توجعه بقوه بالغلط
ليل بألم: اههههخ قمررر لللللللااااا
قمر : ليلي اسفهه بالغلط والله
ليل : روحي بتطلع قمرر
قمر هنا بدت تدمع ومسكته ورفعت وجهه وملامحه كلها المم
ليل : اههههخ قمريي
هنا قمر ماعرفت وش تسوي وبدت تبكي بصمتت وتناظره لف عليها وانتبه ل بكيها مسك خصرها وقربها له وعرف وش الي بيحس فيه براحه واخذ ب مبسمها بقسوه من شدة الالم الي يحس فيه
انصدمت قمر من فعلته وتشنجت ولا سوت شي بعد ليل وهو يبتسم
ليل بأبتسامه : عقاب بسيط
ضربته قمر بخفه : سخيفف لا تعيدها لا اصفقك صدق
قامت قمر بتروح ومسكها ليل وثبتها
ليل : وشفيها قمري تستحي مني
قمر بجحده: من قال
ليل ابتسم : حركاتك تقول
قمر بتصريف للسالفة: ماودك تنام احس انك تعبان يلا امش
ضحك ليل على حياها منه وقام ولا يبي يحرجها
راحو غرفتهم ونام ليل وهو حاضن قمر بشووق
ماهي الا ساعه وفز ليل من نومه بألم بسبب انه انسدح على كتفه
اسرع وطلع برا الغرفه عشان مايصحي قمر
ونزل للصاله وفك المشد حق يده
وزاد الالم ويحس روحه بتطلع
ماكان وده يصحي احد ب اخر الليل ف قرر يروح ب نفسه راح لفوق واخذ مفتاحه وصحت قمر بسبب حركته
قمر : ليل وشفيك
ليل: نامي ماعليك بروح شوي واجي
قمر : ليل صاير شي
ليل : يدي توجعني وبروح للمستشفى
قمر : ماتروح لحالك بجي معك
ليل : طيب استعجلي انا تحت
ركضت قمر ولبست ونزلت وراه وليل يتألم بشكل مو طبيعي ويالله يسوق
وربي حفظهم ووصلو بالسلامه للمستشفى
دخل ليل للطوارئ واسعفوه واخذه الدكتور
جلس الدكتور يفك الشاش الي حاطينه على كتف ليل
الدكتور : ليللل وش انت مسويه وش الدم هذا
ليل بألم : مدريي يا دكتورر توجعع اسرع اي شي سوه
الدكتور : بتتألم يا ليل زياده لاني بنضف الدم وبحط معقم
ليل: اي شي لو تقصها بس خلصني بموت
بدأ الدكتور يسوي يد ليل وليل ماسك يد قمر وحاط راسه بحضنها
جلس الدكتور ينظف وليل كل مايحس بألم يشد على قمر
خلص الدكتور ولف له ليل
ليل: خلاص؟
الدكتور: لا باقي يا ليل طلع مفتوح ٦ غرز بخيطهم لك وبخدر المكان قبل
ليل : طيب
جلس الدكتور يخدر مكان الجرح ولما تخدر المكان بدأ
وجلس يخيط وليل روووحه بتطلع لكن ماسك نفسه ومايبين شي عشان قمره ماتخاف بس الشي الوحيد الي كان يسوي انه يقربها له زياده ويشد عليها
خلص الدكتور وسكر المكان وحط لصق وشاش
الدكتور: الحين يا ليل بعطيك مسكن وتاكله الحين لمن يهدأ الالم وتقدر تروح ولااا تجهد نفسك يا ليل حتا رفع يدك لاترفع ولاتسوقق ابد واذا بتروح مع احد يسوق فيك خلي بطانيه على المرتبه ولفها مرتين وحطها عند كتفك
ليل : طيب عطني مسكن اقوى شي
الدكتور: الحين يجيك
طلع الدكتور يجيب المسكن وليل لف على قمره الي كل عيونها دموع
ليل : افا قمري وش فيك
قمر: ليش ماعلمتني انه يوجعك اكيد بسببي لاني دفيتك
ليل : لا والله مو انتي صحيت حصلتني نايم عليه يمكن عشان كذا
قمر : بكلم تركي يجي
ليل : لالا اكيد نايمين كلهم انا بسوق ماعليك
قمر: لا ماتسوق ماتسمع الدكتور وش قال
ليل : طيب من يسوق بالله عليك
قمر: انا
ليل: ادعس تعرفين
قمر : اي شعرفك
ليل: خلاص تم بس اخاف نموت
قمر: اي رح لحالك انا بسوق بنفسي
ليل ضحك: امزح امزح
جا الدكتور واكل ليل المسكن واعطاه الدكتور نفس المسكن كرتون عشان ياكله
الدكتور : اسمع يا ليل لاتاكله كل ماحسيت ب الم ترا مفعوله قوي مره حبه وحده زين
ليل : ان شاء الله
الدكتور : مشدك وينه؟
ليل : فكيته
الدكتور : لا بالله ليه تفكه
ليل: يغث
الدكتور: يغث بس ينفع يدك لاتفكههه يا ليل
ليل : ان شاء الله
طلع ليل وضبطت له قمر مكانه ولبسته مشده
وركبت هي وضبطت مكانها وشغلت السياره
قمر : اسمع ليل نبي نتفق من الحين
ليل : على وش
قمر : نروح البيت ناخذ اغراضنا ونروح عند جدي
ليل: لالا بيتنا وش مقصر فيه
قمر : لا بالله عشان تخرشني نفس ذي الخرشه لو كنا هناك لو توجعت او صار شي في العيال ياخذونك
ليل : مدري ياقمري احس ماش
قمر : اسمع مني بس لمن تتعافى يدك وبعدها نروح حتا جدي اصلاً واضح انه مايبيك تروح يبيك عنده
ليل: هذا شورك
قمر: اي
ليل : خلاص اجل شورك وهداية الله
بدت قمر تسوق وكانت سواقتها فنانه وليل ارتاح بعد المسكن وروق
وصلو بيتهم واخذو اغراضهم وراحو لبيت الجد لافي
ليل : يلا امشي مع الباب الخلفي ارقي ثاني غرفه انا باخذ الاغراض واجيك
قمر: خير ناسي يدك انت انا باخذ الاغراض
ليل: لا بالله بالطقاق يدي بس انتي اهم امشي ماعليك يدي المتعافيه ماعليك بشيل فيها
قمر : اي يصير خير
شالت قمر غرضين وسبقته وهو شال الشنطه وراح وراها
راحو غرفة ليل وبدت قمر ترتب الملابس وتضبطهم بالدولاب
قمر: ليلي بعطيك الحين بدله جديده عشان بدلتك دم
ليل : زين يلا
اعطته قمر وتذكرت كلام الدكتور انه لا يرفع يده
قمر : لاترفع يدك
ليل : كيف ما ارفعها مقدر
قمر تنفست بتوتر : بسوي لك وسو نفس اليوم بصفقك
ليل وهو ماسك ضحكته : اي ماعليك
فكت قمر تيشيرته من الجهه اليسار بشويش وقربت من الجهه المصابه وجاها مغص من التوتر انها توجعه
فكت التيشيرت ولبسته الثاني بهدوء
قمر : يلا انا بروح اكمل ترتيب اذا تبي شي قول لي
ماحب ليل يحرجها زياده فوق انها منحرجه
لبس ليل وقمر خلصت ترتيب الدولاب جلس ليل قريب من عند الشباك وفتحه وطلع الباكيت ويبي يدخن
قمر : ليل عادي اطلب طلب
ليل : عيوني لك
قمر: عادي ماتدخن
ليل: اوفف كم يوم ذولي احس بموت بس ذي المره
قمر : اجل ماني نايمه عندك ولا بدخل الغرفه بتاتاً
ليل : لا بالله ليه ان شاء الله
قمر : ما احبه ولا احب ريحته وتحوم كبدي منه
ليل : تعودي ياقمري انا مقدر اتركه
قمر: طيب اتركه عشاني مب انت تحبني وتبيني اتركه عشاني
ليل : يا قمري لاتربطين حبي لك ب ذا
قمر: عاد قلت لك
ليل كان متنرفز من الالم وتنرفز زياده لمن اصرت قمر عليه وهو مايقدر وانها ربطت عشقه مو بس حبه لها ب الدخان وهو مايقدرر ابد
سكت ليل وبانت عليه ملامح العصبيه والحده وطلع من الغرفه كلها
نزل ليل لتحت وطلع للحوش الخلفي وجلس يدخن لانه يحسه الشي الوحيد الي يقدر يطلع عصبيته فيه
طول ليل وهو جالس برا واذن الفجر وتعوذ من ابليس وراح دخل يتوضى ولما خلص صادف ابوه
ابو ليل : بسم الله الرحمن الرحيم متى جيت
ليل : من شوي
ابو ليل: عسا ماشر وش صار
ليل : ابد يابوي طلع مكان الجرح مفتوح ٦ غرز و الالم مو طبيعي وكله دم ورحنا المستشفى وخيطوه واعطوني مسكنات ورجعنا البيت اخذنا كم غرض من اغراضنا وجينا هنا عشان اذا صار شي ما اضطر اسوق وهو ممنووع علي السواقه يكون بوه العيال
ابو ليل : بسم الله عليك ياولدي انتبهه لنفسكك ياولدي حرام عليك نفسك اهم شي اهتم فيها واترك العناد
ليل : ابشر يا الغالي ابشر
ابو ليل : يلا امش نصلي مع جدك
راحو وجلسو يصلو مع الجد لافي والعيال كلهم
خلصو صلاة ورجع ليل للغرفه وماحصل قمر وماوده يروح يدورها لانه يحسس بعصبيه داخله مايبي يفضيها فيها
عند قمر طلعت وراحت ل مزن
مزن: ارحبييي
قمر: البقى
مزن: متى جيتو
قمر: من شوي
مزن: وش فيه خاطرك ماش في شي صاير؟
قمر: احس ليل زعل مني
مزن: افا وش مسويه
جلست قمر تقول لها السالفه وانهتها : وطلع وهو ساكت واحس انه زعل علي وتضايق مني
مزن: همممم تبين جوابي ؟
قمر: اي
مزن: زعل عليك و يعني تحملي تجاهله شوي وعصبيته ترا اكثر من مره سويتها فيه وكان يتجاهلني ولا يرد علي ولا يتكلم معي واذا تكلم يتكلم بالتقسيط ف اصبري شوي
قمر: احلفي يا مزن
مزن: والله العظيم
قمر: طيب وش اسوي
مزن: بس اذا كلمك كلميه واذا هو ساكت ومايسولف اتركيه شوي واذا مره عطبها اتوقع انه يحاول ف عشان عصبيته كذا
قمر: يوووه مزنن تراها مشكله تدرين لانه تعبان ومامدا جايين من المستشفى وانا اعدل له كل شي ويعني الزعل بيهدم كل شي وبيصير مايبي اني اساعده
مزن: همممم شوفي هو بيصير يسوي كل شي لحاله لانه تعود ف اتركيه شوي واذا ماقدرتي سوي له وانتي سااكته
قمر: اهخخ يا ليلي ماتوقعت انه لهالدرجة شخصيته صعبه
مزن : الله يعينك ياقمر الليل وماعليك نفسية الوجع والالم تأثر بعد ماهي مشكله عادي عادي
قمر : ابد مو عادي
...........................................................................
يتبع
