البارت السادس والستون
.
.
.
.
قبل اذان الفجر قام ليل وهو يحس بصداع مو طبيعي قام واخذ مسكن ودخل يتوضى وطلع وانتبه ان قمر صاحيه تنتظره يجيها سوا نفسه ما شافها وهو يحس بضيقه كل مايتذكر صالح انه شافها فتح الباب ونزل للحوش يمشي لحاله وهو متضايق وينتظر الصلاة ويفكر جلس ليل على عتبة الباب وهو يناظر للسماء
ليل بينه وبين نفسه: ياربي ماغيرك الي يساعدني تعبت ياربي ساعدني وطول بعمر لافي وبعمرهم كلهم ياربي مابي افقدهم واتعب زود يارب
قاطعه ب احد مسك كتفه لف بهدوء وحصله رائف
رائف: العضيد ها شلون امورك
ليل: زفت
رائف: اذكر ربك
ليل: لا إله إلا الله
رائف : من متى وانت هنا
ليل: يمكن قبل 10 دقايق
رائف: طيب اقولك شي وتفكر فيه
ليل: اسلم
رائف : ليه ما تشوف الموضوع من نواحي كثيره انه هي زوجتك وهو مجرد رخمه شافها بس ماتحل له وهو بيتعذب بيوم القيامه وبالدنيا وانت هي بحضنك ومعك ولك منها عيال وانت تحبها ي ليل لاتنسى انك ليل القمرا وهي قمرا الليل يعني لاتفكر بيوم انه شخص هو الي بيفرق بينكم يخسي ويعقب
ليل: بس يقهر انه استغفلني وشافها
رائف : ها هذا انت ليه يشوفونك البنات الي يبونك ويستغفلون قمر ويشوفونك ليه ترا نفسها بس هي ماصدتك م بعدتك عنها صارت غيره بس ماتصدها اخوي واعرفك وادري انك صادها
ليل: علمتكم؟
رائف : لا والله ما قالت شي ولا تكلمت عن الموضوع لكن كانت متضايقه تقول نجلاء
ليل: طيب
رائف : فكر بكلامي زين
ليل: ابشر
قاطعهم صوت الاذان وفز ليل وراح ل لافي يقومه
دخل ليل بهدوء وكان يقوم لافي فز لافي بخوف
لافي : فيك شي ؟ تعبان؟
ليل: لا ي بعدي بس الصلاة
لافي : زين
قام لافي توضى ولبس وطلع هو وليل قبل العيال بطريقهم للمسجد
لافي: شلونك
ليل: الله يكون بالعون
سكت لافي ودخلو المسجد وصلو وخلصو ورجعو الكل مع بعض وليل بينهم هاجد بالعاده يحارشهم كلهم ويجلدونه
الكل محذرهم لافي ب نظراته ولا واحد يكلمه يتركونه على راحته دخل ليل قبلهم وراح عند قمر وجلس ع الكنبه قربت منه قمر
قمر: ليل لاتصدني اذا صار شي ب موضوع يتعلق فيني لاني ماسويت شي ابد
ليل: احد قالك
قمر: لا انتظرك انت
ليل بضيق : تذكرين الي يجيني بالبيت
قمر : اي الي من الديره وش فيه
ليل: صالح عرفتيه؟
قمر: لا من ذا
ليل: ذاك الزفت الي من الديره
قمر: اي يع وشفيه يارب مات
ليل انصدم: اما تكرهينه
قمر: اكثر من الكرهه هو واخواته وامه ليه
ليل: هو الي كان يجيني
قمر بصدمه: اسألك بالله
ليل: قسم بالله
قمر: ليه ي ليل ليه يع يع
ليل: ليه تكرهينه
قمر : بس يقهر
ليل بحده : مسوي لك شي!
قمر: لا مالمسني بس كان يتكلم فيني عند خواته وامه وهم ينشرون الكلام بين الحريم
ليل : وش يقول
قمر: زفت يتكلم ب شرفي انه انا زوجته بالسر ومحد بيعلم ومحد يدري واني نيمه معه
زادت عصبية ليل وقام
مسكته قمر بقوه وجلسته
قمر: ليل تكفى لاتوجعني مابي اشد على نفسي اجلس
ليل بضيق وغصه: الله ياخذه الله ياخذه
قمر: وش مسوووي بعد
ليل: زفت كان يستغفلني عشانه يبيك وكان يشوفك وانا م دريت عنه
سكت قمر بصدمه وكانت تناظر ليل
قمر: ليتني مصدقه كيندا
ليل: ليه وش قالت
قمر: تقول في رجال اشوفه كل يوم يناظر فيك وانا كذبتها احسبها تتخيل من الجن وسكت ماكنت متوقعه واحد بالميه انه هو
ليل بحده: و شافك وفصلك تفصييييللللللل
قمر بعبره: ليل لاتهاوشني انا مالي دخل كم مره اقولك ي ليل لاتقسى علي وانا مالي دخل كم مره بقول ليه ماتوثق اني احبك وابيك ومستحيل اشوف غيرك!
ليل حضنها: تكفين قمر والله مغبون مغبووون
قمر: ليل بس مهما يصير ماراح اكون له انا لك وانت لي خلاص اهدى
ليل تنهد ب ضيق : احس اني احترق ي قمر احترق
مسكت قمر وجه ليل: ليل تعوذ من ابليس واهدى وعلمني وش ودك عشان تهدى
ليل بضيق : اذبحه
قمر: طيب ولافي وبنتنا الي بتجي وش بيقولون عنهم عيال ليل القاتل وانا وش بيقولون عني تزوجت واحد قاتل؟ ليل انا المفترض الي اعصب واذبحهه لانه طعن ب شرفي ولانه داخل بيتي بكل بجاحه ومستغفلك
ليل : اذبحه لك سهله
قمر تنفست بضيق: ليل ليه صاير عنيد
ليل : مقهور مقهور
قمر: وكل امرك لله ي ليل واتركه يلقا جزاه
ليل: طيب
قام ليل وبيطلع
قمر: وين بتروح
ليل : بداوم
قمر: ليل ناظرني
لف عليها ليل
قمر: تذكرني او تذكر عيالك قدامك اذا بتسوي اي شي
ليل : ابشري
راح ليل لبس وكان بيطلع ومسكته قمر وحضنته بقوه
قمر: انتبه ل نفسك وتراني انتظرك
حضنها ليل وهو يحس انه مشتت بشكل مو طبيعي
ويبي حضنها يلملمه
ليل: لاتجهدين نفسك وتتعبين وارتاحي و خلي كيندا
جنبك
قمر: مابي الا انت جنبي بس انتبه ل نفسك
ليل: ابشري
طلع ليل ل دوامه وهو اصلاً رايح ناوي صالح لامحاله
وقفه لافي
لافي : ليل
ليل: سم
لافي: لا تطول تراني تعبان وابيك جنبي
انقرص قلب ليل: اجلس عندك ؟ تبي اجيب لك شي اوديك؟
لافي: لالا مابي شي ابيك تروح دوامك وتخلص بدري وتجي عندي
ليل: اترك الدوام انت اهم امش اوديك
لافي : ليل ولدي روح وخلص وارجع عندي تدري اني ماني ب احب المستشفيات
ليل: اكيد؟
لافي: اكيد
ليل: طيب
راح ليل ل دوامه وعيونه شرار دخل بعصبيه وعاقد حواجبه دخل مكتب مرضي وهو مخفي قهره شوي قام مرضي وسلم عليه
مرضي : ارحب
ليل: البقى
مرضي: شلونك طمني عنك
ليل: زفت انت شلونك
مرضي : افاااا وشفيك
ليل: تكفى كرهت كلمة وشفيك تدري انت بالزباله ( يكرم القارئ ) الي جابه مجد امس
مرضي: ليل روق اهدى الامور ماتنحل كذا
ليل: ماني مسوي شي بس وش سويتو فيه
مرضي: حابسينه هِنا عشان ممكن بكرا او بعده بيودونه المحكمه
ليل: اي زين يلا بروح مكتبي تبي شي؟
مرضي: لا سلامتك
ليل: زين
راح ليل ل مكتبه وجلس يشتغل وخلص كل الي بيده ب اسرع وقت لان بباله يسوي الي ببالكم كلكم خلص وطلع وراح ركض على الزنزانات وشاف صالح جالس سحب المفتاح من واحد من العساكر وفتح ودخل ومسك صالح وطاح فيه ضرب بقوه
صالح صرخ: خلاص ي ليل خلاص الله ياخذني يوم اني فكرت استغفلك خلاص تكفى
ليل وهو يضربه ويقرب له عشان محد يسمع: وش عقبببه بعد م كنت تطعن بشرفها ي زفت وبعد ماكنت تتكلم عليها ي حيوان وتجي ببجاحه تقول ابيها واحبها وبخرب بيتها انا اوريك الحين شلون تخرب سمعتها
جلس ليل يضرب فيه ويضرب لمن جاه مرضي ركض وسحبه واخذه معه مكتبه
مرضي: لييل انهبلتتتت انت انهبلتتت
ليل: ايييه اييييه انهبلت
مرضي : تبي يفصلونك تبي يفصلونك غبي انت؟
ليل: من حقي ي مرضي من حقي
مرضي: مانييي فاهمم هو وش مسوي بس جابه مجد وقال هذا متمشكل مع ليل مشكله قويه الباقي مدري وشو
ليل: يلا انا اعطيك ياها الزفت هذا مستغفلني وكنت استقبله وداخل بيتي ويومياً عندي بحجة انه اقنعه يتخطى حبه القديم ويتزوج على كلامه وفجأه طلعت حبه القديم والي هو يبيها ويبي يخرب بيتها زوجتي ويتغزل فيها قدامي وانا حمار غبي ماني داري والكلب مستغفلني وشايف زوجتي ومفصلها تفصيل وانا ماني داري وكان يطعن بشرف زوجتي منزمان وماسلمت لامنه ولا من اهله ها الحين يحق لي ولا مايحق لي
مرضي بغبنه : روح كمل عليه وانا معك
لف ليل بيروح مسكه مرضي
مرضي: لا يرحم لي والديك اكذب تورم الولد
ليل: ليته يموت بعد
مرضي : ي ليل تكفى اهدى طيب خلاص
سكت ليل ومسك مرضي ليل
مرضي : طلعت الي بقلبك خلاص؟
ليل: مدري
مرضي: ليل خلاص اترك هالموضوع وخلك مع لافي
ليل ناظر مرضي بصدمه: ليه ماتعلموني شي ليه علمني الحييينننن لافي وش فيه الحين تعلمنييي
مرضي : هو يعلمك مقدر انا
ليل مسك مرضي مع ياقته
ليل بحده: مرضي لاتجنني فوق م انا منجن علمني وش فيه وش صاير فيه
مرضي: مقدر اعلمك
ليل صرخ : ماراح يقول لي علمني انت علمني
مرضي : طيب اعلمك بس فكني
فك ليل مرضي
مرضي: بشرط تترك الزفت هذا من بالك خلاص
ليل: علمني
مرضي بضيق : لافي جاه المرض الخبيث
انصعق ليل بكبره من كلام مرضي ويحس بدوخه ومو مصدق الي سمعه
رجع ليل بخطواته على ورا وهو نافي الفكره من راسه
مسكه مرضي: ليل لاتضعف عشان م يضعف ويتعب زود
طلع ليل يركض ل لافي وهو يحس انه بينجن شلون شلون جاه ليه ماعلمه ليه هو مايدري كان ماسك راسه ويسوق للبيت وهو واصل اقصى مراحل الخوف دخل المجلس ماحصل لافي جلس يدور بالبيت كنه منهبل وماحصله بالبيت
شاف ليل ابوه
ليل: يبه وين لافي
ابو ليل: مدري ماشفته
طلع ليل وركض يدوره حوالين البيت ودخل وهو خايف انه صار فيه شي لف على صوت لافي الي جاي من بيت الجيران دخل لافي البيت وركض ليل له واخذه ودخلو مكتب لافي
ليل: لافي
لافي: امرني
ليل: ليه ليه ماتعلمني
لافي سكت بعدين ناظر ليل ونطق
لافي: علمك مرضي
ليل: مايهمني احد الحين ماعلمتني ليه ؟؟
لافي: لاني اعرفك ومابيك تخاف وهي بسيطه
ليل : بسيطه؟ لافي هذا الخبيث وش بسيط وش بسيطط
لافي : ليل الله يخليك لي ابيك تهدى تهدى واجلس عشان اعلمك ليه بسيط
ليل : يارب ساعدني يارب مالي حيله يارب كل شي تجمع علي يارب ساعدني
مسك ليل راسه وجلس وجلس جنبه لافي
لافي : شوف هو سرطان الغده الدرقيه هِنا
اشر لافي على تحت تفاحة ادم ب شوي
لافي : هنا لكن اللي مطمني ان عدد وفياته قليل مره ونسبة شفائه عاليه ف ماعليك بتتيسر وبصير احسن
ليل وقف وهو ماسك راسه: لافي تعبت وانا انصدم كل شوي يلا علمني اذا باقي شي عشان مره وحده
مسك لافي ليل وحضنه وجلس يمسح على ظهره
لافي : وليدي ليل اهدى انا م قلت لك انه بسيط خلاص بسيط وماعليك
كان ليل ساكت ويحس انه تعبااان وضايقق
لافي : طيب اعطيك رايي وابي تعطيني رايك
ليل: اسلم
لافي : بروح المانيا اتعالج وتخاويني
ليل: تم بس قمر
لافي: معنا
ليل: م اتوقع توافق لكن بشوف وابد ابشر متى تبيها
لافي: متى م ودك
ليل : بكرا
لافي: خلاص الي ودك احجز وشوف كل شي
قاطعهم دخول معاذ
معاذ : كنتتتت مار وسمعت كلمة احجز سلامات وانا ابي معكم وين بتروحون
لافي: سفره خاصه مانسمح لك معنا
معاذ مسك ليل : افا ي ليل تتركني
ليل: خاصصه
معاذ: اخخخ من غدر الابائي واخخخ
ابتسم ليل: خلاص لاتصيح بناخذك معنا
لافي: لا مافيه انا ارفض
معاذ تخصر: ليييه
لافي : انا بروح للمجلس الحين اذا جبت ليل لي يضحك خليتك تروح
معاذ ضحك: ازهلنييي
لف لافي وراح للمجلس يضحك يدري ان معاذ بيقدر يضحكه
راح لافي ولف معاذ على ليل
ليل : امانه مالي خلق جسمي يوجعني
معاذ : جسمك مو فمك
ليل: ماعليك اضحك بعدين الحين سقها
معاذ قرص ليل: اقول اصبر لمن تضحك
ليل: ي ليل يلا جرب بس ترا مالي خلق
معاذ ضحك وليل يناظره
ليل: وش فيك
معاذ بضحك: في نكته تضحك مره مره
ليل: وش
معاذ بضحك: في فيل خرطومه قصير ليه؟
ليل : ليه
معاذ بضحك بقوه: امه فلبينيه
هنا ليل جوه السخافات وضحك مع معاذ
معاذ ضحك : يسسسسسس يسسسسسس ضمنت السفره
ليل ضحك: حمار لانك
معاذ: شرايك بس اضحكك
ليل: كفو عليك بس مافي شي يثبت ل لافي اني ضحكت يلا سقها ماتجي معنا
طلع ليل ركض وركض وراه معاذ ومسكه مع كتوفه
وعض يده
ليل صرخ: يياااااا كلللللببببببب خلاصصص اخذك اخذك
طلع لهم لافي
لافي : معاذ ووجع قلت ضحكه ماقلت عضه
ضحك معاذ: يبه والله ضحكته والكلب مايبي ياخذني
ليل: تصدق فيني لافي؟
لافي : لا والله
معاذ:افااا ي الغدرات
لافي : يلا خلاص خسرت ب المسابقه
لف معاذ على ليل وضحك
معاذ بضحك : في واحد انكسر حوضه ركبو له مغسله
لف معاذ وهو يضحك وماهي الا ثواني وسمع ضحكت ليل اللي استوعب النكته
لف معاذ بسرعه وهو يضحك : والله لا اسافر معكم
ليل ضحك: ابشر على خشمي اولنا بعد
لافي انبسط ان ليل بدا يضحك ويستانس شوي
معاذ : يسلم خشمك ي شيخ
ليل ضحك : يلا روح جهز شنطتك وساعد لافي بروح احجز
معاذ : يلا
-
راح ليل ل قمر وبدل وجلس عندها
قمر: ها شلونك الحين
ليل: بخير ياقلبي
قمر: الحمدلله
ليل: اطلبك طلب ولا ترديني
قمر: وشو
ليل: تسافرين معي انا ولافي ومعاذ
قمر: ليه وش عندكم
ليل بضيق : لافي فيه سرطان بالغده الدرقيه وبنروح نعالجه هناك
شهقت قمر: من متى
ليل: مدري لكن ابيك معي
قمر: ليل والله بلشه بيصير فوق حملي وتعب سفر لا صعبه خلني هِنا انا ووليدي
ليل: اجل ماني رايح
قمر : لا تستعبط
ليل: م استعبط بس تجين معي
قمر: ولافي وش اسوي فيه معي تعب
ليل: من قال بناخذه بيصير عند امي وليال
قمر: لا تعب عليهم
ليل: قمر اللي يسمعك ان خالتي بعيده ترا هذا بيتهم بالضبط جنب بيتنا بنخليه عندهم
قمر : مدري ياخي
ليل: قمر تكفين ترا والله تعبان خلك معي
قمر: طيب خلاص تم
ليل باسها وابتسم: احسن وحده
انسدح ليل بحضنها وجلس يتمم الحجوزات على بكرا
قمر: طيب ليل بنطول ولا
ليل: مدري نشوف المستشفى الحين بشوف موعد
قمر: طيب
-
عند رائف ونجلاء كان رائف منسدح بحضنها وباله مشغول ب ليل
نجلاء : وشفيك هاجد
رائف: منشغل بالي على ليل شوي
نجلاء: طيب شفته ولا
رائف : اي ب المسجد لكن هاجد ويمشي قبلنا وساكت وجدي مسكتنا ياويلنا نتكلم معه
نجلاء: شفته قبل شوي طالع دوامه ويتكلم مع جدي
رائف فز: احلفي
نجلاء : والله
اتصل رائف على ليل
رائف: ليل وينك سريع
ليل: ب غرفتي
رائف : طيب اطلع لي
ليل: يلا
سكرو الخط وطلع ليل ورائف فز بخوف
اول ماشاف ليل مسكه بقوه
رائف: ليل اسألك بالله ان تجاوبني صدق
ليل: وشو
رائف : رحت دوامك اليوم؟
ليل: ايه بس ماطولت
رائف: سويت شي زياده ب صالح صح؟
ليل سكت
رائف : جاوبني
ابتسم ليل : وش بتستفيد اذا عرفت
رائف: بصفقك
قاطعهم صوت ابو ليل
ابو ليل: ياعيال تعالو لافي يبي يتكلم معنا جامعنا كلنا
استغرب ليل ورائف ونزلو
وتجمعو بالمجلس الكل
وليل جالس جنب لافي منخرش وش السالفه
لافي : جمعتكم بعلمكم ب شي
ابو ليل: اسلم
لافي: انا يا عيالي فيني سرطان الغده الدرقيه
شهققو الكل وفزو ومعاذ جمد مكانه
لافي : وماعليكم بسيط وفيه علاج له وبسافر المانيا اتعالج ومعي ليل ومعاذ
كان الكل بحالة صدمه وساكتين
ابو ليل: من متى يايبه وليش ماتكلمت
لافي: من اول يوم عيد لكن هينه ي عيالي انا طيب وبتعالج وبرجع لكم
ليل لف على معاذ الي كان جنبه ومسكه ومعاذ جامد مره ولا يتحرك
سكت ليل والكل تناقشو وبعده راحو ومن ضمنهم لافي وهنا ليل قام وجلس يحرك معاذ ويعطيه كفوف عشان يصحصح ويتكلم
معاذ هنا نزل راسه وصاح: ليل ي ليل ابوي لا افقده مثل مافقدت امي تكفى ي ليل
ليل مسح دموع معاذ : معاذ اهدى اهدى لايسمعك لافي وفوقها اسمع والله له علاج وبنوقف معه عشان يتحسن اسرع ولا يحزن
معاذ : طيب
ليل : معاذ تذكر انه لو راح لافي من غير شر من بيرفعني من بيقويني غيرك من بعد الله
معاذ: اسندك انا وتسندني
هنا ليل جلس على رجوله بتعب
ليل: ودي ي معاذ لكن خلاص انهد حيلي وجالس اقاوم عشان لافي لايتعب وانتم بعد تتعبون بس والله ي معاذ اني تعبان ورجعت لي حالتي ب هدت الحيل
فز معاذ ورفعه : امش اوديك
ليل: مستشفى مابي بس بروح ل قمر واريح انا بروح ب نفسي ماعليك بس خلك مع لافي وتجهزو ونامو وارتاحو
معاذ: زين
راح ليل وهو شاد ع نفسه ويمشي وهو يفكر بنص الطريق اتصل عليه بسام
بسام: ليل فزعتك
ليل: ابشر بعزك وشفيك
بسام: ابي امرك ونروح المستشفى بفك الغرز وخايف
ليل : يلا انتظرك
سكرو الخط وماهي الا شويات وجا بسام ل ليل وراح ليل مع بسام
بسام: طمني عنك الحين
ليل: اشوا شوي
بسام : الحمدلله
ليل: بسام ياخي مغبووون مغبونن
بسام: خلاص دامك طلعت الي بقلبك وصفقته وراه سجن وغرامه
ليل: لا يخسي ذاك لكن مرضي فجعني ب شي يغبن
بسام: وشو
ليل : لافي فيه سرطان الغده الدرقية
بسام : لا اله الا الله
ليل: وبكرا مسافرين المانيا يتعالج
بسام: طيب انا سامع انه ذا سرطان الغده الدرقيه له علاج وهو اخف شي
ليل: صادق؟
بسام: اي بالله
ليل: اشوا الحمدلله
بسام: م عليك لاتضيق خاطرك هينه هينه
ليل تنفس بضيق: يارب
-
فك بسام الغرز وخلص ورجع ليل وليل دخل وجلس يضبط شنطته هو وقمر و لافي ومعاذ ضبطو شناطهم والكل تجهز ونامو قبل الرحله
...........................................................................
يتبع
