البارت الرابع
.
.
.
.
ليل : خير وشفيكم
رائف : احم احم طبعاً يا اخوي العزيز بنروح عند وافي وتميم
-
تعريف بسيط
ام تميم ( عفراء)
تصير عمة رائف و تركي عايشه بالرياض بحكم زوجها وعيالها يشتغلون بالرياض عمرها 47
ابو تميم ( خالد)
زوج العمه عفراء عايشين بالرياض عنده شركه ويشتغل فيها عمره 48
تميم
الولد الكبير يشتغل بشركة ابوه ومنصبه عالي عمره 25
وافي
الولد الثاني وكان افضل واحد بالعيله بسبب هباله وضحكه عمره 24 يشتغل مع تركي مهندس
نجلاء
الاخت الجممميله والي الكل يحبها واكثر انسانه تفهمهم وتراعي لهم قريبه من قمر ومزن تشتغل مع ابوها بالشركه عمرها 23
ليان
اخر العنقود وبس تتهاوش مع وافي ومدلعه اخر دلع وتكمل دراستها بالجامعه عمرها 21
-
سلمان : لا بتجون في شي بنتكلم فيه الليله و نعلمكم وش هو وبعدها بكرا ترجعون
تركي : يليل طيب
ركبو السيارات ورجعو للديره كان طوال الطريق ليل مغطي عيونه ويفكر وكلهم يحسبونه نام وهو جالس يسمعهم ومغطي عيونه يفكر كيف كذا بيصير فيه وخايف مره لكن يحاول مايبين
بعد ساعه ونص وصلو الديره وفز ليل وشال الغتره عن عيونه
سلمان فز من ليل : ووجع يا ليل خرشتني بسم الله
ضحك ليل عليه : بسم الله عليك
سلمان : ماكنت نيم !
ليل : لا مانمت
سلمان : صدعت انزل انزل
نزلو كلهم وكل واحد راح بيته وليل دخل غرفته وتوضى وصلى استخاره مرتين الاولى انه ياخذ قمر والثانيه للعمليه
وطلع لهم وراح ل ابوه
ابو ليل : ارحبب
ليل : البقىى يابعد راسي
ابوليل : ها ضبطتو كل شي
ليل : اي بكرا بيبدون بس يبه امش معي عند جدي بقول لكم موضوع
ابو ليل : عسى ماشر
ليل : ان شاء الله خير
ابو ليل : اجل روح انا بلحقك
راح وجلس ليل قبل يجي عمه والعيال عند جده
الجد لافي : هلاوالله
ليل : هلابك اكثر ياجد بقولك موضوع ضرورييي
الجد لافي : انطق وشفيك
جلس ليل عند جده وانسدح على كتفه : ياجد انا ودي اني اعرس
الجد لافي : ماشاءالله ومن سعيدة الحظ
ليل : بس ياجد لو قلت لك شرايك تطلبها لي غصب عن الكل وتخليها خطبه وملكه بنفس الوقت
الجد لافي : ابشر كم عندي ليل بس قول مين هي
ليل : قمر بنت عمي
الجد لافي : ابدد ابشر واشوا انك ما ابعدت وابشر بعزك الليله اقول لهم ولو تبي من بكرا بعد تتملكون
ليل : بس ياجد خايف ماتوافق
الجد لافي : ومنن ماتحصل مثلك ماعليك بتوافق
ليل : هقوتك كذا ياجد
الجد لافي : ايي وزود
ليل قام وباس راسه : ربي يخليك لي ولا يحرمنا منك
الجد لافي : ولامنكم يابعدي
دخل ابو ليل ورائف وابوسلمان وعياله
ليل : يالله انك تحييهم
الكل : الله يبقيك
ليل : بما انكم تجمعتو بعلمكم بموضوع
الجد لافي : اسلم
ليل : ياجد انا اليوم ماقدرت اشوف وللحين اشوف بس بغباشه
قاطعه صوت ابوه ورائف وتركي والجد وابوسلمان : ايشششششششش
ليل : هدو هدو بس بعلمكم اليوم رحنا المستشفى وقررو لي عمليه بعد ثلاث ايام ومابغيت اسوي شي من غير ماتدرون
الجد لافي : من ايش ياولدي وش صار
ليل : تخبر ياجد ماحب احد يقومني صح عشان ذا السبب كان عيوني يوجعوني اذا احد قومني ف اصير مقدر اشوف ويوجعوني واحط قطره والبس نظاره عشان كذا
الجد لافي بضيق : الله ييسر لك ياولدي
الكل : امينن
جلس ليل بجنب جده وهمس له : ياجد لاتضيق ويلا قول ل عمي بس اصبر ياجد اخاف ابوي يهاوش بقول له وبكرا اذا تبي نخطب
الجد لافي : ماعليك مابيقول شي انا موجود وانا كلمتي الي تمشي
ليل : شورك وهداية الله
الجد لافي بصوت مرتفع : يا عمر
ابوسلمان : سم يبه
الجد لافي بأبتسامه: نبي نخطب قمر ل ليل
ابو ليل كان بجنب ليل وقبصه : وجع وش هالخطبه بدون لا ادري
ليل همس ل ابوه : يبه خف يدك فخذي راح و اليوم جيتو مع بعض كلكم ولا كان قلت لك لو جيت لحالك بدري
ابو ليل : اصبر لي
ابو سلمان بأبتسامه : ابرك الساعات والله وابد تم انا واخوانها وهي من شورنا
ليل فز : لالا ياعم خل هي تقول رأيها وماحنا مستعجلين
ابو سلمان : تركي فز ل اختك بسرعه
تركي : ابشر
راح تركي يركض ل قمر
قمر : وشفيك انت انهبلت
تركي : اي اي انهبلت اخخخخ قمر ياحظك انتي بنت
قمر ضحكت : وشدخل
تركي : توووو خطبك ليل من ابوي وقال ابوي انه شورك من راي ابوي الي هو موافق وقام ليل قال لا خل هي تقول رأيها
قمر : يمهه احلففف
تركييي : اذا ما وافقتي انتي غبيه ومهبوله وقسم بالله
قمر : تركييي يمه لاتخوفني
تركي ضحك : مايخوف ياغبيه
( تركي كان قريب من قمر ف تسمع منه)
قمر : مدري تركي انت وشرايك
تركي : انا بتزوجه ولا انتي اهخ الله لو اني بنت والله اتزوجه ماهو انتي يع عليك لو ماوافقتي قسممم رجالل واصيللل بمعنى الكلمههه
قمر : هممم دام كذا كلامك موافقه
تركي : كفوووووووو ياخييي ياحظككك بسسسسسس
قمر : شكلك انت تبيه اكثر مني
تركي بضحك : هههههههههههههههههه لا وين الله يهنيكم ببعض ياعيوني
قمر: امين
راح تركي ركض لهم
ليل : بسم الله هد هد
تركي بضحك : مالي خلق امشي بشويش تحمست اكثر من اختي
الكل ضحك
الجد لافي : طيب وش قالت
تركي : على البركه موافقه
الكل فز وصارو يباركون ل ليل الي كان مبسووط اخيراً بيلتقي بقمر
الجد لافي : شرايك يا ليل تجيب الشيخ الحين وتملكون
ليل : جدي متحمسس صح؟
الجد لافي ضربه بعصاه مع كتفه : ووجع هذا بدال لاتشكرني اسوي لك امورك بسرعه
ليل بضحك : ابشر ابشر عيال امشو معي
راحو العيال مع ليل وساق رائف بدال ليل وحصلو الشيخ وجابوه ودخلو عند مجلس الجد
سلمان بهمس لتركي : روح خل امي وقمر يجون عند جدتي
تركي : ابشر
رائف بهمس ل ليل : ليل اروح انادي امي وخواتي؟ عند جدتي يعني
ليل : لالا خلك انا بروح لهم
رائف : يلا لاتطول
ليل : ماعليك
راح ليل لهم ودخل
ليل : ياولدد
ام ليل : حياك حياك مامن احد
ليل : الله يحيك يانور عيني
ام ليل : ياقلبي انت وش عندك جاي غريبه مو من عوايدك
ليل بضحك : ماتبيني يعني ارجع بدون لا اعلمك خبر حلو
ام ليل : لا لا علمني ولاتروح
ليل : ابشري بس وين البنات
ام ليل : داخل بغرفهم
ليل بصوت عالي: يا بنات تعالو بسرعه
طلعو وركضو يجون
مزن : وشفيك
ليال : اليوم انت مانت على بعضك
ليل : احمم اسمعوو ولدكم الحلو الي هو انا خطبت والحين امشو بيت جدي بنملك
الكل : ايشششششش
ليل : اي وشفيكم
ام ليل : ومين الحلوه الي بتاخذك
ليل : قمر بنت عمي عمر
ليال كانت مصدومه وحضنته وباركت له
مزن : كفوووووووووو يا ليللل احسن ما اخترتتتتتتتتت وقسم بالله
ام ليل : والله يا ليل شهادة حق انك احسن ما اخترت من البنات كككلهم
ليل : الله حمستوني الله يقلع بليسكم يلا اخلصو تجهزو المملك ينتظرني ولا بيتكنسل كل شي
الكل : يلا يلا
راحو لبسو وكشخو وليل ينتظرهم
طلعت مزن اول وحده
ليل : مزونتي اسمعي حلو شكلي
مزن : تهبلل بس اصبر بعطرك وابخرك
ليل : كفو استعجلي
راحت مزن اسرع شي وجابت عطور ليل وعطرته وبخرته وطلعت ليال وام ليل وراحو بيت الجد لافي
دخل ليل عند الرجال وجلس بجنب ابوه
ابو ليل بهمس: ووجع وينك
ليل بهمس: رحت اجيب امي وخواتي
المملك : تعال ياعريس
راح ليل بكل ثقه وشخصيته الي تجذب وهيبته وقرب عنده وجلسو وتممو كل شي ووقع ليل وراحو تركي وسلمان عند قسم الحريم
سلمان : ياولدد قمرر
جت قمر ومعها امها
تركي : يلااا ياقمورتي وقعي
قمر : احس خفت
تركي : اخلصي لا اعطيك كف الصقك بالجدار
قمر بضحك : خلاص لاتموت يلا بوقع
وقعت قمر وحضنوها اخوانها وامها
تركي : مبروووك ياقلبيي
سلمان: مبروك ياعمري الله يوفقكم ويسعدكم
قمر : الله يبارك فيكم ياروحيي انتم
تركي : يلا تجهزي ياحلوه بدخله عليك بعد شوي
قمر : يمهه لا اخاف
تركي : كلي تبن يالخوافه كل شي اقوله تقولين يمه اخاف
قمر : نننن اذلف لا يجيك ابوي
راحو ل مجلس الرجال
تركي : مبروك ياعريس
الكل فزو وسلمو على ليل وباركو له
-
عند الحريم دخلت قمر والكل زغرطو وحضنوها
مزن وهي حاضنه قمر: مبرووك ياقلبيي وصدق خذيتي شخص عزيزز علينا كلنا وياحظه فيك وياحظك فيه
قمر : الله يبارك فيك ياعيونييي انتييي
جلسو كلهم يقولو ل قمر انه احسن شخص خذته ليل وقمر تحمستت مره وزاد حبها
-
اخذو العيال ليل برا
ليل : وش فيكم
تركي : بتدخل شوفه شرعيه
ليل : الحينن!
رائف بضحك : لا بكرا
ليل : اي اشوا ارتحت
صفق راسه سلمان : ياغبي الحين رائف يستعبط
ليل : شلون ادخل وانا ما اشوفها زين
تركي : ماعليك عادي ادخل
ليل : ياخي اخاف تحس اني اعمى
سلمان : ليل ان ماسكت عن ذي الكلمه اني لا اصفقك انت مانت اعمى وادخل الحين
ليل : طيب تخيلو ادخل ومافي احد والله اموتكم
سلمان : يلا عشان يرتاح ضميرك اصبر اكلمها
اتصل سلمان على قمر وردت امها
ام سلمان: هلا
سلمان: يمه وين قمر
ام سلمان: بالمجلس تنتظر ليل
سلمان : زين يلا
سكر الخط
سلمان : يلا اذلف تنتظرك بالمجلس
ليل : طيب يلا
راح ليل ودخل وشاف قمر بس مو بوضوح لكن كانت نفس اسمها قمرر حتا لو ما يقدر يشوفها نورها واضح وجمالها الواضح وخصرها المنحووووتت وجسمها وكل شي كانت كأنها مفصله تفصيللل
وصل ليل ل عندها ومسك يدينها
ليل: مبروك يا قمر
قمر والحيا واصل حدها : الله يبارك فيك
ليل : قهر ب ذي الفرصه الحلوه مابقدر اشوفك زين عشان عيوني لكن انتي الحين ملكي وحلالي بشوفك مره ثانيه
قمر : بتشوفني ان شاء الله لكن الحين اهم شي انك تحس فيني
حضنها ليل وتجدد شعور الامان والوناسه داخله بادلته قمر الحضن وهي مبسووووووطططططهه
ودعها ليل وطلع للعيال وكان يتصنع الابتسامه عشان مايبين لهم ضيقته انه مايقدر يشوف زين
وانتهت الليله واعلنت جميع البيوت بنوم الجميع الا ليل الي كان بغرفته وكان يفكر والضيقه بخاااطرررهه مره وخطر له حل واحد انه يقوم ويصلي
راح توضى وجلس يصلي ويدعي ربه ويستخير وهو خايفف من عمليته وخايف يظلم قمر معه
خلص من صلاته وانسدح على المصلى دخلت عليه مزن وعيونها دموععع
فز ليل على صوت شهقاتها : مين ليال ولا مزن
هنا مزن انهارتتت وحضنته : ليل اسفه اسفه يا ليل انا السبب انا السبب اني خليتك ماتشوف كذا ليل لو تبي عيوني انا مستعده اعطيك ياهم
قاطعها ليل وهو يشد عليها : اقسم بالله يا مزن ان عدتيها اني لاازعل عليك بقوه وانتي مو السبب عيونيي كذا عيوني تعبانه من قبل
مزن: الا الا انا السببب ولا ما صار كذاا
ليل وهو يمسح على شعرها : مزن مزونتي انتي مانتي السبب انا عيوني خلقه كذا وماعليك العمليه كويسه ان شاء الله لكن ذي الدكتوره الي رحنا لها اول مره انخرش منها تهاوش تبيني اصفقها وكني اصغر عيالها وتقول بتطلع من العمليه وانت مافيك الا العافيه وتهاوش وماعليك انا وكلت امري لله اذا فيها خير ربي بيكتبها لي فيها شر ربي مابيكتبها واذا صار اي شي انا راضي
مزن زاد بكاها : ليل قلبي يوجعني
ليل ابتسم : بسم الله على قلبك ماعليك خلاص ربي بيكتب الي فيه الخير لكن مزن بوثق فيك واقولك كلام واحفظيهه عندك ومايطلع الا لو مت
مزن : بسم الله عليك لاتقول كذا تكفى يا ليل
ليل : طيب اوعديني انك ماتقولين ل احد
مزن : وعد
ليل : مزن اسمعي وصيتي لامت ولا اذا صار شي
قاطعته مزن : لالا ليلل انت ماراح تموت تكفى لاتقول كذا والله بموت انا هالوقت بسبب الندم
ليل : مزن انتي مانتي السبب
مزن: الا
ليل : دوري لك اخ ثاني اجل واسمه ليل انا ماني فيه
وقف ليل وراح فراشه
جته مزن وبكت بقوه وشدت عليه : ليللل لاتسوي كذا
ليل : انا وش قلت انا وش قلت انا قلت اذا بتعيدينه ياويلك بزعل عليك انتي مانتي السبب
مزن : طيب طيب اسفه احضني بس لاتفكني ابداً مهما يصير
ليل : ابشري بعزك
حضنها ليل وهي حضنته وهي تبكي
ليل : مزن ترا بفكك اذا بكيتي خلاص ياقلبي خلاص
مزن : ليل احس بذنب وربي وندم مو طبيعي
ليل : تدرين انك تحسسيني اني اعمى هذا تخليني صدق اتشائم ولا انا عادي
مزن : مانت اعمى ولا تتشائم خلاص بسكت
ليل مسح دموعها : ياعيون اخوك اسمعي مهما يصير لا اشوفك تزعلين ولا تبكين خليك قويه نفس اخوك
مزن ضحكت : ايي وبصير اقوى من اخوي
ليل : ايي كفوو
جلس ليل يضحكها ويسعدها عشان ماتحس بالذنب
راحت مزن غرفتها ونامت وليل نام وقام قبل الكل وقبل الصلاة بشوي وتوضى وراح قوم ابوه واخوه للصلاة وتوضو بعدها اتجهو للمسجد وصلو وخلصو
وطلعو
الجد لافي: ليل تعال عندي ابيك
ليل : ابشر
راح ليل مع جده وجلسو
الجد لافي: يا الليل انا ادري ان في قلبك كلام وووواجد قوله لي وتراك مانت على بعضك ابد
ليل تنهد بضيق: ماعليك ياجد ييسرها ربك
الجد لافي : قول ياولدي
ليل ابتسم : ياجد انت تدري اني استحاله اقول ل احد اذا فيني شي
الجد لافي : انا ابيك تقول لي ولا اذا ماتبي مره تعال قريب عندي
وقف ليل وقرب عند جده وجلس
مسك الجد راس ليل وحضنه : ليل ياولدي تدري اني اغليك وااااجد واني ما ارضى عليك لو شوي والي يضايقك يضايقني ف ابيك تريحني وتعلمني
ليل بضيق : ياجد بعلمك وهذي اول مره بعلم احد
الجد لافي : اسمعك
ليل : ياجد انا كان مقرر لي عمليه قبل بس اني تركتها عشان ياجد مابي انعمي وانا الحين ضايق يجد لاني خايف صدق انه يصير شي وصار وقت الجد وبكرا عمليتي واليوم بيدخلوني تنويم عندهم
الجد لافي عصب بخوف عليه وبينفي الافكار هذي من راسه : ليلل ولدد انت مانت منعمي انت بتطلع بالسلامههه وبتتزوج وتنبسط وانبسط فيك مررره لاتخوفني عليك
ماكمل كلامه الجد لافي الا وخنقته العبره وبكى
فز ليل وحضن جده: ياجد لا تكفى لاتبكي دموعك تكسرني
الجد لافي وسط دموعه : وانا يكسرني ويوجعني كلامك على نفسك وانت تدري انك غالي على قلبي مره
ليل : اخخ ياجد مابقول شي بس امانه لاتبكي
مسح الجد لافي دموعه وجلس هو وليل يواسون بعض
نام ليل عند جده وصحى الساعه 8
وقام غسل وجهه وتوضى وراح لمجلس جده برا
وحصل جدوده جالسين
ليل : صبحهم بالخيررر
ام سعد وابو سعد :صبحك الله بالنورر
ليل: علوم الحلوين
ام سعد : بخيررر ياحبيبي
ليل : ياجد لاتغار
ابو سعد : اعقب
ليل ضحك وضحكت جدته
ليل: عادي عادي ياجد ندري انك غرت بس عادي حفيدها الاول لازم تدلعني
ام سعد : يغار بس يكابر
ليل : عادي ياجد اعترف حتا جدتي اعترفت
ابو سعد بضحك : ان اعترفت قمت صفقتك تبيها؟
ليل ضحك : لالا ياجد طلعت غيرتك ضرب لكن ما الومك كل هالزين ومحد يغار عليها ماشاءالله ماشاءالله عشان كذا انا طالع حلو عليها
ام سعد : ياحبيبي والله يسلك لي
ابو سعد : لا بالله انك حلوه
ليل ضحك ضحكه : كفووووو جديييي يلا غازلها وانا بطلع
ابو سعد : الله لايعطي بليسك عافيه يالخبيث
ليل بضحك: اعذرني ياجد باقي ماشفت شي
ابو سعد : تعال تعال
ليل : اذا في ضرب بنحاش
ابو سعد : لا بسألك قبل تروح
ليل : سم
ابو سعد : تروح اليوم للرياض
ليل : اي منه اشيك على العمال ومنه اجهز عشان عمليتي والله ييسر
ابو سعد : زين اجل خذ معك احد لاتسوق وحنا بنلحقك
ليل : ابشرر
راح ليل ل اهله وكان ابوه جالس بالحوش
ابو ليل : ماشاءالله وشفيك مطول
ليل : معليش يبه جاني النوم ونمت عند جدي
ابو ليل : زين ياولدي
جلس ليل مع ابوه : يبه ترا اليوم بيدخلوني تنويم
ابو ليل : احلف
ليل: والله
ابو ليل : متى بتروح
ليل : بدخل بشوف رائف وبنمشي للرياض الحين منه بشوف العمال وكل شي قبل ادخل
ابو ليل : اجل نلحقكم حنا ومنه نبلغ عمتك ام تميم نجي نجلس عندها
ليل : لا يا ابوي ماودي نضيق على احد انا لارحت بحجز لكم شاليه كامل ومتى ما نوينا نرجع سلمناه
ابو ليل : شورك وهداية الله
ليل : توصي شي؟
ابو ليل : سلامتك يا ليل
ليل :يسلمك ربي
راح ليل ل رائف الي نايم
ليل : رائف ولد
رائف : خيير
ليل : قوم بروح الرياض تخاوي
رائف: لا بنام
ليل : كيفك
طلع ليل وراح وركب سيارته و اول ماشغلها وبيمشي جاه تركي
تركي : خيرر يابوي
ليل : علامك
تركي: بتسوق انت
ليل: ايه
تركي : امش انزل لا اصفقك ووين رائف
ليل : عيا ومايبي يجي ف ماعليك يمدي اشوف
تركي : والله ماتسوق هذاني حلفت
ليل : بسوق
تركي : طيب اصبر بجيب شغله من عند جدي وبخاويك
ليل : اعجل
راح تركي لجده
تركي : ياجد انت الي تقدر على ليل شوف له عيا يخليني اسوق بيمسك خط هو ورائف عيا بعد يخاويه
الجد لافي : امش امش انا اوريك فيه
طلع الجد وشاف ليل بيسوق: ليل انزل بسرعه لا اجيك
نزل ليل وراح لجده: سم ياجد
الجد لافي : انا وش قايل لك
ليل : ياجد عيا رائف وانا يمدي اشوف ماعليكم
تركي : الا علينا
الجد لافي : اصبرو بالسياره انا اجيب لكم رائف
دخل الجد بيت ابو ليل معصب : سعد
فز ابو ليل : هلا يبه
الجد لافي: روح خل رائف وخواته يروحون مع اخوهم
ابو ليل : ابشر
رجع الجد ل ليل وتركي : وانت ياتركي روح ناد اختك واخوك تروحون نفس امس
تركي : زين ابشر
راح تركي وبقا الجد
الجد لافي : ليل تبي تزعلني عليك؟
ليل : افا ياجد ليه
الجد لافي: تبي تسوق وانت زين تشوف تبي تذبح عمرك وتذبحني معك
ليل نزل وحضن جده : ياجد ماودي اثقل على احد وانا مدري وش نهايتي بتكون بعد ذي العمليه ف عشان كذا قلت اتوكل على ربي وامشي
الجد لافي : اخوانك كككلهمم ومستحيل بتثقل عليهم وكلهم ودهم لو يحطونك بعيونهم
ليل : طيب اسف ياجد
الجد لافي : استودعتكم ربي ياولدي وانتبهو لنفسكم ولاتخليني اخاف عليك حنا بعد المغرب بنلحقكم يلا استودعتكم الله
ليل: ابشر ياجد وانتو انتبهو لنفسكم يلا ودعناك الله
ركب ليل سيارته ينتظر العيال والجد دخل
وجاه سلمان
سلمان : ليل
ليل : سم
سلمان : اسمع انا بجلس ورائف وتركي يروحون معك عشان باخذهم انا واجيبهم هناك
ليل : زين ماعندك مشكله
سلمان : ودعناكم الله
ليل : بحفظ الله
راح سلمان وجت مزن وليال
ليل : شرايكم تنامون احسن
مزن : كنا نجهز الاغراض
ليل : يلا يلا اركبو
ركبو البنات وجت قمر وركبت وجا تركي و رائف
نزل لهم ليل وجلسو يفكرون كيف يصيرون
ليل : اسمعو انا بصير ورا وانتو اختارو من يسوق
رائف : وووين تصير ورا خير انا اصير
تركي وليل : محارمنا ياطيب
رائف بضحك : ليل مسوي خوي
ليل : بتتصفق
رائف : طيب يلا انا بسوق خلصونا
ركب رائف وتركي وليل واستعدو وانطلقو
-
وصلو نص الطريق وشافت مزن ليل جالس بهدوء ويفكر لمسته بحكم انها جنبه
مزن : ليل
ليل : همم
مزن: جهزت شنطتك للمستشفى ؟
ليل تذكر : اح نسيتهاااا را...
ماكمل كلامه الا وقاطعته مزن
مزن: ولد اصبر سويتها لك وركبتها وضبطت لك كل شي ممكن تحتاجه
ليل حضنها : ياكثر الحب يامزن
كان هالشي كله تحت انظار قمر الي ودها تصير بحضنه وتحت انظاره لكن تنتظر اليوم الي يفتح ويحضنها
ماهي الا لحظات واتصل جوال ليل الا رقم غريب سكره وماوده يرد
مزن: رد يمكن شي ضروري
ليل : مالي خلق يمكن ذوليك الي يصكون راسي
مزن : طيب جرب
ليل : طيب
رد ليل
ليل : هلا
الدكتوره : انت ليل بن سعد بن لافي
ليل : اي نعم وصلتي خير من معي
الدكتوره : انا دكتورتك لينا يا ليل ترا عمليتك بعد شوي
ليل بصدمه : ايششششش
الدكتوره : اي بعد شوي حصلت اقرب موعد وكلمتك
ليل : مو بكرا!
الدكتوره : لا اذا مانت ماكل اي شي من امس حلو وتعال اذا ماكل مضطرين ننتظر
ليل : اي مو ماكل
الدكتوره : حلووو خلاص تعال الحين
ليل : بطول الطريق طويل
الدكتوره : يلا بأنتظارك
سكر الخط وكان الكل متوتر وليل يكلم بنت ومخروش وقمر الي كانت تحترق غيره
ليل : رائف اسرع عمليتي بعد شوي
الكل : ايششششش
ليل : ايي الله يقلعهم قرروها بدري
رائف : خيرر مو انها بكرا
ليل : مدري مدري تقول حصلت اقرب موعد وكلمتك
ليال: مالها داعي تقهر
ليل : افففف ليال انتي جوك تصفيق انزلي بعد العمليه وصفقيها تقهر تنافخ
الكل ضحكو
قمر بضحك : وش معنى بعد العمليه
ليل : تبين تفقع عيني بنص العمليه بسبب ليال لالا خلها لا طلعت
مزن بضحك : اوفف يالمصلحجي
ليل : الشكوى لله الدنيا تحدك
جلسو يضحكو ليل وليل يضحكهم يبعدو هم العمليه وصلو اسرع شي
قبل ينزل ليل
مزن : ليل بنزل معك
ليل : وين وين اهجدي
ليال : اي حتا انا
ليل : وش بتسوون بالله
مزن : ان شاء الله لمن تخلص خلنا معك والله مقدر ياليل
ليل : طيب يلا
نزلو ومعهم رائف وتركي وقمر
اول مادخلو جته الدكتوره
الدكتوره : اخيراً جيت
ليل : قلت لك الطريق طويل
جت الدكتوره ومسكت يد ليل وسحبته
قمر ناظرت مزن: مزن امسكيني لا انتفها خير وش ذي قليلة ادب
مزن : من حقك صراحه مابمسكك بس الي بيمسكونها عليك تركي ورائف وليال
قمر : لهيهم انا بروح اتلاعن معها امانه
مزن : ابشري بعزك
راحت مزن ل رائف: رائف يقول ليل ارجعو السياره ماعليه
رائف : صدق يلا امشو
ليال : وين قمر
مزن: بالحمام ( يكرم القارئ)
راحو للسياره
عند قمر لحقتهم وشافت الدكتوره ماسكته وهو مصدوم ويبعد يده
الدكتوره : ليل اخلص علي
ليل : لوسمحتي ماتمسكيني كذا انا متزوج وفوقها انا لي عقل وافهم قولي الحقني والحقك مو تمسكيني
الدكتوره : اسكت اسكت امش بس
ومسكته وسحبته
قمر ماتحملت وراحت فكت يدها ومسكت يد ليل ويد الدكتوره باليد الثانيه
قمر : اي دكتوره وهي تبين يروح
الدكتوره ناظرتها بصدمه : من انتي
قمر بأسلوب استفزاز: زوجته
الدكتوره : يووه طيب طيب امشو
وصلو للغرفه حقت ليل
الدكتوره : ادخل يا ليل وبدل ملابسك شوف لبسك على السرير ويلا عشان تدخل العمليه
ليل : طيب طيب
بعدت قمر الدكتوره وهي ماسكه يد ليل ودخلو كانت شخصية قمر قوويه والدكتوره خافت منها حتا ليل استغرب
دخلو وليل لف على قمر ومسكها مع خصرها قربها له وقمر انخرشت من التقارب
ليل : ياحلو الي يغاروون
قمر بكذب: من قال
ليل : حركاتك تقول
قمر : لالا يتهيأ لك
ليل بأبتسامه: اعترفي عادي
قمر : اي اغار واذا عدتها وربي ياويلك
ليل ضحك : سميي وابشرريي وحاضرر وتامرين امر
قمر ضحكت: خلني اشوف بس تعيدها
ليل : ماسويت شي عاد
قمر: اي ماسويت شي بس بعدها عنك مو تخليني اغار
ليل : خليني اخليك تغارين غيرتك حلوه
قمر : اي خلني وبروح للممرض الي هنا واوقف معه
ليل بحده : ياويييلك اقسم بالله
قمر : خلاص اهجد
ليل: ابشريي
طقت الدكتوره الباب: خلصتت
قمر بحده: لا
الدكتوره : يلا بسرعه
قمر : الحين يخلص
راحت الدكتوره وقمر لفت على ليل
قمر : يلا بدل وانا بطلع
ليل : زين
طلعت قمر وجلس ليل يلبس
...........................................................................
يتبع
