البارت الواحد والعشرون
.
.
.
.
جهزو شنطهم ومن بكرا الصباح طلعو وشافهم عمر
عمر ركض وحضن ليل: صديقييي
ليل: ارحبب
عمر : وين بتروح
ليل: بروح خلاص مابجلس هنا
انصدم عمر وسكت وهو مصدوم
جا ابو عمر ل ليل وسلم عليه
هنا عمر بكئ وحضن ليل بقوه
ليل : افاا ي عمر كذا تزعلني منك
ابو عمر: وين رايحح تعودنا عليك
ليل: ابد رايحين مكان ثاني
ابو عمر: موفق خير وانا اخوك واستودعناكم الله
ليل: وياك ي عيني
لف ليل ل عمر الي جالس يبكي
ليل: عمر خلاص بكلمك كل مافضيت زين
عمر: لاااا ابيكمم
لف ليل على ابو عمر
ليل: وين ساكنين يا اخوي
ابو عمر: بالرياض
ليل: خلاص اسمع عمر لارجعتو الرياض وانا رجعت بكلم ابوك وباخذك نطلع مع بعض بعدين ارجعك زين؟
عمر: طيب
....••...
ب مكان ثاني عند الجد لافي
كان جالس وضايقه فيه الوسيعه ويبي ليلل والشوق عنده مره م ينطاق ومكتووم مره
جاه رائف ركض يبي يضحكه
رائف : هلاوالله بالحلو علامك ضايق
الجد لافي: اتركني
رائف : طيبب عند لك خبرر حلو
الجد لافي كانت اخلاقه مره مش ولا بد: وفرها
ضحك تركي من سمع كلمة الجد لافي: نتففف ام جبهتككك
رائف: اوكي زين زين ي جد بقول ل ليل وعمي مشاري
الجد لافي: اركض
رائف وهو يجلس يحضن جده: ياجد وشفيك ابي اشوف ضحكتك
الجد لافي : م ودك تروح ولا بيشتغل العصا على ظهرك
رائف: خلاص بقوم بس بقولك ترا عمي مشاري بيجي بكرا
الجد لافي : زين حياه الله
طلعو وجلس وهو ضايق لمن جاه اتصال وشاف الاسم وانشرح صدره كان ( ليل)
رد الجد لافي وهو مبسوط: ي مرحبا
ليل: ي هلابك اكثرررر
الجد لافي : علومكك
ليل: بخير ي بعدي وانت بشرني عنك ي جد
الجد لافي: بخير ي ولدي بخير
دخل رائف وشاف الجد لافي يكلم ليل
رائف: ليل ارجع ترا جدي كان بيصفقني من شوي بس عشانه فاقدك
لف الجد لافي ل رائف: شكل تبي العصا يلعب على ظهرك صح
ليل: ابشر بعزك اجيكك
الجد لافي : لا ي ولدي يمزح استانس انت وارجع لنا مبسوط
ليل : ابد تبشر وباللي تبيه بعد ي جد
لف الجد لافي ل رائف واشر له يطلع
الجد لافي: ي ليل بطلبك طلب
ليل : سم ي جد
الجد لافي : لاتقول لي ي جد
ليل: ها
الجد لافي: ايه لا تقولي ي جد قل لي لافي
ليل: ي جد مقدر تعودت
الجد لافي: ي ليل لا تردني اذ قلت لي ي جد احس بيننا رسميات كثير لا تقول لي ي جد
ليل: ابشر بس اذا كلهم استغربو
الجد لافي : خلهم المهم لاتقول لي ي جد
ليل : ابشر
سكرو الخط ولف ليل ل قمر الي كانت جنبه وهم متوجهين للمطار
قمر : ليل عادي اطلب طلب
ليل : امري
قمر: احس ودي نرجع نكمل سفراتنا بعدين
ليل بذهول : تمزحين ليه وش السبب
قمر: مدري احس اشتقت ارجع
ليل : اخاف مافي حجز
قمر: دامه الطريق طويل شوف حجز
جلس ليل يدور وحصل بعد ساعه ونص
ليل: بعد ساعه ونص فيه
قمر: تم احجز
ليل: ابشري
حجز ليل وراحو للمطار وجلسو ينتظرو
وهم ينتظرو اتصلت اميره على قمر وقامت قمر بترد
ليل: وين بتروحين
قمر: بكلمها واتمشى قدامك
ليل: تمام
ردت قمر ووصلها صوت اميره
اميره :وحشتينييييييي
قمر : وقسمم اكثثثثرر اخخ وربيي وحشتيني مره مره مره
اميره: اخباركك ي حب
قمر: بخير ي قلبي انتي اخبارك
اميره : بخير ي روحي ، اسمعي قمري في اشياءك عندي حقات قبل كثار واخواني تعرفين هم وشغلهم تقدرين تكلمين احد يجي ياخذهم
قمر : ابد تم ابشري اكلم العيال الحين تبين شي ثاني ي عمري
اميره: سلامتك
سكرو الخط واتصلت قمر ب سلمان
سلمان: ارحبي ثم ارحبي ثم ارحبي ثم ارحبي
قمر: البقى ي عيني، علومك
سلمان: بخيرر ي روح اخوك وانتي اخبارك واخبار النسيب
قمر: بخيرر الحمدلله ، سلماني بطلب طلب منك عادي
سلمان :عيوني لك
قمر : في اغراض عند صديقتي اميره تعرفها صح
سلمان : اي
قمر: ابيك تاخذهم من عندها ي قلبي وتحطهم ف غرفتي عندكم
سلمان : ابد تم م طلبتي شي
قمر : شكراً مره سلماني
سلمان: ابد ي عيني اي شي تبينه علميني
قمر : م تقصر ي روحي
سكرو الخط وراح سلمان ل بيت اميره وكلم قمر تكلمها تطلعهم طلعتهم اميره وكان اخر غرض الي هو فساتين قمر وماتقدر تنزلهم لانهم بيتوصخو مدت يدها واخذهم سلمان على اخر واحد جا بيطيح ومسكته وبانت مع الباب لانها تقدمت وشافها سلمان لكن سرعان م رجعت وهو صد واخذهم وراحو
كان مسسحوررر من جمالها ومن شعرها الي جا على وجهها ولا من عيونها وحواجبها وكل شي فتنه راح وهو عقله مو معه ابددداً
......••.....
عند ابطالنا كانت قمر جالسه عند ليل و تكلمو بسبب مكالماته مع الفريق محمود وبسام الي كلها شغل
بسام : ليل ياخي لساني يحكني بتكلم مقدر اسكت
ليل: وش قول
بسام : اخاف يذبحوني
ليل بحده: وش فيك وش صار
بسام : ماصار شي لي بس يعني في شي صار ويبونه لمن تجي عشان تشوفه
ليل: تكلم
بسام: رقوك وصرت فريق بس تجي ويكرمونك ويصورونك
ليل: تكذبب
بسام : قسممم بالله
ليل: وانت
بسام : انا بلحقك قريب بس ياويلككك ي ليل بيذبحني الفريق محمود والفريق اول كامل بصير تراب
ليل : محد يجيك وانت بوجه الليل جايك بعد كم ساعه
بسام : عزززز الخوي الي مايخلي خويه
ليل: سج نام بس
سكرو الخط ورجع ليل ل قمر وسرعان م نادو برحلتهم واخذ بيدها وراحو يركبو الطياره
اتصل الفريق اول كامل على ليل وحط ليل سماعته
الفريق اول كامل: هلا والله
ليل: هلابك طال عمرك
الفريق اول كامل : علومك
ليل: بخير طال عمرك انت بشرنا عنك
الفريق اول كامل: بخير الحمدلله ، وينك م سمعنا حس لك ولا شفناك
ليل: راجعيين وبقوه بعد ٦ ساعات تامرني ب شي
الفريق كامل: ليش بعد ٦ ساعات
ليل: توقع
الفريق كامل : مالي خلق قول
ليل: مسافر وراجع الحين
الفريق كامل استوعب انه مع زوجته
الفريق كامل : وجع ي ليل قول انه معك اهلك ورايحين وانا تقل مغسول وجهي ب مرق داق عليك
ليل ضحك : لا والله عادي راجع اصلاً وفي كم موضوع لاشفتك بتكلم معك عنه
الفريق اول كامل : زين اجل توصل بالسلامه
ليل : الله يسلمك
سكر الخط وانتبه ل قمر الي فكت يدها منه
ليل : وشفيك
قمر كانت متنرفزه مره من كثر مكالماته
قمر : ولا شي كمل
سكت ليل ومسكها لمن ركبو الطياره وتعدلو ولف عليها
ليل: قمري هذا طبيعة شغلي وبيكون ازود مو تزعلين ي قلبي اعذريني
قمر: طيب
-
عند ابو تميم وتميم
جلس تميم عند ابوه والمتضح انه بيقول شي
تميم : يبه بكلمك عادي تركز معي
ابو تميم: سم ي ولدي
تميم: يبه بتزوج تشوف الحين مو قاصرن شي بيت وعندي ووظيفه وعندي وكل شي ولله الحمد عندي
ابو تميم: ابد ي ولدي ابشر نقول ل امك تشوف لك الزوجه الي تناسبك
تميم : طيب
راح غرفته وهو يحس بضيقه لانه م صارح ابوه بالبنت الي هو يحبها
وهو رايح قابلته ليان
ليان: وشفيك منفس
كان ساكت و مارد عليها وكمل طريقه لغرفته
مسكته ليان بقوه
ليان: اكلمك انا
تميم : ها ي ليان
ليان: وشفيك
تميم: مافيني شي
ليان : ي شينك اخلص وشفيك
تميم: بزر انتي اذلفي لا اصفقك اقول مافي شي
ليان: مريض
تميم كانت واصله معه ووصلتها ليان زياده
لف عليها ومسكها مع رقبتها ولصقها بالجدار
تميم: عيدي وش قلتي
ليان: مو اول مره اقولها لك وشفيككك اتركنيي
تميم : وش قلتي اقولك
ليان بعناد: مريض وانت مريض صدق
تميم شد على رقبتها زياده من عصبيته وكان يناظر فيها
ليان: تميييممم اصحى على نفسككك هييه اتركني
كان وافي طالع من غرفته وشافهم وبعد تميم عن ليان الي اول م فكها جلست تكح
مسك وافي تميم وهو يعرف تميم بهالحاله زين مسكه ودخله الغرفه
وافي : تميم تنفس قل لا اله الا الله هد
كان تميم ساكت ويناظره
وافي بحده : قل لا اله الا الله
تميم : لا اله الا الله والف من ذكره خلاص اتركني
وافي حضن تميم وجلس يمسح على ظهره
وافي : مايستاهل موضوع انك تمد يدك على ليان اهدى والي ببالك بيصير اهدى بس وارتاح والله بيصير الي تبيه بس لاتسوي بنفسك كذا
تميم: وافي اتركني
وافي : بتركك بس اهدى ادري انك ودك باللي ببالك بس ماراح توافق عليك دامك كذا عصبي مره وادري الحين لاطلعت بتكسر اغراضك اهدى وحاول تمسك نفسك
تميم: وافي مقدر
وافي : تقدر
تميم: مقدرر
وافي: الا تقدر
تميم: شلون
وافي : دكتور نفسي
تميم: لا
وافي : اصحى ي تميم انت بحاجته وترا ماهو بعيب ولاهو بحرام تبي تعيش حياتك سعيد ومرتاح روح تعالج واسمع مني ي تميم
تميم: طيب و ابوي وش بيكون رأيه
وافي : لحد يدري بيني وبينك روح واتكل على الله
تميم: طيب ي وافيي تخيل ابوي خطب لي وحده م ابيها
وافي: انا بكلم امي تقنعه انه شوي مو الحين وانت تعالج واهدى وانا بدور لك احسن دكتور
شد تميم على حضن وافي ونزلت دموعه لا ارادياً لانه صارت شخصيته كذا من امه وابوه من وهو صغير كانو يتهاوشون ويطلعون الحره فيه وينضرب كل يوم ويسمع كلام كبير عليه لمن تعقد وصار عصبي بزياده وصار زي ابوه قبل اذا عصب يكسر اي شي قدامه ولما جابو وافي والبنات تغير كل شي وارتاحو وتغيرو كثيررر عن قبل وتميم مخفي شخصيته هذي عن الكل ومحد يعرفها الا وافي لانه جاه منه اذى كثير وصار يفهم تميم كثير
وافي وهو يمسح على شعر تميم
وافي : يحق لك يحق لك تطلع الي بقلبك لاتكتم شي انا جنبك ي اخوي انا جنبك
كان تميم حاضنه وتنزل دموعه بدون صوت ووافي يهون عليه
-
عند ابطالنا وصلو على الصباح الساعه ٨ وراحو لبيتهم ودخلو وليل كان مستعجل اسرع شي دخل تروش اسرع شي ولبس بدلته وجلس يضبط نفسه لانه بيقابل الاعلى منه اكثرهم ومنه بيكرمونه
قمر بصدمه : ماراح تنام
ليل : لا م اقدر مشغول وراي شغل كثييير انتي ارتاحي ونامي وانا اجيك ب اقرب وقت اذا قدرت
قمر سكتت وهي ماتعودت على ليل يكون كذا ودوامه ياخذه منها
راح ليل وماهي الا دقايق ووصل
نزل بهيبته الي الكل يحبها ومتعودين عليها و بملامحه القويه والحاده ويمشي ب استقامه لمن وصل ل الفريق كامل ودق له تحيه
الفريق كامل : الحمدلله ع سلامتتك
ليل: الله يسلمك
الفريق كامل :امش الامير موجود وبيكرمك هو بنفسه
ليل: ابشر طال عمرك
مشى ليل ورا كامل لمن وصلو عند الامير والصحافه الي كانت ماليه المكان وكل الكاميرات عليه دخل بهيبته وشموخه وقف ينتظر ينطقون اسمه لانه تكريم ضباط
نطقو : تكريم اللواء ليل بن سعد بن لافي ال ثامر
مشى ليل لناحية الامير ودق له تحيه واستلم منه الشهاده
نطقو مره ثانيه : والحمدلله دائماً وابداً تم تعيين اللواء ليل بن سعد الى فريق
الكل كان يصفق وفرحان له لان ليل شخصيته تجذب وقوي وذكي وبسام كان شوي ويبكي لمن استوعب مكانته
لبسه الامير شارات الفريق ودق له تحيه ونزل
خلص التكريم ودخل ليل مكتبه ونزل اغراضه وجلس وهو يحس ب مشاعر متلخبطه
دخل عليه بسام وهو شوي ويبكي
ليل : بسم الله وشفيك
بسام: ووجع ماتسلم علي
ليل: اي صح
قام ليل وسلم على بسام وجا بيبعد وهو يحضنه بسام بقوه
ليل :كتفي الله لايوفق عدوك فكني لايدخل احد يحسبنا نسوي شي غلط
بسام : اسكت لا اصفقك مستانس لك
بعد ليل بسام عنه وسرعان ما صد بسام ناظره ليل الا ودموع بسام نازله
ليل ابتسم : يازيييينن الحلو الي يبكييييي
بسام : اسكت ي ورع
ليل : اح اصبر انا فريق يلا اشوف دق تحيه واعتدل ب وقفتك
بسام : مع نفسككك
ليل ضحك وحضنه: ياحبيي لك
بسام : كل تبن الحين حبيتني
ليل : افا تشكك بحبي لك
بسام : اي اشوفك رحت وسحبت علي
ليل: لايكون بعد باخذك معي
بسام : المفروض دامك تحبني
ليل: كنسلت م احبك
بسام : اذلف بسس
دخل الفريق اول كامل : تراك تكلم فريق
لفو كلهم ودقو له تحيه واعتدلو ب وقفتهم
دخلو ثنين ورا الفريق كامل
الفريق كامل : هذا اللواء هزاع وهذا اللواء غالب بتشكلون فريق وقائدكم ليل
ليل: سم طال عمرك
لف ليل على هزاع وغالب وسلم عليهم وبسام بالمثل
الفريق كامل: اسمعو ترا اليوم في مداهمه نبي همتكم والمخطط والمعلومات برسلها ل ليل
الكل : ابشر
جلسو ب مكتب ليل وجلسو يتناقشو ب المهمه وكان ليل جاد معهم الا بسام الي كان عبيط شوي
ناظره ليل : بتركز ولا بعطيك كف يصفر اذنك
بسام : امزحح بهجد
جلسو يخططو وخلصو بعد تعب
ليل: بمشي انا والبسو كلكم ستره ضد الرصاص بعد العشاء بتصير المداهمه
الكل :ابشر
طلع ليل ومر على الفريق اول كامل
ليل: توصيني ب شي طال عمرك
الفريق كامل : ودي ب شي بس ياخي توك جاي وماودي اضغط عليك
ليل: واجبي امرني وش بغيت
الفريق اول كامل : عادي تمسك التحقيقات بعد نص ساعه لاني بطلع عندي شغل ضروري وبيصير تجلس لمن بعد العشاء وبتداهمون ومدري عاد متى ترجعون وعقبه نخلص تحقيقات معاهم كل الي بنداهمهم
ليل: ابشر ماطلبت شي بس ب النص ساعه هذي بروح اجيب سترتي حقت الرصاص واغراضي واجي
الفريق كامل: ابد خذ راحتك
طلع ليل وهو متلهف يبي حضن قمره
راح للبيت وحصلها جالسه مع انه طول واخذ ٤ ساعات
ليل: ماارتحتي؟
قمر وهي فيها غصه : كيف برتاح وانتي متأخر ولا ترد على اتصالاتي
ليل : متى اتصلتي
قمر: من لما تأخرت ها شوف
ليل : اعذرني ي بعد قلبي جوالي حطيته صامت وعلى المكتب وطلعت ونسيته
قامت قمر وهي صدق كانت خايفه عليه مره وفيها بكيه راحت للغرفه وتركته
لحقها ليل وهو يدريي انها زعلت
مسكها ليل وحضنها
ليل: اعذريني ياقمري والله انشغلت وفوقها جاي ابشرك وبعدها بطلع ماخلصت وبطول مره مدري متى ارجع
قمر نزلت دموعها وهي تحضنه
ليل: قمري تكفين لاتوجعيني والله ماكنت قاصد اخوفك
قمر : طيب ماتعودت تنشغل كذا
مسكها ليل وجلسها ومسح دموعها
ليل: اهدي وياقلبي تعودي ان ذا شغلي وبالقووه زين قدرت اجي الحين بس خليني اشوفك تبتسمين لي وبصير بخير واجيك بدري اذا قدرت
قمر: طيب ب ايش تبشرني
ليل: كرموني اليوم وعينوني فريق
قمر بصدمه: احلفف
ليل: والله
حضنته قمر ب قوه : احسن فريق بالعالم كللله
ليل: وانتي احسنن قمر للفريق كللله احبك ي قمري
قمر: اموت فيك ي ليلي
ليل: ابي حضن قوييي يكفيني لمن اخلص شغلي
قمر : خلاص يكفيك الي تو
ليل: بلا عباطه يلا
حضنته قمر بقوه وهو بادلها لدرجه يبي يدخلها بين ضلوعه
ليل : ناظريني
رفعت راسها لك وسرعان مامسك خصرها وقربها زياده واخذ ب شفايفها وهو ماسكها عشان ماتبعد عنه
كانت قمر حاطه يديها على صدره تبعده عنها مسكها لمن اشبع رغبته وهو مبتسم لخجلها
حضنها وهو يمسح على ظهرها
ليل : قمري انتبهي ل نفسك وارسلي لي كل شي تسوينه واي شي يصير لو اني م رديت لكن طمنيني عنك واذا بتنادين البنات ناديهم وانبسطو
قمر: وانت ليلي تكفى انتبه لنفسك لا تخوفني عليك
ليل: ابشري
فكها ليل ودخل غرفة الملابس وفتح دولابه الي كله سترات ضد رصاص واسلحه اخذ له سلاح وسترتين
قفل الدولاب وعدل نفسه وراح ل قمر
وحضنها اخر حضن قبل يروح
ليل: انتبهي ل نفسك
ودعته قمر وهي تمسك بكيتها لكن عيونها فضحتها ب عيونها الي مليانه دموع
سكت ليل وهو يحس قلبه يوجعه لانه يدري ماهي متعوده اببداً على دوامه كذا
وتشوفه ماسك سلاح وستره ضد الرصاص هذا بحد ذاته مرعب وتحسه بيصير شي
طلع ليل وبكت قمر بخوف عليه صدق
جلست بالصاله وهي تبكي
مرت ١٠ دقايق واتصل عليها ليل
ليل: قمري تراني كلمت لك العامله دُعاء اعرفها منزمان بتجيك وبتساعدك باللي ودك فيه ونادي البنات وانبسطي ولا تفكرين ولا تخافين ي قلبي
قمر وصوتها واضح انها تبكي: بصفقك وش تعرفها منزمان
ضحك ليل : يعني كنت قبل لانمت بالرياض هي تكون موجوده تنظف بس الحوسه اذا حستها
قمر: مع نفسك تنام وهي فيه اصبر بس تجي لك حساب ثاني
ليل: ماسويييت شي
قمر: انكار بعدد وهذا وانت فريق
ليل ضحك : ماله دخل بس سمي
قمر : اذلف كمل شغلك بس
ليل بضحك : اوريييك والله بس لاجيت
قمر : اي نشوفف
سكرو الخط
اتصل ليل ب الجد لافي وسرعان م رد
الجد لافي: ارحب
ليل: البقى، علومك بشرنا عنك
الجد لافي : بخير ي وجه الخير انت علومك
ليل: بخير ولله الحمد ، ياجد ..
ماكمل كلامه بسبب الجد لافي
الجد لافي بحده: وش قلت لك
ليل: ي لافي ترانا وصلنا الرياض ونسيت ابلغك لاني بشغلي
الجد لافي : حمدلله على سلامتكم ياولدي
ليل: الله يسلمك ، و بس حبيت ابلغك تراني بطول ب شغلي مره م اتوقع اني بقدر اجي اليوم يمكن بكرا
لافي : موفق ي ولدي ، طيب قمر بتجلس لحالها
ليل: قلت لها نادي الي تبين ولا البنات عاد م ادري عنها وحطيت عندها دعاء
لافي : طيب بقول ل تركي يجيبها مو تجلس لحالها اخاف يجيها احد
ليل: عزز ي لافيي العزززز يفهمم الي مقلق بالي
ضحك لافي : الله يعزك ي ولدي والله يسدد رميك وانتبه لنفسك قمر بعيوني لاتخاف
ليل: ابشر
سكرو الخط
وطلع ليل وغير شخصيته من الي كان يضحك من شوي الى انسان جاد جداً وحاده ملامحه
دخل عند الفريق كامل
ليل: سلام عليكم
الفريق كامل: وعليكم السلام
ليل: لاهنت سلمني ملفات التحقيق واستر ماواجهت
الفريق كامل : هذا هم كلهم واعذرني بتعبك اليوم
ليل: مامن تعب ي طويل العمر
الفريق كامل: يلا سلام
طلع الفريق كامل ومسك ليل ملفات التحقيق واحد واحد وجلس يحقق
-
عند قمر كانت جالسه تنتظر دُعاء
وصلت دعاء ودخلت لان معها مفتاح للبيت وهذا الي زاد غيررة قمر زياده
دخلت دعاء وسلمت على قمر
دعاء : يبغى شي مدام ؟
قمر : لا شكراً
راحت دعاء للمطبخ وقمر راحت لغرفتها اول م جلست اتصل عليها لافي
ردت
لافي : هلا والله ببنتي
قمر: هلابك ي عيني
لافي : علومك ي بنتي
قمر: بخير ي عمري انت وشلونك طمني عنك
لافي: بخير ي قلبي والحمدلله على سلامتكم
قمر: الله يسلمك ي روحي
لافي: اسمعي ي بنتي تراني كلمت تركي يجيك ياخذك انتي ودعاء
قمر: ماشاءالله ياجد حتا انت تعرف دعاء
لافي : ايه ، المهم ي بنتي بيجيكم ياخذكم وتجين عندنا وقدام نظري عشان مايجيك شي
قمر: ابشر ي جد
سكرو الخط وجهزت قمر لها كم لبس وحطت ل ليل معها عشان يمكن يجي هناك ويلبس ويرتاح
خلصت اغراضها وبلغت دعاء ونزلو ل تركي الي كان واقف ومشتاقققق ل قمر
طلعت وشافته ودمعت وحضنته بقوه
تركي: ماتوووقعت اني بفقدككك اهخخ قمرنا
قمر : البكيه على الطرف ترا الحين ابكي
تركي: لاتكفين يذبحني ليل
ضحكت قمر وركبت هي ودعاء وراحو ل بيت الجد لافي
...........................................................................
يتبع
