البارت الخامس والعشرون
.
.
.
.
عند ليل الصباح قام عشان يطلع ل بسام وتذكر قمر بتصير لحالها حتا دعاء م جت معهم
جلس يصحيها لمن صحيت
قمر: وشفيك
ليل: امشي معي بنروح بيت جدي وكملي نومتك هناك
قمر: ي ليل بنام مالي خلق
جلس ليل عندها: قمري والله لو مو من خوفي عليك كان تركتك لكن والله اني خايف عليك اسمعي مني وامشي
قمر: واذا طار النوم بتتصفق
ليل: اذا طار اطلعو مع رائف وتركي وانبسطو
قمر: سهله عندك
ليل: تبين يطير صح وبعدين يرجع
قمر فهمت قصده شوي : لالا خلني اروح عند مزن احسن شوي
ابتسم ليل : يلا استعجلي
قمر : ليل بسألك
ليل: سمي
قمر: ليش مانروح ونصير ببيت جدي لمن تخلص كلل شغلك بعدين نرجع بيتنا
ليل: شوفي هي فكره حلوه بس احس مدري احلى ببيتنا مرتاحين
قمر: بس النوم عندي لا ماارتاح اذا انت بتصير كل يوم تصحيني عشان تنزلني هناك
ليل: تهون تهون ي قلبي لكن الحين خلني اروح اشوف بسام يلا
خلصت قمر وراح ليل ل بسام دخل ماحصل احد رقى فوق وحصلهم نايمين كلهم بالغرفه
ليل بصوت يخليهم يقومون: وللدد
فزو كلهم
بسام: خير وش فيك
ليل: ي زففتتتتت مخربب نومتي بالاخير نايم
بسام: غفينا بالغلط وشفيك
ليل : لانك تجلط الساعه ٩ الصبح جايك كأني سواق معلمات مستأذنات
ضحكوو كلههم على ذبة ليل
كامل : كيفف جت براسك
ليل ابتسم: مدري من الغبنه جت
بسام : يلا الحين نجي اسبقنا
ليل: تتأخرون بمشي
بسام: ابد شوي ونجي ماحنا متأخرين
طلع ليل وجلس بالصاله تحت وفتح جواله يراسل قمر يتطمن عليها
ليل: لايكون طار النوم
قمر: اي بتنجلد
ليل: طيب وين مزن و ليال
قمر: نامو من شوي
ليل: طيب بس اشوف العيال وش يبون واجيك
قمر : لا تضغط على نفسك واستانس انا بجلس مع خالتي وامي وجدتي
ليل: طيب
تضايق ليل انه خرب نومتها وفوقها بتجلس متنرفزه
جلس ليل بهدوء وهو يفكر فيها
قاطع تفكيره كامل الي سحبه واخذه للحوش
كامل: ليل مدري شلون اقولك
ليل: وشو
كامل: نعيم هرب
ليل : ي الله ي الله وش ذا اليوم يارب
جو العيال من ورا كامل يفقعون على ليل بلالين ماء والوان
ليل شهقق : ي بزررر
ناظر ليل ل كامل الي كان يضحك ويرمي معاهم عليه
ليل : خلاصصص تلونتت كلي
اخذ بسام كيكه بعد وحطها في وجهه
ليل شهقق : الله لايوفق عدوكك
شغلو هزاع و غالب الشموع على الكيكه الثانيه
وقربو ل ليل
بسام : محد قالك ترقى وصير فريق هذا الي بيصير
ليل: كرهت الترقيه مليون كيكه ب وجهي
كامل: انفخ الشموع باقي شي جبار اخير
نفخ ليل الشموع ونزلو العيال الكيكه وشالو ليل
ليل: لايكونن الي بباليي
انتبه ليل للمسبح الي حاطه بسام
ليل: لاا جواليي اغراضييييي
شالو العيال جوالاته واغراضه ورموه بالمسبح
بسام: اوووفف الحين تصحصح وتتروش بنفس الوقت
ليل: طال عمرك رجعني ملازم
كامل: ماينفع للاسف وقريب تصير فريق اول
ليل : لو بصيررر ماني معلم احد
طلع ليل وهو يمسح وجهه لانه مخلوط الوان وماء وكيكه وبالنهايه مسبح حتا المسبح قلب لونه
بسام : تعال ادخل غسل
ليل: سجج ماصرت اثق بروح بيتي اغسل
بسام: مع نفسسكك مانت رايح مطلع لك كل شي بس تعال
ليل : بذمتكم مافي شي زياده
الكل: لا والله
دخل ليل وغسل على السريع ولبس من ملابس بسام
وطلع للعيال الي جلسو ب مجلس للرجال
بسام : حييكككك تعال نكسر روسهم
ليل : احتزممم
جلس بسام وليل مع بعض و هزاع وغالب مع بعض وكامل طلع يكلم
جلسو يلعبو العيال ودخل كامل وشغل دخانه وجلس يدخن
كامل وهو يناظر ليل : ياخي عندي سؤال ادري مالي دخل بس فيني فضول
ليل ابتسم: وش هو
كامل: الحين قبل انت عادي تخلص بكت بيوم الحين وش الي تغير وصرت م تدخن
ليل: قطعناه
كامل ب ابتسامه : السبب
ليل ناظر للعيال كلهم وفاهم نظراتهم : ينخاف علي
بسام ضحك : ي خرووووووففففف
ليل: ترا بقوم واصفقك
ضحكو الكل لان المتضح والسبب الي هو قمر
خلصو قيم بفوز ليل وبسام
كامل : حلو فزتو وانبسطتو لازم ابعص عليكم
غالب: وشو بعد
كامل : معكم اليوم تنبسطون وتسوون الي ودكم لاننا بنستلم اسبوعين مابين مداهمه و مراقبه
الكل: لاااا
ليل: ادري والله ادري اكثر واحد بياكلها انا وبتجلسوني اسبوع زياده
كامل: ماعليك اذا جلست اسبوع زياده نجلس معك
ليل: اي نشوف
نفسو العيال ومسك ليل جوال من انتبه ل رسالة قمر
قمر: ليل خلصت ولا عشان اذا ماخلصت برجع مع تركي
ليل: جايك
مسك ليل مفاتيحه واغراضه : يلا مع السلامه توصون شي
الكل : سلامتك
بسام: ليش مستعجل طيب اجلس
ليل: بقابل وجهكم اسبوعين واحتمال زياده خلني اجلس مع اهلي شوي
بسام: اي اهلك اقول شلونك هزاع
هزاع بضحك : بخير الحمدلله انت شلونك
بسام: احس اني ماش
مسك ليل المخده الي جنبه وصفق بسام فيها
ليل: بكرا اوريك عاد الزياده الحين سج
طلع ليل وراح بيت جده ودخل عند جده وابو هاني وهو لابس طقم بس انه شورت مو طويل
سلم ليل على لافي وجلس جنبه وقرص لافي ليل مع ساقه
لافي : ورا ماتغطي سيقانك ووين الي واعدني نروح الديره
ليل : والله نسيتتتتتت اربشني بسام ورحت له وتو صدمني الفريق كامل بنستلم من بكرا اسبوعين واحتمال تصير ثلاث
لافي : تكذبب
ليل مسك يد جده وانسدح عليها: لا والله م اكذب
ابو هاني: ممدا طيب ولا شفناك زين
ليل: تشوفف ي عم هذا الي قاهرنييي
تعدل ليل بجلسته
ليل: العصر وحنا ماشين للديره اوديكم واجلس معكم ومن بكرا بمشي
لافي : لاتضغط على نفسك
ليل: فداكم والله بس الحين الوجهه صح وش بالضبط المزرعه ولا بيت الديره
لافي: لا المزرعه احلى ولا ي مشاري
ابو هاني: المزرعه
ليل : اجل تم انا بروح اريح والعصر اجيكم اخذكم تولمو
لافي : زين
طلع ليل من عند لافي وابو هاني ودخل عند قمر الي كانت نعسانهه مره بس انها تنتظره كانت ماسكه جوالها ودايخه واضح
ليل: يلا البسي عبايتك ع بال ما اشوف امي وجدتي وخالتي
قمر: طيب
طلع ليل ل جلسة جدته وخالته وامه الي تكون برا وجلس عندهم بعد ما سلم عليهم
ام ليل: ليل وصاحي بدري وش عندك
ليل: رحت عند اخوياي والحين جيت عندكم عشان ابلغكم تجهزون العصر وحنا ماشين المزرعه
الجده مزنه: زين ي ولدي
ليل: توصون شي؟ انا بمشي
الكل : سلامتك استودعناك الله
راح ليل ل قمر واخذها بيدها واخذو دعاء وراحو ل بيتهم
دخلت قمر وهي ماتشوف شي من النوم دخلت غرفتهم ونامت اسرع شي
جلس ليل الا كامل يرسل لهم بقروبهم
كامل: اسمعو الكلل من بكرا نفس الوقت الي تجمعنا فيه اليوم نتجمع فيه بالمركز وكلكم جيبو سترات ضد الرصاص واسلحتكم وكل شي خلوه كامل
سكر ليل جواله ونام بتعب وحط منبه على قبل العصر ب شوي عشان يجهز اغراضه وقمر تجهز اغراضها
-
نامو الكل وصحو قريب للعصر وكان بيت الجد لافي وعياله مدمر من الحوسه كل واحد يعدل شنطته ويضبطها
عند ليل قام وضبط شنطة استلامه وكل شي يحتاجه واسلحته وكل شي اخذت منه كل حوسته شنطتين خلصهم وحطهم بالسياره وراح يقوم قمر قامت قمر وخلصت وصلت وكانت بتلبس بعدها تضبط الشنطه
قمر : ليل تتوقع برد هناك ولا
ليل: اي المزرعه موت برد البسي زين
قمر: زين
لبست قمر تيشيرت طويل الاكمام وماسك على خصرها باللون البني وجينز اسود مخصر وجاكيت خفيف ب يدها
ليل وهو متركي على الدولاب يتأمل الجمال
قمر بحيره: وشرايك حلو ولا اغيره
ليل: حلو بس شرايك تلبسين شي واسع اكثر
قمر: بلبس فوقه جاكيتي ذا
ليل: خلاص ممتاز
قمر : طيب زين اجلس برتب الشنطه وانت قول وش الي تبيه عشان احطه لك
ليل : زين
جلس ليل وقمر تشاوره وش تحط له لمن خلصو كل شي وركبو شنطهم وراحو ل بيت الجد لافي
نزلت قمر للبنات وليل راح لمجلس جده
ليل : سلام عليكم
الكل : وعليكم السلام
ليل: ها جاهزين
لافي : ايه وتعال معي ابيك
ليل: طيب
اخذ لافي ليل وراحو ل قسم لافي
لافي : اسمع وش التوزيع
ليل: مدري
لافي: انت وزع
ليل: هممم زوجتي وخواتي وانت معي و رائف ياخذ امي و جدتي وخالتي و ابوي وعمي عمر وعمي مشاري مع بعض والعيال مع بعض وعمتي عفراء مع عمي ابو تميم هي والبنات والعيال مع العيال وشرايك
لافي : تم حلو
وزعو الكل وجابت قمر نجلاء معهم وانطلقو للمزرعه
مزن: ي جد علمنا عن شقاوة ليل وهو صغير
ناظر الجد لافي ليل: اتكلم؟
ليل: الي خبري خبرك خلها مستوره الباقي كيفك
الجد لافي: ابد ي طويلة العمر ليل كان اكثر واحد اجلده ويتعبني كان مسوي عصابات يوم هو مراهق اوفف اكبر متنمر ومصفق عيال الديره ليل عشان كذا تشوفون له اعداء كثير
ليال: وتفضله اكثر واحد
الجد لافي : لانه قد شقاوته ماعمره رفض لي طلب وماعمره طال لسانه او تمرد وكان يمشي ويسوي نفس الي ابي بالضبط
مزن: والحين متمرد وحنا لا
الجد لافي ضحك : لاني انا مردته وكان اذا يسوي ويقول الي مابيه م اكلمه ولا يلعب العصا على ظهره
ليل: اي والله م انساها اخ ي ان ظهري علم من كثر العصا اول مره اشوف احد ينجلد عشانه محترم
ضحكو الكل
الجد لافي :هو عشان مابي يصير بيني وبينك رسميات لعبت معك شوي
ليل: لعبك مره يموت
لافي : ودك اعيده
ليل: لاااا يرحم لي والديك
كان الكل مبتسم على علاقتهم وضحكهم مع بعض
لمن مزن شغلت اغاني ردح وتدري ليل مايقاوم
ليل: اوفف ي مزن تبين يعلم ظهري الحين مره ثانيه
مزن: ماعليك جدي ماهو مسوي شي صح جدي
الجد لافي: يلا انبسط اعطيتك الضو الاخضر
ليل : جوييي هاتي شماغي
اخذ ليل شماغه وحطه فوق راسه وجلس يردح وهو يسوق ويلعب ب شماغه والبنات يصورونه وقمر مصدومه لانه اول مره تشوف ليل يسوي كذا
مزن : عاش الليل
ليل: تعيشينن
لف ليل على جده
ليل: يلا معي
لافي : اقول اذلف انت ارقص
ليل : طيب يدك هاتها بس
اخذ ليل يد لافي وجلس يردح وهو ماسكها و يسوق وصلو المزرعه ب سلام
وكانت قمر تساعد ليل بتنزيل الاغراض
قمر: وش ذولي الشنط انزلهم ولا
ليل: ها حقات بسام
ليل ماعلمها لانه يبي قبل يمشي يعلمها عشان ماتغير رايه
قمر: طيب
اخذ ليل الاغراض ودخلهم وراح جلس عند الجد لافي والعيال ب المجلس
جلس سلمان جنب ليل وهمس ب اذنه
سلمان: ماودك نقوم نلعب داخل المزرعه دامه الكبار لاهين ويسولفون
ليل لف عليه وهمس له: تبي لافي يقطع العصا على ظهري انا وانتم اذ ماجلسنا معهم
سلمان بهمس: ي بزر اقنعه ماراح يقولك شي
ليل بهمس : ماني متكلم اذا تبي تكلم وعاد اعزز لك
بعد تركي سلمان وجلس جنب ليل
تركي بهمس: تكلم ي ليل انت تعرف ل جدي
ليل بهمس: م تفهمون اقولكم بيصفقنا
تركي بهمس : اوريك اقول ل قمر تسوي لك مقاطعه
ليل بهمس : تهددني فيها يعني
تركي بهمس : تققدر تقول
ليل بهمس : بقول و امري لله
لف ليل ل جده
ليل: توصون شي
لافي: وين
ليل: بنطلع انا والعيال بالمزرعه ونرجع قبل م نطلع تبون مننا شي ولا لا
الكل : لا
لافي : بس انتبهو لاتبعدون
ليل: ابشر
قامو العيال مع ليل الي طلع قبلهم
مسك تركي راسه وباسه : ياحبي لك افضل واحد بالعالم انت
ليل: ادري مايحتاج تقول
وافي: ي شينن الثقه
ليل: ترا برجعك
وافي : امزززززحححح
هاني : امشو نبي مكان كذا بعيد شوي معي كوره وبنلعب
غانم: شلون جبته
هاني : تسفته تحت الشنط
غانم: كفوو
لفو غانم وهاني للعيال المستغربين من الكلمه الا ليل
رائف: وش تسفته
ضحك هاني : تسفته ي طويل العمر يعني دخلته
تركي : طيبب قل دخلته
هاني : مع نفسك انا اتكلم كذا عاد ترا يالله اني اتكلم زين كذا معكم وتفهمون وتراني م اقول اتكلم اقول شي ثاني
وافي: وش تقول انا من بعد طوقان حقت ليل وانا منخرش من كلامكم
ضحك غانم : اما قلتت له طوقان
ليل ضحك : اييه
هاني : مانقول اتكلم نقول نحتسي او احتسي او اذا بقولك تكلم اقولك احتس
وافي: صدعت لا تعيده امشو نلعب لو بطول وانت تقول كذا احس بنسحر
هاني : ياييي امش لا اصطرك
غانم : اخف العرق الحايلي لا يحسبوننا نسحرهم
ضحكو الكل وراحو يلعبو
-
عند البنات كانو مجتمعات وكله ضحك على رقصة ليل وليان الي كانت تحترقق غيره
همست قمر ل مزن
قمر: مزن غيرو الموضوع ليان وجهها تغير و ماودي يصير شي
هزت مزن راسها ب ( طيب)
مزن: اسمعو بنات بناخذ الالعاب وبنلعب برا وشرايكم
الكل وافق وطلعو البنات وكل وحده معها جلالها
ليان: الحين ليش مانروح اخررر شي عشان مانصادف اي احد من العيال
ليال: تم
راحو البنات وكان بالفعل مافي احد والعيال كانو بالنص
جلسو وحطو فرشه وجلسو يلعبو
-
عند العيال
هاني : ليل يلا سج كسرتنا تعال مكانه تميم
ليل: احسنن محد قالكم تحدوني
هاني : لاتحدني اجيك اصفقك
ليل: من تصفق
هاني : تركي
ليل ضحك: ايه اشوا
لف ليل وجلس يمشي ويكلم الفريق كامل و بيده دخانه الي قدر يقطعه قدام الكل الا نفسه ماقدر ابد
وهو يمشي لمح قمر تضحك وتلعب وجنبها ليال ومزن لف على طول ورمى دخانه وابعد عشان قمر ماتشوفه
راح للعيال وجلس عندهم على بال مايخلصو الشوط
-
بعد مده خلصو الكل من البنات والعيال لعب ورجعو
دخلو البنات وجلسو مع الحريم الكبار وجلسو يسولفو
الجده مزنه : تعالي قمر عندي
جلست قمر عند جدتها وجلسو يسولفو عن انواع النباتات لانهم عشقمم شي اسمه زرع ونبات
-
عتم الليل وصار وقت القريب للنوم تجمعو العيال وجابو لهم فرش والبنات كذلك صار وقت ان الكل ينام ماهي الا نص ساعه ونامو الكل ماعدا ليل ارسل ل قمر
ليل: صاحيه
قمر: ايه
ليل: تقدرين تطلعين ابيك
قمر: جايتك
قام ليل وراح ل باب الحريم وشاف قمره مسكها مع يدها واخذها ل نص المزرعه وجلسو مع بعض واخذها ليل بحضنه وهو يدفيها ب فروته
ليل: قمري بقولك
قمر: وش
ليل وهو يسدح راسه على كتفها : انا بمشي يمكن بعد م اصلي الفجر وما ارجع الا بعد اسبوعين او ثلاث
لفت قمر بصدمه وسرعان م تجمعت الدموع بعيونها
قمر: كذاب
ليل: لا والله وترا الشنط الي قلت لك حقت بسام اكذب حقاتي
قمر نزلت دموعها من حست ان الموضوع جد حضنته وهي تبكي
قمر: ليل لاتكذبب ياخي ممدا جيت
ليل : قمري تكفين لا تبكين والله توجعيني ومقدر ماهو بيدي اني اجلس
قمر: طيب وش اسوي انا لحالي يعني
ليل: اذا قدرت امسك جوالي كلمتك
قمر: واذا طولت
ليل: هي اكيد فيها اني اطول لان كل شي ب راسي
قمر : طيب في بسام في ذا كامل في اكثر من واحد حبكت انت يعني
ليل: مايقدرون بدوني
قمر: سامج
ليل: طيب عندي لك شي يونس
قمر: وش هو
ليل: بعد صلاة الفجر اخذك معي انتي و سلمان ونمشي للبيت واعلمكم الفعاليات
قمر: طيب
ليل: ودك تدخلين تنامين
قمر: لا خلني
حضنها ليل وهو يدفيها وراح الليل بسوالفهم ل بعض لمن اذن الفجر رجعت قمر ل داخل وليل راح للعيال والكل يصحيهم للصلاة جلسو يصلو لمن خلصو اخذ ليل سلمان على جنب
ليل: لك ولا للذيب
سلمان وهو فيه نوم: للذيب
ليل: ي سخفك اسرع شي زين تستانس عليه
سلمان: وش هو
ليل: تخاويني انا وقمر نروح للبيت بوريكم فعاليات
سلمان: فاضييييي مالي خلق
ليل: ي زفت لو ماراح استلم ماجيتك بسرعه ولا بستبعد
سلمان: تستلممم!
ليل: ايه وبطول مره
سلمان: معكم
ليل: كفو اجهز بروح انادي قمر واقول ل لافي واجيك
سلمان : زين
راح ليل ل لافي وفهمه الموضوع ووافق وراح ليل اخذ قمر ونادى سلمان ومشو لبيت قمر وليل
وكان ليل اكثر واحد مروق بينهم وكان يردح وقمر معه وسلمان متلطم ونايم ورا
وصلو البيت وكانت الشمس شارقه
ليل : يلا امشو اقولكم وش الفعاليه الجميله
سلمان تخصر : شف سخيفه بصفقك
ليل: اسكت بتستانس خلوكم هنا
كانو واقفين برا البيت لمن طلع ليل من القراج سيارة قمر المرسيدس الي اختارتها ببارت ١٩ للي يذكر
سلمان كان مذهول ويناظر بصدمه وقمر معه وكانت تكه وتصيح
نزل ليل ابتسم على ردة فعلهم
ليل: هذي سيارتك وجتك ي قمري
سلمان: انا اخو قمرك ينفع نفسها وازين
ليل : لا تعقب مانت زوجتي
سلمان: ياشينك انت وزوجتك
ليل: موتتتتت قهررر
حضنت قمر ليل والدمعه بعيونها
ليل كان مبتسم من فرحتها لانه فرحتها عنده تسوى الدنيا ومافيها
سلمان: ام دميعهه اذا بكيتي باخذها انا
قمر : تخسى
سلمان: اح سمي ي اختي العزيزه واخر العنقود
قمر: غصب عنك
ليل: يلا بعلمكم المشوره الي بتصير بس كلها فدا ل قمري
سلمان: وشو
ليل: انا وقمري بسياراتها وبعلمها على طريق الديره والمزرعه وانت بتاخذ سيارتي وتلحقنا ولاوصلنا اخذها واتوكل على الله
سلمان: يقلع ام المشوره انطق هنا وحنا نروح
ليل: تعقببب ترا بتتصفق انا ابي اشوفها وهي تسوق وانا اعلمها
سلمان: يع ي حركات الحبيبه
لف ليل ل قمر: زوجيه هذا
قمر بهمس : عندي عروسته بس انتظره يتكلم عنها
ابتسم ليل وهو يناظر سلمان
سلمان : لا يتناجى اثنان دون الثالث
قمر : خلاص استغفرالله
طلع سلمان دخانه وشغلها
قمر ناظرته بحده: تبي تتصفق ولا بعد تبي تجي معي وانت تدخن
سلمان: كأنه انا الوحيد الي ادخن حتا زوجك
قمر : قطعه
سلمان: كذاب
ليل: ي كذوب متى اخر مره شفتني ادخن
سلمان حك راسه : تبي الصدق مدري نسيت
ليل: اجل سج واسبقنا
سلمان: طيب
ركب سلمان سيارة ليل وسبقهم وقمر ركبت سيارتها وضبطت نفسها
قمر: ليل ياخي اتزحلق
ضحك ليل: اصبري بجيب مخدات
قمر : لاا اصبر اخاف تجيب الكويسات حقات المجلس انا بجيب واجيك
ليل: زين استعجلي عشان بنام
دخلت قمر البيت اسرع شي وجابت مخدات وسكرت الباب وضبطت نفسها لمن ضبط كل شي وسمت بالله وعدلت السياره وانطلقت
وليل استلم الدي جي لانه من بعد امس جاه زار
ليل : يلا استلمي ذي وهاتي يدك
قمر: يمه ليلل معرف اسوق ب يد وحده
ليل: تعودي مابيصير شي
جلس ليل يردح وماسك يد قمر لمن خرب عليهم بسام واتصل عليه قصر ليل ورد على بسام
ليل : هلا
بسام: وينك
ليل: رايح الديره
بسام: بنجيك ع الساعه ٩ ناخذك من هناك ونروح نستلم
ليل: اشوا اختصرتو علي خلاص تمام واسمع اذا مارديت عليك اتصل على رائف يقومني
بسام : زين و راسلني واتس بقولك شي
ليل: طيب
سكرو الخط
فتح ليل الواتس وارسل
ليل: وشفيك
بسام : ماتكلمت لانه واضح احد عندك المهم ابوي خطب لي بنت عميي عشان ارجع عنده تكفى افزع لي مابي اروح وهم متممين كل شي
ليل: برسل ل الفريق كامل يأجل الوقت شوي وانت تعال عندي بالديره وبشوف معك وش نسوي
بسام: لا ي ليل وش قدام الكل تفكر لي لا والله
ليل: ي بزر بمشي معك ونتكلم
بسام : هنا تكلم معي اذا بجيك يكون محلول الموضوع
ليل: اصبر بفكر
بسام: اسرع ترا الاعصاب تالفه
ليل: انت ببالك احد
بسام تذكر مزن لما صقع فيها وانتبه ل ملامحها لانها فكت النقاب اول ما دخلت ولما صقعت فيه ريحتها فيه وعرف انها اخت ليل لمن شاف اهل ليل بس الي جو وليل يستقبلهم بس خايف يسبب توتر بينه وبين ليل
ليل: نمت شكلك
بسام: ها لا بس مدري يمكن ايه ويمكن لا
ليل: كل تبن ادري اخلص قل انت اول بسرعه دامني مروق
انصدم بسام ان ليل يعرف واتصل عليه
بسام: وش تعرف
ليل: انت قول
بسام: ليل الموضوع حساس احلف ماراح يصير شي
ليل: والله ماهو صاير شي
بسام: ياخي يع وانا اقولها احس اسبك
ليل: سبحانننن الله الحين صرت محترم كل تبن اخلص
بسام: اختك الي صقعت فيها ذيك المره
ليل : ادري والله بس شوف ابد لا تستحي نعم فيك والف بنت تتمناك لكن الشور الاول والاخير لها اول م اوصل الديره بقول لها وارد لك
بسام: يابزر مغصني بطني يع لاتصير رسمي معي
ضحك ليل : وش تبيني اقول اقول سج مانبيك
بسام : عشان اموت
ليل: اثقل عشان م اصفقك
بسام: اي صح نسيت انك اخوها خلاص اسفين
ليل: يلا عاد سج بستمتع
بسام : ياخي استانست اصبر لا تسكر
ليل ضحك بذهول : ي بزر تذكر انه للحين ماقلت لها ماتدري يمكن ترفضك
بسام: ليللل وجع وش ذي التطمينه
ليل: خلاص اثقل ونام عشان ماتنام على كتفي وتخليه ينمل
بسام: لو تبيني انام دهر نمت ابشر
ليل: ي خفيففف اثقل لا اصفقك
بسام : سم طال عمرك
ليل : نام نام يلا
بسام : اذا وصلت وردت لك دق علي لو ترسل علي صاروخ اهم شي علمني الرد
ليل: خلاص لاتتحمس لا اصفقك وقم استخير ونام
بسام : طيب
سكرو الخط
ولفت قمر ل ليل : تبي كف انت معه وش بسام ضرتي وانا مدري وش يبي
ليل : شي حلو بس لحظه برسل رساله اخيره واقولك
ارسل ليل ل مزن
ليل : صاحيه
مزن : اي وشفيك
ليل: بقولك شي
مزن: بسم الله يلا وشو
ليل: خويي بسام ماغيره خطبك مني والصدق ي اختي انه زين ومفصل عليك تفصيل انتي وياه نفس الحركات الله يعيننا عليكم المهم استخيري ي عمري واعطيني خبر ع بال م اوصل المزرعه
مزن : كذاب
ليل: بالله ذا موضوع اكذب فيه
مزن: يمه ليل مابي اخاف
ليل : ي بزر مايخوف ماهو ماخذك الحين استخيري قلت وردي لي واستخيري ١٠ مرات لمن اوصل واشوفك وتقولين لي
مزن : ليل اخافففف
ليل: خلاص اجل بقوله ماهي موافقه وخلك اجلسي
مزن: ياخي اخاف ليل
ليل : مايخوف ي بزررر صلاة صلاة ماتخوف ترا بتكلمين ربك مانتي مكلمته
مزن: طيب اذلف بستخير وبعده اشوف
ليل: طيب
سكر ليل جواله وجلس يسولف مع قمر ويعلمها ع الطريق بس ما علمها عن سالفة مزن وبسام لانه لو ماصار نصيب يصير بينهم الثلاث الموضوع
ليل: بنوصل الظهر شكلنا ادعسيي
قمر: اخاااافف
ليل: مافي خوف دامك معي والله معنا ادعسي الطريق فاضي واول ماتشوفين نياق او اي شي اضغطي بريك بهدوء مو يتكسرون اسناني
قمر: تشكك ب سواقتي
ليل: لا ابد بس اسرعي
قمر: تم
دعست قمر ولصق ليل بالمرتبه
ليل: الله يخليك لقلبي ي رب مو كذااا
قمر : تستاهل انت قلت
ليل ابتسم: اسحب كلامي
قمر: تحمل
اسرعت قمر زياده وليل ماسك قلبه لمن وصلو المزرعه دخلو وطفت قمر السياره وليل مسك المفتاح وحطه بيدها و مسكها بقوه
ليل: اذا احتجتي شي وانا ماني جنبك روحي للي ودك معك سيارتك وانبسطي وقمري اذا صار شي لي انبسطي ولاتفكرين
قمر: ليل لا تقول كذا والله تخليني اكرهها تكفى انتبه لنفسك لا تخوفني
ليل:ابشري والحين ي عيوني خلي مزن تطلع
قمر: طيب
نادت قمر مزن وجت مزن عند ليل وهي بطنها ماغصها
ليل: المتضح من الوجه انه لا زين يلا
مزن : ماتكلمت طيب
ليل: وجهك يتكلم
مزن : وجهي متوتر المهم خلاص بوافق
ليل: مزن اكيددد فكرتي واستخرتي مو تقولين عشاني
مزن: لاوالله استخرت ومرتاحه
ليل : زين الله يكتب لكم الي فيه الخير
م اتصل ليل على بسام وراح ينام لانه التعب فيه مليووون
نام الساعه ٦
-
عند مزن وقمر
مزن : قمر بموتتت
قمر: وشو
جلست مزن تقول لها كل شي
قمر ضحكت : عادديي طيب شوفي انا قبل ابوي لاجاب طاري ليل يقشعر جسمي من الخوف و الحين شوفينا
مزن: كلو تبن انتم تحبون بعض انا ولا شيي يخوف
قمر: طيب اذا ماتبين برسل ليل انك غيرتي رايك
مزن : لا استخرت ومرتاحه بس اني خايفه
قمر: طيببب ماحد يدري الا حنا اهجدي ماصار شي للحين وليل اكيد بيخلي الخطبه بعد مايرجعون
مزن : هقوتك كذا
قمر وهي تنسدح: ايه بس نامي
نامت قمر ومزن
-
عند ليل الساعه ٩ صحى على وجه بسام
ليل : اعوذبالله
بسام : مو وقتك ليش مادقيت
ليل: انا غيرت رأيي
اختفت ابتسامة بسام من كلمة ليل : كنت ادري انك بتسوي كذا ليش تفززني
ليل بمزح: استعبط معك ماتوقعت تصدق
جلس بسام بجنب ليل وهو فيه العبره وكان حتى جاي ببدلته من الحماس لكن تلاشى كل شي مو كلام ليل
ليل: خلاص لاتصيح رحمتك موافقه
فز بسام: احلف
ليل: ي زفت اقصر صوتك وامش
طلعو برا المجلس الي ينامو فيه العيال
بسام: تكفى لاتكذب علي وعلمني الحقيقه
ليل: والله انها موافقه وخلاص لارجعنا نتمم لكم كل شي
بسام : بطلب شي
ليل: وشو
بسام : بسوي شوفه شرعيه قبل الخطبه
ليل: سججج وفوقها الناس نوما الحين
بسام: لا جدك صاحي
ليل : صدق اجل زين اسبقني بغسل واسلم عليه واجيكم
بسام: زين
خلص ليل ولبس و راح لجده وجلس جنبه
ليل: غريبه الحبيب جالس لحاله
لافي : بشوفك قبل تروح
ليل: ي بعد عيني ها شوفني ب احسن حال وان شاء الله اجيك ب احسن حال واكثر
لافي : رب
ليل: ي لافي العز انتبهو لنفسكم ولاتخوفوني عليكم وانتبهو ل قمر الليل لايجيها من الغريبين شي انا قريب اجي وسلم لي على الكل لانهم نايمين
لافي: ابشر ي ولدي ولاتخوفني عليك
ليل: ابشر ي بعدي
وقف ليل وباس راس جده وراح
فتح ليل سيارته واخذ اغراضه وركبهم مع العيال وراح ل جده
ليل : لافي العز مفتاح سيارتي معك تصرف باللي ودك فيه وقمر انتبهو لها ترا معها سيارتها جبناها اليوم
لافي : ابد ابشر لو تبي بعد نخليها تطلع رخصه
ليل: اوففف احسن واحسنن بعد
لافي: ابد تبشر
ليل : ياعلي ما اذوق يومك
لافي: امميين ولا اذوق يومك
ليل : ودعتك الله
راح ليل وركب مع العيال الي كان بسام اكثر واحد مروق فيهم
ليل : سلام عليكم
الكل : وعليكم السلام
كامل: امانه اعط بسام كف يهجد فيه فرط حركه وروقان
بسام: يليل ي الحسودي
ليل: ترا بغير الرأي اهجد
بسام : سم
سكت بسام والكل انصدم انه اسرع شي سكت
كامل: ساحره انت
ليل: ليتني لكن بعدين تدرون
...........................................................................
يتبع
