البارت الثاني والعشرون
.
.
.
.
عند ليل خلص تحقيقات قريب على العشاء لانه كان مررره كثار خلص وراح عند سيارته واتصل على العيال يتجمعون وانتبه ل رسايل قمر الي كانت مرسله له كل شي سوته ابتسم وقلبه كللله حبب يحس انه محتاجها الحين تهون تعبه
جو العيال وجلسو يلبسو ستراتهم ويجهزون انفسهم كلهم بمكتب ليل خلصو كلهم
ليل: يلا مشينا متأكدين معكم كل شي
الكل: ايه
اخذو اسلحتهم وطلعو للسياره المجهزه وركبو هزاع كان اصغرهم ومخروش بما انها اول مداهمه وكان مخروش من ليل يحس بيصفقه ب اي لحظه وخايف من المداهمه والغلط انتبه له ليل بحكم انه جنبه
مسك يده ليل وناظره وهو مبتسم ابتسامه خفيفه تكلم بهدوء
ليل: اهدى ماهو صاير شي لاتتوتر
انمحى كل التوتر من شاف ابتسامة ليل الي كان صارم
ويخوف
هدى هزاع ولمن وصلو مكان المداهمه لبسو اقنعه وسماعات يسمعون بعض فيها ونزلو ل مداهمة بيت ملغم بالممنوعات والمهربين والمروجين والبياعين
ليل: توزعو انا بروح سطح البيت الي جنبهم
راح ليل للبيت الي جنبهم وتسلق الجدار وصار فوق السطح ب ثبات وكان افضل قناص بينهم وكان ذكي بزياده مو سهل انه ينغدر او يفشل
ليل : الوضع واضح هوشه بحدد مكان الممنوعات بعدين اطلبو دعم العدد ماتقدرون عليه مره
كان ليل يراقب لمن انتبه ل واحد فتح مكان قريب من ورا البيت وكان كأنه قبو
سكت ثواني ولا زال مراقب لمن شاف طالع وبيديه كيس فيه ممنوعات كثيره نوعاً ما
ليل: الان اطلبو الدعم الهدف واضح وبلغوهم بدون اصوات ولا حس سيارات لانه المنطقه مُراقبه ومافي سيارات واجد تمر هنا
بسام : ليل بيطلعون اصواتهم واضحه
ليل : اهدى يتهاوشون
سكت الكل لمن سمع طلقة النار
كانت جايه من نايحة الرئيس نعيم ال صقر شيخهم اطلق النار على شيخ ال مناع
ليل : وجود طلق نار لاحد يتحرك الوضع بدا يشتد
انتبه ليل ل وصول الدعم
ليل : استعدو
الفريق كامل : ليل تعال
ليل: سم طال عمرك
نزل ليل وراح ل الفريق كامل
ليل : بس من بيكون فوق
الفريق كامل اشر على ثنين يروحون ل نفس مكان ليل
الفريق كامل : نداهم؟
ليل: يلا
كان المكان كله محاصر
دخلو وكانو محاصرين المكان فعلاً
ليل : اسلحتكم كلها تنزل حركه وحده الكل بيتصاوب
نعيم ال صقر : اوه حياك الله بمذبحك ي ولد لافي
ليل بحده: الاسلحه بالارض حركه يموت الكل
عامر ال مانع: ولد لافي اي زين حياك الله
دخلو العساكر كلهم وكتفوهم كلهم واخذو الاسلحه بعيد
دخل ليل والفريق كامل للقبو الي تحت وحصلو فعلاً الممنوعات مليانه
طلع بعد م تأكدو
الفريق كامل : خذوهم كلهم ولا واحد يجلس هنا الباقيين من العساكر ادخلو فتشو كل زاويه وكل مكان بسرعه
دخلو وجلسو يفتشو لمن لمح ليل الي البيت الثاني كان واضح في شي
خلصو تفتيش ومسك ليل الفريق كامل
ليل : البيت الثاني ماني متطمن له المتضح في شي متخبى هناك امش نداهم
الفريق كامل: يلا
ليل : الهدف البيت الثاني قناصين ثانيين فوق البيت ذا الباقي تعالو
حاصرو البيت وتقدمو عساكر وكسرو الباب ودخلو ووجهو الاسلحه على كمية الناس المجوده وكان كلهم المتضح متعاطين
الفريق كامل: الي معه شي ينزل ولايتحرك لان اي حركه بيموت الجميع
كان في واحد ماسك سلاحه و موجهه ل ليل
الشخص : الله ياخذك ي ليلل ولا يوفقك
واطلق النار على ليل تجمعو العساكر ومسكوهم كلهم وليل طاح على الفريق كامل
الفريق كامل : ليللل
ليل كان مخروش لانه كان مركز مو ل كلامه ابد وفجأه رصاصه اخترقته
كان ماسك بطنه وراسه يدور
الفريق كامل : ليل ليل صحصح تكفى
كان ليل يحاول يتنفس مو قادر
جلس الفريق كامل وبسام يضغطو على صدره لكن مافي فايده لان ليل اغمى عليه
بسام لما شاف ليل كذا حط الي اطلق على ليل بين عيونه ركض له وهو يمسكه ويصفقه ركضو هزاع وغالب يمسكون بسام ويفكونه عنه
زيد : لانه رخمه طاح وانت رخمه معه
بسام : والله لاتموت
زيد كان يضحك بطريقة تنرفز بسام بقوه
جلس بسام يضربه ورفعوه بالقوه هزاع وغالب
ومسكوهم كلهم واخذوهم ورجعو عند ليل هزاع وغالب وبسام
بسام رفع ليل وحط يده على كتفه لو انا ماهو صاحي بياخذه يعني بياخذه
الفريق كامل : وين بتاخذه
بسام : اعذرن انا بوديه ماني منتظر لمن يجي الاسعاف وزيد ان طلع والله لا اذبحه وادخل اعدام مايهمني
الفريق كامل : كلنا بنجي معك ماتروح لحالك
بسام: الحقوني انا باخذه فتشو كل مكان انتم انا بوديه اتركوني تكفون لايموت ليل طالبكم
اخذ بسام ليل ركض واخذ سياره وراح ب ليل ب اسرع م عنده
وصل الطوارئ وكان ماسكه بالقوه وليل كانه جثه هامده
-
عند قمر كانت جالسه مع البنات لمن نطقت ليال
ليال : بنات امشو نطلع ونقول ل رائف يمشينا
قمر كانت متضايقه تحس في شي كاتمها
قمر : تصدقين انه مالي نفس ابداً
مزن : مع نفسك يلا
قمر: مابي بنات تكفون والله احس اني مكتومه
مزن: فيك شي انتي تكلمي
قمر : والله مافيني شي بس كذا احس اني مكتومه
ليال: طيب امشو نتمشى ع الاقل بالحوش
قمر : طيب
طلعو واخذ جلالاتهم وجلسو يسولفو وقمر مشغول بالها
-
عند ليل وبسام
اخذو ليل وسوو له انعاش للقلب اكثر من مره قدام عيون بسام لمن رجع له النبض واتضح انه توقف القلب لكن الرصاصه اخترقت الستره بس
رجع نبض ليل وبسام طاح من حيله لمن شاف الاطباء ابتسمو وجهاز القلب رجع النبض
جا الفريق كامل وهزاع وغالب ورفعو بسام الي كانت دموعه تنزل ويحس مافي ولا حيل
الفريق كامل : تكفى لاتقولها
بسام : رجع للحياة كان متوقف قلبه
الفريق كامل تنفس براحه : الحمدلله
طلع الدكتور وشافهم
الدكتور: المريض بخير الحمدلله ورجعت نبضات القلب ولايوجد اي ضرر عليه مجرد بما يصحى بيطلع
بسام : مشكور
راح الدكتور وليل طلعوه وحطوه ب غرفه لحاله
كان بسام مهدود حيله مررره
الفريق كامل لاحظه : بسام روح ارتاح ببقى عنده
بسام: ماني متحرك لمن يطلع معي انتم روحو انا اول مايصحى بكلمكم
الفريق كامل يدري ان بسام مستحيل بيروح : طيب
راح هو والعيال وجلس بسام يدعي وكان يناظر له من بعيد وكان مايقدر يقرب له بسبب يحس كل طاقته راحت من التوتر ماهي الا نص ساعه وفتح ليل عيونه ورجعت الحياة بنظر بسام وفز له
ليل مسك راسه ويحس ب وجع مو طبيعي
بسام: وش يوجعك
ليل فتح عيونه زين وانتبه ل بسام : وش صار
بسام: ماعليك من الي صار علمني وش الي يوجعك
ليل: راسي
لف بسام بينادي الدكتور لكن خاف احد يجي لكنه ضغط الزر لمن جا
جا الدكتور وشاف ليل صاحي
الدكتور : ماتشوف شر
ليل : مايجيك
الدكتور: اذا تحس الم بالراس ترا طبيعي بعطيك مسكن وبيخف
ليل: ان شاء الله
الدكتور: تحس ب الام ثانيه؟
ليل: لا
الدكتور: اجل بكتب لك خروج
ليل: طيب
طلع الدكتور ولف ليل على بسام
ليل : تعال قرب
بسام قرب
ليل: وش صار علمني
بسام: ماني معلمك الا لمن ترتاح
ليل: بزر انت ترا بقوم اصفقك
بسام: طيب بعلمك ، اطلق عليك زيد ولد نعيم وكلهم نقلوهم للقسم لانه حصلو كميات كثيره مره وكان البيت هذا مخزن بس وكان اكثر من القبو الي حصلتوه ونقلوهم وبينفتح التحقيق بكرا
ليل: طيب كم الساعه
بسام: ٥ الفجر
ليل: شوي ويأذن جب لي لبس بلبس بسرعه قبل يطلعوني عشان منها نصلي ونرجع انا متكفل بالتحقيق
بسام: ماتروح
ليل: يليل ي بسام م احب كذا تمنعني من شغل انا مكلف به ماراح يصير شي
بسام بحده : ليللل تحسبببب انه بس اغمى عليك ترا توقف قلبك شفت الموت قدامي وهم يسوون لك انعاش
ليل سكت مصدوم : احلف
بسام : اقسم بالله
ليل: لافي لايدري ولا احد
بسام: اذا رحت بعلمه
ليل بحده: بسام طالبك لاتضغط علي وانت ادرا بي
بسام سكت لانه يدري بيسوي الي براسه بيسويه
بسام : طيب اسمع بنزل لك طرف السرير وانت خلك جالس بروح اجيب لك ثوب اخاف احد يجيك اذا جاك احد منهم قاوم قد م تقدر بجي ب اسرع وقت
ليل: ابشر
راح بسام وليل سوا نفس الي قال له بسام وكان محترقه اعصابه يبي يخلص بيرجع ل قمره يحس الدنيا متوقفه ويدري انه متأخر عليها مره
جا ممرض بيعطيه ابره ومسك يده لمن استوعب الدكتور بيكتب له خروج ليش يعطيه ابره
ليل : مابيها بطلع
الممرض : ياخوي لازم عشان يفك الالم
ليل: طيب وش الي يوجعني
الممرض : رجولك
ليل: اها اي زين
قرب بيعطيه الابره ولف ليل يده ورمى الابره بعيده وخنق الممرض جاي بتغدر مره ثانيه فتح الكمامه وحصله زيد
زيد : لانك رخمه ماتستحق تعيش
ليل : نفسك ونفس ابوك ماتستحقون دامكم تجاهرون بالمعصيه وتتعاطون لابدنيا بتستمتع ولا ب اخره
زيد : والله لا اذبحك وان ماذبحتك انت اذبحك قهر على زوجتك وجدك والله لا اوريك
بسام : خلصت
رمى بسام الاغراض على ليل ومسك زيد وكلبشه
بسام: بوديه انا شوف جوالك عندك اتصل على هزاع وغالب يجونك
ليل: انتبه ل نفسك
اخذ بسام زيد وهو وده يذبحه وانصل ليل على هزاع
هزاع : ارحب
ليل : البقى ، هزاع مافي وقت تعال مرني بسرعه
هزاع: ابشر
سكر الخط وليل كمل اوراق الخروج وطلع وحصل هزاع واخذه للمركز اسرع شي نزل ليل عند سيارته واخذ بدلته الرسميه لان الي انشقت بالمستشفى بدلت المداهمه اخذ لبسه ودخل مكتبه ولبس اسرع شي وطلع ل ال مانع وال صقر يحقق معهم واحد واحد هو وبسام والفريق كامل
بدأ ب اول شي نعيم وبعده عامر وحقق معهم واحد واحد لمن وصل ل زيد
زيد: اووه الرخمه رجع
ليل: ودك ب مؤبد صح ولا شرايك ب اعدام احس لايق عليك
زيد: كلتبن وتعقب راسي ماينقص
ليل : لا اقدر اخليه ينقص ولا صححح جتني فكره احلى بخلي راس ابوك كذا وانت الشاهد
انفعل ليل: تعقبببب تعقبببب ياكلببب تعقببب
ليل مسك زيد مع فكه ب قوه : تحترم وتسكت عشان م اتوطاك ولا والله اخليك انتي واهلك كلكم مقصوصين واخليك تشوفهم قدامك بعدين انت وراهم
زيد : والله ي ويلك ي ليل ي ويلك بعترف بس اتركهم بحالهم
سكت ليل من حس انه سيطر ع نقطة ضعفه
وجلس يحقق معه ولمن انتهى معهم كلهم
واعطا ملفاتهم ل بسام
ليل : حولهم للقاضي وملف نعيم وعامر كل الافعال حقاتهم موجودات سواءً قتل ترويج بيع كل شي وزيد واخوانه معهم ولا ينقصون عنهم
بسام : ابد ابشر
ليل: حراسه مشدده على الكل لايفلت احد
بسام : ابشر
خلص ليل بحدود الساعه٩:٣٠ راح لسيارته بعد مشى لبيت لافي ونزل وحصله جالس ب المجلس حقه
دخل ليل
ليل: سلام عليكم
لافي: وعليكم السلام والرحمه ارحب هلابك
دخل ليل وسلم على جده والشوق الفف
قاطعهم دخول ابو ليل وابو عمر وتركي ورائف وسلمان لف عليهم وجلس يسلم عليهم بشوق صدق
جلسو وجلسو يسولفو وتذكر ليل تعيينه وقال يبي يبشرهم بس بطريقة ثانيه
ليل: بتحداكم تحدي والي يفوز بيفرح الجميع
الكل : تم
ليل: في شي متغير فيني ايش هو
قامو رائف وتركي يناظرونه وهم بجنبه لمن م حصلو شي جلسو يقرصو بطنه لمن نزل لاحظها لافي
لافي: تغيرت الرتبه
ليل : يلوووومونييييي فيك صححح عليك
لافي : ماهو واضح وش تعينت ي ولدي
ليل وشخصية العباطه الي الكل يحبها لانها تجي نادراً
ليل بعباطه: احممم معكم الحين الفريق ليل بن سعد بن لافي ال ثامر
رائف وهو يبوس راسه: ونعممممممم
جلسو الكل يباركون له لمن انسحب وراح للداخل وانتبه ل جدته بالصاله
ليل : تقل ان مزونتنا ماهي فاقدتن
مزنه: ياهلااا وغلا والله
حضنته وهي تسلم عليه وتبوسه
ليل: مزونتنا هل القمر خاطره ممتاز ولا بالعلالي
مزنه: اعلى العلالي ترحم على نفسك قبل تدخل
ليل: كدينا خير وين ام ليل وخواتي
مزنه: امك بالمطبخ وخواتك توهم نامو
راح ليل اسرع شي ل امه بالمطبخ وشافها تطبخ تكى على الباب لمن تحس فيه لكن ماش
ليل: لهالدرجه ماحسيتي فيني
لفت ام ليل ب وناسه : يامرحبا والله ثم مرحباً ياولدييي
حضنته وهي مبسوططه مره
ليل : ياهلا ب ام ليل ياهلا بريحة الجنه مب حنا قايلين ام ليل دامها تعبانه ماتشد على نفسها ولا ودها ليل يشد عليها
ام ليل : ام ليل كانت تطبخ له لانه تدري انه بيجي تعبان زي ماتشوفه الحين لكن مامن تعب ياولدي
ليل: ياجعل هاليديين م تمسها النار
ام ليل: اللهم امين ي قلبي ، اي صح روح للقمر ترا بالها مشغول مره
ليل: ابشري
راح ليل لغرفته ودخل و اول ماشافته قمر فزت
ودخل والابتسامه على وجهه عشان م تزعل
قمر اول ماشافته وارتاحت سرعان م نزلت راسها وبكت ركض لها ليل وهو يحضنها
ليل: لا ي قلببي لا ي قمري تكفين لاتوجعيني هذاني قدامك بشحمي ولحمي لاتبكين
قمر وسط بكاها: طيب ليه م اتصلت على الاقل
ليل: والله انشغلت وماقدرت
قمر كملت بكا وهي حاضنته قوووه
ليل: قمري تكفين خلاص قلبي يوجعني لاتبكين
قمر: احلف ماجاك شي
ليل: والله م جاني شي ها شوفي مافيني شي
جلس ليل يلف قدامها عشان تتأكد
حضنته قمر بقوه
قمر: عيدها بصفقك
جلسها ليل ومسح دموعها
ليل: قمري هذا طبيعة شغلي اطول اكثر ترا حتا شوفي خواتي وامي كيف متعودين
قمر: بس انا مابي اتعود تبعد عني كثير وبالي مشغول
ليل : ماعليك ي روح الليل دامك معي وببالي انا بخير لاتخافين
قمر : طيب بدل ملابسك شوف جبت لك
ليل: ابشري ي عيني
دخل ليل يبدل ويحس الدنيا تدور فيه لانه م اكل وما نام زين ووراه علاجاته م اكلهم
خلص تبديل وهو طالع انتبهت له قمر انه جالس يدوخ كأنه شوي و يطيح
مسكته قمر ب قوه وجلسته
قمر: ليل صحصح وش يوجعك وش فيك
ليل مسك راسه لمن حس انه اعتدل وناظرها
ليل: مافي شي بس ابي اكل دخت
قمر : طيب الحين اجيب لك
نزلت قمر اسرع شي وهي خايفه عليه وركضت ل ام ليل ب المطبخ
قمر : خالتي في اكل ل ليل ولا اسوي
ام ليل: بسم الله عليك اي في توني مسويته
قمر: طيب
قمر كانت مستعجله وخايفه يغمى عليه
مسكتها ام ليل : قمر بنتي اهدي وشفيك ليل فيه شي
قمر: خالتي ليل دايخ اخاف يغمى عليه لانه م اكل من امس من لما جينا
ام ليل : اهدي اهدي انا بحطه وخذي بهدوء مابيصير له شي
قمر : طيب
حطت له ام ليل واخذت قمر الاكل وراحت ل ليل الي كان يقاوم النوم بقووه لكن الدوخه مو مخليته ينام
حطت قمر الاكل قدامه واخذت مويه وغسلت وجهه
قمر : ليل صحصح وكل
ليل: مقدر امسك شي احس بدوخه مو طبيعيه
جلست قمر بجنبه وهي تجلس تأكله وتمسك راسه لمن صحصح ليل وحس انه خلاص شبع
ليل: خلاص قمري
قمر : ليل م اكلت كل زين
ليل: خلاص والله بنفجر اذا جعت باكل
قمر: طيب تبي شي ثاني
ليل: لا ي قلبي
اخذت قمر الاكل ونزلته للمطبخ ونزل ليل وراها وراح لسيارته ياكل علاجاته
خلص وحط سماعته وجلس الفريق كامل يتكلم
الفريق كامل: الحين كيف بنسيطر عليهم
ليل: من هم
الفريق كامل : ال مانع وال صقر لانهم مع بعض وهوشات كثير
ليل: فرقهم ال مانع السجن الثاني وال صقر خلهم مكانهم
الفريق كامل: هقوتك كذا
ليل : ايه
تذكر ليل موضوع السكرتيرات
ليل: اي صح طال عمرك في موضوع
الفريق كامل: امرني
ليل: وش وضع السكرتيرات الي جايبينهم قبل وبسام يقول بيرجعون
الفريق كامل: لازم عشان شغلك
ليل: لا ي طويل العمر انا مابي وشغلي اديره ب نفسي لكن حريم انا مابي وتعرفني شغلي وحداني احبه كذا
الفريق كامل: ماتوقع لكن بشوف لك محمود يمكن مايوافق لانه لازم اتوقع
ليل: الشغل الي فيه حريم انا ما ابيه وراي زوجه ووراي اهل اذا بيثبتون بترك تراني
الفريق كامل: مع نفسككك مع نفسك كيف تترك وانت تو معينينك فريق
ليل: انا ما ابي طيب اذا انتم تبون انا مابي وفوقها معطينها رقمي وتتميع عليي لو ايش م اجلس
الفريق كامل: مابيصير خاطرك الا طيب لكن مو بكيفك تترك
ليل : بس بلغتك انا
الفريق كامل: طيب بكرا الصباح نبي نتجمع فطور وبعدها على الدوام تخاوي
ليل: بشوف وارد لكم
شال السماعه وحطها بجيبه وجا بيدخل الا طلعت مزن قدامه بسرعه وصقعت فيه
ليل: يبو هدي
مزن : اوكي معليش
ليل : وجع مافي سلام
رفعت راسها وانتبهت انه ليل
حضنته بقوه وهو ضحك من ردة فعلها
مزن: ارررررررحببب والله احسبك رائف شفتك مع الشباك قلت بركض لك
ليل: يابعددد الدنيا ي مزني ي قلبي انتي شلونك
مزن: بخير ي قلبيي وانت
ليل: دامكم بخير انا بخير
مزن بهمس: تدري انك بتتصفق
ليل بهمس: ليه
مزن : عشانك طلعت وانك توك دايخ وبتصفقك على موضوع دعاء
ليل : بوجهك ي اختي
مزن: اذلفف تبيني اموت قمر ياويلك منها عاد اذا عصبت
ليل: اصلاً من قال اني ابيك انتي ووجهك سجي
راح ليل ودخل الغرفه الا قمر جالسه والواضح معصبه ومتنرفزه
ليل : قمري و...
ماكمل كلامه الا وقاطعته قمر
قمر: لاتتكلم معي دامك ماتهتم بنفسك
ليل: وش سويتت رحت اجيب حوستي من السياره وكلمت الشغل وجيت
سكتت قمر وتركته وعيوني بتدمع لانها خايفه عليه صدق وماهي متعوده ابد
راح لها ليل وجلس جنبها وحضنها
ليل: قمري قلبي انتي تعودي وتراني اغيب بالايام كثير تعودي والله اني م ارضى زعلك
قمرنزلت دموعها وهي تحضنه
قمر: طيب اخاف ي ليل افقدك
ليل : مابيصير الا الخير بس انتي ادعي لي ومابيصير شي وانتي استغلي الفرصه اني معك لانه عادي الحين او بعد شوي يستدعوني
قمر : تمزح
ليل : لا والله
حضنته قمر قوه
بادلها ليل وهو يدري انها ماتبي انه يصير كذا لكن مو بيده
اتصل جوال ليل وناظرته قمر ب صدمه
رد ليل الا هو الفريق كامل
الفريق كامل: ليل ساعه وتعال نبي نكمل اجراءاتهم
ليل: كملتهم انا
الفريق كامل : لا في زياده
ليل: طيب بجيك الحين
الفريق كامل: اعذرني ي ليل لكن والله ابيك ضروري
ليل: ابد ابشر
الفريق كامل: سلمت
سكرو الخط
ولف ل قمر الي تناظره بصدمه
انسدح على كتفها بتعب ويحس انه ممدا جا الا وكل الشغل عليه
وهو منسدح انتبه للشامه الي بين كتفها ورقبتها والشامه الي تحت فكها انجذب بزياده وبدون وعي نزل راسه وباسها
بعدته قمر وهي خايفه يتهور
ليل ناظرها ومسك يدينها ورجع يشبع رغبته وختمها ب شفايفها بعدها قام
ليل: انا بمشي
قمر : ليل لاتتعب نفسك
ليل: ابشري
قمر: انتبه لنفسك
ليل : ابي حضنك قبل اروح
قمر: افكر اصبر
سحبها ليل وحضنها
ليل: يلا استودعتك الله
طلع ليل وشاف امه وابوه ورائف جالسين
ليل : سلام عليكم
الكل : وعليكم السلام
ليل : توصون شي؟
ابو ليل : وين بتروح
ليل: برجع الدوام
رائف: تستهبل توك جاي
ليل: والله في شغل كثير وبما انهم رقوني الشغل زاد
ام ليل : استودعتك الله ياولدي وانتبه لنفسك
ليل : ابشري
طلع ليل ولمح لافي جالس بالمجلس
ركض له وانخرش لافي
لافي : وشفيك
ليل: مافيني شي بس اشتقت لك
لافي : كذاب وراك شي
ليل: برجع دوامي الحين
لافي : تووك جيت والله لو مابوه الا انت
ليل: ماعليه ان شاء الله تهون توصي شي
لافي : تنتبه لنفسك
جا رائف يركض
لافي : وشفيك بعد نفس اخوك
رائف : جدي نسيت ان عمي مشاري جاي اليوم
لافي : يوووووووه نسيت
ليل: احلفف بيجييي
رائف: ايه
ليل: اوفف اجل بحاول اخلص بدري
لافي : اجل روح من الحين وانت رائف تعال معي
راح ليل ورائف راح مع جده
كان ليل لابس طقم اسود ورايح ل الفريق كامل الي مستدعيه ب كوفي
وصل ليل وحصل كل العيال موجودين دخل وسلم عليهم وجلس معهم
الفريق كامل : وش تبي اطلب لك
ليل: بس يملا العافيه مالي نفس
الفريق كامل: مع نفسك كلنا طالبين الا انت
ليل: والله مابي مالي نفس
بسام : اغسل يدك منه احبالي الصوتيه تروح وهو يرفض
ليل : كفو يا فاهمني
بسام : احم لاداعي
الفريق كامل : الحين بما اننا قرب العصر متا ودكم نجهز للمداهمه
ليل: اذا كل العيلتين مسكناهم وش نداهم
الفريق كامل: باقي افرادهم الي ما انمسكو
ليل: الله ييسرها
قاطعهم اتصال جوال ليل والي كان رقم غريب
رد ليل الا وهي نفس السكرتيره جيهان
جيهان بتدلع ومياعه: ليل اوه قصدي استاذ ليل
لف ليل الجوال ل الفريق كامل وفتح سبيكر
ليل: نعم
جيهان بمياعه : حبيت اقولك من بكرا ببدا اباشر بالدوام عندك
ليل : ما احتاجك
سكر الخط ولف للفريق كامل
ليل : الحين اقتنعت
كامل : دامها بتباشر بكرا مافي باليد حيله لانه مقدر افصلها ومافي شي سوته
ليل: اجل من بكرا تجيك الامانه وانا ما اجلس بالمكان الي فيه بنات ماني محرم لهم
بسام: مع نفسسسككككك
هزاع : تستعبطط
غالب : مو وقتكك
كامل كان يناظره بصمت لانه يدري انه قول وفعل
كامل : تتركنا بالبدايه ي ليل
ليل: قد قلت لكم
كامل: بنعينها عند هزاع
هزاع : وع تبي تتميع فوق راسي كذا لا والله شكراً
كامل: عند غالب
غالب : لا والله تبي اموت
كامل : بسام
بسام : والله لو ايش حتا الي عندي مابيها لاتجي
ليل: خلهم عندك انت والفريق محمود
كامل : ودك اننا نام برا بيوتنا
ليل : وانا بعد ودكم اني انام برا بيتي بعد
غالب : وانا بعد
كامل: اجل نحطهم عند بسام وهزاع ماهم متزوجين
هزاع : تبي امي تذبحني تخيل تتصل وانا عند امي تلقاني معلق بالسطح
بسام : عشان ابوي يذبحني لا والله وفوقها الديين مايسمح ولا انا اسمح ل نفسي
كامل : والله البلشه اجل اسمعو لاتتكلمون معهم وبنخليهم بمكاتب مع بعض ونحط شغل بسيط لهم
ليل: شغلي ماحد يلمسه الا انا تبون انتم اشغالكم كيفكم
كامل : راسي صدع يالعنيددددد خلاص اشغالي بس اسكتو صدعت
ابتسم ليل وسرعان ماتذكر قمره واشتاق لها من الحين
ليل: انا بسبقكم
بسام : ابي معك
ليل : تعال
...........................................................................
يتبع
