البارت الثاني والستون
.
.
.
.
اخذ معاذ قمر المستشفى الي كانت تتألم بتعب
كشفت عليها دكتورتها
الدكتوره: انتي ولدتي قبل ب السابع صح
قمر: ايه
الدكتوره: اي يمكن تصير لك بعد ولاده مبكره نفس قبل
قمر: لاا مابي
الدكتوره: ليه ماتبين
قمر دمعت: تكفين دكتوره اذا في حل عطيني بس ولاده مبكره مابي
الدكتوره: اهدي اهدي وفي حل بعطيك ياه بس ليه ماتبين
قمر: تذكري انا كم جبت المره الماضيه
الدكتوره: ايه ثنين
قمر: اي بقى منهم واحد الي هو الولد
الدكتوره: كيفف
قمر: احد اخذهم وهم بالعنايه وذبح البنت والله يرحمها ويجبر قلبي انا وابوها
الدكتوره شهقت : ياااااقلببييي الله يجبببررر قلبكممم
قمر: امينن
الدكتوره: لا ماعليك ذي المره صدق في حل وبعطيك ياه واهدي ولاتخافين حتا لو صارت ولاده مبكره
قمر: ان شاءالله
خلصت قمر من المستشفى ورجعت البيت وهي قافله معها
معاذ: قمر وشفيك
قمر: تعبانه شوي بروح اريح انت شوف ل ليل خله يجي بسرعه تعبانه وابيه عندي
معاذ: تبين شي اجيب لك شي
قمر: بس جيب ليل
معاذ: طيب
دخلت قمر وهي ضاييقه مره
راحت ل الصاله عشان تاخذ لافي من ام ليل
قمر: سلام عليكم
ام ليل: هلا والله وعليكم السلام
قمر: وين لافي عسى م تعبك
ام ليل: لا ابد ماتعبني ونام و حطيته ب سريره وضبطت وضعه انتي وشفيك بنتي وجهك منخطف
قمر: تعبانه شوي
ام ليل: اجيب لك شي؟
قمر: لا سلامتك وتسلمين ماقصرتي
ام ليل: يسلمك ربي
راحت قمر غرفتها وهي تعبانه الف
-
عند ليل طلع بسام من العمليات وتطمن عليه وجلس شوي وهو يفكر قاطع تفكيره اتصال معاذ
معاذ: ليل ووجعه
ليل: ليه وش انا مسوي
معاذ: لو عندي زوجه مثل قمر ماتركتها مثلك ي السلقه الجرباء تعال بسرعه قمر تعبانه
ليل بخوف: لاتخوفني معاذ ادري ب مقالبك وش فيها وش صار عليها
معاذ: ماخوفتك بس قهرتني لانه قمر تقول قول ل ليل يجي بسرعه تعبانه وابيه عندي
ليل: طيب وينها
معاذ: دخلت البيت
ليل: يلا شوي وجاي
معاذ: ليل اخلص لايجي الفجر وانت مب فيه والله ان يذبحك ابوي
ليل: لاتزييدني ي معاذ يلا اخلص الي عندي واجي
معاذ: طيب
سكرو الخط واتصل ليل على مجد
مجد بنوم: وشفيكم
ليل: معليش صحيتك ي مجد لكن صحصح بسرعه بقولك شي
مجد بخوف: وشو وش صاير
ليل: اسمعني بسام سوا حادث وفكه ربي بس صار فيه كسر بيده وتمزق اربطه بكتفه وسوا عمليه والحين هو مبنج ونايم ابيك تجي عنده الي اذا احتاج شي ولا تعلم احد ابد
مجد: لاحول ولا قوة الا بالله يلا جايكم جايكم
سكرو الخط وماهي الا شويات وجا مجد وتلاقا هو وليل ب الممرات
ليل: هلابك
مجد: وش صار عليه
ليل: شوف للحين هو نايم بس اسمع خلك عنده انا بروح البيت ضروري
مجد: صاير شي؟
ليل: مدري ياهو مقلب من معاذ او صدق ام لافي تعبانه ف بروح بشوف لو هو مقلب من معاذ سدحته جنب بسام
مجد ضحك: خلاص ازهل بس روح
ليل: لا تعلمم احد ترا محد يدري
مجد: ازهل
راح ليل ركض ركب سيارته وراح للبيت بخوف وركض ل قمر دخل بهدوء وشافها جالسه وتفكر
قرب منها ومسك وجهها بهدوء
ليل: وشفيك وش صار وش يوجعك هذا انا قدامك وش يوجعك ياعيوني
قمر دمعت: ليل خايفه
حضنت ليل بخوف
ليل: ليه وش صار وش قالت لك دكتورتك
قمر:قالت احتمال اولد مبكر نفس المره الي قبل ليل مابي مابي اخسره مره ثانيه
ليل : طيب قالت لك انه في حل ولا لا
قمر: ايه بس خايفه مايضبط واولد مبكر بعدين وش اسوي وش اسوي اموت قهر ولا وش
ليل: قمري تكفييين اهدي تكفييين
مسح ليل دموعها وناظرها
ليل: شوفي هي قالت في حل خلاص تفائلي انه ب اذن الله بيكون بخير بعدين واذا صار مبكر عادي خليه تصير ومحد بيجيه
قمر: ليل قلت لي كذا قبل وجاهم سعود
ليل: طيب انتي اهدي وانا بضبط الوضع واقولك
اتصل ليل على سعود وفتح سبيكر
سعود: ارحب
ليل: معليش اتصلت عليك بهالوقت
سعود: لا ماعليك صاحي امرني بس
ليل: سعود وش قالو جماعتك طمني
سعود: لا ماعليك الامور ضبطتها وهجدو وخلاص شالوك من القائمه السوداء وابد وانت ي الليل صدق شكرا لك لانك صدق رغم اني اذيتك كثييير الا انك عديت بنتي بنتك وساعدتها صدق شكرا
ليل: حمدلله اهم شي مايجوني جماعتك وبنتك اي والله بنتي واهم شي صحتها واهتم بها والله يحفظها لكم ويحفظكم لها
سعود: اميننن وماتقصر
سكرو الخط ولف ليل على قمر
ليل: ها ارتحتي شوي ولا
قمر: فيني غصه ي ليل قسم بالله احس ب الم مو طبيعي والدكتوره خوفتني زود وزاد الالم
ليل : نغير الدكتوره
قمر: ياخي ما احس في وحده تناسب
ليل: انا ادور لك وماعليك
قمر: ليل لاتخليني والله خايفه وتعبانه
ليل حضنها: انا جنبك ماعليك
انسدحت قمر بحضن ليل وليل ارسل ل لافي
ليل: لافي العز ابيك تعذرن هالمره ماقدر اجيك اتكي معك الصبح بعد الصلاة ابي اجلس عند القمرا تعبانه شوي
رد عليه لافي بعدها ب شوي
لافي: وشفيها القمرا
ليل: والله مدري لكن تعبانه شوي وبجلس عندها
لافي: طيب وطمني عليها
ليل: ابشر
سكر ليل جواله وحضن القمرا
ليل: قمري شرايك تهدين وماتفكرين بالشيء الشين عشان مايجي وماعليك بتتيسر الامور
قمر: ليل خايفه مره مدري وش اسوي
ليل : قمر ابيك تهدين اهددي
قمر تنفست بهدوء عشان تهدى ورفعت راسها ل ليل
قمر: طيب واذا ماحصلت دكتوره مضبوطه
ليل: ماعليك بحصل وبتولدين بالسلامه وتجيبين اخت ل لافي وابد تتيسر الامور بس لاتخافين
قمر: يارب يارب
ليل: انتي اذا هديتي الحين لك مني شي حلو
قمر: وش هو
ليل: شي اذا هديتي وروقتي
قمر تنفست بضيق وحضنته لانها صدقق ماهو بيدها انها تهدى
عند ليل ارسل ل مجد
ليل: وش صار عليه
مجد: توه م قام
ليل: طيب اسمع بسألك سؤال ومدري شلون اسألك
مجد : وشو اخلص عادي
ليل: ابيك تسأل ام يزن عن دكتورتها حقت الولاده وهل هي شاطره ولا لا
مجد : ابد ابشر الحين اسألها وماعليك عادي
جلس ليل يسولف على قمر عشان تغير نفسيتها وتضحك لكن ماش ماهي الا ثواني وارسل مجد اسم الدكتوره والمستشفى
مجد: شوف تقول ام يزن الله يسلمك انه مره حلو وتطمن وتعاملها مضبوط وكل شي مضبوط وتقوم ام لافي بالسلامه
ليل: ي بعد عيني ي مجد تسلم م قصرت انت وام يزن
سكر ليل جواله من سمع اذان الفجر
ليل: يلا قومي صلي وادعي ربي
قام ليل وتوضى وجا بيصلي مسكته قمر
قمر: مانت نازل عند جدي
ليل: لا زعلان عليه
قمر: لييه
ليل: امزح بس بجلس عندك
قمر: اقول تجي بعدي شوي عندي بس روح صل بالمسجد مع جدي واجلس مع جدي وتعال
ليل: مابي
مسكت قمر بطنها : ليل لاتغثني والله تعبانه
ليل باسها: ابشري ومن عيوني وحاضر وارتاحي لا اصفقك
قمر ضحكت: عطبتها بالاخير
ليل ضحك: ايييوووه ابي هالضحكه
قمر: طيب تطلع الضحكه بس روح الحق ع الصلاة مع جدي
ليل: سمي
طلع ليل يركض للمسجد ودخل وهم توهم بيقيمون ودخل وصلى بجنب لافي وخلصو ولف عليه لافي
لافي بهمس : ليه تركت القمرا
ليل: لزمت علي
طلع ليل ولافي ماشين ب اتجاه البيت
لافي : شلونها
ليل: والله ماش
لافي : وشفيها
ليل: احتمال تولد ولاده مبكره وقافله معها
لافي بصدمه: ليه مابشرتني انها حامل!
ليل: لافي ماعلمتك!! اذكر علمتك
لافي: تستهبل والله ماعلمتني
ليل: اما عاد لافي والله اذكر علمتك
لافي : علمتني المره الاولى هذي لا
ليل: العذر والسموحه اجل شكلي نسيت اصلاً احسب القمرا معلمتكم لانها ماعلمتني الا بالعيد
لافي : ماعلينا الحين واذا ولدت مبكره
ليل: ماتبي ولا انا ابي لافي للحين فيني غصة نجم
مسح ليل على وجهه عشان مايصيح ويصيح لافي معه
لافي : ليل ترا بصفقك ماهقيتك كذا
ليل: لافي توجع توجع توووجع ما قلت لك شلون ذبحها بالتفصيل توووجع ي لافي توجع نار تحرقني كل يوم لكن ابين لكم اني عادي لكني والله ماتخطيت ولا بتخطى
لافي: ليل اهدى طيب شلون بترجع للقمرا وانت تصيح ؟ وتزيدها
ليل: لا بروح عندها شوي بعدها باخذها وبنروح
لافي: لا تقول بيتكم
ليل: يمكن لاني بغير دكتورتها وبنشوف الوضع وبعدها يمكن ارجع البيت
لافي: ليل ولدي ليه ماتسمعني ليه ماصرت تطيعني
ليل: ابشررر بعزك وش بغيت بس والله لا اطيعك
لافي: لاترررروحووون خلوكم بيننا بعدين وش بيصير اذا ضاقت صدوركم تجلسون وتزيدون بعض؟ لا خلوكم عندنا قمر عند البنات تغير نفسيتها وانت عندي وعند العيال
ليل: على ذا الخشم
لافي : عليه الشحم
ليل: ابشر بعزك واي شي تبيه قل لي لاتقول ماتطيعني لاني م اطيع الكل واطيعك
لافي: زين يلا روح لها لا تتركها
ليل: ابشر
راح ليل ل قمر وماحصلها بالغرفه راح ل غرفة مزن وطق الباب
مزن: ليل اصبر لاتدخل
ليل: قمر عندك؟
مزن: ايه
ليل: قمر تعالي
مزن: ليل خلها عندي شوي
ليل: مزن مو وقته ابي قمر ضروري
طلعت له مزن هي وقمر
مزن: اصبر الحين بسام ليه مايرد
ليل: شتبيين فيه
مزن: مثل م انت تبي قمر انا ابي بسام
ليل: لا في فرق بسام عنده دوام وشغل وقمر حقتي انا شغلها
مزن بصدمه: مداوووم!
ليل : شوفي يطلع شي الي بيننا قصيت رقبتك
مزن : يمه وشو
ليل: رايح مهمه سريه وخاصه
قمر : يعني انا خليتك تجي وتتركهم
ليل: ايه
قمر: طيب روح لهم
ليل: خلاص انا بس اعطيهم التعليمات وخلاص
مزن: طيب اذا خلص خله يدق علي
ليل: طيب
اخذ ليل قمر وراحو غرفتهم
ليل: حصلت لك دكتورة ام يزن وبنروح له بعد شوي
قمر: صادق؟
ليل: اي والله
قمر: ولافي من يقعد عنده
ليل: مزن
قمر: لا تعبانه
ليل: ليال
قمر: نايمه
ليل: من فيه
قمر: ليان مقدر تعبانه و نجلاء مصدعه ونامت ومافي احد
ليل: رائف جلس هنا ؟
قمر: ايه بعد ملكة تميم جلسو
ليل: جبتها معاذ
قمر: لاوالله م احطه عند معاذ معاذ مايعرف شلون يشيله عشان تبي ينتبه له
ليل: سلمان
قمر: مدري شفته تعبان
ليل: اجل هاتيه معنا وخلاص
قمر: ليل اخاف عليه
ليل: ماعليك معي يصير وانتي تشوفين الدكتوره وترتاحين
قمر: هقوتك كذا؟
ليل : ايه
قمر: طيب امش اسوي لك فطور
ليل: بس والله نفسي منسددده مره ومابيك تشتغلين ريحي وارتاحي
انسدح ليل بحضن قمر
قمر: طيب احس بالك مشغول وش فيه وش صار في شي صاير وترا واضضضححح مره انك تكذب بسام ماهو ب مهمه
ليل: اهم شي مزن صدقت
قمر: ليل وشفيه الولد
ليل : ماني معلمك تروحين تعلمين مزن وتنهبل علي
قمر: ماني معلمتها
ليل : قمر بذمتك م تعلمينها والله مابي يزعل بسام
قمر: صاير شي فيه؟
ليل: ايه بسام سوا حادث ونجاه ربي
شهقت قمر: وش صار عليه
ليل: رضوض وانكسرت يده وكتفه جاه تمزق وسوو له عمليه وجيتك يوم طلع وخليت مجد عنده ويقول انه ماصحى للحين انتظر يقوم بتطمن عليه
قمر: يوووه طيب لو درت مزن
ليل: هو يعلمها انا ماراح اقول شي عشان مايلعن خيري
-
<<<<<<<<
تسريع الاحداث فاق بسام من البنج
و ليل تطمن واخذ قمر ولافي وطلعو للمستشفى
ليل: تبين انزل معك؟
قمر: ايه
نزل ليل مع قمر وراحو للدكتور ينتظرون جلس ليل يتمشى بالممرات وقمر جلست قريب من عند العياده متوتره وخايفه ولمحت يزن جنبها
قمر انبسطت : يزووني
يزن : عمتووو قمرر
نط يزن وحضنها
قامت قمر وسلمت على وصايف
وصايف : هلا والله ب قمر شلونك ي قلبي
قمر : ي هلابك بخيررر الحمدلله وانتي شلونك
وصايف: حمدلله يارب ، اخيييراً شفنا قمر الي من جاني يزن وهو يقول ابي اروح عند عمتو قمر
قمر: ياعيووونيي انتي واخيراً شفت ام يزن الحلوه
وصايف : ياروحي انتي الا طمنيني عنك امس سألني مجد عن الدكتوره يقول عشانك تعبانه وشفيك ي قلبي
قمر: والله ياوخيتي توني جيت ومدري خايفه صراحه
وصايف : اول حمل؟
قمر: لا هذا الثاني بس انا متخوفه من الولاده المبكره مابيها
وصايف : ماعلييك مشكلتك سسهله وصدقينيي انها مضبوطططه مره الدكتوره وتطمنك بس ترا اريح المبكره مره
قمر: صدقيني راضيه اتألم9 شهور ولا اولد مبكر لاني كارهه الفكره
وصايف : ليييه
قمر: مدري اذا قالك مجد ولا لا لكن انا جبت توأم بنت وولد ب السابع وعلى انهم يجلسو شهر او شهرين بالعنايه وبعدها اخذهم ولما خلصنا اعراس العيال كذا صعقنا واحد اذا تعرفينه اسمه سعود
وصايف : ايييه ذاك الي قال ل يزوني قول ل ليل فيك او في عيالك
قمر: بالضبط
وصايف : ايوه وش سوا
قمر: ايوه سعود اخذ عيالنا من العنايه ومدري وش صار ماقال لي ليل التفاصيل وبعدها راح له ليل وذبح بنتي من خوفه على بنته و من بعدها وانا كاررهه الولاده المبكره وان عيالي مايكونون قدام عيني
وصايف مسكت قلبها : يمممه ياعيوووني انتي عظم الله اجركك
قمر : اجرنا واجرك ي قلبي
وصايف مسكت يدها: ماعليك اهدي وصدقيني بتساعدك ذي الدكتوره
قمر: يارب
وصايف : عطيني رقمك عشان نتقابل اذ ودك
قمر: ابشريي
تعرفو قمر ووصايف على بعض وانبسطو وبعدها دخلت وصايف عند الدكتوره وخلصت وراحت وجا وقت تدخل قمر ودخلت هي وليل
دخلو عند الدكتوره وشرحت قمر لها كل شي حتا الحادثه وانها م تخطت وخايفه
الدكتوره: لااا ي قمر اهديي ولا تخوفين نفسك وماعليك الحل بسيططططط واعطيك ياه واسويه لك وماعليك انا معك اول ب اول وبترتاحين وانتي اهدي
قمر: طيب
طلع ليل عشان قمر تتكلم براحتها مع الدكتوره واتصل على مجد
مجد: ارحب
ليل: للحين انت عند بسام؟
مجد: ايه
ليل: عطني ياه
مجد: يلا
اخذ بسام الجوال
بسام: هلابك
ليل: اسمع الكذبه ك التالي انه كنت ب مهمه ويوم رجعت ب حركة استهبال كنت تسويها طحت طيحه قويه وتكسرت
بسام ضحك: اوفف خلاص تم
ليل: تبي اجيب لك شي ودك ب شي
بسام: لا ي قلبي م تقصر
ليل: صادق انا عشان بجي برافق معك
بسام: اما عاد مايمدي تهربني
ليل: لا سقها ماني مهربك توك يبي لك بكرا وبعده اطلعك
بسام: زين
سكرو الخط وطلعت قمر
ليل: ها عسا انك ارتحتي
قمر: اي والله الله يجزاها خير
ليل: حمدلله يلا وبالمناسبه ذي امشي نتقهوى
ضحكت قمر: يلا تم
راحو يتقهوو ويتمشو ومبسوطين وخلصو ورجعو للبيت لما وصلو لف ليل ع قمر
ليل: اسمعي بروح ارافق مع بسام لاتجيبين طاري اذ احد سأل وين ليل قولي عنده شغل
قمر: طيب تراك م نمت
ليل: ماعليك سهالات
قمر: زين
اخذت قمر لافي وليل راح للعيال
دخل عليهم وحصل كل واحد يشوف جواله
ليل: وش جوكم النايم ذا
مجد: جابك الله يلا انا بمشي للدوام مرضي ينتظرن
ليل: موفق خير
راح مجد وليل جلس عند بسام بالسرير
ليل: تبي تكلمها
بسام: اي والله مشغول بالي
ليل: اصبر بكلمها انا اول وامهد لها
بسام : يلا
اتصل ليل على مزن وردت بسرعه
مزن بخوف : ليل ي زفت ليه ما ترد علي
ليل: اما عاد متى اتصلتي
مزن: من اليوم اتصل
ليل: م انتبهت
مزن: وين بسام
ليل: اسمعي بقولك
مزن: لاتخوفني ي ليل
ليل: اهدي انت طيب وبقولك
مزن: وشو
ليل: مب صح بسام ب مهمه
مزن: ايه
ليل: تعرفين زوجك غبي وكثير حركه وجا بيسوي حركه بعد م خلص وطاح طيحه قويه
مزن: وش صار علييه طيب
ليل: ماعليك طيب رضوض وكسر باليد وتمزق اربطه بالكتف
مزن شهقت : كذابب
ليل: والله
مزن: طيب الحين وييينه
ليل: هذا هو قدامي مابه الا العافيه سوا عمليته للكتف وطيب ويسمعك
مزن: عطني ياه
اعطا ليل الجوال بسام وطلع
مزن بعبره : يوجعك شي اجيك ؟
بسام: لا ابدد بس روقي واهدي ولا تصيحين وانا بكرا وانا عندك
مزن: امانه بسام لاتكذب
بسام: والله صادق بكرا يطلعني ليل واجيك
مزن: تجلس عندنا
بسام: نتفق بكرا وش يصير
مزن : طيب
سكرو الخط وماهي الا شويات ودخل ليل وانسدح بتعب
بسام: وشفيك
ليل: مصدع شوي
بسام: تعال عندي
قام ليل وانسدح جنب بسام
بسام: وشفيك
ليل: مصدع
بسام: م تمشي علمني
ليل: ضايق شوي لان انفتحت سالفة نجم وضاق صدري
بسام: ليه وش صار
جلس ليل يقول له وش صار وهو متضايق
بسام: طيب ليه متضايق دام فيه حل
ليل: مو على الولاده انا منغبن للحين ونار تفور فيني للحين كل م اتذكرها بسام اسمع ياوييلك ثم ياوييلك تترك عيالك ولا تتخلى عن مزن مهما يصير بسام قسم بالله نارر ولا ابيك تجربها
بسام: اهدى اهدى راحت للي ارحم من ومنك اهدى
ليل تنفس بضيق وغطا عيونه وسكت ماهي الا شويات و
قاطعهم اتصال جوال ليل
ليل: رد انت مابي ارد
بسام: متأكد ارد على القمرا
سحب ليل الجوال ورد على قمر
قمر: ليل
ليل: هلا
قمر استغربت من صوت ليل: وش فيه صوتك
ليل: مافي شي بس وش بغيتي
قمر: ابي تتصل على العيال يجيبون لافي الزفت معاذ اخذه وماعليه شي واخاف يجيه شي واتصل على معاذ وما يرد
ليل : طيب
سكرو الخط واتصل ليل على هاني
هاني : ارحب
ليل : هلابك هاني لافي معكم
هاني : لا
ليل: هاني صادق ولا ضروري
هاني ضحك : ايه
ليل : معاذ عندكم
هاني : ايه
ليل : عطني ياه
معاذ : هاه
ليل : معاذ والله ان جيت لا اخلي اذانك تصفر وتعرج ولا تقدر تنسدح
معاذ : اح كل ذا
ليل: ايه اخلص رجع لافي لايتعب
معاذ: معليك لفيته ببطانية هاني
ليل : يعع بشرة ولدي الحين تتحسس
هاني : ياحيوان ماني وصخ
ضحك ليل: اخلصصو رجعو ولدي
معاذ: ليل بعدين اصبر بنكمل السالفه
سكر معاذ ب وجه ليل وجا بيقوم مسكه بسام
بسام: اهجد خلك عندي اتصل على عمي لافي
اتصل ليل على لافي
لافي : هلابك
ليل: لافي العز شوف ولدك ماخذ ولدي وماعليه شي وحاطه عند العيال خله يدخله لا اجيه اتوطاه
لافي: وينك انت
ليل: اعلمك بعدين بس خله يرجعه
لافي: يلا ابشر
سكرو الخط وراح لافي ل معاذ والعيال
معاذ: يببببه ليل كذوب لاتصدقه
لافي : اكذبك انت واصدق ليل هات الولد
فتح معاذ البطانيه وكان صدق ماعلى لافي الا حفاظته( يكرم القارئ)
لافي مسك اذن معاذ: ماخذ الولد كذا وجالسين عند مكيف بارد ماتستوعببب انه يتعبببب
اخذ لافي العز لافي الصغير ودخل وحصل قمر قدامه خايفه
لافي: اهدي اهدي
قمر بعبره: جدي تكفى اصفقه بليا لافي تعبان
لافي: ابشري بس اهدي اهدي
اخذت قمر لافي الصغير وهي تتحسسه وكان قططعة ثلجه
لافي سحب شماغه ولفه على لافي الصغير
لافي : اهدي ي بنتي وشفيك معليك
قمر: اليوم نفسيتي ماش وتعبانه من الحمل
لافي: دعاء وينها
قمر: تساعد جدتي بروح الغرفه الحين البسه
لافي: زين وليل وينه
قمر: طلع مدري وين
لافي: طيب
راحت قمر الغرفه وطلع لافي واتصل على ليل
لافي : يلا ردينا الامانه الحين علمني وينك
ليل: عندي السلقه الجرباء بسام سوا عمليه بكتفه صار فيه تمزق اربطه ويده انكسرت
لافي : ي ساتر ليه ي ولدي وش صار
ليل: لافي بقولك بس مزن لاتدري لاننا كاذبين عليه
لافي: وشو
ليل: سوا حادث امس وفكه ربي
لافي : ي ساااتر حمدلله الي فكه الله طيب ابوه درا
لف ليل على بسام
ليل: ابوك علمته
بسام شهق : لا وان درا بيلعن شكلي اني ماعلمته بدري
ليل: ماعليك نسوي مفاجئه
لافي : ياشينك انت ومفاجئتك
ليل ضحك: احح
لافي: فاجعه ذي الله يصلحك
ليل : اي والله
لافي : يلا انتبهو ل نفسكم واهم شي يعلم اهله
ليل: ابشر
سكرو الخط
لف بسام على ليل
بسام: طالبك
ليل: ابشر
قام ليل
بسام: بتروح لهم؟
ليل: ايه
بسام: الحقيقه او مثل كذبت مزن
ليل: مثل كذبت مزن وعاد بعدين لا طلعت وتعافيت تعلمهم الحقيقه
بسام: طيب
طلع ليل ل ابو بسام وهو متوتر لانه تعبان ب القلب ومايدري كيف يفاتحه ماهي الا شويات ووصل عند بيت ابو بسام وطق الباب طلع له ابو بسام
ابو بسام بخوف: ياهلا والله
ليل: ي هلابك اكثر
ابو بسام: اقلط
ليل: لا والله ي عمي بس بقولك وبمشي
ابو بسام سحب ليل ودخله
ليل ضحك : ي عمي بمشي
ابو بسام بخوف: بسام فيه شي
ليل : تعرف ي عمي ولدك كثير الحركه وامس خلصنا شغل وجلس يسوي حركات وهو يطيح طيحه قويه لكن ستر عليه ربي
ابو بسام: وش صار له
ليل: انكسرت يده وكتفه سوو له عمليه وماعليك طيب وتوني جاي من عنده
ابو بسام: امش خذني له
ليل: ابشر بس انت اهدى وماعليك والله انه بخير
اخذ ليل ابو بسام ل بسام
دخلو وحصلو كامل ومحمود وهزاع وغالب سلمو على الكل ووقف ابو بسام عند بسام
ابو بسام: شلونك ياوليدي
بسام ابتسم: بخير ي بعدي
ابو بسام: تبي اجيب لك شي تبي شي
بسام : سلامتك ارتاح
جلس ابو بسام وبدأو العيال يسولفون ومبسوطين وليل مسوي لهم جو بنص السوالف اتصل جوال ليل وطلع و رد على قمر
ليل: هلابك
قمر: ليل عادي تمرني
ليل: فيك شي
قمر: لا بس ابيك تمرني شوي
ليل: يلا جايك
سكرو الخط وراح ليل بسرعه ل قمر وهو خايف يكون فيها شي او جايتها ولاده
دخل الغرفه ما حصلها وجلس يدور بالبيت لمن سمع صوتها بالمطبخ
دخل ليل عليها متخصر
ليل: شعندك مو قلت لك لا تشتغلين
قمر : الصدق ماهان علي انك م تاكل وسويت لكم اكل وقهوه وشاي وحلا وخذه معك
ليل حضنها : يااااحظظظي بس ترا بجلدك لا تشتغليين وانتي تعبانه
قمر: ماعليك اهم شي اشوفك تاكل وصحتك زينه اكون بخير
ليل : ي بعد قلبيي ي قمري
قمر : يلا خذه وتساعدك دعاء واذا تبي شي دق علي
ليل: من عيوني
اخذ ليل الاغراض وساعدته دعاء وراح ل المستشفى عند العيال ودخل عندهم
وحط كل شي
بسام : ليش مكلف على نفسك
ليل: مامن كلافه
جلس ليل يقهوي ابو بسام والعيال ويسولف عليهم وغير نفسيتهم من حزنهم على بسام
ابو بسام: يلا انا بمشي
ليل: يلا عمي انا اوديك
لف كامل على ليل
كامل: اهجد انا اوصل عمي اصلاً كلنا بنمشي
ليل: طيب
راحو العيال هم وابو بسام وليل انسدح بتعب
ماهي الا ثواني واتصل عليه لافي
ليل: سم
لافي : ليل ...
...........................................................................
يتبع
