البارت الثامن والخمسون
.
.
.
.
عند ليل قام على صوت ابوه
ابو ليل: ليييل اخلص
ليل بخوف : وش صار لاتخوفني
ابو ليل: بسم الله عليك اهدى ماصار شي بس قوم ابوي يبيك توديه المستشفى تعبان
فز ليل وركض ل لافي بخوف ومسكه
ليل: يلا
لافي : بسم الله عليك اجلس اهدى صل اول شي بعدين نمشي
مسك ليل راسه بخوف وصداع لانه فز بقوه وركض
ليل: كم الساعه
لافي : اعذرن ي بعدي قومتك وانت تعبان الحين حنا العِشاء
ليل: افا افا والله لو تقومني وانا توي نايم فداك
لافي: يابعد قلبي يلا طيب روح صل وتعال انتظرك
ليل: زين
راح ليل غرفته يتوضى ويصلي ويلبس ثوبه قربت منه قمر مسكت راسه تعرف انه اذا احتاس وجلس يتحرك كثير يعني باله مشغول مره
وقف ليل وحضنها بهدوء
قمر: اهدى اهدى جدي بخير بس عمي قومك بطريقه تخوف
ليل: اي والله راسي صدع
قمر: بسم الله عليك يلا اهدى وروح خلص
ليل: زين
راح ليل واخذ لافي وراحو المستشفى
ودخلو لافي يفحصونه وبقى ليل ب الاسياب يتمشى والمستشفى هددوووء مافي احد
كان ليل ينتظر يطلع له الدكتور ومتوتر مسكته وحده مع يده لف ليل بخوف وفك يده
ليل: خير
سلوى: افا م عرفتني
ليل: لا وشتبين
سلوى : انا سلوى صديقة ليال اخيراً حصلتك كل م تكبر تحلى زود
ليل: اذلفي لا اذبحك
سلوى: طيب بروح بس علمني شخبار ليال
ليل لف وجهه ولا رد عليها
سلوى: اكلمك انا
سحب ليل عليها وجلس يستغفر ويهلل وتاركها
سلوى مسكته: اكلمككك انا
ليل: اقسم بالله لو ماتفكين يدك لا اذبحك
سلوى : يلا راضيه اموت ع يدك
ليل بعد عنها : انتي ماتستحين وش تبين بالضبط
سلوى : ابي تاخذني
ليل: مابيك
سلوى : انا ابيك
ليل: مابيييك ي بنت الناس مابيكك يع يع يع
سلوى : تكفى اتطلق من الي ماخذني ذا وخذني انت
ليل: اذلفي بس متزوجه وتبيني اخذك
جا زوج سلوى ومسك ليل مع رقبته فك ليل الرجال وبعده
ليل: بتوطاك اقسم بالله انت وهذي
محمد: شتبي فيها شتبي
ليل: مابيييهاا هي الي ناشبه تبي تتطلق منك عشان تبيني اخذها وش ابي فيكم اذلف بس
محمد سكت بصدمه ولف على سلوى الي كانت ساكته وتناظر
محمد: صدق كلامه
سلوى: اي صدق
محمد : تبين اذبحك
ليل: بينكم عيال؟
محمد: ايه
ليل لف على سلوى: حافظي على بيتك وزوجك وعيالك انا مابيك ولا قد فكرت فيك وعندي عيال ولله الحمد بعدي عني مابيك
جا ليل بيدخل عند لافي ومسكه محمد على جنب
محمد: علمني من متى تعرفها
ليل: م اعرفهاا كانت صديقة اختي وتعبي راس اختي علي عشان اتزوجها وانا متزوج وابي زوجتي وناشبه وتوقعت عقلت لكن للحين
محمد: امسحها ب وجهي واعذرني
ليل: ماعليك وانت بس اذا تبيها حافظ عليها
محمد ضحك: شكلك م عرفتني
ليل: لا بالله ماعرفتك من
محمد: انا من ضمن الي دربتني ب الحد وكنت تشد علينا وجيت سألتك ليه تشد علينا وقلت مابيكم تضعفون وتدافعون عن اهلكم مهما يصير وتحافظون عليهم ومحد ياخذهم منكم ابد لو ايش ما صار تحافظون عليهم
ليل ابتسم وتذكر انه كان يشد عليهم يوم طلق قمر بالبدايه
ليل ضحك: اوووهه عرفت الحين ليش كنت اشد عليكم
محمد: اي بالله
ليل: اسمعني وانا اخوك ابد اذا انت تحبها حافظ عليها وحاول توديها ل احد ييقرا عليها
محمد: تصدق ترا بالبيت غيرررررررررررر ومن تزوجتها غير وبيننا علاقة حب يعني مستحيل تسوي كذا غريبه انها سوت كذا من شافتك
ليل: واضح مو طبيعي ف انت ودها ل احد يقرا عليها اكيد مس او عمل
محمد: زين زين تسلم وماقصرت على كل شي
ليل: ابد ماسويت الا الواجب فمان الله
راح ليل عند لافي وحصله مخلص بس يفكون الابره
لافي : لا بالله احلف
ليل: جلست اتكلم مع رجال وخلصت وجيتك اعذرني
لافي: طيب
خلصو وطلعو
-
عند محمد وسلوى ركبو السياره ومحمد مقهووررر ورايحين بيتهم
محمد بغصه: هذا رغم كل شي بيننا كذا تسوين
سلوى كنها صاحيه من نوم ولا تدري ب الي سوته
سلوى بخمول: وش سويت
محمد عرف وتأكد ب اللي قاله ليل وكلم شيخ واتفق معه
-
عند ليل طلع هو ولافي من المستشفى ولف عليه لافي
لافي : ليل وش تكلم من ذا الرجال الي شفته
ليل : سالفه تضيق الصدر
لافي : علمني
جلس ليل يقول له السالفه من طقطق ل السلام عليكم
لافي: بالله صادق
ليل: اي بالله بس امانه ي لافي لاتجيب الموضوع ابد عند قمر بتذبحني وبتزعل
لافي: ماعليك وبعدين طيب وشفيها البنت
ليل: اكيد مس او عمل ماعليه الله يستر عليها
لافي: امين
-
رجعو البيت وجلس ليل مع لافي يعطيه ادويته ويهتم فيه
لافي : ليل روح نام شوف عيونك تعبانه
ليل: ماعليك بخير بجلس عندك
لافي: اكيد؟
ليل: اكيدين بس وش بغيت اجيب لك الحين
لافي : ابد مابي شي بروح اريح
ليل: يلا هات يدك
اخذ ليل لافي و وداه غرفته وتطمن عليه وراح نام عند معاذ وارسل ل قمر
ليل : قمري ترا بنام عند معاذ خايف على لافي لايكون يحتاج شي وانا فوق ف بكون اقرب له
قمر: زين ي قلبي
لف معاذ على ليل
معاذ: شتبي
ليل: بنام هنا عشان لو احتاج لافي شي
معاذ فز بخوف: وشفيه
ليل: اهدا مافيه شوي توي جبته من المستشفى تعبان شوي واعطيته ادويته وحطيته بغرفته ينام
معاذ: اكيد ليل؟
ليل: اكيد
غطا ليل عيونه بيده ونام نومة شبه صاحي
فز بسرعه من حس بيد تمسكه من بطنه
ضحك هاني : وشبك خوفتني
ليل ضحك: الله ياخذ عدوك يشيخ
هاني : طيب يلا صحصح ترا الكل جالس يتجهز في رجال بيجون بعد شوي يعني من الصباح للعشاء
ليل: من ذولا
هاني : مدري عمي لافي يقوله يقول انه اخوياه ومهمين مره
ليل: وين لافي
هاني: ب الحوش مع عامل مدري مين
ليل: زين يلا
طلع ليل ل لافي وحصله يتكلم مع وحيد
ليل تخصر: ورا ماقومتني معك
لافي: ماعليك بخير مايحتاج تجي معي
ليل: من الي بيجون
لافي : اخوياي قبل ايام الضباط والموظفين الي بالشركه والكل مسوي عشاء كامل للجميع
ليل: احا يعني تعب دبل اليوم
لافي: بالضبط الحين روح تجهز بسرعه وتعال نفطر كلنا قبل يجون الضيوف
ليل: ابشر
راح ليل ل غرفته وحصل لافي لحاله ع السرير وقمر ب الحمام ( يكرم القارئ) واخذ لافي وجلس يبوسه ويلعبه
لمن طلعت قمر
قمر: بسم الله متى جيت
ليل ضحك: وش لذي الدرجه اخوف
قمر: لا مو قصدي كذا بس خوفتني مافيه صوت لك
ليل : بسم الله عليك توي جيت وبغير بسرعه عشان بنزل ل لافي
قمر : توعدني؟
ليل قرب من قمر وحضنها وباسها وناظر في عيونها
ليل: امريني بس
قمر: ابي اذا خلصت مع جدي قبل يجون الضيوف ابي تجيني شوي
ليل: هممم ابشري
قمر: اوعدني
ليل: اخاف اوعدك و م اجي ولافي يلعن شكلي
قمر: لا ماعليك
ليل: خلاص اجل وعد
قمر باسته بحب وجت بتبعد ومسكها ليل فكت قمر نفسها بقوه وبعدت وضحكت
وليل ابتسم ودخل يتروش ويبدل ويتضبط ويطلع
-
عند مزن وبسام
مزن : بسام شوف م توديني اليوم ترا بزعل عليك
بسام : واذا م وديتك
مزن جتها العبره : تراك صاير تقهر شفيك
فز بسام وحضنها من حس انها بتصيح
بسام: بزر إنتي استعبط بوديك والله بوديك
مزن : وبناام عندهم
بسام : لا معليش وانا من عندي
مزن: مالي دخل بنام يعني بنام
بسام ضحك: ابشري من عيوني سمي حاضر وش تبين بعد
مزن: تبعد عني
بسام : افاا ماتبين حضني
مزن: شرايك اخليك تحمل عني
بسام ضحك: لا خلاص امزح
-
عند ليل كان يضبط شماغه وتعطر وبخرته قمر وطلع وصادفته ليال ب وجهه سحبته ل غرفتها بسرعه
ليل : ووششو
ليال: اسمع بقولك شي
ليل: وشو
ليال: خلاص استخرت و موافقه
ليل ضحك: الله يخرش بليسك خوفتيني
ليال: شسوي توترت
ليل: خلاص ماعليك يعني توقعي بكرا وانتي مملكه عليه
ليال: يمه ب ذي السرعه
ليل : لافي يحب السرعه ف بنسوي اي شي يقوله
ليال: زين
طلع ليل وهو مبتسم ويبي يمقلب غانم راح للعيال ومسك غانم ع جنب
ليل : غانم اقولك شي و ماتزعل
غانم اوجعه قلبه: لا اسكت احس عرفته
ليل ضحك: طلعت عاشقها ي زفت
غانم ضحك: الشكوى لله
ليل: ابشرك موافقه
غانم: احللففف
ليل: والله
غانم: احس حبيتك زود
ليل : ي مصلحجججيييي
غانم ضحك: الدنيا مصالح
ليل : اجل اذلف
غانم : لاخلاص امزح
ليل: اجل اسمع بتقول لهم او انا اقول
غانم: لا انت قول بس منخرش من ابوي لا يصفقني
ليل: انا بقول ل ابوي ولافي وانت قل ل ابوك وشوف وش يقول قبل لا اقولهم
غانم: ماهو قايل شي بس بيهاوشن انه ليه م علمته من البدايه ومن متى اعرفها
ليل: يليل الوغد الثاني نفس رائف يعني ازوجكم انا يلا اذلف انا اضبط الوضع
ضحك غانم وباس راسه : ياخي احبك
ليل ضحك: يشينكك وقت المصالح
غانم : الدنيا تحدكك
ليل: اقول سقهااا
-
راح ليل وحصل لافي وابو هاني مع بعض ب المجلس
ليل : سلام عليكم
كلهم: وعليكم السلام
ليل: بفاتحكم ب موضوع وعطوني رايكم
ابو هاني : عسى خير
ليل: ماعليك كل شي خير المهم غانم بيتزوج اختي
ابو هاني: وشو من متى وليه ما قال لي
ليل : صارت موضوع بيننا وانا شاورت اختي ووافقت وبس باقي انتم وابوي
لافي : عن نفسي ماعندي مشكله
ابو هاني : وانا بعد ماعندي مشكله
ليل: زين اجل بس باقي ابوي
راح ليل ل ابوه الي كان يتجهز ويلبس شماغه
ليل: ماشاءالله معرس معرس
ام ليل : وش تقول
ليل: امزح امزح
ام ليل: اي على بالي
ابو ليل ضحك: شعندك وراك شي
ليل : غانم يبي ليال وانا شاورت ليال واستخارت ووافقت والحين الكل موافق باقي انت
ابو ليل : ابد شورك وهداية الله
ليل: زين اجل الله يتمم لهم
-
راح ليل ل لافي وافطر معهم وجلس ليل جنب لافي
ليل بهمس : لافي العز القمرا تبيني شوي بروح عادي
لافي هز راسه بمعنى ايه
راح ليل مروق ومبسوط ويغني دخل عند القمرا الا توها مضبطه لافي
ليل: هلااا بنورر عيونيي كلكم
اخذ ليل لافي وباسه وحضن قمر
ليل: صيري قدامي بشوف الزين كله
قمر صارت قدامه وضحكت
قمر: اشوا لاحظت وهذا السبب الي ابيك تجي عشانه وتشوف وتركز ب شي
جلس ليل يتأملها ويفكر وش الي يركز فيه
ليل ضحك: وش اركز فيه م استوعبت
قمر : ركززز زين يلا وش فيه شي متغير فيني يلا قربت لك
معلومه
ليل شهق من لاحظ: قاصه شعرككك
قمر : اخيراً
ليل : احاااااااا ليييه
قمر: ستايل جديد
ليل ابتسم : بس والله بطططططلللللل مررره
قمر : طيب انا ب وجهك
ليل ضحك : ليهه
قمر : امي بتلعن شكلي
ليل : ازهلي امشي معي
مسك ليلل يد قمر ونزلو وكان شكلهم مع بعض ولافي بينهم يجنن وكانت مزن تصورهم
ليل انتبه ل مزن
ليل: جت السلقه
مزن ضحكت: حيوان يصيدني
سلمو عليها ووقف ليل قدام خالته وبجنبه قمر واعطا لافي مزن
ليل: خالتي نداء عاجل
ام سلمان : هلابك
ليل : شرايك بشكل قمر
ام سلمان شهقت: قاصهه شعررررررك
ليل ضحك: ايه
قامت ام سلمان بتقرصها حطها ليل ورا ظهره
ليل: خالتيي والله ماتلمسينها
ام سلمان: اسكت لا اجلدك معها
مسك ليل ام سلمان وقمر هجت عند مزن
ليل: اسمعيني طيب
ام سلمان: وشو
ليل: شوفي الحين صارت ع ذمة مين ذمتي صح خلاص انا سامح لها خليها
ام سلمان : لا بالله وانا بطيعك انت وياها
ليل ضحك: ياخالتي تكفين والله حلو وحتا اذ ولدت قمر وطلعت بنت بقص شعرها بوي واوريك مره حلو
هجدت ام سلمان والكل صمت
ام سلمان: قمر حامل
ليل: ايه
ام سلمان: وليييه ماتعلميني ي السلقه الجرباء
ليل ضحك : مسكتتتها خالتي
قمر ضحكت: من كثر م نقولها
ام ليل : اصبرو اصبرو وقت الجد من متى حامل
قمر ركضت عند ليل
قمر: ياويلك لو انجلدت
ليل ضحك: ماعلييكك
ام ليل : اخلصييي متى
قمر: بدخل الرابع
مزن: ي حييييوووووووووااااااانننه حامل قبلليييي!!!
ام ليل : بعدددددددددددد انتي حاملللل
ليل ضحك : قبست قبست ياويلكم اذلفو عني بروح عند لافي
قمر مسكت ليل : ياويييلك من ربي افزع لي
ليل : يمه خالتي ترا الصدق انا قلت ل قمر لاتقول شي عشان تصير مفاجأه حلوه بالعيد
مسكت ام ليل اذن ليل
ام ليل: ترا بتتصفققق بس اصبر لي خل تخلص العزيمه
ليل: سمي عادي بس قمري لاتجونها انا قلت لها
مزن: واختكك
ليل ضحك: خل زوجك يفزع لك مالي دخل الا بزوجتي
ركض ليل وكلهم يضحكون عليه
<<<<<<<<<<<
تسريع الاحداث اجتمعو الكل وجو الضيوف وليل شايلهم شيل ويرحب ويهلي ويقهوي عشان لافي ياخذ راحته ولا يفكر ويتعب وينبسط مع اخوياه كان ليل واقف على رجوله من الصبح لمن المغرب مسكه لافي على جنب
لافي : بسم الله عليك استودعتك الله قاري اذكارك؟
ليل ضحك: وشفيك
لافي : اسألك انا
ليل: ايه قاريهم
لافي : لايكون تعبتك وانت تشوف الرجال وماجلست
ليل: تبي اقول جدي ( بمعنى مابيننا انه تعبتك ولا كذا)
لافي : يا شينك انا اسألك صدق لايكون تعبت والله ي وليدي اذا تعبت اجلس وفيه العيال
جاهم معاذ : ليل انطق اجلس انا فيه
ليل: وشفيكم ماشكيت ولا قلت شي مافيني شي المهم لافي متى تبي تقلط العشاء
لافي : بعد ساعه كذا او ساعه ونص
ليل: زين اجل يلا امش اجلس مع اخوياك انا ماعلي بخير
معاذ طلع باكيت دخانه ومده ل ليل
معاذ: رح امسك احسك تبي
ليل ضحك: لافي شف ولدك البزر يدخن اصفقه ويبي يخرب عيال الناس
لافي ضحك: والله كنتتت شاككك اشوا اعترفت
معاذ ضحك: نسيت ان ابوي عندنا
ليل: ايوووه اجلده بعد العشاء عشان تضبط اموره
معاذ: محراث النار ترا بصفقك
لافي : اهجدو يلا وامشو
دخل لافي ودخلو وراه وليل بدا يشوف الرجال ووش يبون ويقهوي لمن قلطهم ع العشاء وشاي بعد العشاء وخلص كل شي وراحو اغلب الرجال وبقو الي يمون عليهم
هنا جلس بعد تعب من الصبح ويحس رجلينه بتنفجر من الالم سكت ومابين لكن جلس يسولف مع مرضي وبسام والعيال ولافي
-
والحريم جوهم حريم الحاره وحريم الديره وام بسام وحنين و مبسوطييين
جلسو البنات كلهم مع بعض الي هم
( قمر ومزن ونجلاء وليان وليال وحنين )
مزن : يملا البعد وجه شفتي ذيك العنود تقهرررر تخز من اليووووم
قمر : ايييي تدرين وش قالت اول م شافت لافي
البنات : وشش
قمر: تخيلو كنت ماسكه لافي واحوس قبل شوي بالمطبخ وجتني وقالت هذا ولد من وتخز وتتمطق بعلكها الي اكبر من راس ليال
ليال ضحكت: الله ياخذ بليسك ي حيوانه
ضحكت قمر : وش اسوي قهرتني
( عند قمر وقت الموقف)
العنود بدلع غثيث: هذا ولد مين اكلمك انا
قمر: لاتنافخين وش تبين
العنود: يشبه ليووول مررره والعم لافيي وغريبا يشبهك
قمر بنفس دلعها : غرررريييبا يمكن لانه ولدي وولد ليووول
العنود بصدمه : انتي اخذتي ليولل
قمر : ايواا
العنود: يوه سراحه كنت حابه ليول ياخذ وحده ارقى من كذا انتي مرا لاا
قمر : سراااااحههه مب شغلللك حبيبتي
اخذت قمر لافي وطلعت وتركتها
( نرجع للبنات)
نجلاء : اقوم ادقها هذي ولا
ليال: لايكون بعد ذي تبيه
مزن: لاتعقب متزوجه ذي ترا بس انه قبل كانت خاقه عليه الحين تعتبره صديقه وانه تبي تزوجه ع ذوقه
حنين : اروح اتوطاها ذي
مزن: حييي عينك حماتي قومي اصفقيه
قمر: يععع بنات حامت كبددددي منها وش ذي الحركات تدرون وش الي يقهر بعدد لا قالت ايووواا او سراحهه ويطلع العلك اعهههه
البنات كلهم : يعععععععع
انتبهت ليان ان العنود بتجيهم
ليان : جت جت
سكتو البنات وجت وجلست عندهم
العنود: مالكم داعي سراااحه تتركوني وحدي وتجون هيناا
مسكو البنات ضحكتهم وسكتو
العنود : اشفيكم ماتردو
ليان: مافينا شي
العنود : انتي مين نسيتك سراحهه
ليان: سراحه انا ليان
العنود: ايوووووااا عرفتك انتي تزوجتيي مينن
جت مزن بتضحك وقرصتها قمر
ليان مسكت ضحكتها: تركي
العنود: تروووككك اخذتتتيهه اووفف مره لايقين سرااحهه
ليان: ادري
لفت العنود على نجلاء
العنود: وانتي اوختهاا مين اخذتي
نجلاء تنفست تمسك الضحكه وتناظرها
نجلاء: ايوا اختها اخذت رائف
العنود: وييي دا مره م احبووو ماكان كويس سراحه الله يعينكي
ليال بكره: تراك جايه من الديره لاتسوين نفسك جداويه
العنود: اشفيكي انا كيدا كلامي
ليال: ايوووا سح نسسسيتتت
صدت العنود عنه ولفت على مزن وقمر
العنود: ايواا دي الي اخذت ليووولل مره ماتصلحيي له خساره كنت حزوجو وانتي مزن اكيد سح
مزن: ايوا
العنود: مين اخذتي
مزن: ماتعرفينه
العنود: وي اشبك اعرفهم كلهمم
مزن: بسام
العنود: بساااامووو اييي عرفتووو كان مره ولد شاطرر مراا حلو انتي محظوظه مو مثل دي نجلاء اخدت واحد مراا مو كويس
مزن: هيه اخوي تراه انتي واسلوبك الي يحوم الكبد اص بس
العنود : وييي انتي اخوكي رائف
ليال: ايوووا اخوننااا
العنود: يووو سبحان الله خلق مرا وفرق مرا
ليال: ماتوفرين انتي ماشاءالله شعرفك فيهم
العنود : ويي اشبكك زعلااانناا
حنين: اقول شوفي امك تناديك
العنود: اوووو مشينا يلا بايي ي كتكوتاتت
راحت والبنات كلهم مكشرات من الغثا
قمر : والله لا اوريه شلون تعرفه
مزن: وبسااام بعددد
حنين : نلعنن شكله
نجلاء : ورائف بعدد
ليان: وتركي تقهررر تقهر
ليال: اقول شرايكم تسحبون عليهم الليله وتكو عندنا
البنات كلهم: تم
لفت مزن على حنين وضحكت
مزن: انتي شدخلك
حنين ضحكت: اقول اسكتي ابي معكم
ليال: تم اجل سوو مقاطعه ل ازواجكن
قمر : طيب يعني الحين الكل راح
مزن: اي اتوقع
حنين: امي بتمشي
مزن: امشي اقنعها انا
راحت مزن وحنين عند ام بسام
مزن: خالتي بتمشين؟
ام بسام: ايه والله ي قلبي
مزن: عادي طلب صغير
ام بسام: عيوني لك امري حبيبتي
مزن: تسلمين ي بعد روحي عادي حنين تنام عندنا انا بنام وخليه معي بكرا نرجعه انا وبسام
ام بسام: خلاص ماهي مشكله
باست مزن راسها: يلوووموني بحبك يلا امشي حنين
راحو البنات وبدلو وجلسو ب مجلس حريم صغير معزول عن الازعاج
-
عند ليل مشو الكل ومابقي احد لفو عليه كلهم
ليل : بسم الله وش السالفه
كلهم: رح ناااام
ليل: اعوذبالله وشفيكككم ماشكيت انا عشان تقولون وبروح اصلاً بس مب الحين
لافي : ليل الحين تروح تريح وتنام الحينن كلمتي مابي اثنيها
ليل: ابشر طيب انت تبي شي اجيب لك شي
معاذ: انا عنده انت بس روح
لافي: جاك الجواب
ليل: طيب
راح ليل غرفته وحصل بس لافي نايم وجلس ع طرف السرير بتعب ويالله بتنفس واتصل ع قمر
قمر: هلا
ليل بتعب : قمر تعالي بسرعه الغرفه
قمر: مقدر انا مع البنات
ليل: قمر انا تعبان تعالي
قمر: وشفيك
ليل: تعالي بسرعه
قمر: جايه
سكرو الخط
ولفو عليها البنات
ليال: وين الي بتسوي مقاطعه
قمر: مقدر تعبان مدري وشفيه حتا صوته م يطمن
مزن: بسم الله طمنيني عليه واذا تبين شي دقي
قمر: طيب
راحت له قمر ركض وحصلته منزل راسه وماسكه
قمر : ليل وشفيك
ليل : تعبان تعبان مقدر احرك رجلي من الوجع
قمر: طايح؟
ليل: لا واقف من الصبح م جلست الا تو بس شوي بعدين جيت هنا
فكت قمر شماغه وساعته واغراضه وفكت ثوبه له
قمر: طيب ليه م تنسدح
ليل: مقدر ارتفع من الالم
قمر: طيب اصبر بعطيك مسكن
اعطته قمر مسكن ورفعته بهدوء وتحاول تخليه يدخل تحت البطانيه لمن ضبطت وضعه وغطته وجلست عنده
قمر: اكلت طيب؟
ليل: ايه
قمر: واضح ماكليت لكن لاقمت بتاكل
ليل : ان شاء الله
قمر: طيب يوجعك شي الحين
ليل: اي بالله كل جسمي لكن بنتظر مفعول المسكن
قمر: ليل ترا اذا م خفيت بوديك المستشفى
ليل: لا ماعليك بس خلك عندي
جلست قمر جنبه وتقرا عليه
لمن شافت ليل نام وغط ب نومه خففت الاضاءات كلها واخذت لافي وراحت للبنات وحطته عندهم ينام عشان م يصيح وليل نايم
مزن: ها وشفيه ليل
قمر: تعبان شوي من العزيمه اليوم
مزن: يعني مافي شي قوي
قمر : لا ان شاءالله مامن الا العافيه
جلسو البنات سهره ومبسوطات
-
عند لافي كان تعبانن مرره واتصل على معاذ عشان م يتصل على ليل لانه يدري انه تعبان
معاذ: سم يبه
لافي :تعال عطني علاجاتي
معاذ: يلا جايك
راح معاذ ل لافي وجلس يعطيه علاجاته وجلس عنده
معاذ: يبه اوديك المستشفى
لافي : لا بس خلاص خذيت علاجاتي اطيب ان شاءالله بس اسمع قلبي قارصني على ليل روح شوفه
معاذ: ابشر
راح معاذ وطلعت ب وجهه قمر
معاذ: جابك الله ليل وينه
قمر: نايم
معاذ : بروح له
قمر: ياويلك تصحيه
معاذ: ماعليك
راح معاذ ركض ودخل بهدوء وحصل ليل صاحي يحاول يمسك جواله
معاذ: وشفيك
ليل: جابك الله تعال مقدر اتحمل
قرب منه معاذ ورفعه من الفراش وعدله
معاذ : ليل وشفيك
ليل: تعبان احس بموت خذني المستشفى
فز معاذ واخذ ثوب ليل ولبسه ورفعه ونزله بالياله مع الدرج وآخذه للمستشفى بدون احد يحس
واخذه للطوارئ وبدأو يكشفون عليه ويعالجونه وليل يون ب الم
الدكتور: هو وش مسوي
معاذ : عزيمه واشتغل فيها بس مو اول مره والحين تعبان مدري ليه
الدكتور : رجليينه صاير فيهم انتفاخ
انتبه معاذ ل رجلين ليل وشهق رجلين ليل كانت منتفخات
معاذ: طيب وش السواة
الدكتور: اهدا ماعليك اعطيته العلاج المناسب وامسك ذي الورقه خذ العلاجات من الصيدليه وبيقولك متى ياخذهم
معاذ: طيب
راح معاذ وبقى ليل ماسك راسه ويستغفر ويسبح عشان يلهى ولا يفكر ب الالم
لمن فكو الابره الي بيده وجاه معاذ
الدكتور: لاتفكر تمشي كثير على رجولك ابددداً بس الوقفه الي بتروح لدورة المياه( يكرم القارئ) بسس غيرها لا
ليل: طيب واذا حسيت نفسي طيب واقدر امشي
الدكتور: ساعته تجيني و اقولك
ليل: طيب
جاب معاذ عربيه ورفع ليل وحطه ب العربيه واخذه للسياره وركبه
-
عند قمر راحت للغرفه وماحصلت ليل توقعت انه معاذ وبتجلده لارجع هو وياه دخلت لافي سريره ورجعت للبنات وهي تحس ينغزها شي طنشت وجلست
-
وصلو البيت ودخل معاذ وهو داف ليل بعربيه
ليل: معاذ يع مابي اجلس كذا بقوم
معاذ: والله اعلم عليك ابوي
ليل: طيب شلون بترقيني غرفتي
معاذ: من قالك اني بوديك غرفتك امش غرفتي
دخله معاذ غرفته وجلسه ع الكنب وحس عليهم لافي وجاهم
لافي: ابووو سعد وشفيكك
ليل: بخير بخير ي بعدي ماعليك
لافي : شلون بخير ورجلينك كذا وعربيه وشفيكم فهموني
ليل: اهدا ي عيني اهدا
معاذ: يبه يقول الدكتور انه رجول ليل فيهم انتفاخ وضروري م يمشي عليهم الا بس للحمام( يكرم القارئ) بسس غيره لا
لافي : طيب وش يوجعك الحين وش تبي اجيب لك
ليل: سلامتك والله مابي شي
معاذ: يبه ليل م اكل
ليل: ترا بقوم اصفقك
لافي : اهجد وانت انتبه له بروح واجيكم
راح لافي ل قمر وطق الباب
طلعت قمر بخوف : ليل صار فيه شي صح
لافي: لا اهدي وماعليك ليل مافيه الا العافيه بس تعبان شوي
قمر: ويينه
لافي: بغرفة معاذ بس ابيك تسوين له اكل
قمر: ابشر
راحت قمر تسوي ل ليل اكل ومعها لافي
قمر: جدي عادي تجيبونه هنا ب المجلس
لافي : لا خليه عند عيني
قمر : جدي اخاف يطلع ب وجهي احد وانا رايحه له
لافي: ماعليك انا معك
قمر : طيب يلا خلصت
راحو لافي وقمر ودخلت قمر وطارت عيونها من شكل رجول ليل
نزلت عنده الاكل وناظرته بعصبيه
قمر: وليه ماتقولل ليي ليه م ناديتني
ليل: اسألي معاذ كنت احاول اخذ جوالي يوم دخل علي بعدين رحنا المستشفى
قمر بخوف : اما عاد رحتو المستشفى!
معاذ: ايه وقال الدكتور م يمشي ع رجوله اجلديه لو شفتيه يمشي
قمر : بشنقك مب بس بجلدك
لافي ضحك: خلاص خليه ياكل
قمر: بينجلد لو م اكل بعد
ليل: شف لافي بتذبحني
لافي: احسن هي الي تعرف لك
ليل: هينن يعني اقوم امشي
قرصته قمر وصرخ ليل
ليل: لااااااافيييييي شوووف لها
لافي ضحك: تستاااهل عشان م تعاند
ليل: هييين
ضحكو على ليل وقمر قدام ليل حاشرته ياكل
ولافي ومعاذ طلعو
ليل: وشفيك معصبه مره
قمر: ماسكه دموعي ماني معصبه
فز ليل بيروح لها ومسكته وجلسته وحضنها
ليل: ليه ليه وش صار عشان تصيحين مافي شي شوفيني حمدلله بخير
ماتكلمت قمر وكانت حاضنته ودموعها تنزل بصمت
ليل مسح دموعها وباس راسها
ليل: قمري عيوني حياتي اهددي والله بخير
قمر: اقنع جدي تجي عندي
ليل: ليه رافض
قمر: اي يبيك عنده وينتبه لك
ليل: ازهلي ماعليك بس لاتصيحين تكفين
قمر: طيب
قاطعهم دخول هاني فز ليل وغطا قمر
ليل: ي سلللللللقققهه ديور
هاني : احا
لف هاني وطلع وهو يضحك
اتصل ليل على معاذ
معاذ: هلا
ليل: بعد كل العيال عن الباب ومن الحوش وبطلع انا وقمر
معاذ: ياويلك تمشي
ليل: ماعليك بس اخلص
معاذ :طيب
سكرو الخط وقرصت قمر ليل
قمر: ليه تقوممم قوووه
ليل: لاتحسسيني اني حامل اهجدي
دخل معاذ وتخصر يوم شاف ليل واقف
معاذ: م تسمع انت شعندك
ليل: بزر انت دخل علينا هاني وش تبي اسوي غير كذا
معاذ : خلاص طيب امشي قمر وتغطي
اخذ معاذ قمر ووداها للبيت وماهي الا دقيقه تجمعو العيال عند ليل
ليل : بسم الله وشفيكم انتم
هاني: انت الي وشفيك وش صار
ليل: تعب خفيف سهالات ان شاء الله
معاذ : وقاله الدكتور
قاطعه ليل وضحك: يازززززفتت خلاص والله درو
معاذ ضحك: تستاهلللل عشان تسمع الكلام
ليل : طيب اسمعو والله اني بخير ولا تخافون ولا تخوفون احد
غانم: راحت عليك معاذ نشرت الاخبار نشر الخبر بالبيت كله
ليل: اوررريك ي دباب الجمااااعهه
قاطعهم دخول ابو ليل بخوف
ابو ليل: ليل وشفيك
ليل: اهدى ي ابوي مافيني شي معاذ بذبحك وش انت قايل
معاذ: م قلت شي
ابو ليل: ابوي الي علمن ماهو معاذ المهم الحين ماعلينا وش تبي اجيب لك وش يوجعك
ليل: ابدد تسلم ماتقصر مابي شي ولا يوجعني شي ابد
ابو ليل: اكيد
ليل: اكيد
-
عند قمر رجعت للبنات تصيح وتقولهم وش صار ل ليل
مزن: ي بنتييي هديي ترا ليل واعرفه والله ان يتعب زود ان شافك تصيحين
قمر: ياخي بنات خايفه رجوله م تطمن مره
ليال: قمر هدي وماعليك بيصير احسن وبتشوفين بس انتبهي له
قمر: طيب
...........................................................................
يتبع
