البارت الخامس والاربعون
.
.
.
.
.
في اليوم الثاني قام تركي قبل العيال وصلى وطلع وحصل لافي جالس لحاله وانتهك الفرصه وراح له
تركي: سلام عليكمم
لافي: اررررحب
تركي: البقى ي بعدي
سلم تركي على لافي وجلس جنبه
تركي: جدي تؤمن بالحب
لافي: ايه
تركي: تساعد الي هايم بحبه ولا ماتساعده
لافي ابتسم: ايه اساعده ليه ما اساعده
تركي: عاش ، ولدك تركي وده ب بنت اجاويد انت تعرفه بعد بس انه ابوي ماقال لك للحين قلت اقول لك
لافي: من هي وابشر به
تركي: ليان بنت عمتي
لافي: ابشر كم عندي تركي
تركي : صادق!
لافي: اي والله
تركي حضن لافي: ياحظييي فيككك
ليل: ياسلقههه بعد عنه حقي ذا
تركي : انطم ي قاتل المتعهه
ليل قرب من لافي وبعد تركي: تمتع ب كل شي الا لافيي
تركي: ي شينكك
ليل: انا اشين واحد
تركي: جديييي خله يبعد انا اغلى صح
ليل : شف الفرق انت تقول جدي وانا اقول لافييي يعني مانت اغلى اذلف
لافي : هاه اهجدو كلكم غاليين عندي
تركي: اوريييكك ترا في اختييي انتفها منك
ليل: اعقب الا قمري حتا شوف اسمها تغير اسمها قمرالليل صح لافي؟
لافي: صح
تركي: وين اخوي بس يفزع لي في غدرات هنا
ضحك لافي: اجلسو بس شوي ويجي الفطور افطرو معي
ليل: تراني بداوم ي بعدي يعني مايمدي بروح البس واروح ل دوامي
لافي: خذ شي تاكله لاتدوخ
ليل: ابشرر
راح ليل ل غرفته وحصل قمر سرحانه
ليل: غريبه صاحيه
ماردت قمر وكانت سرحانه وتفكر ب كيف تقنع سلمان
ليل: ياهوه قمر وشفيك
قمر وعت على نفسها وناظرت ليل: ليل تساعدني؟
ليل: ابشري وش بغيتي بس
قمر: اميره ماتبي سلمان وتقول استخرت اكثر من مره وعجزت ارتاح ومابي يجي يخطبني عشان ابوي مايجبرني
ليل: احح هذي الورطه لكن بدبر حل واحاول ب سلمان
قمر: ليل تراه عنيد وماراح يقتنع الا اذا سمعها منها
ليل: طيب اذا جا اتصلي عليها وخليها تقول له
قمر: بشوف
ليل: يلا انتبهي ل نفسك بروح بداوم
قمر: زين وانت بعد
ليل: سمي
راح ليل لبيتهم ولبس بدلته وطلع ل دوامه
-
دخل ليل وجاه مجد وبسام يركضون سحبوه ودخلو المكتب
ليل: وشووو
مجد: بسام انت قل
بسام: انت اكبر انت قل
ليل: اخلصو لا اصفقكم
بسام: حمد ذبح نفسه
ليل: كذاب
بسام: والله وتو مسكنا واحد ثاني حمد معبي راسه انه يذبح نفسه عشان يحطونها فيك وفينا بس انت اكثر واشوا لحقنا عليه
ليل: يليلللللللللللللل خلاصصصص ولا تدري خلهم يجون انا طفح الكيل يسون الي يسون تعبت
مجد: كل تبنن انت قوتنا بعد الله كلنا نتكاتف ونهزمهم
ليل جلس على ركبه ورفع يدينه: يارببب مالي حيلله بعدك خلاص ياربي تعبت تعبت مابقي لي الا طيحه وحده وانتهي يارب تعبت يارب قوني
رفعوه العيال وحضنه بسام بقوه: ليل لاتستسلمم انت قوي وتذكرر عيالك بيجون وش بيقولون لاكبرو وشافوك مستسلم وماتبي شي تطيح ثقتهم كلها ي ليل تقدر انت وماعليك مانت لحالك حنا معك
ليل تنفس بضيق: طيب الحين وش بنسوي
جلسو يخططو ويخلصو اشغالهم
-
بعد صلاة العصر وصل سلمان للبيت ودخل وسلم على الكل ووقف عند خالته
سلمان: وين القمرا والليل
ام ليل: الليل بدوامه والقمرا نيمه
سلمان: زين زين
طلع سلمان وكان بيروح ياخذ له اغراض كان جالس بسيارته ويشوف جواله قبل يمشي ومنها ينتظر تركي ورائف ومعاذ
جته اميره
اميره: سلمان
لف سلمان وعرف انها اميره
سلمان: هلابك هلاوالله
اميره: سلمان انا جايه سريع ومابي اكثر كلام وبقولك شي
سلمان: امري
اميره: سلمان انا ما ابيك واتمنى ماتخطبني عشان ماتحرج نفسك
سلمان اوجعه قلبه: ليه طيب
اميره: سلمان انا استخرت اكثر من مره وماحسيت براحه وبالبدايه يوم قلت موافقه برضو ماكنت مرتاحه بس عشان قمر مابيها تزعل بس والله يوم قرب الموضوع يصير جد مابغيت يتم وانا مب مرتاحه وامانه لاتخطبني عشان ابوي مايجبرني واذا خطبتني واجبرتني صدقني مابتعيش معي مرتاح لانو انا مب مرتاحه والله يكتب لك الخيره وتحصل الي احسن مني حبيت اقولك لاني ادري قمر مابتقدر تقولك
راحت اميره وسلمان جته الغصه وقلبه اوجعه زود ماهي الا شويات وركبو العيال
سلمان بضيقه: ياعيال روحو انتم وخوذو سيارتي جتني دوخه بنام
تركي : اما عاد
سلمان: اي والله بس اهم شي ودو معاذ موعده جدي محرص
العيال: تم
نزل سلمان وراح ل قمر سيدا وحصلها صاحيه دخل وسكر الباب
قمر: بسم الله متى جيت
حضنها بقوه وبكى
قمر: وشفيك
سلمان: قمر ليه ليه ماتبيني ماتدري اني انكديت زود عشان اجيب لها كل الي تبيه وتتم امورنا بسرعه قمر ليه
قمر عرفت ان اميره قالت له
قمر: يمكن خيره ي سلمان يمكن خيره تجيك الاحسن
سلمان: وش ذنبيي اني حبيتها من كللل قلبي وتخيلت حياتي معها وكل شيي قمر تكفين
قمر: والله مابيدي حيله ي سلمان والله مابيدي شي تكفى لاتوجعني ودي اسوي لك كل شي حتا لو تبي عيوني عطيتك بس امانه لاتوجع قلبي
سلمان شد عليها وزاد بكاه دخل عليهم ليل وشافه
مسكه ليل وحضنه
ليل: اذكر الله اذكر الله
سلمان : ي ليل انهدددد حيليي ي ليل ابيه
ليل: تجيكك الاطيب منه هي ماتبيك خلاص يابعدي خلاص
سلمان حضنه بقوه وكان يتوجع من القهر
ليل اشر ل قمر تروح عشان يدري انها بتبكي معه طلعت قمر
ليل: سلمان تكفى لا تتعب نفسك واذكر ربك لعله خيره ربي ناوي يكتب لك البنت الي احسن ماتدري وحتا يمكن ماتدري يمكن في احد بحياتها اهدى وماعليك ربي بيرزقك الاحسن وتذكر كلامي
سلمان: ان شاء الله
مسح ليل دموع سلمان وحضنه وطبطب ع ظهره
ليل: يلا قو نفسك انت قوتنا بعد الله وخلك مع تركي الي يستفزع فيك من اليوم
سلمان ابتسم : وش هو قايل
جلس ليل يقول له السالفه ويحاول يضحكه ونجح بتضحيكه وجلسو مع بعض شوي لمن هدا سلمان وتغيرت نفسيته شوي
سلمان : الا علمن والله انك جاي على بالي من يومين فيك شي صح
ليل ابتسم : جاي على بالك ب وش
سلمان: مدري كذا شي يقول لي ليل فيه شي مضايقه وابيك تعلمن عاد الحين
ليل: وش هو بس الي ماهو مضايقن لكن خلها على ربك واسبقني عند لافي
سلمان: لا بالله تعلمني
ليل: مابقيت احد ماقلت له احس طفشت من السالفه
سلمان: علمن انا ماراح اطفش
ليل: ابشر
جلس ليل يقول له السالفه لمن النهايه ووراه
سلمان شهق : كل هذا عشان بس يرجعون علاقتك ب جدي اجللل لو بيجلدونك صح وش صاير
ليل: كان ميت لكن خلها على الله واصبر بس اغير ونروح ل لافي اشتقت لسوالفه
سلمان: اي بالله
دخل ليل اسرع شي وغير ولبس طقم شورت وطلع
سلمان: ياويلك من لافي
ليل ضحك: ليه
سلمان: قصيرر شورتك
ليل: ماعليك وسيع وزين ودايم البس زي هالطول
سلمان: عيونك بهم شي شكلك
ليل: امش ياخوي ماعليك
نزلو وراحو ل لافي وجلسو عنده وليل من حظه انه جالس جنب لافي
لافي قرص ليل مع فخذه الي طالع
لافي: وش هاللبس
ليل : لااافييي وش هالقرص يوجع ولبسي نفس الي البسه دايم
سلمان ضحك: قلت لك
لافي: غيره
ليل: يا لافي والله مالي خلق وجايز لي
لافي: ليل استر نفسك مايصلح وان شافك واحد وش بيقول متفصخ ذا
فطسو ضحك سلمان وليل
ليل: وش علي من كلامهم ي لافي اهم شي عاجبن
لافي: كانك تبي رضاي رح غيره
ليل: الشكوى لله ابشر
قام ليل ووقفه نور السياره الي وقفت الا مجد وبسام وغالب وهزاع
ليل: ارررحبوو
سلم عليهم ودخلو العيال وسلمو على لافي وسلمان
لافي: اقلطو
مجد: لا يابعدي مانبي شي بناخذ ليل شوي ونمشي
ليل: مسرع اشتقتو
مجد: لاتحدني اسحب عليك
ليل: لاخلاص امزح
بسام: بعدين ليل تعال وش هالسيقان
ليل : فتنوك صح بروح استرهم
كلهم : يععععععععع
صفق مجد ليل مع راسه بخفه: اذلف وارجع بسرعه
ليل ضحك: طيب طيب
راح ليل ودخل وشافته امه وجدته
الجده مزنه: وويلي ياليل وش هالتفصخ
ليل: ياجده والله بغيررره الحين وشبكم علي
ام ليل: بعذرنا كنك متفصخ
ليل : وين قمري بس
قمر: هلا
ليل: صح حلو لبسي
قمر: يجنننن
ليل: ها شفتو بس انتم ماش
ام ليل: بس رح الله يصلحك استر سيقانك
قمر ضحكت: اما عاد مرجعينك عشان تغطي
ليل: تشوفين كلهم يقولون سيقانك سيقانك بروح اغير واطلع عشان ما انذبح يلا مع السلامه
راح ليل اسرع شي وطلع له طقم ثاني وبنطلون طويل بحكم كل العيال لابسين اطقم لبس اسرع شي وتعطر وطلع
لافي: الحين مانا حلوك(يعني صرت احلى)
ليل: حبيبي لافي تجرح وتداوي
ضحك لافي
ليل: وين سلمان
لافي: راح ينام يقول دايخ
ليل: زين
راح ليل للعيال وركب
ليل: شعندكم ترا جيتكم خوفتني
مجد: بنطلع مع بعض بس مامن شي يخوف
ليل : احسب في شي صاير اشوا دامها كذا
راحو يتمشون
-
عند رائف وتركي و معاذ
تركي ورائف كانو ينتظرون يطلع معاذ لمح رائف زول نجلاء
وتأكد انها هي من شاف تميم
تركي: رائف تميم
رائف رفع يده ل تميم وانتبه له وجاهم وسلم عليهم
رائف: فيكم شي؟
تميم: لا مامن شي بس مراجعه ل نجلاء
رائف قرصه قلبه بس مثل القوه
تميم: اسنان بس انتم علموني وشفيكم
تركي: مع معاذ يفك الغرز
تميم: يابعد قلبي طيب جدي شلونه وهو وليل
تركي : ماعليك تمام التمام
تميم: اشوا الحمدلله
رائف: تعالو كان ماعندكم شي ودامنا اجازه نتونس مع بعض
تميم: بشوف عن امي كانه اشوا جبته
رائف: وشفيها
تميم: بيني وبينكم ابوي مانسا موضوع ليان وبيزوجها مره ثانيه وضاقت امي ف عشان كذا وماندري عن ابوي شوره من راسه
تركي سكت بصدمه ورائف تدارك الوضع
رائف: ماعليك قل لها لافي يبيك وخلها تجي هي وابوك ولافي يحلها
تميم: زين بشوف عنهم
رائف : الله ييسر
-
بعد ماطلع معاذ رجعو البيت وراح تركي سيدا ل لافي
تركي : جدييي
لافي : وشفيك
تركي : ي جدي بيزوجونهاا ي جدي
لافي : من مين
تركي : تو شفنا تميم وقال انه ابوه مانسا السالفه ويبي يزوجها تكفى يا جدي اليوم كلمهم يجون واخطبها لي ابوي ماراح يسمع مني تكفى ي جدي
لافي: ابشر بعزك ولا تضيق خاطرك
تركي : امانه ي جدي بروح اخلص شغلي وبرجع القاك متمم الموضوع
لافي: ابشر وماعليك لاتفكر اعتبره انه تم
تركي : الله يطول بعمرك ويخليك لنا
طلع تركي وهو قلبه يوجعه يخاف انه الموضوع يقلب جد
-
عند ليل والعيال كانو ب كوفي يتقهوون وكله ضحك
بسام: بنروح ل هذا المكان بنلعب فيه
ليل : ورني
وكان المكان نفسه الغرف الي صار فيه اسوء يوم بحياته
ليل: والله م اروح
بسام: ليههه
ليل: اسوء وازفت يوم فيه ماتذكر
بسام تذكر : خلاص مانبيه نبي مكان ثاني
غالب : ودي العب كوره امشو
ليل: تم
كلهم جازت لهم الفكره وراحو يلعبون
-
عند لافي نادا ابو تميم وجلسو مع بعض
لافي: يابو تميم انا جايك وبطلبك طلب ومانبي تردنا
ابو تميم: ابشر بعزك وش بغيت بس
لافي: ليان بزوجها تركي
ابو تميم: صادق؟
لافي: اي والله
ابو تميم: لايكون تبي تجبره
لافي: انت بس علمن موافق ولا مانت موافق
ابو تميم: موافق
لافي : اجل بكرا نتوكل على خير ونسوي لهم خطبه رسميه ويملكون ويشوفها
ابو تميم: طيب ابوه وهو موافقين ولا
لافي: ايه ماعليك
ابو تميم: اجل تم الله يكتب الخير
دخل تميم و وافي
وافي : ابووووو سعددد
لافي ضحك: ارحبببب
ركض وافي وحضن لافي وباس راسه
وافي : اشتتتتقتت لك وينك مختفي
لافي: انت قاطعنا ولا انا مكاني
وافي : ب هذي صدقت بس والله الشغل قروشه
لافي : الله يوفقك ي بعدي
تميم سلم على جده وجلس جنبه
لافي : وتميمنا وشفيه سرحان ماهو معنا
تميم ابتسم: ابد مامن شي طمني عنك
لافي: بخير وانت طمني
تميم: بخير الحمدلله
لافي: كيف اوضاع دوامك ودوامك الي اخبره
ضحك تميم من عرف قصد لافي انه البنت الي يحبها
تميم: تمام التمامم
لافي: الجائزه الي بدوامك الثاني متى
تميم: قريب اتوقع
لافي: توقع بعد
وافي : وش تخربطون انتم بعرف جاني فضول وش دوامه الثاني
لافي ضحك: مالك دخل كلام كبار
وافي : الله واكبررررر ي السوالفففف اصلاً يع سوالفكم بروح العب سوني مع معاذ اهون
راح وافي وجلس يلعب هو ومعاذ وابو تميم طلع يكلم
لافي: وش تتوقع ابوك مابعد بيخطبها لك
تميم: مافتحت الموضوع الا زمان وسكرته اسرع شي والحين ودي بس ابوي ماهو معطي من روحه مشغله موضوع ليان
لافي: واذا قلت لك اني حليت موضوع ليان وبكرا تملك ويشوفها الرجال
تميم: من هوو
لافي: تركي
تميم ابتسم من شك اصلاً بتركي يوم بالمستشفى يوم قال بيزوجونها تغيرت ملامح وجهه
تميم: اها اي زين اشوا وابوي موافق؟
لافي: ايه والحين لاجا اقوله عن الي تبيها
تميم: لا يجدي مابي ينضغط زود
لافي: تميم انا لاقلت كلمه بسويه الا اذا انت مانت مستعد ولا ماتبيها
تميم: لا والله ابيها ومستعد بس خايف من ردة الفعل اخاف يقول من وين جبتها وكلام كثير
لافي : لاتتخيل وماعليك انا اضبطك
تميم: اكيد
لافي: اي
دخل ابو تميم
لافي: تميم رح شوي عند العيال
ابتسم تميم وراح عند العيال
جلس ابو تميم ودرا ان لافي بيكلمه
ابو تميم: سم
لافي: تراني بس بعلمك عشان تكون على استعداد تراني بخطب ل تميم
ابو تميم : ابد ماهي مشكله بس من
لافي: بعدين اقولك لا صرت بروح اخطب تجي معي انت وياه
ابو تميم: زين ابشر ماهي مشكله
لافي : اكيد
ابو تميم: اي اكيد ماعليك
-
عند البنات كانو مجتمعات ومبسوطات كلهم وضحك ووناسه وسهره مع بعض وحسو ب اجتماع ارواحهم بهالوقت
-
الا عند سلمان الي عجز يجيه النوم من وجع قلبه ومن البكاء قام غسل وجهه وتوضى وصلى ودعاء ربه انه يكتب له الخيره ويرضيه باللي يكتبه وطلع وسلم على ابو تميم والعيال وجلس مع العيال
سلمان : ياعيال وين تركي
معاذ: مدري شفته طالع ضايق وقلت له وشفيك قال مافيني شي بروح وارجع وماشفته ل ساعتك
سلمان: وجالس مبرد الاخ كان معلمني
معاذ: وشدراني ابوي قال انك نمت اعلمك وانت نيم مثلاً
طلع سلمان وهو خايف ع تركي وركب سيارته وجلس يدور ويدق عليه لمن رد
سلمان: تركيي
تركي: سم
سلمان: وينك
تركي: جالس امشي على رجولي مدري وين رحت
سلمان: خلك ب مكانك واجلس وارسل لي الموقع اجيك
تركي: طيب
سكرو الخط وارسل تركي ل سلمان الموقع وجاه والي يريح انه كان قريب شوي وحصله جالس ومنزل راسه نزل له بسرعه ورفعه
سلمان: ووشفيك علمن وش صاير وش الي مضيق خاطرك
تركي: اخاف الافكار الي ببالي تصير
سلمان: وش الي ببالك
تركي: اخاف يزوجون ليان
سلمان: ماهم مزوجينها محد جاب طاري امش معي لاتهد حيلك والعيال موجودين وافي وتميم وعمي
تركي : امش بسرعه اكيد جدي قال له
سلمان: اهجد لايكون بتروح كذا وانت متلهف قدام عمي تبي يذبحك
تركي: اجل وش اسوي
سلمان: ارسل ل جدي وهو يرد لك
تركي : طيب
ركبو السياره وارسل تركي ل لافي
تركي : جدي صار شي؟
ماهي الا شويات ورد لافي
لافي: اي ابشرك خلاص بكرا وانت مملك عليها وبتشوفها
صرخ تركي بفرح : اخييييررررررراً اخييييييررراً
سلمان: وووجع اذنييييي وشفيك
تركي : بكرااااا بكراا اشوفها ويملكون لي عليها
سلمان : احلففف
تركي: والله جدي ها توه ارسل لييييييي
سلمان: الحمدلله اشوا
تركي : احسسس بصيييح
سلمان: صيح يحق لك
تركي : والله تراها على الطريف
سلمان : لا امزح امسكها
تركي نزلت دموعه وهو يضحك
تركي: مقدر مقدر من الوناسسهه اخخخخ احس حبيت جدي اكثر شي
سلمان ضحك: يالمصلحجييي خلاص سده لايشوفك تبكي
تركي مسح دموعه وهو يضحك ونزل هو وسلمان يضحكون
شافه لافي وابتسم له انه الامور فالسليم دخل تركي وسلم على ابو تميم وراحو للعيال وجلسو مع بعض
ماهي الا شويات وجا ليل ودخل وسلم على ابو تميم
وجلس معهم
ليل: ياحي الله ابو تميم وش هالغيبات
ابو تميم: اختفيت ورجعت ولقيت جدك صاير خطابه
ضحك ليل بقوه : اما عاددددد جدي من انت خاطب بعلم جدتيي
لافي: ماهو لي وماراح اعلمك
ليل: لاخلاص اتوب علمن
لافي: المشكله اضعف قدامك ي سلقه خطبنا ليان ل تركي و تميم بخطب له وحده بس ماني معلمكم الحين من بنته
ليل: ماشاءالله الف مبروكك الله يكتب لهم الخيره وتميم بعد الله ييسر له
كلهم: امينن
ليل: وين العيال
لافي : مجتمعين عند معاذ يلعبون
ليل : السللق بروح اداهمهم
لافي : موفق
راح ليل ركض للعيال
ليل : السللللقققق مايقولون ليل فقدناه
كلهم : مانبيك
ليل: اح خلاص اذلفو مابيكم
لف ليل بيطلع وفزو كلهم ومسكوه
رائف: اما عاد زعلت
ليل بتمثيل الزعل: اي خلاص سجو بروح عند امي اهون
مسكوه العيال ودخلوه
سلمان: ماتروح
ليل: مو تقولون مانبيك
معاذ: وشبك صاير زعول
ليل ضحك : خلاص لاتصيحون مازعلت اصلاً بروح شوي ل امي صدق وبرجع
معاذ: خلني اشوفك ماترجع
تركي : اتلك مع اذنك
ليل : معليكم برجع
راح ليل ل امه وحصلها جالسه هي وقمر جلس بينهم
ليل: يمه
ام ليل: هلا
ليل: شرايك نزوج رائف
ام ليل ضحكت: وش الطاري
ليل: جدي اشتغل خطابه ف بنخليه يخطب له
قمر ضحكت: اما عاد
ليل: اي والله جمع اربع روس بالحلال
قمر : ماشاءالله مين
ليل: مقدر افصح سر من اسرار الاداره لكن هو يقولكم
قاطعهم دخول ابو ليل وكان يناظر ليل وعيونه تلمع
فز ليل وراح ل ابوه وباس راسه وحضنه اول ماحضنه نزلت دموع ابو ليل
ليل كان يمسح على ظهره وهو مبتسم وام ليل وقمر علامات استفهام راحت قمر وام ليل ل المجلس عند البنات وام تميم والجده مزنه وام سلمان عشان يعطونهم راحتهم
ليل: يبه ارفع راسك وخلك سندنا لاتضعف
ابو ليل: ليل ي ليل اعذرن والله ماكنت ابيه توصل لهالمواصيل
ليل: الي فات مات ي بعدي خلاص لاتفكر
ابو ليل: خلاص يعني مسامحن؟
ليل: ايه
ابو ليل: وعمك
ليل: هو بعد
ابو ليل: اجل رح له شوفه ببيته وخل ابوي يتكلم معنا ويسمعنا لانه يقول ماني مكلمكم ولاني راضي الا اذا ليل سامحكم
ليل: تبشر
طلع ليل و راح ل بيت ابو سلمان وطق الباب وفتح الباب ابو سلمان : هلابك
ليل: هلابك اكثر
قرب ليل وباس راس ابو سلمان وصافحه
ليل ابتسم: الي فات مات
ابو سلمان ابتسم: صادق
ليل: اي والله
حضنه ابو سلمان : يابعد عيني ياليل والله انه ماهي من قلب وماني قاصد ابد
ليل: ماعليك لاتفكر خلاص راحت
ابو سلمان: يابعد قلبيي ي ليل
ليل: يلا تعال معي بناخذ ابوي وبنروح عند لافي
ابو سلمان: يلا
اخذو ابو ليل وراحو عند لافي وكان لحاله اشر ليل ل لافي انه خلاص سامحهم
راح ابو ليل وابو سلمان وباسو راس لافي وجلسو معه
جا ليل بيجلس وهو يمسكه تركي ويمسك اذنه
تركي : ماقلت لك بتلك مع اذنك
ليل ضحك : يا بزر فكني بس بقول شي واحد
تركي : بعدينن
ليل: لافيي قل ل عمي عمر الي صار يلا مع السلامه
راح ليل مع تركي ولف ابو سلمان على لافي
ابو سلمان: وش صار
لافي: تراني خطبت ليان ل تركي وبكرا بنملك لهم
ابو سلمان وابو ليل: ووشوووووووو
لافي: الي سمعت
ابو سلمان: ماهي مشكله ماقلت شي بس ابو تميم موافق؟
لافي : ايه
ابوسلمان: الله يكتب الي فيه الخير
كلهم: امين
ماهي الا شويات ووصلت رساله من ليل ل لافي شافها
لافي وابتسم ومسك ضحكته
كانت
ليل: لافي العز ابيك تخطب نجلاء ل رائف العاشق الولهان بس لاتسوي شي الا لمين اسأله وبقولك وبرسلك تم
-
عند العيال ليل كان بجنب رائف ينتظرون العيال يخلصون عشان يدخلو اللعبه
ليل لف على رائف وهمس له : لو خطبت لك نجلاء موافق
طارت عيون رائف وقال بهمس: لا ماتبيني هي لا تسوي شي
ليل بهمس: تحبك لا انخطبتو وبعدين مانت متأكد
رائف بهمس: لا ليل اخاف
ليل بهمس: كيفك بتروح عليك ان ماخطبتها
رائف بهمس: ياخي مدري اصبر بروح استخير واقولك
ليل مسك ضحكته وهمس: اخلص طيب
رائف ضحك وراح ركض
وليل جلس يناظر العيال ويشوف جواله وجته رساله من بسام
بسام: ي سلقه اطلع لي ابيك تاخذ هديه ل مزني تعطيها
ليل: اعقب مانعطي هدايا تالي الليول
بسام: يا بزر اخلص عشان بروح الحق اعطي ابوي علاجاته
ليل: لاتصيح يلا جايك
فز ليل وجا بيطلع
العيال: وووين
ليل: شوووويي بس واجيي والله
تركي : بتلك مع اذنك ترا ان تأخرت
ليل: ماعليك
طلع ليل وراح ل بسام واخذ منه هدية مزن وهو يضحك ودخل مع الباب الي ورا وراح ل غرفة مزن وطق الباب
مزن: هلا
ليل: عندك احد
مزن: ايه
ليل: اطلعي
طلعت مزن
مزن: هلا
ليل: امسكي ذي من سلقتك
مزن: من سلقتي
ليل: بسام
مزن ضحكت: اوريك اعلمه
ليل: انتي سلقته وهو سلقتك ي السلق
مزن: هينن تذكر ترا زوجتك عندي بصفقها
ليل : ماتقدرريينن اذا ضربتيها كنك بتضربين الي بيخلونك عمه
مزن: سلقه تعرف تخليني اتراجع بقراري
ضحك ليل: يلا عاد بروح
مزن: موفق
راح ليل ل غرفه رائف جا بيفتح الباب وطلع ب وجهه رائف
ليل ورائف بنفس الوقت: بسمم الله
مزن فطست ضحك على اشكالهم وهم بالمثل من الصدمه جلسو يضحكو لمن طلعو
ليل: هاه اي ولا
رائف: اي خلاص قل له
ليل: زين
ارسل ليل ل لافي تم
-
عند لافي لف على ابو ليل
لافي بهمس: بخطب ل رائف نجلاء ترا
ابو ليل بهمس : يبه تراك قالب خطابه
لافي بهمس: بخطبها تراني مااستشيرك اعطيك خبر
ابو ليل ضحك : تم
لافي: يابو تميم
ابو تميم ضحك: موافق بس من
لافي ابتسم: نجلاء
ابو تميم: ل من
لافي: رائف
ابو تميم: ماهي مشكله بس بستشيرها
لافي: واستشير ليان معها
ابو تميم: ابشر
انتهى اليوم الي كان جميل على الكل
...........................................................................
يتبع
