البارت السابع عشر
.
.
.
رائف: طيب اخوووي ويننهه مايردد
بسام: بيرد بيرد بس انت اتصل وانا بحاول ادور عن معلوماته
رائف: طيب
سكرو الخط وجلس رائف يتصل وماش مايرد ليل
جته فكره انه يروح يشوف الفندق الي مطل على الحرم وراح ودخل يدور وراح للاستقبال
رائف : لوسمحت بسألك في واحد هنا اسمه ليل بن سعد بن لافي ال ثامر
الموظف: مقدر اطلع اي معلومه تخص الزباين
رائف بحده: انا اخووه وهو مفقودد
الموظف : هويتك اتأكد
رائف: طيب
اعطاه الهويه وطلع الموظف اسم ليل وحصل انه حاجز بالفندق
الموظف :اي هو هنا ب ذا الفندق
رائف: ابي رقم غرفته
الموظف :305
راح رائف ركض وجلس يدور الغرفه لمن حصلها وجلس يطق الباب ويرن الجرس لمن انفتح الباب الا ليل ب شحمه ولحمه جالس ينشف شعره
اول ما شافه رائف اعطاه كف وحضنه بقووووه وبكى ب احضانه
ليل كان مصدوم وانصدم زياده من الكف الي جاه وبكى رائف دخل رائف وهو لازال حاضنه ويبكي
ليل: وش فيكك لا تخوفنيي
رائف: لييه ماترد ليههه
ليل: جوالي مدري وينه وصامت اتوقع
رائف ببكي : كنت بتكسرر ظهريي فيههه ليلل كان في حادثة قتللل ونحسبه انت
ليل: بسم الله عليك اهدى اهدى ياجعله بليل مو فيك اهدى يا عين اخوك اهدى انا حاضنك الحين انا مو بعيد عنك اهدى
رائف ببكي: وشلوون بهدى ماتدري اني ماسك نفسي واعصابي اعصابي تلفو من التوتر وانت ماتردد ليلل تكفى تعال معي
ليل : انت اهدى ونتفاهم بهدوء
جلس ليل يهدي رائف ودخله الحمام ( يكرم القارئ) وغسل وجهه وشربه موية زمزم لمن هدئ
ليل: الحين بتقول لي كل شي صار ووش الي خلاك تفكر اني انقتلت
رائف قاله كككل شي من لمن قاله بسام لمن ليل فتح له الباب
ليل: يابعدد عيني هدو واعذروني الغلط مني مارديت
رائف: حطه صامت مره ثانيه واتركه اكثر من 5 ساعات ابي اصفقك
ليل: اييي على طاري الصفق يوم انك تعطيني كف ع الطاير من شوي ليه
رائف ضحك: من خوفيييي واعصابي المشدوده
ليل ابتسم: بعذرك ذي المره بس ، وخلنا ندق ع بسام
اتصل رائف ع بسام
بسام: هلا رد عليك؟
رائف: بسام ليل راح رد علي واحد قال انه مات
بسام بصرخه: تكذببب تكذبب تكذبب ليل مايخون وعده
رائف بتمثيل بكي: بسامم ليتت اكذب تعال ماني قادر اتحرك
بسام بهدوء مع صدمه مع غصة البكيه: جايك ارسل موقعك
سكرو الخط
ولف ليل على رائف
ليل: بلعن خيرك الحين يصير فيه شي
رائف: ماعليك
ماهي الا شويات ووصل بسام
واتصل على رائف
بسام: وين اي غرفة
رائف:305
وصل له بسام وطق الباب
فتح له رائف الباب وهو يضحك
بسام: وش يضحك
رائف: انك صدقتني شوفه لقيته
طلع ليل راسه ب ابتسامه وبسام وقتها كنها مويه بارده انكبت عليه من الخرشه جلس بالارض ومسك راسه وكان يرجف رفعه ليل ودخله ومسح وجهه ب مويه وشربه مويه
ليل: اهدى اهدى
بسام: اصفقه لي
ليل: ابشر بعزك
هنا رائف ركض وتخبي
رائف: لااا مو تصدقق كل شي يقوله
ليل: تستاهل خرشته انت
رائف: طيب انت اخويي وقف معي مو ضدي
ليل: كلكم اخواني ولازم احقق رغبة اخوي اني اصفقك
رائف : نتفاهم نتفاهم الا تصفيقك والله يوجع
بسام: يازفت شفت الوجع الي بيوجعك هو نفسه واقوى الوجع يوم فجعتني
رائف : اسف والله بس تعرفني مقدر ما امقلبك تكفى خله يبعد مابي عيني تصير بنفسجيه
بسام ضحك: ليل خلاص اتركه
ليل: اكيدد مو تقول اضربه مره ثانيه لاني بسوي تحديد الكل
بسام: لا لا اتركه
جلس ليل وجلس رائف بعيد شوي
بسام: تراك بترجع اليوم وغصباً عنك
ليل تخصر: لا بالله ليه ارجع
رائف: خارشنا ومايبي يرجع
بسام: بالضبط وبترجع اليوم ي ليل بترجعع
ليل: اشوف
بسام بحده: وش تشوف اقولك بترجعععع يعني بترجععع
ليل: برجع خلاص وشفيكم
بسام: وش فيننا! ليل نشف دمنا وانت مبرد والسلقه ذا نشف دمي زياده
ليل: طيب خلاص اعذرونني
رائف: امشو نرجع الحين يلا ليل اغراضك شيلهم وانزل ننتظرك تحت
ليل: وش الحين مانتم نايمين؟
رائف: لا بنام بفراشي
بسام: انا بعد
ليل: طيب يلا اسبقوني امشو وانا الحقكم
بسام: نسبقك تحت اما نروح بالاحلام نروح مع بعض غيره لا
ليل: طيب
طلعو العيال وشال ليل اغراضه الي ماهم كثار اصلاً ونزل اسرع شي وسلم الغرفه وراح ل سيارته وتجمعو ب مكان واحد
ليل: الحين يعني كل واحد بسياره؟
بسام: الشكوى لله
ليل: طيب يلا توكلنا ع الله
رائف: يلا
انطلقو ل الرياض وكان ليل اكثر واحد نفسيته متحسنه وكان يضحك ويصير لا شافهم سابقينه يصير يسرع ويصير قبلهم ومسكت معه يوصل بسرعه ودعس ع البانزين وما شافو الا غبرته اتصل بسام عليه ورد
بسام: بلعن شكلك ترا هدد السرعه وش طاير عليه
ليل: هذي سواقتي بالطريق اهدى ويلا الحقوني
بسام بحده : هدد يا ليل لا اقسم بالله اعلم جدي لافي عليك
( كان بسام يقول جدي معاهم من احترامه له)
ليل: بتتصفق لو علمته
بسام: انا الي بصفقك بس اصبر
ليل: خلاص بهدي وانتو اسرعو خلوني اشوفكم
بسام: طيب
سكرو الخط
وماهي الا ثواني وشاف سيارة رائف مسرعه وتعدته ورائف لحق ليل ولحقهم بسام وصارو يتسابقون كلهم لمنن وصلو مع بعض وبسام راح بيتهم وليل ورائف وصلو قريب من صلاة العصر
دخلو وراحو ل مجلس الجد لافي
ودخل رائف قبل وكان مافيه الا الجد لافي وابو سلمان
رائف: سلام عليكم
الكل: وعليكم السلام
الجد لافي: وينك طول هالوقت
رائف: رحت خلصت كم شغله ورجعت
الجد لافي: الله يستر عليك
ليل: اوف ماشتقتو شكلي برجع
الكل : ارررحببببببببب
سلم عليهم ليل والجد لافي كان ولههههااان عليه
رائف: حلوه المفاجأه ولا ارجعه
الجد لافي وهو حاضن ليل: ووين ترجعه خله ماصدقنا على الله نشوفه
رائف: يلا اجل خلوه لكم انا بروووح انام
الجد لافي: نوم العافيه
رائف: تعافيك
راح رائف لبيتهم واستقبله ابوه
ابو ليل بخوف وحده: ووووينن كنتتتت
رائف: خلصت شغله وجيت
ابو ليل : لعنبو بليسك تبي تذبحنيي تبي تخلص علي؟ انا يالله اتحمل بعد اخوك تبي توجعني زياده
رائف : يبه بعد اخوي كله منك بس عالعموم انا رحت وجبت اخوي وتراه عند جدي بالمجلس
راح رائف لغرفته
وابو ليل كان مصدوم وماراح للمجلس برا راح غرفته وجلس فيها
-
عند ليل دخل بيتهم
وشافته ام ليل
ام ليل : ياهلااا وغللااا
ليل: ارحبيييي يا تاج راسييي
سلم ع امه
وجو مزن وليال
مزن: اررررررحبببببب ثممم ارحببب
ليل: البقىى ياقلبي
سلم عليهم
ولف على مزن
ليل: وين قمر
مزن بحزن: راحت وتركتك عشانك تركتها
ليل بصدمه: هاهه!!
مزن: للاسف
ليل بحده : وينها الحين
ليال: مزن بتنجلدين اهربي
ركضت مزن وليل مو فاهم
ليل: وش السالفه
ليال: تكذب عليك ناضرها بغرفتك نايمه اتوقع
ليل بهمس ل ليال: بروح ل قمر وارجع وانتي امسكيها لي
ليال : تمم
ليل: كفووو اخت الليل
ليال: كفوووك الطيب
راح ليل ركض ل قمر ودخل وحصلها جالسه تشوف جوالها وواضح الضيقه عليها
دخل وقمر مارفعت راسها
قمر: مزن نادي ليال وخلينا نجلس تحت عند خالتي
ليل: متأكده تبين خالتك ماتبيني
قمر ناظرته بصدمه: تكذببب
ركضت له قمر وحضنته
ليل:ارحبيييي يالقمرااا
قمر: القمرا ولهااننه على الليل
ليل: والليل مشتاااق الفف للقمراا وسواليف القمرا
قمر: مو كثرييي ي الليل اتركني مره ثانيه بتتصفق
ليل ابتسم: سمييي ومن عيوني ويلا امشي ننزل تحت
قمر : يلا
نزلو وكانت مزن جالسه وماتدري وليل اشر ل ليال مسكتها ليال
مزن : وشفيك
ليال : بكلمك ب موضوع
مزن: وشو
ليال لما قرب ليل: انطقي الشهاده
فكت مزن ومسكها ليل
ليل: بتهربين يعني؟
مزن : ليالللل بلعنن شكلكك يالغداره قمرر افزعي
قمر: مسويه له شي تستاهلين مابفزع
ليل مسك اذن مزن و لف يدها
ليل: تعيدينها؟
مزن: توووك راجع وخلك حنون شويي
ليل شد لف يدها
مزن: وجععع خلاصص مابعيدها
ليل: قولي عمي ليل
مزن: تعقبببب
ليل: اجل انسي افكك
مزن : قمرر تكفينن بموتت
قمر ضحكت: احسن خلك
مزن: يمهههه
فك ليل اذنها وسكر فمها
ليل: وجع رائف نيم بخليه ينزل يصفقك
مزن: طيب فكني
ليل: قولي عمي ليل وافكك
مزن : راضيه يصفقني رائف يمههههه
جت ام ليل
ام ليل: مبزره انتم؟
مزن: يمه ناظريه يبيني اقول عمي ليل ويفكني
ام ليل: هذا انتي قلتي يلا ليل فكها
ليل: سمي
قمر وليال ضحكو على شكل مزن وهي متصفقه
ليل ابتسم : يلا الحين اقصرو اصواتكم ترا رائف نايم و يمه ابيك ب موضوع
اخذ ليل امه على جنب
ام ليل: عسا ماشر ياعيني
ليل: يمه وين ابوي
ام ليل تنفست بضيقه: بغرفته ضايق من يوم علمه جدك بالكلام الي هو قايله لك
ليل: يوه ياجدي خلاص انا بروح له
ام ليل: مو تتهاوشون
ليل: فداه بس خليه يرجع ابوي الي اعرفه
ام ليل: زين
راح ليل لغرفة ابوه ودخل بشويش وحصل ابوه جالس ويفكر وساكت
ليل : مب زعلان تراني ولا تضيق على عمرك وانت عارف الليل مستحيل يزعل منك او يفكر يتضايق منك الليل فداك راسه
لف ابو ليل على ليل الي كان واقف ومبتسم ابتسامته الي الكل يحبها الي فيها تطلع اسنانه وانيابه
فز ابو ليل وحضن ليل بقوووه وبكى
ليل: لا يا يبه لا انت مو بيدك ماسويت شي
ابو ليل : الا الا انا مب انا الي قلته بلساني ذا ياجعله القطع
ليل بحده: بسم الله عليك يايبه لا تقول كذا
ابو ليل: ليل ياولدي انا اسف اعذرني ضربتك وسويت كل شي لك وانت تعبان وجرحتك اعذرني ياولدي اعذرني مو بيدي ياجعلهم الكسر اليدين الي انمدت عليك
ليل: ييبهه لاتددعي على نفسككك والله فداكك راسي بعد يبه لاتدعي
ابو ليل: كيف ماتبيني ادعي على نفسي وولدي الي اغلى من نفسي واحبه واطلع اني قايلن له الكلام ذا ومخليه يتعب وينجرح من كلامي
ليل: ولددك رجال والرجال بيتحمل لو هي نار تحرقه الكلمات ولدك تحمل لمن رجعت ابوه الصح بس ماتدعي على نفسك
ابو ليل: لا والله الا يمال الكسر وقص لسان لي دامني قلتها لك مالي وجه اول ماجيت اني اشوفك ع السواة الي انا مسويه
ليل فك حضن ابوه وصد ونزلت دموعه وكانت اول مره ابو ليل يشوف دموع ليل من لما هو صغير
ابو ليل بصدمه: ليهه تبكي يا ولدي ليه
ليل وهو صاد: تدعي على اغلى شخص بحياتي ولو يبي عيوني وكل شي اعطيته وماتبيني ابكي ويوجعني كلامه دعوتك على نفسك توجع اكثر من اي شي
مسك ابو ليل وجه ليل ومسح دموعه
ابو ليل: لا يا ليل لا ياحبيب ابوك لا توجع قلبي
ليل: يبه لاتدعي على نفسك قلت لك كلي فداك بس لاتدعي على نفسك وانا داري انك ماكنت بوعيك وماعليك خلاص يا يبه انا ابيك لو اني زعلان وما ابيك ماشفتني هنا
ابو ليل حضنه: ابشر ياولدي ابشر
ليل: يلا يا يبه غسل وجهك وانسى كل شي
ابو ليل: ان شاء الله ياولدي
راح ابو ليل يغسل وجهه وليل بعد راح غرفته اسرع شي يغسل وجهه وبيرجع ل ابوه
وهو راجع سمع صوت من غرفة رائف وكان بكى رائف
خاف ليل لكن ماحب يدخل عليه وقرر انه يكلمه بكرا
رجع ل ابوه وهو باله مع رائف
ابو ليل: اي ليل ودي اني اعلمك ب شي وابيك تساعدني فيه
ليل: ابشر اعتبره تم وش بغيت بس
ابو ليل: يابوك رائف عتبانن علي ولا يكلمني وودي تصلح مابيننا
ليل: ابشر بعزك لكن هو الحين خلوه ينام لاحد يجيه مانام من يوم ما جابكم
ابو ليل: زين ياولدي
اخذ ليل ابوه ونزلو عند الجد لافي بالمجلس
جلسو وجلس يسولفو كلهم
لمن الجد لافي نطق ب موضوع ليل وقمر
الجد لافي : ليل اسمع انت وقمر ما انبسطتو بزواجكم ولا رحتو ولا شي ابيك يا من بكرا او الي بعده تاخذ زوجتك واغراضكم وتسافرون المكان الي ودكم فيه وروحو وانبسطو
ليل: بشوف عن قمر
الجد لافي: مو تشوف انا اعلمك واامركم انتم الاثنين ولا يا عيال
الكل : الا
ليل: خلاص ابشرو
-
في الليل راح كل واحد غرفته وليل راح عند رائف
حصله صاحي وبالحمام ( يكرم القارئ)
طلع رائف وهو يمسح وجهه وعيونه وماسك قلبه
ليل: وشفيك
رائف بعد يده عن قلبه: ولا شي
ليل: تعال قدامي بتكلم معك
جلس رائف قدام ليل ومسك ليل يدينه
ليل: انت تدري اني احبك واغليك ولا ابي يجيك شي او تعاني من شي او تتضايق من شي وانا معك ولا تكون تعاني ومتضايق من شي وانا مدري وتكون تخبي عني علمني يا رائف الي ودك انا اسمعك
رائف: يا جعل عمرك طويل وتبقى سندي ل اخر العمر لكن يا اخوي مافيني شي ماعليك
ليل: رائف تكذب على مين وانا اعرفك اكثر من نفسي علمني وش فيك و سمعتك تبكي وشفيكك يا رائف تكلم
رائف نزل راسه بحزن بعدها رفع راسه وتكلم
رائف: ليل ي ليل قلبي مدري وش جاني قلبي يوجعني الوجع الي احسه بيوقف ب اي لحظه اخاف يكون فيني مرض قلب ليل اخاف اترككم او يجيني شي
ليل بحده : رائفف لا تقول كذا لاتفكر كذا طيب رحت مستشفى ؟
رائف: لا
ليل: الحين امش معي
رائف : لالا
ليل بحده الي يهابها الكل: قلت امش معي
قام رائف وراحو للسياره واتجهو للمستشفى
دخلو للدكتور وكشف على رائف وليل على اعصابه
الدكتور: تشرب قهوه سوداء يا رائف؟
رائف: اي
الدكتور: تدخن؟
رائف: اي
الدكتور : ومشروبات الطاقه تشرب منهم؟
رائف: اي
الدكتور: كم تقريباً
رائف: مدري
ليل: باليوم تقريباً 6 او7
الدكتور: شفت ذول الثلاث اشياء بسببهم القلب ترتفع دقاته اختر وحده من الاثنين تخفف منهم او تقطعهم
رائف : اخفف
الدكتور: انتبه يا رائف مشروبات الطاقه والقهوووه السوداء تعدم قلبك والدخان بعد بس اكثر الضرر على رئتك انتبه
رائف: ان شاء الله
الدكتور:بعطيك ادويه والتزم عليهم
رائف: طيب
اعطاه الادويه وراحو للسياره واول مامشو طلع رائف بكت الدخان واخذ سيجارته وشغلها
ليل: الدكتور يتكلم ل من
رائف: هو قال قهوه سوداء و مشروبات طاقه ف خلاص ماعليه
ليل: طيب اوعدني انك بتلتزم على علاجاتك بغيابي وبتخفف قهوه و مشروبات طاقه
رائف: ووشوو غيابك وين بتروح بعد
ليل: باخذ قمر وبنسافر بس اوعدني تلتزم
رائف: اي ابشر
ليل: بخلي ليال ومزن يعلموني عليك اذ قطعت
رائف: ابد ماعليك
ليل: اككييد
رائف: ازهل
راحو البيت وراح ليل غرفته وحصل قمر تدور
ليل: وش فيك
قمر: وينكك وتارك جوالك بعد
ليل: يووه اعذريني يابعد قلبي كنت مع رائف وتو رجعنا
قمر: ليلل مره ثانيه عطني خبر تراك تخوفني
ليل مسك خصرها وقربها منه: من عيوني
قمر من الخرشه وجهها قلب الوان وتوترت
قمر: طيب فكني
ليل حط راسه على راسها: واذا قلت لا
قمر بعدت شوي : لا بالله ليل يلا بروح للبنات ينتظروني
ليل مسك يدها ورجعها
ليل: وش فيك
قمر: مافيني شي بس البنات ينتظروني
ليل: مانتي رايحه بتكلم معك
قمر: عشان تصفقني مزن
ليل: امشي معي وانا اقولهم
اخذها ليل وراحو ل مزن وليال
ليل: اسمعو ترا ذي الليله باخذ قمر بتكلم معها خلوها بكرا او بعدين
مزن: لا احلف بس اخترنا كل شي وضبطنا كل شي
ليل: خلاص بتجيكم بس ابيها شوي
ليال: قل وعد تجي
ليل: وعد
اخذ ليل قمر ورجعو غرفتهم وجلسها
ليل: اسمعي بكرا او بعده بنسافر وين ودك تروحين
قمر بحماس: تمزززح
ليل: لا والله هذا حقك واصلاً ما انبسطنا مع بعض وبنروح ف يلا علميني وين ودك
قمر: همممم جورجيا
ليل: شي ثاني
قمر: ما جازت لك؟
ليل: لا جازت لي بس اعطيني خيار ثاني
قمر: المالديف
ليل: بعد
قمر : سويسرا
ليل: بعد
قمر : باريس
ليل: بعد
قمر: لندن
ليل: بعد
قمر : كوريا
ليل: خلاص تم
قمر: وشو اي وحده بنروح
ليل: كلهم
قمر بصدمه: هااا صادق
ليل ابتسم: اي والله
قمر حضنته بقوه : احبكككككككك
ليل بادلها الحضن اقوى: يابعدددددهممممم اهيممم فيكككككك اعشقككك ياروووح اللييللل
قاطعهم طق الباب
ليل: وجع وش فيه
ليال دخلت : مصاريه انتم مصاريه؟ وش ذا الكلام الي يطول خلاص انتهى الوقت امشي قمر
ليل: واذا قلت لا
ليال: ماتقدر لانك وعدتني والي يخلف ب وعده مب رررجال
ليل: تلعب ع الحبلين الوصخه يلا خذو قمري ورجعوها ب اسرع وقت
ليال: يععع قال ايش قال قمري دز بس
ليل: اوريك بس خلصو
اخذت ليال قمر وهم يضحكون وراحو كملو سهرتهم وليل نام
...........................................................................
يتبع
بوضح معلومه!!!
ال مصاريه ع العين والراس واحبابنا واخوانا لكن حبيت احط الكلمه ك جمله عاميه تنقال للناس الي تتكلم كثير ف اعذروني😅.
