البارت الخامس عشر
.
.
.
.
دخل ليل وهو متنرفز شوي وتعبانن
راح لغرفته وماحصل قمر ودخل بدل ملابسه ولبس مشده ولما طلع من غرفة الملابس حصل قمر قدامه
حضنها بدون لايقول شي وركى راسه الي يحسه بينفجر على كتفها
بادلته قمر الحضن
قمر: ليل فيك شي صار شي ؟
ليل : لا بس خليني
قمر : طيب
بقى ليل واقف وحاضنها بتعب
تحركت قمر وفكت الحضن ومسكت وجهه بين يدينها
قمر : ليل وش فيك وش صار
ليل: ما صار شي بس ودي انام تعبان
قمر : تمام
دخل ليل فراشه يبي ينام بس قمرر ماتقدر تخليه ب ذي الحاله راحت له
قمر : ليل علمني والله منشغل باااليي
ليل : ي قمري مافيه شي روحي انبسطي مع مزن وليال انا بنام تعبان
قمر: يوه ي ليل عز الله عنيد
طلعت قمر وهي متنرفره ومتوتره وخايفه عليه
راحت قمر ل مزن اسرع شي
مزن حست ان في قمر شي : وشفيكك
قمر: ولا شي بس بجلس عندك
مزن: تكلمي انجزي اعرفك انا
قمر: من الاخر ليل فيه شي ولا لا ؟ عجزت وانا اسأله يصرفني ويقول بنام تعبان
مزن : يحليلك ليل استحاله يقول وش فيه حتا لو هو محتاج مساعده معليك اتركيه شوي وهو يمكن يتكلم
قمر بضيقه: هففف
عند ليل نام بتعب ويحس ان فيه هموم بس مايدري ايش هم
-
عند الجد لافي وهو جالس لحاله قرر يدخل المجلس الي داخل وينادي قمر
راحت قمر ل الجد لافي
قمر : امرررني ياجد
الجد لافي : مايامر عليك عدو تعالي بكلمك بموضوع ادخلي وسكري الباب
قمر: ابشر
دخلت قمر وراحت ل جدها وجلست
قمر: اسمعك ياجد
الجد لافي: يا بنتي زوجك وش فيه
قمر: ها من ليل؟
الجد لافي : وهو عندك زوج ثاني المهم وش فيه
قمر : ياجد تبي الصراحه حتا انا مدري وش فيه اسأله ويصرفني وراح نام
الجد لافي تنفس بضيق: حتا انا ماجاني ولا سلم علي بالعاده حتا وهو ب اشد تعبه يجيني لكن ذي المره ارسل رائف يعلمني انه تعبان وتوه جايبه من المستشفى وهو راح لغرفته
قمر بصدمه: نعمم ياجد متأكد انه راح المستشفى ماراح دوامه!
الجد لافي: راح دوامه وطلع وراح المستشفى
قمر : يووه ي الليل مستحيل راح يعلمنا لكن بحاول فيه وبعلمك كل شي
الجد لافي: زين يا بنيتي
قمر باست راس جدها : لا تخاف ياجد بخليه يجيك لعندك وتسهرون مع بعض بعد
الجد لافي : الله يحفظك يابنتي ويقويك
قمر : امين
-
مر اسبوع وزياده وليل على حالته مايتكلم كثير وجالس وهادي مره ويتكلم مع جده برسميه غيررر عن قبل حتا العيال صار مايلعب معهم ولا يطلع بس جالس ويهوجس ويتألم ولا يبي احد يدري ولا يبي احد يساعده
في يوم كان ليل نايم وقمر جالسه عند مزن وضايقه
مزن: ادري وش فيك اكثر من مره اعلمك الحل لكن ذي المره اتوقع اول مره تجيه هالحاله بس اتركيه شوي وهو يرجع يشبك
قمر: غبيه انتي مقدرر اتركه وفوقها مايتكلم كثيرر صاير شي ياخي
مزن : اليوم كلميه بكل شي ويمكن ينطق
ماهي الا ثلاث ساعات وصحى ليل متكسر قام وتوضى وجلس يصلي بتعبب ويحس بهم كبير وجلس على سجادته وجلس يقرا قرأن لعل وعسى تروح الضيقه والهم الي فيه
خلص بعد ساعه وهو جالس على سجادته وقام وراح بدل ملابسه وضبط شعره وتعطر وحس انه روق
دخلت قمر وحصلته صاحي بس ماناضرته وبينت له انها زعلانه ودخلت تبدل ملابسها حتا هي خلصت وكانت بغرفة الملابس وضبطت شعرها داخل ورشت عطرها الي يذبححح الليل
طلعت وهي ماتحط عينها بعينه وتاركته لاحظ ليل وتذكر كيف تركها وعاملها ب اسلوب شبه خايس قرب منها ليل ومسك خصرها وهي ب اسرع شي صدت
ليل : افا يا القمر تصدين مني ادري اني زعلتك والله ما استوعبت الا الحين
قمر وهي لازالت صاده: طيب خلاص فكني
ليل بعناد: ماني فاكك الا لما تناظريني
قمر: مابي
ليل: اجل ماني فاكك لو يدخلون علينا كلهم
قمر لفت عليه وتلاقت عيونهم ببعض وكان ليل يناظرها وعيونه تلمع اول مالفت قمر قربها ليل منها زياده وحط مبسمه على مبسمها وقمر انصدمت للمره الثانيه وكل ماتبعده يكون شاد عليها ولا تقدر تفكه
استسلمت قمر لمن هو فكها
قمر : خلاص ارتحت يلا بعد عني
مسكها ليل بقوه ورجعها قدامه وخلا عيونهم الي تتلاقا
ليل بحده: وشفيك!
قمر: مافيني شي
ليل: الا فيك انطقي
قمر: مالك دخل فيني واتركني
ليل بحده وهو راص على اسنانه: قمرر انطقييي!
قمر خافت وتكلمت: ماتبي تعلمني وش فيك ليش انا اعلمك
ليل: مافيني شي مهم انا
قمر: انا بعد
ليل بحده : قمررر لاتلعبين ب اعصابي وانتي تدرين اني مقدرر اسيطر
قمر : ماتبي تعلمني وواضح عليك التعب ولا تخليني اساعدك لو ب شي بسيط ولا تعيشني ب احساس اني مقصره معك وتروح المستشفى وتتعب ولا تعلمني ما كأني شي معك وتصرفني وجدي الي كلل وقتك معه ولا يوم تركته حتا وانت ميتتت تعب تروح له ذي المره تركته ليه تراك متغير كثير مانت ليل الاول ارجع ليل الي الكل حبه وخصوصاً الي قمر عشقته
ليل سكت وجلس يناضرها بصمتت ويتأمل عيونها وكيف وهي تهاوشه
ليل : من شي احس فيه ياقمري ما صرت نفس قبل وجدي عتبان عليه وتوي كنت بروح اتكلم معه وانتي ياقمري بالذات مابيك تتعبين معي فوق ما ان بسبب اصابتي ماسفرتك ولا خليتك تنبسطين وكله بالبيت وكل هذا مخليني احس بالذنب واكثر وفوقها بزيدك تتعبين معي لا مابي كذا الذنب يزيد علي
قمر وهي مصدومه: وش الي يخليكك تفكر اني ابيك تسفرني ولا خليتني انبسطط ليل ياهوه انت ماقصرت معي ب شي وانا زوجتك ونتشارك كل شي مع بعض والمك يعتبر المي ف ماتخليي شي يوجعك وانا موجوده واذا ب يدي اساعدك ماتسكتتت تعلمنييي يا ليلللل لا تقول كذا مره ثانيه والا شياء الي تحس فيهم تعلمني فيهمم
حضنها ليل وهو متخدررر من ريحتها ومن كلامها
ليل: وزوجتي تزعل مني شلون بقول له
قمر: تزعل عليك عشانك ماتعبرها وتصرفها
ليل: اسف يا عيوني على اي شي سويته يزعلك وبأذن الله برجع ليل الي قبل بس اصبرو يدي تصير احسن
قمر : الله يعافيك ويشافيك ياقلبي ويلاا الحين تروح ل جدي تراه ضايق
ليل : يخسى الضيق يلا بروح
قمر: استودعتك الله
راح ليل ل الجد لافي الي كان جالس يشوف العيال وهم يلعبون عنده
دخل ليل
ليل : سلام عليكم
الكل : وعليكم السلامم
راح ليل وجلس جنب جده
الجد لافي: وشفيك
ليل بتمثيل الزعل : عتبان وزعلان عليك
الجد لافي: وش انا مسوي
ليل: مسوي شي ودريت فيه
الجد لافي: ماش امش داخل وتكلم وش انا مسوي
ليل: يلا
راحو للمجلس الي داخل وجلس ليل يمثل دور الزعلان
الجد لافي: انطق
ليل: ياجد ليه تروح ل ناصر
انصعق الجد لافي من ليل انه عرف: ها من قال لك بسام صح؟
ليل : بعدد بسام معك يلا علمني ياجد ليش رحتت مو مهم من قال لي
الجد لافي: اخخ يا الليل من تعبي وحزني وحرقتي وانا اشوفك بغيبوبه وهو بس مسجون و ب امكانه ينحاش ورحت له
ليل: ولعلك تحمست وقلت اني مت
الجد لافي : اي عشان يحس باللي سواه وهو جايني يتبوسم وانا اتوجع على فرقاك
ليل: بس انت ادبته وقهرته في نفسه
الجد لافي: وانت زعلان مني عشان كذا بدل لا تشكرني
ليل : ماعليه ياجد اشكركك بس مو كذا انا مابيي يجيكم شي وعجزت وانا اقول لككممم لا تقربوووون ل احد من شغلي ولاحد يعرفكم ابد مابي اخسركم
الجد لافي : ولا حنا نبي نخسركك ي ليلل لو مو كبر سني واحترامي ضربته وخليته يعض الارض لكن مسكت نفسي
ليل: انت خليتته يترجاني اني اخليكم كلكمم تسامحووونه وبعدين ياجد وش ما احللك ولا اسامحك ليوم الدين
الجد لافي : طلعت مني من شدة القهر
ليل: اههخ ياجد انا اليوم رحت بسبب انك سووويت له انهيار عصبي وصار يدورني لدرجه اول ما شافني قالي انت عايشش انا ادورك
الجد لافي : اعذرني ياولدي لكن ماقدرت امسك نفسي
ليل: ماعليه ياجد بس ابيك تسامحه وتحلله وكلل البيت يسامحونه انا عن نفسي مسامحه ومابقلبي شي عليه
بس تكفى ياجد سامحوه الولد تاب
الجد لافي : يصير خير
ليل: تعزني ياجد؟
الجد لافي : بالله هذا سؤال اي اكيد اعزك واغليك
ليل: وش كثر
الجد لافي : كثير
ليل: بعزتي وغلاي عندك انك تسامحه
الجد لافي : لا تررربط معزتك وغلاتك عندي فيه بفكر
ليل : افا ياجد طلعت ماتعزني ولا تغليني يلا ماعليه
يمكن احصل احد ثاني يعزني ويغليني
الجد لافي: مسااامحه وعيدها واربط شي بغلاتك ومعزتك عندي بعطيك كف
ليل ضحك: ابشررر
طلعو وهم رايحين
تكلم ليل
ليل: ياجد انا بروح مشوار شوي وارجع خلهم يسامحونه كلهم وانا شوي وبرجع
الجد لافي : زين وانتبه على نفسك
ليل: ابشر
راح ليل مع الدرج الي ورا وراح لغرفته اسرع سريع من غير ما تنتبه قمر انه بياخذ مفتاح السياره ويطلع اخذ المفتاح وطلع ركض
وكانت لحيته طالعه وحب يرجع شكله الي ماشبع منه وهو داري انه بيتصفق بس مايقدر
راح وحلق لحيته وبانت وسامته مره ثانيه خلص وطلع وشافه الدكتور حقه
الدكتور: ليل
ليل: ارحبب
سلمو على بعض
الدكتور : في واحد سحب على موعده
ليل: اما جا وقت الموعد
الدكتور: اي
ليل: مانتبهت واصلاً احس اني احسن الحمدلله
الدكتور: الحمدلله بس شوف انا بخلص كم شغله وبتلحقني المستشفى افك الغرز لك ويصير بس تسوي علاج طبيعي
ليل: زين اجل لما تخلص اتصل علي انا بروح ل خويي
الدكتور: زينن
راح ليل لبسام قريب من عند الشغل وارسل له يطلع
عند بسام كان جالس وشايل هم ليل الي مايكلمه زين وهادي ولا يتكلم زين وبس بالبيت ولا يطلع معه حتا رائف اتفق معه انه كذا معهم حتا وكان يفكر فيه وبعيونه البكيه لمن قاطع تفكيره رسالة ليل انه يطلع طلع وترك كلل شيي بالمكتب وطلع ركض ونسى هيبته والعساكر والضباط وركض ل ليل الي كان مبعد شوي عن مكان الشغل وبسام يعرف مكانه وركض له وحصله واقف ينتظره حضن بسام ليل بكل قووته
ليل: بسم الله عليكك
لما سمع بسام صوت ليل وهو بحضنه وحاضنه قوه خنقته العبره وبكى
ليل كان مصدوم : بساممم ياولد وشفيك من مزعلكك
بسام وهو لازال حاضنه بقوه خايف يروح منه: ووووينككك وينككك ليش كذا سافهني وما تتكلم ولا شي ولا تطلع ولا تجي قبل انام كل يوم افكررر لمن اتعب وانام بتعب ولا اسوي شي بيومي من كثر التفكير وابلشت رائف وانا اسأل عنك وانت ولا همككك بس مابقي شي وتكمل بكرا 14 يوم وانت بحالتك المخيسه
ليل بادله الحضن: والله يا بسام احس فيني شي كبيرر وماكنت احس بنفسي ولا شي وكان بالي يفكر بس ب ايش ما ادري وصرت اصدع واكل مسكن والمسكن ينومني وصرت انام ولا اجلس كذا سرحان مدري وش فيني اعذرني وانا اسف يا حبيب اخوك اني خليتك تقلق وتتعب وانت تفكر فيني وانا ما ارد
هنا زاد شدة الحضن بسام وهو يبكي
ليل: لا يا بسامم تكفى لاتنزل دموعك
بسام مارد وكان حاضنه خايف يهرب
رفع ليل راس بسام بالياله ومسح دموعه
ليل: ياخوكك لاتوجعنيي ببكيك
بسام: ما قدر 13 يوووم يا الظالم وانا مرعوب ولا احس بنفسي من شدة التفكير والتعب وكيف تبي تكون ردة فعلي لاشفتك
ليل: يابعد عيني انت اعذرني حقك علي
قاطعهم اتصال جوال ليل الا الدكتور موسى
الدكتور موسى: هلابك ليل
ليل: هلاوالله
الدكتور: يلا تعال
ليل: يلا مسافة الطريق بس
سكرو الخط
بسام: وين رايح بعد
ليل: مستشفى
بسام بخوف: وش فيكك
ليل: اهدى بس بفك غرز وارجع
بسام : بروح معك والله ما اتركك بعد ذا الوقت
ليل : يلا
راح بسام مع ليل و اول ما ركبو السياره ليل طفى جواله
ليل : يووه مو وقته كيفه يلا
بسام: اشحنه
ليل: شواحني كلهم انوخذو في سروقين استغلو فرصة اني ما اسوق واخذوهم
بسام : يجيك شاحن جديد بس اول شي خلنا نروح المستشفى
ليل: يلا
وهم بالطريق كان بسام صاد ومغطي عيونه والواضح دموعه تنزل سكت ليل لانه مايبي يزعجه وصلو المستشفى ولف ليل على بسام
ليل: اذا ودك اجلس
بسام: والله ما اتركك
ليل: طيب يلا امش
راحو ل الدكتور موسى
الدكتور: اهلين
ليل: هلابك اكثر
الدكتور : يلا ليل اجلس وترا بتتوجع وانا بحاول اسوي مخدر بسيط لك
بسام: لالا وشو بسيط اقوى شي خله
الدكتور ابتسم : للاسف مقدر يلا ليل فك تيشيرتك ولف علي
سوا ليل الي قاله الدكتور وبانت عضلاته والجروح ولو كانت قمر فيه خقت
فك الدكتور اللصق وحط مخدر بسيط وبدا يفك الغرز وليل روووحه بتطلع وبسام يناظر فيه ويدري انه يتألم بقوه يغمز له ليل ويحرك يدينه بمعنى اهدى
فك اخر غرزه بعد تعب والم وانتهى وعقم المكان ولصقه ولبس ليل تيشيرته
الدكتور: امسك ليل هذا الجدول ل العلاج الطبيعي يوم اي ويوم لا والتزم فيهم تتحسن اسرع
ليل : ابشر
الدكتور: انتبه لنفسك
ليل: على خشمي
راحو ليل وبسام للسياره وبسام يمسح دموعه بشويش
ليل: الحين وش ودك تجي معي بيتنا ولا انزلك الشغل وتجي بعد ماتخلص
بسام: نزلن الشغل واجيك بعد ما اخلص
ليل: زين يا عيني واسمع عيووونك لا اشوفها تنهار مره ثانيه وتتعب البسمي
بسام: ابشر
وصل ليل بسام للشغل ورجع البيت وكان الوقت قريب للمغرب نزل وصلى ب اقرب مسجد ورجع للبيت وكان ابو ليل واقف بالحوش طفى ليل السياره وراح له وكان مبتسم
وجاه اقوى كف من ابوه
ابو ليل: ووووينكك وماترد على جوالك انهبلت انت كم يوم ماتتكلم وهاليوم رايح ولاترد وجوالك مغلق
كان ليل مصدووم من حركة ابوه لكن رفع راسه ورجع هيبته
ليل : جوالي طافي ورحت حلقت ورحت المستشفى واخذت بسام معي ورجعته وصليت وانا جاي وجيتكم
الجد لافي جا على صوت صراخ ابو ليل : وكسر يا سعد وليه تضربه بزر هو عشان تضربه بلغني هو انه بيروح يوم انك ماتسألني ليه مسك الجد لافي ليل وحضنه
ابو ليل: يا ابوي مقدر امسك نفسي اذا هو مسوي كذا
ليل ابتسم: عادي ياجد ابو ومن حقه يخاف والغلط على ولده عادي كلي فداه عادي يبه ماني عتبانن عليك
الجد لافي : موو عاديي يضربك
ليل: ياجد عادي انت وابوي وعمي فداكم انا دامني مخطي فداكم
حضن ابوسلمان ليل بقوه والجد لافي اخذ ابو ليل وراحو للمجلس الي داخل
ابو سلمان : لاتزعل من ابوك ياولدي لحظة غضب وخوف
ليل: عمي والله واقسم ب من احل القسم ماني زعلان وعادي ياعم لاني غلطان والله فدا واصلا انا متعود عادي ياعم لاتشيل هم انا بروح اغسل
ابو سلمان: زين ياولدي
راح ليل وابو سلمان دخل على الجد لافي وابو ليل
ابو سلمان: يبه شوفه طلع يضرب ليل كل مره
الجد لافي: وش مدريك
ابو سلمان : ليل قالي عادي لاني غلطان وفدا لابوي واصلاً انا متعود عادي لاتشيل هم ، متعووود يا يبه انه يضربه
الجد لافي : سعدددد
ابو ليل: سم يبه
الجد لافي: صدق الي يقوله اخوك
ابو ليل: ايه بس من خوفي عليه يابوي
كان الجد لافي يبي يضرب ابو ليل وكان بالصدفه ليل يسمعهم وجا اسرع شي ووقف جده
ليل: لااا ياجد وش تضرب ابوي عادي ياجد والله فداا لابويي دامه يربيني فدا والله ما تضربه وبعدين وش تضربه ياجد وهو قده مخلف ولد هذا طوله وعيال وتضربه لا ياجد ماتضربه اضربني انا
الجد لافي: ليل بعد كبير ماهو كبير بتجيه
ليل : ياجد والله ماتضربه هذاني حلفت ان تبي تضربه اضربني انا
الجد لافي مسك اعصابه بالقوه ورجع يده
ليل: اهدا ياجد اهدا والله الموضوع مايسوى
الجد لافي : ووش مايسوووى شوف خدكك كيف احمر
ليل: عادي ياجد شكلك توك تلاحظ اللون بدون لحيه بالعاده اللحيه تغطي
الجد لافي بحده : بعدد شايل لحيتكك انا وش قلت
ليل: اعذرني ياجد لكن اعجبني شكلي وسويتها
الجد لافي قرب من ليل
ليل: انا بوجه عمي ابو هاني
الجد لافي : بتنجلد كذا ولا كذا
ليل ضحك : والله فداك
ابو سلمان: يبه تعال معي
اخذ ابو سلمان الجد لافي برا وخلو ليل وابوه مع بعض
ناضر ابو ليل ل ليل واعطاه كف ثاني
ابو ليل: وتقول ل عمك انك متعود
ليل: طلعت بالغلط يالغالي
ابو ليل ضرب ليل مره ثانيه : وبيضربني عشانك بعدد من انتت عشان يضربني
ليل ابتسم: محد بيجيك دام راسي يشم الهوا
ابو ليل جلس يضربه وليل واقف وصامد ويبتسم ل ابوه
-
عند الجد لافي و ابو سلمان
كانو جالسين بالمجلس دخل رائف و العيال
رائف: غريب وين ابوي
ابو سلمان : داخل يتكلم هو وليل
رائف: صاير شي صح؟
ابو سلمان : ل..
قاطعه الجد لافي
الجد لافي : الا صاير
رائف: وش
الجد لافي : ابوك ضرب ليل عشانه راح وجواله تقفل
رائف : وانتم مخلينهم لحالهم كذا؟
الجد لافي : اي يتفاهمون
رائف بصوت عالي: ابويي سكت عشانكم استحاله يترك ليل فحاله والله الحين جالس يضربه
ركض رائف ودخل وصدق ابوه كان يضرب ليل وليل بالارض يبتسم له
ركض رائف وبعد ابوه بقوه عن ليل و قوم ليل عن الارض ومسكه وخلاه وراه
ابو ليل: وانتت وش تبييي بعد
رائف : خلااااصص مب كل ماجتك الحاله ضررربته عشانه يسكت لكك اترككه
جا ابو ليل بيضرب رائف مسك ليل يده واشتدت ملامحه
ليل: انا عادي رائف ماتجيهه
دخل الجد لافي وابو سلمان وانصدمو ان ليل ماسك يد ابوه وواضح ملامحه الي اشتدت ووجهه الي من عند فمه متجرح وشعره منفوش من الضرب
الجد لافي مسك قلبه وناضر لهم ب المم على حالهم
ابو سلمان: سعدددد انهبلت انت
ابو ليل: مالك دخللل فينيييي
كان ابو ليل تجيه حاله بس يضرب ويعصب ويصير يكره ليل وكان يبي يضرب اي احد يتكلم معه
كان بيروح يتضارب مع ابو سلمان ومسك ليل ابوه بقوه وثبت يدينه رغم الم كتفه الا انه مسكه وهو مايحرك يده زين لكن شد على نفسه ومسكه
ليل: رائففف
فهم رائف على ليل وركض يجيب مويه يغسل فيها وجهه يفك عن العصبيه ويصحصح على نفسه
مسحو وجهه وماهي الا ثواني وصحصح ابو ليل على نفسه وفكه ليل ومسك كتفه ب الم
ابو ليل : وشفيكم
رائف: تضاربنا انا وليل
ابو ليل : الله يصلحكم يا عيال مايصلح وشفيكم قدكم كبار
طلع ابو ليل وراح ل داخل
ابو سلمان بصدمه: هذا ايش
ليل تنفس بضيق : ابوي تجيه هالحاله ويصير مايبني ويبي يطلع حرته فيني ف اخليه بعدين اغسل وجهه ويصحصح
الجد لافي : من متى صاير كذا
رائف: من قبل يتزوج ليل
ابو سلمان: وساكتيييينننننن
ليل: مابي يصير فيه شي و نوسوس وسكتنا
الجد لافي : ليل تعال
اخذ الجد لافي ليل وراحو ب سيارة ليل
الجد لافي: افا يا الليل انا تخبي عني هذا وانا اقربهم لك
ليل: ماقدرت ياجد والله
الجد لافي: وشش ماقدرت ماقدرت تقول ليي وانا عندك
ليل: والله ياجد كنت بقولك لكن تهاوشنا قبل اروح استلم ولا قدرت وسكت ورجعت وسواها اكثر من مره بس والله ياجد عاديي عندي لكن مابي يصير ب ابوي شي ولا ابي افقده
الجد لافي حضن ليل وطبطب على ظهره
وليل صدق يحس ب وجع كبير ان حركات ابوه تدل على كراهيته وتذكر كلام ابوه له وهو في يوم يضربه
-
نرجع للماضي لما رجع ليل وكان الوقت بعد المغرب وكان بالبيت وابوه جته الحاله وجلس يضربه ويضربه
ابو ليل: اكرررهك كيف انك ماخذ ابوي منا وبس معه وهو ضدنا وبس معك اكرهكك انت شي سيء جاني انت غلطه بس تبعد ابونا عننا اكرهكك روووح عننا و فكني منككككك
انجرح ليل بقوووه من كلامه وكانت ساكت حتا ابتسامته تلاشت وجا رائف من برا وشاف ابوه وغسل وجهه وجلسه ورفع ليل واخذه لغرفته
وليل مابين له شي وابتسم
رائف : يوجعك شي ياروح اخوك؟
ليل: لا يابعدي روح عند ابوي شوف وش يبي بكلم واحد من العيال واجيكم
رائف : زين
دخل ليل للحمام ( يكرم القارئ) وفتح الدش والمويه كلها وبكى بقوه و الم من كلام ابوه وغسل وجهه وطلع ولا كأنه صار شي حتا ملامحه ماتغيرت باااارده كانت
-
نرجع للحاضر
كان ليل ساكت ولا تكلم ل جده
الجد لافي: تكلم والله اني داري ان فيك شي كبير
ليل: مافيني شي
الجد لافي: ليل انطق
ليل: ياجد مافيني شي لاتخاف
الجد لافي : الا فيك غبي انا تكلم يا ليل
هنا ليل صد وكان ساكت
الجد لافي : تكلم يا ليل انا اسمع لك
ليل: بيوجعك الي بقوله ياجد خلني ساكت
الجد لافي: خله يوجعني بس تكلم انا بسمعك
ليل هنا دمعت عيونه وهو صاد
ونطق بصوت فيه الغصه: استقباله لي اول ماجيت كان ضرب وقالي كلام ياجد واضح طالع من قلب
الجد لافي : وش قال
ليل: قال اكرررهك كيف انك ماخذ ابوي منا وبس معه وهو ضدنا وبس معك اكرهكك انت شي سيء جاني انت غلطه بس تبعد ابونا عننا اكرهكك روووح عننا و فكني منككككك
كان ليل حافظظه من شدة ما انه مأثر فيه
ليل ماتحمل وهو يقول الكلام وتذكر شكل ابوه وبكى: ياجد لاتتركهم وخلك معهم هم عيالك انا لا انا حفيدك ولا صح غلطه على قولته واني ابعدك عنهم روح لهم ياجد وخلك معهم انا اتركني مابيصير لي شي ولا عاملني نفس الكل لاتعاملني بتميز عاملهم هم انا لااا انا غلطه غلطه
لف ليل وكمل بكاه بألم
الجد لافي بحده: مانتتت غلططه انتتت ولدي وحفيدي وكل شيييي بالنسبه لي ابوك ما قال هالكلام الا وهو مب بعقله وانا بعاملك باللي انا ابييهه مو الي هم يبونننه
ليل كان يبكي بألم و اول مره يضعف قدام احد
رفع رجوله ع المرتبه( كرسي السياره) وغطى عيونه بيدينه وكان يبكي
والجد لافي مصدووم لان ليل اخررر مره بكى وهو عمره 7 سنين كان يشوفه كنه وهو صغير
الجد لافي: ي ليل لاتوووجع قلبي ب بكاك
ليل: ياجددد كلامه سكاكين وطعنات بقلبببي الحين ياجد بنرجع وتعاملهم بهدوء واسلوبك معهم احلى من الي معي واناا نفسس رائف والعيال عاملني خلاص ياجد
مسح ليل دموعه بخشووونه وهو قلبه تعباانن
الجد لافي : ليل لا تسوي كذا واهدى
ليل: انا هادي بس بتسوي الي قلت لك ياجد وانا اصلاً بنزلك وباخذ زوجتي وبروح
الجد لافي: وييين بتروح وانت كذا
ليل : يمكن بيتنا
ماهي الا شوي ووصلو بيتهم ونزل ليل وهو متلطم ونزل الجد وهو مسانده وجلسه وطلع وجلس بالسيارة
واتصل على قمر
ردت قمر اسرع شي
قمر: وووينك
ليل: تحت انتظرك اسرعي البسي عبايتك وتعالي انا بالسياره ابيك
قمر: جايه
سكرو الخط وجلس ليل مهممموم بعد ماتذكر كلام ابوه قاطع تفكيره ركوب قمر معه
ركبت قمر وهي هاديه لانه عارفه وشفيه لانها سمعت كل شي
مسكت قمر يده وبدا ليل يمشي ويمشي ومو عارف ليش يمشي كذا كان الصمت سيد المكان لمن تكلمت قمر
قمر: ليل وين رايحين
ليل بهدوء: مكان احب اروح له اذا كنت متضايق
وصلو ونزلو وليل كان ياخذ معه ب سيارته فرشه و تكايات
نزلهم ليل وضبط المكان ومسك ب يد قمر وجلسو وانسدح بحضنها وكان بنفس اليوم القمر باين ومكتمل و منور المكان
جلست قمر تمسح على شعره وتطبطب عليه
ليل بهدوء : لو اختفى الليل تتوقعين بتجلس القمرا؟
قمر: لا لان الليل والقمر مع بعض ولا يفترقون والقمر بدون الليل ولا شي
مسك ليل يدها وحطها على عيونه وكان راسه وعيونها شبه ملمسهم حار بسبب العصبيه والهم والضيقه والالم والبكا
قمر: ليلي لايكون تعبان وماعلمتني
ليل: لالا صداع بس
قمر : ليلي ليش ماتقوم تصلي ركعتين وينشرح صدرك
ليل : بقوم
راح ليل توضى وبدا يصلي وقمر بجنبه صلى ليل ركعتين ونزل راسه ساجد وماتحرك
جلس على الوضع 8 دقايق تقريباً
قمر بدا الخوف يتسلل لقلبها وجلست تناديه
قمر: ليل
مارد عليها
قمر بخوف وصرخه خفيفه معها دموع: ليلل
برضو مارد قربت منه وحركته
وطاح ليل وانتقل ل ارحم الراحمين
قمر بصرخه: ليلل لااااا
.
.
امزح امزح معكم
-
حركته بخفه قمر ورفع راسه ليل ولف لها
ليل: هلا
قمر بدموع: خرشتنيييييييييي وشفيك ماترد عليي
حضنها ليل عشان يهديها
ليل: مدري اسمعك بس ماقدرت ارد احس في شي ماسك لساني ويجذبني للسجود
قمر : لاتخرشني مره ثانيه ي ليللل ولا توجع قلبي عليك
ليل: من عيوني
قمر: شرايك نرجع البيت
ليل: بوديك وانا بخلص شغله
قمر: ليل ابيك معي
ليل: برجع يا قمري برجع بس بروح شوي وارجع
قمر: طيب
راح ودا ليل قمر وشاف جده نزل له
الجد لافي: ليل ياولدي لا تضيق خاطرك
ليل ب ابتسامه كذبيه: ماعليك ياجد
قاطعهم ابو سلمان يركض
ليل: بسم الله وشفيك ياعمم
ابو سلمان: ابوووك
ليل بخوف: وش فيهه
...........................................................................
يتبع
