البارت الستون
.
.
.
.
.
عند ليل تغيرت نفسيته مره وجلس يطقطق عليهم ويضحك والكل مبسوط انه تحسن
وقفو لعب ع صلاة الفجر وقام سلمان واخذ ليل ل دوره المياه ( يكرم القارئ) وتوضى ليل وصلو مع بعض وبعده كملو لعب وحسو بحركه عند الباب ماهي الا ثواني ودخل معاذ
معاذ : هايييي
ليل: ارررررحببب
قامو الكل سلمو عليه وقرب معاذ من ليل وباس راسه وجلس عندهم
ليل: شفت لافي؟
معاذ: لا نايم
ليل: عيال لافي احد صحاه للصلاة؟
العيال: لا
ليل: معاذ ودني وامش معي عند لافي
راح ليل ومعاذ عند لافي ودخل معاذ ليل عند لافي وطلع
ليل: لافي العز
فز لافي بخوف: فيك شي؟؟
ليل: لا بسم الله عليك بس ابيك تصلي اذن
لافي : صليتو؟
ليل: ايه احسب العيال صحوك اثاري لا جيت صحيتك
لافي : زين
قام لافي توضى ورجع وصلى وجلس ع السرير يستغفر ويناظر ليل وليل ارسل ليل ل معاذ انه يدخل بعد م يتكلم ليل ب شوي
ليل: لافي زعلت علي؟
لافي: لا ليه
ليل: انه خليت معاذ يروح
لافي: مازعلت بس تضايقت انه راح لحاله ويدري هو اني اخاف عليه ولو قال لي اني برفض لكن الله يهداكم بس
ليل: طيب ماعليك توي مكلمه وهو بخيرر
لافي: متى يجي
ليل: تبيني اخليه يجي اقوله يجي ويجي
دخل معاذ وضحك ليل
ليل : شوف جبته
قرب معاذ وباس راس لافي وضحك مع ليل
لافي : اجلدكم انا يعني مارحت ولا وش
معاذ: لا رحت ورجعت ابشرك خلصت بسرعه وجيت
لافي : وش شغلك
معاذ : شغل
ليل : لا ب هذي بتقول حتا انا بعرف
سحب معاذ الكرسي وجلس وناظرهم
معاذ: بس ياوووويلكم ترفضون اذا قلت لكم
ليل: اسلم شكلك بتعرس
معاذ: لا مابي العرس بس بقولكم وش شغلي
لافي: وشو
معاذ : الله يسلمكم صح انا درست طب وتعبت بس مارحت اقدم وجلست لانه ادري ابوي بيرفض وبيقول فيه شركتي روح وخلك هناك بس انا حلمي هذا وابي احققه ورحت قدمت ب الدمام للمستشفى الي عاجبني وفيه تخصصي وكل شي زين وقبلوني وضبطت الاجراءات وكل شي ورجعت وباخذ اسبوع هنا وبعدين بروح وهذي سالفتي
ليل: طيب ليه بالدمام هنا الرياض مليانه
معاذ: هناك المستشفى احلى وزين
لافي نزل راسه ونزلت دمعته فز ليل من عربيته من شاف دمعته وحضنه
ليل: لافي تكفى لا
معاذ: يبه وشفيك
لافي مسك ليل عشان يجلس وليل رفض ماسكه ويمسح دموعه
ليل: تكفى لافي وشفيك ماتبيه يروح
لافي : بالعكس يروح ويحقق حلمه بس من عندي من يخاويني من يكون معي
معاذ : يبه والله اجي بكل اجازه وفيه ليل
لافي : تحسبوني ماسمعتكم ذيك الليله لا بالله سمعتكم وليل يقولك خلك مع لافي انا نهايتي قريبه يعني كلكم بتتركوني من لي بعد الله ثم انتم من لي لكن الله يوفقكم ويستر عليكم كانكم بتروحون تكملون حياتكم وماعليكم بقوم بنفسي
ليل: لافي لافي والله ما اتركك والله لو ايش انا معك معك بأذن الله ربي بيمدك ويمدني بالعمر الطويل وانا معك والله م اتركك وحمدلله سالفه ذيك وتقفلت ي لافي لاتوجعني
معاذ:يبه والله اني معاك والله والوظيفه لابوها من وظيفه اذا بتنزل دمعتك والله ما اروح ي ابوي معك انا
لافي: لا بتروح
معاذ: لا والله ما اروح والله
لافي : بتروح
معاذ: والله م ارووح ي يبه والله م اروح واني لا اكلمهم الحين وادور لي هنا ولا تنزل دمعتك وانا عندك والله م ابعد ولا اروح مكان بعيد عنك
ليل : ي لافي مهما يصير لا تفكر اني بتركك ولا شي
لافي : الله يخليكم ويطول ب اعماركم ويوفقكم
كلهم: امين ويخليك لنا ويطول بعمرك
ركز لافي على ليل الي واقف ع رجوله وماسكه
لافي : ليل اجلس
ليل: اتركها مابيها خلاص
معاذ: ليل ي سخفك لاتضيق صدر ابوي واجلس
مشا ليل شوي وكان يحس براحه ولا يحس ب وجع ابد
ليل : والله مافي شي ولا يوجعني شي
معاذ:طيب امش اوديك نتأكد من دكتورك
ليل: طيب ولافي معنا
لافي : لا بالله روحو انتم انا بنام
ليل: اجل ماني رايح
لافي: عز الله حركات العناد امش
ضحك ليل: اعرف شلون اجيبك
راحو كلهم للمستشفى ودخلو ع الدكتور اول ما شاف الدكتور ليل هاوشه
الدكتور: ليه تمممشيي
ليل: وش ليه امشي مافيني شي ولا يوجعني شي
الدكتور: بيوم ونص ماصار يوجعك شي ماشاءالله
ليل: اي بالله
جلس الدكتور يفحص ليل ويشوف رجوله الا خف الورم بكثيرررر
الدكتور : مسوي شي انت ماخذ شي؟
ليل: لا
الدكتور: وش سويت ماشاءالله وتحسنت
ليل: مدري ماسويت شي
الدكتور: ماشاءالله تحسسسن مره
ليل لف ع معاذ: شوف قول ل احد ليل م يمشي بجيك واطاك
معاذ ضحك : خلاص الحين بقول ليل خلوه يمشي
الدكتور: يعني ماكنت تمشي
ليل: تقدر تقول
الدكتور : زين حلو بس استمر ع العلاجات ثلاث ايام بعده خلاص وقفهم
ليل: زين
طلعو ورجعو البيت وليل يمشي ومبسوط
طلعو العيال وشافوهم مع بعض
سلمان: جديي مخليه يمشي عادي
لافي : خلاص مافيه شي يلا بروح انام خذو هذولا الثنين عندكم
تركي : ابشر
راح لافي ومسكو العيال ليل ومعاذ ودخلو المجلس
سلمان: الحين تقول شلون صار كذا
جلس ليل يقولهم انه اصلاً مايحس ب شي من قام من نومه ويحس براحه بس م بين وسكت وبعدين عاد راح وطلع صدق حمدلله
جلسو يلعبو وانبسطو بعده كل واحد راح ينام
ليل راح الغرفه ومتحمس ل ردة فعل قمر دخل حصلها حاضنه لافي وتنومه ودموعها تنزل
ليل بخوف: وشفيك
قمر : انت الي وشفيك مشيت ع ورجولك
اخذ ليل لافي وحطه ب سريره ومسكها
ليل: وش صار وش يصيحك
قمر : بس كذا تراكمات
ليل: غبي انا تسوقينها علي
قمر: الصدق تعبني السلقه الصغير وبس يصيح وصحت معه
ليل ضحك: يابعد الدنيا ي قمري تتحمل مسؤوليه اكبر منها
قمر: ترا بصيح زود
ضحك ليل: خلاص بسكت
قمر: الحين علمني شعندك ماتسمع الكلام وماشي
ليل: بس اشتقت لك وجيت
قمر: ليل لا تستعبط ياخي اجلس لمن تتعافى
ليل: تبين الصدق الصدق الصدق
قمر: ايه
ليل: ماعليك توي جيت من المستشفى وقال لي الدكتور حمدلله امورك تمام التمام بس استمر ع العلاج ثلاث ايام و اوقفه
قمر: اكيد
ليل: اكيدين
قمر ضحكت: اجل امسك لافي
ليل جلس بالارض بتمثيل انه توجعه رجليه
ليل: اخخخخ ي رجولي مقدر
قمر ضحكت : نننصصصاااب درجه اولى فيك فيك بتمسكه يعني بتمسكه
ليل ضحك: ابشررييي
طلعت قمر ترتب وتضبط الحوسه الي تبيها وليل بالغرفه ينوم لافي
-
عند بسام ومزن
كان بسام منسدح يناظر جواله ومزن تدور بالغرفه
بسام: وشفيك
مزن: اقولك شي وماتضحك علي
بسام : وشو
مزن: متوحمه على تراب
ضحك بسام : اماااااا عادددد
مزن: يازفت قلت لاتضحك
بسام مسك ضحكته: شوفي البرحهه الي جنبنا
مزن: لا ابي تراب نظيف
بسام: خلاص بكرا يجيك
مزن: لا بسام ابي الحييين امانه
بسام : تستعبطين مزن الفجر من وين ابي اجيب لك وشوي و بروح دوامي
مزن: امانه بسااام ترا ولدك احمد ربك
بسام ضحك: خلاص ابشري
لبس بسام وطلع يدور تراب وهو يضحك على شكله انه يدور تراب ل مزن
-
عند رائف ونجلاء
نجلاء : عادي اليوم تتأخر ماتروح دوامك بدري
رائف: امريني ياعيون رائف وش بغيتي
نجلاء : ابيك معي
رائف: خايفه من شي ؟
نجلاء: اجلس وابي اقولك
رائف : وشو لاتخوفيني
نجلاء: طيب اجلس
جلس رائف وهو خايف ويناظر نجلاء الي متوتره
رائف : نجلاء انطقي لاتخوفيني وش صاير فيك شي اهلي فيهم شي اهلك فيهم شي وش صاير
نجلاء : لا مافي شي بس روق واهدى
رائف : نجلاء انطقي خوفتيني
نجلاء : مدري شلوووون اقولك ياخي يوتر
رائف : مات احد؟
نجلاء ضحكت: لاااااا
رائف: اجلل
نجلاء: انا حاامل
رائف: ااااااححححححللللفيييي
نجلاء : والله
رائف : امنتتتتك بالله نجلاء صادقه
نجلاء ضحكت : اي بالله
رائف سجد سجود شكر وحضنها
رائف : حمممدلله ياررررب حمدلله يااااحظيي بهالنعمههه وحمدلله يارب الي تحقق حلمي
نجلاء: اما حلمك اني احمل
رائف : حلمي انك تكونين زوجتي وام عيالي وتحقق ولله الحمد يارببب
-
عند تركي وليان
ليان : تررركيي يا سخخخخيف عطني ايبادي وراي مذاكره
تركي: ما تسمعين كلام زوجك ف لازم تتعاقبين شوي
ليان جلست بزعل وعبره: ي شينك وييين الي بيشجعني بدراستي
حس تركي بعبرتها ورجع لها
تركي: اممم دميييعه اصص خلاص استعبطط
ليان: اذلفف بس بروح ل تميم ووافي مايبكوني مثلك ويذاكرون لي
تركي: افااااااا بعتيني
ليان : يشينك روح بس البس عشان تروح
تركي ضحك: سمييي
راح تركي يلبس وليان كان ترتب الدرج وتمسحه واشتغل فيها عرق النظافه وبدت تنظف من قلب لمن زلقت رجلها على اخر درجه وطاحت صرررخت من كل قلبها بسبب الالم ونزل تركي اسرع شي لها وكان بيلحقها لكن تدارك الوضع
تركي : وش صاررر
ليان وهي تصيح: ظهري ظهري تركي ظهريي
رفعها تركي ولبسها عبايتها وانتبه للدم الي كان ينزل منها خاف وسكت عشان مايخوفها شالها ووداها للطوارئ دخلوها وفحصو عليها وهو مسك راسه ومخروش ويمشي بين الاسياب لمن طلع له الدكتور ووجهه حزين
تركي : وش صار وشفيها
الدكتور: اهدى اخوي وماعليك قدرنا ننقذ الام بس الطفل لا وصار عندها شعر ب ظهرها ماهو كسر كسر
مسك تركي راسه من القهر ودخل عندها وحصلها تصيح
تركي : اذكري الله اذكري الله ربي يعوضنا
ماسمعت له ليان وجلست تصيح زود بقهر
بعد نص ساعه هدو ليان ونقلوها ل غرفه خاصه
تركي كان جالس عندها وماسك يدها ناظرها لمن هدت شوي وتتكلم
ليان: تركي
تركي: امريني
ليان: خل قمر وليل يسامحوني
تركي : ليان اهدي مكتوب انه يصير كذا
ليان: طالبتك
تركي: ابشري
-
عند مزن وبسام
جا بسام متلثم ومعه كيس تراب
بسام: حسبي الله على بليسك ي مزن فريت الرياض كله عشان اجيب لك تراب نظيف
مزن: الزوج المثالي
-
عند ليل الي كان يبي ينام هو وقمر لانهم تو نومو لافي قاطعهم اتصال تركي ل قمر
قمر: هلا
تركي: وين ليل
قمر: هذا هو عندي
تركي: بكلمكم انتم الاثنين ب موضوع
قمر: يلا
فتحت قمر السبيكر وتكلم تركي
تركي: ليل وقمر طالبكم اذا في حره ب كبودكم على حركة ليان تكفون سامحوها
ليل: وش صاير لاتخوفني
تركي: كانت حامل وطاحت وطاح الجنين والحين تقول خل ليل وقمر يسامحوني
ليل : مسامحينه والله ومافي شي بقلوبنا ابد وانت اهدى ياخوي ووقف معها
تركي تنفس بضيق وعجز يرد
ليل: اجيك؟
تركي: ايه
سكرو الخط وقام ليل لبس بسرعه وطلع له
ماهي الا شويات ووصل ليل ل تركي وحصل دمعته على خده وسرحان حضنه ليل بقوه وجلس يمسح على ظهره
ليل: اذكر الله اذكر الله يتعوض ي تركي يتعوض
تركي: ليل احسه جمررره بكبدي
ليل: اذكر الله
تركي: لا اله الا الله
ليل: اهدى اهدى ترا والله هي بحاجتك جنبها وفوقها مع التعب شد على نفسك
تركي: ليل طالبك
قاطع ليل تركي: والله ياتركي مسامحها واني من يوم سامحتها اني ادعي ربي يرزقها بالذريه الصالحه ولا بقلبي شي
تركي : لييل والله خايف
ليل: خايف من وش
تركي: خايف اخسرها
ليل: وقف معها الحين وماراح تخسرها الحين ادخل وشوف وضعها بعدين تعال عندي
تركي: طيب
دخل تركي عند ليان وحصلها تمسح دموعها
مسح تركي دموعها وحضنها
تركي: ربي بيعوضنا اهدي
ليان: تركي سألتك بالله ما جاني شلل
تركي: اعوذبالله لا ما جاك الا شعر بسيط وانتي اقوى وانا معك بكل وقتك بتتعافين
ليان: امانه تركي
تركي: والله
ليان: طيب ابي تطلعني ابي اروح عند امي تكفى
تركي: ابشري بس اهدي
ليان: الحين تكفى تركي
تركي: اهدي وخليها تجي الساعه 9 و اوديك الحين نخوفهم الحين ريحي ونامي لك شوي انا بطلع برا
ليان: لاتخليني
تركي: بطلع شوي منكتم
ليان: طيب
طلع تركي هو وليل قدام المستشفى
ليل: تركي تنفس واهدى وادري في كلام بتقوله وواضح عليك بس مو الحين تقوله لا هديت
تركي: ليل احس اني انهديت
ليل: اهددى تنفس ماعليك ربي يعوضك
تركي: يارب
جلس تركي يهوجس وليل معه لمن جت الساعه 9
تركي: ليل بوديها ل اهلها وش بقول تكفى احس اني ضايع
ليل بصدمه: بتطلقهاا!!
تركي: لاااا هي تبي تروح ل عمتي
ليل: عادي قول كل شي صار وتطمن عليها وتعال البيت
تركي: طيب
ليل: يلا انا بسبقك دق علي اذا تبي شي
تركي: زين
-
عند لافي
طلع الصبح ل مجلسه وكان ينتظر ليل وما جاه راح ل معاذ
لافي: معاذ
معاذ: سم
لافي : وين ليل
معاذ: مدري اتوقع نيم
لافي: زين
طلع لافي وواجهه ليل
لافي : تعال
راح ليل ل لافي وجلسو بالمجلس
ليل: وشفيك
لافي: انت الي وينك
ليل تنفس بهدوء: عادي لافي تهدا ضيقتي شوي واقولك
لافي: افا واضح انه علمن ماهو زين وشفيك ي ولدي علمن
ليل: تركي موجع قلبي
لافي: وشفيه
ليل: ليان طاحت وكانت حامل وطاح الجنين وتركي ضايقه به الوسيعه وليان تقول خل ليل وقمر يسامحوني
لافي: طيب هي شلونها
ليل: والله علمي علمك انتظر تركي قلت تطمن عليها وتعال
لافي: طيب انت وش الي مضيقك
ليل: حاس ب شعوره ويوجع مره
لافي: اهدى وماعليك مابيصير شي ووقف معه
ليل: ابشر
-
عند تركي طلع ليان وهي بس تصيح ركبها السياره وراح لبيت عمته وهو ب الطريق مسح دموعها ومسك يدها
تركي: ليان الحين وش الي يخليك تصيحين فهميني
ليان: مقهوره وحسسسيت بشعور قمر
تركي : ليان بيجينا العوض تكفين لاتزيديني الحين اهم شي صحتك
ليان: تركي احلف ما تتركني
تركي لف عليها: تستعبطين ليان لييه اتركك انتي لي وبتبقين لي لاتقولين اني اتركك لانه مستحيله والحين ركزي على صحتك وتتعافين احسن من قبل
سكتت وماكان لها رد غير الا السكوت
وصلو بيت ام تميم لف تركي عليها
تركي : ليان تطيعيني وترجعين معي
ليان: تركي تكفى ابي امي
تركي: الحين شلون اقولهم اخاف افجعهم
ليان: كلم تميم خله يطلع
اتصل تركي على تميم ورد تميم
تميم: اررررحبببب
تركي: هلابك طمني عنك
تميم: بخير ي بعدي وانت شلونك وشلون قعدتنا
تركي: والله ماش
تميم: افااا وشفيكم اجيكم الحين
تركي: تعال حنا عند الباب بس لاتحسس احد ب شي
تميم: جايك
سكرو الخط ونزل تميم لهم بسرعه نزل تركي ل تميم وطلع تميم بخوف
تميم: وشفيكم
تركي: اهدى وبعلمك
تميم: تكفى ي تركي لاتفجعن
تركي: اهدى والله ماهو شي
تميم: يلا قل وش السالفه
تركي : ليان طاحت وصار شعر ب ظهرها وكانت حامل وطاح الجنين والله يعوضنا يارب
تميم: شلونها الحين طيب
تركي: والله ماش بس الحين ابيك تمهد لهم الموضوع عشان مايخافون
تميم: ماعليك بدخل وانت نزلها
تركي: زين
دخل تميم عند امه وابوه
ابو تميم: وشفيك طالع تركض
تميم: يمه يبه بقولكم شي لكن اهدو
ابو تميم: وش فيه
ام تميم: اخوانك فيهم شي صح؟
تميم: اهدو اسمعو ليان تعبانه شوي وطايحه وظهرها صاير فيه شعر بسيط والحين يدخلها تركي
دخل تركي وهو شايل ليان وحطها على الكنب وسلم على ابو تميم وام تميم ووقف جنب تميم
ابو تميم: شلون طاحت
تركي: مع الدرج
ام تميم: تركي اسألك بالله هو انت
تركي: افا ياعمتي انا توقعينها مني لكن لا بالله مو انا
تميم: اهدو وخلاص ليان الحين بتصير احسن صح
هزت ليان راسها ب اي
تركي: استودعناكم الله انا بمشي
تميم: اهجد وين تروح
تركي بهمس: تكفى تميم ضايق صدري بروح منكتم
تميم: طيب
راح تركي وهو وده يصيح ووده يصرخ ووده يسوي كل شي لكن كتم كل شي وسكت وراح للبيت ونزل وهو مكسووور ودخل على ليل ولافي وسلم على لافي وجا بيطلع وقفه صوت ليل
ليل : وين بتروح
تركي: مدري بس بروح
فز ليل ومسكه وطلع وكان حاط يده على كتوفه وساحبه وطالعين
ليل: تدري اني مستحيل اخليك ترجع وانت كذا امش معي
اخذ ليل تركي وجلس يمشي به
ليل: والله اني حاس بشعورك وادري انه جممررره تحسبها بكل جسمك حاس فيك ادري فيها لكن اسمعني شوف الحين حمدلله ربي انعم علينا وربي رزقني ب لافي ونجم والله يرحم نجم ويغفرلها والحين بيجيني رزق من ربي جديد
تركي فز: القمرررا حامل؟
ليل: ايه وانا تعرفن ماحب اتكلم ل احد مهموم وش عندي لكن انت مانت اي احد وقلت لك عشان ماتصير مثلي لاني كل ما اتذكر شلون حبست نفسي وانغثيت ودي اصفق نفسي مليون مره وابيك توعدني ي بعدي انك بتقوى وبتشد على نفسك عشان الي تحبها
تركي : ليل خايف ياخذونها مني
ليل: من بياخذها يعني
تركي: عمتي تحسبني انا الي دافها مع الدرج
ليل: اما عادد
تركي بعبره: والله وانا اصلاً ضايق لاني داري انهم بيقولون عني كذا وتأكدت
ليل: تركي شف سو الي يقولونه بتوطاك ولا اسمع لهم اذا خذوها منك والله اذبحك هي حلالك وتبيك وتاخذها وزوجتك وبتصير ام عيالك
تركي: واذا جبروني
ليل: مهممااا يصيررر تركي حقتك ذي ماحد ياخذهاا تفهم
تركي: وش الي يأكد لك اني بقوى قدامهم
ليل: تركي شوف تصير مثلي يوم اني اطلق قمر بتوطا في بطنك والله ياويلك
تركي: ياخي اخاف ي ليل
ليل: تجلسس خايف وياخذون زوجتك منك تستعبطط ماحد ياخذها وبتاقف بوجه الكل تفهم
تركي: ابشر
ليل: لاتسلك تراني صادق
تركي: لا بالله ابشر
...........................................................................
يتبع
